عدد الضغطات  : 14397

تابعونا عبر تويتر

العودة   منتديات بنات الكويت النسائية - منتدى نسائي - سيدات كويتيات > .·:*¨`*:·. اقسام ادبيه .·:*`¨*:·. > منتدى القصص والروايات


روابط دعائية
سبحان الله وبحمدة ,, سبحان الله العظيم

إضافة رد
 
أدوات الموضوع
#1  
قديم 06-08-2009, 08:15 PM
3soola
عضو فعال
3soola غير متواجد حالياً
لوني المفضل Cadetblue
 رقم العضوية : 124
 تاريخ التسجيل : Mar 2009
 فترة الأقامة : 2041 يوم
 أخر زيارة : 08-20-2009 (05:45 AM)
 المشاركات : 245 [ + ]
 التقييم : 10
 معدل التقييم : 3soola is on a distinguished road
بيانات اضافيه [ + ]
Thumbs up قصه من أروع القصص ( لمني بشوق وحضني )



قصــــــة لمني بشوق وحضني

الشخصيات الرئيسية \

عايلة (فهد) أبو خالد \
أولاده – خالد 25 سنه \حمد 14 سنه
بناته \ الماس-24 سنه \دانه-22 \قمر-20
عايلة )ناصر) أبو سعود \
أولاده-سعود-31 سنه متزوج الماس بنت عمه \ سلطان 29 سنه \فهد 25 سنه
بناته – سعاد 24 سنه – هنادي 22 سنه- منال 19 سنه
عايلة (نايف( أبو احمد \
أولاده – احمد 31 سنه –طلال 23 سنه –ناصر 25 سنه
بناته \ نوف 20 سنه \رنا 21سنه\تهاني 10 سنوات
الفصل الاول
)الجزء الاول)


نادى خالد دانه بصوت عالي من تحت درج بيتهم الكبير "داااااااااااااااااااااااااااااااااااااااااااا اااا ااااانه"
جته أمه وضربته بشويش على ذراعه وقالت "وش فيك تصارخ كنك مخنوق..." ضحك خالد وقال وهو يبوس يدها "ابد يمه بس بنتك العنز أخرتني وأنا عندي مشوار مهم "
أمه : ياوليدي النادي قريب من هنا
خالد (وهو يقلب عيونه فوق ) : العنز الثانيه بنمرها نأخذها معنا...(يقصد هنادي بنت عمه )...وبنجلس ساعتين قدام البيت نحتريها تطلع
أمه:هههههههههههههههههههه مين..؟ هنادي
خالد وهو طفشان لأنه تأخر على أخوياه : ما غيرها مو أنا سواق العايله.........وفي هالوقت نزلت دانه من غرفتها وهي تلبس عبايتها بعجله
ناظرت أخوها بضعف وهي تعض شفتها لأنها تأخرت عليه ..ناظرها من فوق لتحت وسوى نفسه معصب
"علومك طيبه يالله قدامي وكلمي النشبه الثانيه وخليها ترتز عند الباب وإلا ترى بنروح ونتركها ..قالت دانه وهي تبوسه مع خده بسرعه :تآمر أمر
ماقدر خالد إلا يبتسم لرقة أخته ....ياجعلني فدا هالوجه
دقت دانه على هنادي ..إلي ردت برجتها المعتاده "ارحبوووووووووووووووووووا"
دانه " ههههههههههه اخلصي اطلعي
هنادي وهي تركض يمين ويسار تجمع أغراضها ..:انتم وينكم
دانه :قربنا من البيت...
هنادي :يا مال أبو رمح (هذا مرض يصيب الغنم هههههه) خرشتي قلبي حسبتكم عند الباب
في هالوقت كان خالد يالله ماسك نفسه يبي يضحك من خفة دم بنت عمه وهو سمعها لان جهاز دانه خربان ومايكلم إلا بالسبيكر ..
دانه :وجعوه قولي أمين جايه بآخذك يالخايسه وتدعين علي...اخلصي يالله قربنا بعض الناس شايطين من تأخري
هنادي بصوت رومنسي ساخر :من إلي جايبك ولدي عمي الوسيم ملك زمانه
ناظر خالد وهو يحاول جهده عشان مايفطس من الضحك دانه إلي قاب وجهها من الفشيله ..
دانه وهي متوهقه :هناديوه أنطمي
هنادي:اها بس لايكون مصدقه عمرك..اخلصي بس خليه ينهج مانبي نتأخر ع النادي ياليتني ما اشتركت كان الحين مكبره المخده وفالتها نوم كله من سبايبك ياوجه العنز
هنا ماقدر خالد يتمالك نفسه وجلس يضحك ...ناظرته دانه بتعصيب تو ماعجبته السالفه قطيعه .
قالت هنادي تستهبل :دانوه بعترفلك بشي....
قالت دانه بسرعه لأنها عارفه بلاوي بنت عمها :أقول أنطمي حنا عند الباب يالله اطلعي...
هنادي:ههههههههههههههههه جايه 5 mints
قال خالد يستخف دمه :طيب ورى ماخليتيها تعترف
دانه وهي تناظره بنص عين ..."لا والله مابقي إلا هي
ولأول مره تطلع لهم هنادي بعد خمس دقايق..ومن العجله البرقع على جنب ما عدلته..جلست دانه تضحك على شكلها..
دخلت هنادي السياره بأدب وسلمت..رد خالد عليها السلام وهو يناظر عيونها الوساع في مراية السياره ..لكنه رجع وناظر قدامه في الطريق
قال خالد وهو يوقف قدام النادي : أذا خلصتن دقن علي..
قالت دانه وهي تنزل :إن شاء الله..
قالت هنادي وهي تنزل عبايتها:ول عليه ولد عمي كل ماله يحلو أكثر
دانه :ههههههههههههههههههههههههههههههه والله انك مضيعه توك شايفته قبل اسبوعين
قالت هنادي وهي تكش عليها بيدينها الثنتين :وأنتي على بالك أسبوعين قصيره...
دانه:هههههههههههههههه ياعيني يالحب
ناظرتها هنادي بتعصيب :مابقي إلا أحب أخوك هالبدوي من يحبه
قالت دانه وهي تضربها على كتفها :بدوي في عينك
قال هنادي وهي تحك كتفها (يقال أنها متعوره من ضربة دانه ) :وأنا صادقه أخوك مره عصبي ياكافي مين إلي بتتحمله..
دانه:أنا ما أنكر انه عصبي بس قلبه ذهب
قالت هنادي تتطنز :ذهب ولا الماس لايكون بس تخطبيني له
دانه: مابقي إلا هي عايفه اخوي أنا
وجلسن على ذا الحال طقاق وهواش كالعاده دائما ...
:
:
بعدها بساعتين كانن البنات جالسات بالكفتيريا ، وكانت هنادي تتكلم كالعاده لكن دانه ماكانت منتبهه لكلامها..
هنادي وهي تلوح بيدها قدام وجه بنت عمها :ياهوه يالربع اسولف مع العصير أنا
دانه وهي توقف وتعدل تنورتها الجنز إلي لنص الساق وبلوزتها السوداء الحفر :دقيقه وراجعه
وراحت تمشي وما غاب عن بالها إن كل إلي بالكفتيريا كانوا يناظرونها وهذا شئ هي متعوده من يوم ماهي صغيره لان جاذبيتها كبيره بشعرها البني الكاكاوي اللامع إلي لنص ظهرها وعيونها العسليه الفاتحه والملفته للنظر وبياض بشرتها وجسمها الشبيه بعارضات الأزياء لكنه أجمل حيث إن حناياه ممتليه بأنوثة مثيره..تابعت دانه طريقها حتى وقفت قدام طاوله تجلس عليها عجوز كبيره في السن وكان شكلها تعبانه..
قالت دانه برقه : مساء الخير فيك شئ ياخاله
ناظرت العجوز دانه بتعب وابتسمت وهي تربت على يدها إلي محطوطه على الطاوله :لايمه ما فيني إلا العافيه بس الشغاله راحت تدل خواتي وبناتاخي (يعني بناتهن) مكاني و ابطت
دانه:بغيتي منها شئ
العجوز:موعد إبرة السكر فات وشكله ارتفع معي
دانه وهي تجلس :وينها إبرتك أنا أعطيها لك.......
ناظرتها العجوز باستغراب دانه فهمته غلط ..لان العجوز مستغربه كيف من بنت رقيقه ودلوعه مثلها تستحمل تضرب احد بإبرة ..
ابتسمت دانه :لاتخافين أبوي يستخدم الإبر وأنا إلي اضربه
وبعد إلحاح من دانه عطتها العجوز الابره وعلمتها بمقياسها وبخفة يد ولمحة بصر ضربتها دانه ورمت الابره
باستها العجوز على خدودها ، وقالت :سلمت يدين إلي على الطيب رباك يابنيتي..أنتي معك امك هنا
ابتسمت دانه ابتسامه أخذت عقل العجوز ...: لا أنا وبنت عمي هنا لان بنت عمي سمينه شوي ..(ابتسمت بحب كبير)....وتسوي رياضه وأنا أجي معها اسليها وآخذ أحيانا حصص كومبيوتر
ابتسمت العجوز وهي تأشر بعيونها على الطاوله إلي هنادي جالسه عليها:هذيك بنت عمك أم شعر أشقر طويل كله كيرلي
قالت دانه وهي تبتسم لان العجوز تعرف حركات البنات :ماغيرها ..وأنتي ياخاله بناتك مو جايات
العجوز :ناديني أم راكان لا أنا ماعندي بنات
حزنت دانه ومافات هالشئ العجوز ...إلي ابتسمت وقالت :بس عندي ولد واحد عمره 35 سنه الله يخليه لي
دانه برقه:الله يخليه لك ياخاله
أم راكان : ويخليك لعين ترجيك يمه
ترددت دانه ودها تسال العجوز ليش عندها بس ولد لكنها أسكتت لأنها ماتحب تتطفل وهذا مو طبعها بس فيه سحر غريب يشدها لهالمره إلي يشع الحنان من شخصيتها إلي ماتنكر إنها مهيبه بشكل واضح
ابتسمت أم راكان وقالت : أنتي مشغوله الحين
التفتت دانه على هنادي ولقتها تكلم بنات تعرفهم من الجامعه وشكلهم راعين طويله لأنهن جلسن معها على الطاوله
دانه بمرح : لا شكل بنت عمي لقت من يلهيها غيري
أم راكان وهي تبتسم : ماعليه طبعا أنتي أكيد تتساءلين ليش ماعندي إلا ولد واحد بس
ابتسمت دانه بحرج وقالت بصراحتها المعهوده :أكيد بكون فضوليه لكن هذا مايعطيني الحق إني أسال
كبرت هالبنت في عين أم راكان خصوصا صراحتها وبوحها ب إلي يختلج في صدرها
أم راكان :ماشاء الله عليك تصدقين يابنيتي انك تفاجئيني عندك مبادئ ضنيت من زمان إنها تلاشت
)ابتسمت دانه وعيونها تشع) .... وكملت أم راكان ...أنا وحيدة أمي وأبوي وكبرت وأنا ما تزوجت على كثر خطابي لكن أبوي رفض يزوجني )ضاق صدر دانه ولاحظت أم راكان ) لا تخافين أنا كنت موافقه كان كل شئ عندي المال العز والجاه والحب إلي يغمرني فقلت وش أبي بالزواج
)سكتت أم راكان واستغرقت في ذكرياتها وذيك الأيام الحلوه واحترمت دانه هالشئ وانتظرتها لين تكمل هي بنفسها (
ومن خبرتها الكبيره في الحياة عرفت أم راكان سبب سكوت دانه وزاد قدرها واحترامها لهالبنت المميزه
بعد دقايق ابتسمت أم راكان بحب ووجهها يشع للذكريات إلي لأول مره تلقى احد مهتم يسمعها غير راكان ..إلي صار له أسبوعين غايب في اسبانيا رحلة عمل ..
وكملت كلامها :المهم مرت السنوات وأنا على موقفي وأبوي على موقفه على الرغم من أمي كانت تعاتبه لأنه وقف في وجه طريقي لكن أبوي كان يحبني وأنا كنت أحبه وكان رأينا واحد عمره ما اختلف .. أثناء رفضي للزواج كان ولد عمي (عبد الرحمن ( يحبني وكان عارف وجهة نظري وعشان كذا ظل ساكت وما طلبني لأنه بيشوف أخرتها معي أنا وأبوي,,ومرت السنين وأنا غافله عنه وهو كان رافض نهائيا الزواج ينتظرني وتزوجوا إخوانه إلي اصغر منه وبقى هو عازب .. المهم أبوي جاه المرض الخبيث الله يكفينا والمسلمين شره وعرف انه بيموت
سكتت أم راكان تشرب ماء ودانه متحمسه مره ماتوقعت يكون هناك في الواقع قصص رومنسيه بهالشكل ابد
كملت أم راكان..: المهم أبوي هو تقريبا إلي مربي عبدالرحمن وكان يعرف انه يبيني لكنه انتظره عشان يتكلم وعبد الرحمن ماتكلم عشان كذا وهو بالمستشفى وقبل مايقول لعبد الرحمن سبقه هو وتكلم وطلبني منه ووافق أبوي وبعدها بأسبوعين تزوجنا وكان عمري تقريبا 38 سنه وهو 45 سنه يعني كان يحبني وأنا بالعشرينات
دمعت عيون دانه من التأثر وسألت : طيب أنت وش كان موقفك من الزواج ..؟
استغربت دانه من حمرة الحياء إلي صبغت وجه أم راكان وضحكت بحب وهي تقول : تصدقين لو قلت لك إني كنت أحبه لأني شفته كذا مره في المناسبات لأننا في عايلتنا عندنا طبع مو زين إننا مانتغطى عن عيال عمنا بس نتحجب و البعض مايتحجب وبديت أحس بشئ غريب يسري فيني لا طاحت عيني بعينه كان هو مثال للثقل وكانت شخصيته ترهب وهذا إلي شدني له عكس عيال عمي الباقين إلي كانوا لعابين وتصرفاتهم تصرفات مراهقين تقريبا.وقلت في نفسي إن خطبني تزوجته وغيره لا...
دانه وهي تمسح دموع التأثر..:يا سلام قصه ولا أروع
أم راكان : سقى الله ذيك الأيام كانت اسعد أيام حياتي .. عشنا سوى حوالي خمس سنوات وعلى الرغم من أهله كان يلحون عليه عشان يتزوج علي حتى يجيه عيال إلا انه كان متمسك فيني والموضوع فتحوه مره بس و ماعاد تجرؤ فتحوه مره ثانيه .. وبعدها بفتره قصيره حملت وجبت راكان وماجبت غيره بحكم تقدمي في السن..
لما صار عمر راكان 24 سنه توفى عبد الرحمن بسكته قلبيه .. (وتهدج صوت العجوز) حطت دانه يدها على يد أم راكان وقالت بحب :ما له إلا الدعاء لان ماراح ينفعه إلا كذا والله يرحمه ماقصر وعيشك أحسن عيشه و أهداك راكان أعظم هديه وذكرى بهالكون ..
ام راكان :صدق من قال كلمه تجرح وكلمه تداوي .. وكلامك مثل البلسم الشافي
دانه بحياء : هذا من طيبك ياخاله الله يحفظلك راكان من كل مكروه
العجوز وعيونها تشتعل بحب وحنان أمومي فاق الوصف لما أنذكر اسم ولدها : اللهم أمين لولا الله ثم هو كان ما يندرى عن حالي الحين..
عقدت دانه حواجبها دلالة عدم فهم ..وكملت أم راكان تشرح :بعد ماتوفى عبدالرحمن ما أمداني ماطلعت من العده إلا وإخوانه وعيال عمه جايين يطالبوني بالورث كله .. على إن الشرع مقسمه بيننا بعدل و من زود طمعهم كانوا يطالبوني بورث أبوي إلي كان كله مكتوب باسمي قبل مايتوفى وكأنه داري عنهم وعن قلة أصلهم .. وفي هالوقت إلي كان الكل فيه ضدي حتى خوات عبدالرحمن وأمه والكل ماعدى أخته (رحمه) الله يذكرها بالخير هي إلي كانت بصفي بس ما احد عبرها.....راكان الله يحفظه لي كان توه راجع من برى لأنه كان يدرس بجامعة هارفرد وأنهى لحسن الحظ دراسته ووقف في وجيههم كلهم وحفظ لي حقي وصان كرامتي قدام الناس ومسك أشغال أبوه وعلى الرغم من أن عمانه بفضل خبرتهم ضربوه في السوق كذا مره إلا انه كان يقوى أكثر ويصلب عوده والحين صار الكل يحسب له ألف حساب وعمانه بدو يستميلونه ويحاولون يكسبون ودّه..
هزت دانه راسها وهي محتقره هالمنافقين إلي ما عندهم دم ولا كرامه من سواياهم في مرة أخوهم وولده وجشعهم على الرغم من أن الله مغنيهم لكن عيونهم فارغه ما يملاها إلا التراب...
دانه باشمئزاز :منافقين الصراحه أكيد ماعبرهم
هزت أم راكان راسها نافيه : لا أنتي ما تعرفين راكان طبعه يسامح بس ما ينسى ...
حست دانه بشئ غريب يشدها لراكان .. حنون مع أمه في وقت هو قاسي مع غيرها..تحمل قسوة أعمامه وحقدهم والحين تمصلحهم حتى يكسبون وده لأنه صار تاجر كبير .. ياترى كيف القسوه تتفجر ويطلع منها هالحنان وإلا بس هو موجه لامه من بد كل هالناس .. من كم وهو يعاني ....عشر سنوات ..وهو يكافح ويتعب ويناضل ..ما تغيرت مفاهيمه للحين؟ .. وإلا حولوه لإنسان قاسي ما يعرف الرحمه !..
بس أمه ما قالت إن عمره 35 سنه أكيد انه متزوج وعنده ثلاث أو أربع أطفال ...وأكيد بيكون لهم حصة من حنانه الشبه معدوم ومن بيلومه الصدمات تخلي الواحد يصاب بالتبلد ..شطح تفكير دانه لبعيد ..ياترى كيف تعامله مع زوجته هل يتخلى عن قناعه إلي يلبسه حتى يخافون أعدائه منه ويرهبونه ويرميه أول ما تطيح عينه عليها وإلا يستخدمها كوسيله لإفراغ انفعالاته وغضبه و لإراحة نفسه حتى لو كان هالشئ باستخدام طريقه الناس الجهال المتخلفين ..(تلونت خدود دانه بلون دافي من تفكيرها إلي مشى بها أميال في طريق ماسبب لها إلا الألم ...بس هالانسان لغز محير يستاهل إن الواحد يتوقف ويتفكر فيه (
وفجأة شافت دانه شله كبيره جايه لطاولة أم راكان وابتسمت وهي توقف وتحس بحزن غريب لأنها بتترك العجوز:كان شرف لي الكلام معك ياخاله
كان ودها العجوز تمسكها وتعرف اسمها و بنت مين بس عايلتها وصلت وانشغلت بهم بس ما راحت عن بالها هالبنيه الخلوقه إلي خلتها تعيد حكمها في بنات الزمن هذا والي فيه من أشكال (ساره) الكثير تضايقت العجوز من ذكر (ساره) إلي ماجاها من وراها هي وولدها الغالي إلا المشاكل والشر قطيعه تقطعها هي وسيرتها..
؛
قالت دانه وهي تتمشى :تصدقين دخلت قلبي هالمره ..
قالت هنادي وهي تتأفف وتناظر في ساعتها : صارت لك ربع ساعه وأنتي صاجتني كان سألتيها إذا عندها ولد تزوجه لك
هنا عصبت دانه لان جروحها مازالت عميقه من بعد طلاقها عن ولد عمتها إلي ماكان يستحقها
"وأنتي مافي بالك إلا العرس ... اعرفي انه أخر @شئ أفكر فيه"
قالت هنادي بعصبيه لان بنت عمها ماتخطت طلاقها للحين :بصراحه طحتي من عيني ما توقعتك ضعيفه
قالت دانه وهي تحس بالدموع تتجمع في عيونها وقلبها يتقطع :سكري على الموضوع
طبعا أكيد تتساءلون وش سبب حزن دانه اوكي راح أقول لكم ...دانه تزوجت قبل سنتين يوم كان عمرها عشرين من ولد عمتها شيمه (عبدالعزيز) إلي كان مو حاسب لها حساب ويتصرف في حياته مثله يوم كان عزابي ..لكن إلي يحز في النفس أكثر إنها كانت توده وتميل له ولو انه عدل تصرفاته وصار وفيّ لها كانت طاحت في حبه بس هو كان لامسؤول وعابث مغازل بالجوال والانترنت و راعي تفحيط يعني كأنه مراهق مو رجال عمره 28 سنه ..لكن إلي كان مصبر دانه عليه لسانه وكلامه المعسول إلي يخليها تضعف وتصدق انه راح يتوب ويترك عنه هالحركات ...ياه أحيانا دانه تشتاق له وتبكي على الأوقات الحلوه إلي كانوا يمضونها سوى وخفة دمه لكن لما تتذكر ذاك اليوم إلي بسبته جاها انهيار عصبي وحاله نفسيه ماتشافت منها إلا السنه إلي فاتت ترجع تكرهه وتكره قسوته وتكره الزواج بكبره .........ذاك اليوم ورجعت دانه تتذكر .........
إلا إن هنادي هزتها بلطف من كتفها :خالد برى ينتظرنا
دانه وهي تعقد حواجبها :غريبه مادق على جوالي
هنادي وهي تضحك :ههههههههههههههه أزينه من جوال رايح في خبر كان اشتري غيره وفكينا
دانه وهي تتأفف :ياحبك للمظاهر وشفيه نوكيا 7610 شوفيه وش زينه
هنادي:هههههههههههههه بزود الناس متطورين وأنتي مازلتي على أيام الدمعه وبعدين اسمعوا مين يتكلم عن المظاهر
دانه:هههههههههههههههههههه والله انك مضيعه أصلا أنا كنت ناويه اطلع بكره واشتري آخر موديل نزل
هنادي:قللللللللللللللللللللوش أخيرا هذي بنت عمي إلي اعرفها
دانه :هههههههههههههههههههه فضحتينا يمال ماني بقايله
هنادي متروعه لان خالد يدق عليها :لا والله إلي رحنا فيها أخوك قابه شياطينه عجلي علينا البسي عبايتك خلينا نطلع لا يدخل يسحبنا مع كششنا
دانه فاطسه من الضحك من كلام هنادي إلي كان وجودها بالنسبه لها في جميع مراحل حياتها مثل البلسم إلي يداوي ويلطف وتمنت من كل قلبها لو تكون زوجة لاخوها بس أهي عارفه أنهم اثنيناتهم دايم يتناقرون وما يحبون بعض ما تدري وش السبب
طبعا لمحة الحزن إلي مرت في عيون دانه ما فاتت هنادي إلي أوجعها قلبها لحال بنت عمها .. لأنها تعرف قدر عبد العزيز عندها وتعرف إن قلبها للحين ينزف .. لكن هذي هي دانه فولاذ من برى وزجاج سهل الكسر من جوى .. آه بس لو تلقى ابن الحلال إلي يستهاهلها .. وتشيل من راسها فكرة إن كل الرجال سواسيه وأنهم خاينين .. بس لا حياة لمن تنادي لان دانه مع كل رقتها وعذوبتها عنيده بقسوة الصخر ..
تنهدت هنادي ولبست عبايتها..
طبعا الجو في السياره كان خانق لان خالد كان معصب على البنات .. كانت دانه تحاول ماتنفجر من الضحك لان هنادي كانت تكلمها بهمس وتنكت على خالد بحكم جلوسها في الكرسي إلي وراها...
آخر شئ ماقدرت دانه تتحمل وانفجرت بالضحك...ناظرها خالد بنص عين و أسكتت على طول وهي تلوم هنادي لأنها دايم تورطها في مواقف مالها داعي.
**************
)الجزء الثاني(


فاتت سنين وأنا بسمعك ..ولا عمري فكرت أخدعك
مالقتيش جرحي بيوجعك...ولا قلبي عز عليك..
و عايزني..تاني أصدقك..
والله أنا قلبي جنيت عليه..وبكل بساطه لعبت فيه..
.وعايزني ارجع دالوقت لحياتي معاك...شفت القسوه فيك..وعرفت الغدر ده من عينيك
أنا بعد دا كل أزاي وليه..ارجع لهواك
عيشتني في أجمل هوى..ووعدتني نكون سوى
أخرتها ضاع عمري بأيديك..ماتقولي ذنبي أنا إيه
مسحت دانه دموعها بقفا يدها يبدو إن الدموع صارت عاده عندها ...كيف تقدر تنسى وكيف ما تبكي والي صار محفور في ذاكرتها كيف..؟ الزوجه تقدر تسامح وتصفح عن كل شئ إلا الخيانة..؟ لأنها جرحها مميت ويبقى أثره لأخر العمر ..ضمت دانه رجلينها وسندت ظهرها للسرير وهي تفكر وتحاول تدور الغلط إلي ارتكبته والتقصير حتى يخونها بهالقسوه ويهزها من الأعماق ..وين الحب إلي دايم يتكلم عنه وين راحت غلاة ..دانة حياته ونور دنياه..كل كلام الحب زيف وخداع ليه طيب ..كانت له نعم الزوجه والحبيبه والصديقه ..كيف نسى وقفتها معه يوم توفى أخوه في حادث وكيف كانت له سند وقوه لما يرجع لها وعواطفه مستنزفه من حزن خواته وأمه وأبوه وإخوانه ..كيف تحملت حزنه وكتمت حزنها عشان خاطره ..كيف نسى أمسياتها الرومنسيه ومفاجأتها له..كيف هانت عليه ... شهقت وجلست تبكي بصوت مكتوم حتى ما تسمعها أمها .. آه ياليتها تغمض عين وتفتح عين وتلقى ذاكرتها ممسوحه .. ذكرى ذاك اليوم زي السم إلي يذبح فيها شوي شوي .. بكل قسوه وألم..
ومن بيلومها ....حطت راسها على المخده وجلست تسترجع ذكرى ذاك اليوم إلي دمر لها حياتها كلها ...
كان ذاك اليوم بداية العطله الطويله قبل سنتين كان عبدالعزيز مسافر الإمارات عشان يساهم في بورصة الإمارات .. ونزل دانه عند أهلها وبعد وداعه الحار إلي مليان مشاعر لها وعدها يرجع بعد يومين يعني يوم الخميس .. نزلت دانه وراح هو للمطار ..غمضت عيونها بقسوه كيف كانت غبيه وعلى نياتها للدرجه ذي كان يستهزء فيها وهي يا غافلين لكم الله ..مرت الأيام وخبرها انه بيرجع فجر الجمعه ... وانه بيمر يآخذها ماله داعي تجي... هي صدقته الغبيه .. ويوم صارت الساعه 12 بالليل حست بالملل وعيا النوم يجيها لأن زوجها (الوفي) بيرجع بعد أربع ساعات بالكثير ومن زود ما هي تبي راحته طلبت من أخوها خالد يوديها بيتها حتى ترتب البيت وتستعد له ..(جلست تضحك من بين دموعها بسخريه على نفسها )..طبعا لزمت على خالد يدخل يشرب شئ ويتأكد معها إن البيت خالي لانهم ساكنين بفيلا مؤجره وواسعه وهي تخاف تدخلها بلحالها ..طلعت الدرج إلي بالجنب بالصاله الواسعه وصوت خطواتهم بس إلي يتردد بالبيت الرخامي الواسع مشت لغرفة نومها إلي بوسط الدور الثاني والي قبلها صالة استقبال حلوه و أنيقه فيها صوفا طويله وكرسيين متقابلين وبينهم طاوله زجاجيه مذهبة الأطراف .. جلس خالد بالرسبشن وتقدمت دانه لجناحهم الواسع إلي فيه صالة جلوس صغيره وحمام وغرفة نوم ملوكيه فخمه بديكوراتها الزرقاء والذهبيه .. ولما دخلت الجناح كان قدامها غرفة الجلوس بعدين السرير الواسع إلي تغطي أطرافه ستاير زرقاء خفيفه ..
حست برعب وخوف وتمنت لو تموت في هاللحظه وهي تشوف شخصين بسريرها ..مشت مثل المخدره أو مثل السجين إلي محكوم عليه بالإعدام ظلم وعودان بدون ذنب..
مشت وهي تحس نفسها ميته ..جسم يهيم بلا روح ..وقلب مع كل خطوه يتقطع ألف قطعه وقطعه ....
وشافته مع الخدامه ..في سريرها وبين يدينه ..وهو يضمها لصدره.....
صرخت صرخه...وانهارت ولا عاد تتذكر إلا دخلت أخوها الغرفه ..وفزت عبد العزيز وخوفه وصدمته لما شافها ..
وما صحت من الصدمه إلا بعد كم يوم .. وعرفت إن إلي جاها انهيار عصبي .. وان عبد العزيز طلع من السجن من بعد ما طلب له خالد الهيئه وطلع مأمن نفسه وانه متزوج الشغاله زواج مسيار يعني حلاله مو مسوي شئ حرام ومخالف للشرع..
تذكر دانه يوم قدر يدخل غرفتها بالمستشفى قبل وقت الزياره وقبل مايجونها أهلها ,, واستغل الفرصه لان أمها إلي مرافقه وكانت طالعه تجيب غرض وترجع يعني مافيه احد يمنعه من شوفتها ..والي صار له أسبوع وهو يتحرى لها
تذكر أنها جتها نوبه لما شافته و حست بالقرف والحزن والألم ..وطلبت منه وهي تبكي يطلع ولا عاد يوريها رقعة وجهه .تذكرت وجهه إلي دايم باسم و مزوحي .. وهو راكع عندها يبكي بحسره وألم على إلي سواه فيها..
عبدالعزيز:سامحيني يالغاليه طلبتك سامحيني
قالت دانه له وهي تبكي وبين دمعه وثانيه كانت تتنفس وتشهق (لكم عاد تتخيلون الموقف) : اطلع يا عبد العزيز اطلع أنت دمرتني ذبحتني بالحيا
جلس يبكي من قلب ..:أنا أسف يالغاليه والله أسف
دانه وهي تصد عنه :ما ينفعك الأسف أنت قضيت علي... شغاله ..تحط السيرلانكيه بقدري ( وصرخت فيه بعز وكبرياء وهي تناظره باحتقار ) أنا بنت فهد ابن سبع زوجي يتزوج علي و مين شغاله ..
تغير لون وجهه وأحنى راسه من الخزي إلي ارتكبه ببنت خاله ...قال وهو يتوسل لها : اطلبي إلي تبين أنا مستعد أنفذه لك أنا عارف انك ما راح تصدقيني بس والله إني احبك وأموت فيك والي صار من اليشطان ومن الشغاله إلي أغوتني حتى صار إلي صار
قالت له وهي تمسح دموعها بقوه و كأنها تمسحه هو من حياتها :أبيك تطلقني والحين
وقف و الصدمه على وجهه ، قال بهمس :أطلقك
وقفت بدورها من الكرسي إلي كانت جالسه فيه وراحت تمشي وتوقف وجهها للشباك وظهرها له..:سو جميل فيني وخلني اذكر عنك لو شئ واحد سويته لي وريحني
قال بزعل وصدمه لأنه يحبها بطريقته :ما اقدر أعيش بدونك يا دانه يقولون الواحد مايحس بقيمة إلي عنده حتى يخسره
التفتت وقالت له والدموع على وجهها تتلاحق :أنت قلتها يخسره وأنت خسرتني خلها تجي بالطيب يا ولد العمه أحسن
حزت بخاطره كلمة ولد العمه وحركت نخوته إلي صار لها فتره خامله ..قال وهو يمسح دموعه ..: مالك إلا طيبة الخاطر يالغاليه بس لي طلب
ناظرته باحتقار وكأنها تقول له تتشرط بعد إلي سويته فيني ..وكمل بملامح تقطع القلب :طلبتك لا ترديني.. آخر طلب قبل لا نفترق .....
)قبل لا نفترق...) صداها يتردد في كل مكان كانت تكرهه وتحتقره وتبغضه وتتمنى موته ...
لكن ليش الكلمه هذي نزلت عليها مثل الزلزال..؟ ليش حست بغصه تحرقها..؟ ليش حست بنهر وفيضان دموع يهدد بالنزول..؟ ليش تمنت لو أنها ما أنولدت في يوم ..؟
هزت راسها حتى تسمع طلبه...
تقدم منها ببطء وهو على وشك وينهار مو مصدق كل إلي يصير..ساعات تكون اليقظه والتوبة متأخرة و متأخره كثير كثير...!
-ضميني....!
أنصدمت دانه :-وش هو...؟
قال بحزن وهو يحاول يتماسك :-لآخر مره ضميني ....!
قالت بهمس وهي ترتجف :بعد كل إلي سويته ..؟
قال وهو يقرب منها : ما أستاهلك اعرف ..بس أبي أحس بدفى حضنك قبل لا أتركك هذا أخر طلب عندي قبل السماح وقبل ما نفترق
نزلت دانه راسها وهي تبكي بشكل ما صار لها بحياتها كلها .. يا ليتها ما تركت عز أبوها وراحت بالها وأيامها الحلوه وتزوجت منه
قرب منها حتى ما صار يفصل بينهم إلا الهوى وأنفاسهم المضطربه .. وبدون ردة فعل ضمها لصدره بكل قوته وجلس يبكي وهي تبكي بصمت كان يبي يختزن ريحتها ورقتها ونعومتها في قلبه وذاكرته للأبد... غلط غلطه عقابها كان حرمانه منها العمر كله ..كيف بيعيش بدونها..بدون حنيتها .. ورقتها .. صحيح انه كان مو وفيّ بس كان يحبها وكانت غير في نظره عن كل بنات حواء ..كانت الصفاء والطهاره والعفه..كانت بلسم جروحه كانت الراحه بالنسبه له والقلب الكبير إلي ياما سامحه على زلاته وأخطائه ..تركها بعد ما انسحبت من بين يدينه تاركة حظنه بارد خاوي ....
قالت بهدوء غريب وصوت مبحوح من البكاء : نفذت طلبك..أوف الحين بوعدك
ناظرها وهو يمسح دموعه بشماغه .. :وأنا عند كلمتي..أنتي..انتـ...ي طالق..طالق..طالق
حست دانه من بين موجة الم هالكلمه .. بنوع من الراحه الحين بيطلع من حياتها بترتاح منه .. من انتظار حبه الصادق..من انتظار زلته الجديده..من انتظار أعذاره وتبريراته ...
قال وهو يمسك مسكة الباب :بشتاق لك ديري بالك على نفسك يالغاليه وسامحيني الله يرزقك بمن هو أحسن مني
ماردت عليه دانه .. وطلع من الباب .. وبهالشكل طلع من حياتها للأبد...
قالت هنادي لام خالد : وش تسوي دانه بغرفتها العصر غريبه
قالت أمها بضيق وصوت مرتجف : مشغله شريط لأليسا ومسكره النور والباقي أنتي تعرفينه به
تنهدت هنادي بضيق هذي حالة دانه من بعد ما تطلقت .. ساعات ترجع دانه الأوليه المرحه راعية المقالب وساعات تنتكس حالتها مثل الحين عجزوا معها سفروها أهلها للخارج .. ما تركوها ولا دقيقه ..لكن مافيه فايده
دخلت هنادي الغرفه وجلست جنب دانه إلي جالسه على الصوفا الزهريه الناعمه ...ومسنده راسها على المخدات ..قالت وهي تبتسم من قلب لهنادي بنت عمها وصديقة طفولتها ..:ياهلا وغلا نور المكان
قالت هنادي وهي تتكلم مصري :دا المهلي ما يولي
دانه:هههههههههههههه ما تتركين حركاتك
قال هنادي تنتقدها : نور طافي وصوت أليسا الحزين يردح في المكان خير إن شاء الله
دانه "ولا تزعلين.. )مسكت الريموت وسكرت الستريو(..
وجلست مبتسمه ..
قالت هنادي بجديه :لمتى بتظلين على هالحاله ..؟
قالت دانه وهي تخفي انفعالها بمجله بين أيدينها : أي حاله ..
قالت هنادي وهي تاخذ المجله و تحطها بعنف على الطاوله الصغيره إلي بجنب الصوفا : لا تستغبين لان ما احد يفهمك مثلي .. أنا متأكده بأنك ما تحبينه ليش متأزمه قولي لي..
قالت دانه وهي تطوي أصابع يدينها بارتجاف : مقدر أنسى يوم شفته نايم مع الشغاله الشئ ذا دمرني..هز ثقتي بنفسي..
تأففت هنادي: دانه ( ومسكتها مع كتوفها تهزها) اطلعي من هالقوقعه إلي حبستي نفسك فيها أنتي ألف من يتمناك والدليل الخطاب إلي كل يوم يخطبونك وأخرهم الرجال إلي عند عمي الحين .. أنتي تملكين الأخلاق الجمال والطيبة ..ما أنتي من مستوى الحيوان إلي تزوجتيه...أزين شئ سواه بحياته انه طلقك بدون شوشره ولا يغرك الموقف الرومنسي إلي كان بينكم ذاك اليوم بالمستشفى كان يبي يريح ضميره بالأحرى ..والدليل على إن ذيل الكلب ما ينعدل شوفيه اخوي شايفه بشقة عزابيه الأسبوع إلي فات وكان عندهم بنات (ماكانت هنادي ناويه تقول لها لأنها ماتبي تجيب سيرته لكن لازم تصحي بنت عمها وتخليها تلحق عمرها حتى لو كان هالشئ قاسي ومؤلم عليها(
تشنج وجه دانه دليل من صدمتها وحست بغباء كبير .. ليش خلت هالانسان العديم الإحساس يدمر حياتها واستقرارها الشخصي ,, وهو لاهي ومستانس على الرغم من أمه لمحت قبل فتره لما زارتهم قبل ثلاث شهور أنهم بيخطبون له ، دانه ماحست إلا بالضيق رغم أنها تعمدت اللا مبالاة في وجه عمتها الحقوده المعدومة الشخصيه لان بناتها وبنات رجلها هن إلي يحركنها على كيفهم ف إذا رضن على احد رضت هي وإذا زعلن على احد زعلت هي ..
قالت دانه وهي توقف قدام الستريو وتناظر في CD المصفوفه بترتيب جنبه في علبه خاصه ..:أنا استغرب يا هنادي.......(وسكتت كأنها ما تدري وش تقول أو كيف تعبر..)وقفت هنادي جنبها تناظر فيها وهي تحوس في CD بتوتر
وماتكلمت تنتظرها تتكلم
قالت دانه وهي تفتح CD لمحمد عبده : أنا ما أحبه .. بس أتضايق لما يقولون انه تزوج أو خطب .....(وهزت كتوفها بضعف..) شئ غبي ما أحبه و أتضايق لأنه سعيد ومكمل حياته
قال هنادي بعقلانيه ودقه :شوفي أنا راح أقولك سبب إحساسك ذا....
دانه :هههههههههههههه طبقي علم نفسك إلي تدرسينه علي (وكانت تقصد تخصص هنادي بالجامعه وهو علم النفس (
ابتسمت هنادي .. وكملت : الموضوع ببساطه انك مجروحه في الصميم وتنقهرين لأنه قدر يتجاوز طلاقكم و ظروفه ببرود وقدر يكمل حياته ولا كن شئ صار في وقت أنتي فيه ما تخطيتي الصدمه والي صار
اتسعت عيون دانه من دقة تحليل بنت عمها..إلي فعلا كان مطابق ميه بالميه لشعورها لأنها تحس نفسها مخدوعه ومظلومه لأنها تكافح عشان تمحي أثار جروحه في وقت هو عادي ولا كن شئ هامه ...ولامت نفسها كيف كانت غبيه بس إلي كان مهون هالشي عليها أنها ماكانت حزينه لفقدانه هو ..لا ..كانت حزينه لأنها فقدت كل شئ كانت تحلم به ..الاستقلالية .. الأمومه .. والاهم من هذا كله شخص يحبها يقدر فكرها وتكون محور الكون عنده بحيث ما يتنازل يناظر حرمه غيرها ..
ابتسمت دانه ابتسامه ملتويه : الروايات لاعبه فمخي مافيه بذا الوجود حب حقيقي ..قاهر .. يتحدى الحدود والعقبات ..صادق .. ومافيه رجال وفيّ..
قالت هنادي معاتبه وهي تمزح : أقول لا تسدين نفسي عن الزواج تراني أبي العرس
دانه :ههههههههههههههههههههه إلي يسمعك يصدق انك مستعجله على العرس في وقت أنتي فيه ترفضين من يتقدم لك
قالت هنادي وهي تاخذ الـCD وتحطه بالستريو : مالقيت إلي يناسبني ..
و بدا في هالوقت فنان العرب يمول.....
الأماكن
كلها مشتاقه لك..
والعيون إلي أنرسم فيها خيالك
والحنين إلي سرى بروحي وجالك...
ماهو بس أنا حبيبي ....
الأماكن
كلها مشتاقه لك ..مشتاقه
****
"يالغاليه صار لك شهر وأنتي بسيرة هالبنت "
ضحكت أم راكان وقالت له وهي تشرب شاهي : لأنك ما شفت إلي شفته ..كامله والكامل وجه الله
راكان : ههههههههههههههههههه يا حبني لك أشوى إنك ما عرفتي من بنته وإلا كان تورطت
فهمت أمه قصده وتكدر خاطرها لأنه رافض الزواج من بعد طلاقه قبل خمس سنوات من قليلة الأصل "ساره " بنت عمه حمد ...
ابتسم بحنان كبير عكس قوته وصرامته بالعمل لو يشوف واحد من موظفينه هالرقه إلي بعيونه ما راح يصدق انه مالك وحده من اكبر الشركات بالمملكه .. كان مهيب شخصيته قويه ووجوده مسيطر .. زاد عليه وسامته المدمره وطوله بنيته القويه لأنه من المنتظمين على ممارسة رياضة بناء الأجسام ..وغير عصاميته وثقته بنفسه وحسن تصرفه إلي خلته يحمي أمه من غدر أعمامه بعد وفاة أبوه مباشرة . وإيمانه وقدرته وإرادته في مواجهتهم وتخطي العقبات والطعنات إلي وجهوها لظهره أول ما مسك شغل أبوه وجده ...
لدرجة إن عمه حمد من كثر حسده وبغضه له قال له قبل ست سنوات وبمجلس كله معارف وأقرباء لهم جايين يتعشون عند عمه بمناسبة عيد الأضحى .."قل تم ياولد الأخو "
راكان تورط .. مايدري وش يبي عمه قدام خلق الله وهو عارف خباثة عمه وعارف إن راكان مستحيل يخلف له طلب قدام الناس..
راكان (وهو يحاول يكون دبلوماسي) : أمرني يا أبو سعد
ابتسم عمه ابتسامه خبيثه لأنه كشف دبلوماسية ولد أخوه : ما يأمر عليك عدو قل تم
ابتسم راكان بهدوء وهو عارف في قرارة نفسه انه ما راح يجبر على شئ ما يبيه وهذا الشئ تشهد له فيه أعماله الناجحه وسيطرته على السوق .."تم"
حط يده بيد عمه الممدوده ..قال عمه بكل صوته وقدام الرجال الحاضرين "اشهد كل الحاضرين إني عطيت بنتي ساره لولد اخوي راكان عطيه ما وراها جزيه لأني ما راح ألقى من هو أحسن منه يكون زوج لها..
ما تأثر راكان ولا تغير لون وجهه لأنه كان يعرف إن عمه بيسوي ذا الحركه عاجلا أو أجلا ....... لأنه سمعه مره يتكلم وهو طالع من المسجد قبل شهر وما انتبه إن راكان صلى في نفس المسجد لأنه بعيد عن بيته لكنه كان قريب من مشوار كان يقضيه ونزل يصلي فيه.. وكان عمه يقول لاخوه إلي اصغر منه محمد :
-لا تحسبني نسيت موضوع ثروة اخوي وعمي .. ياخي تقدر بالملايين وولد أخوك شايف نفسه علينا علمني بالله كم مره قلب الطاوله فوق روسنا كل ما دبرنا له مصيبه طلع منها
قال محمد بتردد (والي مسيطر عليه أخوه حمد (أبو سعد ( لان شخصيته ضعيفه (
-بس...هو..ماتعب وكد طوال هالسنوات عشان يمشي الشغل ويثبت سمعته بالسوق
ابتسم راكان بسخريه ..من كلامهم في وقت ناظر أبو سعد أخوه بنظره مدمره :
-أقول لا يكثر لو يكد مية سنه أنا أحق بهالملايين منه ومآخذها مآخذها لو يكون أخر يوم في عمري
قال محمد بلا مبالاته المعهوده : وش بتسوي لان كل خططك فشلت، لك الحين ست سنوات تحاول وما فيه أمل ....
ضحك أبو سعد ضحكه كريهه كلها حقد وبغض : دواه عندي
قال محمد بحماس :كيف..؟
أبو سعد :هههههههههههههههههه بزوجه ساره
مازال راكان وراهم .. واحتار من كلام عمه كيف بيزوجه ساره ..بعدين نهر نفسه لأنه يتوقع أي شئ من عمه حتى لو وصل هالشئ انه يبيع بنته
كمل أبو سعد ...لما شاف حيرة أخوه :أنت تعرف ساره بنت أبوها وهي متحسفه مثلي على الثروه إلي لو كانت معنا كان عيشتنا بعز (هز راكان راسه لان عمه يعد غني وعنده بيت تتحاكى المجالات بجماله ودقة تصاميمه إلي كانت على يدين أحسن مصمم ديكور بروما بس الجشع ماله حدود ) ....عشان كذا هي اقترحت علي هالاقتراح ومستعده تضحي بسعادتها عشان ترجع حقنا
)ابتسم راكان بقسوه حاسبينها صح هو وبنته بس دواكم عندي وأنا راكان لان إلي يحاول بس مجرد محاوله يتلاعب فيني راح يندم طول عمره (
قال محمد وعجبته الفكره : كيف طيب بتزوجها له ..
أبو سعد بخبث وهو يتلاعب بسبحته : كل شئ بوقته حلو خلنا نزين العلاقات مع ولد أخونا العزيز (قالها بسخريه ) ونوكل ساره بهالمهمه
مشى راكان للجهه الخلفيه للمسجد والي كان موقف فيها سيارته لحسن حظه لان المواقف مزحومه ...ركب سيارته الـ)BM حوت السوداء) ومشى راجع للبيت ...وهو يفكر ويتسلى كيف ساره بتحاول إغواءه عشان يتزوجها ..حس بحماس غاب عنه فتره بسبب ضغط العمل على الأقل الأيام الجايه بتكون حامله له التسليه والمرح ..حمد ربه وشكره لأنه دايم معه ودايم يحميه من حقد الحساد وأولهم أعمامه لحمه ودمه ...
لان راكان كان سارح في الماضي ما انتبه إن أمه تكلمه ابتسم بحنان ما يخص به إلا أمه الغاليه : وش كنتي تقولين يمه
قالت أمه بضيق : ما أنت بمعي .كنت أقول ليه ما تتزوج مره ثانيه
تشنجت عضلات وجهه بشكل ما خفى عن أمه وقال بازدراء :أتزوج ...! تكفين يمه أخذت كفايتي من الزواج العمر كله
ضاق صدر أمه بشكل كبير : ليه يمه لا تخلي تجربة وحده تحبطك أنت ألف وحده تتمناك
قال وهو يحاول يمزح ويلطف انفعال أمه : وأنا ما أتمنى ولا وحده
وعشان مايعطي أمه فرصه أنها تحاول إقناعه يتزوج ...قال وهو يبتسم :يمه تذكرين صديق أبوي أبو خالد
قالت أمه ووجهها يشرق لأنها تحب كل شئ يذكرها بزوجها وحبيب عمرها "عبد الرحمن " : كان أبوك الله يرحمه يحبه ويذكره بالخير وكانت مواقفه معه ماتنسى ..بس خير عسى ما شر
قال راكان (وهو يلبس نظارته الشمسيه إلي ماركة أرماني) لأنهم جالسين بحديقة بيتهم الكبيره وعلى الرغم من إن فوقهم مضله من القرميد والرخام إلا إن الشمس قدرت تتسلل لعيونه وتزعجه : مابه إلا العافيه بس صدف إننا تقابلنا في البنك أمس وعزمنا على العشاء بمزرعته الخميس الجاي وأنا وافقت لأني أحبه من حب أبوي له .. ولأنه وقف جنبي ونصحني أول ما استلمت شغل أبوي وله فضل كبير لأنه سبب في سعة الحال إلي حنا فيها
هزت أمه راسها توافق على كلامه :رجال معدنه ذهب .. والله يمه تلبية عزيمته اقل شئ نقدمه له يكفي انه صديق أبوك الصدوق عندي له صور قديمه مع أبوك أيام الدراسه وطيش الشباب وحتى لما كبروا بالعمر الله
قال راكان وهو يبتسم ويفتح جواله : اجل اتفقنا بنروح لمزرعته إلي بالجله (منطقه تبع للرياض تكثر فيها المزارع ) يوم الخميس
قالت أمه وهي توقف بصعوبه وهي متسنده على حاجونها (عصاها) نظرا لتقدمها في السن :الله يقدم إلي فيه الخير قم أذن لصلاة المغرب رح صل لا تفوتك الصلاه
ابتسم راكان وهو يمسك يد أمه ويساعدها على الوقوف :ابشري يالغاليه شيلي هم كل شئ إلا الصلاه و طاعة ربي
باسته أمه مع خده "الله يحفظك من كل شر يا نظر عيني
بعد مادخل أمه غرفتها .. إلي كانت بالطابق الأول .. والي جهزها لها خصيصا نظرا لأنها تتعب من طلوع الدرج الكبير إلي بوسط البيت الفخم حتى تروح لغرفتها وبعد ماتطمن على أمه راح لغرفته إلي بالطابق الثاني والي كان واسع بشكل كبير بحيث فيه جناحين نوم وغرفتين نوم عاديه لضيوفهم . وصاله استقبال كبيره ديكوراتها تتراوح بين الذهبي و الأزرق الغامق .. وفي طرف من الطابق فيه زاويه فيها ثلاجه كبيره وبرادة مويه ودروج صغيره وفرن مثبت في طاولة المطبخ من فوق وطاوله متصله بالجدار في طراز أوربي وكراسيها الصغيره المرتفعه حيل عن الأرض مثبته في الأرض حولها وكان ألوانه تتراوح بين السماوي و الأبيض الهادي يعني عباره عن مطبخ مصغر مريح للي يبي كابتشينو أو شاهي أو لشرب عصير آخر الليل
دخل راكان غرفته .. واخذ دوش سريع ولبس ثوب ابيض وشماغ احمر تعطر وحط بوكه ومفتاح سيارته وجواله N70 في جيب ثوبه الجانبي ..ونزل
وهو في طريقه للباب قالت امه من الرضاع وصديقة أمه الوفيه ((مريم )) : طالع يمه
قال راكان وهو يبوس يدها السمراء الكبيره والي تجعدت مع تقدمها في السن :إيه يمه بغيتي شي
قالت الخاله مريم وهي تضغط على يده : مابي إلا سلامتك بس انتبه على نفسك ولا تسرع سيارتك هذي عسى القوم تاخذها سريعه حيل
راكان: ههههههههههههههههههه ياحبني لك تامرين لو تبيني امشي عشرين مشيت
قالت الخاله فاطمه وهي تدفه بحب لباب :ياحبك للخراط يالله الحق الصلاة لا تفوتك
راكان وهو يفتح الباب وهي تطلع معه ..: يالله سلام
قالت الخاله مريم وهي تناظره بحب ماتتوقع لو إن لها ولد من صلبها بتحبه كثره :بحفظ الله
نزلت الخاله مريم وانتظرت راكان لين ركب سيارته وسوى دوره حول النافوره الدائريه الكبيره إلي بالوسط عشان يطلع ويتوجه لباب السيارات ..فتح الباب الاتوماتيكي البعيد عن نظر الخاله مريم نظر لمساحة البيت الكبيره بالريموت وطلع ثم سكره
تعدت النافوره والبلاط المرصوف بالحجر الأحمر والبيج ..ثم راحت للمظلات إلي تحتها كراسي وطاولات من الحجر وقدامها مساحه كبيره من العشب الأخضر الندي بوسطه ملعب تنس كبير رخامي لان راكان يحب هالرياضه ودايم وهو وأصدقائه إذا تجمعوا يلعبونها ..يعني كان بيتهم مثال للعز والجمال الخيالي بأبوابه الزجاجيه المحدده بالأخضر الغامق ومساحته إلي مالها نهايه ووسائل الترفيه إلي اعتمدها راكان قبل كم سنه مثل حوض السباحه البيضاوي الضخم إلي بالجهه الثانيه للفيلا حيث إن راكان تعمد يكون مكانه بعيد عن الرايح والجاي حتى يأخذ راحته اكبر وحتى زواره وضيوفه يأخذون بعد راحتهم إذا حبو استخدامه..وكانت تحاوطه النوافير والأشجار الصغيره و طاولات زجاجيه زرقاء مايله للأخضر حتى تتماشى مع جو الطبيعه إلي حولها وكان مكشوف للهوى لأنه ما يحب أحواض السباحه المغلقه ...
كانت الخاله مريم صديقه وفيه لام راكان أيام الدراسه من الابتدائي للجامعه .. حيث درسن سوى علم الاجتماع لكن أم راكان ألغت تفكيرها في الشغل لما تزوجت حبيب عمرها لأنها حبت تعوض السنين إلي راحت عليهم ، و الخاله مريم اشتغلت وتقاعدت قبل عشر سنوات .. (أكيد تتساءلون عن قصتها و ايش إلي خلاها تعيش مع راكان وأمه ..؟ )
الخاله مريم زي ما قلت لكم كانت صديقة ام راكان وعلى الرغم من مستواهم المادي كان اقل من مستوى عايلة أم راكان إلا أنهم كانوا بعد أغنياء ..لكن أهلها كلهم ماتوا في حادث سياره وجتها غيبوبه ماطلعت منها إلا بمعجزه .. وطبعا بعد قسوة أبوها عاشت تعاني من قسوة عمها الوحيد إلي زوجها ولده العابث غصب لأنها زي ما قال في وجهه (عرضه) وعاشت معه أسوء سنوات عمرها ..وزاد قسوته أنها حملت مره وماتت بنتها بعد الولاده بشهر لأنها كانت مولوده قبل موعدها بشهرين .. كانت هالبنت بعمر راكان لأنها ولدت بعد ولادة أم راكان بشهرين .. طبعا تذكر يوم زارتها أم راكان وطلبتها ترضع راكان عشان يصير ولدها ورضعته الخاله مريم وعز الله أنها ما ندمت يوم رضعته ....طبعا عمها مات وطلقها زوجها بهدوء بدون ما يطلب منها تعويض وهي محتاره من هالشئ للحين ..وبعدين سكنت بشقه بلحالها لكن راكان مارضى وفاجأها يوم وسير عليها وقال بآخذك مشوار وراح بها لبيتهم.........
وقال بعد مادخلوا البيت والخاله مريم مخترعه تحسب أمه فيها شئ :
عز الله ما راح أكون رجال من ظهر رجال إن تركت أمي الثانيه تسكن بشقه وأنا حي وبيتي ترمح فيه الخيل
حاولت تعترض بس سكتها بنظره مصممه ..وكمل : أغراضك كلها بتوصل خلال نص ساعه وغرفتك إلي جنب غرفة أمي وأنتي بتسكنين معنا
ماقدرت الخاله مريم تمسك دموعها وبكت من قلب وهي تضمه :والله لو إني جايبه ولد من لحمي ودمي ما كان بار بي مثلك الله يسعدك وين ما رحت يمه
ابتسمت الخاله مريم صار لها الحين ثمان سنوات ساكنه معهم يعني بعد وفاة عبدالرحمن زوج صديقتها بتقريبا أربع سنوات ..
وقامت عن الكرسي ودخلت داخل تشوف أم راكان...
&&&&&&&&&
(الجزء الثالث )


قال أبو خالد لزوجته وهو ينزل الكتاب إلي بيده على طاوله جنب السرير " ترى عندنا عزيمه يوم الخميس الجاي يا أم خالد "
قالت أم خالد وهي تجلس جنبه على السرير : لمن...؟
قال أبو خالد وهو يبتسم : لولد اعز أصدقائي
قالت أم خالد ووجهها يشع : ولد عبد الرحمن
أبو خالد : إيه وعزمت أهله معه با لمزرعه .. وكل شئ جاهز بس كلمي البنات عشان يتجهزن وأنا بعزم الماس )يقصد بنته الكبيره) وزوجها
قالت أم خالد وهي تعقد حواجبها : إذا العزيمه كبيره ماعاد فيه وقت للتجهيز
قال أبو خالد يطمنها : لا لا تخافين العزيمه مقتصره علي أنا وأخواني
تنهدت أم خالد براحه ..:إن شاء الله مالك إلا إلي يرضيك
أم خالد : راكان بيجيب زوجته معه
ناظرها أبو خالد وقال : راكان مو متزوج
أم خالد : أبو خالد الله يعافيك نسيت إننا حضرنا زواجه قبل خمس سنوات تقريبا
أبو خالد : نسيت والله بس كني سمعت انه مو متزوج على العموم الله يحييه ويحيي من يجي معه ..عز الله انه رجال ينشد به الظهر
أم خالد : وأنا اشهد مو هو إلي غصب أمه إلي مرضعته وخلاها تسكن معهم
قال أبو خالد بحزن وحنين : تربية الغالي الله يرحمه
مسكت أم خالد يد زوجها وأبو عيالها لأنها تعرف مكانة عبد الرحمن الكبيره عنده ..:الله يرحمه
قال أبو خالد وهو يتنهد "اللهم آمين"
وكمل ...."عز الله إني تمنيته يكون زوج لوحده من بناتي بس يالله القسمه"
أم خالد : هذي القسمه
هز راسه :على قولتك .. هذا إلي الهي به نفسي لا ذكرت إلي صار لحبة عيني دانه
حست أم خالد بقلبها يوجعها لأنها تذكرت زواج دانه الكارثه : ما نقدر نقول إلا حسبي الله ونعم الوكيل
قال أبو خالد بحزن "أنا محتار قمر انخطبت بس أنا متردد
قالت أم خالد بعقلانيه : لا تقطع برزق البنت إن جاك الرجال الصالح زوجه
أبو خالد : أنتي تعرفينه زين سلطان ولد اخوي ناصر
استانست أم خالد : والنعم والله فيه ما راح نلقى لقمر أحسن منه واكبر دليل أخوه الكبير سعود شفه له أربع سنين متزوج من الماس ورافض يتزوج عليها لأنها ماتقدر تحمل (الماس قصتها قصه بنذكرها بعدين (
ابتسم أبو خالد :ادري الله يسعده مثل ماهو صاينها ومسعدها و عشان كذا وافقت على سلطان وأنا داري إن قمر موافقه ..بس قبل ما تعلمينها لازم اكلم دانه
ارتاحت أم خالد لان أبو خالد فكر في مشاعر دانه ولأنها تعرف بنتها عارفه إن قلبها كبير وإنها بتفرح لأختها إلي اصغر منها
قال أبو خالد وهو ينسدح : بنام الحين و قبل أذان العصر بساعه صحيني
أم خالد : إن شاء الله
طلعت من بعد ماسكرت نور الغرفه وراحت لغرفة دانه ولحسن الحظ لقت قمر قاعده على كرسي المكتب الزهري وتسولف وهي تفرفر فيه ..ودانه تضحك منها
قالن كلهن لما دخلت امهن :يا هلا وغلا نورت الغرفه
ضحكت أمهن وقالت :ياكثر النصب المهم أبوكن عنده عزيمه الأسبوع الجاي في المزرعه
هزت دانه كتوفها : طيب وش دخلنا
ضحكت قمر : ههههههههههههههه حلوه بس لا تعيدينها
قالت أمهن وهي تسوي نفسها عصبيه : خفيفات دم المهم دخلكن إن العزيمه فيها حريم وعمانك بيجون
قالت قمر وهي تنط عند أمها : يدك على ألف وخمس ميه ريال
شهقت أمها : وش لزومها وبعدين أنتي مآخذه من أبوك ألفين قبل يومين
قمر: يوه يمه أنتي قلتيها من أبوي وأنا اطلب منك الحين
دانه : ههههههههههههههههههههههههه وأنا بعد أبي فلوس قمير أحلى مني
انقهرت قمر لأنها تكره ذا الاسم :قمير في عينك
قالت أمهن : حشا جراد انتن مو اوادم بعطيكن إلي تبغن بس خلصن أشغالكن لأننا بنروح المزرعه قبل العزيمه بيوم
ضمتها دانه وهي تبوسها مع خدها : اوكي يا أحلى mother in the world
قمر وهي تناظر دانه بحقد : pleas ..no ..yes تكلمي عربي يا أخت دانه
دانه وأمها :ههههههههههههههههههههههههههههههههه
وما قدرت قمر تستحمل وجلست تضحك معهن على لغتها الانكليزية إلي رايحه فيها
؛
؛
بعدها بساعه راحت قمر لغرفتها إلي قدام جنب غرفة دانه حتى ترتب أغراضها .. أما دانه أخذت دش سريع ولبست بنطلون جينز رمادي وبلوزه خفيفه بيضاء توصل لحد فخوذها وأكمامها لحد المرفق ضيقه وانيقه مره ..رفعت شعرها البني الناعم فوق راسها وطاحت منه خصل خلى شكله فوضوي كله انوثه وكان يلبق لوجه دانه الدائري ..
دق باب غرفت وما تدق الباب وأمها طالعه السوق :ادخل
دخل أبوها ووقفت دانه :هلا يبه (ووجههاكله ذهول ( بعدين فكرت بمرح (أكيد انه عريس جديد ) لو أنها مفكره بهالطريق قبل كم يوم كان اكتأبت وضاق صدرها بس بعد كلام هنادي صحت دانه لنفسها وتقبلت الفكره نوعا ما
جلس أبوها على الصوفا إلي على يمين سريرها الزهري الناعم ...وجلست دانه بالكرسي المقابل له
قال أبوها بدون مقدمات : يبه ودي اخذ رايك فموضوع
دانه وهي تناظر أبوها بثقه : تفضل يبه أمرني
أبوها :مايمر عليك ظالم ... بس أنا خايف تتضايقين
ما ردت دانه ......... )كمل ) : أختك قمر انخطبت لسلطان ولد عمك ناصر وأنا وافقت
أخيرا تنفست دانه لأنها كانت خايفه من هالشي المجهول إلي بيخليها تزعل وقالت بحماس : هذا أحلى خبر سمعته سلطان رجال ألف بنت تتمناه
لاحظت دانه ذهول أبوها إلي أنرسم على وجهه وقالت لان حزنها الشهور إلي فاتت كون عنها انطباع مو زين : وش شايفني يبه ..قمر أختي ..ونحب بعض المفروض ماتفكر في رائيي لان الرأي المهم رأي قمر
قل أبوها ووجهه يتهلل :ياااااااااه يبه شلتي عني حمل ما كان يخليني أذوق طعم النوم
قامت دانه وحبت راسه ثم جلست جنبه : هذي قسمه ونصيب يبه والي كاتبه الله بيصير أنا كنت ضعيفه لأني خليت إلي صار يدمر حياتي وينكد علي بس خلاص كل هذا انتهى صفحة قديمه حرقتها ونسيتها
باسها أبوها على راسها : الله يكملك بعقلك ياعين أبوك ..
ثم وقف وهو عند الباب سألها : قالت لكم أمك عن العزيمه
دانه : إيه ...بس ماقالت لنا لمن هي
قال أبوها بنبره كلها حب : لولد اعز إنسان على قلبي ...
ابتسمت دانه لأنها تعرف إن أبوها يحب أصدقاءه وهم يحبونه ...فأكيد أنها تخص واحد منهم ...
وطلع أبوها من الغرفه....
)بس آه لو تدرون وش ينتظر دانه ...بهالعزيمـــــــــه !!(
&&&&&&&&&&
وفي بيت (أبو سعود{(
دخلت سعاد على روس أصابعها غرفة أخوها سلطان إلي كان سرحان حاط رجلينه فوق مكتبه ويلعب بالقلم..
سعاد : بوووووووووووووووووووو
انتفض سلطان من الخرعه وقال وهو يرميها بدفتر ملاحظاته : وجعوه تاليتي بموت بسكته قلبيه بسببك
سعاد وهوي مستانسه : ههههههههههههههههههههه تعيش وتآكل غيرها
كملت سعاد بخبث لأنها تبي تحرق دمه قبل ماتخبره بالأخبار الحلوه إلي معها : وين سرحان
سلطان وهو يرفع حاجب : ابد أفكر في رسالة الدكتوراه
سعاد : اها دكتوراااااااااااااااااه علينا هالخراط
ابتسم سلطان :اخلصي وش عندك
تربعت سعاد فوق السرير وهي تلعب بشعرها الأسود الطويل إلي طايح في حجرها بيدها : عندي لك خبر بس أبي البشاره
نزل سلطان رجلينه من فوق المكتب : رد عمي خبر ,...
ناظرته ببلاهه وقالت وهي تمد يدها : البشـــــــــــاره تحسبني ما اعرف سحباتك ( تقصد وعوده لها إلي يخلفها (
سلطان وهو يجلس جنبها واللهفه تملا وجهه الحنون إلي يحيط به وقار عايلة بن سبع ..: لك اللاب توب حقي إذا كانت البشاره تستاهل
أنهبلت سعاد اللاب توب إلي ماصار له أسبوع شاريه و إلي قيمته فوق 11الف ريال هي كانت بترضى لو يعطيها خمسمية ريال
قالت وهي بتتقطع من الفرحه : تستاهل ونص ، قمر وافقت عليك my big brother
أشرق وجه سلطان لما علمته سعاد إن قمر وافقت عليه ...بس إلي مكدره إن الزواج بيتأجل لان قمر باقي لها سنه ونص وتخلص جامعه ...وعشان حتى دانه ..
وقال لها وهو يرطن انكليزي بحكم دراسته في الخارج : you are a most beautiful sister in the world
سعاد : ههههههههههههههههههههه على هونك ترانا ما حنا بمستواك في لغة الخواجات خلنا على عربيتنا اصرف
سلطان : ههههههههههههههههههههه ما تخلين حركاتك طيب ما حددوا متى الملكه ..
قالت سعاد وهي تضرب راسها بيدها : يوه نسيت أعلمك أبوي ينتظرك تحت حتى تروحون لبيت عمي أبو خالد حتى تتفقون على كل شئ .
طلعت عيون سلطان قدام وقال وهو يجرها ويطلعها برى الغرفه : يا مال إلي ماني بقايل و تهذرين من اليوم وماقلتي لي انه ينتظرني أبوي بيذبحني بسبتك يالسوسه
قالت وهي تضحك : إلي يسمعك يقول هذا خمس دقايق ويلبس ويخلص
سلطان : أقول طسي هذا هو البلاء
وطلعت وهي ميته من الضحك وسكر سلطان باب غرفته وهو ينزل بلوزته الزيتيه إلي بدون أكمام إلي لابسها مع بنطلون بيج عشان يآخذ شاور سريع ..
؛
؛
دخلت سعاد غرفتها في هالوقت وهي تضحك على خفة دم أخوها وفرحته إلي ما تنوصف لأنه يبي يتزوج قمر للموت وبعد على هالخبر الحلو لأنها تحب قمر ... فهي رغم جمالها الهادي بنت خلوقه بس صريحه مره ..
جلست سعاد تمشط شعرها وهي تغني بصوت عالي...
قابلت كتير...فرشو لي عشاني الارض حرير
وشفت كتير...وما قابلتش زي حبيبي امير
زي العسل على البي هواك...زي العسل على البي هواك
ودخلت عليها أختها منال ...: ياعيني يالحب وش السالفه
سعاد : ههههههههههههههههههههه حب فعينك قمر وافقت تتزوج سلطان
منال وهي تناقز : والله يو وناسه سليطين وش سوى عسى ما جته سكته قلبيه
سعاد : ههههههههههههههههههههههههه شوفيه يتلبس ويتزين بيروح مع البابا لعمو حتى يتفقون على كل شئ وعطاني البشاره لاب توبه الجديد
قالت منال وهي تربط شعرها القصير : والله ما أنتي ببسيطه يا sister
سعاد: هههههههههههههه أعجبك ما تفوتني أي فرصه
فتح سلطان الباب وبيده شنطة اللاب توب ..حطه على السرير وشماغه على كتفه مسفوط : خذي تخربينه بالعافيه
منال:ههههههههههههههههههههههههه
بوزت سعاد : وش قصدك ..؟
سلطان : ههههههههههههههه لا ابد سلامتك اقصد بالعافيه عليك
وبعد ما راحت الزعله بسرعه زي ماجت صفرت سعاد وهي تناظر كشخة أخوها: وش هالحلا وش هالزين وراك ماتكشخ عندنا كذا
قال سلطان (بيحرق دمها) : ناس عن ناس تفرق ...!
كانت منال متفرج صامت على مناقرة إخوانها ...وهي مستانسه ..
سعاد وهي تعدل ازارير ثوبه إلي فوق : وطبعا كالعاده جايني عشان ازرر لك ثوبك
سلطان : هههههههههههههههههه كاشفتني
قالت سعاد وهي تبوسه على خده لأنها على الرغم من أنها تحب كل إخوانها إلا إن سلطان موت لان أعمارهم متقاربه وهو سهل المعشر تقدر تشكي له تصارحه و تسولف معه بلا قيود وبلا خوف (يعني طايحه الميانه بينهم هههههه): ألف مبروك يا سليطين مقدما تستاهل كل خير
وقامت منال وباسته : ألف مبروووووووووووووك ....(ناظرت فـ الباب ( ههههههههههههههه شف أم سعود الله يسلمها جايبه المبخره بتبخرك بالعود.. هذا وأنت ما ملكت للحين ولا أعرست
قالت أم سعود بوقارها وهي تبخر ولدها : مبروك يمه ما عليك من خواتك ما عندهن سالفه
باس راسها وضم خواته لصدره وقال بحنانه المعهود لخواته : يا قلبي ما مثل منوله وسعاد احد
هنا دخلت هنادي وقالت بصوتها المبحوح الرنان : بالله وهنوده مالها رب
راح لها يمشي وهو يضحك : عاد كلش ولا هنوده ..
ضمت أخوها وباركت له ..: مبروك يا أحلى سليطين بالكون
ودمعت عيونها لان طبعها حساس..
قال سلطان وهو يمسح دموعها : بدينا أقول تعرفيني ما أحب ولا وحده منكن تبكي لا تضيقين خلقي
قالت هنادي وهي تبتسم : يوووووووووه this is دموع الفرح
سلطان وهو يضحك : this is ماله داعي البكي
كلهم إلي بالغرفه جلسوا يضحكون ....
نزل سلطان بسرعه لان أبوه جالس ينادي من تحت ...: يالله إن شاء الله ما أكون عريس ما تمت فرحته لان أبوه الظاهر بيذبحه ......... ولبس طاقيته وشماغه وهو يمشي بسرعه .........سلام
رد الكل: بحفظ الله
@@@
>في بيت أبو خالد <
كانت قمر جالسه بغرفة أختها وصديقتها مره دانه وهي تبكي ...
قالت دانه بضيق : ما فات الفوت للحين كلمي أبوي وقولي له انك ماتبين تتزوجين سلطان
قالت قمر وهي تبكي بشكل يقطع القلب : فات الفوت ونص عمي وسلطان عند أبوي تحت
دانه وهي متأثره بحزن أختها : طيب ليش وافقتي وأنتي ما تبينه
قمر وهي تمسح دموعها بالمنديل : تعرفيني ينعقد لساني قدام أبوي
دانه : أنتي وش اعتراضك عليه
قالت قمر بانفعال : ما أبي أتزوج شوفي وش صارلك ومعاناة الماس إلي تموت في اليوم ألف مره
قالت دانه وهي تحاول تقنع أختها المتعقده بسبتهن : هذي القسمه ياقمر ما يدري الواحد الله وش كاتب له .. بعدين شوفي الماس زوجها يموت فيها وضارب بموضوع العيال عرض الجدار أما أنا فموضوعي ثاني وماله علاقه فيك ثم شوفيني لولا الله ثم هنادي ماصحيت ولحقت نفسي قبل لا ادفنها في الحزن والمراره ..
قالت قمر وهي ترمي المنديل في الكومه إلي قدامها وتاخذ غيره : أنا أبي أتزوج عن طريق حب يزعزع كياني يهزه .. مو من واحد جاي من أمريكا ماله إلا شهر وشافني بالصدفه وجاء وخطبني
) تقصد ذاك اليوم أول ما جاء من أمريكا كان عمها (أبو سعود ) مسوي له عشاء بمناسبة رجعته بشهادة الماجستير ويحضر لشهادة الدكتوراه في علوم الحاسب من الـ.USA وكانت هي رايحه للمطبخ تشرب ماء وما انتبهت للرجال الطويل إلي واقف قدام الميكرويف يسخن له كاس كابتشينو بطرف المطبخ الثاني على يدها اليسار..ناظرها وفقد توازنه قدام هالبنت إلي صعقته جاذبيتها سمراء بشرتها ذهبيه بلون ماله مثيل وشعر فاتح مره مخصل بالبني يوصل لحد كتوفها من ورى وكان كثيف وملفلف ولابسه تنوره تيركواز قصيره مموجه بالبني وبألوان فاتحه روعه ولابسه من فوق بلوزه بيج منقوشه نقش ناعم ماسكه بصدرها بدون تعليقات .. بعد ما شربت ماء التفتت غريزيآ وشافته منزل راسه ويتلاعب بكاسه بين أيدينه وكان لابس بنطلون جينز ضيق وتي شيرت احمر غامق مبين عضلاته بشكل مثير وكانت وقفته خطيره حيث انه كان متسند على الجدار وثاني رجله فصار واقف على رجل وحده ... حست بإحساس غريب وكان قلبها صعقته شحنه كهربائيه ... تمنت لو الأرض تنشق وتبلعها من الإحراج .. مشت بسرعه للباب الكبير الزجاجي وشدته لجهتها عشان ينفتح لكن عيا يفتح معها حست نفسها بتبكي وإلا بتنهار ومالقت نفسها إلا ترفع عيونها العسليه الوساع وتلتقي بعيون غامقه نظراتها مثل المغناطيس كانت أجمل عيون تشوفها بحياتها .. وبكل بساطه دف الباب قدام وانفتح .. انتبهت قمر على نفسها وطلعت وهي تحس بإحراج ماله مثيل ..كيف كانت غبيه ونست إن باب المطبخ ينفتح عن طريق الدفع قدام……… (
قطعت عليها دانه سرحانها في ذاك اليوم : ههههههههههههههههه الرجال طايح لشوشته في حبك
تداركت قمر نفسها و ناظرتها بحقد لأنها مو في مزاج مزح : أقول ورى ما تنطمين .. من متى السعوديين يعرفون الحب أصلا لو تسألين واحد منهم عن الحب .. بيحسب انه كرتون حليب ولا مول جديد
هنا ما قدرت دانه تمسك نفسها وفطست من الضحك من قلب : ههههههههههههههههههههه بالله وش هالتشبيهات بعدين ما فيه أحسن من عيال ديرتنا
ضمت قمر دبدوب دانه المفضل لصدرها وهي تناظرها بحده..: العن أبو الشقاء كل أحلامي الورديه طارت في مهب الريح
قالت دانه تمزح: قولي قسم ...أنت ليش حكمتي عليه انه جلف وعديم الإحساس يمكن يكون رومانسي لأقصى درجه وأنتي ظالمته ..
قمر وهي ترميها بدبدوب جنبها : هاه ...تتوقعين لو أنا عاقر ما أجيب عيال بيظل مخلص لي وما راح يفكر يتزوج...لو مرضت تهقين بيفكر فيني و بيظل ملازمني وما يفارقني دقيقه....لو حزنت وضاق صدري بيقدر يعرف إلي فيني وإلا بيكون نموذج للأشكال إلي نشوفها ما يدري وين الله حاطه....( وتهدج صوتها ورجعت تبكي......وكملت )......بيقدر يقبلني بعيوبي .. يحبني من قلبه .. وإلا هذا كلام بسمعه بس عند النوم ولا صار راضي علي ........ (وما قدرت تكمل(
تأثرت دانه مره من كلامها وضمتها لصدرها وهي تبكي معها : والله قطعتي قلبي يا قمر لازم ترضين بنصيبك وتدعين الله يكون مستقبلك معه كله سعاده لان أسئلتك تعجيزيه وما عندي لها جواب
قالت قمر وهي تشاهق : رضيت ولا لا يمديهم اتفقوا على كل شئ الحين ... أنا كنت حاطه أملي فيك حتى ترفضين أتزوج قبلك وأنتي خنتيني
قالت دانه برقه وهي تمسح شعر أختها بيدها : ليه يا قلبي ..مالي حق اقطع رزقك وأوقف في طريقك
؛
؛
قال أبو سعود وهو يحط يده بيد أخوه الكبير أبو خالد : الله يقدم الخير ..عطيتنا جوهره ما تتثمن لولدنا سعود وطمعنا بجوهره ثانيه ومن كبر حظنا يوم صارت من نصيبنا
قال أبو خالد وهو يهز راسه : أنا إلي حظي كبير حنا نشري رياجيل يا بو سعود وعيالك والنعم فيهم
ابتسم أبو سعود بمحبه واحترام لأخوه الكبير إلي بمقام والده ..على أن فرق السن بينهم أربع خمس سنين
أبو سعود :اجل الملكه بعد عزيمتك بأسبوع
أبو خالد : الله الله
قال سلطان إلي كان كلامه قليل لأنه يحترم عمه : مو كنه بعيد
ضحك عمه : وش رايك نخليها بكره
تحمس سلطان ونزع قناع الجديه : ياليـــت
ضحك أبوه وعمه ..
وقال أبوه وهو يضربه على كتفه : الثقل زين لا تصدق عمرك عمك يمزح
سلطان : ههههههههههههههههههههه داري انه يمزح عساني فدى راسه
كان أبو سعود مبسوط من اختيار سلطان لقمر لأن أختها الكبيره الماس حببتهم فيها بأخلاقها العاليه وروحها الطيبه ..
#@#@#@#

(الجزء الرابع)


في مدينه وحده .. لكن في عالم بعيد عن الناس ..
كانت الماس مسافره بتفكيرها وهذا حالها من فتره طويله دايم في حالة حزن وشرود ..
رجعت شعرها البني الطويل بيدها بقسوه وكانت مسنده يدينها على البلكونه تناظر في المسبح إلي تحت وفي الحديقه المرتبه إلي تزينها أشجار الريحان والجوري .. سمعت خطوات سعود من وراها ومسحت دموعها الصامته إلي صارت صديقتها الوفيه ....ضمها من ورى وقال يمزح رغم إن سكاكين الألم تقطع جوفه من حالة زوجته ونفورها عنه ..:-
- قلبي وش تفكر فيه...؟
تجمدت بين يدينه ..وقسوة الواقع والتعليقات ذابحتها ذبح وصارت حاجز بينها وبين الإنسان إلي ما حبت قبله ولا حبت بعده الإنسان إلي وقف جنبها لما طلع في التقارير أنها ما تجيب عيال ...واحترم رغبتها في تسكير الموضوع نهائيا وعدم فتحه ابدآ ... نفورها منه طعنه في الصميم ...أدارها بين يدينه حتى يشوف وجهها إلي هام فيه ومازال..كانت جفون عيونها العسليه الساحره
حمراء من البكاء ومحاجرها سوداء من الإرهاق وقلة النوم
قالت بصوت يرتجف فيه رنة بكا وحزن :أنا تعبانه يا سعود
انقبض قلبه ...لأنه فهم إن تعبها نفسي مو جسدي
قال وهو يحط وجهها الغالي بين يدينه :-
-قولي لي وش إلي يريحك وأنا سويه .. لاتحسبيني مرتاح يا نظر عيني أنا وأنت واحد لا تعبتي كني أنا التعبان
شهقت وما قدرت تمنع نفسها من البكاء ولا دفن نفسها في حضنه..
ضمها بكل قوته لصدره ... وهو يغمض عيونه بألم ... صار لهم أربع سنوات متزوجين وكانت من اسعد سنوات عمره .. كانت الماس ومازالت بهجته وهناء باله ... مايقدر يعيش بدونها ولا يوم ولا يهمه لا مال ولا عيال ولا شئ بهالدنيا غيرها ..
هو عارف أمه تحبها ومحترمه مشاعرها وماكلمته ولاكلمتها في موضوع العيال لان هالشئ يخصهم ،لكن هذا ما منع أبوه انه يمسكه اليوم بالشركه ويكلمه عن موضوع تأخر حمل زوجته ومن سخرية القدر إن عمه أبو زوجته (أبو خالد ) كان حاضر النقاش ومؤيد أخوه ولا كنه يتكلم عن مصير بنته ..
قال له بدون مقدمات :
-حالك مايعجبني لا أنا ولا عمك
قال سعود برزانه :
-وش قصدك يبه ..؟
قال عمه أبو خالد بهدوء :
-القصد واضح أنا ما أنكر إن هالكلام يقطعني مثل السكاكين لكن أنت والماس عندي واحد لا تضيع شبابك ياولدي وشف حياتك
قال سعود وهو يحس نفسه بركان على وشك ينفجر لكنه تمالك أعصابه وقال بهدوء وهو يشد على أسنانه بقوة:
-عيشتي مع البنت إلي اختارها قلبي والي ارتاح معها والي مالها بعيني مثيل صارت مضيعة وقت .. لا يا عمي اسمح لي مالك حق
تنهد عمه وقال بابتسامه حزينه:
-يا ولدي الماس ماتقدر تجيب لك عيال
هب سعود واقف وقال وعيونه تلمع لان الكلمات صابته في صدره مثل الرصاص ويمكن أقوى ..قال بصوت أبح من الجرح الكبير ألي من يوم ما عرف بهالخبر وهو مازال ينزف:-
-سكر على الموضوع يا عمي لا تزيد أوجاعي ولو يخيروني بين الماس و مية ولد من لحمي ودمي اخترت الماس بدون ما أتردد دقيقه وحده
قال أبوه وهو يحاول يستعطف قلبه الكبير رغم هيبته القويه :-
-فكر فيني ياولدي أنت ولدي الكبير وأبي أشوف ذريتك قبل لا أموت
قال سعود وهو يبوس يد أبوه :
-جعل يومي قبل يومك يالغالي....لا تقول كذا كلامك يذبحني وأنا مو ناقص
قال أبوه وهو يناظر أخوه إلي هز راسه يدعمه بدون ماينتبه سعود:
- حنا لقينا لك بنت .................
وما كمل كلامه إلا وسعود قد وصل لباب المكتب قال وهو معطيهم ظهره:
-في حياتي ما قد قلت لك لا يالوالد أنت وعمي لكن عند هنا واسمحولي ..لا وستين لا أموت ولا أسويها وأتزوج على الماس
انفعل أبوه وقال :
-ليه أنت ما أنت برجال
قال سعود وهو يمسك مسكة الباب ويلتفت لأبوه:-
-لا تطعني في كرامتي يبه لا تطعني
ثم طلع وسكر الباب وراه بهدوء........
ورجع للواقع يوم بعدت عنه الماس وكأن شحنة كهرباء ضربتها ..قرب منها لكنها أبعدت عنه ، قال بصوت حزين:
-لا تصيرين أنتي والظروف ضدي يا حبيبة قلبي
قالت بصوت مجروح :
- لا....
قال وهو يناظرها بعيون يقطر الحزن منها :
-أنا احبك يالغاليه ...وين وعدك لي (حست الماس بقلبها وكأنه ينعصر عصر عنيف ) وين قوة حبنا وين راحت وإلا كله كلام وزيف
صرخت فيه وهي ترتجف:
- لا.........حبي لك يفوق الوصف وأنت داري
قال وهو يتألم وألمه غطى كل كلمه نطق بها :
-ما ظنيت وإلا ما أستسلمتي لأول مشكله تصير بحياتنا
انهارت ونسى نفسه مسكها قبل لا تطيح بالأرض...شالها بين يدينه وحطها على السرير...
قالت وجهها في الجهه الثانيه لأنها ماتبيه يشوف الدمار الشامل إلي سيطر على حياتها ودمرها :
-مشكله..؟ لا تهون الموضوع....إلي صار مصيبه لي
قال بصوت هامس من قوة التعصيب والغضب :-
-ولي......لا تنسين أنا وأنتي روح وحده
الماس :- كنـــــــــا
سعود:- و بنبقــــــى ( وقف وراح يمشي روحه جيه بالغرفه ، ثم رجع لها وهو يمسك وجهها بين يدينه لدرجة دمعت فيها عيونه ) الماس وش صار لك ما كنتي كذا .. ليه تبعديني عن حياتك ليه (تهدج صوته ) أنا مقدر أعيش بدونك أنتي تسرين في دمي في نبض قلبي أنتي الهواء إلي أعيش عليه لا تحرميني منك أموت
قالت وهي تسحب نفسها فوق وتجلس مسنده ظهرها (يا رق قلبه لأنه زين لها المخدات عشان تجلس مرتاحه ( :_
- الشياب بيزوجونك صح (تقصد أبوها وعمها(
أنصدم من كل قلبه وبان عليه هالشئ.........
)بكـــــــــت من قلب وبكى هو معها لان شكوكها تأكدت)
قال ومرجلته تغلبت عليه :-
- أنا ماني لعبه بيد الغير يابنت العم ... وأنا لك . وأنتي لي
الماس :- كل شئ عشان يجيك عيال يهون
قال بضيق وهو عارف ردة فعلها مقدما :- يعني تقترحين أتزوج عليك..؟
ناظرته بعيون ..هي في الواقع ما تشوف من الدموع إلي ماليتها (يتزوج عليها عشان تموت تنتهي من الوجود
) لكن حبها له إلي مثل الطوفان في قوته حكم عليها وهو أهم من نفسها
-إيه
قال سعود وعيونه تطلع قدام من هول الصدمه :_
- انهبلتي أنتي أتزوج عليك...
قالت وهي تلعب بطرف غطى السرير بيدها ...
- لا لا تتزوج علي..
ناظرها وهو مو مستوعب شئ من كلامها ساعه تقول تزوج و ساعه لا.........لكن الصدمه جت يوم تكلمت.. أنا ما تحمل تشاركني فيك حبيبه غيري...لكنني بقدر أتحمل بعدك عني
صرخ بكل صوته :-
-أنتي مجنونه لا وألف لا ما يبعدني عنك إلا الموت ، ليتك دعيتي علي بالموت كان أهون علي من كلامك
بلا شعور حطت يدها على ذراعه ...وقالت وهي تبكي : بسم الله على قلبك عسى يومي قبل يومك لا تقول كذا قال سعود وهو يقرب منها :_ إذا من جد تحبيني لا تجيبين لي سيرة هالموضوع مره ثانيه
قالت بصوت رايح من البكى وهي تحاول تقوم لكنه مسكها مع كتوفها ورجعها لمكانها :_
-كيف ما أجيب لك سيره ............هذا الموضوع جدي يا سعود أنت ليش مو مهتم
قال وهو يحني راسه ويمسد رقبته بكفوفه القويه :
- لأن لو يخيروني بينك وبين ألف ولد من لحمي ودمي بختارك أنتي...
قالت وهي تتنهد وتغمض عيونها: محد ما يبي عيال
قال وهو يناظرها بعيونه الحاده : لو أنا إلي ما أجيب عيال بتتركيني الماس
أنصدمت من سؤاله ...وما قدرت تجاوب
)كمل)..: اجل ليش تلوميني إذا كنتي بتسوين نفس الشئ لو كنتي في مكاني...قفلي الموضوع نهائيا
ووقف ونزل ملابسه بعنف كبير ما خفى عليها ودخل يتحمم ..بعد ما طلع قالت له الماس بصوت ما ينسمع وهي تملي عيونها من شكله الحبيب على قلبها ....."سعـ..ود.."
قال وهو يجلس جنبها : أمري يا عيون سعود
قالت وهي تناظره بتوسل : لو اطلب منك طلب توافق
ابتسم ذيك الابتسامة إلي كانت تكوي قلبها كي..: طلبك مجاب يا قلب قلب سعود
قالت ووجهها يختفي لونه :- أبيك توافق علـ...ى....على العمليه إلي نصحتني فيها الطبيبه
فز من مكانه بعنف ما قد مر على الماس ...قال وهو يصارخ:-
-لا ... مستحيل
قالت وعيونها تدمع :ليش ..؟
قال بانفعال :- ليش...؟ لأنك يمكن تموتين ..خمسين بالميه ..(وارتفع صوته برعب) خمسين بالميه تدرين وش معناة هالشئ يا انك تموتين يا تعيشين وبتكون النتايج بعد مو مضمونه .
الماس :بجرب
قال وهو يلبس ملابسه بيطلع لان الجو بدى يخنقه هنا : لا....نفترق أحسن من انك تموتين
انقلب لون وجهها.....ولاحظ هالشئ وكمل..: ماعندي مانع نفترق و أموت في اليوم مليون مره وما أذوق طعم النوم ولا ارتاح ولا ألقى السعاده بس ادري انك حيه و بصحه زينه ....ولا انك ............ وما قال )تموتين لان قلبه ما يقدر ينطقها و التفكير بهالموضوع يجيب له الجنون) لكن اخذ شماغه وطلع بسرعه من الغرفه ونزل الدرج اللولبي في الفيلا الفخمه إلي ديكوراتها خشبيه روعه وصفق الباب وراه..
انقلبت الماس على وجهها وجلست تبكي من قلب .. يارب من وين تجي هالمصايب كنا قبل ثلاث شهور أسعد اثنين على وجه الأرض والحين الموازين انقلبت وصارت تتمنع عنه رغم شوقها له من يوم ما سمعوا الخبر...الذنب مو ذنبه و لا ذنبها ، لكن ثقتها بنفسها صارت معدومه صح إنها قويه وهذا البلا لان انكسار الأقوياء مو سهل لكن الحب مو كله فرح الحب الحقيقي تضحيه وهي تحب سعود وتعرف انه يموت في الأطفال ويعشقهم ..حتى لو ما اعترف هي عارفه و متأكده من إنها ما راح تعرف طعم السعاده ابد على القرار ألي اتخذته بينها وبين نفسها وهي عارفه إن سعود عنيد و راسه يابس ...وما راح يتقبل قراراها بس لازم تاخذ موقف لازم احد منهم يتنازل وما راح تسول لها نفسها تسمح له يتنازل لان قدره عندها كبير ومعزته تسوى ثقل الجبال بقلبها .....
^^^^^^^^

الفصل الثاني
)الجزء الأول(



طلع سعود هايم على وجهه ..الوسيعه ضايقه فيه ....فرفر بالسياره شوي ...ولقى نفسه قدام بيت أبوه ..ماله إلا اعز أصدقاءه أخوه سلطان وأخته سعاد لان ولد عمه احمد صديقه مره لكن صعب يطلع أسرار بيته له .. ووجود أي واحد منهم الحين يكفي ..وجلس يدعي إن أبوه ما يكون فيه ..دخل سيارته في مواقف الفيلا الكبيره المخصصه للسيارات والي مقابله للمدخل الزجاجي البني الكبير ...نزل من سيارته صافق الباب ومشى لين وصل الدرجات الثلاث العريضه إلي على جوانبها مجسمات زخرفيه ضخمه ..فتح الباب بهدوء ..
ودخل ومشى بسرعه في مدخل البيت الكبير إلي في الوسط كان درج كبير ينقسم من فوق قسمين واحد يمين وشمال ..أما في الدور الأول كان على يده اليمين صالة استقبال كبيره فخمه قدامها غرفة الطعام إلي يستخدمونها إذا مافيه ضيوف ومكتب أبوه ...وعلى يده اليسار المطبخ الكبير وصالت طعام فخمه خاصه بالضيوف ومجلس عربي تراثي وصاله التلفزيون والي تجتمع فيها العايله أحيانا هذا عن عدم ذكر صاله الرياضه الخاصه والمجهزه والي بآخر البيت ولها باب ثاني يفتح للحديقه المسبح وشقق الخدم ...
طلع سعود درجتين درجتين ....ودخل غرفة سلطان وما لقاه ..وراح غرفة سعاد ولقاها تقرء كتاب وتتسمع في محمد عبده أغنية (البرواز( ...
تضايق سعود لان لحن الاغنيه الحزين ...وإحساس فنان العرب الكبير وهو يغنيها كانه ضربه لقلبه المجروح..
حبيبــــــــــــتي ..
لا صرتي الصوره ...
وعيوني البرواز...
وشلــــــــــــون ابنسى ..؟؟
تنبهت سعاد لريحة عطر قويه..............(وعرفته على طول ...سعود!) ورفعت راسها ولقته واقف وسرحان عند الباب ، نزلت كتابها ..
قالت وهي ترفع شعرها الطويل وتمسكه بشباصه بيج مثل لون جلابيتها القطنيه الخفيفه :- يا هلا ومرحبا أنا أشوف النور ملى المكان
ابتسم سعود وبانت خطوط الإجهاد والتعب حول عيونه وفمه :- منور بوجودك
قالت سعاد تمزح بعد ماسلمت عليه :- اذا تبي الشايب فتراه نام منذو مبطي
ضحك سعود غصب عليه )البنت هذي فيها شئ يهدي المهموم ):_ هههههههههههههههههههههههه عارف
كملت وهو تلوي شفايفها :- وسليطين مو هنا
سعود : عارف
سوت نفسها بيغمى عليها من الفرحه :- يعني وش جاي تبيني سخصيا
سعود:_ ههههههههههههههههههه إيه سخصيا
تذكرت سعاد أنها ماقالت له يجلس :- ياخزياه صدق إن ما في وجهي حيا...ادخل يا سعود تفزز
ابتسم سعود من خفة دمها ودخل وجلس على الصوفا البيج ..إلي تتناسب مع ديكورات غرفتها الذهبيه والزهر
سعاد :_ وش تحب تشرب
سعود وهو يحارشها :- أقول ترى هذا بيت أبوي لا تشوفين عمرك علي
قالت تمزح وياليتها ماتكلمت : no..no أنت فقدت هالحق من يوم ما تزوجت الماس....... إلا هي وينها ما جت معك
انقلب لون وجهه ابيض شاحب ودرت سعاد إن فيهم شئ من بعد ماطلعت نتيجة الفحوصات...بس ماحبت تتدخل وسكتت ...
وطال الصمت ....
قالت سعاد وهو مو قادره تتحمل :- سعود وش فيك ما أنت على بعضك
سحب نفس طويل ..وحس بضيق وقلة حيله ما حس بها فحياته ، ياما تعرض لمواقف صعبه حيل ومؤلمه وعمره ما حس بالعجز ولا بقلة الحيله مثله الحين ..
قال بهدوء يخفي حزن عظيم :- بقول لك بس قبل أبي منك وعد إن الكلام يبقى بيننا
قالت وهي توقف :_ سرك في بير ...(ومشت وسكرت باب غرفتها عشان ما احد يسمعهم (
فرك أصابع يدينه من التوتر إلي كان مسيطر عليه والي ما خفى على أخته ...و حبت تعطيه وقته لان صعبه على الرجال البدوي خاصةً يفضفض لأنه يحس هالشئ انتقاص لقدره...
وأخيرا قال بحزن صدم أخته : المـاس..بتتركني
ما قدرت تملك نفسها وصرخت..:-و شهو...؟؟؟؟؟
سعود:إلي سمعتيه
قالت سعاد وهي تحاول تضبط أعصابها :أنت متأكد الماس تموت لو عاشت بدونك صديقتي واعرفها ..(يمكن أغفلت هالشئ لكن سعاد والماس صديقات تربطهن علاقه إخوة كبيره حتى قبل زواجها من سعود .. حتى إنهن درسن بنفس الجامعه ولو إن التخصصات تختلف(
قال سعود ونظراته كلها رجاء تساعده : مدري وش العمل حاولت أتفاهم معها لكنها منغلقه على نفسها ورافضه تقربي منها وكلامي معها
سعاد : حاول مره ثانيه لا تستسلم
سعود وهو يرمي شماغه على الطاوله الخشب إلي قدامه :- حاولت وحاولت بس الموضوع من جد مآثر عليها قوليلي سعاد فيه احد مضايقها ويرمي عليها كلام يمين ويسار..........
)تذكرت سعاد نوف بنت عمها نايف إلي كانت تموت في سعود قبل ما يتزوج وبغضها وغيرتها الواضحه من الماس .. ولكن هالشعور اختفى بعد ما درت بمشكلتهم وحل مكانه الشعور بالتشفي و الوناسه و الشماته ...فخلال مناسبه مدري مناسبتين (لان نوف مغروره وما تحب تجي أبدا لمناسبات العايله)( كانت ترمي سهام سمومها لألماس إلي كانت لا مباليه لها و صامده ..شكل تأثير كلام ذيك الخبيثه كان كبير على الماس إلي تعرف كيف تخبي ضعفها عن أعداءها وعن الناس بشكل عام)
تغير لون وجه أخته خلاه يتأكد من صحة شكوكه :- من ...؟
لكن سعاد على كثر ما هي صريحه على كثر ما تحب تفتن....مسك يدها بقوه و فعيونه أمر :- من والله ليدفع الثمن
حطتها يده على يده وضغطت عليها برقه وقالت بصراحتها إلي ما خذلته :_ مرة عمي نايف وبنتها نوف
صرخ وهو يرجع شعره لوراء:_هذي ما فقدت الأمل للحين ما راح تفكني من شرها هي و أمها
في لهجته أخوها شئ ينبئها , إن إزعاج نوف له ما انتهى حتى بعد كل هالسنين..وانقبض قلبها
قالت بجديه :- يعني ما زالت محاولاتها قائمه
ناظرها بقوة لكن سعاد ما تخاف ولا ترهب احد غير الله مو هي إلي وقفت في وجيه عمانها وأبوها ورفضت تتزوج احمد ولد عمها نايف على الرغم من أنها تحبه وتموت فيه ..لكن لا كرامتها فوق كل شئ وما أنولد إلي يذلها (سعاد واحمد قصتهم قصة نذكرها إن شاء الله بعدين)... وثبتت نظرتها بنظرات أخوها إلي تطالبها ما تسال (لان نخوته كاسره ظهره لان نوف بنت عمه وفعايلها تسود وجهه ووجه عايلة ابن سبع كلها )...لكنها كانت جريئه وعنيده
قالت بصراحه :- لا تنكر هي تزعجك بمكالماتها صح ولا لا
قال بقسوه وعيونه يتطاير منها الشرر :- لا تجيبين سيره لأحد فاهمه ولا.. لا...، هذي في وجيهنا
قالت وهي محتقره هالإنسانه إلي بتمرغ سمعتهم في التراب بطيشها وخفة عقلها :- تطمن .. هالاشكال هذي ما يجيهم شئ...
قال سعود وهو يسند ظهره للكرسي المريح المخملي :- فكرت أغير رقمي بس عرفت إن هذا مو حل وإنها بتطلعه من تحت الأرض والله يا آذتني آذيه....لا و المطمه إن أبوي وعمي الظاهر ناوين يخطبونها لي
طاح الجوال من يد سعاد من الصدمه:- يخطبونـها لك وش فيهم ذا الشياب انهبلوا...يا ويلي والله لتروح فيها الماس
قال وهو حاس بغصه (ياربي ليش الحب عذاب) :- شكلها شاكه .. وهي تبي يجيني عيال بس ما أتزوج عليها ...
مافهمت سعاد وكمل ...:تقول ماراح أتحمل تشاركني فيك حرمه لكن راح أتحمل بعدك عني
دمعت عيون سعاد الماس تعاني حتى لو ماتكلمت .......
قال سعود بيأس يقطع القلب:- وش الحل يا سعاد والله مقدر أعيش بدونها ليش محد مقدرني و حاسس فيني ..قلبي ما تملكه بنت غيرها ما شفت منها قصور ولا خلاف ما شفت إلا كل خير وحب وإخلاص تصبر علي لا عصبت عليها لأني تعبان أو متضايق تمسح جبيني لا تعبت وتسهر على راحتي .... أحس ضاقت فيني الوسيعه
مسحت سعاد دموعها .. مو معقوله مو هذا أخوها الشديد الجدي ..إلي قدامها رجال بيفقد حبيبته لان الظروف والعادات وقفت ضدها وضده ..والضغوطات تنهال عليها من كل حدب وصوب وهو يكافح والماس مستسلمه لليأس...حست انه بينهار بسببهم
قالت سعاد وهو تتمالك نفسها لأنه يبي من يخفف عنه مو من يزيد همومه :-
-سايرها يا خوي جرحها إلي يتكلم وكرامتها .. الماس تموت في تراب رجلينك
قال بعصبيه ووجهه مشدود:- ما عاش إلي ينتقص كرامتها وأنا ولد ابن سبع ...
سعاد:- تحمل الماس عاقله ومصير عقلها بيحكمها
جلس سعود يفكر في نفسه ( آه لو تدرين إننا نعيش مثل الأغراب من يوم ما طلعت نتيجة الفحوصات..كانت تصيبها هستيريا لا حاول يقرب منها ، حتى لو يبي بس يكلمها ، وانتهت به الحال انه صار ينام بغرفة مخصصه للضيوف مقابلة لجناحهم .. ونفسيته تتدهور ، بعده عنها مسبب له جنون وحالة إحباط ما تنوصف ، لكنه سعود إلي يحبها من كل قلب ولأنه عارف أنها تصده من حبها له قدر يظل على حبها وعلى العهد ويمكن أقوى (
قالت سعاد وهي تشوف وزنه ناقص بوضوح :- بروح أحط لك عشاء شكلك لك سنه ماتعشيت
فكر )كنك داريه ما كان يعيش إلا علي المنبهات وقطعة خبز من هنا و توست من هنا ومن له نفس ياكل وكيف يجيله أصلا نفس والماس ما يطب الأكل جوفها إلا بالغصيبه ومن يدينه هو)
وسرح بأفكاره.. وطلعت من الغرفه وهي تحمد ربها لأنه ما اعترض ونزلت للمطبخ بسرعه ولان الساعه تعدت 11بالليل كانت الطباخه والخدامات نايمات ، وحطت هي العشاء له لأنها متعوده على هالشئ لأنها تسهر مع سلطان على التلفزيون والفيديو وما يتعشون إلا متأخر ..(
بعد ربع ساعه رجعت لقت سعود متمدد على الصوفا الطويله ونايم ، ابتسمت بحزن ونزلت الصينيه بهدوء وغطته وسكرت النور شكله تعبان وكانه ما ذاق طعم النوم من أيام ....
دق جوالها ولقته رقم الماس ابتسمت أكيد ولهانه على سعود خصوصا وانه قافل جواله "هلا "
قالت الماس بصوت وحده باكيه لين انبح صوته " هلا سعاد كيفك"
سعاد : تمام ، وش فيه صوتك
قالت الماس وهي تبكي : مافيني شئ… )سكتت شوي متردده لكن كملت)......من عندكم..؟
قالت سعاد تطمنها : سعود هنا ونايم لا تشيلين هم
تنفست الماس براحه : الحمد لله انه بخير و كالعاده بنت عمك الغبيه خلته يطلع من البيت زعلان وهو توه راجع من عمل طارئ أخره مره يعني راجع هلكان وأنا ما قصرت
قالت سعاد تصحح معلوماتها :- لا تقولين كالعاده لان مو هذي عوايدك الماس وش فيك ليش تبعدينه عنك نفسيته دمار تدرين
قالت وهي تبكي :-أحبه .... وحبه السبب
سعاد:- إلي يحب ما يعذب حبيبه
قالت الماس وهي تمسح دموعها إلي ما وقفت من يوم ما راح :- معك حق إلي يحب ما يعذب حبيبه
قالت سعاد وهي تجلس على كرسي بزاويه جنبها طاولة التلفون :- روحي نامي الحين وبكره يفرجها الله ..
الماس:- على قولتك.....سعاد (وطلعت محبتها الجلية له )خذي بالك منه توه طالع من سخنه (حمـى) لايكون وجه المكيف عليه .. ولا تجيبين له بيض لأنه ما يطيقه ولا يطيق ريحته وإلا طلع بدون ما ياكل .. واطوي شماغه وعلقيه بالعقال وحطيه على الطاوله .................)حست الماس أنها كثرت كلام وهذا ما ينفع خطتها ...............يالله سلام)
سكرت سعاد الجوال وجلست مغمضه عيونها ..ما فيه احد مرتاح ............وجلست تكلم نفسها حتى أنتي مو مرتاحه يا سعاد ..تلعبين على نفسك..حست بضربه قويه على بطنها وفكرت تسخر من نفسها الماس وسعود حبهم متبادل لكن أنا حب من طرف واحد
ورجعت تتذكر اليوم إلي عمرها ما نسته إلي دمر أحلامها وخلاها تلغي الملكه قبل موعدها بيوم رغم اعتراض الكل حتى إخوانها لكن سعاد كانت عنيده وشخصيتها قويه وما حد يجربها على شئ ما تبيه لو فيه قطع رقبتها ...خـــــــــــاين ...هذا هو الوصف إلي ينطبق عليه...
كان احمد جاي لبيتهم قبل الملكه بيوم حتى يروح مع سعود مشوار لأنهم أصدقاء ويشتغلون بشركة العايله سوى ..لكن سعود كان يتحمم ..وسعاد من اللقافه أو نقول من "حسن الحظ" راحت بسرعه للمجلس حتى تشوفه قبل ما ينزل أخوها وتملي عيونها من طلته الغاليه على قلبها ..وجت بزاويه مضلله تقدر تشوفه وما يقدر يشوفها بقسم الرجال..لكنه كان يسولف بالجوال وكان يبتسم دقيقه ويكشر دقيقه ...فتحت القزاز شوي حتى تسمع صوته القوي إلي يحرك مشاعرها بشكل ماله مثيل....و ياليتها كانت على عماها ...
كان يكلم بنت والظاهر إن خبر ملكته مو معجبها ...
قال برقه كبير :_ وبعدين يا قلبي .. أنتي الأساس وزواجي ما يغير شعوري تجاهك
لكن البنت كانت تجادله وصوت الجوال كان عالي والظاهر إنها كانت تبكي....
رد احمد عليها :_والله احبك وحبي لك ماله حدود بتظلين أنتي إلي متربعه على قلبي
أنصدمت سعاد ...حست بذهول ...بألم ما ينوصف....حست إنها تموت ... تنقتل بلا رحمه على يد أكثر إنسان حبته في حياتها...
انسحبت بكل هدوء لغرفتها وناظرت في الفستان إلي تكلفت فيه وتعبت عليه والي بتلبسه بكره في الملكه ..ما ذرفت ولا بدمعه ولا دمعه ..كان الألم اكبر من الدموع ..اكبر من كل إحساس ...حست بطعنة غدر اخترقت قلبها إلي فتح أبوابه قدام إنسان .,.,خـــــــــــاين.,.,
راحت لأبوها إلي كان جالس بمكتبته يقرأ كالعاده بين صلاة المغرب والعشاء ..
ابتسم لما شافها :_ هلا وغلا بحبيبة أبوها
قالت تتظاهر بالابتسام :- آهلين يا الغالي و شلونك...
أبوها :- الحمد لله بخير (لكن ملامح وجهها إلي دايم بشوش ما عجبته حيث انه جامد بشكل غريب) .........كمل...خير يبه فيك شئ
قالت بكل ثقه وهدوء :- يبه ودي أسالك....راحة بالي وسعادتي تهمك
انهبل أبوها من كلامها ورد وهو على نار ينتظر ترمي القنبله إلي بتقولها :- طبعا راحة عيالي أهم شئ بحياتي
قالت قبل ما تفقد شجاعتها وتغير رايها :- ما بي أتزوج احمد
انقلب وجه أبوها من الصدمه قال وهو مو مستوعب :- و شهو ..........
سحبت نفس لأنها ما تبي تبكي لأنه ما يستاهل دموعها :- ما أبي أتزوجه ...
قال أبوها بعجز :- لكن الملكه بكره ..وليش غيرتي رايك وش السبب
قالت بشبه توسل انه يفهم:- ماني مرتاحه يبه أنا وافقت (لازم تكذب وتجيب لأبوها عذر منطقي) عشانك وعشان عمي ولي كم يوم ماني قادره أنام وارتاح ما أبيه يبه ..والله مو خوف ولا شئ بس أنا مقتنعه 100% إني ما أبيه ، و ما يرضيك أضيع حياتي .. واندم بعدين
عــــجز أبوها فيها وفي تغيير رأيـــها ..وهو راجع من صلاة العشاء علم إخوانها وتركهم يتفاهمون معها
طبعا إخوانها تجمعوا وأمها وكلهم انصدموا من قرارها .. وبين مجادلات عنيفه نوعا ما من إخوانها وأمها إلي تحب احمد و خايفه على شعوره من قرار بنتها ... ظلت سعاد منشفه راسها
قال سعود وهو يحاول يتمالك نفسه:- لا تفضحينا يا بنت الملكه بكره توك تفكرين وبعدين حنا ما غصبناك عليه من الأول
قالت سعاد :_عارفه لكني عقلت وعرفت مصلحتي
)آه ليتك شفت إلي شفته ياخوي وسمعت (
سعود وهو يصارخ :- احمد رجال ما ينرد
قالت وهي تناظره بقوه واحتراما له ما رفعت صوتها عليه :- تقول كذا لأنه صديقك.. و ليش ما ينرد هذاني أنا ما رديته
ارتفع ضغط سعود وطلع زعلان وهو يقول لسلطان :- عقل هالمجنونه لا تفضحنا في خلق الله
على الرغم من حب سلطان لها إلا انه ما كان مؤيد تأخر ردها ..قال برقه :- سعاد إلي تسوينه مو سهل أنتي متأكده انك ما تبينه ...
هزت راسها بقوه :- متأكده مليون بالميه
قالت أمها وهي على وشك تبكي :- أكيد انهبلتي ... لو ما تبينه كان صدقت لكنك كنتي مجنونه فيه والدليل انك كنت مسويه العشاء اليوم لأنه بيتعشى عندنا (انقبض قلب سعاد وفكرت بسخريه هه هذا قبل ما ادري إني رخيصه عنده(
قالت بهدوء وهي تنهي الموضوع :- يمـه زواج ما راح أتزوج ألغوه الحين .. وإلا قلت للشيخ بكره لا ومن جد بتصير فضيحه ما صارت بعدين ليش مكبرين السالفه الملكه عائليه
قالت أمها وهي تتنفس بقوة :- الحمد لله إننا ما طعناك وخليناها عامه
)وصلت مع سعاد .. يا ربي وش كثر كانت غبيه وعلى نياتها تخطط وترسم لها الليله والفرح يملا قلبها يا شينها لا ناظر الواحد لفوق وما يدري إلا وهو يطيح من العالي و طيحته فيها نهايته ، كانت تظنه يحبها من إلحاحه سنين يبي يتزوجها لأنها كانت تدرس الجامعه لكنه زعل لأنها رفضت ترتبط رسمي إلا بعد الجامعه لأنها ماتبيه ينربط فيها ويندم بعدين ويكرهها وجلس سنتين ما خطبها ثم طاح إلي براسه وجاء يخطبها ، العن الغباء إلي كانت فيه........!
يمكن إلحاحه مبني على إن احمد بن نايف بن سبع ما ينرفض وعشان كذا هو مصر ينفذ إلي براسه و تكون له لو طال الزمن لأنه يعرف عناد سعاد المشهور في العايله الشبيه بعناده هو ،
والله مشكله لا تلاقت إرادتين قويتين .......؟((
طلعت سعاد من غرفتها ... تاركه سلطان يهدي أمها المنقهره منها ..
وعلى إن سلطان حاول بعد كذا يستفسر ليش غيرت رأيها . إلا إن الجرح كان أقوى من الكلام ويئس في النهايه ، أبوها صدق انه مو راضي لكنه رضخ للأمر الواقع لأنه يعرف بنته ما احد يجربها على شئ ما تبيه لو على قص رقبتها أما سعود فكان زعلان عليها لأنه يعز احمد معزه ما وراها معزه ويشوفه ما يستاهل هالموقف المحرج إلي يوطي في الكرامه .
--------<< رجعها من أحلامها وكآبتها صوت حركه...
قال سعود وهو يناظر في الساعه وصوته متغير من النوم :- ليه ما صحيتيني أكيد الماس قلقانه علي
ابتسمت على الرغم من إن الغصه موقفه مثل الحجر بنص حلقها :- لا تشيل هم دقت علي وعلمتها انك هنا
ارتاح سعود شوي..... وقال وهو يحط شماغه على كتفه :- تسلمين على العشاء ، يالله الساعه وحده الحين صار لي أربع ساعات هنا و ماودي أمي تشوفني إذا قامت تصلي قيام الليل كالعاده
قالت سعاد :- معك حق لان أمي بتعلم أبوي وحلني لين تقدر تتخلص من أسئلته
قال سعود يوبخها :- أقول اها بس تراه أبونا
سعاد:- ههههههههههههههه عارفه رح لمرتك بس أزعجتني بتعليماتها .لا يجيه مكيف ..لا يشم ريحة بيض ...لا ترمين شماغه ...احكي له حكايه قبل النوم
سعود:-ههههههههههههههه حشا طلعت بزر مو رجال بيصفق 32 عما قريب . بنروح بكره من صباح ربي لمزرعة عمي أبو خالد عشان عزيمته ....يالله سلام
سعاد:-ههههههههههههههه بحفظ الله
وطلع من البيت يجر رجلينه جر.. وعلى كثر ما هو ولهان على ما يشوف وجهها إلي يرد الروح .. على كثر ما هو عارف انه بيتألم من الإحباط إلي يواجهه من كم شهر .. بس يجيب الله فرج ، بس ليش قلبه قابضه كذا ما عنده فكره...؟
*)ياترى كيف بيتحمل سعود الصــــــــدمه إلي جايته في الطريق*(
&&&&&
(الجزء الثاني)


><وفي مزرعة أبو خالد ><......
قال خالد لدانه وهم يتمشون في إسطبلات الخيل :- ما تدرين متى تجي الماس...؟
قالت دانه وهي تضرب بالسوط على فخذها :-كلمتها قبل شوي و جايه بالطريق..؟
تنهد خالد :البنت هذي حالها مو معجبني
قالت دانه وهي تفكر بضيق : ما تستاهل الغاليه إلي يصير لها حتى سعود ما يستاهل .. بس تعرف الشياب لا تدخلوا في موضوع يخربون الدنيا
قال خالد بضيق :- على إني تكلمت مع أبوي إلا انه ما رد علي بكلمه ، قلت لهم حرام إلي يسوونه في الماس وسعود وان مالهم دخل ليش يعكننون حياتهم ..
دانه:- كان ما تعبت نفسك أنت تعرف أبوي ما يمشي إلا على هواه وتفكير الناس الأولين مسيطر عليه هو وعماني الله يهديهم
هز كتوفه :- قلت أحاول أتبنى موقف عشان ضميري يرتاح
هزت راسها بدون نفس :_الله يفرجها بمعرفته ، آه بس لو اعرف من إلي بيخطبها الشياب كان ذبحتها وشربت من دمها
)شرق خالد بالبيبسي إلي كان يشربه والتفتت له دانه وهي تشوف وجهه يحمر من الارتباك(..
قالت وهي على أعصابها :- من هي.......؟
تنصع خالد البراءه وقال :- من هي إلي من هي....؟
قالت بعصبيه :-لا تغير السالفه أنا متأكده إن عندك فكره عنها ......علمني ياخالد خل عصبيتي تبرد قبل لا تدوس بساطنا هالحقيره إلي بتسرق زوج أختي
هز خالد كتوفه وقال :- ماني متأكد بس.... شكلها وحده من بنات عمي نايف
شهقت دانه من الصدمه :- نوووووووووف ما غيرها بنت الـ........(وتداركت نفسها قبل لا تسب عمها (
استغرب خالد ردة فعلها بس فكر يمكن عشان الظلم إلي يوجه لألماس و طنش الموضوع........
؛
؛
رتبت الماس كل شئ زي ما خططت وتركت مهمة التنفيذ للشغاله وزوجها السواق لا راحوا لبيت أبوها إلي بالمزرعه لأنها تعرف سعود إن عرف بالي نوته ما راح يتم إلي تبيه إلا على موته , حتى لو جرحته وأهانته لأنه يعرفها زين ويعرف أنها تموت فيـــــــه
التفتت تناظر وجهه القوي وهو لابس نظاره شمسيه و راسه ما عليه شئ لأنه كان منزل شماغه جنبه...انتبه لنظراتها والتفت ثم ابتسم ذيك الابتسامة إلي تذوب قلبـــــــها وتخدرها لاحظ تأثيره عليها وزادت ابتسامته صحيح أنها تصده لكن على الأقل ما زالت تحبه ....
قالت بصوتها الناعم وهي تكافح عشان ما تبتسم :- انتبه للطريق لا تجيب العيد (تقصد يصير لهم حادث أو شئ مو زين لا سمح الله(
سعود:- ههههههههههههههههههههههه كيف انتبه و هالعيون الحلوه تناظرني
حمرت خدودها وهي حاطه طرحتها (غطاء وجهها) على كتوفها ومسدله شعرها ما ربطته لان السياره مظلله والطريق للمزرعه أصلا خالي من السيارات إلا من كم سياره يقابلونها صدفه بين مسافه والثانيه....
تنهد وقال يمزح :- العن أبو الشقـاء...؟
قالت الماس وهي تناظره . وما فهمت قصده لأنها تحاول تملي عينها من وجهه الحبيب قبل........... و حست بغصه لكن قدرت تتكلم :-شقاء وش.....؟؟؟؟؟
كمل وهو في مزاج رايق ما شافته الماس من فتره :-يقول المسل (وجلس يغني بصوته الحلو والي تحبه الماس كثير(
اقــربي لــيه خدي عيـنيه ...دنتي إلي ليــه في الدنيا ديــه ، ههههههههههههههههههههه ركزي على أول كملتين تعرفين معنى الشقاء إلي أنا فيه.
فهمت الماس قصده والي هو حرمانه من قربها و ولعت خدودها بينما هو ابتسم من خجلها من كلامه .. لو رجال غيره كان اخذ إلي يبي منها بالغصب وما اهتم لها ابد لكنها تعرف إنها يحبها وانه رجال بمعنى الكلمه بحيث انه ما يفرض نفسه على بنت ما تبي قربه .....دمعت عيونها هي مو غبيه ولا خبله وهي عارفه إنها بالي راح تسويه بتخسره ويمكن تكون هذي أخر مره تشوفه فيها ... ونزلت دموعها بغزاره بدون أرادتها لأنها كانت تحاول تحبسها من يوم ما طلعوا من الرياض ...
وقف سعود سيارته على جنب الطريق إلي تحاوطه أسوار المزارع الكبيره والعشب الأخضر ..
قال وهو يلتفت فيها وينزل نظارته بسرعه :- حبيبتي لا تبكين طلبتك .. (تنهد بكره لنفسه) ..........والله مو قصدي انتقدك أنا احترم قرارك بس والله كنت امزح أنتي تعرفيني دمي ثقـيل
وجلس يمسح دموعها .. قالت وهي تمسك يده الدافيه إلي على خدها وترفع نظرها لوجهه القريب منها :_ سعود تعرف إني احبك صح
تفاجأ من كلامها ، وقال برقه وهو يبتسم :- وأنتي تعرفين إني أعشقك مو احبك صح
ورجعت تبكي مره ثانيه .... احتار سعود معها وبعدها بربع ساعه هدت وكمل الطريق ................
شغل إذاعة mbc fm وكان فيها أغنية راشد الماجد "يسـألوني"...والتفت لجهة الماس وناظرها وكأنه يقول لها إن هالاغنيه
موجهه لها
يسالوني ليه احبك حب ماحبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
علميهم يالحبيبه .آه يا اغلى حبيبه
يسالوني ليتهم مثلي يعيشون الهوى
الاصابع في اليدين الواحده ماهي سوى
عندهم حبك طبيبعي وعندي فوق المستوى
فهميهم يالحبيبه .آه يا اغلى حبيبه
يسالوني وانتي اكبر من سوالفهم جميع
وانتي اجمل ما خلق ربي بهالكون الوسيع
ودي اتلاشى بدون عيونك الخجلى اضيع
اعذريهم يالحبيبه ..آه يا اغلى حبيبه
علميني ليه احبك حب ما حبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
اعذريني يالحبيبه ..آه والله حبيبه
...... ووصلت الرساله لألماس إلي هددت الدموع عيونها مره ثانيه ..
؛
؛
*
\دخلت الماس غرفتها هي و أخواتها إلي فيها سرير مزدوج كبير يكفي عشره أشخاص تقريبا بلونها البرتقالي الرايق إلي يضيف إشراق لنفس الواحد لان ديكوراتها بنوتيه مميزه .. دخلت الحمام الملحق بالغرفه الكبيره وغسلت وجهها إلي كله دموع ورجعت لطاولة الزينه وطلعت أغراضها وحطت ماكياج نهاري خفيف .. يناسب فستانها السماوي الخفيف إلي يوصل لنص الساق والي تلبس معه صندل ابيض خفيف نظرا للجو الحار .. تعطرت من عطرها المفضل (اسكادا) ورجعت شعرها الطويل البني لوراء متعمده يكون مموج اليوم لان هالستايل يلبق لها بما إن شعرها ناعم وكثيف...
دخلت المطبخ و لقت قمر لابسه برمودا بيج وبلوزه بيضاء ربع كم و واقفه تسولف كالعاده جنب دانه إلي كانت جالسه تاكل ايس كريم ولابسه فستان ليموني روعه تحت الركب متعلق بجسمها عن طريق تعليقات خفيفه يا الله تنشاف ..
كانت دانه أول من شافها نطت من فوق الكرسي وهي تصارخ من الفرحه وضمتها بكل حب ....جت قمر وسحبت دانه من حضن الماس وقالت :- وجع ما صارت تراها أختي بعد
الماس:- ههههههههههههههههههههههههه يا ربي ما تخلن الهواش ابد ..
قمر:- هههههههههههههههههههههه ما نعيش بدون هواش
دانه :- هههههههههههههههههه جيتو بلحالكم
قالت الماس وهي تجلس وتكمل أكل الايس كريم :-إيه بلحالنا تعرفين عمي عنده دوام اليوم بما إن أبوي متغيب وسلطان رايح لجامعه الملك سعود يقدم حتى يدرس فيها (حمر وجه قمر من سيرته )....
ولان دانه تعرف إن الماس مو ناقصه انفجار من انفجارات قمر خصوصا وإنها ما تدري أنها رافضه تتزوج سلطان وعايشه حالة يأس ....قالت بسرعه :- أنتي وش أخبارك وش مسويه ...؟
ارتجفت الملعقه بيد الماس قالت تكابر وتدعي إن كل شئ ok :- الحمد لله أخباري تسرك ..أنتي وش أخبارك وش استعداداتكم لملكة قمر ...
شرقت قمر بالعصير وقالت وهي معصبه :- اقطعها من سيره ...
طلعت عيون الماس قدام :- حرام عليك كلش ولا سلطان ما فيه مثل أخلاقه وألف بنت تتمناه
قالت قمر وهي تناظر فوق بملل :- ألف بنت باستثنائي...
ناظرت الماس دانه بعتب :- ليش ما قلتي لي إن الانسه قمر ما تبي سلطان
قالت دانه :- ناقصه أنتي .........تعرفين قمر تقرر قبل لا تفكر
قمر :- يالربع يالجماعه تراني stay بينكم
الماس وهي تهز راسها :- ما لك داعي إذا ما تبينه لا تظلمينه سلطان ما يستاهل
قالت قمر بملل :- أوف إلي يسمعكم يقول بتزوج brad bit
قالت الماس بقوه :- يخسي براد بيت والي جابوه وش جاب لجاب
طلعت قمر من المطبخ لان الموضوع ما أعجبها ...وقالت عند الباب بدلع :- see you
قالت دانه :- لا تحرين عمرك مصيرها بتعرف قدره
قالت الماس :- أتمنى تعرف قدره قبل لا يفوت الفوت .. سلطان كرامته عنده فوق كل شئ
قالت دانه : بتجلسين معنا كم يوم ولا بترجعين بكره مع سلطان ..
طاحت الملعقه من يد الماس من التوتر ..قالت بارتباك :- شكلي برجع معكم سعود عنده شغل
ناظرتها دانه بنص عين :- الماس ... ....
قاطعتها الماس قبل لا تتكلم :- دانه أنا جايه برتاح ما ودي الحين أتكلم اجلي هالشئ كم يوم وبعدين يحلها ألف حلال ...
استسلمت دانه لأنها تعرف عناد الماس:- على راحتك.. تعالي نروح لامي تلقينها جالسه بالحديقه لان جو المغرب رايق وحلو
قامت الماس وغسلت يدينها وهي كلها امتنان لذوق أختها :- يالله
طلعن للحديقه إلي يوصل لها باب المطبخ الخارجي ولقن أم خالد جالسه مع قمر و يسولفن ...وجلسن معها وراح الوقت في الضحك والسوالف وسعة البال ....
بعد صلاة العشاء ... رجعت الماس بعد ما صلت وجلست بالحديقه لان الجو يوحي بالأمان والاستقرار والهدوء العاطفي نسبيا.....
جاها خالد وجلس يسولف معها ، ضرب راسه وكأنه نسى شئ مهم
خالد :- يوه صح سعود بيذبحني أرسلني يبيك تروحين لمسبح الرجال
عقدت حواجبها :- ليه...؟
غمزها خالد وقال بلهجه لها معنى :- الله العالم بس لا تنسون أنفسكم ترى الشايب (يقصد أبوه) يجول في الأنحاء ههههههههههههههه
حمر وجه الماس ورمته بالكاس الورق إلي عندها :- استح عيب
خالد:- ههههههههههههههههههههههههه طيب روحي له لا يجي يحوس مريري (يهاوشه(
طلعت الماس من عنده ومشت مسافه طويله نظرا لكبر المزرعه إلي مقسمه بترتيب قسم الزراعه في جهه بعيده لأنه يحتل مسافه معتبره أما الفيلا العصريه الفخمه فكانت في الوسط مبنيه في ارض خضراء في جهه قريبه إسطبلات الخيل الاصيله إلي يحب أبوها يقتنيها و وراه سكن الخدم والعاملين .... وبالفيلا ملحقات مثل المسبح الكبير إلي مصمم طريقه روعه وحوله طاولات للي يبي يرتاح ، وفيه صالات الرياضه المجهزه من مجاميعه ، و الحديقه الخلفيه إلي مجهزه بطاولات وملعب تنس لان هذي الرياضه محببه للبنات أكثر من العيال لان لهم ارض مخصصه ملعب كوره ...........
وقفت الماس تدور سعود بالمكان وما لقته ، وفجاه ضمها من ورى برقه ...قالت بصوت مرتجف:- سـ..سعود
سعود :- ههههههههههههههههههه ما غيري
ودارت بين يدينه لين صارت مقابله لوجهه ..وضمها بقوه لصدره العاري إلي كله مويه لأنه كان يسبح
قالت وعيونها معلقه بعيونه :- بـ....بغيت شئ
هز كتوفه وقال وهو يغني :- كل الحكـايه ...أشتقتلك
حست ببروده فظيعه مو من الجو....... لا من قلبها إلي بيصير مهجور وخاوي من بعده ....وهذي أولتها يا الماس بعد يوم ولا أسبوع ولا عشر سنين وش بيكون شعورك ..أو بالأحرى كيف بتعيشين في دنيا خلت من وجوده ....
استجابت له .. وحست بحرمانه إلي يوازي حرمانها ....... لكنها انسحبت من يدينه ....
قال بهدوء يخفي ألمه وشوقه لها :- أنتي ترتجفين ادخلي غيري ملابسك كلها مويه (كان يبي يصرفها بأي وسيله قبل لا يتهور ..................
طلعت الماس من عنده تركض بسرعه وما وقفت إلا وهي في غرفة النوم .. جلست على السرير ترتجف .. ثم قامت وغيرت ملابسها ولبست بنطلون ابيض قطني واسع وبلوزه بيضاء بدون أكمام...نامت على السرير وهي تفكر انه بكره بيرجع للرياض بعد العشاء ويمكن بعد ما يتعشى لان وراه ارتباطات مهمه ولازم يكون بالرياض قبل الساعه 11 بالليل....وظلت تتقلب في الفراش..
دخلت دانه وقالت وهي معها صينيه عليها ساندويتشات وبيبسي ...:- حسبتك نمتي بما إن مالك حس
جلست الماس :- بدلت ملابسي ولقيت ما لي خلق اطلع ... (وناظرت في الصينيه إلي بيد دانه) جاء فوقته العشاء ميته جوع
وجلسن ياكلن و يسولفن ....
ناظرت الماس بعد ما غسلت يدينها وفرشت أسنانها استعداد للنوم الساعه و لقتها 12 بالليل ....ودانه كانت جالسه على الصوفا وتتفرج على فلم هندي وقمر منسدحه على رجلها وتآكل فشار و مندمجه بالفلم ...
سوت الماس المخدات وسندت ظهرها .. مو قادره تنام ولا ترتاح .. شئ في داخلها يصرخ بعنف بتخسريـــــــــــنه للأبد ...بتنحرمين منه ...بيكون لغيـرك...؟
شدت غطاء السرير الحريري عليها ومسكته بقوه تحاول تفضي ألمها فيه بس ما فيه أمل الألم اكبر من كل شئ ....
مشتــــــاقه له.................مو هو قال.....................كل الحكـــــايه اشتقت لك ...
بتموت عليه ...وتموت فيه ...وتحبه .....................بس الله يعين لأنها تعرف نفسها ما تقدر تعيش مع شريكه لها فيه وتشوف وده ينسحب منها ...حتى تكون في هامش حياته .لأنها ساعتها من جد بتموت ....
انتبهت قمر لقلق الماس وقالت بجرأتها :- يابنت الناس روقينا وروحي له ...
دانه وهي تضربها على راسها بلطف :- ههههههههههههههه وجع يالي ما تستحين
قالت قمر وهي تأشر على الماس إلي متسنده :- ناظريها لها ساعه تتقلب في الفراش إذا تبي تروح له تروح تلقاه نايم بغرفة الضيوف إلي بقسم الرجال ولا تخاف خالد رجع الرياض يجيب أغراض عشان عشاء بكره.. وأبوي بأحضان الماما الحين ...
رمتها الماس بالمخده إلي على شكل قلب وقالت وهي رافعه حاجب :- هذي إلي صاجتنا ما تبي العرس ما أقول إلا مالت
عرفت الماس تردها لها ...--------
وضحكت دانه ::- تعجبيني ضربه مزدوجه هههههههههههههههههههههههههههههه
كشرت قمر ورجعت تناظر باقي الفلم....وخلص فشارها ونزلت للمطبخ تجيب غيره سألت البنات إن كانن يبغن شئ طلبت دانه علبة بيبسي وما بغت الماس شئ ...
قالت دانه وهي تنط بسرعه جنبها على السرير :-تبغيني أشوف لك الطريق
حمرت خدود الماس وقالت بقوه وهي تقاوم الفكره إلي بدت تكبر براسها :-أقول كنك صدقتي السوسه قمر
قالت دانه بتفهم :- حبي حنا خوات ونعرف بعض زين وأنا أعرفك أنتي ودك تروحين له لكن متردده مو حياء أنا متأكده بس لان في راسك شئ....
جلست الماس تفكر.....وتفكر .................. أخيرا قررت بتروح له .........مو قادره تتخيل إن الموقف الحميم إلي صار بينهم اليوم هو أخر شئ ممكن يصير...
قالت وهي ترمي غطاء السرير :- على قولتك أنا بغير ملابسي وأنتي شوفي لي لطريق
ابتسمت دانه ووقفت بتطلع :- اتفقنا لا تتأخرين
بعدها بعشر دقايق كانت الماس مستعده ولابسه قميص نوم من الساتان الأبيض ومسيحه شعرها ، مسكت مسكة باب غرفته وقلبها يضرب وكأنه غريب عنها مو حبيبها إلي تشاركت كل شئ معه على مدى أربع سنوات....فتحت الباب بشويش ولقته نايم على ظهره وحاط يدينه ورى راسه يناظر في السقف وكانت ملامحه حزينه نوعا ما....كانت عارفه أنها سبب حزنه .....وهذا الشئ دمرها فتحت الباب ودخلت ...
كيف أوصف لكم هاللحـــظه ...
وكيف أوصف شعور سعود إلي كان مثل العطشان إلي أهلـــــــــكه الضما وأخيرا شاف قدامـــــــــــه نبع ماء عذب ..............
كأنه كان بنار وبرمشــــــة عين لقـــى نفسه بجنه ...وفي وقت كانت أحلامـــــــــــــه تتداعى ..يلقى كل شئ بخير ..
كان الصمت يعم المكان .. ماعدا صوت حشرات الليل إلي برى....عرف سعود هشاشة هاللحظه ..رغم الشوق إلي يستعر في كيانـــــــه لكنه بقى هادي ، ينتظر تقوم هي بالخطوه الأولى...
ومثل ما خمن .. كانت الماس تواجه صعوبه في الكلام وحتى في الحركه ... ومره ثانيه مثل ما خمن استجمعت شجاعتها ودخلت الغرفه .. وهي تسكر الباب بهدوء.......
حمد سعود ربـــه لأنه استجاب لدعواته ....ووقف وتقدم من حبيبة عمره الأولى و الأخيره ....كانت ترتجف ونظراتها تتجنب عيونه ،
*&*فيــــــه شئ مضايقها حيل و مو مرتاحه ...*&*
عرف سعود هالشي ...لأنها كتاب مفتوح قدامه ....لكن وش السبب ما يدري ...... و دعا ربه يخفف الألم الغريب إلي يضغط على قلبـــــــــــه .......!
ليش ما يدري.........؟؟؟؟؟؟؟
؛
(الجزء الثالث)



قال راكان لامه قبل لا يدخل غرفته :- يالله يالغاليه بدخل غرفتي والبس عشان نمشي لمزرعة العم أبو خالد
قالت أمه وهي جالسه في المجلس العربي إلي جنب غرفتها الكبيره :- أنا جاهزه يا وليدي علمت مريم تجهز
قال راكان بحنان :- إيه وهي الحين تزهب أغراضها ...(وراح يمشي للباب) ما راح اتاخر ربع ساعه بالكثير...
وطلع لغرفته يمشي بتكاسل وهو يغني ......
اجـــيك يســلم راسك ...وشلـــون ما اجــيك
وياك انا بالذات صعب اتغلى
قاطعته الخاله مريم تمزح وتناقره :- ياعينـي منهي سعيدة الحظ هذي
ناظرها راكان وهو رافع حاجب وقال وكأنه مل من تلميحات أمهاته الثنتين حتى يلفتن نظره للزواج مره ثانيه :- ما مليتي يمه من هالاسطوانه
فهمت قصده وقالت تتوعده وهي تأشر بأصبعها عليه من تحت :- ما مليت ولا راح أملّ إلا لين أشوف بنتاخي (زوجته) هنا ببيتك
راكان:-ههههههههههههههههههههه بيطول انتظارك ...
)وهو يفكر بعد إلي شفته من ساره ينعاف صنف الحريم كله (
ورقى الدرج ومزاجه إلي كان رايق يتعكر يعني لازم هالسيره هو يحاول يتناسى إلي صار لازم يرجعن يذكرنه .....كل هالمراره فقلبه وهو كان عارف الخطه من البدايه اجل وش بيكون شعوره لو انه كان مثل الأطرش بالزفة وتزوجها وهو يحسبها من جد تحبه زي ما كانت تدعي...ولولا انه اخذ حذره منها وراقبها عن كثب كان ما درى عن خيانتها لثقته وهو إلي على الرغم من اتفاقيتها مع أبوها عشان يشلحونه ثروته إلا انه كان يعاملها برقه وباحترام ...وقال يمكن تكون مغصوبه لكن ...لا
الانسانه إلي تتفجر انوثه و دلع ....كانت تخفي تحت جمالها أنانيه وحب ذات ما ينوصف لو بيدها تبيع أبوها عشان الفلوس باعته ولو انه ما ينخاف من هذي النقطه لأنها وأبوها وجهين لعمله وحده........
)فكر بــقــرف) والدليل أنها تزوجت بعد طلاقهم أربع مرات وكل واحد من أزواجها كبر جدها مو أبوها ...وطبعا تجار لهم وزنهم بالسوق وجيوبهم مليانه ...
رمى قميصه الأسود الضيق بعنف في الغرفه ... وش يبي بالزواج إذا كان هم وحالة شك مستمره .. إذا انعدمت الثقه في أي علاقه إنسانيه بيكون مصيرها الزوال وهذا إلي صار ...
كان يحتاج بس لإخلاصها ويشيلها على راسه من فوق عمره ماكان إنسان منحرف أخلاقيا وعمره ما خان ثقة من ائتمنه على شئ .. كان مخلص ، ولكن وش نتيجة هالاخلاص خيــــــانه ....والرجال يسامح على كل شئ إلا الخيانه لأن الثقه والسماح بعد هالشئ مثل الكاس إلي لا انكسر صعب يتركب مره ثانيه....
توالت الصور في راسـه ، أربع شرايح جوال ....كل رقم لحبيب معين ورقم له هو ...
مستندات مهمه مفقوده من مكتبه بالبيـــت.......
لاب توب كله محادثات غير أخلاقيه ومن الغباء محفوظه على الجهاز........و................و
فتح المويه البارده مره ووقف تحتها يمكن يتبدد شعوره العنيف وكرهــــــه لشئ اسمه ,’,’ زواج,’,’
من هي إلي تستاهل تكون له زوجـــــــــــــــــــه !!!
مين المستعده توقف معه في الحلوه والمره .....مين إلي تقبل تعاشر رجل صعب صعب طبعه ...
والسؤال الأهـــ.ــ.ـــ.ـــم ......؟؟؟؟؟
مين ألي قادره تسعده بعد كل إلي شافه من زوجته السابقه الاستغلالية ؟؟؟.......إلي طلقها وطلعت من بيته وحياته بكل إذلال ممكن يمر في حياتها والي تعمد يوجهه لها حتى ما تنساه مدام هي حيه وهذي طريقته في الانتقام .....
لأنه يصفــــــــــح وما ينســــــــى
نقدر نقول هذا عيب من عيوبه أو سر من اكبر أسرار نجاحه بالسوق والي يخلي الكل لاجت سيرته بس يرجف من الخوف وكثر الوساوس...
وتذكر ذاك اليوم ..... بعد ما اكتشف خيانتها الشخصيه له والي طعنته في رجولته ..... كان شاكك فيها وتبين صحة شكه لما لقى الشرايح بعلبة ذهبها الغالـي .........والي كان بفلوسه
ما خفى عليه إن ساره بنت سطحيه و غبيه لأقصى حد مع إن عمرها في ذاك الوقت 23 سنه .... وإلا فيه احد يحط جميع أرقامه السريه الخاصه بتشغيل رقم الشريحه أربع أصفار ويحط هالمصيبه بعلبه الذهب إلي على الطاوله حقت الزينه يعني في متناول الكل........
ماتعب عمره بالتفكير طلع شريحته ودخل الشرايح إلي معه وحده وحده وكانت تنفتح بنفس رقم تشغيل رقمها إلي معه ...أنصدم من كمية الأرقام والي بكل وقاحه بأسماء شباب
عموري.......فهودي...........العاشق ..............مجنون العاطفه...........الحنون .....الخ
حس باشمئزاز ماله مثيل ................في وقت كانت تتوالى المكالمات من عشاقها بالهبل .......... ابتسم بقسوه وقال في نفسه ساعتها (لها شعبيه ولا اكبر داشـ(...
انتظرها لين رجعت من اجتماع لصديقاتها (أو عشاقها)بالكوفي شوب إلي ببرج المملكه ....
أول شئ ارتبكت لما شافته واقف بطوله الفارع يناظرها بوجه ما يعبر عن شئ وهذا إلي خوفها ....قربت منه بدلال لابق لها إلي بالماكياج المضبوط ولون الشعر المناسب لبشرتها البيضاء طالعه ملكة جمال ....نظرا لجمالها العادي
ضمته لكنه كان جامد وما تحركت فيه عضله وحده ولا نطق بجمله ولا كلمه
قالت وهي ترمي العبايه الشفافه المطرزه كأنها أنوار شارع أو فستان سهره على السرير بعنف :- خير
قال بنعومه هي ابعد شئ عنه هااللحظات وهو يناظرها باحتقار خلى قلبها يتسارع نبضه :-كل خير ياقلبي ...
ورمى الشرايح قدامها وهو يقول بنفس الهدوء إلي تحته ثورة غضب مجنونه........و.وجهها مختفي عنه كل لون :- بس لو تقدرين تشرحين لي معنى هذي الشرايح أكون شاكر لك
ارتبكت :- حبيبـ....راكـ... انـ..ـا
وحاولت إغراءه بأنوثتها حتى ينسى هالمصيبه لكنه دفها عنه بقرف وقال ........:- وفري طاقاتك للي جاي يا بنت العم
صرخت فيه تبكي وتتوسـل...
ساره:-راكان صار لنا 6 شهور متزوجين لاتفضحني بين الناس
نزل يدها عن يده بقوه وناظرها بإذلال :- لا لا يا بنت العم ما راح أفضحك ...لأنك في وجهي ...انتقامي بيكون غير و ما راح تنسينه طول ما أنتي حيه وهذا يتضمن تعليمك كم درس بعد
قال باحتقار :- ضفي أغراضك كلها الحين
صرخت بهستيريا :- لا لا لا
قال وهو يصارخ :- ضفــــيها (وضربها كف خلاها تطيح على الأرض من قوته وظلت تناظره مو مصدقه أول مره تعرف الألم الجسدي وأول مره تنمد يد عليها (..
قال وهو يأشر عليها وهو يحس بالحراره تستعر بجسمه من قوة تعصيبته :-أول درس ما حد يستغفلني لأني ذيب (دليل على وعيه لكل إلي يدور حوله(
وقفت وضمت صندوق ذهبها و ألماسها في صدرها وكأنها بتفقد حياتها لا فقدته ، قالت بهستيريا :- هذا ذهبي وحلالي وعلى جثتي بتاخذه ...
ضحك بدون نفس وقال بأهانه :- الدرس الثاني أنا لا أخذت أحب أعطي ..... (كمل بكبر وغرور) اعتبريه ....اممممممممم ......... مكافئه لأنك عاشرتيني الكم شهر إلي فاتو
أنصدمت ساره صدمه مالها مثيل.......لا في أحلامها ولا يقظتها ولا في أي حال من الأحوال ، تخيلت إنها راح تنهان بهالشكل حست بكرامتها تنزل لسابع ارض...ليش لا وهو يعاملها وكأنها باعت نفسها عليه...
نزلت دموعها غصب عنها وهي القاسيه إلي بكَتَ ناس وما قد احد بكاها ......
قال ببرود يقتل ..ويذوب الحجر لين يتلاشى ...:- الدرس الثالث لاقسيت قسيت وماينافسني في قسوتي حتى الحجر
والبادي اظلم والحين جمعي اغراضك واذا تبغين فلوس زياده على ذهبك ورصيدك بالبنك خبريني (وكمل يبي يجرحها حتى تتربى ( انا مثل ماقلت لك لا اخذت احب اعطي
صرخت وهي تحط يدينها على اذانها حتى ماعاد تسمع اهاناته :- بس يكفي
هز كتوفه وكان المها مايهمه وقال:- في المره الجايه لاجيتي بتنصبين على احد اختاري ناس يقدرون يحفظون السر
ناظرته بصدمه من بين دموعها وفهما يرتجف :- كنـ...كنت تعرف......
قال بقسوه :- وش قالولك نايم على اذاني كل شئ كنت عارف خطة ابوك العزيز قبل لايبدء كل شئ
قالت ساره بذهول :-ليـ...ش مشيت في الموضوع طيب
قال بكبر قهر ساره من الصميم اليوم ودوم :-تغيير جو لقيت نفسي مخنوق من جو العمل قلت خلني اخذ فترة نقاهه واتسلـــــــى!
قالت وهي تبكي :- أنت قاســــــــي!!!
قال وهو يمشي بيطلع من الغرفه لان الجو بدا يخنقه :-أنتي ماتعرفيني وإلا ما تجرأتي وعرضتي نفسك علي في كل المناسبات ولا تقولين صدفه لان هناك فرق بين الصدفه وبين التعمد
حمرت خدودها حيل لانها تذكرت زي ماهو متذكر يوم تعمدت تصدم فيه بالغلط "المتعمد " يوم العيد حتى صارت شبه ملاصقه له والطرحه طاحت بالغلط "المتعمد" وصارت عينه بعيونها الي كانت مكحله باتقان وبراعه متعمده تحره بجمالها المصطنع
وطلع صافق الباب وراه تاركها تنهار على السرير وتجمع باقي كرامتها الذليله وهي تكره نفسها ...وابوها ...وعمامها .......لانه السبب في الي صار لها
نزلت الشغاله بأوامر راكان أغراضها ولقت أم راكان جالسه بالصاله المقابله للدرج إلي بوسط البيت وملامحها احتقار ماله مثيل لدرجة إن ساره إلي عمرها ما اهتمت برأي احد تمنت في هاللحظه لو تنشق الأرض وتبلعها ..ودرت إن راكان علمها لكن الصدمـــــه الكبيره إن أبوها كان موجود ...كيف ترك إشغاله في ساعه وجاء....وهو إلي عمره ما اهتم بشئ في حياته كثر الفلوس لدرجة إن أمها إلي ماتولد إلا بالقيصريه توفى لها أربع أطفال لأنه لقى كم اجتماع عمل وكم الف ريال أهم من انه يجي ويودي زوجته المستشفى ..لكن الله عاقبه إن ماله ظنى إلا ساره أول طفل لهم .....ولأنه بخيل بشكل ماينوصف ألغى فكرة الزواج من راسه ومايهمه يكون له عيال أو لا..
قال أبوها بنفاق واضح :- ليش مزعله ولد عمك يالي ماتستحين...؟
قاطعته بوقاحه وانعدام بر مو غريب عليها :- لا تحط نفسك في موضع سخريه كلهم دارين عن خطتنا
قاطعهم راكان وتجاهل ملامح عمه الخايفه المصدومه وهو الحين ينهي انتقامه منهم ويبرد ناره إلي والعه بسبب عمانه من يوم ما كان عمره 24 سنه يوم انقلبوا ضده وحاربوه عشان ورث أبوه وجده أبو أمه :-وأزيدك من الشعر بيت على زود جشعك وكل عيوبك إلي أنت عارفها والي راح اتجاوز ذكرها لأنك بكل أسف اخو أبوي طريده (مولود بعده) ما عرفت تربي بنتك وحيدك .......................خذها مالي لزوم في بنات ماتربن .........
وعلى الطاوله رمى اللاب توب إلي كان شغال على مصايبها لان راكان professional في أمور الحاسب الآلي لأنها تدخل ضمن دراسته لإدارة الإعمال ...ورمى الشرايح....والملفات إلي سرقتها من مكتبه وكانت نسخ عقود فاشله كان حاطها راكان على مكتبه بالبيت لان عقوده السريه مايجيبها البيت إلا نادرا وكان لها خزنه سريه ما احد يعرفها غيره وأمه ...
وكانت مو مهمه ابد وسبحان الله الي نيته شينه ما يسهل له دربه دايم ............................
طلع راكان من الحمام معصب من هالذكريات الي كانت تسمم له حياته....ولبس ملابسه بسرعه
عمره ما كان قاســــــي...وعمره ما أذى احد ....ولا قطع في لحمه ودمه لكن أعمامه الجشع أعماهم و ياما أذوه حتى وصل لمرحلة انه نفسّ شئ من ألمه وإحباطه في وجه عمه ذاك اليوم.
بس 24 سنـه...كان عمره
ليت عندهم فكره عن إلي مقدار الألم إلي سببوه له ...الإحباط ...والنار إلي شابه بقلبه والي كانت تحرمه المنام.......فقد أبوه.........فقد سنده بهالدنيا............... لا أخ.......ولا أبو ......... لا عم ........ولا ولد عم حتى ....!
لو واحد غيره كان دمرهم واحد واحد........والعذر معه ،
لكنــــــــــه ))))راكان))))
رغم قسوته الي تعود عليها في شغله وادارة اعماله والي مكنته من التربع على القمه لكنه كان في الداخل انســــــان طيب ...طيب...طيب
لكن ياما دفن هالطيبه ...في داخله وما خلاها تتنفس لكن في مواقف كثيره كانت تتغلب على ارادته الحديديه وتفرض نفسها على تصرفاته!
قاطع تفكيره الكئيب صوت أمه تناديه وتستعجله لان قدامهم حوالي ساعتين أو أكثر حتى يوصلون سكر ازارير ثوبه الأسود لأنه يعرف جو المزارع بارد بالليل على الرغم من إن الصيف عامل عمايله بالرياض ... واخذ غترته البيضاء وحط عطره بسرعه واخذ مفتاحه وجواله بيده ونزل الدرج الواسع بسرعه
أم راكان:- وينك تأخرت يمه
نزل وجلس يصلح غترته بالمرايه إلي على يسار الدرج ..:- السموحه يالغاليه ( وكمل يمزح ) وين mother 2
أم راكان :- ههههههههههههههههههههههه هذي هي (وأشرت على الخاله مريم وهي جايه تمشي وتلبس عبايتها (
راكان :- يالله مشينا يادوب نكون العصر عندهم
قالت الخاله مريم تتذمر :- الله يهديك ياوليدي لو منتظر للعصر وماشي ازين من السفر في هالقوايل (تقصد حرارة الظهر(
راكان:- هههههههههههههههههههههههههههه الله يخلي المكيفات ليش حاطينها بالسيارات وبعدين فترة العصر ماتتفوت في المزرعه
سألته أم راكان :- قد زرتها قبل هالمره
سكر الباب إلي ورا مرتبته على الخاله مريم وساعد أمه تجلس في المرتبه إلي قدام وقال وهو بيسكر بابها وبلهجة إلي ينهي الموضوع :- زرتها قبل خمس سنين
))كان ذاك اليوم يوم يعزم أبو خالد على زواجه من ساره لأنه صديق أبوه واحن عليه من إخوانه إلي ياما حاربوه وهذا فضل ما راح ينساه له راكان((
تلاقت عيون ام راكان بعيون مريم
وقالت قبل لايركب لانه كان يعطي تعليماته احراس الفيلا:- المزاج مقفل اليوم
قالت الخاله مريم شبه ندمانه :-يمكن لاني لمحت له عن العرس والظاهر هذا هو السبب
قالت امه بحزن:- الي شافه يا وخيتي موب هين والي يقهر في عزايمنا تترز له وتسلم عليه الي ماتستحي حتى شعرها ماتغطيه تقولين زوجها
قالت الخاله مريم وضغطها مرتفع من قبل بسبب وقاحتها :-بعد كل الذل الي جاها منه لو عندها كرامه ما طبت بيته مره ثانيه
ضحكت امه بشماته :-حست بقيمته ورجولته الي تخلي كل بنت تتمناه
قالت الخاله مريم شامته :-هههههههههههههههههههه سمعت انهم يعالجونها عند طبيب نفسي لان عندها اكتئاب
قالت امه وهي ترفع حاجبها الخفيف :-مصدقه انتي كل هذي حجج عشان تكسر خاطره ويتزوجها ثاني مره
الخاله مريم :- هههههههههههههههههههههههههههه ما سواها الا راكان
قاطعهن راكان وكن مزاجه تحسن شوي..:- وش فيه راكان
الخاله مريم :- كنت اقول لامك اني موصيتك تجيب لي شريط مطربي المفضل
عقد راكان حواجبه لانه نسى وابتسم :- منهو .........؟
عصبت عليه الخاله مريم :- الاسمر المزيون
ابتسم زياده ........وانفجر بالضحك :- وائــــــــــل كفوري معذب البنات والله ما انتي بسهله يمه هههههههههههههههههههههههههههههههههههههههههههههههههه
ضحكت أمه منها لأنها كنها مراهقه ....
عصبت :- أقول اها بس و فكني من بنت وهبي
راكان وهو مازال يضحك :- أعوذ بالله وش جاب السماء للأرض ........ أليسا يمه أليسا سوي تحديث لذاكرتك
كملت وكانه ماقاطعها :- وبعدين انا مو عجوز
راكان وهو مازال يضحك :- اعوذ بالله انا ماقلت شئ الا بنت وست البنات
قالت له تمزح كالعاده :- اجل زوجنــــــي!
راكان :- هونّــــــــا لابنت ولا قاله الله انا معندي بنات يتزوجن
امه والخاله مريم فاطسات من الضحك على مزحه عليهن..........
؛
؛
)الجزء الرابع)
><في بيت نايف "أبو احمد"><
مشتـــاق القلب لسى ليك....
وبدوب واموت واغير عليك
والروح هيمانه طايره بيـــــك..
.وبتسالني ليه على حبي انـا
قالت رنا لاختها الي تغني قدام المرايه بكل صوتها :-ههههههههههههههههه خيـر ان شاء الله
قالت نوف وعيونها تدور بشكل مبالغ فيه من التاثر:-اليوم بشوف حبــيبي
انهبلت رنا لايكون اختها ناسيه انها بنت رياجـــــيل مشهود لهم بالمرجله والعلوم الطيبه بين الخلق اجمع
وطملت نوف لانها شافت نظرات اختها الصدومه :- ههههههههههههههههههههه سعود ولد عمي يالخبله
وما امدى رنا ترتاح الا وتعصب على طول......
كانت تعرف اختها زين لاحطت في راسها شئ ما تتنازل عنه ابدا ومن سوء حظ الماس ان نوف حاطه عينها على زوجها وعلى الرغم من ان نوف ورنا خوات الا ان هالشئ هو الرابط الوحيد الي يثبت هالشئ ، لان رنا انسانه جديه نوعا ما يعني ما تندمج بسرعه الا ان الكل يحترمها ويقدرها لانها ماتخطي على احد ورغم ان البعض يعتبر جديتها وانعزالها عن الناس غرور ولكن ما ان يقربوا منها حتى يعرفون انها انسانه مثاليه وطيبه
طبعا المفروض تكون نوف الي تعقلها بحكم انها اكبر منها بسنتين لكن في هالحاله اختلفت الموازين وصار الصغير يعقل الكبير ...
بس نووووووووووووف سالفتها سالفــــــه ..قمه في الانانيه وقمه في الغرور والتكبر حتى في الجامعه كانت مكروهه الا من شلة المنافقات والتابعات لها مادامت تصرف عليهم بالهبل ومادامت من عيلة بن سبع اكبر التجار في الديره
قالت نوف بدلع تتافف وهي ترجع شعرها الاسود القصير مره لوراى :-be cool sis
قالت رنا ببرود يحسدها الكل عليه لانها متنفعل بسرعه :- الانسان الي تفكرين فيه محرم عليك
قالت باستهزاء:-محـرم ....(كملت وهي ترفع حاجبها ) وفي أي شرع ودين
قالت رنا وهي تحاول ماتنفعل :- في شرع العرف والعادات ومراعاة الدم والرحم
تغيرت ملامح وجهها لان رنا لمست نقطه حساسه ........(لا تتعجلون مو ضميرها لان ماعندها ضمير بس كرهها لالماس لانها تعتبرها ماخذه حقها ( وقال بانفعال :- اوووووووووووه بدينا المحاضرات
رنا:- ليش الحقيقه تضايقك
تغيرت ملامح نوف الحلوه من التعصيب حتى صارت قبيحه نوعا ما
وقالت بوقاحه :-الحقيقه اني احب سعود وبيكون لي باي طريقه بدل الشجره الي ما تثمر الي متزوجها
صرخت فيها رنا :-انتـ.......ي كيف تجراتي وقلتي هالكلام كيف تتشمتين في مصايب الناس (كملت تستهزء فيها) انتي ما تعرفين قد ايش سعود والماس يحبون بعض وصدقيني انتي الي في النهايه بتضيعين وتتدمرين وراح تقولين رنا قالت
طلعت رنا من الغرفه واصله حدها منقهره من اختها الي ماعندها ذرة احساس والي يقهر ان امها واقفه في صفها وتشجعها عشان تاخذ سعود من زوجته
دخلت غرفتها وجلست تمشط شعرها بعنف )الله يلوم الي يلومها ) وبعدها بثواني دخل احمد الغرفه وهو لابس وخالص ..
قال احمد يمزح ويخفف من توتره لان سعاد بتكون هناك:-هاه يا حمراء الشعر خلصتي
رنا:- هههههههههههههههههههه حلوه حمراء الشعر ايه خلصت
احمد :- يالله مشينا لاول مره في التاريخ تخلص نوف قبل الكل
ابتسمت رنا بالغصب عشان مايشك احمد في الموضوع لانه لو شك مجرد شك ان نوف حاطه عينها على سعود بيدفنها بالحياء وعلى الرغم من قلبه الكبير الا انه عنيف ...
)الي بيصير بعدين بيثبت لكم ان كلمة عنيف شويه عليه (
في نفس هالوقت كانت نوف بغرفة امها ...
نوف:- الله يصبرني على شوفتها اليوم
قالت امها باستهزاء وهي تجهز نفسها :- من بنت عمك الي ماتجيب عيال
قالت نوف والحقد ياكل قلبها :- ماغيرها الله ياخذها
لكن امها الحقود كان حقدها موجه لهدف ثاني :- مصيره بيتزوجك ..
هي عارفه ان الشياب كلموا زوجها ابو احمد وقالوا له انهم بيقنعون سعود يتزوج نوف عشان يجي له ذريه ..بس هي ماتقدر تقول لنوف لانها تعرف زوجها ولو درى انها مفشيه الموضوع اهون شئ ممكن يسويه انه يطلقها وهي في هالعمر عشان كذا تكتمت على الموضوع لين يوافق سعود لانه رافض
طبعا اكيد تتسالون كيف اب يرضى بـ هالواقع لبنته يعني ان العريس يضغطون عليه عشان يتزوجها بالاكراه على العلم من انها صغيره ومرغوبه وفيها جمال ...
اول شئ لازم تفهمون عقليه كبار العايله هم يد وحده وقلب واحد والكبار بالسن ما يعترفون بشئ اسمه حب واخلاص لشخص مهما كانت الظروف ، ومابينهم شي اسمه كرامه ..ومبدأهم انت زوجتك ما تجيب عيال خلاص الشرع محلل اربع ...عشان كذا هم يسعون لهدف واحد ان وريثهم واكبر شاب في العايله لازم يكون له اولاد وحاله مو مرضيهم عشان كذا اتفقوا يزوجونه نوف ومازالت المحاولات جاريه لتزوجيه وعلى انهم عارفين ان راسه يابس الا انهم ما يأسو للحين...
)الله يكون بعون سعود من وين مايلتفت بتضيق فيه الوسيـــــــــعه (
&&&&&&&&&
الفصل الثالث
(الجزء الأول)


طلعت دانه غرفتها وهي بس تتمنى دش حمام بارد ينعنشها بعد التعب في الترتيب عشان العزيمه ...ودق جوالها وهي بنص الطريق
دانه :- هلا خالد
خالد :- دانه الله يعافيك روحي لمجلس الخيمه وبخريه بالعود لان الهنود نسوا يطفون النار البارح والمجلس كله ريحة دخان
قالت دانه بتعب:- خالد انا توني مخلصه اشغالي وودي اروح اتحمم والبس ،الضيوف على وصول كلم قمر ولا الماس
صارخ خالد على العمال ورجع يكلمها :- انتي تعرفين قمر ما تحب ريحة العود والماس طالعه مع سعود يتمشون في المزرعه وامي عندها حساسيه والعمال ما كملوا الحصاد (يقصد حصاد القمح الي مشهوره به مزارع الرياض وتوابعها من المحافظات)وهذاني واقف على روسهم ....
استسلمت دانه :- طيب الحين اروح
نزلت دانه وهي طفشانه ...ودخلت المطبخ عشان تجهز الفحم........ لقت امها في المطبخ ترتب مع الشغالات
ام خالد :- دانه وراك مالبستي للحين
تنهدت دانه :- خالد كلمني يبيني أبخر المجلـس....
ابتسمت امها :- شوفي الفحم جاهز بس لا تتاخري ضيف ابوك قرب من الزرعه (طبعا أمها مايفوتها شئ وعشان كذا هي مضرب مثل في العايله بحسن ضيافتها وحسن تدبيرها)
ابتسمت دانه :- ما راح اتاخر
وجهزت المبخره وحطتها بالصينيه الخاصه وراحت للمجلس الي بقسم الرجال البعيد..ناظرت بقرف وهي تمشي في بنطلونها الجنز المغبر وبلوزتها السوداء الي بدون اكمام بما ان الجو حار ...دفت باب المجلس المذهب ودخلت بسرعه عشان تحط المبخره وتطلع لان الضيف الرئيسي في الطريق ...
دخلت بسرعه لوسط المجلس الكبير مره الي ارضيته رخام ازرق مموج بذهبي...يناسب الكراسي المرتفعه المذهبه والي مصممه على طراز مجالس التراث الخليجي لان ابوها من المحافظين على التراث بشكل كبير بدون ما تلتفت لا يمين و لا يسار ...وحطت المبخره على الطاوله الزجاجيه الكبيره الي في وسط المجلس
_((كل هذا وما انتبهت للعيون المصدومه الي تناضرها((_
دق جوالها ..............لينه رقم هنادي
دانه :- هلا.........
_))وللمره الثانيه ما انتبهت للقلب الي ذاب من رقة صوتها((_
هنادي..:ممكن اكلم دانه بنت فهد
دانه (بدون نفس) :- معك دانه بنت فهد بن سبع تبغين بعد اسم جدنا الاولي عشان تتاكدين
هنادي وهي تسوي نفسها خايفه :- يوووووووووووه القمر وش فيه زعلان...
دانه وهي ودها تنتحر من الحر والعرق والغبار :-اولا فرسي انا الي معلفتها...لان العمال زي قلتهم ، ثانيا وقفت على راس الشغالات لانهن مايعرفن يشتغلن الا لصار الواحد حارس على روسهن ...ثالثا ريحتي كانها ريحة كيس شعير ....وتبغيني اكون مبسوطه بعد كل هالمـــــآسي
)وما انتبهت للمره الثالثه للابتسامه العريضه على خفة دمها و دلعها(
هنادي:- ههههههههههههههههههههه
دانه وهي معصبه :- ضحكتي بلا ضروس ...انتم وينكم الحين...
هنادي:-دخلنا البوابه الكبيره ...
دانه وهي مبسوطه :-انا اشوف المزرعه منوره...
ضحكت هنادي:- اقول عن الخراط (الكذب) وقوليلي انتي وينك الحين
دانه وهي تحط العود بالمبخره:-انا ببيت الشعر ببخره وبروح لغرفتي عشان اتجهز شكلي غلط
)...كل هالجمال وشكلك غلط)..!!
هنادي:-اوكي بجيك بغرفتك...سلام
سكرت دانه الجوال وحطته بجيبها وتو تنتبه ...اخوها قال ان ريحة المجلس تكتم والي تشمه الحين ريحة عطر رجالي مركز...جنان ريحتـه منتشره في كل اجزاء المجلس..
مسحت جبهتها بيدها ونزلت البندانه الي رابطتها فوق شعرها وماصدق خبر حتى طاح على ظهرها وكتوفها يلمع بشكل ماله مثيل تحت ثريات المجلس وانواره القويه..
والتفتت.........وبطرف عينها شدها شئ .............
رفعت نظرها والتقت عيونها...باجمل عيون شافتها في حياتها ..........
ماكانت بلحالها بالمجلس..............
انصدمت صدمـــــــــه مالها مثيل....طاحت البندانه من يدها..دمعت عيونها الكبيره وطلعت تركض من المجلس........
انصــدم راكان ....وش هالجمال....هذي انسانه والا ملاك..
عيون عسليـه..تغير لونها اخضر زمردي من صدمتها بشوفته وملتها الدموع..خشم صغير بوجه دائري ناعم بريء...فم ناعم مليان ...شعر كنه شلال حرير لنص ظهرها ...بشره ولا اروع...
والي اذهله واعجبه فيها اكثر.........ان كل هالجمال وهي ماحطت على وجهها مكياج......
هزء نفسه وقال بسخريه البنت مالك الا عشر دقايق من يوم ماشفتها وتفكر في الزواج..........
الـــــــــــــزواج!!!!!!!!!!!!!!!!!!
استغرب راكان من نفسه زواج مره وحده....عمره مافكر بالزواج بعد ساره رغم إن بنات عمه وعماته فيهن من الجمال الشئ الكثير و كانن يستعرضن عنده....لكن عمره مافكر في الزواج من أي وحده منهن ...إلا البنت هذي فيها سحر غريب....
حسها زي المغناطيس الي يجذبـه...بدون لاحول له ولاقوه ....
نفض هالافكار عن راسه هو ما يبي العرس ولاعمره فكر فيه بعد الي صار له مع ساره....وبعدين هو متاكد ان الي بيتزوجها بتنكد عيشتها ساره واتباعها من العايله...لانها للحين تتمنى ترجع له...وكم مره عرضت عليه يتزوجها وما عطاها وجه لانه ما ينزل نفسه لتوافه الامور وهذ هي طبيعته ...
فجاه سمع صوت ابو خالد يكلم واحد من العمال ... وناظر راكان بندانه دانه ........
دانـــــــــــــه!!
هذا هو اسمها الظاهر ان ما خاب ظنه انها وحده من بنات ابو خالد ...
قام بسرعه واخذ البندانه وحطها بجيب ثوبه ...حتى لاتصير لها مشكله مع ابوها...
دخل ابو خالد وسلم على راكان.....
وجلس يسولف عليه...ويتقهوون..
كان عقل راكان معه لكن قلبــــــــــه في مكان ثاني!!!
؛
؛
قالت هنادي بمرح :- يابنت الحلال وش فيك مكبره السالفه ترى ما تسوى
كانت هنادي جالسه على طرف السرير ودانه تروح وتجي بالغرفه ...
قالت دانه وهو معصبه :-ما تسوى يا فضيحتي لو تشوفينه بس كان يناظرني وشكله مثلي منصدم اكيد بينقد علي...
قالت هنادي متاففه :-اقول لاتصجيني السالفه عفويه دانه شفيك مو عوايدك..
فركت يدينها بتوتر وقالت :-مدري يا هنادي مدري..... احس ان صورتي مهمه قدام هالرجال
ناظرتها هنادي وهي ترفع حاجب....
ووقفت وهي تسحبها معها للحمام...
هنادي:-اقول تحممي عشان تهدين وتعقلين ثم لا خلصتي بيننا كلام
مشت دانه على نصيحة هنادي و اخذت حمام بارد وطلعت وهي لابسه روب الحمام الزهر الطويل ...ولقت هنادي لابسه ملابس العشاء ..تنوره بيضاء قصيره واسعه منقشه بالذهبي والازرق ..وبلوزه بدون اكمام زرقاء وشعرها كالعاده كيرلي ...وكان مكياجها ناعم نظرا لان ملامح هنادي بارزه وما تحتاج لمكياج كثير ...
قالت دانه وهي تحس نفسها تخطت الصدمه نوعا ما :- ياعيني وش ذا الجمال وش ذا الكشخه
كشرت هنادي :- آه لو اني مو دوبه كان شريت فستان زي فستانك الاسود يجنن روعه وماتتجرء تلبسه وحده الا واثقه من نفسها
ابتسمت دانه :-اقول مالت تنورتك تجنن خياليه .. بعدين انتي مو دوبه
هنادي:- اقول آها بس ... تكشخي اخلصي ...خالتي مرت علي تسال تشوفنا خلصنا تقول الضيفات تحت
دانه :- اه ياربي امه وزوجته خلاص بنتحر
هنادي طبت وجلست على الكرسي المقابل لها :- متزوج...؟
دانه:-أيـه
قالت هنادي بنبره مأساويه مبالغ فيها :-خساره ...!
ناظرتها دانه وعيونها طايره قدام :- ليه خساره اقول هنادي روقينا وبلا افكار ما لها داعي
وبفضول هنادي المعتاد :- اوصفيه لي عجلي
وقفت دانه وراحت للمرايه عشان تزين مكياجها او بالاحرى تخفي لمعان عيونها عن بنت عمها الي مايخفى عليها شي :-كيف اوصفه....اممممممممم
قاطعتها هنادي تحسبها ماتدري وش تبي هنادي تعرف مادرت ان دانه محتاره كيف توصفه بدون ما تظلمه وتبخس في حقه :-اخلصي كيف شكله وكشخته يالله بسرعه انا سمعت ان شكله عذاااااااااااااااااااااااااااااااااااااااااااااااا ااااااااااااااااااااااااااااااااااااب (وسوت نفسها مغمى عليها(.......
دانه:-هههههههههههههههههههههههههههههه اخس وين شفتيه
هنادي:-ههههههههههههههههههههههههههه فيه بنات في الجامعه يعرفون بنات يقربن له وهن متيمات بحبه كلهن ...
دانه وهي تحس بنغزات غريبه في قلبها :- حشى الدون جوان الحين!
هنادي:- ههههههههههههههههههههههه حرام عليك الدون جوان صايع وعينه ما يملاها الا التراب اما راكان ما يعبرهن ومعطيهن اشكل
كملت :- اقول خلصي مكياجك وبعدين نتفاهم ...
بعدها بنص ساعه خلصت دانه ولبست ملابسها....
صفرت هنادي وقالت بحماس وهي تناظر فستان دانه الاسود الي يوصل للركبه ويتوسع من تحت الخصر بشوي وبدون اكمام مايمسكه الا تعليقات خفيفه ...الفستان كان ساده زاد في اناقته حزام من الكريستال العريض على الخصر ....:--واو روووووووووووعه يجنن ..
ابتسمت دانه وهي تناظر شكلها برضى كبير ..حطت لمساتها الاخيره على شعرها الطويل الي كانت ملففته مثل شعر نوال الزغبي الي اروع منه مافيه...
دانه:- يالله ننزل
هنادي:- ايه يالله مشينا
نزلن البنات ....وكانت الساعه تقريبا ست ونص المغرب ....
*******
((الجزء الثاني))
>< في صالة الحريم بمزرعة ابو خالد><

قالت ام راكان :- ماشاء الله هذولي بناتك .......((تاشر على الماس وقمر الي سلمن عليها وجلسن))
ابتسمت ام خالد :- ايه باقي دانه بتنزل بعد شوي ..
وفي هاللحظه ...دخلت دانه المجلس تمشي برقه وانوثه وكانت صدمتها توازي صدمة ام راكان ......
ماصدقت دانه ان ام راكان هي نفس الحرمه الي قابلتها بالنادي قبل شهر تقريبا سبحان الله .....في نفس الوقت حمدت ام راكان ربها في سرها لانه استجاب دعائها عشان تقابل هالبنت لو مره وحده....غريبه مو طبع ام راكان تتعلق باحد وخصوصا غريب لكن البنت هذي فيها سحر غريب (ماتلاحظون الكل متفق على هالشئ( ...يشد الواحد لها ، الي يشوفها يحس بالرقه تفيض من عيونها وصوتها الحنون يغمر القلب بالدفى والامان ...
اسرعت دانه في مشيتها وجزمتها الزجاجيه ترن في الرخام بصوت ناعم ....ووقفت ام راكان في هاللحظه متركيه على عصاتها طبعا وسط نظرات استغراب بكل الي بالمجلس وخصوصا الخاله مريم ...
قالت ام راكان وهي تضم دانه :- ما ازينها من صدفه
ضحكت دانه برقه :- والله مو مصدقه عيوني كيفك خالتي ...
ام راكان :- بخير عساك بخير (التفتت لام خالد ) عز الله انك ربيتي جوهره ما تتثمن بثمن يا ام خالد
ابتسمت ام خالد وهي مو فاهمه في وقت راحت دانه تسلم على الخاله مريم
كملت ام راكان وهي تعلمهم بالقصه في النادي وانها تعبت عشان تاخرت تاخذ ابرة السكر ودانه الي ساعدتها ..........الخ...
قالت ام خالد :- دانه حنونه من يوم يومها
ام راكان :- وانا اشهد ..... (كلمت نفسها وقريب قريب لي جلسه خاصه مع راكان (
جلست دانه جنب الماس وقمر ....وجلست هنادي بعد ماسلمت لانها مادخلت مع دانه لان جتها مكالمه من وحده من صديقاتها وجلست تكلمها برى ولما دخلت المجلس فاتتها السالفه
قالت قمر تستخف دمها:- اخس اخس اختنا (بات مانه) وحنا ما ندري
دانه:- (بات مانه) هههههههههههههههههههههههههه يازينك ساكته
قالت هنادي بفضولها الي انتم عارفينه :- وش السالفه علموني
وجلست قمر بلقافتها تعلمها بكل شئ......وهنادي تعلق وتضحك حتى ارتفع ضغط دانه ...وبعدها بدقايق جلست منال وسعاد معهم وكملت على راس دانه
)اكيد تتسالون عن الماس…(
كانت تفكر في ليلة امس والتهور الي قامت فيه...لانها مابغت تنهي الي بينهم بدون ذكرى اخيره .. حست انها خاينه وان قلبها تكسر الف قطعه..بس وش العمل ..الغيره تاكلها مو قادره تتحمل وهذا هو ما تزوج للحين...لا... تنهي الالم من بدري بدل ما تموت وهي تشوفه ينساها قدام عينها....
تحـبه .....تموت في تراب رجلينه ...
حست بغصه زي النار بحلقها..وقفت وهي يالله تحافظ على ملامحها هاديه مرتاحه ...
دخلت غرفة المكتب وسكرت الباب وهي نفسها تبكـي..وتبكـي..وتبكـي
ماراح يسامحها سعود للابد ...لانها استغفلته امس ..ولانها خانت عهدها معه ....بس لازم احد منهم يضحي وهي عارفه انه قد التضحيه لكن لا ....سعادته فوق كل شئ ..حتى فوق سعادتها ........الي هي حياتها بقربه لين تموت ....
بلعت غصتها بإرادة حديد ...لانها ان بكت الحين ما راح تسكت ابد ... وماله داعي تغث اهلها من الحين!
سمعت الماس اصوات جايه من برى.........وكأن انكب عليها ماء بارد ثلج.....
قالت بهمس لنفسها "نوف......اوه لا انا ناقصه..."
تصلبت في مكانها وطاحت عينها على سيوف ذهب معلقه بالجدار زينه ..وضحكت بدون نفس من تفكيرها لو ان تاخذها وتذبح بها نوف...وكأن الموضوع بهالسهوله...
بعدها بدقايق فتح الباب ودخلت دانه ...الي عرفتها الماس مع ان النور طافي..
قالت دانه برقه :- الماس ...؟ وش تسوين هنا...؟
قالت بتعب :-جـالسه
دانه :- الماس انتي من امس مو طبيعيه وش السالفه
الماس:-...........
دانه برقه وتفهم :-الماس نوف وامها واختها هنا الله يعافيك اطلعي سلمي لا تخليهن يتشمتن بك طلبتك الاخت جايه ونافشه ريشها وكل دقيقه امها ذا الحيه تسال عنك بشماته وكانك تتجنبينهن وب هالشكل تزيدين امالهن بالي يبغنه ....
قالت الماس بياس:- وهذا الي بيصير دانه ليش اضحك على عمري
قالت دانه :- انتي ما تثقين في سعود ...؟
لمس الاتهام وتر حساس وقالت الماس بقوه :- انا اثق فيه كيف تسالين هالسؤال
دانه :- لكن
الماس بتردد :- لكـ..ني ما اثق بالشياب بيظلون يضغطون عليه لين يوافق وساعتها بموت والله لموت
ضمتها دانه لصدرها لكن ارادة الماس انتصرت وما نزلت لها دمعه .....قالت في نفسها (لاحقه على الدموع يا الماس قدامك العمر كله ابكي فيه لين تشبعين لانها بتكون دنيا بلا سعود)....
وقفت الماس بسرعه وكلها اصرار تحافظ على كبريائها لاخر لحظه ....زينت فستانها الموف الضيق الي يبرز جمال جسمها الي تنحسد عليه ... عدلت شعرها الشبيه بشعر دانه ..والملفف بكثره...رسمت نظره اللامبالاة والغرور على وجهها واخذت جوالها بيدها....
لما دخلت الماس المجلس شافت اكره الخلق على قلبها ....بنت عمها وامها الي السبب في الي هي فيه ...وقفن غصب عليهن عشان يسلمن .....مشت الماس بدون نفس وراسها مرتفع بغرور كبير (انقهرت نوف من لا مبالاة وغرور الماس هذا دليل انها مو مهتمه لها (...
بعد ما سلمت ..جلست الماس بين امها ونوف..... لان امها اشرت لها تجلس جنبها وانحرجت الماس لكنها جلست.....في هاللحظه جت جوالها رساله ..فتحتها لقتها من سعود
*اتركـ جمالكـ ياحبيبي على جنب
غير الحلا تعجبني بزود طيبكـ
كلكـ على بعضكـ تجنن وتنحب
حظي كبير اللي جعلني رفيقكـ
إن كان حبي بنظر بعضهم ذنب
يامرحبا والله بذنب يجيبكـ
ماقول غير الله يخليكـ يارب
ويعمي عيون من حسدها تصيبكـ*
ابتسمت الماس غصب عنها ... ما يخلى حركاته ورومنسيته الي ضيعتها ... ( طبعا ما يحتاج اقول لكم ان عيون نوف بتطلع من مكانها من اللقافه والحسد ..)
ارسلت له بيد ترتجف...
*غيابكـ...عني دمرني
احس العين ماتبصر ..وصار الهم لي وحدي
واحس القلب ماينبض ..وعاف الدم شريانه
حبيبــــــي..
تدري في قربك ..تمر ايام وتعدي ..
ثواني في نضر عيني ..ابد ما انلام "ولهـانـه"
تـصور ..!
يا غلا نفسي ..غلاتكـ وش كثر عندي
يذوب الثلج في القطبي .. وتدفى نفوس بردانه
خيالك مالي هالدنيا..واشوفـه وين ما ودي..
ولامنه اختفى عني ..! لعنت ابليس واخوانه
ابي تعرف قدر حبكـ..وابي تعرف انا ش ودي ..
وابي تعرف وش الدنيا بدون الورد والوانه ..
واذا والله جميع الكون وقف كله بعد ضدي
يموت الكون ومايسمع..؟
خفوقي يالملا (خـانـه)
بيسمع كيف انا احيا به .واموت فبسمته ..
وابغى يسمع كيف هو يملك..فكر عقلي وسلطانه
صحيح انثى ولكني ..وقفت بقلب متحدي
احبه ...
قلتها وهزت ..جميع الكون واركانه
وضعت الناس في كفه لجل تفهم علي قصدي
لجل تفهم قدر خلي ..رجح بالقلب ميزانه
يكفي لا نظر لي بشوق .. نسيت اسمي واسم جدي..
وذكرت اسمه واسم امه واسم ابوه واسم جده مع اخوانه
خلاص اليوم ياعالم ملكت الكون من قدي...
ما ابالغ لو عشق قلبي "ظـلالـه"
بس من شـانــه !!!*
وصلت الرساله سعود .. وابتسم بكل حنان الدنيا
)والله حرام الي يصير له ... يمكن تكون قست الماس في قرارها لكن الحب الحقيقي اهم اركانه التضحيه (
كان بيرسل لها بس جت دفعه جديده من الضيوف ووقف يسلم ....
ارسل لها بعد ما جلس...
مثل النسيم العذب..تجرح سكوني
تسرق بقايا ضحكتـــــي...وسط الاصحاب
احاكي اصحابي وهم يسمعونـي..قلبي معكـ وكنهم عندي اغراب
وعنك يحاول بعضهم يسالوني...متى..؟ووين..؟وكيف..؟ اصبحتوا احباب؟
استقبلت الماس الرساله وابتسمت وهي تحس الدمعه تتمرد بعينها...وما ردت عيه خلاص اليوم هي النهايه...نهاية حبهم وسنين الهنا الي جمعتهم ... لازم تنفيه من حياتها تحاول تنساه..وهذا الشي ماراح يتم ان ظلت تتراسل هي وياه...
..انتظر سعود ترسل له وما ارسلت....
قام دق...ماراح يتحمل لازم يسمع صوتها..
دق جوال الماس ...ياسنين عمري كفايه حزن يا سنيني...خلاص راح الذي يستاهل احزاني...
ناظرت في الرقم ...
أمير الروح -- يتصل
انتبهت نوف لاسم المتصل وحست نفسها بتحترق من القهر والحسد ...
ردت الماس بصوت هادي واطي:-هلا
سعود:-آه يا زين هالصوت
ارتجفت شفايف الماس لانها على وشك تنهار :-هـ..هلا قلبي بغيت شئ
سعود :- لا بس مشتااااااااااااااااااااااااااااااااااق لك
قالت الماس لانها وصلت حدها ولازم تطلع قبل لا تنهار قدام اعدائها :-انـ....انا كلمني بعدين
وسكرت الجوال ...
استغرب سعود ردة فعلها الماس فيها شئ مستعد يراهن بحياته ان فيها شئ وشئ كايد بعد.....
؛
كانت سعاد جالسه على نار لان نوف وامها جالسات قدامها ويناظرنها باحتقار ...بادلتهن النظر با استهزاء...واشرت على الماس الي شكلها متضايقه لانها جالسه جنب نوف رغم ان هذا ما يبين الا للي يعرفون الماس زين والماس صديقة سعاد الروح بالروح..
ماصدقت الماس خبر ، قامت بهدوء وجلست جنب سعاد...
نست همومها شوي وقالت لسعاد هامسه :-اقول وش فيها ذي مطيره عيونها فيك
قالت سعاد وهي تزين تنورتها :_ عادي كالعاده الا عيونها بغت تطلع تو يوم دق جوالك
ابتسمت الماس من القهر :-حسيتها ودها تقوم وتخنقني...
قالت سعاد باستهزاء :- طبعا اكيد المتصل سعود ..
حست بغصه في حلقها :-ايه سعود
وكملت الماس بسرعه لانها ماتبي سعاد تحس بشئ لانها لو تعرف نيتها بتذبحها وبتدق على اخوها وتعلمه:- غريبه ليش ما تنامون الليله هنا السفر باليل مو زين
سعاد :- ههههههههههههههههههههه ساعه ونص سارت سفر والله انك مضيعه بعدين انتي عارفه عمك مايستغني عن الشغل وزوجك طالع عليه يموت في الشغل ..
ابتسمت الماس :- الله يسعد لي عينه
سعاد :- آه ياقلبي الحب مالي الجو
قالت الماس بحب :- فيه احد ما يحبه
قالت سعاد تمزح :- حب عن حب يفرق
ابتسمت الماس وما ردت .. ايه حب عن حب يفرق والدليل انها مستعده تضحي بحياتها عشان عيونه ..
في هالوقت كان سعود مشغول البال ليش الماس سكرت التلفون في وجهه ليه ..؟
هو حسب ان كل شئ رجع مثل اول بعد الي صار بينهم البارح بالليل ...لكن الظاهر ان الي صار البارح بداية شئ راح يستنزفه للموت ....وعشان ما تعذبه الوساوس والظنون اكثر .. رجع دق عليها.....
؛
ناظرت أمير الروح يتصلالماس في شاشة الجوال --
شافت سعاد الرقم وقالت وهي توقف :-ههههههههههههههههههه يالله العواذل بيقلبون وجيههم اشوفك على العشاء
وطلعت من الصاله .... على بالها ان اخوها العاشق مكلم بيتغزل فيه زوجته كعادتهم دايم ....ماتدري إن زمان اول تغير
راحت سعاد بتغسل يدينها قبل العشاء ولقت المغاسل زحمه...
وبما ان الرجال بيتعشوون في الحديقه لان الجو حلو قررت تروح لمغاسل الي بقسم الرجال لانها اقرب من المطبخ....
دخلت سعاد ....القسم الي ديكوراته بين البني والذهبي ...مشت والصوت الوحيد المسموع في المكان هو صوت كعب جزمتها (وانتم بكرامه) وقفت قدام المغاسل الملوكيه الفخمه وزينت تنورتها السوداء الخفيفه .. وبلوزتها الحمراء الي ماسكه في صدرها بدون تعليقات .. ملست شعرها الاسود الطويل والي كانت قاصته قصه مزوده في كثافته ولمعته وطالع خيال...ابتسمت لنفسها في المرايه كان كحل عيونها مرسوم بفن ... والروج الاحمر الجرئ الي حاطته معطيها اثاره مو طبيعيه ..
؛
؛
في وقت ....
احمد :- سعود شفت جوالي ..
ناظره سعود وهم يمشون راجعين لبيت الشعر بعد ما تعشوا ...:- اظنه بالمجلس داخل
احمد :- ايه صح نسيت اني نزلته يوم كنا نلعب بلوت..بروح اجيبه وبرجع..
وافترقوا في نص الطريق ..سعود راح للرجال واحمد دخل داخل عشان ياخذ جواله ...
دخل القسم من الباب الزجاجي المائي المذهب...ومشى بخفه يحسد عليها نظرا لطولـه وعرضه لان هذي صفه متوارثه في رجال عايلة بن سبع ...
قال في نفسه يازين ريحة العطر....واوجعه قلبه مو كنه ريحة عطــــرها .....
لكنه يوم جاء بيلف يسار ويدخل المجلس لفت نظره شئ ناظر قدام ولقاها واقفه تغسل يدينها قدام المغاسل....
انشل وانعدم الواقع قدامه ....
سعــــــــــــــــــــــــاد
آه ياليته يقدر يمسكها غصب عنها ويتزوجها ولا احد يعارض .. تمنى احمد لو ان بعض العادات ما راحت ولا اختفت .. كان على الاقل يقدر يجبرها تتزوجه حتى يذلها زي ما ذلته ..
كيف..كيف ...كل هالقسوه تطلع من هالملاك الي واقفه قدامه...
بدون شعور مشى للجهه الي هي فيها ...وشعور انها ملكه وحلاله ما يفارقه لا ليل ولا نهار...
طبعا ماحست سعاد بشئ الا ريحة عطر ..قلبت عليها المواجع نهرت نفسها لانها موسوسه طبعا هذي ريحة عطره مو هو هنا اليوم ... آه ياليتها تقدر تلمحه لو لمحه ...لانها ماشافته بعد ما الغت الملكه العام الي فات...
اخذت مناديل ومسحت يدينها ....والتفتت على جنب عشان ترجع...الا وتنصدم صدمة حياتـــــــــها...
طلعت عيونها قدام ......
احمد الي واقف يناظرها ومابينه وبينها الا ثلاث خطوات والا تحلم...
شهقت لانها ما تحلم....ومشت بسرعه بتتعداه لكنه سد الطريق عليها ....راحت للجهه الثانيه وسد الطريق عليها
طبعا عمر سعاد ما خافت من عيال عمها لان فيهم نخوه وبالذات احمد .. لكنها حست بالاحراج لان لبسها مبين جسمها وسيقانها الناعمه البيضاء..
نزلت عيونها بالارض لان عمرها ماحطت عيونها بعيونه ولا تبي تسويها الحين بعد ما افترقوا..
قالت بصوت يرتجف :- لو سمحت بمـر
احمد :- ..................
وبصوت فيه صيحه :- لوسمحت
احمد بصوت جريح :- ناديني بأسمـي
استغربت سعاد ورفعت عيونها تناظر وجهه الغالي قالت والدمعه في طرف رمشها متعلقه :-احـ..احمد وخر عن طريقي
وخر عن طريقها زي ما طلبت ،
مرت بسرعه من جنبه وقبل لا تتعدى كتفه قال بقسوه خوفتها وهو معطيها ظهره...:_انتي لي يا سعاد .. وما راح تكونين لغيري.... لو نجلس انا وانتي طول العمر كذا ..
بردت يدين سعاد من كلامه بعد كل الي سوته فيه وبعد خيانته لها ما زال مصمم يتزوجها وبسرعة البرق رجع لها كبريائها ،
قالت بهدوء :- ما ينجبر قلب على قلب يا ولد العم
التفت يمها وابتسم بدون نفس :- كل شئ جايز يصير...... تراهنين
ناظرته نظره تهد جبـال وقالت وهي تبتسم بثقه :-ما اراهن على شئ خسران يا ولد العم
)قلت لكم مصيبه لا تلاقت ارادتين من حديد)
ضحك وقال بكبرياء وعناد :- اذا ما كنتي في بيتي خلال ثلاث شهور بالكثير ما راح اكون احمد وهذا الوجه مو وجه رجال ... وش رايك؟
انقبض قلب سعاد ولكن قوة ارادتها وردت له التحدي :-رأيي.........؟ .. ان ما تحقق كلامك (قالت بثقه) ولا راح يتحقق .. ابيك تتزوج غيري بعدها وخلال ثلاث شهور…وش رايك..؟؟
ابتسم لان السالفه عجبته ورد لها الصاع صاعين :-هه رأيي ……..ليش ثلاث شهور خليها شهر احسن...
انقهرت من ثقته بنفسه وابتسمت بثقه بالنفس والعناد يلمع في عيونها :- اتفقنــــــــا
وراحت تمشي بهدوء كان ظاهري .. بينما هي في الداخل بركان ملتهب ,, صدمة شوفته ..قربه منها .. رغبته الملحه في زواجه منها ..تحديه لها .. والي قهرها ضحكتـــــــه ...حست نفسها تكهربت لما ضحك ..ليش هو نقطة ضعفها ..ليش سعاد القويه تتلاشى قدامه ..
غسل احمد-- وجهه بمويه بارده ...وسند ايدينه على حافة المغسله ..تنفس بعمق لانه ان ما هدأ بيكسر كل شئ قدامه ..
كيف يقدر يطيع امه ويتزوج غيرها ...ما يقدر البنت هذي قيده بيدها وهي ما تدري...
شعور ما يسعده لكن مو بيده .. نفض عنه هالافكار لانها ذلتـه ولازم ياخذ حقه منها ...ليش وش ذنبه حتى تسوي فيه كذا ..
ابتسم على الاقل شوفتها تسعد قلبه ...وروحها القتاليه .........طبعا هذا الشي ذكره ان بينهم تحدي ولازم لازم يكسبه....
*&*....والايــــــــــام بيننا يا بنت العم.....*&*
&&&&&
(الجزء الثالث)

في نفس الوقت......
أمير الروح---- يتصل
ماقدرت الماس تتحمل...فقفلت الجوال لانها ان سمعت صوته بتضعف وبتتخلى عن خطتها
ومن حسن الحظ انهم قدموا العشاء ...ولان الكل مشغول ومو منتبه لغيابها
طلعت الدرج بسرعه جنونيه ودخلت جناحها هي واخواتها ورمت نفسها على السرير وجلست تبكي من كل قلبها ...وهي ماسكه غطاء السرير باظافرها من القهر...جلست تبكي وتتنفس بين كل شهقه والثانيه وجسمها يرتجف....
بعدها بساعه فتحت دانه الباب وسوت الماس نفسها نايمه...لكنها سمعتها تقول
"هلا سعود هي نايمه الحين تحب اصحيها "
الطرف الثاني "سعود" :- لا لا خليها تنام اصبح الصبح اليوم وهي ما نامت
سكتت دانه متردده لانها تعرف ان سعود بيمشي للرياض الحين....لكنه كمل:- على العموم انا بطلع الرياض الحين عندي شغل مستعجل...لا صحت خليها تفتح جوالها لانه مقفل وانا بكلمها بكره ..يالله سلام
سكرت دانه الجوال ...وناظرت باختها الي تبكي تحت غطاء السرير ...حست الدنيا ضايقه فيها ماتدري وش تسوي ..سعود دق على الماس اكثر من مره وما ردت وفي النهايه قفلت الجوال .. واضطر انه يدق على دانه تطمنه عليها لانه لاول مره بحياته يخاف..
قربت دانه من السرير ورفعت الغطاء عن وجه الماس...
دانه :- ممكن اعرف ليش تسوين كذا...؟؟
ارتفع صوت الماس الي حاولت تكتمه بالبكاء....وانتظرت دانه لين هدت نوعا ما ...
قالت الماس وهي تضم المخده لصدرها وهي مازالت نايمه على جنبها بملابس العشاء..
:- الموضوع قاسي بشكل ما اتحمله خليني اقولها مره وحده الله يخليك
دانه :- وش هي الي تقولينها ...
الماس:- ...................
يئست دانه لانها تعرف عناد اختها ومصير الامور بتتوضح
قالت دانه برقه وهي تمسكها مع كتفها وترفعها :- قومي الحين بدلي ملابسك ونامي والصباح رباح على فكره سعاد رجعت للرياض وتسلم عليك هي جت هنا وحسبتك نايمه مدري تظاهرت انها تحسبك نايمه ...(حمرت خدود الماس لانها تسئ للي حولها وهم مايستاهلون)
قامت الماس بالحاح من دانه وبدلت ملابسها وتحممت ...وما ان حطت راسها على المخده الا وهي نايمه ....
؛
؛
في هالوقت كانت دانه جالسه مع هنادي الي بترجع بكره معهم عند المسبح لان الجو بالليل ما يتفوت ..
قالت هنادي :- وش فيك سرحانه ومهمومه
قالت دانه وهي تحط كاس عصيرها على الطاوله :-الماس مو معجبني حالها
حزنت هنادي لان بعد سالفة التحاليل الي قبل كم شهر والماس مو الاوليه :-شده وتزول ان شاء الله
دانه :- ان شاء الله
قالت هنادي بلقافتها المعهوده وهي تحاول تغير الجو :-امممممممممممممم الحين اوصفيلي شوفة السعد الي شفتيها اليوم ...
دانه :- ههههههههههههههههههههههه يامجنونه مانسيتي للحين
كشرت هنادي:- كيف انسى وامه مانزلت عيونها عنك من يوم ماجت ..
حمرت خدود دانه :- اقول لاتبالغين
قالت هنادي وكنها تكلم بنت صغيرونه :- لا ما ابالغ ولاشي كلها يومين وجايكم يخطب
دانه :- هههههههههههههههههههههه انتي انهبلتي رسمي .. الرجال متزوج يا بنت الشيوخ
هنادي :- انتي وين عايشه فيه ، من قال انه متزوج
انصدمت دانه ..وقالت متلعثمه :- مدري..ا..امي قالت لي انها حضرت عرسه قبل كم سنه
قالت هنادي تستهزء فيها :- انتي مغبره ............ الرجال طلقها بعد زواجهم بسته شهور
دانه :- احلفي
هنادي:- والله
دانه :- طيب انتي وش دراك
هنادي :- احم احم بنت عمك وكاله رويترز
دانه :- ههههههههههههههههههههه
كملت هنادي :- تعرفين مرة عمك نايف (ابو احمد ) فيها لقافه مو طبيعيه .. وجلست تسال عن راكان وكل دقيقه (جلست تقلد صوتها ) اوه رنا بنتي تحب الهلال اوه رنا بنتي تسوي جريش محد يسوي مثله ..مع العلم ان رنا نصراويه وما تطيق ريحة الجريش (هذي اكله لذيذه شعبيه عندنا بالسعوديه(
دانه :- هههههههههههههههههههههههههههه خساره فاتني لاني كنت اشيك على الشغالات
هنادي:- ماعليك بنت عمك تقوم بالواجب
قالت دانه تمزح :- واكثر بعد ..طيب علميني وش شكل ملامح رنا انا اعرفها انسانه محترمه نفسها سبحان الله خلق وفرق مو طالعه لامها واختها الي تحوم على سعود
عصبت هنادي :- آآآه يابغضني للي اسمها نوف نافخه عمرها على الفاضي بس والله لو تطير ما راح تتزوج سعود
اكتئبت دانه :- انتي عارفه الشياب والله ليطينون عيشته لين يتزوجها وهي ماعندها كرامه تتزوج رجال مايبيها...
قالت هنادي وهي مازالت معصبه :-هم ماراح يطينون الا طينو واخلصوا ... بس اخوي جبل ما يهزه ريح ..والله لو يرمونه في الشارع ليظل على رايه ...
وجاء دور دانه عشان تلطف الجو لان كلمه ثانيه زياده في موضوع الماس وسعود وبتبكي....
:- المهم خليني اعلمك بـ الي شفته
ضحكت هنادي بسرعه لان مزاجها مرن يتغير في لمحة بصر :- ههههههههههههههههههههه والي يسلم عمرك الحقيني بالوصف
دانه :- طيب ههههههههههههههههههههههه
وفكرت شوي ...ثم قالت :- على انه كان جالس بس كان واضح انه طويل مره .. اسمر ....حاط سكسوكه خفيفه ...عيونه تذبح يجنن يا هنادي يوم شفته تقولين صفقني كهرب 220 فولط ...على بلاطه ملامحه تجنن ما قد مر علي رجال له مثل هالتاثير ..تحسين ان وجوده مالي المجلس الي هذا كبره
تنهدت هنادي من قلب :- آه ياقلبي ... ياليتني كنت مكانك
دانه :- هههههههههههههههههههههه آه لو انك مكاني كان تمنيتي الارض تنشق وتبلعك
قالت هنادي بحماس:- طيب هو كيف ناظرك.. وش ردة فعله..؟
دانه :- هههههههههههههههههههههههه تقولين اول مره يشوف بنت بحياته كان منصدم وعيونه مركزه على وجهي...
قالت هنادي تقرر امر واقع :- تلقينه انهبل اول مره يشوف بنت على انها مبهذله ولبسها مغبر ومو حاطه ميك اب الا انها تاخذ العقل
قالت دانه بتواضع :- مو للدرجه ذي
ناظرتها هنادي بنص عين يعني انطمي ... ابتسمت دانه لنظرات بنت عمها المعبره...واسكتت
&&&&&&&&&&

الفصل الرابع

(الجزء الأول)



><بعد عزيمة ابو خالد بأسبوعين><

>في بيت راكان<

قالت ام راكان لمريم وكانهن يسولفن بينهن وهن متقصدات راكان ..:- سبحان الله ما شفت بجمال هالبنت واخلاقها
قالت الخاله مريم :- ونعم التربيه ..
ابتسم راكان لانه كاشفهن بس ما يقدر ينكر انه مهتم بالبنت هذي..
سأل بفضول ما قدر يمنعه :- كم عمرها دانه...
انصدمن امهاته ..قالت الخاله مريم :- انت وش دراك ان اسمها دانه
ضحك :- مو انتن بس الي تعرفن كل شي .. يالله علمنّي كم عمرها ..
ابتسمت امه (ام راكان) :- 22 سنه ..
انصدم توقعها اصغر من كذا :- حسبت عمرها 17 سنه
الخاله مريم :- ههههههههههههههههههههه ما تنلام هذا كلامك وانت ما شفتها لو انك شايفها كان من جد انصدمت
شفتـــــها ومليت عيني منها بعـــــد ..!!
كمل راكان تحقيقه :- طيب تدرس ..؟
ما اوصف لكم سعادة امهاته لانها اول مره راكان يسال عن بنت، في حياته ما سواها وهذا دليل زين ...
قالت الخاله مريم :-ايه السنه الجايه اخر سنه لها في جامعة الملك سعود اداره عامه
صفر راكان والله مو سهله ... شكلها دلوعه مو راعية دراسه وجد ..بس بالله المظاهر خداعه .. والدليل انه توقعها دلوعه تقضي وقتها في التفاهات والحقيقه انها بنت محبوبه بعيده عن الغرور ومجتهده بعد..
راكان :- وش ترتيبها بين بنات ابو خالد
هنا انصدمن مره ثانيه وش يدريه انها بنت ابو خالد .. !
قالت امه :-الثانيه ..
حس راكان بشئ غريب يشده لها .. صار اقرب للهوس... لا ليل صاير ينام .. ولا بالشغل صاير يركز ...بس وجهها قدامه وين ما يروح...
بدون ما يركز نطق بافكاره بصوت عالي :- بخطبها ...؟؟
هنا الصدمه ما تقارن بـ الي قبلها ...
هتفن العجز :- هاه.... وشهو... نخطبها...الساعة المباركه ... مابغيت توافق .................. الخ
ولما انتبه راكان للورطه الي طاح فيها استسلم للامر الواقع ....
بعد شوي قالت الخاله مريم شئ بإذن ام راكان ولاحظ راكان ان وجه امه تغير...
قالت بدون مقدمات :- قبل كل شئ هناك شئ لازم تعرفه....
وهنا دق جواله...لينه رقم مساعده الوفي محمد وصديقه الروح بالروح..
وقف :- بعدين يمه وطلع وهو يكلم..
قالت الخاله مريم :- ليش ما علمتيه ان دانه مطلقه
قالت ام راكان بضيق :- انتي شاهده جيت بقول له وطلع
قالت الخاله مريم :-لازم نقول له قبل لا يكلم ابوها ..هو يحسبها ما قد تزوجت
؛
؛
طبعا راكان رجع للشركه عشان عنده كم شغله يبي يخلصها....
وبعد ثلاث ساعات خلص اشغاله ...جلس يطق على طاولته الرماديه الكبيره باصابعه .. وناظر بالتلفون خله يدق الحديد وهو حامي...
بعد الرنه الثالثه رد ابو خالد :- نعم
راكان:- السلام عليكم..
ابو خالد وصوته فرحان :- وعليكم السلام هلا وغلا
ابتسم راكان :- وشلونك عمي وش اخبارك
ابو خالد:- بخير عساك بخير .. انت وش اخبارك وش اخبار الاهل
راكان:- الحمد لله بخير والاهل ما بهم خلاف
ابو خالد :-الله يجعله
راكان:-والله يا عم ابو خالد بغيتك بموضوع
ابو خالد :- تامر يا ولدي وش بغيت
قال راكان :- لا ما يصير اقوله على التلفون
ابو خالد :- انا في المكتب راح اتاخر شوي تعال
قال راكان :- الموضوع شخصي ..
سكت ابو خالد ..ثواني ثم قال :-شف الوقت الي يناسبك وسير علي في البيت بعد صلاة العصر
عجب راكان الترتيب وقال :- تم ..الخميس الجاي زين
ابو خالد :- ايه زين ..
راكان :- تامرني بشي
ابو خالد :- ابي سلامتك
راكان :- سلمك الله ..يالله مع السلامه
ابو خالد :- فمان الله
جلس يفكر ابو خالد بالموضوع الشخصي الي يبي يكلمه فيه راكان .. يالله يا خبر بفلوس بكره ببلاش اليوم الثلاثاء يعني كلها يومين ويعرف ..
؛
؛
دخل محمد مكتب راكان ..ناظر راكان ملامحه المتوتره وقال :- خير اللهم اجعله خير وش فيك
قال محمد بعصبيه :- المواد الي طلبناها مخالفه للمواصفات الي نبيها ورجعتها مرتين ومازالت الاخطاء نفسها وحنا ما عندنا وقت لازم نبدا شغلنا مع الناس والا توهقنا وراحت سمعتنا انا مدري ليش قلبي يقول لي ان عمانك ورى السالفه..
تضايق راكان متى بيتوبون عن حركاتهم ويفكونه من شرهم ..بس لا ذيل الكلب ما ينعدل دايم..
وقف راكان ..طيب سافر جده وشف الموضوع
قال محمد :-انت ناسي اني مسافر الليله الكويت
تذكر راكان هالشئ وقال :-اجل احجز لي على اول طياره رايحه جده انا بحل الموضوع بمعرفتي ..
عقد محمد حواجبه :- كيف تروح انت ناسي موعدك مع ابو خالد ..
قال راكان وهو يجمع اوراقه :- لا ما نسيت لكني ما قد اخلفت بوعد عطيته لاحد ما راح ابدء الحين بـ هالشئ..
كبر قدر راكان بقلب محمد شئ ما ينوصف .. لانه بمعزة الروح واكثر.. وان راكان يفكر في وعده الي وعده لصديق ابوه الي ما كتب بينهم عقد لثقته في نزاهة راكان ..هذا شئ بسيط يضاف لمحاسن راكان..
كلم محمد المطار..وقال لراكان وهو ماسك السماعه بيده :- فيه رحلة لجده بعد ساعه ..
راكان :- احجز لي فيها
حجز له محمد ..ولحق راكان على الرحله ..
بعد ما صلى المغرب دق على امه وهو متوجه لاجتماع :- هلا يمه انا تراني في جده ومدري متى ارجع
خافت امه :- ليه يمه عسى ما شر
قال راكان بحنان :- مشاكل في العمل على العموم ان شاء الله يومين وارجع طمني امي مريم ..
ام راكان:- في وداعه الله ، لا اله الا الله
راكان:- محمد رسول الله ، يالله يالغاليه مع السلامه
؛
؛
&&&&&&&&
(الجزء الثاني)



اشتقت لك شوق الطفل اللي أنحرم

لا هو لقى من.. يفهمه

ولا هو درا ليه...أنظلم!

ضمت الماس الجوال بين يدينها وجلست تبكي مازال سعود يحاول يتواصل معها وما تزيده صدودها الا اصرار ...اسبوعين وحالتها ما يعلم بها الا الله ..واهلها ساكتين ما يقدرون يتكلمون ..
لان ابوها سأل سعود ليش ما جاء ياخذها وسعود قال له انها تبي تجلس عندهم فتره لين ترتاح اعصابها وتهدأ نفسيتها ..
فتح الباب ودخلت دانه ....
دانه :- الماس سعود هنا
طاح الجوال من يدها وحسة ببروده في بطنها :- هـ..هنا
قالت دانه وهي بتتشنج من التوتر :- ايه هنا ويبي يشوفك..
صرخت الماس :-لا
قالت دانه وهي تمسك يدها البارده :-ابوي ارسلني عشان اناديك بليز الماس كلميه والله ما يستاهل
فكت يدها من يد دانه وجلست ترتجف :-لا يعني لا ..ما ابي اشوفه
عجزت دانه فيها ونزلت تحت...
ابو خالد :- ناديتي اختك
تورطت دانه بس لازم تقول الصدق لانها ما تعودت تكذب..:-يبه رافضه نهائيا تشوفه او تكلمه
تضايق ابوها وقرر يطلع يكلمها بنفسه..لكن قبل مر على غرفة حمد
ابو خالد :-انزل اجلس عند ولد عمك لين اجي
فز حمد من مكانه :- تامر يبه
ونزل بسرعه من الدرجه ..
مر على دانه بطريقه وسالها وهو مستغرب :-وش صاير ابوي وش فيه
ضمت دانه يدينها على صدرها :- سعود هنا والماس عيت تنزل له
تأفف حمد :- يوه الله يعين الناس على مشاكلها والله تغيرت الماس ما كانت كذا..انا با الليل اذا مريت من غرفتها اسمعها تبكي
دمعت عيون دانه لانها دايم تسمعها تبكي بالليل ..
كمل حمد :- انا بروح لسعود لا يجيني ابوي ويطين عيشتي..
؛
دخل حمد وجلس عند سعود الي كان سرحان ومتوتر...
سأله سعود – الماس فيها شئ
حمد :- لا ما فيها شي
سعود :- طيب ليه ما نزلت وليش ما ترد على الجوال
هز حمد كتوفه لانه لاهي بنادي الكاراتيه الصيفي الي مسجل فيه وما يدري عن الدنيا :-اظن جوالها خربان
وفي هاللحظه دخل عليهم خالد وتوه جاي من العمل وبدلة العسكريه عليه :-هلا والله بالنسيب
ابتسم سعود مجامله :-هلا والله خويلد ..
ضحك خالد :-جاي تاخذ البرنسيسه
آه ياليت الامور بهالبساطه ....!!
سعود :- جاي اشوفها ..
ارتبك خالد لانه حس بشي غلط الي قدامه مو سعود الي يعرفه ..
قال خالد وهو يمشي للباب :-بروح اشوفها لك
وطلع من المجلس مو مصدق..
ولقى دانه جالسه مكئبه ..
خالد :- وش فيه القمر زعلان
ابتسمت دانه :-هلا خويلد
خالد :- وين الماس
اشرت بعيونها فوق ...
وطلع خالد ...وقبل ما يدخل غرفتها سمع ابوه يكلمها ورجع لغرفته ..
؛
؛
(طبعا النقاش كان حامي في غرفة الماس له ربع ساعه ...............)
"يا بنتي فهميني"
نزلت دمعه من عينها وقالت بصوت واطي مره :- وش افهمك يبه انت وعمي تناسيتو وجودي وقررتوا تزوجونه ومن مين من بنت عمي وش تبغاني اسوي افرح
ارتبك ابوها :- انتي عارفه
الماس:- ...................
قال ابوها :- وش اقول للرجال طيب
لولا تربيتها الطيبه كان ضحكت بصوت عالي لكنها قالت ونظرها بالارض :- قل له ماله حرمه هنا
عصب ابوها :- انهبلتي انتي
قالت الماس ودموعها هماليل :- لا رجعت له وانتظرتكم لين تزوجونه ذيك الساعه اعرف اني انهبلت ...(قالت بضعف وهي تناظر ابوها) يبه انا بنتك تهدم بيتي بيدك..ياما دلعتني وما قصرت عني بشي تاليتها تقضي على حياتي...
قال ابوها وهو يمشي للباب :-انتي بنتي حبيبة قلبي ..وسعود قدره بقدرك واذا انحرم واحد منكم حرام ينحرم الثاني هذا ظلم ...تحسبين قلبي حجر لا انا حاسه بك والليل ما ارقده بس لازم نسوي الشي الصح لازم...ارجعي لزوجك لانك ما راح تلقين مثله وخليه يشوف حياته
لكن الماس ظلت على رايها وعنادها :-لا .. ما ابي ارجع له وذا قراري
عجز ابوها معها وطلع من غرفتها ...
؛
؛
؛
كان سعود على نار ....
دخل عمه ومازالت عيونه معلقه بالباب يحتريها تدخل...بس ما دخلت ..ناظر عمه ووقف
"وين الماس يا عمي"
هز عمه كتوفه بضيق :-عيت تنزل عجزت فيها
شاف سعود كلام بوجه عمه وقال :- كمل ياعمي وش فيه
قال ابو خالد وهو يحس صدره طابق عليه :-تقول انس ان لك حرمه هنا ..
انصدم سعود ..ينسى...........ينساها !! كيف...........!!
قال وهو على وشك ينفجر:-لازم اشوفها؟؟؟
قال عمه :- عيت تنزل
قال سعود بعناد :- اجل بطلع لها
ولما شاف ابو خالد التصميم بعيونه هز راسه وطلع يشوف له الدرب...طبعا ما كان بالبيت الا دانه لان امها وقمر طالعات السوق..
بعدها بدقايق كان سعود واقف قدام باب غرفتها الي دله عليها حمد...مسك المسكه وفتح الباب بهدوء..
كانت بعد قلبه منسدحه على الصوفا الصفراء وضامه رجولها لصدرها...وتبكي..
المـــــــــاس ..تبكي...ماعاش من يبكيها وهو حي..
قالت وهي ضامه المخده الصغيره على صدرها ..:- قوليلي يا دانه راح..لا يكون متكدر
وجلست تبكي..
ما قدر سعود يستحمل ...وجاء لين جلس على الارض على ركبه قدامها .."انا اتكدر منك يالغاليه"
انصدمت الماس سعود هنا بغرفتها ..جلست بسرعه ..وما ناظرته ابد
قال سعود وهو يشوفها تصد عنه :- ليش تبعدين عني .. انا مستعد اخليك تجلسين هنا لين ما تشبعين بس لا تحرميني من صوتك
"انسانــي يا سعود "
لو يسالونه عن اقسى شئ بذا الدنيا ..كان قال هالكلمه الي قالتها له ...
"بنساك في حاله وحده...."
ناظرته ..(وكمل) :- لا راحت روحي لخالقها
قالت وهي تبكي وتمسك يده بقوه :- بسم الله عليك لا تقول كذا
قال يترجاها :- ارجعي معي ..
همست "لا"
"تكفين"
ما تقدر تتحمل وهو يترجاها ...............هو ما يدري انه يدمرها !....
عرف سعود ان مافيه امل ترجع له.......
وقف وراح يمشي مشية المهزوم المنقهر...قال وهو عند الباب:-انا وش ذنبي تسوين فيني كذا .. انتي بهالشكل ما تسعديني تتعسيني ..انتبهي على عمرك لو لي عندك خاطر..
وطلع من الغرفه.....وبهالشكل طلع من حياتها ...عرفت انها خســــــــــــــرته للابد ... وتمسكت بطرف الصوفا حتى ما يغمى عليها.....!

يا ترى بيستسلم سعود للضغط الكبير حتى يتزوج نوف...؟؟ والا بيظل وفي لحب حياته...؟؟
؛
(الجزء الثالث)



><في بيت نايف (ابو احمد)><

"قلووووووووووووووووووووووو وووش يمه دريتي ان الماسوه تركت سعود"
ام احمد بشماته :- ههههههههههههههههههههههه احلى خبر سمعته قلت لك مصيره بيترك هالعاقر
جلست ترقص نوف بالصاله والفرحه مو سايعتها ...
وقفت رنا ...قالت نوف لها :- اشك احيانا انك اختي والا كان فرحتي لي
قالت رنا باستهزاء :- افرح لك بايش بالمذله لانك تحبين واحد ما يطيقك واهله جالسين يغصبونه يتزوجك
صرخت امها فيه :- انطمي يالي ما تستحي على وجهك
رنا :- من فينا الي ما يستحي يمه انا والا بنتك الي ترقص هذي"
قالت امها باحتقار "ياليتك تجين فطينه مثلها وتتلحلحين شوي"
قالت رنا تتطنز " تقترحين ادور لي واحد متزوج وسعيد وارسم عليه حتى اخذه من حرمته لا شكرا ما برت للحين "
بدون شعور ضربتها امها كف خلاها تطيح على الصوفا ... هذي مي اول مره تمد امها يدها عليها ..ولا راح تكون الاخيره..
قالت امها وعيونها بلون الدم "هذي اخر مره تهينين فيها اختك فارقي يالله "
طلعت رنا تبكي من الغرفه ..
ونوف وامها كملن شماتتهن بخلق الله ..
دخلت رنا غرفتها وسكرت الباب بقوه...جلست تبكي.. وش الحل العيشه هنا ما تنطاق .. امها واختها يذلنها دايم ولا يطيقن لها كلمه لانها طيبه وقلبها ابيض مو حسوده وتتمنى الشر لكل الناس..
سمعت آذان صلاة العصر...لبست جلالها وبسطت سجادتها وصلت وهي ترفع يدينها للسماء..
"ياربي ..
اوقف بجنبي ..
وارحمني .. وخلصني من هالعيشه ..
قبل لا اتلوث بحسدهن ..
يارب
..لا تتخلى عني..مالي غيرك"
ومسحت وجهها بيدينها وهي تقول "اللهم امين"
،
،
><في بيت راكان><
دخل راكان البيت ..ووقف يناظر مصدوم ... ســــــــاره ...بسم الله وش مغيرها خدودها وراها منتفخه وشفايفها توزن لها عشره كيلو..
وقفت هي وامها اول ما شافته ..وابتسمت له باغراء..لكنه كالعاده تجاهلها ..
رمى السلام عليهن وباس راس امه وراح للدرج ..لحقته ووقفت في وجهه ..
قالت بدلع :- ولو يا ولد العم هذا استقبال
ناظرها وهو يرفع حاجب :-اول شي غطي شعرك لو ما عندك خبر ترى الطرحه طاحت ..
انقهرت منه ساره هذا جبلّه ما يحس ماعنده مشاعر....نهرت نفسها ...ماعنده مشاعر ..هذا سؤال غبي ..الي عاشته معه ما عاشته مع الاربعه الي تزوجتهم بعده..ندمت في اليوم الف مره كانت تحسب الرجال سوى .. لكن يمكن يكونون سوى..بس راكان ماله مثيل...
وتعداها وطلع غرفته ...رمى الشنطه بعصبيه وش تبي ذي لازم يتعكر مزاجه ... على العموم ما معه وقت هو اعتذر من ابو خالد وقال انه بيجي بعد ساعه ..لازم يلبس ويجهز..
بعد ما اخذ حمام سريع ..لبس ثوب ابيض وغتره بيضاء ..مايدري انه بيقطع قلب ساره الي تو تحس بقيمته والي هيمانه في حبه ..تعطر وحط اغراضه بجيبه ..ونزل بسرعه ..
من حسن الحظ قابلته امه مريم عند نص الدرج واشرت له يلحقها لغرفتها ..مر من عند ضيوفه الغير مرغوبين ولا عطاهن وجه ودخل غرفة امه مريم وساره تموت وتعرف وش عندهم بالغرفه..
سالته امه مريم :- خلاص توكلت على الله وبتخطب دانه
ابتسم خالد :- ان شاء الله انا كلمت العم بو خالد وبروح له الحين
انقلب لون وجه امه ...سالها وهو يناظرها بعيون ضيقه :-فيه شي...؟
تورطت ما تدري وش تقول له ..بس لازم يعرف والا ماراح يسامحهن ابد ..
ورمت القنبله "دانه مو بكــــر"
انصدم راكان يعني وشهو مو بكر!
لكنه سأل :- وضحي كلامك
قالت وهي تناظره :- دانه مطلقه ...؟
قال بذهول :- وشهو مطلقه...
امه مريم :- ايه مطلقه
راكان :- من متى ..؟
امه :- من العام ...
قال وهو يضحك بدون نفس:_ زين انك نبهتيني ماعاد ابيها
انصدمت امه فيه مو هذي اخلاق راكان الي تعرفه.."ليش يمه انت البنت معجبتك "
راكان:- ........................
قالت امه والدمعه برمش العين :-مو انت ولدي الي ربيته حتى تكون متخلف للدرجه هذي .. البنت ما توفقت وعانت لين قالت يارب العافيه واخر شئ تصرف نظر عنها
قال يستهزء :- عانت من ايش ..زوجها عيا يجيب لها كولييت الماس هديه بمناسبة عيد زواجهم
ناظرته امه بقوه وعرف انه تجاوز حدوده ...
امه :- فرحتنا يوم قلت انك بتتزوجها وسرقت الفرحه الحين منا..
حرام ما يصير يستغلن حبه لهن بهالشكل...
ضمها لصدره وباس يدها :-مايكون خاطرك الا طيب بتزوجها ولو اني ما عاد ابيها
ما تنكر انها فرحت بس قالت :- لاتكون نسيت نفسك تراك مطلق حرمه بعد
راكان:- ههههههههههههههههههه هذا بلى ابوك ياعقاب انا مو ناقص عله جديده واستغلاليه ثانيه بس يالله البنت جمالها يلحس المخ
امه :-وين شفتها ..؟
وبسرعة البرق رقع السالفه :- اكيد حلوه من كلامكن عنها ...يالله بروح تاخرت على الرجال ..
وطلع من الغرفه وما ناظر لا يمين ولايسار..
لكن على مين لانه يعرف ساره عرف انها ما راح تستسلم ..لحقته عند مواقف السيارات
ساره :-طالع
قال يستهزء :- وش انتي شايفه
ناظرته من فوق لتحت :- كل هالزين على وين ...
ابتسم بدون نفس وحط المفتاح بقفل الباب :- فقدتي الحق بالسؤال من خمس سنين
دخل سيارته و لا كنها موجوده...
ناظرته ساره بحقد والدموع تتجمع بعيونها والله تحبه بس هو ما يحبها يمكن عشان قلة اصلها معه قبل خمس سنين ..بس انت بتكون لي وما راح تكون لغيري ..
؛
؛
=\في بيت ابو خالد \=
قال ابو خالد لزوجته ..:-جهزتي القهوه ،الرجال في الطريق
قالت ام خالد وهي تبخر البيت كالعاده ..:-ايه القهوه زاهبه ..الا من ضيفك
ابوخالد :-راكان
ناظرته ام خالد باستغراب :- راكان بن عبد الرحمن
ابو خالد :- ماغيره
ام خالد :- غريبه وش عنده
ابو خالد :- ماغريب الا الشيطان مسير علي
على انها ما اقتنعت الا انها قالت :-الله يحييه
دخل حمد وهو حاط شنطته الرياضيه على كتفه :-يبه راكان جاء وقلطته بالمجلس
ابو خالد :- الحقني بالقهوه
حمد :-تامر يبه
وطلع ابو خالد لقسم الرجال ..
قالت ام خالد :- بتطلع يمه للنادي الحين
حمد :-ايه بطلع ليه تامرين بشي..
ام خالد :- لا سلامتك
حمد :- الله يسلمك
بعد ما حط حمد القهوه وصب فنجال لابوه ولراكان اعتذر وطلع عشان مايفوته التمرين...
بعدها بدقايق ..قال راكان لابو خالد :- والله ياعم انا جايك بطلب واتمنى ما تردني
قال ابو خالد :-مايرد الكريم الا اللئيم
راكان:- كرمت ياعم ..
ابو خالد :- هات طلبك ياولدي وانا كان بيدي وبمقدوري تراه جاك
راكان :- قدها يا عمي انا جايك وطمعان في قربك .. واتشرف اني اخطب بنتك دانه لاني ابيها زوجة لي..
تفاجا ابو خالد من طلب راكان لانه اخر شئ توقعه ..
.فسر راكان صمته غلط وقال :- لي عمام لكن انت تعرف العلاقات الي بيننا زين لكن ان وافقت دانه بيجون خوالي والشياب وبتقدم لها رسمي وانا ماحبيت اخليهم يجون من الديره الا وانا مالي يدي
مسك ابو خالد يده وقال :-انت عن مية رجال ياولد الغالي وصمتي مو انتقاد لا ,,انت فاجأتني واذا عني ماراح القى احسن منك لبنتي وحبيبة قلبي دانه بس لازم اسال البنت
راكان:-حق وواجب ياعمي
تردد ابو خالد شوي وقال :- انت تعرف ان دانه مطلقه صح
ابتسم راكان :- عندي خبر
ارتاح ابو خالد .. من قلبه
واخذتهم السواليف في السوق وفي الذكريات ....
؛
؛
طلعت دانه من غرفتها ونزلت تحت ..
دانه :-سالت الشغاله do you see my father ?
الشغاله :-no mis
دانه وهي طفشانه لانها مالحقت تجلس معه :- I think he is go out the home
الشغاله :- no mis Dana he is in the home I am shore, look his phone and key is there
واشرت على مفاتحيه وجواله الي محطوطين على الطاوله ...هزت دانه راسها :_thank you Maria you can go
هزت الشغاله راسها باحترام وراحت تشوف اشغالها...
شافت امها تمشي وتشيك على البيت وترتيبه ..ضمتها دانه :- hay mama I miss you
ابتسمت امها :-اتركي عنك لغة الخواجات واهرجي بلغتنا
دانه :- هههههههههههههههههههههههههههه يسلم لي عمرك لو تبغيني ارطن صيني رطنت
امها :- ههههههههههههههههههههههههه لا لا حنا بالعربي ويالله نفهمك
سالتها دانه :- وين ابوي مفتاحه وجواله هنا ...
ام خالد :- عنده رجال بالمجلس...
دانه :- من ...؟
امها :- راكان بن عبد الرحمن
انصدمت دانه :- راكان...وش يبي ..؟
هزت امها كتوفها وجلست على الصوفا :- العلم عند الله بس جيته وراها شئ قلبي يقول لي..
دانه تعرف ان احساس امها دايم في محله...
كملت امها وهي تناظر دانه نظرات لها معنى :- يارب يكون الي في بالي..
قلبها يخفق بقوه ليه...؟؟ ماتدري..؟نظرة امها وراها شئ...
ابتسمت وطلعت غرفتها بسرعه ...
ما امداها تدخل الغرفه الا وجوالها يرن...
دانه :- هلا والله توك على بالي..
هنادي برجتها المعتاده :- مرحبا خير ان شاء الله ما اطري عليك الا لو فيه مصيبه
دانه :- ههههههههههههههههههههههههههه حرام عليك تخيلي من عندنا
عقدت هنادي حواجبها :- من ..؟ (وجلست تمزح ) لا يكون الجذاب المدمر
كانت تقصد راكان .. وقد شافت له هنادي لقاء الاسبوع الي فات بمجله وانهبلت على صورهّ ...دانه شرت المجله وشافت ان الصوره ما عطت جاذبيته حقها ..
قالت دانه تهمس من الحماس :- ماغيره
صرخت هنادي صرخه بغت تقضي على اذن دانه :- احلفي؟ ...وش يبي؟..يا حظك ؟... شفتيه؟...كيف شكله ؟...ياقلبي ..انا جايه جايه الله لا يعوقني بشر
انهبلت دانه من انفعال بنت عمها وجلست تضحك عليها....
دانه :- اقول اثقلي لا تستخفين ..مدري امي تقول انها حاسه ان في الموضوع انّ
تحمست هنادي :- يعني وش جاي يخطبك...
انصدمت دانه وحمرت خدودها هذا الشي الي كانت تتمناه .. وتحلم به ليل نهار ..ماتدري متى هاجم احلامها وقضى على راحتها النفسيه .. فيه شي جذبها له ..هي ما تنكر وسامته وشكله الي يعذب والدليل هبال بنت عمها عليه وهبال قريباته ..لا الموضوع يتعدى الشكل الخارجي..
اوف اعترفي يادانه....,, اعترفي انك حبيتيه من قبل كم شهر من كلام امه يوم قابلتيها بالنادي...حبيتي فيه مرجلته الي اخذت حق امه له ..حبيتي فيه عزيمته وارادته الي خلته يوقف على رجلينه ويحافظ على حلاله ..حبيتي فيه حبه لامه وموقفه مع امه الي ارضعته .. حبيتي فيه سمعته الطيبه ..حب الناس له ...
رجعت للواقع من صراخ هنادي الي واصل للصين هههههههه :- وش فيك بلمتي ورى ما تتكلمين...؟
دانه :- هههههههههههههههههه معك بس شكلك استخفيتي قلت اكون مستمعه اصرف
قالت هنادي بثقه :- اما كان جاي يخطبك ماني بهنادي بنت ناصر
كبرت الفكره براس دانه لكنها حاربتها يمكن يكون جاي عشان شي ثاني وهي ما تبي بالنهايه تتحطم :-اقول لايكثر ..وش اخبار سعود بالله
حزنت هنادي مره :- آه حالته ما يعلم بها الا الله
كئبت دانه :- هو عندكم بالبيت
هنادي :- لا ببيته بس سعاد عنده الحين
كملت ...:_ وش اخبار الماس ..؟ قسم بالله مايستاهلون الي يصير لهم ابوي تهاوش مع سعود اليوم يبي يزوجه نوف بالغصب
سكتت هنادي وتندمت لانها علمت دانه الماس مو ناقصه ...بس وش تسوي هي ودانه ما بينهن اسرار..
قالت دانه والدموع بعيونها :-ياربي والله ان درت الماس لتموت ..
قالت هنادي بقوه لانها تحب الماس :- بسم الله عليها ازمه وتعدي ويرجعون لبعض ان شاء الله
قالت دانه من قلب :- يارب
دق باب غرفة دانه .."دقيقه هنادي "
"نعم"
طل حمد من طرف الباب :- ابوي يبيك تحت
استغربت دانه وش يبي ابوها ..رجعت للجوال :- ابوي يبيني الله يستر
قالت هنادي تمزح :-ازغرد والا اخليها بعد ما تكلميني هههههههههههههههههههه
انفعلت دانه لان اعصابها متوتره وبطنها كن فيه قطعة ثلج :-اقول ورى ما تنطمين وتخلين عنك هالخرابيط شكلك الله بالخير
هنادي:-هههههههههههههههههههههه اقول انزلي بسرعه لا يجيك عمي يحوسك
نست دانه ان ابوها ينتظرها تحت ..من زود الربشه والتوتر..
دانه :- جعلك.......... يالله باي
هنادي:- ههههههههههههههههههههههه بايات
؛
؛
قالت ام خالد وهي بتشقق من الفرحه :- هذا احلى خبر سمعته ما بغينا نفرح
ابتسم ابو خالد :- لا تستعجلين حنا ما عرفنا راي البنت للحين
ابتسمت ام خالد :- ما راح تلقى احسن من راكان لو تدور الارض اهله يحبونه موظفينه بالشركه يحبونه انت واصدقاء المرحوم ابوه تحبونه ..ومن حبه ربه حبب خلقه فيه
ابو خالد :- صدقتي تذكرين قد قلت لك مره اني ما ودي ازوج قمر ودانه لسى ما تزوجت
ام خالد:- ايه اذكر سبحان الله من كان يصدق
ابو خالد :-سبحانه والله يا انه انشال عن صدري حمل ..كسرت خاطرها حازة بنفسي لانها تزوجت من واحد ما يسوى ظفر من اظافرها...بس الله عوضها برجال يسوى قبيله
سكت ابو خالد وهو يشوف دانه تنزل الدرج ...
ثواني الا وانها داخله غرفة المكتب الي ابوها وامها جالسين فيها ومخلين الباب مفتوح ..
قالت دانه وهي تبلع ريقها :-طلبتني يبه
ابتسم ابوها وهو ياشر عليها تجي تجلس جنبه :- تعالي ابيك بموضوع
جلست دانه جنبه وانتظرته يتكلم ..بس وجه امها منور من شي اكيد حلو
قال ابوها :- شوفي يبه الرياجيل مخابر مو مناظر ..وفيه رياجيل خوتهم تنشرى شراء ..
استغربت دانه .وش السالفه...!
كمل ابوها :-...... وانتي تعرفين راكان شاب راجح عقله ماسك شركه لها وزنها بالبلد والناس تشهد بمرجلته ويحبونه ..وهو اليوم جاي وخطبك مني وش قلتي...
على انها كانت تتمنى هالشي وتحلم به ليل نهار ..الا ان الحلم شي..والواقع شي ..حست دانه بخدر في جسمها معقوله تتحقق احلامها بهالسهوله ..هي تتزوج راكان..........
فسر ابوها سكوتها غلط وقال :-يبه ما راح نغصبك على شي ما تبينه بس فكري الفرصه ما تجي بالعمر مرتين
استوعبت دانه قصد ابوها ...
قالت بحياء وعيونها بالارض :-الشور شورك يبه
استانس ابو خالد وناظر في مرته الفرحانه ...وقال لبنته بحب :-
"اجل الف مبروووووووووك يبه "
استحت دانه وطلعت من الغرفه بسرعه ..

********************
(الجزء الرابع )



علمتني وشلون احب ..وشلون احب

علمني كيف انسى ..انسى

علمتني وشلون احن..وشلون احن

علمني كيف اقسى..اقسى

سير علي ..سير علي

بس...امسح دموعي وروح

سير علي ..سير علي

جب لي معك.. قلب وروح

سير علي...اذا تذكرت الجروح

ياطاغي النظره خطا....تجزي بهالبخل العطا

وانا الي اهديتك امن ..عين وجفن

هذي فراش ...وذا غطا

يا بحر ....ضايع فيك ..الشط والمرسى

يا جرح ...من وين ابتدي

وانت معي من مولدي

عيت يدي ....على وداعك تهتدي...على وداعك تهتدي

بس انت علمني الجفا ...علمني الجفا

دامي عجزت....اعلمك كيف الوفا

رجع سعود شعره بيده ...وتنفس بقوه ...رجع وجلس على السرير الي يحتضن ريحتها ...
ما بقاله منها الا ريحتها وذكراها .. من كان يصدق
حتى صوتها محروم من سماعه ...
هو يعاني وهي تعاني.....اه ياليت بيده كان يشيل الهم عن قلبها ويحطه على همومه الي صارت جبل ..
تأزم في حياته ضغوط ابوه عليه تزيد ...وهو مو قادر يتحمل انجنوا هم كيف يتزوج بغير الماس .. مستحيل نفسه ما تطاوعه ..الماس مالها مثيل..
صرخ في الغرفه بكل صوته ...
ليش يا الماس................ليش تخليتي عني ....وين وعدك ....ليه اخلفتيه ليه ....
وما جاوبه الا صدى صوته ....
؛
؛
في وقت ....كانت الماس جالسه في غرفتها ومتربعه على الصوفا وماسكه كاس نسكافه بيدينها الثنتين ..
وكانت دموعها تتلاحق ...كانت تبين صغيره وضعيفه بشعرها الي رافعته فوق راسها ولبسها العادي ..

*_حرمتيــــــنا _*

.يا دنيانا من الغالي حرمتينا

بقت كلمه بخواطرنا بعدنا لا ما قلناها

وعلى غفلة من الفرحة .. يا فرقانا سرقتينا ..

حكايتنا مع الغالي بعدنا ما كتبناها ...

لنا غنوه فرح عيت حروفك لا تخليها ..

نغنيها وهو يا ما بصوته قال وغناها!!؟ ..

رسمنا الحلم بعيونه وبالغنا بأمانينا ..

أثارينا نعيش أوهام بنتعب ما وصلناها ..

ضمت الكاس اكثر حتى مابقي عليه الا شوي ويتكسر...سعود ..اشتقت لك يا نظر عيني ...
لو تشوف دنياي بدونك ...حزينه مالها معنى...!!
&&&&&&&&&&&&
الفصل الخامس)

(الجزء الأول)

قالت دانه وهي تناظر فستان زواجها الناعم الي معلق بدرجها :-والله مو مصدقه حاسه اني بحلم
هنادي:-ههههههههههههههههههههههه معك حق انا لو مكانك كان استخفيت
دانه :-ههههههههههههههههههههه لا تبالغين ...
هنادي وهي ترتب اغراض دانه الي بتحتاجها اليومين الجايات :- من قال اني ابالغ بالعكس بعدين شوفي زوجك من عجلته خلى الزواج بعد شهر بصراحه هذا اسرع زواج بعايلتنا ههههههههههههههههههههههههههه والكل حاسدك خصوصا مرة عمك نايف وبنتها الي ما تتسمى
ابتسمت دانه ياحلوها ذا الكلمه (زوجكـ) يعني حلالها ملكها وحبيبها بلحالها ...بس حست بقلبها ينقبض ..
لاحظت هنادي الضيق الي انرسم في وجهها :-دانه انتي مو على بعضك خير.؟
ناظرتها دانه بعيون حايره :- انا خايفه ما يكون الانسان الي حلمت فيه كل ليله من يوم ماشفته ..اخاف يطلع شخص ثاني .. حقيقة الانسان ما تبين وتطلع الا مع العشره ..اخاف يكونون الكل مخدوعين فيه
تاففت هنادي :- دانه انتي غاويه نكد الرجال مو مصدق متى يجي اليوم ويتزوجك ..القاعه الي حجزها من ارقى قاعات الرياض تدرين خالتي ام خالد تقول انه دفع سعر الليله دبل ثلاث مرات لان القاعات كلها محجوزه بالعطله ..وبعدين هو رفض يشوفك بالملكه هذا دليل على حبه للبداوه هي ما فيها شي عادي وتعودنا عليها بس هو يفضل يتزوج هالمره على طريقته .. انتي مو متزوجه انسان عادي انتي متزوجه انسان محترم له مكانته بالمجتمع خليك قد المسؤليه وحافظي عليه ، اصله طيب ,, وهذا كفايه.
ضمت دانه بنت عمها وحبيبة قلبها وجلست تبكي...ماتدري بدون هنادي وش كانت بتسوي..
دخلت الماس وغصبت على عمرها تبتسم وتمزح عشان زواج اختها الغاليه :- هذا والعرس ما جاء وجالسات تبكن يا خوفي تروح هنادي معك انتي وزوجك للفندق
ضحكت هنادي:- هههههههههههههههههههههههههههه ان شفت زوجها المزيون وجه لوجه جت علوم
الماس:- هههههههههههههههههههههههههههههه ه
ضربتها دانه واشتغلت معها الغيره :- هناديوه ماعاد فيه روحه اجلسي بالبيت مو لازم تحضرين العرس
هنادي وهي تمسح دموع وهميه :- لا ياقليلة الخاتمه ..من زينه اصلا
قالت دانه بدلع :-عاجبني
الماس وهنادي :- هههههههههههههههههههههههههههه
قاطعت الضحك والجو قمر وهي تتنفس لانها طالعه الدرج درجتين درجتين ..سالتها الماس :-خير ان شاء الله شفيك كنك ملحوقه
قالت قمر وهي تحرك حواجبها بخباثه :- تخيلوا من تحت...؟؟
هنادي :- من ...؟
قمر بثقالة دم :- حزروا ..؟
دانه بدت تعصب :- قمير اخلصي من ..؟
بوزت قمر :- تعرفين اني اكره هالاسم كني عجوز ..المهم رنا بنت عمي نايف تحت ..
انصدمن البنات ...:- رنــــــــا
قمر :-هههههههههههههههههههههههه بالله ناظرن بالمرايه وجيهكن تضحك
وكملت ...:-مره مرتبكه يوم دخلت حسبتني بتوطا ببطنها ..
قالت هنادي :- والله فيها الخير طبعا اكيد جايه بلحالها ..
قمر :-ايه امي جالسه معها تحت عجلن انزلن ..
كبرت هالبنت بعيون البنات وخصوصا الماس سبحان الله خلق وفرق ...شتان بينها وبين أختها نوف...
****
><
****
مسحت رنا يدينها العرقانه بتنورتها السوداء .. هي تحب بنات عمها ولما تشوفهن متجمعات تنقهر وتحزن لانها مستثناة بسبب فعايل امها واختها ..صح البنات ما عمرهن اخطن عليها بس علاقتها بهن سطحيه مره وهي تتمنى لو تكون صديقه لهن ..دايم ضحك ووناسه وهبال ..اشياء هي انحرمت منها ..
طبعا ماقدرت تقاوم وشرت لدانه هديه بمناسبة زواجها وطلبت من احمد يوصلها طبعا امها ثارت عليها ونوف بعد بس رنا ذكيه لانها طلبت الاذن من ابوها قبل لا تعلمهن ..
وبعد صراخ وهواش طلعت من البيت تحاول تحبس دموعها ..
وقفت لما شافت دانه تنزل والماس وهنادي ..حست بخجل فضيع من شوفة الماس سوايا اختها تسود الوجه..والبنت زي الملاك ما تستاهل الا كل خير ..
سلمن البنات عليها واستقبلناها احسن استقبال ...
قالت دانه تبتسم بحب :- ماله داعي تكلفين على عمرك
ابتسمت رنا بمحبه صادقه :-ولو هذا اقل من الواجب انتي اختي
تأثرن البنات بكلامها إلي دخل القلب..
مسكت دانه يدها وقالت :-وانتي بعد اختي وحنا كلنا خواتك والبيت مفتوح لك بأي وقت
دمعت عيون رنا من فرحتها .. وقضن البنات أحلى عصريه ..
قالت دانه بابتسامه وهي تثبت لرنا انهن خوات بالفعل مو بالقول بس :- تعالي معي ابغاك تشوفين الفستان
انصدمت رنا ونزلت دموعها من الفرحه ...
وبعد ما هدنها البنات طلعن فوق حتى تشوف قمر الفستان ...
دق احمد على قمر وقال انه قريب من البيت ,, ولما قالت له انها بتلبس عبايتها قال لا بجلس مع خالد شوي وبعدين بناديك ..
بعدها بعشر دقايق وصل احمد للبيت ..
خالد الي كان توه جاي من العمل :-هلا والله بأحمد نور البيت
احمد :-منور بوجودك ... كيف الحال؟
خالد وهم يدخلون داخل :-بخير عساك بخير حياك ..
تردد احمد :- اخاف الاهل داخل
خالد :- لا نصهم طالع ونصهم فوق حياك .. ماله داعي الرسميات ونروح مجالس الرجال
ودخل احمد داخل ... بالحاح من خالد
قال خالد بعد ما جلس احمد :- بطلع انزل بدلة العسكريه
احمد :- خذ راحتك
وطلع خالد ..بعد ماوصى ع القهوه ..
؛
؛
في هالوقت نزلت سعاد من سيارة سلطان ..
قالت سعاد وهي معصبه :- المفروض انك تجيبيني العصر مو قريب من المغرب
ابتسم سلطان لأنه تأخر على أخته بسبب شغله :- امسحيها بوجهي والله ماعاد أتعودها يالله أنا تأخرت
ضحكت سعاد غصب عنها ..ودخلت الصاله ..بعد ما رجع سلطان لشغله على انه بيموت عشان يدخل ... خصوصا وان ملكته تأجلت لان دانه ملكت وعقبها بثلاث أسابيع زواجها ..فتقررت تكون بعد زواج دانه بأسبوعين .
دخلت سعاد الصاله الكبيره وهي تنزل طرحتها وتنفض شعرها من حرارة الجو وتتعطر عشان تنتعش شوي .. بدون طبعا ماتناظر احمد الجالس في الصاله على يدها اليمين ..مشت ونزلت عبايتها قدام المرايه الي بالرسبشن ..عدلت جلابيتها التركوازيه الناعمه .. والضيقه وزينت شعرها الأسود إلي يوصل لتحت خصرها .. عدلت كحل عيونها والروج الترابي ..واخذت شنطتها عشان تطلع فوق ..
؛
كان احمد لاهي عن الدنيا وفجاه شدته ريحة عطر ..عطرها ... متأكد .. لأنه يعرفه بين ألف عطر وعطر..
التفتت و مرته بدون ما تناظر فيه ...
تذكر يوم رفضته وهي تدرس....
تذكر يوم ألغت الملكه
تذكر رفضهـــــــــــــا له ... مرورها بهالشكل وكأنها تقول له ..
أنت مو من مستواي ...
وطاحت عينه بعينها ....
ابتسم :- ياكثر الصدف إلي تجمعنا يا بنت العم
سعاد (مازالت مذهوله كان لابس ثوب إماراتي بيج و غترة بيضاء وطالع مسكت ) :_............................ ........
وقف وقرب منها وهي وجهها يتلون والصدمه مخليتها تمثال :- وين طوالة لسانك ليش ما تكلمين ...
اول مره تفقد شجاعتها .. وتكون في مزاج ما يساعد ترد عليه .. مرت بجنبه بتطلع الدرج
ومسكها مع ذراعها وهمس :- الوعد بعد شهرين لا تنسين
وفكها وطلعت تركض غرفة البنات ...

&&&&
(الجزء الثاني)

طبعا الي ماتعرفونه ان الماس كانت نازله وشافت الي صار بين احمد وسعاد ...
ناظرت سعاد الي وجهها متغير باستفسار ... ولحقتها لغرفتها ...
رمت سعاد شنطتها على سرير الماس وهي ترجف ...سكرت الماس الباب ..حتى ما احد يسمع كلامهن
وقالت بصدمه :- سعاد وش موقفك مع احمد تحت بدون لا غطاء ولا عبايه
عرفت الماس ان سعاد مصدومه لأنها ترجف بشكل كبير وعطتها كاس مويه وبعد ما هدت حكت لالماس كل شي ..من يوم ما الغت الملكه للي صار بعشاء ابوها للي صار اليوم بالصاله ...
جلست الماس دقايق مو قادره تتكلم ..
الماس :- يالله شكله مصر على الي براسه
هزت سعاد راسها ...وبان عليها الخوف ولو لثانيه بس ما فاتت الماس ..
قالت الماس وهي تمسك يدها :- لاتخافين اذا ما تبينه مو على كيفه
ضحكت سعاد بدون نفس :- ماتعرفين احمد مثلي ..صدقيني قول وفعل وبتقولين سعاد قالت
قالت الماس بقوه :- سامحيه يا سعاد انتي تحبينه

قست نظرة سعاد وقالت:_
ماتوقف الدنيا على شان رجال..
لاصار هو والغدر توم وولايف
ومن خان عهد الحب خاين ومحتال ...
...وما تلحقه بنت الحمايل حسايف

ما يئست الماس من المحاوله وقالت تخفف عن سعاد :-براحتك بس لاتشيلين هم ماراح يسويها وين حنا فيه بالعصر الحجري
قالت سعاد وهي توقف قدامها :- انت تعرفين عيالنا ورياجيلنا في العناد مافيه مثلهم .. والدليل سعود
طعن خنجر قلب الماس..وتلهفت تسال عن احواله بس غيرت رايها..
سعاد:-مازال رافض يتزوج ومنقهر من حركتك يوم قلتي للشغاله تضف اغراضك وانتم بالمزرعه وتجيبها بيت عمي..
حست الماس بالدمع يخز عيونها :- عنيد من يوم يومه وهذا السبب الي خلاني اطلب من الشغاله تضف لي اغراضي قبل جيته لانه ما راح يسمح لي اتركه
تنفست سعاد وقررت تقفل الموضوع لان الحكي ما يفيد والماس لها شهر ونص تاركه سعود ورافضه نهائيا تحاكيه وترجع له .
قالت سعاد وهي تحس بقلبها يوجعها :- الله يستر
الماس بعد حست بخوف الي قاله احمد شي ما يقدر يتجاهله الواحد ويتناساه الي قاله اصر انه راح ينفذه.واحمد ما يخلف وعوده بس كيف راح يتزوجها وهي رافضته وحتى لو غيرت رايها ما تقدر تتراجع لان بينهم تحدي.
الماس :- ماراح يصير الا الخير.، تعالي سلمي على رنا
انصدمت سعاد :- رنا بنت عمي نايف
الماس :- ههههههههه ماغيرها البنت هذي عسل سبحان الله خلق وفرق
قالت سعاد بذهول :- أي والله ياحليلها ..
وطلعن لغرفة دانه لان البنات متجمعات فيها ..
؛
؛
؛
دق احمد على رنا وقال لها تطلعه برى لانه بالسياره..بعد ماسلمت ع البنات ما نزلن معها لانهن خايفات يكون احمد تحت .. ومن العجله نزلت رنا بسرعه وعبايتها على يدها ..طبعا ما انتبهت للرجال الي طالع الدرج ... والي صدمت فيه ..
صرخت رنا لانها بغت تطيح لكن خالد مسكها بسرعه ...(تخيلو الاحراج ههههههه) طبعا يدينه من ورى ظهرها ووجهها على صدره ..بلمح البصر طاحت عيونه على عيونها الخايفه .. اجمل عيون شافها بحياته ..انتبه خالد لنفسه ومسكها مع كتوفها لين وقفها .. وهو يناظرها من فوق لتحت من تنورتها السوداء الناعمه لبلوزتها السوداء الخفيفه وشعرها الاحمر الغامق ... وش هالجمال ...
ماتدري وش صار لها رنا تخدرت كلها .. وش جالسه تهبب وهي تناظر الرجال الي فيه شبه من اخوانها من فوق لتحت ..شكلها تورثت قلت الحياء من امها واختها.. دمعت عيونها هذا اخر شي تتمناه لنفسها ، نزلت بسرعه تحسد عليها نظرا لجزمتها السوداء الي كعبها مسمار ..
"رنـــــــــا"
تكهرب ابو كيانها يوم سمعته يناديها يا زينه ويا زين صوته ..التفتت بسرعه وللمره الثانيه بغت تصدمه لانه كان واقف وراها .. لكنها تمالكت نفسها ، ناظرته بحيره وشافت شنطتها بيده ..يالله الحين بيقول هذي خبله ومضيعه ..لانها يوم طاحت ومسكها وجت عينها بعينه طاحت شنطتها من يدها بدون ماتحس .. ولولا تنبيهه ما درت عنها ..ياخزيااااااااااااااه
اخذت شنطتها منه بدون ما تتكلم بكلمه ..وطلعت تركض للباب ..
وقف خالد .. متسمر في مكانه حس بقلبه يدق بسرعه ...
وشم الهواء الي حوله ,, والي يشيل معه ريحة عطرها .....
؛
؛
طلع احمد من بيت عمه .. وكالعاده لما يشوفها تضيق فيه الوسيعه ..طبعا لاحظت رنا مزاجه المتعكر وخمنت ان السبب سعاد وسكتت لانها تعرف احمد اذا تعكر مزاجه ما يحب يكلم احد ..شغل شريط شعر بسيارته حتى يغير جو
ومع الموسيقى الحزينه وضيقة صدره ...كملت الكلمات الباقي........

مـاعـاد يـاسعنـي مسـاحـه ولا أفـاق

من ضيقتـي مـاأشـوف شـي وسعنـي

كتبنـي التـاريـخ فـي صفحـة فراق

وبصفحـة الأحـزان جـار وطبعنـي

دخلـت أنـا والحـزن غيبـوبـة عنـاق

[بعثـرتنـي] والحـزن عقبـك جمعنـي

سكر المسجل وهو مو بطايق نفسه ...هو ناقص ..ما ينكر انه يحبها من يوم ماكان بالثانويه قبل كم 15 سنه والي سوته فيه ما تسويه الغريبه الي مو من لحمه ودمه ..
وبينتقم والله لينتقم لو اخر يوم بعمره .. والوعد بعد شهرين .. عنده كم وسيله وبيشوف الأنسب ..بتكونين لي ياسعاد وساعتها بتعرفين المذله على اصولها .
سال احمد رنا يبي ينساها لو ثواني :- استانستي اليوم
ابتسمت رنا من قلب وقالت بحماس :- أي والله يا خوي وناسه ما وراها وناسه
ابتسم احمد :- لو داري انك بتستانسين كذا كان جبتك لهم من زمان بدل الانطوائيه الي انتي عايشه فيها
توتر وجهها الحلو وابتسمت غصب :- عادي ياخوي اهم شي اني استانست اليوم
هز احمد راسه ..وسرح في افكاره..
بعد عشر دقايق نزلها عند الباب وراح لاشغاله .. (او هذا عذر قاله لاخته عشان ماتشك به) لانه يبي يختلي بنفسه لان الدنيا طابقة على صدره.
دخلت رنا البيت وهي مهيئه نفسها لضيقة الخلق من امها واختها ...قابلها عند الباب اخوها طلال
طلال:- هلا وغلا وينك حرمتينا من حلى العصر الزين
رنا:- هههههههههههههههه مصالح يعني ..
طلال:- ههههههههههههههههه الدنيا الحين مصالح ..وين رحتي
ابتسمت رنا :- اكيد عندك خبر مسويلي يعني ماتعرف
طلال:- ههههههههههههههههههه احاول اسوي نفسي مؤدب
قالت رنا هامسه :-وين الحكومه
تلفت طلال بخوف (يستهبل) :- ايه صح طالعات السوق
كمل وهو يتأفف :- انا مدري ليه ما يخلصن اشغالهن كلها مثلك ..
دخلت رنا غرفتها وطلال وراها الي قال وهو شكله يترجاها يضحك:- مدام شريرات البيت طالعات وشرايك تسوين لنا عشا محترم بدل طبخ ذا الهنديه الي ذبحنا
ابتسمت رنا لان امها مانعتهن من دخول المطبخ .. او بالتحديد مانعه رنا لان نوف نفس تفكير امها الزواج صرف فلوس وتكشخ بس ..اما رنا تحب الطبخ والترتيب وكل شي يتعلق بالبيت ..
رنا:-اخاف امي تجي تطين لي عيشتي يكفي طلعتي اليوم بهواش وصراخ
العيال يحبون رنا بشكل ما يوصف ومعاملة امها لها وتفريقها بينها وبين نوف قاهرهم بس هي امهم وغصب عليهم الي تسويه ..
رضخ للامر الواقع :- طيب ما احب طبخ امو زيوت وفلفل ذي وش تبغينا نطلب
رنا :- ههههههههههههههه ام زيوت وفلفل الله يحوم كبدك .. تاليتها مسممتنا بسبب نجرتك معها
قال طلال وهو يطلع جواله :- الله يلوم الي يلومني راحت احبالي الصوتيه من الفلفل الي تحطه لعنبو بليسها ما تحس بقوة حرارته
رنا :- طيب يا محمد عبده الغفله اطلب لنا بيتزا ..
ضحك طلال :- يمي يمي باللحم طبعا ..
رنا :- ههههههههههههههههههههه اكيد الحكومه مو هنا خلنا نفلها
طبعا من ظمن قوانين امهم ممنوع اكل لحم بقر بالبيت او أي شي فيه سجق .. بس طلال ورنا متمردين وناصر مثلهم ويمكن ازود ودايم لاخالفوا شي من هالقوانين ياخذون لهم دش محترم .. ويحاولون يخلون اللوم كله عليهم بس للاسف اغلبه يكون على راس رنا المسكينه ما يدرون انها بعنادها وطيبتها تقهر امها لانها ما تبي بنتها الثانيه تكون كذا ...
بعد ما طلبوا ...
جلسوا يسولفون كالعاده بغرفة رنا ..(دايم اخوانها يجلسون معها ويتربعون على السرير ويسولفون بالساعات لان الجلسه معها من جد تونس وما محلي البيت بنظرهم الا وجودها )
سال طلال فجاه :- اقول احمد وينه ...؟؟
قالت رنا :- نزلني وراح يقول عنده شغل ..
وفجاه-------------
"بوووووووووووووووووووووووووووو وووووووووووووووو "
بغى يجي رنا وطلال انهيار عصبي ....
ضحك ناصر :- ول توني ادري انكم رخوم (خوافين) هههههههههههههههههههههههه
رماه طلال بالمخده :- جعلك الضربه فقعت قلبي
عصبت رنا :- ياثقل طينتك مالك داعي روعتني
ناصر :- ههههههههههههههههههههه الي يشوفكم يقول مدخل عليكم اسد
طلال :- ههههههههههههههههههه والله مو بعيده عنك تسويها
ضحك ناصر :- اشم ريحة مؤامره وين الساحرات (يقصد امه و نوف)
رنا وطلال :- هههههههههههههههههههههههههههههه هههههههههههههههههههه هههههه
ودق جرس الباب .. ووصلت طلبية البيتزا ..والببسي
ضحك ناصر وهم يجلسون قدام التلفزيون لان رنا رفضت تدخلهم غرفتها عشان ريحة الاكل ...
ناصر:-والله ان جت كبيرة الساحرات وشافتنا لتقلبنا ضفادع
طلال :- هههههههههههههههههههههههههههه ياليتها تقلبنا ضفادع بس
ضحكت رنا لان اخوانها الي رياجيل باشناب متاثرين بافلام ديزني
بس هزئتهم لانهم يتكلمون عن امهم بعدم احترام :-اقول هذا امي اسكتوا
والذيب على طاريه ....دخلت امهم عليهم الصاله ...
ناظرت رنا بنظره قويه (لوتدرون بسبب هالنظره انعصر قلب رنا الطيب بشكل ماله مثيل) قالت تستهزء:- مشيتي الي براسك اكيد لقيتي الي تستاهلينه
انقلب لون وجه رنا وانسدت نفوس اخوانها الي كانوا مستانسين ...وماتكلمت ..
قالت نوف وهي ترمي عبايتها :-ورى ماتردين مالك لسان
وقف ناصر الي كانت نوف ترفع له ضغطه وقال وهو معصب :- اقول ورى ما تنطمين لا يجيك كف تعرفين فيه كيف ترفعين صوتك بوجودنا .
حمر وجه نوف من كلام ناصر ..وطلعت زعلانه
هاوشته امه :- زين الي سويته زعلتها
قال ناصر وهو ياخذ جواله ومفتاح سيارته :-عندها مية جدار تختار أي واحد وتصفق راسها فيه
وطلع قبل لا تتازم الامور مع امه ...
وقف طلال وقال لرنا :- روحي غرفتك
وناظر في امه الي فهمت كلامه (يبيها تروح عشان ما يتهاوشن ) طلعت رنا بسرعه ما امدى السهره تحلو الا منقلبه كابوس ..
كانت امهم تعبانه من الفرفره بالاسواق عشان كذا مالها مزاج تهزء رنا ...يعني مو عشان سواد عيونهم
طلع طلال غرفته .. وبكذا تكون انتهت السهره بسدة نفس كالعاده.
&&&&&
(الجزء الثالث)

تقلب راكان في فراشه من الملل ..بكره بيكرر كارثته مره ثانيه بيتزوج بنت من نفس الفصيله مدلله ،بنت عز ، قمر ، صغيره بالسن
هو يستاهل الي جاه لو حفظ افكاره لنفسه وما تكلم كان اصرف له .النوم مجافيه كالعاده .. وقف ودار بالغرفه الله لو بيده كان انحاش وركب اول طياره رايحه روما لوس انجلوس مدريد أي مكان ... ما كره الزواج فحياته كثر هالمره .. حتى زواجه من ساره الي كان عارف تفاصيله ما ضيق خلقه كذا
طرت على باله فكره جهنميه ... يالله خله يستانس...اخذ رقمها قبل فتره من اخوها خالد ..وطبعا من كثر كرهه لزواجه رفض يشوفها او حتى يكلمها .. بس الحين خله يجرب حظه .. لانه طلب من خالد يعطيها رقمه واكيد معها ..
اخذ جواله وطلع رقمها الي مكتوب تحت اسم دانه ...
؛
؛
في غرفة دانه
الساعه 12 بالليل
رفعت هنادي راسها وقالت وهي شبه نايمه :-وراك ما تنامين تراك بتعرسين بكره اذا ماعندك خبر
دانه :- اقول الي ايده بالنار مو مثل الي ايده بالمويه
قالت هنادي وكشتها منفوشه من النوم:- يوه الي يسمعك يقول اول مره تتزوج
قالت دانه بخوف وهي تناظر بنت عمها الي نايمه الليله معها :-تصدقين لو اقولك اني خايفه مليون مره الحين
ضحكت هنادي :- ماعندك سالفه طفي النور بنام حرام عليك ..
وطفت هنادي النور بدون حتى ماتعطي دانه وجه ...انسدحت دانه على جنبها واعصابها مره متوتره وفي ظلام الغرفه دق الجوال
معقول انساك ..معقول
تنساني انا على طول ...
راكان ------>> يتصل
شهقت دانه وجلست بسرعه على السرير جلست هنادي معها والخوف في وجهها
هنادي:- وش فيك تشاهقين مين الي داق عبدالعزيز
واخذت الجوال من يد دانه ..وجاء دورها تشهق ...
راكان ...
قالت دانه وهي تحس جسمها يرجف :-وش اسوي
على كثر كلام هنادي في هاللحظه ماتدري وش ترد ...
دق الجوال ..........بالحاح
هنادي:-شكله مصمم ردي عليه ..
فتحت دانه الجوال ، قالت بصوت فيه رجفه :-نعم
؛
؛
حس راكان بالكون كله يتلاشى وفي هاللحظه .. ما معه الا هالصوت الي كنه عسل ..
ابتسم :-ينعم عليك
بغى يغمى على دانه لانها اول مره تسمع صوته ...وظلت ساكته
كمل يمزح :- ما نمتي للحين
السؤال كان شخصي مره ...وما توقعته دانه منه ..حمر وجهها مره واستانست هنادي لانها تحب هالحركات ..وطبعا طار ابو النوم من عيونها
قالت دانه وصوتها يالله ينسمع :- لا
حس راكان نفسه مستانس :- طيب عجبتك الهديه ...
(يقصد طقم الماس مهديه لها بمناسبة الزواج .... ووصلها قبل يومين مع باقة ورد --->> طبعا هو مقنع نفسه ان الطقم مو عشانها لا عشان يبيض وجهه قدام ابوها (الله اعلم بالحقيقه)
آه لو يدري انها بغت تنجن يوم جتها الهديه ويمكن يضحك لو تقول له ان الورد فرحها اكثر من طقم الالماس ...
ابتسمت وقالت من قلب :- تجنن الله يسلمك .. ماكان له داعي تكلف عمرك
آه يازين هالصوت هذي اول مره تكلمه بجمله كامله (هههههه)
تمالك نفسه وتضايق من افكاره ...قال يستهزء :- مو من مقامك
ما انتبهت دانه لنبرة صوته يمكن لانها ما تعرفه او لانها ما توقعت هالشي منه ..
طبعا ما عنده كلام يقوله ....وظلوا ساكتين ...
دانه :- تامر بشي بروح انام
راكان :- ابي سلامتك (وفهمها) يالله سلام
وقال قبل لايسكر :- آه يا بعد بكره
فهمت دانه قصده وحمرت خدودها .. وسكرت الجهاز
ضحكت هنادي من كلامه ومن حياها الزايد ......
عصبت دانه من جراته :-قال ايش يابعد بكره
فطست هنادي من الضحك ...................
دفتها دانه :- ضحكتي بلا ولاضرس قولي امين ، اخمدي يالله
وسكرت النور..........ابتسمت دانه غصب لانها تسمع هنادي تضحك تحت الغطاء ...وبعدها راحت في سابع نومه
تحلم بيوم بكــــــــــــــره...

*&* لا تحلمين كثير يادانه ....وقت الفرح بعد ماحان !! *&*
؛
*
؛
*
>"الساعه 5 العصر "<
جت ام خالد لغرفة دانه :- يالله يابنات صيفنا بسرعه لايروح حجزنا بالمشغل
لبست دانه عبايتها وهنادي ...
ونزلن ...لقن الماس وقمر وسعاد ومنال سابقاتهن ..
وصلهن السواق للمشغل ...
طبعا لدانه غرفة خاصه حتى تتجهز برواقه وتستقر نفسيتها لكن النفسيه كانت زفت ...
جلست هنادي تهديها ,,, وماقدرت دانه تستحمل وجلست تبكي ... (طبعا من طقوس الزواج الازليه ان البنت لازم تبكي بالمشغل ههههههههههه)
وبعدها بنص ساعه ...هدت ...وبدت تكشخ....
طبعا مر الوقت بسرعه ....
وخلصن البنات ....
كانت الماس تلبس فستان زهر من تشكيلة ايلي صعب ... مشكوك وضيق وله ذيل طويل...ومعطيها جو وشعرها رافعته فوق ومنزله منه خصل كيرلي ...ومكياج عيونها خليجي مثقل كحله يجنن والروج زهر لامع اروع منه مافيه
اما قمر فكانت لابسه فستان قصير ناعم ..سماوي ومسيحه شعرها وبالمكياج الخفيف طالعه بريئه وملاك
اما هنادي فكانت لابسه فستان تركواز مع عسلي بما ان الريجيم نجح معها وصار جسمها مثل ماتبي ...وشعرها قاصته على طوله وملففه اطرافه ..ومكياجها كان خليجي روعه ...
وسعاد لابسه فستان ذهبي..من تشكيلة زهير مراد .. جنان قصير من قدام ولابسه معه جزمه ربط ..ومكياجها خليجي طالعه فيه روعه وشعرها مسيحته بس ملفلفه اطرافه ومعطيها جو...
اما منال فكانت لابسه فستان ليموني قصير ... ناعم وشعرها مستشورته على داخل ومكياجها ناعم وطالع خيال
اما ام خالد فلابسه جلابيه حمراء مع ذهبي ولا اروع ... ومسويه مكياج خليجي روعه ...
((((((والاهم عروستنا )))))))
...هالمره حققت حلمها الي ياما تمنته ولبست فستان زواج ناعم رومنسي ....كان من الحرير الخالص..فتحة الصدر وفتحة الظهر كبيره ..مطرز بشك خفيف ..كان ضيق ويتوسع من نص الفخذ وله ذيل طويل ...سيحت شعرها ولففته كله ولبست تاج نحيف يالله ينشاف خيالي ..اما المكياج فكان ولا اروع ...مبين لون عيونها .. ونقاوة بشرتها ..ورموشها الطويله السوداء..ولونت شفايفها بلون زهري حالم له لمعه يشهي ..ماكانت لابسه الا دبلة الخطوبه العريضه الي اهداها لها راكان يوم ملكتهم وحلق طقم الالماس الي اهداه لها قبل كم يوم ...
قالت ام خالد :- يالله الساعه عشر الا عشر تاخرنا
وطلعن في الليموزين الي مرسله لهن راكان مع سواقه ...
،
،
دخلت دانه جناح العروس ... وكانت اللمه حلوه بنات عمها حولها ..ورقص وهبال وضحك ..وقبل الزفه دخل ابوها واخوانها عليها ...
ابوخالد وهو دمعته على وشك تنزل :- الله يوفقك يا بنيتي ..
تاثرت دانه ..كثير بكلامه والي قطع قلبها خالد يوم ظمها لصدره
"مبروك دندونه "
ابتسمت دانه :-يبارك بعمرك خلودي عقبالك
قال خالد من قلب :-اللهم امين
دانه :-هههههههههههه
وسلم عليها حمد وبارك لها ...
ثم شوي الا عمانها ابو سعود وابو احمد جايين يسلمون عليها ..
وعلى ان بعض حركات الشياب قاهره دانه الا انها تحبهم وجيتهم عزيزه على قلبها ...
بعد ماطلعوا الشياب ...
قالت هنادي :- ياحليلهم عماني والله فيهم الخير
رنا :-أي والله .. (وجلست تقرء على دانه )
هنادي :- هههههههههههههههههههههههه جدتي رنا وش تسوين
رنا :-ههههههههههههههه اقرء على دانه من العين ما تشوفينها وش زينها
دانه :-هههههههههههههههههههه اقري ماعليك منها ..
رنا :- كني بشاورك هههههههههههههه ما حنا بفاضين تنصفقين عين ونتورط فيك نبي نوصلك صاغ سليم للحبيب
هنادي :_ ههههههههههههههههههههههه والله انك سنايدي
رنا :- انتي سنايدي تو ههههههههههههههههههه
دخلت عليهم منال ...
منال:- الزفه مابقى عليها شي ترى ،جاهزات
ارتبكت دانه ..قالت هنادي :- ماتخلين رباشتك .. البنت متوتره مو ناقصه
منال:- وانا وش دخلني عبد مامور .. خالتي ام خالد ارسلتني
رنا :- حنا جاهزات متى ما بدن علميني
منال وهي تطلع :-اوكيك
دخلت الماس ومعها سعاد وجلسن يسولفن عشان يخففن على دانه لان شكلها خايفه ومرتبكه ...
قالت رنا لهنادي على جنب بدون ما احد يسمع :- ما تدرين اذا عمتي شيمه بتحضر العرس
قالت هنادي بكره لان شيمه هي ام طليق دانه :- لا ماراح تجي
ارتاحت رنا :- ابركها من حزه سكنها برى الرياض خير وبركه لنا
هنادي :- أي والله
ورجعن يسولفن مع البنات

&&&&&&&&
(الجزء الرابع)

جلست ساره تكفكف دموعها ... راكان بيكون لغيرها الليله ..وش هالقراده يوم حبته ضاع منها ..
قالت لها امها وهن بالسياره :-ما انتي بمجبره تحضرين خلينا نرجع يمه انسيه
زينت كحلها وكثرت الباودر تحت عيونها قالت بعناد :-بروح ودي اشوف الي اخذته مني ..
امها مغلوب على امرها لان زوجها حمد متسلط وهي شخصيتها ضعيفه وبنتها مثل ابوها متسلطه والي براسها تسويه :- لافات الفوت ما ينفع الصوت
عصبت ساره :- يمه لا تعايريني ... خلاص سكري الموضوع مو قادره استحمل
وسكتت امها غصب....ساره عنيده وماينفع فيها النصح
زينت ساره فستانها الاسود ... الي لبسته متعمده دلالة على حزنها وحدادها عليه ...
وقفت السياره ودخلت هي وامها الفندق الي فيه الزواج ...
؛
قالت الخاله مريم :-هذي مو سوير وش فيها كنها جاية عزاء
ناظرتها ام راكان :- الله يعدي هالليله على خير لاتكون ناويه بمصيبه
عصبت الخاله مريم :- عشان اقصف عمرها حنا ماصدقنا راكان يوافق يتزوج ..
هزت ام راكان راسها :- خير ان شاء الله ..تعالي رحمه عمة راكان وصلت خلينا نسلم عليها
مشت ام راكان ومريم الي كاشخات وحاطات الي وراهن ودونهن بعرس الغالي ..عشان يستقبلن عمة راكان الوحيده الي وقفت معهم (معنويا) بشدتهم ..
قالت رحمه متاثره :- الله يوفق الغالي وتكون زواجة الهناء يارب
ابتسمت ام راكان :- اللهم امين
وراحن للطاولات المخصصه لكبار الشخصيات وجلسن عليها ... وساره الحقد معمي قلبها ...
،
،
الساعه >12 <

طفت انوار القاعه ....................

مذهــــــــــــــــــله ...

ماهي بس قصة حسن

رغم ان الحسن فيها بحد ذاته مشكله ...!!

مذهله .. كل شي فيها طبيعي

ومو طبيعي أجمل من الأخيله

طيبها .. قسوة جفاها

ضحكها .. هيبة بكاها

روحها .. حدة ذكاها

تملئك بالأسئله ..

.. مذهله

يابدايات المحبه ..

يانهايات الوله

هالحسن سبحان ربه ..

ظالم وما أعدله

أعذب من الأمنيات ..

عالم من الأغنيات

يا أجمل الشعر البديع ..

من آخره لين أوله

مذهله .. تملئك بالاسئله

هي حقيقه أو خيال ..

هي ممكنه ولا محال

هو سهلها صعب المنال ..

أو صعبها تستسهله

مذهله .. تملئك بالأسئله

ليه كل مُعْجِزّ .. مر هذا الكون فيها له صله

ليه كل شي فيها .. تظن انك تعرفه. تجهله

ليه كل لا معقول فيها .. ورغم هذا تعقله

ليه عمري .. ما لقى لبرده دفا ..

إلا دفاك

ليه أنا عيني تشوف وما تشوف

إلا بهاك

يا أجمل من الأخيله ..

هذا جواب الأسئله

كي تكوني في عيوني

ومن حنيني

بس فيني

ومو بدوني

... مذهله

مذهله..مذهله..مذهله

وفتحت البوابه وخطت دانه خطواتها بثقه ...على انغام اجمل اغنية زفه ..
والناس مذهولين بجمالها الي ماله مثيل ... ونعومتها ورقتها
لوكان لساره امل قبل خمس دقايق...فتلاشى الان كليـــــــــــــــا مستحيل يناظر فيها راكان وهو متزوج هالبنوته الصغيره يقولون عمرها 22 سنه والي تشوفه ساره بنت عمرها 17 -16 سنه ومسكت كاس العصير بكل قوتها من القهر..
كان قلب دانه تزيد دقاته في كل خطوه تمشيها...وماصدقت وصلت على كرسيها الخاص وجلست ...وبعد كم بيت شعر ...رقصن كل من يعزن على قلبها ..
قالت نوف تهمس في اذن امها :-والله ولا على بالها شفتي كشختها اكيد ان طلاقها من سعود اشاعه
امها:-اوف ماعليك منها مسالة وقت وبيمل من مصاختها الرجال مايقدر يعيش بدون مره وخصوصا اذا كان قد تزوج .. شوفي المزيونه الي هناك تراها مرة زوج بنت عمك دانوه ...
انصدمت نوف وناظرت وحده تاكل دانه بعيونها من الكره ...
قالت نوف بشماته كالعاده:-ههههههههههههه شكل نفسيتها متازمه ..شوفيها كيف تناظر دانوه ..وبعدين طليقته مو مرته لاتنسين (لازم تركز ع النقطه هذي طبعا )
وكملت بقهر :-شفتي يمه بنتك واقفه مع بنات عمي ومع عدوتي الماسوه ...(انقهرت نوف لان البنات رحبن برنا مو زي ماكانت متخيله هي وامها انهن ماعطنها وجه )
قالت امها تتوعد :-شغلها عندي بس اصبري علي...
طبعن تغطن الحريم لان المعرس بيدخل ..
مسكت دانه وردتها الكريستاليه بيدها من التوتر ....وعيونها بالارض.
.وبعد طق الطيران وريحة العود الي فاحت قرب منها وقدام الملا من محبين وحاسدين باس راسها ورمى عليها السلام
(بصراحه الحركه ذي كبرته بعين البنات وبعين دانه اكثر )
قالت سعاد تهمس في اذن الماس :-ياربي يجنن مزيون
وجلست تتامله من ثوبه الابيض وغترته البيضاء الى بشته الاسود وجزمته السوداء(تكرمون) وساعته السوداء كان كاشخ
ردستها الماس بكوعها :- اهجدي لاتفضحينا هههههههه
وبعد السلام عليه وعلى زوجته والرقص والوناسه ....
قالت المطربه بصوت عالي خلى كل القاعه تهجد :- عندي اهداء خاص جدا جدا للعريس من ناس يحبونه
(لعن راكان في نفسه عارف هالليله ماراح تعدي على خير)
وغنت اغنية ...>بحضر زفافكـ ..ياحياتي<

بحضر زفافكـ ياحياتي..

بحضر زفاف الي هويته

وبرزف عشانك لاتحاتي...

وبعطيك كل الي بغيته

بهديك دمعي وعبراتي

والهم اللي فيني رميته

بحضر ولو بعرسك مماتي

شايل معي قلب نسيته

واجمل قديم الذكريات

والظيم اللي منك خذيته

وبذكر ليالي الماضيات

كنت الوليف اللي اهتويته

كنت الذي لجله اباتي

ساهر ونومي ما هتنيته

بهديك في ليله وفاتي

حلم الليالي لي طويته

واعطيك من قلبي امنياتي

تلقى الهنا بدرب مشيته

وتعيش في راحه وسباتي

ويا الذي عقبي لقيته

بحضر زفافك يا حياتي

بحضر زفاف اللي هويته

وبعد ماغنت المطربه ودانه على اعصابها منقهره والبنات مذهولات ...طلعت لهم بنت بآخر العشرينات لابسه اسود والدموع بعيونها تقول احد ميت لها... ومو متغطيه ولا متحجبه ....!!
قالت والدموع تزيد بوسط عينها :-مبروكـ يالغالي
كان راكان منزل راسه وقال بدون نفس :-عقبالك
شهقت :- ما يملا عيني سواك
رفعت دانه عيونها وناظرت في هالوقحه الي تغازل زوجها قدام عينها ..وتلاقت نظرتها بنظرة راكان ..ورفعت حاجب تساله وش الموضوع ...
لكنه وقف ..وسال امه الي كانت واقفه جنبه :- وين ام خالد بسلم عليها قبل لا اطلع
اشرت امه على ام خالد الي كانت متحجبه ..وجت له ..وسلم عليها ..
قالت له والدموع ما تخفى بعيونها :- لا اوصيك يمه على دانه
ابتسم :- افا توصيني على نفسي ياخاله
وناظرها وهو متخدر من جمالها :-دانه بعيوني واغلى بعد منها
ومد يده لدانه .وعلى الرغم من جرحها بسبب الموقف الدرامي الي صار الا انها اخذت يده على الاقل عشان المظاهر قدام خلق الله ..
وطلعوا تاركين ساره وراهم ....تناظر والحقد معميها ...
ثم نزلت ...ومرت من جنب ام خالد وام راكان بسرعه
سالت ام خالد ام راكان :- من هذي البنت
قالت ام راكان وهي مرتفع ضغطها :- طليقة راكان
بغى يغمى على ام خالد :-طالعه قدامه بفستان سواريه ولا غطاء ولاحجاب هذي ماهي بسلومنا
هزت ام راكان راسها :-الله يستر ليتها توقف عند هالشي كان هانت
قالت ام خالد وهي تمسك يدها :- لقت ند لها ودانه ماهي بسيطه وبتقولين ام خالد قالت
ابتسمت ام راكان :-الله يوفقهم جميع
مسحت ام خالد دمعتها :-اللهم امين
؛
؛
قالت نوف لامها وهي وشوي تطيح من الكرسي :-يجنن يمه يا ملحـــــــه
مايحتاج عاد اقول لكم .كان دم ام احمد فاير من حظوظ بنات ابو خالد كل وحده متزوجه رجال احسن من الثانيه ..:-الله لا يهنيها وترجع لامها مثل ذيك المره
نوف :-اللهم امين
وطاحت عينها بعين الماس ..وحمر وجهها مره
تمنت الماس لو تمسك نوف وتدفنها بالحياء..لكن هذا شي مستحيل ..لازم تحافظ على اعصابها وما تتهور وتخرب عرس اختها ..
قالت سعاد تهمس :-اسفهيها وش تبين فيها ..
قالت الماس وهي عاضه على اسنانها :- عساها الموت الي ياخذها قوية عين
عصبت سعاد :-أي قوية عين والي يرحم والدينك وعيونها بالارض ..انتي موسوسه ..
&&&&&&
(الفصل السادس)

(الجزء الاول)

طبعا بالسياره غير راكان رأيه بأخر لحظه و أصر يكون هو السواق....وجلس كل دقيقه والثانيه يلتفت ويناظر القمر الي جالسه جنبه صحيح انها الان لابسه عبايه ومايشوف الا يدينها الي تفركها ببعض الا ان صورتها قبل خمس دقايق مافارقت خياله ..وشاف دموعها وهي تودع خواتها وامها ...ورجفتها ..اشياء بسيطه لكنها اثرت عليه...
وصلوا الفندق ...
واخيرا صاروا بلحالهم ...........
جلست دانه على الكرسي الي بالجناح الفخم الي حاجزه راكان ..وهي بتموت من الخوف وكأنها اول مره تتزوج ...على الاقل عبدالعزيز تعرفه وولد عمتها لكن هالشاب الطويل الي واقف قدامها ببساطه (غريب) ...
قال برقه :- تدرين انك اجمل بنت اشوفها بحياتي
حمرت خدودها من جرأته ...وابتسم :-وحياك زايد جمالك جمال
(وش قاعد اقول انا شكلي انهبلت....)
دق قلب دانه بشكل ماله مثيل ........وش قاعد يقول ذا دخل على الغزل على طول
ابتسم :-تكلمي ليه ساكته ذاك اليوم يوم دق جوالك كان لسانك وش طوله (يقصد يوم شافها بالمجلس)
ابتسمت غصب عنها ...وجلست تلعب بطرف فستانها ...
(هالحين انا متزوج لي وحده طرماء)
حط يده على خدها يرفع وجهها :-دانه
ناظرته بعيون ذباحه :-سم
كلمه وحده .........حرفين .........بس كيف تهز كيان رجال
تمالك نفسه .. وش فيه يتصرف كانه مراهق والا واحد اول مره يتزوج ...
لكنه ابتسم :- سم الله عدوك
ومسك يدها الي كانت بارده ثلج ....استغرب :-انتي بردانه !
وحاولت تسحب يدها بس ظل ماسكها ...وما قطع هاللحظه الا باب الجناح يدق (لعن راكان في نفسه ) وراح للباب ولما فتحه لقاها the room serves ...جايبين لهم العشاء الي طلبه راكان على الساعه 2 الفجر ...
حط العشاء وماقدرت دانه تحط لقمه بفمها ...وهي ما اكلت شي من امس ...انتبه راكان الي بعد ما كان له نفس ياكل بس عشانها وحاول فيها تاكل بس اكتفت بالعصير ...
وقف راكان وقال :-انا عندي كم شغله بخلصها تحت اذا تحبين تبدلين ملابسكـ خذي راحتكـ
وطلع برى الغرفه ....
شكرت دانه فقلبها لباقته ......
ولكن المصيبـــــــــــه انها عجزت تفك ازارير الفستان الكريستاليه الي ورى ...
تورطــــــــــــــت
وش ذا الفشله ...حاولت وحاولت لين عورتها يدينها ..
مستحيل تطلب من راكان يفك لها الفستان ...وهو بعيد عنها بتموت من التوتر فما بالها لو بيساعدها تنزل ملابسها ..بغت تدق على هنادي تهزئها لانها هي الي اقنعتها تحط ازارير ورى لانها ستايل (للامانه بعد هي كانت معجبتها الفكره) ..
دارت بجناح العرايس الفخم ....آه ياقلبي
كل شي رومنسي .....انوار خفيفه ...والوان خياليه احمر وزهر وابيض...وشموع في كل مكان وطاحت عينها بالشي الي تجنبته طول ما دخلوا الجناح السرير الكبير الي مرمي عليه ورد طبيعي ...
وحمرت خدودها ....
قالت دانه تتشكى لله :- ياربي وش العمل ..الفستان عيا ينفك معي وفتحته مره كبيره
وبعدها بعشر دقايق ..
سمعت صوت المفتاح بالباب ... وحست بمعدتها تنقلب...
دخل راكان ...وناظرها وهي واقفه قدام المرايه تحاول تفك حلقها (تراجي بالكويتي )بس عجزت لان يدينها ترجف
قرب منها ووخر يدها عن اذنها ونزله لها ...ونزل الثاني وحطه بيدها
لاول مره يكون قريب منها بها الشكل ..ويشوف وجهها من هالمسافه ...
"ياربي هذي رموش طبيعيه ولا تركيب "
لكنه سالها بهدوء :-ليش ما بدلتي ملابسكـ
ومازال نظرها بالارض....
مسكـ يدها وحس برجفه ..
"حبيبتي"
(وش يقول ذا يبي يغمى علي اليوم)
قالت بهمس وخدودها مولعه :-الـ..فستان ...عجزت افك ازاريره من ورى
مسك نفسه لا يضحك ... لانها تتكلم بلهجه مأساويه ..
ووقف ورى ظهرها ...ورجع شعرها الطويل قدام وجلس يفك ازارير الفستان (آه لو تتخيلون شعور دانه المسكينه ههههههه)
ماقدر يقاوم نعومتها ... وريحة عطرها الي يخدر
وباسها مع رقبتها من ورى ...
جمدت دانه مكانها من رقته ...والتفتت يمه وطاحت عيونها بعيونه ...وما قدرت تتنفس ولا ترمش ولا تتكلم ...كان يناظرها بقوه وعيونه الذباحه ...تخدرها ..
مرت من جنبه ...لكنه مسكها ..
قالت بهمس :-ببدل ملابسي
وبعد مقاومه تركها تبدل.... فتحت شنطتها وقلبتها فوق وتحت ...وين ملابس النوم المحتشمه الي شرتها ..كل الي قدامها تل ودانتيل وساتان ...وبصراحه فضايح..
كانت على وشك تبكي وراكان يناظرها ومستانس...جلست تلعن في نفسها خواتها وبنات عمها على هالموقف الي حطنها فيه
الحين وش العمل ...
ابتسم راكان وعرف ان فيه احد مسوي فيها مقلب...وجلس يناظر لانه لو قرر يبدي رايه يمكن تعطيه بوكس ...
وراح يفتح الدرج ويعلق بشته وشماغه ...(يعني يصرف عمره هههههههه)
اختارت دانه اقلهم فضايح وهو ساتان قصير ابيض لحد الركبه ...بس انه كاشف من فوق مره ..والبلى مامعه غطاء
ودخلت الحمام تبدل ....
لبست وهي تلعن من قلب ..اللبس مره مغري ..وش بيظن فيها راكان الحين ...
"حسبي الله عليكم ياخواتي ويا بنات عمي"
زينت شعرها ..وخلاص ماعاد فيه مهرب لازم تطلع ..
طلعت ولقت راكان واقف يتاملها ...من فوق لتحت ........
وماعطاها فرصه تتكلم وتعترض............
؛
؛
؛
><الـسـاعـه 2 الظهر><
قال راكان بهمس ورقه في اذن دانه النايمه :-حبيبتي قومي فاتتنا صلاة الظهر ..
فتحت دانه عيونها وناظرته بحب ثم غضت طرفها وقالت بنعومه :-صباح الخير
ابتسم راكان ابتسامه خلت قلب دانه يرعد :-صباح الجمال والنعومه والرقه ..(كمل يمزح) بعدين حنا مسا الحين مو صباح يالله قومي والا ..........
فهمت قصده وفزت بسرعه من السرير وخدودها حمر ...هي ناقصه (الا) جديده ...
ضحك منها ...ومن حياها ..
دخلت تاخذ لها شاور سريع ..لان راكان سبقها واخذ شاور .. طلعت لابسه الروب ..مالقته بالغرفه ..وبدلت ملابسها بسرعه ..لبست فستان خفيف روعه لحد الركبه..وخلت شعرها سايح وضبطت الميك اب ..
وفجاه دق جوال ...مو جوالها جوال راكان ..وكان حاطه يستقبل مسجات اذا مارد ...
"حبيبي "
المتصله بنت !.........بغى يغمى على دانه
كملت المتصله "مصيرك راجع لي راكان انا مو قادره اعيش بدونك .. والله احبك انا مستعده ارجع لك كل شي عطيتني اياه اصير خادمه لك بس تزوجني من جديد .."(وجلست تبكي)
(عرفنا دانه من البدايه حبوبه ناعمه ورقيقه ...لكن في الجايات خلونا نشوف حقيقه دانه)
مشت دانه بسرعه واخذت الجوال واستقبلت المكالمه ...
"راكان انت معي"
قالت دانه تستهزء "طول عمري اسمع عن ناس مالهم كرامه ولا كبرياء..لكن اليوم مروا علي"
انصدمت ساره "انـ........تي مين
دانه :- هه انا مين انا حبيبه راكان وشريكته انا زوجته ..فهمتي
ماتكلمت ساره من الصدمه ...
كملت دانه :- ان فكرتي بعدين مجرد تفكير تدقين على هالرقم ... راح تندمين طول عمرك اتقي شري احسن لك وتذكري راكان لي وماراح يكون لغيري.
وسكرت التلفون بوجهها .............
جلست ساره مو مستوعبه ......وفجاه اغمي عليها
؛
؛
بعدها بربع ساعه رجع راكان ... ورجع لدانه مزاجها بعدين تتفاهم معه على رواقه بس الحين ما ودها تضيع لحظه وحده من شهر عسلهم ...
تفاجا راكان بشكل دانه ابتسم وقال :- انتي تفاجئيني دايم جمالك فيه سحر
استحت دانه :-راكان لو سمحـ...
راكان وهو يمسك قلبه :- آه
خافت دانه وجت عنده :-فيك شي حاس بشي
راكان:-لا ما فيني شي بس اسمي وانتي تقولينه يهبل
دانه :- هههههههههههههه خوفتني
مسكها راكان مع يدها :-يازين هالضحكه ..
دق باب الجناح....
عصب راكان وقال يمزح :-يارب ما يجون الا ب اللحظات المهمه
استحت دانه ..وراح راكان يشوف الباب
رجع وبيده باقة ورد كبيره ..
قالت دانه بعفويه :-ياي روووووووعه ..من مين..؟؟
ابتسم راكان وقدم لها الورد ..فتحت البطاقه ..
><يادانه بعين بحارك..ترى الاحساس ربانك..
وانا ربان ..هالمركب..طوتني رحلتي عندك..
وحطيت الامل عندك..>< راكـانـ
استانست دانه .. :- روعه مشكور ..
كشر وقال :- بس هذا الي قدرتي عليه
انحرجت دانه :-مـ.انـ..وش اقول
قرب منها وقال وفي عيونه نظره خبيثه :- يسلمو قلبي..انت حياتي..
هو يقرب وهي تبعد هو يقرب وهي تبعد ..لين صارت لازقه بالجدار ..
ودق باب الجناح......
هالمره لعن راكان بصوته ..وعضت دانه لسانها لا تفطس من الضحك على شكله..فتح الباب لينها باقة ورد ..
فتح الكارد لقاها من صديقه محمد ..
نزل الباقه وقال لدانه :-هذي من صديقي محمد
ابتسمت دانه ونزلت الباقه الي معها :- والله وفيه الخير
ابتسم راكان :- أي والله نعم الاخ
تسالت دانه :-تعرفه من زمان ..؟
راكان :- من ايام المتوسط .. والحين حنا نشتغل مع بعض بالشركه هو ينوب عني لاغبت وانا انوب عنه ..يعني ذراعي اليمين هو وكاتم اسراري..
هزت دانه كتوفها :- توقعت الناس الي كذا تلاشوا ..وصارت الدنيا دنيا مصالح
انصدم راكان من ردها ...هذا دليل على ان عقلها كبير تفكيرها غير محدود .. بس يالله وش يدريه يمكن تسوي نفسها مثاليه قدامه ..
غير السيره ....وقال :-اليوم ترى بنسافر
استانست دانه :-متى ..؟
راكان:-9 بالليل حضري اغراضك ..
دانه :-ان شاء الله بس على وين
ابتسم :- خليها مفاجاه ..

**********
(الجزء الثاني)

><في بيت ابو خالد><

وقف خالد يمشي ويروح بغرفته ...
ذبحتـــــه الحيره ...قلبه متعلق..ويهوى..
بس وش الحل ...؟؟
دق باب غرفته ..
خالد:-ادخل
دخلت الماس ومعها كاسين كابتشينو :- تفضل الكابتشينو الي تحبه ..
ابتسم خالد :-مشكوره يالغلا..تعالي اجلسي ..
ابتسمت الماس:-انت مو على بعضك .. ما ابي اجلس غصب عنك
خالد:-ههههههههه لا جد تعالي عندي مشكله وباخذ رايك فيها
جلست الماس ..:-خير
خالد :- خير..خير ان شاء الله
قالت بجد :-خالد شفيك اليوم ما اكلت شي على الغداء..
خالد :- انا نويت اتزوج ...
فرحت الماس :- بالله الساعه المباركه ...مشكلتك وشهي ماديه ..؟
هز راسه وقال :- لا مو ماديه انتي تعرفين من يوم ما اشتغلت وانا اكون نفسي والحمد لله اموري الماديه تمام وان نقص شي الوالد مو مقصر
احتارت الماس :-طيب وين المشكله ..؟
تردد خالد ..وقال :-المشكله اني مو عارف من اخذ
ضحكت :-بسيطه انا وامي نختار لك
قال بقوه :-لا لا مافهمتي قصدي..
الماس:-خالد لا تلف ولا تدور خلك صريح
خالد :- انا طايح في هوى بنتين ..
طلعت عيون الماس قدام:- نعم تتكلم جد ولاتمزح
عصب خالد :- والله العظيم احب لي بنتين وكل وحده غاليه ولاني قادر اختار
الماس :- منهن هالبنتين
خالد وهو يشرب من كاسه :-مالك دخل شوري علي
سكتت الماس ..فحياتها ما مر عليها شي كذا..
رجال يحب له ثنتين ...
خالد :- الماسوه
ارتبكت الماس :- والله ياخوي مدري
خالد بيأس :- الماس انا بنجن ..
حطت يدها على كتفه :-فكر يا خوي القلب ما يهوى الا مره ..
سكت خالد ،كملت الماس :- قلبّ السالفه براسك وشوف من الي تناسبك اكثر ومن الي تبيها اكثر هذي عشرة عمر وكل الوقت معك لان ابوي ماعنده خبر وعشان كذا ماراح يلح عليك بالجواب
اخذ خالد بدلته حقت العسكريه ..وحط شماغه على كتفه :- شورك وهداية الله
الماس :-الله وياك ..
ولما وصل الدرج سال :- ماتدرين عن دانه
ابتسمت الماس :- سافروا البارح يقضون شهر العسل ..وبيرجعون في موعد ملكة قمير
قالت قمر الي كانت طالعه من غرفتها :- يووووووووه ياكرهي لها الاسم كني ام جدتكم
خالد والماس :- هههههههههههههههههههههههههههههه ه
كملت قمر وسوت نفسها معصبه عشان ما تضحك لانها تحب الضحك :- كنتم تحشون فيني خلاص راحت دندونه العسل وجلست بلحالي بينكم
خالد :- هههههههههههههههههه لا تصجينا كلها سنه وتفتكين منا ..
عصبت قمر ... كلما جت تنسى الموضوع ذكروها فيه ..
قمر وهي معصبه :- مالت عليكم انتم وهالسيره اروح غرفتي ابرك لي منكم
نزل خالد وهو يكلم الماس :- وش فيها هالخبله انهبلت والله لو تعرف سلطان زين ما قالت هالكلام
صرفت الماس الموضوع :- بزر ياخوي ماعليك منها ..
خالد :- الله يعين ...
وقابل امه تحت ...
ام خالد :- عندك استلام يمه
حب خالد راسها :- ايه ..اشوفكم بكره ان شاء الله
ام خالد :- بحفظ الرحمن لاتسرع بالسواقه
ابتسم خالد :- تامرين يالغلا سلام
ام خالد :- مع السلامه
قالت تكلم الماس الي جالسه تقلب في كتاب قدامها :- يمه بغيتك بسالفه
نزلت الماس الكتاب :- سمي يالغاليه
قالت امها وهي تجلس جنبها :- انا جايتك باديه ...(يعني طالبتها طلب وما تبيها تردها )
استوت الماس في جلستها :- انتي تامرين يمه ...
ام خالد :- الله يرضى عليك
خافت الماس :- خير يالغاليه
امها :- كل الخير سعود دق علي ....
فزت الماس من مكانها ..مسكتها امها مع يدها وجلستها ...
"انا ما خلصت كلامي"
تازمت الماس :- يمه قفلي الموضوع
امها :- اسمعيني للاخير ...
غصب على الماس تسمعها :- نعم
امها :- سعود وافق يتزوج ...
صرخت الماس :- يتزوج
امها :- مو انتي طلبتي منه هالشي
سالت دموعها غصب ..
كملت امها :- بس له شرط يبي يجي يشوفك اليوم
قالت الماس بقوه :- لا
قالت امها الحنونه بطبعها بحزم :- لكني عطيته كلمه وقلت له يجي وابوك موافق
انصدمت الماس :- يمه كيف تسوين فيني كذا
مازالت امها معانده :- بيجي بعد ساعه روحي البسي وتكشخي
وطلعت امها من عندها وقلبها يوجعها لانها قست عليها والقسوه مو طبعها ..
طلعت الماس غرفتها معصبه .وينك يادانه والله ولك وحشه من يسمعني ويخفف عني الحين .
؛
؛
ام خالد :- الو السلام عليكم
ام سعود :- وعليكم السلام هلا وخيتي
ام خالد :-هلا بك
(ام سعود وام خالد يقربن لبعض من بعيد امهاتهن بنات خاله وكانو اهلهن جيران ..وعلاقتهم مره قويه ...وهن مثل الخوات )
ام سعود حست بشي مضايق ام خالد :- وش فيك يا ام خالد
قالت ام خالد بضيق :- من غير هالبنت الي عندي والله مدري وش اسوي
حزنت ام سعود لانها تحب الماس موت وماتنسى يوم كانت تنام عندهم لا مرضت ام سعود بسبب السكر والضغط وتتناوب السهر عليها مع البنات كانت نعم البنت واخوان سعود سلطان وفهد يحبونها ويقدرونها ...حتى سعود يوم رفضت سعاد احمد هي الي هدته وخلته يتقبل قرار سعاد بالغاء الملكه والا كانت نيته يزوجها لأحمد غصب ..
ام سعود :- يبي يفرجها الله ، الله يهديهم ازواجنا هم سبب كل هالمصايب
هزت ام خالد راسها :- معك حق بس لو تفكرين بوجهت نظرهم تلاقين معهم حق بس انا الي قاهرني هالبنت الي تموت في زوجها ومعنده ماتبي تشوفه
قالت ام سعود بتفهم :- بعذرها يا وخيتي انا لو مكانها كانت تخبلت
ام خالد بحنان :- وش اخبار سعود ...؟؟
تجمعت الدموع بعيون ام سعود :- حالته ماتسرك يا ام خالد راح مثل العود وماعاد هو الاولي راعي المزح والوناسه ,, ابوه يضغط عليه كثير هاليومين يبيه يتزوج نويفه
عصبت ام خالد :- هه وهو بظنه ان نويفه بتملى عينه بعد بنتي
ام سعود :- تدرين قلت له هالكلام وحلف علي بالطلاق ما افتح هالسيره وعلى قولته ولدي وانا حر انتي مالك دخل
(فعلا بغت تتطور الامور بين ام سعود وابو سعود بسبب زواجة سعود على الماس وبالخصوص من نوف بنت عمه وانتم تعرفون تفكير الاولين .. حلف عليها بالطلاق ماتجيب سيره وقال لها مالها دخل والشرع حلل اربع .. وانها لوتحب ولدها كانت وقفت معه عشان يتزوج ويجيله ظنا .. )
وقالت وصوتها فيه بكيه :- دقيت على العمل مالقيته والجوال مقفل والبيت مايرد ....صار حتى بتنا ماعاد يجيه عشان ما يتهاوش مع ابوه مثل كل مره على هالموضوع ...ابوه لاهي عنه هاليومين بملكة سلطان وبرجعه فهد من الشرقيه (فهد يشتغل بالشرقيه ومايدري عن المشاكل الي صايره هنا بالبيت لان محد جاب له سيره .. عشان يركز في شغله ..حتى زواج دانه ما قدر يحضره لانه ان حضر الزواج ماراح يقدر يحضر ملكة اخوه سلطان ففضل يجي لملكة اخوه ويبارك لعمه ونسيبه الجديد)
قالت الشغاله لام خالد ان سعود برى بالمجلس ...
ام خالد وهي تو تنتبه للوقت لها ساعه الاربع تكلم بالتلفون .. وحست نفسيتها مستقره بعد هالمكالمه لان ام سعود رفيقة عمرها من يوم ما جن على وجه الدنيا ..
ام خالد :- لا تشيلين هم يا وخيتي سعود هنا جاي بيشوف الماس ...
ارتاحت ام سعود :- الله يطمنك بالخير ..تراه ماتغدى ولاراح يسمع لي
ام خالد بحنان لانها تعتبر عيال نايف وناصر عيالها :-لا تشيلين هم انا بغديه ..
قالت ام سعود :- انتي بس علمي الماس و بيطيع
ابتسمت أم خالد :- صار يالله سلام
وسكرت السماعه وراحت للمجلس.....بعد ما ارسلت الشغاله تنادي الماس
؛
؛
؛
&&&&&&&&
(الجزء الثالث)

قال راكان لدانه :_ عجبك المكان
دارت دانه بالمكان الي كله خضره :- روعه كني بحلم
ناظرها راكان وهي مبسوطه ولاول مره يحس بالذنب لانه تزوجها وهي صغيره مره ..عليه ...بس مطلقه ...
حس بقهر في قلبه ونار تحرقه ...شعور غريب عليه معقول يغار ...لا ..لا مستحيل
جت دانه الي غافله عن مزاجه وجلست جنبه ...وفاجأها بهالسؤال الي طلع منه بدون ارادته ..
راكان :- دانه حبيت اسال انتي ليه تطلقتي ..
انصدمت دانه وانمحت ابتسامتها :-نعم
وسكت مارد عليها ..
قالت وهي مو قادره تمنع دموعها :- كيف تسألني هالسؤال وحنا بشهر العسل
هز كتوفه بدون اهتمام :- خلاص مايهم اعتبريني ماتكلمت
قالت دانه وهي مو قادره تمنع نفسها :-فيه شي مو معجبني من يوم ما تزوجنا ,, وللحين ما ادري وشهو
عصب راكان :- وش قصدك ...
قالت دانه ببرود :- ولاشي
ناظرها .. بعدين صد عنها وظل يناظر في البحيره الي جالسين جنبها ....
وقفت وقالت :- ابي نرجع الفندق ..
وقف راكان بدون ما يتكلم .. وجمع اغراضهم ..
قال بدون اهتمام :- براحتك...
ورجعوا للفندق ...
><
****
><
****
><
نزلت الماس تسحب رجولها ماتبي تقابله ....
لكن امها كانت لها بالمرصاد ..
ام خالد :- سعود بالمجلس بلحاله ..روحي له
ترجتها الماس :-يمـه تكفين
عصبت امها :- الماس ...
سكتت الماس لانها ما تبي تزعل امها منها :- طيب طيب لا تعصبين يالغاليه
راحت الماس .. للمجلس وامها واقفه تناظرها...
؛
؛
؛
><في المجلس><
كان سعود على اعصابه ..
قلبه يعوره وده يشوفها .. ومرهق لابعد درجه .. الدوام من جهه ..ابوه الي يضغط عليه من جهه .. والارق الي ما يخليه ينام بالليل..
رفع راسه .. وشاف الماس واقفه عند الباب متردده وعيونها بعيونه ..كانت لابسه جلابيه بيضاء ضيقه فيها جنيهات فضيه ..وكحليه وكانت مره رايقه ..وشعرها رافعته فوق وماسكته مثل الشنيون ..وكانت حاطه مكياج خفيف ما نقص من روعة ملامحها بشي
آآآآآآآآآآآآآآآآه يا الغالــــــــــــــــــــيه .. وش الدنيا بدونك
وقــــــف ...
وما لقت مهرب وراحت تمشي له ....
جلست بالكرسي الي جنبه ...
قال برقه :- تعالي اجلسي جنبي
وهي تقدر تقول له لا !!!!
جت وجلست جنبه ، اخذ اصابعها بيده وباسها واحد واحد ..طاحت الدمعه غصب عنها على كف يده الثانيه ...ناظرها بعيونه الي هي كل عالمها ..
قال وهو يحاول يسيطر على صوته :- لا يالغاليه لا تبكين ...دمعتك عندي اغلى من كنوز الدنيا ...
مسكت يده بيدها ...وتمنت لو هاللحظات تدوم ...
اخيرا تكلمت :-كيف حالك ..؟
ابتسم وبانت خطوط الاجهاد في وجهه :- عايشين ...
عقدت حواجبها :- عايشين !
سحب نفس طويل وقال بصراحه :- وش تتوقعين يكون حالي وأنتي ما أنتي بعندي ...انا آكل بس عشان اعيش .. اتنفس بس عشان اعيش..مسرات الحياه فارقتني ...ليلي تساوى مع نهاري ..
ماقدرت تتمالك نفسها ودفنت عمرها بحضنه ...وجلست طول هالوقت متمسكه فيه ...من زمان ما ارتاحت مثل اليوم الحين وهاللحظه ...
قال بهمس :- ارجعي معي يالغاليه..
رجعت لعقلها ..وبعدت عنه :- لا
قال بيأس :- طيب لمتى ؟
لو خنجر يحزها ما حست بألمه مثل الحين :- خلنا نتطلق ...
فز سعود من مكانه وهو معصب تعصيبة ما قد شافت الماس مثلها :- صاحيه انتي ...
وقفت الماس وحالتها مايعلم بها الا الله ....
راح سعود يمشي للباب ...وقبل لايطلع قال لها :-كيف طاعك قلبك تقولينها ...وانا الي حسبت محد (ن) يحبني في هالكون مثلك ...
نزلت راسها للارض والدموع معميتها ....
كمل ببرود :- فمان الله يا بنت العم ..
وطلع من عندها مهموم ....ومايشوف قدامه من الزعــــــــــل...
؛
؛
؛
><في بيت ابو سعود><
قال سلطان لابوه وهم يتقهوون قهوة العصر :-يبه لا تضغط على سعود انت ما تشوف حالته
ناظره ابوه بعصبيه ..وقال :- وش فيها حالته الرجال الي يتعلق في حرمه مافيه خير
انقهر سلطان من نظرة ابوه للي بين سعود والماس وقال يحاول يقنعه :- يا طويل العمر هم متفاهمين وممشين حياتهم وراضين بقسمة ربي حنا وش دخلنا ,,
قال ابوه بعصبيه :-شلون وش دخلنا .. الا دخلنا ونص واذا هو ماهو بعارف مصلحته نصير مثله ..
سلطان :-بس يبـ
ابوه :- سكر على الموضوع ورح بحالك مالك دخل وسعود دبرته عندي ...
(الا وبدخلة سعود عليهم )
قال ابوه لسلطان من بعد ما سلم سعود عليهم وباس راس ابوه :-الطيب على طاريه ..
عرف سعود هم وش كانوا يتكلمون فيه من نبرة ابوه وملامح سلطان المتشنجه :-خير ان شاء الله
ابوه :- ما يجيك من ورانا الا كل خير دايم ..
هز سعود راسه ..وناظره سلطان بنظره تقول له اصبر هذا ابونا وهذا طبعه ...
قال ابوه :- بكره بنروح ونخطب لك نوف ...
وصل سعود لمرحلة الانفجار ....توه متهاوش مع الماس ..مايبي يكملها مع ابوه ..
وقف سعود وقال :-بالإذن ..
ابوه :- انا ماخلصت كلامي ....
قال سعود بتعب :-العذر والسموحه يبه ...بس انت عارف رأيي
وصل ابوه حده :-الحرمه ذي عاملتلك عمل ...ساحرتك
صح انه زعلان على الماس ومنقهر منها ....بس يحبها والله شاهد ...ومايرضى لاحد يغلط عليها ..
ابتسم :-ايه ساحرتني ...؟
انصدم ابوه ....:- وشهو ساحرتك..؟
قال سعود بقوه :- سحرتني بطيبتها ..بحنيتها .. نعم التربيه ونعم الاخلاق ونعم الزوجه ...والقلب ما يسع احد غيرها ..
وراح يمشي للباب................
قال ابوه :- ان ما جيت بكره العصر هنا عشان نروح نخطب لك لا انت ولدي ولا اعرفك
صرخ سلطان :- لا يبه لا تقولها طلبتك
التفتت سعود...وكل لون من وجهه راح .................هو بحلم ولا بعلم ..
لكن ابوهم كان عنيد :- انت مالك دخل لا والله لتلحقه ....
سعود من هول الصدمه ما نطق ولا بكلمه .....
كمل ابوه بقسوه :- ولا شوف وجهك بالشركه
طلع سعود من البيت زعلان منقهر ....وطلع وراه سلطان ناداه وما عطاه وجه....
مسكه مع يده :- وين رايح ياخوي
قال سعود وهو يرجف من التعصيب الي كابته :-بروح في ستين داهيه اتركني ياسلطان مالي خلق
قال سلطان :-ماراح اتركك وانت بهالحاله ..
وركب سعود سيارته وركب معه سلطان .....
كان الجو بالسياره يخنق...سعود معصب ..وسلطان متوتر ..وكمل الناقص..
يا صغر الفرح في قلبي ..

ويا كبر الألم والآه !! تغرّب في زمنها الناس ..

وزوّد ظلمها ببلواه .. لآنه مختلف عنهم

تبرى من طبايعهم .. تغرّب في زمن هواه ..

وفا وباعوه أحبابه .. وزوّد غدرهم .. همه

وشرّع للهوى بابه .. وأَنحر لأجلهم دمه

ولكن للأسف هانت .. سنين العشره وشانت

دروبٍ بالجفى إبدت .. صبر والصبر ما فاده ..

تحمّل لوعة الحرمان .. بدى يرتاح وبعاده ..

عذاب وغربته .. إنسان

يا دنيا مالها صاحب

غريبه .. صدقها كاذب تجازي من وفا

حرمان...

تضايق سلطان ..وسكر المسجل ناقصين ....ناظره سعود ورجع يكمل سواقته ...مايدري لوين رايح ..
&&&

(الجزء الرابع)

دخلت منال غرفة سعاد وهي تبكي وحالتها حاله ...
خافت سعاد وقالت بقوه :- منال وش فيك وش صاير
قالت منال وهي تبكي بقوه لدرجة ان امها وهنادي جو يركضون من قوة صوتها ..
هنادي بخوف :- وش فيكم ..؟
ام سعود :- وش صاير..
قالت منال ودموعها تسيل :-ابوي ..
خافن البنات :- وش فيه ابوي ..
قالت منال وهي تحرك يدينها في الهواء:-ابوي قال لسعود تزوج نوف وسعود رفض ..
قالت ام سعود وقلبها يعورها :- طيب
منال وهي قريبه من الهستيريا :- لا مو طيب سعود عيا وطرده ابوي من البيت ومن الشركه اذا ما طاع وجا بكره العصر عشان يخطبون نويفه الله ياخذها .
ارتفع الضغط عند ام سعود وطاحت عليهم ...لانها عارفه ان سعود بيظل على عناده...
صرخن البنات ....
جلست سعاد تبكي من الخوف والقهر وهي حاظنه امها :-بسم الله عليك يمه ...(صرخت في خواتها ) روحن نادن سلطان يجي بسررررررررررررررررعه
قالت منال وهي متشنجه من الخرعه :- سلطان لحق سعود وابوي طلع قبل خمس دقايق ...
راحت هنادي تركض في الغرفه تدور جوالها ...وهي على وشك يغمى عليها ..
"سلااااااااااااااااااااااا م ...............يمه "
والتفتن البنات على دخلة رجال الغرفه ...
حظنته هنادي وهي تصيح :- فهد الحق على امي
رمى فهد اغراضه وهو توه واصل من الشرقيه ..وشال امه بين ايدينه ...
قال بعصبيه :- شفيها امي...؟؟
قالت سعاد من بين دموع الخوف وهي تاخذ عبايتها عشان تروح معهم :- اغمي عليها بعدين اقولك السالفه بس بسرعه تكفى لا تروح من يدينا
قال بقوه :-فالك ماقبلناه ..
لحقتهم هنادي بعباية امها ...ولبسوها امها وطلع هو وسعاد ...
قالت منال وهي ضامه هنادي :- آه ياربي احفظ امي واخواني من كل شر
قالت هنادي وهي تبكي :-ليه يبه ليه كذا ...
؛
*
؛
؛
*
؛
؛
>((بعد ساعتين –بالمستشـفى))<
جلس فهد يهدي سعاد ..بعد ماراح الطبيب لان من تشخيص الحاله طلع ان امهم جايتها جلطه بالقلب وانها بين الحياة والموت والاربع وعشرين ساعه الجايه حاسمه
قال فهد والدنيا مو واسعته من الضيقه:-خلاص يا سعاد هدي نفسك .. ان شاء الله تعدي السالفه على خير ..
قالت سعاد وهي حاطه يدها على راسها ومسنده ظهرها للجدار :- هذي امي يا فهد امي ..
قال فهد بتعب :-وامي بعد .. هدي نفسك ويالله مشينا
عنّدت سعاد :-مابي امشي بجلس هنا
تضايق فهد :-يابنت الحلال قعدتك مالها داعي يالله مشينا ..
وتحت اصرار فهد طاعت ومشت معه ...ما امداهم يمشون خطوتين الا وبدخلة سلطان وسعود ...
قال سعود ويده على قلبه :- كيف الوالده وش أخبارها
قال فهد :-بخير بخير
قال سلطان ووجهه منقلب لونه من الخرعه :-وش فيها وينها وش قال الطبيب ..
قال فهد :-على هونك .. هد نفسك الوالده جتها جلطه بالقلب .. وبالعنايه الحين
انصدموا سعود وسلطان :-جلطه
هز فهد راسه ...
قال سعود :-ليه ؟ وش السبب..؟
ناظر فهد في سعاد ..:- علمي علمكم انا توني واصل من الشرقيه شفت الوالده طايحه والبنات حولها واخذتها للمستشفى..
يمكن يكونون كلهم منصدمين والنفسيات دمار ..لكن سلطان كان واعي لتعب فهد من السفر و المفاجاه الشينه الي لقاها اول ما وصل ، ونفسية سعود المتازمه بعد الكارثه الي صارت بينه وبين ابوه ...
قال سلطان وهو يحط يده على ظهر سعاد الي مانطقت ولا بحرف :-مشينا البيت وهناك نتفاهم
وقف سعود مكانه وقال بعناد :- روحوا انتم انا ماراح اجي
قال سلطان بتعصيب :-سعود هذا مو وقته
لكن سعود عطاهم ظهره وراح يمشي وجلست سعاد تبكي ...زياده
احتار فهد الي كان بينهم مثل الأطرش بالزفه ....
فهد :- سلطان وش فيه وش صاير ...سعاد وش فيها سعود علامه ..هنادي ومنال ليش يبكن
قال سلطان :- المكان مو مناسب خلنا نرجع البيت ..ثم اعلمك
غصب عن فهد اجل الموضوع لين يوصلون البيت ..عشان المكان زحمه وناس وماهو مناسب للكلام ...
وطلعو من المستشفى ...
بعد ما حاول سلطان يشوف امه ومنعه الطبيب وقال له يجي بكره لانها بغيبوبه وماراح تدري عنه ..
،
،
،
*((بعد نص ساعه ))*-------- ><في مجلس ابو سعود ><
قال فهد بعصبيه :- ياسلطان جننتني ... تبي تتكلم والا شلون
جلس سلطان وكتف يدينه على صدره وحاس بقلبه يوزن له جبال من ثقله
صرخ فهد لان طبعه عصبي ويثور بسرعه عكس سعود وسلطان :- ياخي تكلم ذبحتني بسكاتك
تنهد سلطان وقال :- وش اقولك .. ابوي يبي يفرق بين سعود والماس
انصدم فهد وجلس مذهول :- مستحيل
ضحك سلطان بدون نفس :- لا مو مستحيل .. ولا يبي يزوجه نوف بنت عمك نايف
طلعت عيون فهد :- نوف نوف ما غيرها
هز سلطان راسه ... قال فهد :- بينهبل سعود ان وافق فيه احد يستغني عن بنت مثل الماس
قال سلطان :- هو رافض وابوي له شهور يزن على راسه لان الماس ما تجيب عيال
انذهل فهد بعده عن اهله خلاه في جهل كامل عن الي يصير :- آفاااااااااااااااااااااااااااا اا
كمل سلطان لان الصدمات عقدت لسان فهد :- انا سالت سعاد عن الي صار لامي وظني كان في محله
ناظره فهد وهو ماهو فاهم شي...
سلطان :- ابوي قال لسعود ان ماجاء بكره العصر عشان يروحون يخطبون له نوف لاهو ولده ولا يعرفه
هنا جت الكارثه على راس فهد مثل ضربة العصا ....وما قدر ينطق بحرف ...كيف قدر ابوه يسوي كذا بسعود الي شايل الشغل على راسه ..والي اقربله منهم كلهم بحكم عملهم اليومي مع بعض ...
قال فهد بهدوء يقطع القلب :- اكيد انت تمزح صح..
تجلى الحزن على وجه سلطان :- ياليت يا اخوي ياليت ...
قال فهد يقرر واقع :- وامي طاحت لان ابوي طرد سعود من البيت
سلطان :- ايه .....
قال فهد والحزن ذابحه ذبح ياليته جلس بالشرقيه ولا جا :- لا تقول ان ابوي طرده من الشركه يسويها
قال سلطان بحزن سرق فرحته بملكته الجايه :- ايه ..
حط فهد وجهه بين يدينه :- سعود ما يستغني عن الماس ومستحيل يتزوج عليها ...
قال سلطان وهو يوقف :- الله كريم .. يدبرها بمعرفته
قال فهد وهو يناظر سلطان :- وين رايح ...؟؟
سلطان وهو يلبس شماغه :- بروح اشوف سعود واعرف وش ناوي عليه
وقف فهد :-بروح معك
قال سلطان :- لا أنت خلك مع البنات وانتظر أبوي لين يجي سلم عليه وطمنه على الوالده
اقتنع فهد ...وقال :-صار .. بس تكفى هده وقل له يصبر ترى الوالد على قد ماهو شديد على قد ما يحبنا
سلطان :- يصير خير يالله مع السلامه
فهد :- ماتشوف شر
طلع سلطان من البيت أما فهد فراح يشوف سعاد لأنها متاثره حيل بالي صار....
دخل فهد غرفة سعاد الي كان بابها مفتوح ...وهي جالسه على الصوفا وللان تبكي...
فهد :- خلاص من اليوم وانتي تبكين
قالت سعاد وهي تشاهق :- وشلون ما ابكي واخوي مطرود من البيت والشغل وامي بين الحيا والموت
مسك فهد يدها وقال بحنان الاخو :- خلاص كل عقده ولها حلال امي ان شاء الله تطيب وابوي ما يستغني عن سعود والي قاله كان في ساعة غضب ..
(مايدري فهد هو جالس الحين يقنعها ولا يقنع نفسه )
ناظرته سعاد بقوه وقالت :- ابوي ما يتراجع عن كلمة قالها .. تضحك علي والا على نفسك
سكت فهد مو قادر يجاوب............

@@@@@@@
(الجزء الخامس)

><في ماليزيا ..><

(((في الفندق – تحديدا جناح دانه وراكان...))))

قال راكان لدانه :- دانه قومي اكلي شي من الصبح ما اكلتي
قالت دانه وهي جالسه تناظر في المنظر برى غرفتها :- مالي نفس
قرب منها :- دانه نفسي تعاف الاكل وانتي زعلانه
قست قلبها عشان ماتضعف :- قلت لك مالي نفس عليك بالعافيه
مسك يدها وباسها :- انا اسف يالغاليه والله مدري وش هبلني وخلاني اسال هالسؤال العذر والسموحه
ناظرته دانه والدموع تلمع بعيونها :- مالك حق تسالني هالسؤال في الايام الي مفروض تكون بس لنا
ابتسم بدون نفس بس عشان يخفف الجو المتوتر :-امسحيها في وجهي والله شكلك وانتي زعلانه مو حلو
توسعت عيون دانه من التعصيب :- نعم
ضحك :- لا حول امزح والله امزح
ماقدرت تمنع نفسها وابتسمت ...
قال وهو يوقف ويوقفها معه :- يالله خلينا نتعشى ميت جوع
ابتسمت دانه :- محدن ضربك على يدك وقال لا تآكل
كشر وقال :- ما أحب أكل واحد زعلان مني خصوصا إذا كان هالاحد مزيون و حلو مره
حمرت خدودها ...وضحك :- فديت هالوجه الاحمر والله
استحت دانه :-راكان
قال راكان بوله (ياربي بيذوب كلما نادت اسمه ) :-عيون راكان وقلبه ..
ضحكت :-يسلم قلبك العشاء بيبرد
انهبل راكان :-عيدي عيدي وش قلتي
ضحكت دانه :- وش قلت
راكان :- اخر شي قلتيه ..
قالت دانه بدلع :- قلت يسلم قلبك
قال راكان بوله :-آه ياحظ قلبي
ضحكت دانه من قلب :- وانت وش وقلبك وش
ابتسم راكان ذيك الابتسامه الي تجيب لدانه دوخه وقال:-انـــــــا وقلبي فدى عيونك
ابتسمت من قلب :- الله لا يخليني منك ولا من عيونك ..
راكان :- هههههههههههههههههه لسانك يقطر عسل
سحبته دانه وقالت تمزح :- يالله تعشينا ان جلسنا كذا ما............. وسكتت طبعا متأخره (ههههههه)
ناظرها راكان بخباثه :- كملي وش فيك سكتي
تورطت دانه ..نست ان مايفوته شي وهي خبله كل شي تقوله ,,ارتبكت وطيحت قارورة المويه الي على طاولة العشاء وحاست الدنيا ..
ابتسم راكان وقال يقلدها :-اقول لا تحوسين عشانا والا ...........
حمرت خدودها من كلامه ...وجلس هو يضحك ..
انقهرت دانه منه يحب يحرجها ...
(فكر راكان في نفسه الحق ينقال البنت هذي ما تشبه ساره لو من بعيد ... بس فيه شي يخليه يبعد عنها ..شعور داخلي يضايقه ..مايدري وشهو..بعدين البنت ماعرفتها الا من ثلاث ايام ما يمديها تطلع على حقيقتها ...بس ليه ليه ...لما ما اكلت عافت نفسه الاكل والراحه مو مثل ساره يوم كانت تزعل عليه كان يسفه بها ولاهمه وكان مرتاح البال ...ليه البنت هذي يتمنى ماتغيب عن نظره لحظه ولو يظل يناظرها العمر كله ما مل من وجهها ..ليه يحبها زود لا حمرت خدودها واستحت ..ليه حتى وهي نايمه جنبه يلقى متعه غريبه في تاملها وهي نايمه بوجهها الطفولي الي جننه من ذاك اليوم قبل شهر ونص...
اسئلة مالها إجابات ...واحاسيس غريبه عليه وللصراحه ماتسره !!))
؛
؛
؛
؛
؛
><في بيت ابو خالد ><
دخلت قمر غرفة الماس ..ولقتها تاخذ شاور ...وكانت بتطلع بس لفت انتباهها دفتر زهر محطوط على السرير وبوسطه قلم ..
طبعا قمر ملقوفه وهذا طبعها فتحت الدفتر قرت المكتوب فيه...وماقدرت تمسك دموعها ..كانت الماس كاتبه قصيده ..
قرتها قمر ودموعها تسيــــل..

احس كني فاقده كل ذاتـــي ....مدري وش الي بعدها يحتريـني

من غاب الي حضوره غناتـــي...وانا ادري ان اقصى المواجع تبيني

حاولت الملم بالقصايد شتاتــي..اثر القصايد همها محتوينـــي

وشلون ابهرب من بعض ذكرياتي...دامه جميع الذكريات وحنيــني

من قبل ما البس برقعي او عباتي ...وغلاه لابس نبضة القلب فيـني

كنت افتخر قدام كل البناتـي ...واقول هذا الي ابيه ويبـــيني

وكان الغرور بداخلي من صفاتي...وكان الجنون بدنيته يعترينــي

واليوم والله راس مال سكاتـي...نظرة وداع ساكنه وسط عينـي

اعيش فيها مابقى من حياتــي...ماهمني من ذنبها وش يجينــي

لابد ما يوم يجي به وياتـــي ..ويشوف بعيونه سوايا سنيــني

سكرت قمر الدفتر وراحت تركض لغرفتها ......
لانها سمعت صوت الماس..
دخلت الماس الغرفه ..وحتى مع الشاور مازالت اثار الدموع باينه ...راحت تنشف شعرها ودق جوالها فتحته لقتها خدمة الاهداء والرقم رقم الغالي الي حافظته مثل اسمها واحسن ...

تقوى الهجـر ..

وش لي بقى عندك .. تدوّر لي عذر .. لا تعتـذر

تقوى الهجـر ..

ما نجبـره .. من عافنا ما ينجبـر .. لا تعتـذر

زاح الصبر .. لا لا تعنّى لي وتمـرّ .. وتبغى الصبر .. ويـــن الصبر

جرحي عميق .. والقلب في دمّـه غريـق

وتبغى الصبر .. ويلاه من وين الصبر .. مهما تقول لا تعتـذر

مهما تقــول .. من الأغاني والجمل .. ما يحتمل .. قلبي فدية جبر الألم

يمشي معك درب الندم .. ما يحتـمــل

يكفي عليه .. منك احتمل كذب وغـدر .. حبك سراب .. ضيعت
وقتي أتبعـه

وسط الضبـاب .. وصوتك ينادي اسمعـه .. صرت أتبعه ..

واليوم في صحراء الظما .. ترمي فؤادي وتحرقـه .. ترجع تقـول ..
أبعتـذر .. ليــــه العــذر

دام الهوى .. ما له على قولك عذر .. والجرح يا جرحي يداويه الصبر ..

ليـــه العــذر ؟؟

الله كريم .. الله عليم .. هو عالمٍ بالحال .. ولا يمكن يظيم

عزاه لك .. يا قلب يا أحلى نديم .. عزّتي .. للحب لو يصبح يتيم

حبك يتيم .. وكلك ندم .. حبك يتيم

وين الندم بين السطور .. أمر العدم ماله ظهور ..

ترى هذا غـــرور .. هذا غـــرور

تمشي بطريق .. وأنا بطريق .. اللي يوديني لبعيـــــــــــد

عنّك يا أول رفيق .. البعد يعفيني المزيـــــــــــــــد

وين الوفى والتضحية .. وينك رفيق ..

وين الوفى والتضحية .. وينك رفيق ..

وبتجمع أوراق السنين

لا تنسى تجمع جروحي .. ودمعي .. وآهـاتي معــك

وقلبي بعد ما قتلته .. يا رفيقي .. ما عاد يقدر يمنعك

كل الأمر .. عاد بيديك ..

يا خلّ يا هـــاجــر ..

ما عندك عــذر

انهارت الماس على سريرها ...ومسكت الجوال بكل قوتها .....بكت بصوت عالي ..

حبيبي سامحني...سامحني ...انت ماراح تتزوج وانا على ذمتك ..ماراح تطيعني..ما ابغاك تحرم نفسك من الضنا بأسبابي ....سامحني ..سامحني والله احبك والله العظيم
-------
>>في وقت
جلست قمر على سريرها جامده لا حركه ولاشي ....
قلبها يتقطع على اختها ..
ويتقطع على حالتها ..
الملكه مابقي عليها شي ...ياليتها تكون بحلم وترتاح ..بس لا ماهي بحلم والفستان الموف الي بدرجها الي شرته عشان الملكه يشهد على انها بتتزوج وهذا واقع لازم تقبل به ..
دفنت وجهها في المخده وجلست تبكي لين غلبها النوم والتعب ونامت ...
ودمعتها على خدها ماجفـــــــــــــــــــت!!
×
*
×
*
×
*
×
><في بيت سعود><
قال سلطان لسعود الي جالس ساكت :- سعود شكلي بأجل ملكتي لين تهدى الامور بينك وبين ابوي
ناظره سعود وقال :- انت تعرفني وتعرف ابوي وماراح يتغير شي .. وملكتك ماراح تتأجل
سلطان:-بس ياسعود.........
قاطعه سعود بلهجه حاسمه :- انتهى الموضوع تأجيل مافيه لا والله ما احضر ملكتك انت اجلتها مره وماراح تأجلها مره ثانيه ..
عرف سلطان ان سعود لا قال كلمه نفذها ...فما له داعي يحاول يقنعه
سلطان :-طيب وش ناوي عليه..
هز سعود كتوفه :-ولاشي
عقد سلطان حواجبه :-شلون ولاشي ..
قال سعود والحزن بد بخفاه :-ولاشي زواج على زوجتي ماراح اتزوج لو أموت من الجوع والفقر والكل يتخلى عني
عصب سلطان من كلامه :- وانا وين رحت يا خوي وفهد وين راح حنا معك في الرخا والشده وعز الله ما تنظام وحنا على وجه الدنيا
ابتسم سعود شبه ابتسامه :- ماتقصر ياخوي..
قال سلطان بحزن وجديه :-ابوي عارف انك ماتقدر تستغني عن الشركه
حزت بخاطر سعود هالكلمه لان هذا هو الواقع :-ايه عارف ...بس الي مايعرفه ان الشغل بداله شغل والحلال بداله حلال بس الماس ما بدالها احد
قال سلطان وهو يناظره :-وابوي
عصب سعود :-ابوي تاج راسي وسندي ..وبيظل غالي وماراح اقطعه حنا تربينا على يد وحده وشالنا بطن واحد ..يا اخوي .. حتى لو جفاني الوالد حتى لو تخلى عني ونبذني له فضل وحق علي ..ليته طلب مني أي شي ..اي شي ..كان ماترددت لحظه في تنفيذه ..بس الي يطلبه فوق طاقتي واحتمالي ...
قال سلطان يواسيه ويواسي نفسه :- هونها وتهون ..
قال سعود وهو يفرك عيونه بيدينه من التعب والإرهاق :- الله كريم
&&&&&&&&&&&&&
( الفصل السابع)

(الجزء الاول)

><بعد صلاة العصر –بيت ابو سعود><

قال ابو خالد :- يا اخوي اذكر ربك وخل الولد على راحته ..
لكن ابو سعود راسه يابس :- لا والف لا انا ابي اشوف ظنا ولدي قبل لا اموت واذا كان هو مايعرف مصلحته حنا نعرفه بها ..
قال ابو خالد :-اذا ماجاء الحين ناوي تنفذ تهديدك...
ناظره ابو سعود :- ما يبيلها سؤال إلي ما يطيعني لا هو ولدي ولا اعرفه...
قال ابو خالد يحاول يغير رايه :- القسوه ماهي حل
ابو سعود :- الا حل ونص
قال ابو خالد يساله ولو ان السؤال متاخر شوي :- تعال انت ليش نويت تخطبله نوف ..رنا اكبر منها
ابتسم ابو سعود :-رنا ابيها لفهد وهو مكلمني عنها من زمان ...
الا وسلطان يدخل عليهم ووجه متغير :-السلام عليكم
ابوه وعمه :- وعليكم السلام
جلس سلطان جنب ابوه ...قال ابوه :-اخوك وينه ورى ماجا صيفنا
ارتبك سلطان وقال :-اخوي ما راح يجي
عصب ابوه :- نعم
ساله عمه بهدوء :- ليه وينه ...؟
قال سلطان وهو يتجنب النظر فعيون ابوه :-سافر الشرقيه
انصدموا الشياب ...من كلامه
إلا والله يجيب فهد ...:-السلام عليكم ورحمة الله
رد الكل :- وعليكم السلام
وطلع سلطان بسرعه من عندهم ....
دق أبو سعود على السكيورتي إلي يحرسون الشركه وعطاهم الأوامر ما يدخلون سعود لا جاء ابد ..
ودق على مدير العلاقات العامه :-اسمع أبيك تفصل ولدي سعود من عمله عندنا
قال الموظف بارتباك لان إلي يكلمه احد مؤسسي الشركه وهذي أول مره :-والله ياطويل العمر الأخ سعود قدم استقالته اليوم الصبح ...
قال ابو سعود بعصبيه :- شفت يا ابو خالد قدم استقالته كان عارف اني بطرده ان ماجاء..
انقهر فهد من سوايا ابوه في اخوه الكبير وقام وطلع ...
قال ابو خالد :- مالك حق سعود مايستاهل
قال ابو سعود بثقه :- مصيره بيرجع ويترجاني أزوجه نوف ...
سكت ابو خالد اخوه مافيه امل ....
لكنه تذكر وقال :-الا وش اخبار ام سعود ...
قال ابو سعود :- ماطلعت من العنايه للحين بس يمدحونها الدكاتره اليوم يقولون صحت ورجعت نامت وصحتها مستقره..
ابو خالد :-الله يجعله ..يالله بروح امر ام خالد والبنات عشان يزورن ام سعود
وطلع ابو خالد ...
--------<< في هالوقت
قالت الماس لامها :-يمه وش فيها خالتي ...؟
قالت امها :- جتها جلطه بالقلب
انصدمت الماس :- جلطه ......متى ..؟
امها :-امس ...ابوك توه معلمني ماعرف الا من ابو سعود يالله تروحين بيجي الحين عشان نزورها
قالت الماس وقلبها يوجعها من الصدمه :-اكيد بروح مايبيلها سؤال
قالت امها :-اجل عجلي جيبي عبايتك
ركضت الماس غرفتها وعند الدرج حست بدوخه قويه ..ولولا ان قمر كانت نازله كان طاحت على الارض..
صرخت قمر :- يمه الحقي الماس
جت امهن تركض والخوف يملا وجهها :-بسم الله عليك يمه
قالت الماس بتعب :- دوخه بسيطه ماصار إلا الخير
قالت أمها بخوف وهي تسندها مع قمر ويجلسنها على كرسي قريب من الدرج :- بوديك المستشفى حالك هالايام مو معجبني
راحت قمر للمطبخ وجابت لأختها كاس عصير ليمون ...في دقايق
قمر :-سمي بالله
شربت الماس شوي من العصير وحست انها صارت بخير ثم قالت :-بروح لخالتي يمه
شافتها امها مصممه ووجهها رجع له بعض اللون :-طيب ولو اني افضل تجلسين في البيت
قالت الماس بعناد :-دقايق بروح اجيب عبايتي وبرجع
وطلعت غرفتها ...
قالت قمر :-وين بتروحون
قالت امها :-بنزور خالتك ام سعود بالمستشفى
تفاجات قمر :-افا ليه ..؟
قالت امها وهي تطلع غرفتها :-تعبانه تبين تروحين خذي عبايتك ابوك على وصول
؛
؛
؛
؛
><قبل ملكة سلطان وقمر بيوم><
قال راكان وهو يدخل بيته :-ادخلي برجلك اليمين
ابتسمت دانه :-مايبيلها كلام
دخلت دانه القصر مو البيت في حياتها ماتوقعت تدخل بيت بهالجمال والحجم الي يخلي بقلب الواحد رهبه وخوف ..كان مأثث تأثيث أروع منه ماشافت كل شي حولها بالوان الذهب اروع منه مافيه ...صالة الاستقبال الكبيره صالة الطعام الدرج الي بوسط البيت والي فخم مره ....
طبعا ما انتبهت الا وهي في حضن ام راكان :-ياهلا وغلا بنور البيت
قال راكان يمزح :-افا يمه وانا احترق كرتي
باس على راس امه وضمها بحنيه
قالت وهي مدمعه :-انت غالي بس دانه لها معزه غير ...
قالت دانه بحب :-وانتي بغلاة الروح يا خاله
قالت ام راكان :-خلي عنك كلمة خاله ناديني يمه
ابتسمت دانه وهي ماسكه يد ام راكان :-احلى اسم والله تامرين يمه
ومره ثانيه وبدون ما تنتبه دانه الا وهي بأحضان الخاله مريم ...وبين السلام والترحيب الي من القلب...
سحب راكان دانه جنبه ..وقال يمزح :-خلاص حلى هو ماصار سلام ولا تبويس تراها مرتي واغار
حمر وجه دانه وضحكت امه والخاله مريم .....
قالت ام راكان بحنيه :_اخذ دانه لجناحكم خلها ترتاح ...نشوفكم ان شاء الله على العشاء .
كبرت امه بعين دانه ..سبحان فرق بينها وبين ام زوجها الاولي ..والي تحمد ربها انها ماعاشت معهم ببيت واحد ..
قال راكان وهو حاط يده على خصر دانه :-عشاء .! يمه الساعه خمس العصر
قالت الخاله مريم :-لايكثر هرجك اخلص ..خل زوجتك ترتاح توكم واصلين الحين
قال راكان وهو مبتسم :-تامرين يالله بالاذن
وراح وهو ودانه لجناحهم الي بالدور الثاني .....
قالت الخاله مريم :-ماشاء الله تبارك الله مزيونه بالحيل
قالت ام راكان بحب :-ماشاء الله لو نترك جمالها على جنب ، اخلاقها عاليه
قالت الخاله مريم :-سبحان الله ..فرق عسى راكان يقدر قيمتها
ابتسمت امه :-ماتشوفينه لازق فيها وما نزل عيونه من على وجهها
الخاله مريم :-ههههههههههههههههه البنت منحرجه وهو ولا على باله
ام راكان :-الله يتمم عليهم
الخاله مريم :-اللهم امين

><
في وقت
><
قال راكان وهو يجلس على الكرسي الي جنب السرير :-وش رايك ببيتنا
جلست جنبه دانه وقالت وعيونها تلمع من الحماس :-روعه ماتوقعته كذا الصراحه
ابتسم راكان لحماسها ..
حركت دانه يدها قدامه :-ياهوه ...انت معي
ضمها لصدره فجاه وقال :-انا مو معك بس ..انا كلي لك
وبالعزره فكت عمرها منه..ووجهها مولع ...قالت وهي تضحك :-اقول انا هلكانه وابي اتحمم وارتاح ..
ابتسم بخبث :-تتحممين والله فكره حلوه
انقلب لون وجهها :-بلحالي
ضحك من قلب :-خساره ..
ضحكت دانه من مزحه ومعاكسته لها في الطالعه والنازله ...قال لها وهي تفتح درج ملابسها :-شكلي امهاتي حبنك وهذا شي يبشر بالخير
ابتسمت بحب :-وانا اكثر والله احبهن موت
كشر وقال :-بس هن
دانه كانت مدلخه وما انتبهت لقصده :-ايه
قال :-افا
وانتبهت دانه لقصده وجلست تضحك ...
لكنه ظل مكشر
فقالت له وهي تحط اغراضها على الطاوله وتسكر الدرج :-فيه ناس بعد لهم قدر غير بقلبي
ابتسم وقال يسوي نفسه مو فاهم :-ناس من هالناس
ضحكت دانه وقالت تمزح :-مالك دخل والحين استأذن ..
وقف بسرعه لكنها كانت اسرع منه ...دخلت عشان تاخذ شاور وقفلت الباب وهو يضحك ويتوعد انه بيردها ..
انسدح راكان على السرير وعيونه بالسقف ..
وش الي يصير له ...قلبه بدى يميل للبنت هذي ولا لا ؟؟؟
الا وجواله يرن ....ابتسم راكان يوم شاف الرقم
راكان :-هلا وغلا
ضحك محمد :-هلا والله بالي ناسينا صدق مالك خاتمه
راكان :-هههههههههههه اللهم لاحسد
قال محمد يمزح :-من زينك الحين عشان احسدك
كالعاده قاموا يتناقرون ولا كنهم رياجيل كبار....
قال محمد :-متى الوصول
قال راكان :-تونا واصلين ...
قال محمد :-الحمد لله على السلامه ..
راكان :-الله يسلمك ..وش اخبار العمل
محمد :-تمام ..المهم ترى عشاكم بكره عندي
ضحك راكان :- لا حول بدينا
محمد :-لا بدينا ولا انتهينا عشاك جايك جايك بس اخلص وعلمني متى تبيه
قال راكان :-بكره ملكة اخت المدام ..يعني فل وودي نرتاح كل يوم
محمد :-على راحتك ...تامر بشي
راكان :-ابيك سالم .. وسلم لي على الوالده
محمد :-يوصل ...يالله سلام
راكان :-سلام
وطلع راكان من الغرفه ..وراح لمكتبه عشان يشيك على بريده الالكتروني ...الي له اسبوعين من يوم ماتزوج مايدري عنه
بعد ربع ساعه طلعت دانه بعد ماخلصت الشاور ..ومالقت راكان بالغرفه بس مفتاحه وجواله هنا ..يعني بالبيت ماطلع ..
نزلت روب الحمام وغيرت ملابسها ..مشطت شعرها ..
وراحت للسرير عشان ترتاح شوي...لانها تحس بنفسها متخدره من التعب ..
؛
؛
دخل راكان الغرفه ولقاها لسى نايمه ...
همس برقه :-حبيبتي
حست دانه بهمس قريب منها ،فتحت عيونها الا و راكان يكلمها ..
ابتسمت ورفعت نفسها على المخده :-كم الساعه ؟
ابتسم :-عشر بالليل
انصدمت دانه :-نمت كل هذا الوقت..ليش ماصحيتني
ضحك :-ماحبيت ازعجك ..يالله ياقلبي العشاء بيحطونه
وقفت دانه :-يا خزياه والله فشله ..
ومن زود الرجه والعجله ..تعثرت في جزمتها القطنيه (وانتم بكرامه ) ومسكها راكان قبل لاتطيح....
قال يبي يحرجها :-شكل بيطول انتظارهم اليوم
ابتسمت بحيا :-منت جاد
اختفت بسمته :-الا جاد ونص تراهنين ..
قال تترجاه :-راكان والي يسلمك لا تفشلنا
.............................. ........ولا حياة لمن تنادي..!!^_^

$$$$$$$$$$$$$$$$

(الجزء الثاني)

><في بيت ابو سعود><

قالت ام سعود لزوجها :-مو حرام الي تسويه في ولدك
مارد ابو سعود لان من يوم ماسافر سعود ..وحالته النفسيه تعبانه ..
(ام سعود عدت مرحلة الخطر وصارت صحتها زينه ..بس قلبها المحترق على ضناها ..ما يخليها تهتني لا ليل ولانهار ..)
قال ابو سعود :-نامي الحين وبعدين فرجه
قالت ام سعود وصوتها فيه صيحه :-من وين يجيني النوم وظناي بعيد عني
ابوسعود :- يستاهل ماجاه لو طايعني ماصار من هالكلام شي
عصبت ام سعود :-يطيعك في شي مايبيه ..
ابو سعود :-انا ابوه
قالت ام سعود وهي منقهره :- واذا كنت ابوه
قال بعصبيه :- اذا كنت ابوه له واجب طاعتي
باعتها ام سعود :-لكن انت ماطعت عمي الله يرحمه وتزوجت وضحى (( (ام احمد ) زوجة أخوه نايف ))
(كانت ام احمد (وضحى) بنت عم ابو خالد وابو سعود وابو احمد الوحيده ...وكان ابوهم يبي يزوجها لواحد من عياله لانها يتيمه وابوها متوفي ومالها اخوان ، بس ابو خالد كان ذيك الايام مملك على زوجته وينتظرها تخلص دراستها وتأجل زواجهم كم سنه ولان ابوهم راضي عن زواجته سكت عن سالفة التأجيل ..
ومابقي الا ناصر ونايف ..فقال لناصر يتزوجها ورفض لانه ماكان يطيقها ولايطيق حركاتها لانها كانت تحب اخوه فهد (ابوخالد ) وكانت تتلزق فيهم ..طبعا صارت مشكله كبيره وزعل ابوه عليه ..كم شهر ..ويالله رضى مع الواسطات ولان اخوه نايف تدخل وقال لابوه ان ناصر مايبي وضحى لانه هو يبيها فمشت السالفه على ابوهم وزوجها لنايف ..رغم انه اصغر من ناصر..ونايف كانت معجبته البنت وماعنده مشاكل عليها.
وجلس ابو سعود (ناصر ) عزوبي فتره .. وسمع مره امه الله يرحمها تتكلم عن قريبة هدى زوجة ابو خالد واسمها (هيا) وكانت مزيونه وخلوقه ..وعجبته وخطبها وبعد كم شهر تزوجها ..
طبعا حملت زوجته في نفس الوقت الي حملت فيه زوجة نايف ..وجاه (سعود) ونايف جاه (احمد) ...وبعدها بخمس سنوات تزوج فهد (ابوخالد) من هدى (ام خالد) وحملت في اول زواجهم وجابت (خالد) ))
تغير لون وجه ابو سعود وقال :-انا ماكنت ابي وضحى وانتي عارفه السبب
ام سعود :-ايه عارفه بس سعود بعد له اسبابه
قام ابو سعود ورفع غطاء السرير :-انا بنام قفلي على الموضوع
هذي هي عادة ابو سعود اذا بغى ينهي أي موضوع ..عصبت ام سعود وسكرت النور ..بس ماراح تسكت وبتظل وراه .
؛
؛
؛
><يوم الملكه><
دق سلطان على سعود :-وينك يا سعود ..؟؟ ترى ملكتي اليوم لا يكون نسيت
سعود :-لا مانسيت خلاص انا على وصول
سلطان :-طيب لا تتاخر ..
سعود :-ان شاء الله
سكر سلطان الجوال ...ورجع دق على سعاد الي نزلها قبل كم ساعه في المشغل هي وهنادي ومنال عشان الحفله ..
سلطان :-هاه خلصتن
سعاد :- هلا وغلا بالعريس
سلطان :- هههههههههههههه والله محدن محسسني بفرحتي كثرك
سعاد:-هههههههههههههههههه عشان تعرف قيمتي
سلطان :-عارفها من زمان ..هاه خلصتن
سعاد :-ايه خلصنا
سلطان :-ليه مادقيتي علي طيب
سعاد:-رقمك كان مشغول ..
سلطان :-ايه صح كنت اكلم سعود
تحمست سعاد :-والله و شخباره ..بيحضر
سلطان :-ايه بيحضر ..اخلصن يالله انا قريب من المشغل
سكرت سعاد الجوال ..قالت هنادي :- بيجي سعود
قالت سعاد وهي فرحانه :-ايه
منال :-الحمد لله انه بيجي ماراح نستانس اذا ماحضر
قالت هنادي :- صدقتي ..
سعاد :-يالله بسرعه سلطان اكيد برى الحين
ولبسن عباياتهن الا وسلطان يدق عليهن ويطلعن له.......
؛
؛
؛
رجعت دانه من المشغل من بدري ..عشان تبدل ملابسها بهدوء في بيتها لانها ماتحب تبدل في المشاغل الا عند الضروره القصوى ..
كان فستانها احمر حريري لونه رايق وكان ناعم مره ..من تشكيلة زهير مراد مشكوك شك خفيف..وضيق مبين جسمها وبياض بشرتها طبعا المكياج كان خليجي بحت كحل اسود غامق وروج احمر جرئ روعه ..ام شعرها كانت مسيحته لاول مره ..وكان يلمع مثل الحرير الا لابسته ..
طبعا راكان اضطر يروح للشغل عشان شي طارئ بس سمعته يلعن عمانه ..وهو يركض نازل مع الدرج ..فاضطرت تروح مع السواق ...
لبست وخلصت .. وحطت اللمسات الاخيره ..طالع شكلها خيالي ..بس رجعت اكتئبت لان راكان ماراح يقدر يروح معها ..
اخذت عبايتها ...وشنطتها الصغيره
الا وباب غرفتها يفتح دخل راكان ..وكان باين على وجهه التعب والارهاق..
وتسمر في مكانه لما شافها ..نزلت عبايتها وشنطتها وراحت له بسرعه ..
قالت بخوف:-راكان شفيك ..تعبان
ابتسم :-آه اجل انت دندونتي
ضحكت :-شايفني وحده ثانيه
ضحك وقال بوله :-الله يلوم الي يلومني انا لاشفتك تضيع علومي
دانه :-هههههههههههه كان يومك متعب
جلس على الكرسي :-مره ..حاس اني بيغمى علي
جلست دانه جنبه :-بسم الله عليك ..هذا التعب لان شكلك ماتغديت صح
استغرب راكان :-وش دراك
قالت بثقه :-ادري
قال وهو يناظرها رايحه للباب:-وين
قالت:-بنزل اجيب لك عشا
انصدم :-الساعه ست وملكة اختك
قالت :-اختى الله يوفقها ..وانا احبها بس هي مو أهم منك
وقف بسرعه ومسك يدها قبل لاتطلع ..
قال راكان وهو مو مصدق :- تتكلمين جد
رفعت حاجبها :-وجد الجد ..خذ لك شاور على بال ما انزل واخليهم يسوون لك عشا
كان شبه مصدوم من ردة فعلها ولا بأحلامه يتخيل منها هالشي..معقوله تبديه على اهلها وملكة اختها والله لو انها ساره لتتركه ولو كان على فراش الموت وياكثر ماسوت هالحركه وتركته ..وهو طبعا عادي ماكان يمانع لان وجودها كان علة على قلبه ..
ظل يناظرها وماتكلم ...حطت دانه يدها على خده وقالت:- راكان وش فيك ..؟؟
حط يده على يدها الي خده وقال برقه :-مافيني الا العافيه ..يالغاليه .عطيني خمس دقايق باخذ شاور سريع وببدل ثم نروح سوى
قالت تقاطعه :-بس انت.....
قال يبتسم :-لنا جلسه الليله طويله اما الحين تاخرنا بمافيه الكفايه ..
وتركها وراح للحمام ...
طبعا دانه ماتطيع ..نزلت بسرعه وطلبت منهم يحضرون شي خفيف ياكله ويطلعونه الغرفه ...
دخلت الغرفه .. وبعد خمس دقايق جابت الشغاله العشا والعصير وطلعت..
طلع راكان وشاف صينية الاكل وجلس يضحك ،قال لها يمزح :-يا الله انتي عنيده عناد ماشفت له مثيل
ضحكت وقالت تمازحه :-ياسلام وش بيقولون الناس عني لا شافو رجلي وجهه مشحب وتعبان وحنا مالنا اسبوعين متزوجين
راكان:-هههههههههههههه بيقولون يا حظه بهالمزيونه الي متزوجها .,
حمرت خدودها ...وقال بخبث صارت دانه حافظته :-تدرين اني اتخدر لا حمرتي من الحياء
زاد حمار خدودها ...وعرفة ان هالليله ماراح تعدي على خير...
قالت له وهي تطلع ثوبه من الدرج وتفك ازاريره عشان يلبسه :-خذ البس يالله لا تأخرنا مثل البارح فشلتنا في ماماتي
راكان:-هههههههههههههههه (جلس يغني) محدن ضربكم على ايديكم ؟؟......(وكمل) ياحلو كلمة ماماتي وانتي تقولينها
واخذ الثوب يلبسه ....
ابتسمت وقالت بهمس:-انت الله يسلمك ماتعطي احد فرصه يفكر في شي ..
قال يمزح :-ان عطيتك مجال تفكرين رحت فيها
دانه :-ههههههههههههههههههههه وش شايفني ..
قال بحب :-شايفك امل عمري .. وشمعة حياتي ..
ابتسمت ومسكته مع يده ..وقالت له بتسلط :-اجلس كل لك لقمه وانا بجهز لك ملابسك
جلس راكان وقال يمزح :- طيب عمتي
ضحكت وراحت تطلع غترة بيضاء له ..وتزهب عقاله وطاقيته وتطلع اغراضه الي بثوبه الي نزله ، على الطاوله ...
خلص راكان اكله بسرعه عشان ما تتأخر على اهلها ..
قالت له بحب :-تعال اسكر لك ازارير ثوبك ...
(هو عايش بنعيم ولا يحلم ...)
قربت منه وسكرت له ازاريره ...
باسها على جبهتها وقال برقه :-الله لا يحرمني منك قولي امين
قالت بتأثر :-ولا يحرمني منك .. يالله كمل كشختك ..تعرف اني اموت عليك لاكشخت
ضحك من قلب ..وانتبهت متاخره الى انها بدت تتجرأ معه كثير ..
قال وهو مسوي محزن :-بس اعجبك لا كشخت ..
عطته عطره ...وقالت وهي تضحك :-ايه ماتعجبني الا لاكشخت
انقهر هو منها ..وقال وهو يقرب منها :-بالله
عرفت دانه ان السالفه راحت تتعقد كالعاده ...وقالت بسرعه :-انت تعجبني في كل الحالات بس سماح
قال بغرور :-اشوى على بالي
ضحكت وراحت تاخذ عبايتها ..وشنطتها
قال بابتسامه مافارقته من اليوم :- مشينا
كمل :-امهاتي بيرحون معنا
دانه :-ايه بيروحن
قال يمزح:-هههههههههههههههه تلقين لهن ساعه جاهزات اعرفهن
دانه:-ههههههههههههههههه طيب يالله مانبي نتاخر عليهن
قال بحب:-انتي تامرين امر
حمرت خدودها ,, وضحك
وطلعوا من الغرفه ....
*
×
×
×
*
><في بيت ابو خالد----- في غرفة قمر ><
جلست قمر حزينه ..
قالت الماس تخفف عنها :-يابنت الحلال شفيك هذا شكل وحده ملكتها اليوم
ماردت عليها قمر ...والا والباب ينفتح وبدخلة دانه ، صرخت قمر من قلب وركضت تضمها
قالت والدموع بعيونها :-سخيفه حسبتك ما جيتي من ماليزيا
قالت الماس وهي تضم دانه :-ماعليك منها بزر ..كيفك يالغلا اشتقنالك
ضحكت دانه :-انا بخير....الحمد لله ..وبعدين انا اقدر افوت ملكة قمير وسلطان
قالت الماس بتعب :-شوفي اختك المصون هبلت فيني تقولين بيعدمونها مو مزوجينها
قالت دانه بجديه :-انتي من صدقك فيه وحده تتزوج شاب مثل سلطان وتكتئب انتي تحبين غيره
عصبت قمر :- دانوه خير ان شاء الله حنا بنات متربيات وشهو تحبين غيره ، بس مدري ...
الماس :-وشهو الي مدري
ثارت قمر :-اقول مجنتي تنطنط حولي خلوني فحالي انا مو ناقصه
شوي الا وسعاد ومنال وهنادي جايات ...
صرخت هنادي :-دااااااااااااااااااااااااااااا ااااانه
ضحكت دانه من بنت عمها المرجوجه ..وضمتها :مشتاقه لك موت اثر لك وحشه يالشينه
تنحنحت هنادي وقالت بغرور :-اصلا انا عارفه ان محدن يقدر يستغني عني
قالت سعاد بعد ماسلمت على دانه :-صدق انك ماخذه فنفسك مقلب ..(وقالت تدق دانه ) ...اصلا من لقى احبابه نسي اصحابه ..
حمرت خدود دانه وجلسن يضحكن عليها ....
نزلن البنات وقمر معهن ... مسكت دانه الماس مع يدها لين فضت الغرفه
دانه :-الماس انتي تعبانه
كابرت الماس :-مافيني الا العافيه
قالت دانه برقه :-الماس انا دانه ..
ارتجفت الماس وامتلت عيونها دموع ....وبعد ثواني قالت :-سعود زعلان علي ..وشكلنا بنتطلق
انصدمت دانه :-تتطلقون
هزت راسها ...
عصبت دانه :-انتي مجنونه ...كيف تتخلين عنه بهالسهوله انتي لو تحبينه ماسويتي كذا
قالت الماس بضعف :-دانه انتي تشكين في حبي له ..
قالت دانه بصراحه :-ايه ..
بكت الماس :-حرام عليك
قالت دانه :-انتي الي حرام عليك الي تسوينه فيه ..
قاطع كلامهن صوت امهن وهي طالعه الدرج تناديهن ..
قالت دانه بسرعه :-امسحي دموعك امي خلقه فاكه مناحه ...
دخلت امهن الغرفه وما انتبهت للتوتر الي صاير ...
قالت :-يالله يابنات الضيوف تحت
قالت الماس :-يالله يمه جايات ..
حطت دانه يدها على يد امها وقالت بدلع :-والله مشتاقله لك موت يالغاليه
ضحكت امها :-بدري
دانه :-هههههههههههههههههههه بدينا الغيره...
ضحكت الماس غصب :-اموت على الثقه
امهن :-الله يتمم لك يمه ..ويعقل اختك
سكتت الماس وناظرتها دانه وكأنها تقول اللهم امين ...

&&&&&&&
(الجزء الثالث)

في قسم الحريم كانن البنات يرقصن ..ومستانسات حتى قمر كانت تضحك ومرتاحه نوعا ما ..يمكن سعادة دانه انعكست على نفسيتها ...
طبعا كانوا الحاضرين مبهورين بجمال بنات ابو خالد وابو سعود ...
كانت الماس لابسه فستان زمردي روعه ..ورافعه شعرها كله فوق ومسويه مكياج خليجي لانه يناسبها مره..وقمر كانت لابسه فستان موف ضيق مشكوك شك خفيف ..ومسويه مكياج خليجي لاول مره ومغيرها كثير ..اما شعرها فكانت ملفلفته كله ..ومبين لونه الثلجي الحلو ..
اما سعاد فكانت متالقه ولابسه فستان حريري سكري يوصل لحد الركبه ..كان ضيق لحد الخصر وبعدين يتوسع من تحت طالعه فيه بريئه مره ..ومسويه مكياج روعه ..وشعرها الاسود كانت مسيحته عادي وملففه اطرافه..اما هنادي كانت لابسه فستان ترابي مدموج معه تركواز خفيف ..ومسويه مكياج دامجه فيه التركواز والترابي وشعرها مسويته كيرلي عريض ..وطالعه خطيره ..ومنال لابسه فستان زهر مع سماوي ..ومسويه مكياج خفيف وشعرها مسويه له تجعيد ..ولابق لها ..
قالت دانه لهنادي :-غريبه رنا تأخرت
قالت هنادي :-أي والله غريبه انا مكلمتها امس وتقول بتجي...
وكملت هنادي وهي تبتسم بخبث :-الا وش اخبار فارس احلامك ..وجهك يبشر بالخير
قالت دانه بمود غريب عليها :-آه يا هنوده احبه
ارمشت هنادي كم مره مو مصدقه :-نعم ..معليش اذني فيها مشاكل اقتصاديه هاليومين
بوزت دانه :-الي سمعته صحيح
قالت ببلاهه :-انتي تحبين زوجك؟
دانه :-اجل ولد الجيران !!!
هنادي :-هههههههههههههه سبحان الي يغير ولا يتغير
دانه :-هههههههههههههههههههههههههههههه هههه
تحمست هنادي للتفاصيل :-اقول لي معك قعده الليله بعد الملكه ..
هزت دانه راسها وقالت :-راكان رفض يخليني انام هنا
قالت هنادي تتطنز :-لا والله مو على كيفه ..
قالت دانه تتطنز عليها :-لا والله على كيف مين اجل
قالت هنادي تترجاها :-تكفين دانه نامي هنا
دانه :-والله قلت له بالسياره وحنا جايين ورفض
اكتئبت هنادي :-ليه ..؟
صارت خدود دانه ورديه :-يقول مايقدر يستغني عني..
هنادي:-هههههههههههههههه ياعيني على الحب ..الله يتمم لك يالغلا
ابتسمت دانه لبنت عمها الغاليه :-يسلمو قلبي ..الله يرزقك مثل ما رزقني بزوج حتى في احلامي ماكنت أتجرأ احلم بواحد مثله
قالت هنادي بقلب :-اللهم امين
؛
؛
؛
؛
><في بيت ابو احمد><
عصب احمد :-يمه شلون ما انتي رايحه اليوم ملكة عيال عمي
قالت امه بتعب (كذب طبعا) :-يمه السكر مرتفع علي وتعبانه حيل...
احمد:-طيب والاخت نوف ليه ما تبي تروح
قاطعته نوف:-امي تعبانه وبجلس معها
قال احمد يستهزء:-انتي تفكرين بشخص غير نفسك من متى ..
زعلت نوف وقالت امها تدافع عنها :-نوف حنونه من يوم يومها
كمل احمد استهزاءه :-من متى يمه...
قالت نوف..:-انـ.........
لكنه قاطعها بدون اهتمام :-يعني ماراح احد يروح منكم الا رنا
عصبت امها :-لا محدن رايح حتى رنا ..
انهبل احمد :-يمه توني جايبها من المشغل
ما اهتمت امه للموضوع :-ان شاء الله تكون جايه من وين... روحه مافيه
الا وبدخلة ابو احمد ....استغل احمد الفرصه لان رايه مو ماشي على امه في اغلب الاحيان لكنها تهاب ابوه ..
احمد:-شف يبه امي ونوف ماراح يحضرن ملكة سلطان
قال ابو احمد بجديته الي تخرع ام احمد ونوف:-نعم
ارتبكت ام احمد :-ا..ا...انـ..........ا تعبانه
عصب عليها :- ماتطيبين ان شاء الله
وناظر في نوف ..وقال يستهزء:-طبعا انتي سر امك وطبعا ماراح تروحين
انقلب لون وجه نوف اصفر من كلام ابوها ....
(كمل) :- حبيبتي رنا وينها ما يوسع صدري في هالبيت غيرها
سمعت رنا ابوها يسأل عنها وهي نازله من الدرج ،دخلت الصاله وقالت بحنيه :-عيون رنو .. نعم يبه
ابتسم ابو احمد ابتسامه غيرت ملامح وجهه الجديه :-ينعم عليك ،جهزتي..
طبعا انتبهت رنا لنظرات امها الي تقول لها مافيه روحه لكن رنا جمدت قلبها وقالت لابوها :-ايه جاهزه..
ابتسم احمد ..وقال ابوها :-يالله مشينا
طلعوا وام احمد ونوف فاير دمهن ...
قالت نوف :-شفتي يمه بنتك شفتيها
ام احمد كانت من قلب منقهره ودها تمسك رنا وتدفنها بالحيا ...
دخل طلال ..وكان كاشخ ..
قالت امه تستهزء:- وانت بعد بتروح لملكة سلطان
عرف طلال ان فيه مشكله صايره طبعا هذي عادة امه تخرب وناسة الواحد ..قال وهو يرجع :-حق وواجب..
وتصادم هو وناصر ...
طلال :-شفيك حول انت
ناصر:-هههههههههههه الله اعلم من الحول ..
طلال :-اخلص بتروح معي بسياره وحده
ناصر :-ايه ..
طلال وهو يغمز له :-يالله مشينا
فهم ناصر الاشاره وطلعوا بسرعه ..
في الشارع قال ناصر لطلال :-وش صاير ..
قال طلال بملل :-حفلات امي المعتاده
هز ناصر راسه :-لاحول ولاقوة الا بالله
طلال :-عادي تعودنا
تبخر حس المرح الي عند ناصر ...:-على قولتك ..لاتقول انهن عين يخلن رنا تحضر
ابتسم طلال :-احمد احيانا يعجبك ..علم ابوي
ناصر:-ههههههههههههههه اكيد ما اعترضت امي
قال طلال بجديه :-ايه ، اسمع لازم واحد منا يرجع مع رنو لان امي بتغسل شراعها لارجعت
ناصر وطلال يعرفون طبع امهم ويعرفون ان تصرفات وطبايع رنا ماتعجبها عشان كذا ..يكونون متواجدين دايم معها او على الاقل واحد منهم لا رجعت عشان يوقفون في وجه امهم حتى ماتمد يدها عليها ..
قال ناصر :- والله يا هالبنت عسل ماتستاهل
قال طلال وهو يشغل السياره :-الله يعجل في نصيبها
ناصر:-آمين
،
،
،
،
><في مجلس الرجال-><
قال الشيخ لسلطان :-قل قبلت
قال سلطان:-قبلت.........
الشيخ ..:-الف مبروك يا ولدي ..
ابتسم سلطان :-الله يبارك فيك ..
قال سعود واحمد الي كانوا جالسين جنب بعض :-مبروك
سلطان :-الله يبارك فيكم ..
طبعا كان سلطان يتلقى التباريك من يمين ويسار..الا وبصوت واحد من الشياب الي يقربون لهم يقول..:-يا بو سعود طلبتك طلب وابيك تقول تم
فجأة هدا المجلس وماعاد فيه صوت ..قال ابو سعود :-جالك ماطلبت يابو عبدالرحمن
ابتسم الشايب وقال :-بما ان اليوم يوم فرح ويوم مبارك ..بغيت اخطب اكبر بناتك لولدي فواز وتصير فرحتنا فرحتين
من جد هالمره هجد المجلس هجده ..تلعب فالأعصاب..
الا وبصوت احمد الي استوعب السالفه بصعوبه يقول :-لاهنت يابو عبدالرحمن ولاهنت ياعمي ..ولاهان الحاضرين اكبر بنات عمي محيره لي ...(يعني له وماراح تتزوج غيره)
انصدم سعود وسلطان وفهد ..والي اكثر صدمه الشياب ابو خالد وابو سعود وابو احمد ...بس فات اوان الاعتراض ..وبما ان كلام احمد دقه قديمه فهم يتماشى مع تفكير الشياب الي عقليتهم ماتغيرت من ايام البداوه قبل سبعين سنه ..
استوعب ابو سعود السالفه وعجبه موقف احمد :-والله يابو عبدالرحمن مثل ماقال احمد بنتي معطيها له..
هز ابو عبدالرحمن راسه :-والنعم والله فيك يا ولد نايف
هز احمد راسه :-ماعليك زود يا بو عبدالرحمن
قال سعود بعد ثواني :-ويش الي سويته مهبول انت
قال احمد ونظراته محتده بسبب الي صار :-لا ما انهبلت ..بس انا ابي سعاد
تناسى سعود انها اخته وقال :-البنت رفضتك مرتين وللحين تبيها
احمد :-القلب وما يهوى ياخوي
سعود :-هههههههههههههههه اخس يا قيس ابن الملوح
احمد :- ههههههههههههههههههه عسى بس ماترفضني للمره الثالثه
عصب سعود لكن سلطان الحنون بطبعه سبقه وقال :-هنا وخلاص مالها راي هذي فيها قبايل
ايده سعود :-جاك العلم الصحيح من سلطان هنا وخلاص مالها راي لان سمعتنا في الوجه
ابتسم احمد في نفسه..جته بارده مبرده ..صحيح انه تفاجأ وانصدم بس عرف كيف يضمن زواجه منها حتى لو ماتبيه ..
بعد شوي جلس خالد جنب سلطان وكلمه في اذنه بهمس...
قام سلطان مع خالد عشان يشوف قمر .......
:
؛
:
؛
-----<<في وقت
كانت قمر ترجف وحالتها صعبه ...قالت دانه وهي ماسكه الضحكه :-يابنت وش فيك اركدي كنك جالسه بالقطب الجنوبي
قالت قمر بعصبيه :-اوف الشمالي واليساري اتركيني بحالي
دانه :-خلاص هدي اعصابك لا تروعين الرجال
عصبت قمر ووقفت بتطلع...مسكتها دانه وجلستها وقالت بجد :-قمر اعقلي ولا تفشلينا سلطان الف وحده تتمناه لاتصيرين كذا
قمر :-طيب طيب
وبعدها بعشر دقايق تغطن خوات قمر والي مو محارم و دخل سلطان وقلب قمر يرقع ..جاء وجلس جنبها ومع الرقص والوناسه ..التفت ولقاها تناظر بالارض..
قال يمزح بصوت واطي :-قمري ليه منزل راسه ؟
ولعت خدود قمر ....(قمري) لا ياقليل الادب
قال وهو يبي يحرجها :-اه يازين الحيا
وزادت خدود قمر ...حمار........
قالت سعاد بلهجه لها معنى :-خف على البنات ، شوي وتشب نار وتحترق
ضحكن البنات وضحك سلطان ..اما قمر جالسه تتحلف في سعاد
قالت الماس لسلطان :-مبروك يا سليطين والله وجا اليوم الي بتحقق امنيتك وتتزوج
ضحك سلطان :-الله يبارك فيك تصدقين ماني مصدق للحين ..
الماس:-هههههههههههههه لا لا صدق
لبس سلطان قمر الدبله وطقم الالماس الي جايبه لها ...
اشر سلطان على سعاد تفضي لي الجو ..طبعا سعاد جلست تتغيبا وقالت هنادي بدفاشه :-مالت عليك الرجال بيجلس مع مرته بلحاله ..
خافت قمر ورفعت راسها بسرعه قال سلطان:-لوداري انك راح ترفعين راسك اول ما تتكلم هنوده كان من زمان خليتها تحكي
ضحكت هنادي....وفهمن البنات الاشاره وطلعن ..
ياشين هالموقف جلست قمر حالتها حاله ..مرتبكه لاخر شي ..
قال سلطان برقه وهو يمسك يدها :-تدرين يالغاليه من كم شهر وانا احلم بهاليوم
هزت قمر راسها وماردت ...
قال يكمل بحنيه :-من اول يوم شفتك في المطبخ
ابتسمت قمر شوي ولاحظ سلطان ابتسامتها
قال يكمل:-هههههههههه اذكر يوم تجرين الباب المسكين بغيتي تخلعينه
ضحكت قمر بنعومه ..قال وهو شكله متوله :-آه يازينها من ضحكه ..
شوي الا وخالد داخل عليهم ...انقهر سلطان ولاحظ خالد هالشي وانبسط
خالد (يبي يقهره) :-اقول يابو نسب ماودك تطلع الرياجيل يسألون عنك
همس سلطان :-سأل عنهم ابليس ان شاء الله
ضحكت قمر ومسك سلطان يدها بقوه وكأنه ماراح يتركها ...
قال خالد :-ياهوه ..صدق انك جبله وماتفهم التلميح يالله قم ... صار لك ساعه هنا
سلطان :-اشوف فيك يوم ياخويلد ..وبعدين كيفي هذي مرتي
شمر خالد عن ايدينه وقال :-بلا مرتي بلا جدتي ترانا قبايل مابقى الا وتقول خلها تطلع معي مقهى ولا مطعم
قال سلطان يبي يقهره :-عادي وش فيها
خالد :-احلف بس
وجاء يمشي يمه ..باس سلطان يد قمر الي استحت مره وقال :-وش اسوي يالغلا لو بيدي كان خطفتك ورحنا بعيد عن الناس بس يالله حكم القوي على الضعيف
وقف سلطان وطلع مع خالد الي كان يضحك على شكله وهو معصب ...
وكانت قمر مسمره مكانها ..تناظر في يدها الي كانت دافيه من لمست يده ..
كل خوفها كان اوهام بالعكس كان انسان طيب ومرح ..وكان كلامه معها حلو ..باين انه يحبها كثير ابتسمت لما تذكرت كلامه ..بس لسى تنفر منه ..اكيد انها مريضه ولا مو طبيعيه اكيد..

&&&&&&&&&&&
(الجزء الرابع)

><بيت ابو خالد-الساعه 1 بالليل><

راحو المعازيم ..وجلسن البنات بسولفن ويعلقن على العزيمه ..
قالت هنادي :-رنو ليش تاخرتي اليوم
قالت رنا :-ا..امي كانت تعبانه .....
غيرت دانه السالفه لان شكل هنادي الدفشه ازعجت رنا بسؤالها :-اقول رنو الاسبوع الجاي فيه عزيمه في بيتي لازم تحضرين
ابتسمت رنا :-اكيد مايحتاج تقولين لي...
ثم دق جوال رنا الا وهو طلال يقول لها تطلع له ...قالت رنا وهي توقف :-طلال برى اشوفكم على خير
الا وجوال دانه يدق...
راكان :-حياة الروح ..مشينا
دانه ووجهها منور بسماع صوته :-ايه يا حياة حياة الروح
ضحك وقال يمزح :-على هونك ..ارحمي اعصابي
حمرت خدودها :-يالله جايه
قالت هنادي تعلق :-ياعيني وش الي قاله وخلاك تولعين كذا
رمتها دانه بمخدة الصوفا :-مالك دخل
الماس:-بتروحين
قامت دانه :-ايه راكان برى ..
سعاد :-الحمد لله اليوم اربعاء بدري وشفيك انتي ورنا صدق انكم عجز
ضحكت رنا وقالت :-عاد لاصار حبيبك عسل لاتلحسه كله..يالله طلال مو صبور باي
قالن البنات كلهن:-باي
وبعد ماطلعت رنا ...
قالت سعاد :-نرجع حق محور حديثا لسى بدري
ضحكت دانه وقالت:-عارفه انه بدري بس الشكوى لله راكان شقيان من صباح ربي
هنادي :-رجلك موسوس احد يشتغل وهو ماله الا اسبوعين متزوج
سعاد تقول لهنادي :-ياشين اللقافه ...روحي لزوجك ماعليك منها ماعندها سالفه
ضحكت دانه :-لاتوصين
قالت الماس :-طيب متى بتجينا
دانه :-هاليومين بس ودي استقر اول ..يالله سلام
وطلعت دانه ..
تذكرت الماس انها تبي تسأل دانه عن شي وطلعت تركض وراها ...
طلعت برى للحوش الكبير ولقت سيارتهم مو فيه ..وفجأه رفع رجال راسه وطاحت وشافها واقفه ..
دقت الماس على دانه وما انتبهت للرجال الي ماشي لجهتها..
دانه :-هلا الماس..عارفه نسيت اعلمك المحل الي تبغينه تلقين كيسته بدرج ملابسي القديم واسمه عليها
الماس وهي تبتسم :-طيب تمام ..تعرفين بلايزهم تجنن..يالله سلام
قاطعها صوت :-سلام
طاح الجوال من يد الماس وانكسر ..
جمع سعود قطع الجوال ووقف يتامل حبيبة قلبه وهي متألقه كالعاده ...
قال وهو يطلع جهازه من جيبه :-شخبارك
دمعت عيونها :-بخير
وفك شريحته وحطها بجيبه ..ثم ركب شريحتها في جهازها وشغله وعطاه لها ...
اخذت الجوال بدون ما تتكلم ...
قال وهو يعطيها ظهره ويمشي :-يالله سلام
قالت بهمس ودها تخليه معها اطول وقت ممكن :-سعود
التفت بسرعه وكأنه نسى انها جرحته قبل كم يوم :-عيونه
سالت دمعتها :-وش اخبارك
قال بحزن:- وش شايفه
ناظرته ..كان باين انه تعبان مره...
قال بحزن كبير :-ياترى كيف دنياك بدوني ..هي مثلي حزينه ومالها معنى
كانت تبي ترمي نفسها بحضنه..تضمه لصدرها ...وماتتركه ابد..
لكن الدنيا أظلمت بعيونها ودارت بها الارض.......ثم أغمي عليها ..ومسكها قبل لا تجي الارض...صرخ :-الماس
الا وبطلعة البنات على صرخته ...انهبلت سعاد وهنادي :-الماس
وركضت قمر تنادي امها ....
جت ام خالد وام سعود وهن مرتبشات وحالتهن حاله ..جلست ام خالد تبكي :-ياويلي على بنيتي
عصب سعود وشالها :-لا تفاولين عليها يا عمه
وصرخ :-جيبو عبايتها بوديها المستشفى
غابت قمر ثواني ورجعت بسرعه ومعها عباية الماس ..
وبسرعة البرق دخلها سعود السياره ومعه امه وام خالد ....
جلست قمر تبكي وسعاد ضامتها وتبكي معها ..وهنادي ومنال مصدومات وخايفات مره...
؛
؛
؛
؛
؛
><في بيت ابو احمد><
قال طلال وهو يدخل مع رنا :-ادعي تكون الحكومه نايمه
قالت رنا بخوف :-نور الصاله شغال وهذا يعني انها تنتظرنا
عصب طلال :-لاحول
قالت رنا بحزن :-عادي طلول خلنا ناخذ الي فيه النصيب ونخلص
دخلت رنا البيت وطلال وراها ..الا والكف الي يجيها على وجهها ..ولولا وجود طلال وراها كان طاحت ..
قالت امها بعصبيه وعيونها حمر :-مره ثانيه تعوديها تعصين لي كلمه
قال طلال :-يمه وين حنا فيه ..رنا مو بزر تضربينها
صاحت فيه :-انت مالك دخل خلك هايت اصرف لك لا شغل ولا مشغله
حزت بخاطر طلال وقال :-هه نسيتي تسأليني اذا كنت توظفت ولا لا ..لكن لا صح انتي ماتهتمين فينا ابد من يوم ما انولدنا ..وانتي راميتنا على المربيات الي كانن احن علينا منك..انا احمد ربي ان جدتي كانت موجوده وربتنا على المرجله وحنا صغرا ولا كان دجينا..
جلست رنا تبكي وهي ماسكه ثوبه من قدام وتهزه :-تكفى طلال اسكت
الا وبدخلة احمد :-خير ان شاء الله صراخكم واصل برى
طلعت رنا غرفتها تركض ودموعها تسيل...اما طلال طلع من البيت معصب ومايشوف قدامه ..
عرف احمد وش الموضوع ..
قال لامه وهو يهمس عشان مايعلى صوته على صوتها :-حرام عليك يمه الي تسوينه فينا والله حرام يعني نهج ونترك لك البيت
ناظرته امه .نظره وطلعت غرفتها عادي...
قفلت رنا الباب عليها ...ونفسيتها تعبانه...جلست تبكي كالعاده دايم..ياربي ليه امي تكرهني ..ليه ..انا ياما حاولت اتقرب منها ..بس ماكانت تصرفاتي تعجبها ولا لبسي ولا صداقاتي ..لدرجة اني جلست طول عمري اتخلى عن أي بنت ابدأ اسوي معها صداقه عشان ماتزعل علي ..ولكن مافيه امل مافيه امل
دخل ناصر البيت ..ولقى احمد واقف متسمر ووجهه اسود :-عسى ماشر
قال احمد وهو يطلع غرفته :-الموال المعتاد..دق على طلال طلع زعلان هده وخله يرجع
هز ناصر وراسه ...وطلع الجوال من جيبه..دق ولقى رقمه مقطوع...
قال لاحمد :-عطني جوالك رقمي مقطوع
طلع احمد جواله وعطاه لناصر..:-مافيه ابراج اشحنه
راح احمد غرفته وناصر راح للصاله عشان يحط الجوال بالشاحن...
:
؛
:
؛
((في نفس الوقت))
تجمعوا الناس على سياره صادمه لها عمود كهرب...وثواني الا والشرطه واصله..
قال الضابط :-لاحول شكل الرجال سلم الروح
هز الشرطي راسه:-صدمته قويه والدم في كل مكان ...شكله سلم
قال شيخ المسجد الي كان رايح للمسجد يتسنن ويصلي حتى موعد صلاة الفجر :-لاحول ولاقوة الا بالله ..طلعوا الرجال يمكن حي
هز الضابط راسه :-اظنه سلم..وحنا ننتظر الاسعاف والدفاع المدني عشان يفكون الحديد عجزنا نوصل له ..
الا وبوصول الاسعاف والدفاع....
وبعد وقت طويل من تقطيع الحديد والمحاولات المستميته...قدروا يفكون الحديد...
قال الطبيب :-بسرعه نبضه ضعيف
قال الشيخ:-كيف حالته
هز الطبيب راسه :-ماظنيته بيصمد لين نوصل المستشفى شكل عنده نزيف بالمخ
وطلع الضابط اوراقه الثبوتيه من جيوب ثوبه...
حزن وقال :-لاحول عمره 23 سنه الله يصبر اهله ..على مصيبتهم
ورجع يكلم الشيخ :-ياليت ياشيخ تكلم اهله ..
هز الشيخ راسه ودمعته برمش عينه ..ثم قال :-وش اسم الرجال
الضابط:-طلال بن نايف بن سبع
×
*
×
نزل احمد من غرفته بعد ما اخذ شاور وغير ملابسه ولقى ناصر قلقان :-كلمته
قال ناصر بخوف:- جواله مقفل
عقد احمد حواجبه :-مقفل
قال ناصر وهو يحس بيدينه بدت ترجف :-احمد طلال عمره ماقفل جواله ..
خاف احمد وقال يبي يخفف عن نفسه اكثر من ناصر :-يابن الحلال تفائلوا بالخير ..يمكن خلص شحنه
قال ناصر:-انت تعرف طبع طلال دايم معه بطاريه مشحونه احتياط...
سكت شوي ثم قال :-احمد قلبي يعورني..
سكت احمد الا وجواله يدق...
قال ناصر بسرعه :-من طلال
هز احمد راسه :-رقم غريب
قال ناصر :-رد يمكن طلال يدق من جوال واحد من ربعه
رد احمد وقلبه يعوره :_هلا
الرجال الي على الخط الثاني:-السلام عليكم ورحمة الله وبركاته
احمد :-وعليكم السلام والرحمه
الرجال المتصل :-هذا جوال احمد بن نايف
تمسك احمد في الجدار وقال بهمس:-طلال صاير له شي...
قال المتصل :- اخوك صار له حادث ونقل للمستشفى (............)
قال احمد وهو يرجف :-هو حي
تردد الرجال وقال :-ياولدي اذكر الله ..
صرخ :هو حي
مالقى الرجال الا يعلمه بالحقيقه :-الدكاتره بيسوون الي عليهم والباقي بيد الله
سكر احمد الجوال وركض لغرفته ...وناصر متسمر في مكانه ودموعه تسيل...
نزل احمد .ومفتاحه في يده وشماغه في اليد الثانيه
قال ناصر :بروح معك
احمد :-لا اجلس هنا
صرخ ناصر :-بروح
طبعا احمد ماعنده وقت يتناقش معه ..وركبوا السياره سوى....
،
/
:
/
،
(((في نفس المستشفى)))
قالت ام سعود لولدها :-يمه اجلس صارلك كم ساعه وانت رايح راجع
قال سعود والخوف على الماس معميه :-مقدر مقدر
جت بتتكلم امه الا وبطلعة الدكتور..:انت زوج الماسه
قال سعود بسرعه :-الماس ايه انا زوجها
قال الدكتور وملامحه ما تطمن :-تفضل معي لمكتبي لو سمحت
وقال يكلم ام خالد وام سعود :-ياليت ياخالات تجلسن هنا شوي ابي الاخ بلحاله
قالت ام خالد وهي تبكي :-ياوليدي هذي بنتي
قال الدكتور:-قل لن يصيبنا الا ماكتب الله لنا
وراح يمشي وسعود وراه ...
قال الدكتور بعد ماجلس في مكتبه ...:-شف ياخوي..الرسول صلى الله عليه وسلم قال (ان الله اذا احب قومآ ابتلاهم)
كان سعود جالس مستوعب ومو مستوعب...وش موجب هالكلام اكيد فيه مصيبه
كمل الدكتور :-زوجتك مصابه بسرطان الدم
قال سعود بصدمه :-نعم
رحمه الدكتور وقال بهدوء ورقه :-سوينا تحاليل دم وطلعت النتيجه ان زوجتك مصابه بسرطان الدم والحاله للأسف متاخره كثير ..ماينفع معها لا كيماوي ولا علاج ولا ابر..
مازال سعود مصدوم ...:-الماس مصابه بسرطان الدم..
قال الدكتور :-النتيجه بين يديني ..والتحاليل طلعت بدري بفضل اجهزه متطوره تونا جايبينها من برى والأجهزه هذي ما تخطي ابد ..
مازال سعود مصدوم..قال الدكتور يواسيه :-الله معك ياخوي مالك الا الدعاء..
وطاح سعود مغمى عليه...
ركض الدكتور واستدعى الممرضات..ونقلوه لغرفه...
ام سعود وام خالد لما شافن سعود .طالع من غرفة الطبيب على سرير ..يدفونه ممرضات بسرعه..عرفن ان فيه مصيبه..
مسكت ام سعود الدكتور وقالت له ودموعها تسيل:-ولدي وش فيه ..
قال الدكتور بسرعه :-اعذريني ياخاله لازم نستدعي الطبيب يجي يشوفه اظنه انهيار عصبي
وراح الدكتور بسرعه...
وبعد وقت طويل..اكتشفوا انه مصاب بانهيار عصبي حاد..وانه بيبقى غايب عن الوعي كم ساعه..
الطبيب لما شاف حالة ام سعود وام خالد اخذ جوال سعود ودق على ابو سعود
ابو سعود وهو توه راجع من صلاة الفجر :-نعم
الدكتور:-السلام عليكم
استغرب ابو سعود :-وعليكم
الدكتور:-معك الدكتور حسن من مستشفى (........)
خاف ابو سعود :-خير
الدكتور:-خير ان شاء الله بس ولدك سعود مريض وودنا تجي تطلعه على مسؤليتك
انصدم ابو سعود :-سعود علامه وش فيه؟
قال الدكتور يبي يهديه :-مابه الا كل خير بس انهار من قلة الاكل والنوم وهو الحين بخير بس نبيك تجي تطلعه
سكر ابو سعود جواله...وطار على المستشفى ونسى زعله عليه..!!!!!!!!!

************

الفصل الثامن

(الجزء الاول)

><بيت راكان-الساعه خمس ونص الفجر><

التفت راكان لدانه الي كانت تتقلب بالفراش وشغل النور :- دانه فيك شي..؟؟
جلست دانه وقالت وهي تحس بضيق:-لا مافيني الا العافيه..بس ما جاني النوم ..
سحب نفسه وجلس...جنبها..
قالت له :-انت تعبان ولازم تنام
قال بحنيه :-كيف يجيني نوم وانت سهرانه
ابتسمت له بحب :-الله لا يخليني منك ..
مسك يدها بيده ..وابتسم لها بحنيه..تذكرت دانه شي وقالت له :-قبل مانروح الملكه قلت لي بيننا كلام وشهو..؟
راكان:-ايه بيننا كلام بس لاننا رجعنا متأخرين قلت ااجله لبكره..
قالت دانه :-هذانا صاحين وماعندنا شي ..
قال راكان :-على قولتك..
سكت شوي...ثم قال بجديه :-ابي منك وعد تسمعيني للأخير وتفهميني
رجعت دانه شعرها ورى بيدينها وقالت :-ان شاء الله وعد..
ابتسم وقال :-انتي تزوجتيني وانتي ماتعرفين عني شي .. ماتعرفين وش المشاكل الي صارت لي وانا صغير بأول العشرينات..(دانه طبعا كانت متذكره كل كلمه قالتها لها ام راكان بالنادي عنه ..بس حبته هو يتكلم عن نفسه ويحطها معه بالصوره )..اول ماتخرجت من الثانوي جبت نسبه كبيره ..تأهلني لو بغيت ادرس طب ..لكني على صغر سني كنت مقدر ان املاك الوالد وثروته في الأخير بتكون لي ولازم اكون مستوعب لهالمجال وطبعا..قررت ادرس ادارة اعمال لاني وحيد ابوي ولانه راح يحتاجني..وابوي الله يرحمه فرح بقراري وارسلني لجامعه هارفرد وجلست ادرس فيها كم سنه وكنت ناوي اكمل الدكتوراه...
انصدمت دانه :-معك ماجستير !!!
راكان:-ههههههههههههه وش فيك منصدمه ايه معي ماجستير
جلست تضحك :-ههههههههههه شكلي خبله طيب يالله كمل
ابتسم وقال:- ولما بديت التحضير لرسالة الدكتوراه ..جاني الخبر الفاجعه ..ولولا الله ثم وجود صديقي محمد كان استخفيت..(تغير صوته شوي ، هذا الشي مافات دانه الي من كثر حبها له..تألمت لحزنه كثير حست مثل السكين الي تنغرز في قلبها بدون رحمه ...جت جنبه وضمته وظلت بحضنه ، ظمها بقوه ورجع يكمل كلامه ) رجعت الرياض وآه وبديت احارب يمين ويسار ليومك هذا
رفعت راسها تناظره بدون ماتفهم....ثم كمل :-لقيت اعمامي قالبين الدنيا فوق تحت يبون الورث الي كان نصه مكتوب باسم امي ونص باسمي سبحان الله كن ابوي داري عن قلة أصلهم ..ومع كذا مانساهم وعطى كل واحد من الخير والفلوس الكثير ..تخيلي كنت توي راجع من غربه وفاقدن ابوي...وفي الأخير اضطريت اواجه عماني واحط لهم حد و اوقفهم عند حدهم عشان احافظ على حلال امي وحلالي..امي الي ماقدروا حزنها ولا مصيبتها ..
قالت دانه بصدمه :-يا الله .. معقوله فيه ناس كذا
ضحك راكان بدون نفس :-فيه فيه ..(وقال يستهزء) لا انتي ما سمعتي الجزء الحلو من القصه
كشرت وقالت :-اشين من كذا
راكان:-هههههههههههههههههههه بمية مره
دانه :- الله يستر
راكان :-طبعا من اول يوم دخلت السوق وعماني يضربوني يمين ويسار في البدايه قدرو يغلبوني لكن كل ضربه تجيني تقويني وخصوصا مع وقفة اصدقاء ابوي معي وعلى راسهم ابوك
ناظرته دانه :-ابوي انا
ابتسم :-ايه ابوك انتي ماخلاني ولادقيقه وعلمني اساليب السوق واساليب الوالد الله يرحمه وماقصر معي بشي...
قالت ببراءه :- توني ادري صراحه
راكان :-ابوك من النوع الكتوم وهذي الصفه بحد ذاتها كتاب يتعلم الواحد منه ...المهم قوا عودي وصرت ند لهم وكثروا حلفائي وصاروا قبل لا يبدون برسم خطه تضيعني اكون عرفتها .. وبالتالي اقلبها فوق روسهم وجلسنا على ذا الحال ست سنين ...
تحمست دانه :-طيب وش صار بعد ست سنين
رجع شعره بيده وقال يستهزء :- هنا يبدء الاكشن ...كنت مره رايح لموعد عمل قريب من حارة عماني الي ساكنين فيها ..واذن المؤذن للصلاه فاضطريت اصلي بمسجد الحاره..وقفت سيارتي ورى المسجد ..ورحت امشي على رجولي صليت وبعد الصلاه وانا طالع شفت عمي حمد وواحد من عماني يمشون قدامي..وسمعتهم صدفه يتكلمون عن خطه بتخلي ثروتي تصير لهم وحزري وشهي الخطه
طبعا دانه معروف عنها سرعت بديهتها وهي حست بإحساس يقول لها ان ساره لها يد بالموضوع قال بتردد :-ساره لها دخل بالموضوع
قال راكان يمزح :-ماشاء الله عليك فطينه
دانه :- هههههههههههه اعجبك ..ولو ان سيرة شينة الحلايا تقهرني
انصدم راكان من تعليقها :- هههههههههههههههه تغارين علي
ناظرته دانه بنص عين :- مالك شغل
ضحك راكان وقال يتوعد :-بعد ما اخلص من مأساتي بركز على نقطة الغيره هذي
ابتسمت دانه غصب عنها وكمل هو كلامه الي قبل :- طبعا الخطه هذي هي تزويجي ساره ..(وقبل لا تسأل كيف جاوب) تعمد عمي احراجي بمجلس كله رجال وقال.. عطني يدك ولما عطيتها له قال: ساره جتك عطيه ما من وراها جزيه وانا وافقت
قالت بقوه :-بعد كل الي سمعته
هز كتوفه بلا مبالاة وقال :-كان عمري وقتها ثلاثين ولا نويت اتزوج لاني مشغول ولازم اسافر بشكل متواصل يعني ماعندي وقت حتى افكر في الموضوع ..والسالفه جتني بارده مبرده عاد انا قلت لازم اكسر الروتين شوي واستانس وانا اراقب محاولاتها هي وابوها عشان ياخذون حلالي...
هزت راسها بدون رضى :-ماعندك سالفه ..انت ماخذ الموضوع لعب
قال :-اصلا السالفه ماطالت الا وانا مطلقها
عصبت دانه :-تخيل لو انها حملت منك ساعتها وش بتسوي
ابتسم وقال :-ساره ماتحب الاطفال وانا بذاك الوقت ما كنت ابيها تكون ام عيالي ..واتفقنا ان مافيه عيال الا بعد كم سنه ..
انقهرت دانه (اصلا فكرت انه كان متزوج بغيرها ترفع ضغطها ) ...وقالت :-حاسب حساب كل شي
حس راكان انها تضايقت وقال يمزح :-حسن التدبير والتفكير من سماة رجل الاعمال الناجح وانا ناجح فعملي..فلازم اكون ناجح في حياتي الشخصيه..
ابتسمت دانه غصب وقالت :-اقول عن الفلسفه الزايده...
راكان:-ههههههههههههههههههههههههههه يازينك لا عصبتي
ضحكت دانه من طريقة تغييره للموضوع ..وقالت بتردد لان الفضول مو من صفاتها لكنه يصير منها اذا تعلق الموضوع براكان :-ممكن اعرف ليش طلقت ساره
قال راكان :-لك كل الحق انا وانتي واحد يالغلا
استانست دانه من رده....وجلس يعلمها بكل شي من كثر طلعاتها برى البيت .......لين اليوم الي لقى فيه الشرايح حقت الجوال والمستندات المسروقه ...
جلست دانه مصدومه بقوه ....وبعد فتره قالت :-مو معقوله الشي الي قاعده اسمعه
قال راكان بقوه :-صدقي ...وتوقعي أي شي منها
قالت دانه والغيره بتموتها :-تدري يوم الزواج بغيت اقوم عليها وامسكها من شعرها ..كيف ما استحت وتغطت عنك
جلس راكان يضحك من عصبيتها...
وانقهرت دانه وقالت :-ايه مبسوط (وجلست تغير صوتها) .....اهداء للعريس من ناس يحبونه ........ورى ما جابت المملك مو احسن تختصر
راكان:-هههههههههههههههههههههههههههههه هههههههههههههههههههه
قال يبي يقهرها:-اموت على الغيره والي يغارون هههههههههههههههههههه
ناظرته دانه بنص عين ....قال هو بجديه ولو ان الضحكه بعيونه :-وش تكون سوير جنبك .. مدام معاي القمر ,,مالي ومال النجوم
استانست دانه من غزله فيها...وقالت بدلع وخوف :-تتكلم جد
ناظرها راكان مو مصدق :-وجد الجد انتي ماتعرفين وش تسوين بحياتي ...تدرين اني أحس سنين عمري قبل ما اعرفك ضايعه
دمعت عيون دانه وقالت تمزح عشان تخفف الجو :- ما توقعت اني راح ألقى السعاده بعد الي شفته من ولد عمتي
شافت دانه طيف السؤال بعيون راكان...لا مو سؤال عشرين سؤال...
هي عارفه ومقدره أهمية اللحظات الي يعيشونها الحين..وخصوصا صراحته ، تقدر تقسم انه ماقد تكلم عن الي فخاطره بهالتعمق مع غيرها ولازم تقدره وتبادله ثقته..
قالت له وهي تحس ببروده تسري بجسمها :- عارفه ان عندك ألف سؤال وسؤال عن حياتي مع قليل الخاتمه الي كنت متزوجته
قال بهدوء (ظاهري فقط):-مو لازم تتكلمين اذا كان الموضوع يضايقك
شدة يدها على يده وقالت والثقه تلمع فعيونها :- مو انا وانت واحد ..كلنا مرينا بتجربة فظيعه مع ناس ما يستاهلون انت ساره استنزفت منك الصبر واستنزفت منك الماده..انا استنفذ مني (...........) الثقه الايمان بالاخلاص والأهم الحب....يمكن يكون كلامي رومنسي زياده عن اللزوم بس..........
حس راكان بضيقتها...بس عرف انها راح ترتاح للأبد لو تكلمت وفضفضت..لان الكبت مو زين ابد ..
كملت..:_........كنت نعم الزوجه له عمري ما قصرت بحقه وكلن يحسده علي مو غرور ولاشي ..بس كنت مثاليه معه ومتفهمه ..وجازاني بأني ألقاه مع السيرلانكيه في غرفة نومي...
لعن راكان بقوه والتفتت دانه له..وابتسمت :-لا تعصب الانسان ذا ما يعنيلي شي...الموضوع هز يمكن ثقتي بنفسي لا اكثر ولا اقل ..
انصدم راكان من جد صدمه..كان متوقعها بنت مدلعه ..لكن الي يسمعه ..لو ينحط على جبال انهد ..كانت ترجف وهي تتكلم والجرح في كل كلمه قالتها ينزف بوضوح ..بس الي ريحه اكثر انه هو من ملك قلبها وهذا شي ما يتثمن بثمن..
قال راكان بندم :-سامحيني يالغاليه ..لاني اخطيت بحقك اول ايام زواجنا
ابتسمت دانه :-تدري حسيت بشي ينفرك مني اول ايام الزواج بس ماكنت ادري وش السبب
قال راكان باكتئاب ولمحة مرح:-اخاف اقولك تتوطين في بطني ..
ماقدرت دانه الا وتبتسم :-عليك الأمان... تمام كذا
جلس راكان وجلسها مقابل له ومسك يدها وقال :-زواجي من سوير خلاني افقد ثقتي بكل البنات ..وطول السنوات الخمس الي بعد طلاقنا وانا اتجنب الارتباط ..وفي يوم كنت معزوم عند شخص عزيز علي وانا جالس بمجلسه الا ودخلت وحده قلبت لي كياني فوق تحت ...خلتني ما انام الليل ولا اهتني بالنهار ..ومع كل هالشعور الي بقلبي لها الي صار لي مع ساره مازالت اثاره معلمه بقلبي ...
كانت دانه تستمع فيه بتركيز وقلبها يرقص بداخلها ..ابتسمت :-كمل بدى الكلام يحلى
راكان:-ههههههههههههههههههههه
قالت دانه :-غريبه كيف تزوجتني وانت بين شعورين كل شعور ضد الثاني...
تنهد راكان :- امهاتي في الطالعه والنازله مالهن سيره غيرك..كنت منقهر هو انا قدرت انساك حتى يذكرني ..وتنكدت عيشتي علي ..وبدون شعور قلت خلاص بتزوجها ..وضعت في الطوشه...ههههههههههههه قلبي اخذ موقف بدون ما يشور عقلي
قالت دانه ببعد نظر اعجب راكان :-عشان كذا كنت تنفر مني بعض الاحيان
مسك راكان يدها بقوه وقال :-لا تلوميني يالغاليه الي شفته موهين ..انا اقنعت نفسي ان امهاتي هن الي اجبرني اتزوجك لكن التعصيب كله عشان اداري حقيقة اني من كل قلبي كنت ابي اتزوجك وتخيلي الي صار لي مع ساره اثاره باقيه في نفسي هذا وانا ما احبها فما بالك لو كنت احبها وتاذيت كيف بيكون شعوري وكيف بتكون حالتي..كنت احسب الحب ضعف وانا بعمري ما كنت ضعيف..عشان كذا الدلال والجمال كلها اشياء كانت ضدي..تذكرني بسوير لكن خلال ايام عرفت ان الانسان ثمنه من جوهره وانتي ما تتثمنين بثمن لانك احسن شي صار بحياتي ...
قالت دانه و عيونها مدمعه :-الله لا يحرمني منك يارب ..ما اتخيل حياتي بدونك ولا يوم واحد اليوم وانت بالدوام بغيت انجن بس ماله وطفشانه ومتضايقه
راكان:- ول ول كل هذا
دانه :- واكثر
ابتسم :-ألو وحده وتلقيني قدامك
ضحكت دانه :-مابغيت اشغلك
راكان :-هو انتي تاركتني بحالي اصلا طول اليوم اتخيلك حتى اني انسحبت من اجتماع مجلس الاداره لاني مو قادر اركز
دانه :-هههههههههههههههههههههههههههه
راكان :-هاه سامحتيني
قالت دانه وهي متأثره وفي كل دقة قلب تكرر احبه والله احبه :-اسامحك على ايش على حبك لي ..هالشي الي تمنيته عمري كله ولا على صراحتك معي الي لو غيرك ما حط للموضوع أهمية ولا اعتبار ولا على ايامي الي اشرقت بنور حبك بعد ما كانت ظلمه وكلها سواد..
سكت راكان وهو متأثر من كلامها ورقتها وصدقـــــــها ..صدق انه كان غبي هذي الانسانه هي نفسها الي كان متأزم من زواجه منها ..
كملت دانه :-مقدر اقول الا انك هناي وسعادتي ..تصدق حسيت بمعنى بيت الشعر هذا..
ياليتني بينك وبين المضـــــره
من غزة الشوكه لسكرة الموت
قال راكان بقوه :-جعل يومي قبل يومك لاتقولين كذا..(كمل يمزح عشان يلطف الجو ويكسر جديته ) وراي دوام لازم ننام ..
ضحكت دانه وهي عارفه ان النوم اخر شي يفكر فيه الحين........ ^_^
،
،
،
،
،
،
><بالمستشفى –قسم الطوارئ><
جلس احمد وهو على اعصابه...بينما ناصر جالس جنبه وماهو قادر يمنع دموعه الي كانت على غفله منه تتسرب ..
قال بتوتر:-احمد صار لنا كم ساعه هنا ولاحس ولاخبر ياخي اعصابي مو مستحمله
قال احمد بهدوء ظاهري بينما القلب من داخل يدق مليون مره في الثانيه :-عمليته صعبه
قال ناصر من بين دموعه :-صدق ان فرص نجاته شبه معدومه
قال احمد بقوه :-فالك ما قبلناه مافيه شي يصعب على ربك سبحانه
ناصر :-ونعم بالله
(طبعا لما وصلوا المستشفى كان طلال بغرفة العمليات لان لازم يوقفون النزيف الي بمخه ..وملامح الجراح ما تبشر بالخير حتى هو قال لهم يستعدون نفسيا لاي نتيجه..طبعا ناصر انهار من البكي اما احمد فسنه وخبرته بالحياه خلته يوقف جامد قوي..صحيح ان القوه شي حلو وينحسد عليه لكن القلب بيكون شايل هموم الدنيا وبالالم غرقان ..والاقسى ان مافيه وسيله تفرغ شحنة هالالم الي وجعه ما مثله وجع ..)
جلس احمد يراقب الرايحين والجايين بقسم الطوارئ لان ممنوع التواجد بقسم العمليات ففضلوا يكونون بالطوارئ حتى يقدرون يعرفون نتيجة العمليه بسرعه..
كان احمد غرقان في افكاره الي توديه يمين ويسار الا وهزة ناصر ليده ..
ناصر:-جوالك يدق
انتبه احمد للجوال وطلعه من جيبه وتسمر مكانه ...
قال ناصر لما شاف ملامحه :-خير ان شاء الله مين ؟
قال احمد بتبلد :-ابوي
صرخ ناصر :-لاترد عليه
قال احمد بجد :-لازم يعرف
قال ناصر بتأثر :-ماراح يتحمل يا احمد ضربتين بالراس توجع ما حنا بناقصين
لكن احمد كان عنيد :-هلا
دخل ابوه في الموضوع على طول :-وينك ورى ماجيت للدوام وناصر وينه وطلال عمله داقين يسألون عنه
ضبط احمد اعصابه وقال :-طلال صار له حادث وحنا بالمستشفى الحين
انصدم ابوه :-وشهو طلال صار له حادث
احمد :-ايه
ماعطاه ابوه فرصه وقال له :-بأي مستشفى انا جاي
علمه احمد عن اسم المستشفى ..والقسم
قبل لايسكر ابوه قال بحزن ماخفى على احمد :-وش اخباره
عرف احمد ان ابوه يقصد طلال..فقال بالطف لهجه ممكنه :-وكل امرك لله يبه وان شاء الله خير
سكر ابوه الجوال وسند احمد ظهره للجدار..وقلبه يتقطع على اخوه الي توه في اول شبابه وهو مرمي في غرفة العمليات بين الحياء والموت ..
ناظر احمد ناصر المنهار جنبه وقدر حزنه لكنه ما منع نفسه يقول :-اضبط اعصابك ياناصر انت رجال
تمالك ناصر نفسه ..احمد مو ناقص وابوه بيجي بعد شوي ومو ناقص مآسي ..
فز ناصر من مكانه بسرعه وقال لاحمد هذا مو الجراح الي مكلف بعملية طلال..
ناظره احمد زين وقدر يتعرف عليه على الرغم من لبسه الازرق ..
احمد :-الا هو
ناصر:-اكيد العمليه انتهت
وقفوا وراحوا للطبيب الي كان يوقع اوراق بالاستقبال ..حس الطبيب بوجودهم والتفت ..
قال احمد والخوف يتجلى بوجهه :-بشر يادكتور
حس الطبيب ان المكان مو مناسب للكلام وخصوصا للصدمه الي راح تواجههم ..فقال :-يا اخوان ياليت تتفضلون معي لمكتبي
انقلب لون وجه احمد وجلس ناصر يرجف..مشوا مع الطبيب بدون ولاكلمه ..
قال الطبيب بعد ماجلس على مكتبه وجلسوا قبالته ..:-والله مدري كيف بقولكم الخبر بس اعرفوا اني الي كاتبه الله بيصير وان كل شي مقدر وله حكمه ..
كانوا على اعصابهم ......
كمل الطبيب:-هو الان بالعنايه الفائقه ..واذا عدت الاربع وعشرين ساعه الجايه على خير بيتعدى مرحلة الخطر
عرف احمد من وجه الطبيب ان فيه شي ...
قال احمد بتردد شبه ملحوظ :-اظن فيه شي مانعرفه يادكتور صح
ناظره الدكتور وكان يشد على القلم الي بين ايدينه دلالة على انه يلاقي صعوبه في الكلام قال بتردد :-ماودي استبق الامور بس ......انا شبه متاكد ...........
صرخ ناصر :-وشهو
ناظره احمد بقوه عشان يتماسك ويحترم الطبيب
قال الطبيب :-اظنه بيفقد حاسة من حواسه
انصدموا احمد وناصر :-ايش
هز الطبيب راسه :-للاسف ان تعدى مرحلة الخطر راح يفقد ياحاسة النظر او الكلام والسمع
كان احمد مو مصدق ..:-مو معقول
الطبيب :-للأسف الضربه جايته على الراس وآذته كثير. حنا سوينا الي علينا والباقي على الله
بعد ماطلع احمد وناصر من غرفة الطبيب...قال ناصر بقوة :-ابوي هناك
رفع احمد راسه ولقى ابوه وعمه خالد جايين بسرعه والخوف في وجيههم ..
قال ابوه وهو يمد يدينه بعجز وخوف :-بشرني عن اخوك
جاء ناصر بيتكلم وسكته احمد بنظره ثم قال :-طلع من غرفة العمليات وبيبقى في العنايه
قال عمه :-وش السالفه وش صاير
احمد :-صار له حادث امس
ابوه :-حادث
احمد :-ايه صادم له عامود كهرباء
قال ابوه بخوف :-وكيف حاله الحين وش صابه وش جاه
قال احمد وهو يمسك يد ابوه :_هد اعصابك يبه ..مافيه كسور ولاشي بس جايته ضربه قويه على الراس وحالته الصراحه خطره
حس احمد بأبوه بدى ينهار ومسكه وجلسه على كراسي الانتظار...
قال ابو خالد:-هد اعصابك يا ابو احمد والي كاتبه الله بيصير
قال ابو احمد :-ونعم بالله
قال احمد :-نبي نرجع للبيت الجلسه هنا بدون فايده
رفض ابوه يرجع وتحت ضغط ابو خالد استسلم ورجعوا للبيت كلهم ...
&&&&&&&
(الجزء الثاني)

فتح سعود عيونه وجلس يناظر في المكان الي هو نايم فيه وهو مو متذكر وش الي صار رفع يده لقى فيها ابره محلول ..اول مره بحياته ينوم في مستشفى ...
ما مر ثواني الا وتطيح عليه الحقيقه وتهز كيانه
الماس....الماس فيها المرض الخبيث...
فز من سريره وفك الابره بقسوه وهو مو مهتم للدم الي بدى ينزل من يده لان جرحها...لبس ملابسه واخذ شماغه بيده..
قابلته الممرضه عند الباب وجلست تصارخ عليه عشان يرجع لسريره لكن ماعطاها وجه وطلع من غرفته بسرعه مثل المجنون وقابل ابوه واخوانه وهم جايين لغرفته يمشون ..
قال ابوه :-وين وين رايح
قال بسرعه وهو ماشي :-بروح لزوجتي ولاتجيب لي سيرة بنت اخوك لا أذبح نفسي
اول مره يتكلم سعود بهالاسلوب وبهاليأس بس من يلومه هذي الماس..الماس الي تحمل الذل والجفا والحرمان عشان عيونها..
قال ابوه وهو يحس بندم :-ياولدي هذا مو وقته ..
قال فهد وهو يوقف جنبه :-ياخوي انت معك صدمه كان ارتحت في غرفتك
قال سعود بصوت عالي :-كيف ارتاح وزوجتي تموت
قال سلطان وقلبه محترق عشان اخوه وزوجته الي بمعزة الاخت عنده :-ياخوي خل املك بالله كبير
لكن سعود تركهم وراح لغرفتها...
وقف قدام الاستقبال واخذ رقم غرفتها ........ثواني الا هو يوقف متردد قدام بابها ، دخل الغرفه ولقاها نايمه والاجهزه حولها بالهبل ..سحب كرسي وجلس جنبها ومسك يدها بيده ودموعه تملى عيونه...غمض وحط شفايفه على يدها يحس بالم الم ماينوصف ..الدنيا حوله سوداء ..والحياه مالها بهجه...
حس باصابيع يدها تشد على يده..فتح عيونه ولقاها تناظره ..
ابتسم حتى ما تلاحظ حزنه وتتأثر :-صباح الورد
ناظرت الماس في الساعه الي معلقه قدامها وابتسمت وهي تقول :-على إننا مساء بس يالله بعديها لك صباح الورد ياقلبي
حست بوجهه يتشنج..ثم بسرعه ابتسم وكأنه تذكر شي انتبهت الماس له ..لانها تعرفه اكثر من نفسها
قالت :-سعود وش فيني
تغير لون وجه سعود :-هاه
قالت :-سعود
نزل راسه وقال :-ماطلعت النتايج للحين
قالت بقوه :-سعود انا اعرفك ...؟ وش فيني ترى بسأل الممرضه لا جت فقلي انت احسن
تمنى سعود في هاللحظه لو تنشق الارض وتبلعه ..عرفت الماس ان فيها شي ..بس فضلت يقول لها هو لان الكلام منه يخفف عليها وتتقبله اكثر من الغير ..
قال سعود وعيونه بعيونها :-اظن الي فيك اللوكيميا
قالت بهمس :-لوكيميا
هز راسه...
سكتت الماس وياسبحان الله كيف الايمان بالله يقدر يتجاوز كل العقبات ..ابتسمت وقالت لحبيب عمرها ..:-حبيبي
رفع سعود راسه وناظرها :-سمي
حاولت تجلس ووقف يساعدها لين استوت ..حطت يدها جنبها وقالت :-اجلس
جلس جنبها ونامت هي بحضنه ...
ماقدر يمنع دموعه ...حست فيه يبكي حتى بدون ماترفع راسها ..لكنها عدلت جلستها وناظرته قالت بحب :-حبيبي لا تضيق خلقك المرض عندي اهون ولا اشوف دمعه تنزل منك انت الحين قوتي ..وسندي انا بك قويه لاتضعف لانك ان ضعفت انا راح انهار ..هذا امتحان من الله لنا ولازم نجتازه..
مسحت دموعه .وحطت بوسه على جبهته ...
قرر سعود قرار وابن امه وابوه الي يقدر يمنعه ..
قالت الماس:-متى راح اطلع مليت من الجلسه هنا .
سعود:-لين يستكملون التحاليل ..
هزت راسها وقالت :-ابي اطلع
سعود:-لازم تجلسين كم يوم
قالت برجا :-سعود طلبتك طلعني بعدين اراجع
قال سعود :-انت ماتطلبين انتي تامرين الحين اروح واطلعك على مسؤوليتي ولو اني ما أأيد طلعتك
وطلع من عندها....
×
*
×
*
×
*
><في بيت راكان ><
قالت ام راكان وهي تشوف دانه تقوم من على الغداء :-تو يمه هذا اكل..
ابتسمت دانه :-بروح اشوف راكان من يوم ماطلع يكلم مارجع
الخاله مريم :-هذا شي معتاد ولاتستغربين لا قالك انه مسافر
انصدمت دانه :-يسافر
ام راكان :-ايه احيانا يسافر عشان الشغل
ابتسمت دانه :-بالاذن بروح اشوفه
وطلعت فوق ..
قالت الخاله مريم :-الله يكملها بعقلها
ام راكان :-صدقتي يا وخيتي ماشاء الله عليها ونعم الزوجه والله ..طول ما حنا نتغدى وهي تبتسم له وتغرف له اكله بنفسها
الخاله مريم :-هههههههههههههه الله يهنيهم ..الواحد مايتحمل الجلسه معنا اذا الثاني موفيه
ام راكان:-ههههههههههههههههههههههههه هه لا تنقين مادامهم مستانسين حنا مانبي شي
الخاله مريم :-الله لايغير عليهم..
دخلت دانه مكتب راكان ومعها كاس شاهي ...ولقته مازال يكلم بالجوال عطاها بوسه طايره في الهوى وضحكت بصوت واطي ...جلست لين خلص..
قال :-آه جا بوقته الشاهي
ابتسمت وهي تعطيه الكاس:-صحه وعافيه
قال برقه :-الله يسلمك ويعافيك ياعمري
قالت وعيونها تبتسم له :-خير ان شاء من الي دق عليك هالحزه
قال راكان وهو شكله طفشان :-لازم اسافر اليوم لندن عندنا عقد عمل ولازم اخلصه
كئبت وقالت :-طيب متى بترجع
راكان:-خلال كم يوم
دانه :-يوه يعني بتطول
راكان :-والله غصب عني ياقلبي هذا شغلي انا مو لازم اسافر دايم وهذي حلاة الموضوع بس بعض العقود مهمه مره ولازم اروح انا او محمد بس ..
تحمست وقالت :-طيب خل محمد يروح بدالك
هز راسه وقال :-محمد توه راجع من سفريه متعبه وطويله
وافقته دانه بس مع كذا ماودها انه يسافر :-طيب ما احد ينوب عنك غير محمد
راكان :-انا ما اثق الا بمحمد ومستحيل اثق بغيره
لازم ترضى دانه بالامر الواقع وماتضيق خلقه لانه على وجه سفر :-طيب حبيبي متى نويت السفر
ناظر في ساعته وابتسم :-بعد ساعتين بالضبط
صرخت :-ساعتين
قال يمزح :-ههههههههههه لا وانتي الصادقه ساعه وخمس وخمسين دقيقه
دانه وهي معصبه :-لا والله وتمزح بعد
وطلعت من المكتب وراحت لغرفتها وهي متضايقه لانه بيسافر وبيغيب عنها كم يوم ماتدري وش صارلها من يوم ماشافته ولاتدري وش صارلها من بعد ماعرفته زين بعد ماتزوجوا كان كل شي بحياتها قدر يغنيها عن الدنيا ومافيها بحبه وعطفه وتفهمه والاهم حبه الصادق لها وهذا كله وهم مالهم الا اسبوعين متزوجين ..
طلعت شنطته وجلست ترتب اغراضه فيها وهي تحاول تمسك نفسها وماتبكي ...وماحست الا بيدينه تلفها عشان تقابله..
قال وهو مكشر :-ليه الدموع .كلها ايام واسبوع بالكثير واكون هنا حتى يمكن ماتلاحظين غيابي
قالت وهي تفرك يدينها فبعض:-كيف تقول كذا انت لاغبت دقيقه ثانيه عن عيني نفسي تعاف كل شي
تأثر راكان بكلامها وناظر في وجهها الي يرد له الروح ..وقال :-ياقلبي لاتخليني اسافر وانا متضايق
مسحت دموعها وقالت :-لا لاتتضايق ..
قال يمزح :-وش تبغيني اجيب لك من هناك
دانه :-ابي سلامتك وتعجل بالجيه
تفاجأ راكان :-تتكلمين من جدك
ناظرته وحطت يدينها على خصرها :-ايه من جدي
راكان:-ههههههههههههههه طيب طيب لاتعصبين
ماقدرت الا تبتسم مايخلي طبعه ابد لازم يقلب المواضيع الجديه لمزح ..
دانه :-هههههههههههههههههههههههه يالله منك ماتخلي طبعك
وقرب منها وقال بخباثه مو غريبه على دانه :-الا على طاري طبعي .....
عرفت دانه وش يفكر فيه :-أوه لا ...الرحله بتفوتك
حرك حواجبه :-بكيفها وبعدين باقي ساعتين ....
دانه :-ههههههههههههههههههههه ان فاتتك الرحله لا تلومني
؛
×
؛
×
؛
(بيت ابو احمد )
دموع رنا من يوم مادرت عن الي صار لطلال وماوقفت ...دخلت عليها اختها تهاني ام عشر سنوات وجلست جنبها تبكي ..
ضمتها رنا لصدرها وقالت :-بس حبيبتي لاتبكين
قالت تهاني وهي تبكي :-ليش تبكين رنا صدق ان طلال بيموت
قالت رنا بقوه :-لا ان شاء الله مايموت طلال تعبان كلها كم يوم ويطلع من المستشفى
قالت تهاني ببراءة الاطفال :-بس احمد كان يقول لامي انها هي السبب في الي صار لطلال
انصدمت رنا :-متى قال هالكلام
تهاني:-قبل شوي
طلعت رنا من غرفتها تركض ولقت احمد طالع من غرفة امه معصب ووجهه احمر ..
مسكته وقالت :-احمد احمد وين رايح لاتطلع زعلان تكفى
قال احمد بعصبيه :-خليني اطلع من هالبيت قبل لا يجيني شي
لكن رنا ظلت متمسكه فيه وهي تبكي :-الله يخليك لاتطلع وانت زعلان يكفي الي صار لطلال من ورى هالزعلات
ولما شافته معند قالت وهذا اخر امل لها :-اذا كنت تحب سعاد وتعزها لاتطلع
ولو داريه رنا كان جابت سيرة سعاد من الاول ..
هدا احمد وقال :-طيب بروح غرفتي ..(وبحنان الاخو قال) وكفايه بكا من صباح ربي وانت حالتك حاله
قال رنا وهي ترجع تبكي :-هذا طلول يا احمد الغالي ..
حط احمد يده على خدها وقال :-كلنا نحبه والبكا ماينفعه .....ماينفعه الا الدعا له بالعافيه
قالت رنا من قلب:-الله يطلعه منها سالم معافى يارب
ابتسم احمد :-هذي اختي الي احبها والي اعرفها
وراح لغرفته ...وقفت رنا متردده تدخل عند امها ولا لا ..من يوم مادرت عن الي صار لطلال وهي بغرفتها ماطلعت ونوف نايمه ماصحت للحين لانها كانت سهرانه البارح ونومها ثقيل .
دخلت رنا غرفة امها ولقتها جالسه وجهها شاحب وكئيب..
قالت رنا بتردد :-يـ..مـ ـه
ناظرتها امها بقسوه وقالت :-نعم خير
ارتجفت رنا ونزلت دموعها :-يمه انا محتاجه لك انا خايفه على طلال ..انا مالي غيرك
مازالت قاسيه حتى بعد الي صار لولدها :-هه توك تتذكرين امك ..روحي لبنات عمك خليهم ينفعونك ..والا روحي لمرة عمك
زاد بكا رنا :-يمه لاتقولين كذا ..
امها:-البنت الي ماتطيع امها ، امها مالها حاجه فيها
انصدمت رنا ومالقت كلام تقوله ..اصلا من متى تذكر ان امها اهتمت فيها ولا اعطتها ربع الي تعطيه نوف من حب ورعايه ..لولا جدتها ام ابوها الي ربتها واحسنت معاملتها ولا كانت تعقدت نفسيا ..مالقت رنا فايده ترجى من الكلام مع امها لان قلبها حجر .
طلعت من غرفة امها وراحت لغرفة طلال...
جلست على سريره...وناظرت أغراضه المبعثره في كل مكان ..و أعلامه حقت فريقه المفضل وكمبيوتره ..ورجعت تبكي ازود من قبل ...
ما تدري كم مر من الوقت ...
قال أبوها وهو يشوف حالتها :-قومي يبه غسلي وجهك وصلي العصر ..وأخوك إن شاء الله بيكون بخير
وقفت رنا وهي تعبانه نفسيتها مره ..وقالت بصوت رايح من كثر البكا :-ان شاء الله يبه
وطلعت وراحت لغرفتها ...عشان تصلي وتدعي لطلال يقوم بالعافيه..
قامت نوف من النوم في هالوقت وراحت لغرفة امها الي كانت تبكي :-يمه شفيه شصاير
قالت امها :-طلال مسوي حادث وبالمستشفى
قالت وهي تهز راسها وتكمل الساندوتش الي بيدها:-على بالي فيه مصيبه هذي طلال وهذي عوايده ينام بالمستشفيات اكثر ماينام ببيتنا
الا وبدخلة ابوها الغرفه ..
قال بعصبيه :-انتي ماتحسين ماعندك دم اختك من صباح ربي ودمعتها على خدها والاكل ما ذاقته وانتي تستهزئين..اخوك بين الحيا والموت وان عاش يمكن يكون طول عمره معاق ...
انصدمت نوف بس ماتقدر تحزن على طلال لانه في هواش مستمر هو وياها دائما ..ماتقدر شي غصب عنها قالت بغباء وانعدام في الاحساس :-يوه معاق فشله يموت احسن له
الا ويجيها كف من ابوها خلاها تستدير على نفسها مرتين من قوته ..
قال بعصبيه مامرت عليه بحياته :-انقلعي غرفتك ولا اشوف وجهك يالله
طلعت نوف لغرفتها تركض وهي تبكي من قوة الكف..بينما جمدت امها من الخوف لانها تهاب زوجها مره والله لو درى انها هي السبب في حادث طلال ليطلقها وهذا اهون شي ممكن يصير .
&&&&&
( الجزء الثالث )

طارت دانه للمستشفى بعد مادرت عن الي صار لاختها ...
دخلت غرفة الماس وضمتها وهي تبكي قالت الماس تهديها :-هدي نفسك دندون روعتيني
ابتسمت دانه وهي تمسح دموعها :-وتنكتين بعد وانا جايه وقلبي طايح برجولي
الماس:-ماله داعي تجين لاني بطلع الحين
الا وبدخلة سعود...بعد ما تنحنح لانه سمع صوت دانه
سعود:-هلا والله بحرم راكان
ضحكت دانه :-كيفك سعود
ابتسم :-بخير الله يسلمك وانتي كيفك
دانه :-الحمد لله بخير وعافيه
قالت الماس والحب بعيونها وهي تناظره :-عطاني الدكتور خروج
قال سعود يمزح :-بغيت اتوطى ببطنه ..بس فالاخير عطاك خروج على مسؤوليتي
وبلباقه قال :-بروح اوقع الاوراق جهزي اغراضك ..
وطلع من الغرفه...
جلست دانه جنبها ..وقالت لها الماس:-كيف عرفتي باني في المستشفى
دانه :-دقيت على امي بسولف معها وكان صوتها متغير وبعد اصرار وتهديد بأني راح اجيها الحين قالت لي...وعلى طول اخذت عبايتي وجيتك طايره
قالت الماس :-دريتي عن الحادث الي صار لطلال
انصدمت دانه :-وشهو طلال مسوي حادث
هزت الماس راسها :-ايه البارح بالليل
قالت دانه بلهفه :-والحين كيفه
الماس:-حالته خطيره ..وحتى ان تشافى بيفقد حاسه من حواسه
دمعت عيون دانه :-آه ياربي وش ذا المصايب الي جت مره وحده
الماس :-الله يحفظه من كل شر..
دانه :-وش اخبار سعود ..
عقدت الماس حواجبها :-بخير ماشفتيه
دانه :-الا بس انا اسأل وش اخباره بعد الانهيار الي جاه امس
انصدمت الماس :-انهيار ...
ناظرتها دانه باستغراب:-ماعندك خبر
الماس وهي مازالت مصدومه :-لا
كملت دانه :-يوم عرف انك مريضه بالوكيميا (وتغير صوتها بس تماسكت) جاه انهيار عصبي
الي صار لسعود كان صدمه ماوراها صدمه ..حتى بعد مازعلته شهور مازال يحبها وحبه لها يتجلى في كل موقف ..غيرت الماس السالفه الي راح ترجع تفتحها لما تكون معه على انفراد اذا زارها في بيت ابوها .
"وين راكان "
كئبت دانه :-سافر اليوم لندن عنده عمل
الماس:-افا بس توكم متزوجين
دانه :-عارفه بس العمل مهم والسفريات للخارج لابد منها ..
تنحنح سعود وتغطت دانه ..قالت الماس :-ادخل سعود
دخل سعود وقال :-جاهزات نمشي...
وقفت دانه وقالت :-انا سيارتي وسواقي تحت ..
قالت الماس:-تعالي معي لبيت ابوي
ناظرها سعود والفكره تكبر في راسه زود!!
هزت دانه راسها :-اليوم ارتاحي وانا بجيك بكره طلعت بسرعه من البيت ولاقلت لامي ام راكان وامي مريم لانهن طالعات مشوار وماراح يطولن
قال سعود وهو يساعد الماس توقف :-اجل انتظريني انا والماس عشان نطلع مع بعض
دانه :-طيب
وطلعوا من المستشفى سوا ..وتوادعو عند البوابه ...
غمضت الماس عيونها ..من التعب وبعد ربع ساعه صحاها سعود ..
"حبيبتي وصلنا انزلي"
وطلع يفتح لها الباب نزلت وهي للحين ما انتبهت للمكان الي توقف فيه ..نزلت ومشت معه وهو ماسكها ودخلت البيت وفجاه استوعبت الي حولها هي ماهي في بيت ابوها ...هذا بيتها هي وسعود ولا تحلم ..
التفتت بسرعه يمه وناظرته ..ابتسم بخوف وقال :-تو مانور البيت يالغاليه
من فرحة الماس ..شوي وتصيح ..يالله اخيرا رجعت للمكان الي تحبه المكان الي اثثته على مزاجها وذوقها البيت الي شهد احلى سنين عمرها.
وقبل لا تتكلم قال سعود وهو يمسك يدينها الثنتين :-خلينا نبدء صفحه جديده وننسى الشهور الي فرقتنا ونعتبرها ماصارت في يوم ، عشان خاطرك يالغلا تخليت عن كل شي ..ومستعد ادوس الموت برجولي بس لاتخليني ولاتبعدين عني
دمعت عيونها وقالت :-والله اني ما استاهلك
سعود:-لا تعيدين هالكلام ازعل انا ما يملا عيني غيرك ..ولا ابي غيرك
الماس:-بس.......
حط يده على فمها :-اتركي عنك الافكار الي ضيعتنا انت شفتي الي صار بسبب تركك لي الشهور الي فاتت
ماقدرت الماس تقول شي ولا تعترض بعد العذاب الي ذاقته وهي بعيده عنه ..لازم تحافظ على زوجها لان امثاله معدومين .ولا لو واحد غيره كان طلقها ولا تزوج عليها من زمان .
قالت وهي على وشك تبكي :-سامحني يالغالي والله عيشتي بدونك ماهي عيشه كنت اموت واحيا باليوم مية مره بس كنت اتمنى يجيك ظنا وفي نفس الوقت ماكنت ابي اكون موجوده اذا تزوجت حتى ما اشوف غلاي يروح لغيري ...
سعود :- لو يخيروني بينك وبين الف ولد من لحمي ودمي والله لتكونين اختياري بدون تفكير
ضمته الماس:-الله لايحرمني منك
سعود:-ولا منك والحين يالله اطلعي ارتاحي فوق الطبيب يقول لازم ترتاحين
طاعته الماس وراحت لغرفتها ...إلي اشتاقت لها موت ..
×
؛
؛
×
؛
؛
×
><في بيت أبو سعود ><
قالت سعاد وهي تحس بيغمى عليها :-اتزوج احمد مستحيل لا وألف لا
قال ابوها بعصبيه ماقد صارت :-بتتزوجينه غصب انتي محيره له الحين
انهبلت سعاد من هالعقليه :-وين حنا عايشين فيه.. التحيير عاده انتهت من زمان
ابوها:-لا ما انتهت وان ماتزوجتيه له حق يمنعك تاخذين غيره
انقهرت سعاد:-مو على كيفه
ابوها:-الا على كيفه ...
ناظرت سعاد في اخوانها الي جالسين وماتكلموا
قالت وعيونها مدمعه :-سعود تكلم ترضى اتزوج غصب عني
قال سعود :-الموضوع طلع من يدينا ياسعاد
سعاد:-مستحيل مو معقوله
سلطان :-سمعتنا بين يدينك الحين ياسعاد احمد طلبك قدام كل جماعتنا ويش بيكون موقفنا لا رفضتيه وش بيقولون الناس عنا
انقهرت سعاد المسكينه والي ماعلمها احد بموضوع التحيير الا قبل ربع ساعه عشان الظروف الي مرت على العايله ...
قالت وعيونها مدمعه :-كلكم بتاخذون ذنبي
قال فهد :-انتي ليش مأزمه نفسك احمد رجال عن عشرة رياجيل يكفي ان الرجال الي خطبك سكت لما قال له احمد انه يبيك هذا من كبر قدره ومن هيبته
وصلت سعاد لمرحلة الهستيريا ..بس ماباليد حيله سالفة السمعه كاسره ظهرها ..
وقبل لاتطلع قال ابوها :-الملكه و العرس بعد شهر من اليوم والمهر بيجي بكره ..
ناظرت سعاد ابوها وهي حاسه نفسها بتستخف ...دخلت امها المجلس بالقهوه حقت العصر ..
قالت سعاد وهي تحاول محاولتها الاخيره :-يمه يرضيك اتزوج غصب عني
لكن امها من انصار احمد ورأيها من رأي عيالها وزوجها ...
طلعت سعاد لغرفتها وهي واصله حدها من القهر ..حست بدموع الحزن والغدر وقلة الحيله تتجمع في عيونها لكنها تمالكت نفسها وقست قلبها لا ماراح تبكي مايستاهل واصلا ان نزلت دمعه وحده بتجيب الأولي والتالي وتجدد جروحها القديمه الي ماتشافت للحين والي كان هو سببها ...
بعد ساعه دقت عليها الماس...
الماس:-صدق الخبر بتتزوجين احمد بعد شهر
قالت بقهر:-تخيلي
الماس:-ياويل قلبي
سعاد:-قلت لك لا قال كلمه مايتراجع وقبل ما تنتهي الثلاث شهور سوى الي وعدني فيه وعرف كيف مايخليلي درب اقدر منه اتهرب من الزواج به
الماس:-يالله ياربي ..وش بتسوين
قالت سعاد تتطنز :-مابيدي حيله المهر بيجي بكره والملكه بيوم العرس
ماقدرت الماس تمسك نفسها وجلست تضحك ..
عصبت سعاد :-احر ماعندي ابرد ماعندك
حاولت الماس توقف من الضحك بس ماقدرت قالت سعاد :-انا بسكر الحين مالت عليك لاحسيتي بمصيبتي دقي علي
الماس:-خلاص لاتزعلين ياشينك لاصرتي جديه
سعاد:-تبغيني افرح واخواني كلهم ضدي
الماس كانت تعرف ان سعاد تحب احمد بس الي سواه بليلة ملكتهم ماثر عليها مره ومعها حق بس الانسان مو معصوم من الخطا ..
قالت بجديه :-سعاد انسي
عصبت سعاد :-مستحيل كيف تبغيني انسى الي سمعته كل كلمه كل كلمه قالها للحين تقتلني لا لا مستحيل
الماس:-سعاد انتي مقدره للوضع الحين الزواج بيحط حد لكل شي بتكونون كلكم متعادلين بينتهي التحدي وبينتهي كل شي هذي حياة ومسالة عمر فكري في الموضوع
حست سعاد بالدموع الي كالعاده كبحتها بسرعه :-مقدر يا الماس مقدر
الماس:-طيب وش العمل
قالت سعاد باكتئاب :-الزواج بيتم غصب عني وعنادي للاسف مانفعني بتزوجه بس والله ليندم
حزت بخاطر الماس ان سعاد تعاني :-آه ياسعاد محد مرتاح
سعاد:-وش اخبارك انتي
الماس :-تعبانه والله
سعاد :-مارحتي للطبيب ماسويتي فحوصات
الماس :-تعرفين سعود من كثر ماهو موسوس سوالي فحوصات كثيره طالبينها الدكاتره الي برى وارسلها لهم عشان نعرف مستوى المرض ومدى تقدمه والنتايج بتطلع بعد كم اسبوع .
حست سعاد بغصه :-الله يزيدك قوه على قوتك ماشاء الله عليك
قالت الماس بأمل كبير اثر في قلب سعاد :-عيشتي بعيد عن سعود الشهرين الي فاتو استنزفت كل طاقتي وكل مقدرتي على الحزن وعرفت اني ماراح احزن في حياتي كثر ماحزنت وانا بعيده عنه ،لكن لما اخذني من المستشفى للبيت بدون مايشاورني كان هذا اسعد يوم بحياتي حسيتني انولدت من جديد وإذا المرض الخبيث هو الي بيجمعنا يامرحبا به ، اكيد تحسبيني مستخفه بس الحب ياسعاد العشق يشقلب كيان الواحد وهذا حالي صحيح اني تعبانه مره بس شوفته تنور لي دنيتي وتنسيني همومي واوجاعي .
تأثرت سعاد من كلام الماس والحب الي يجمع بينهم على كثر المشاكل الي صارت لهم
وحست بسكين الذكرى وهذاك اليوم تنغرس في جرحها الندي وتزيد التهابه واوجاعه الي ماتنتهي ياشينها لاحب الواحد انسان مايبادله الشعور ويا قو القساوه لما يكون من تحب يكرهك ويبي ينتقم منك ..
ودها تذبح نفسها لانها رغم كل شي صار تحبه وتموت فيه وكانت مقرره ان ماتزوجته ماتتزوج ابد..واليوم المفروض يكون اسعد ايام حياتها يعتبر أسوأها والجاي الله يعينها عليه لانها ماتدري وش نيته في كل هذا...
:
؛
:
؛
:
؛
:
؛
(في بيت ابو احمد)
مر على حادث طلال اسبوعين وتعدى بفضل الله مرحلة الخطر ..بس الدكاتره لسى متخوفين من ان الحادث يتسبب له بإعاقة يمكن تكون متأخره خصوصا وانه فاقد للنظر وهذا شي مؤقت بسبب الضربه الي جته على الراس لكنهم مو متأكدين هل هو شي دائم او مؤقت..ومع كذا طلعوه من المستشفى بشرط ياخذ نقاهه ولايشتغل ولايجهد نفسه والاهم ماينفعل..
قالت رنا لطلال الي كان نايم بسريره لانه كان يتعب على اقل مجهود ..:-هاه وش حاس الحين ..
قال طلال بحزن :-تسألين الاعمى عن شعوره يارنا
رنا كانت متألمه من الي صار لطلال بس لازم تكون ايجابيه عشان يكون قوي ويقدر يواجه مصيره..بدل اليأس يكفي ان امهم ماتحاكيه ولا تسال عن حاله ونوف مثلها يمكن السبب يكون انهن خجلانات قدام الناس منه لانه اعمى ومايشوف..مو يمكن الا اكيد لان رنا سمعتهن وهن يتكلمن بهالشكل..وين حنان الامومه وين الرحمه والرأفه ..
ضربته رنا على يده برقه :- لا تفاول على عمرك ..
ضحك بدون نفس باين ان الاحباط عامل عمايله :-ليه افاول انا اعمى خلقه
الا ونوف تدخل الغرفه قالت بدلع وتشفي طفولي مافيه مراعاة للاحاسيس ولاشي :-تستاهل الي جاك هذا من فعايلك فيني
صرخت فيها رنا:-بــــــــس
تجاهلت رنا ولا كنها تكلمت :-انت انعميت بس وهذا قليل عليك عش بالظلام عمرك كله
الا وصوت كف .......
انصدمت نوف من الكف الي جاها على خدها..وانصدمت رنا لانها هي الي صفقتها الكف ..ماقدرت تتحمل طفح الكيل ..كل شي ممكن تتقبله الا التجريح والاهانات ، حتى الاعداء مستحيل الواحد يكلمهم بهالطريقه وياذيهم كذا
لكن لا.......
هذي نوف وهذي تربية امها لانها الصغيره والوحيده الي ماتربت على يد الجده ام فهد ..وفعلا بنت الرجال ماتربي الارجال ...
قالت رنا وهي تسحبها وتطردها من الغرفه :-قسم بالله ان عدتي هالكلام لكون ذابحتك بيديني سامعه انتي انسانه معدومه احساس
وصفقت الباب وراها...
وقفت شوي ترجف لانها اول مره بحياتها تمد يدها على احد ...
حاول طلال يمزح عشان يخفف صدمة رنا ويخفف الجرح الي تسببت به كلمات نوف:-والله انك تعجبيني كفوها الكف
قالت رنا وكف يدها مولع نار من قوة الضربه :-كل شي له حدود وانا صبري بدا يتلاشى ماعاد اقدر اتحمل اكثر
ومسكت نفسها لا تجلس تبكي لأنه مو ناقص هموم والآم الي فيه كافيه وزود.
غير طلال السالفه :-هاه تجهزتي لعرس احمد
ابتسمت رنا هذا هو الشي الوحيد الي مفرح لها قلبها بعكس نوف وامها الي كنهن بيروحن عزاء ومو مهتمات بشي بس رنا هي الي تساعد احمد في تأثيث بيته وفي حفلة الزواج وفي كل شي
قالت :-يا لبى قلبه اكيد العرس مابقى عليه الا اسبوعين ..وفستاني جاهز ولله الحمد وامور الحفله تمام التمام وبيت احمد صار جاهز الحين .
الا وبدخلة احمد :-كني سمعت سيرة احمد وبيته
قال طلال :-رنا تقول بيتك كنه عشة حمام
احمد :-وشهــــــو رنوه ...
ضحكت رنا :-لا والله طليل مو انت قلت لي ان بيته اكيد مثل عشة الديوك عاد انا قلت لاعشة حمام لانها اكشخ ..
احمد وطلال :-هههههههههههههههههههههههههههههه هههههههههههههههههههه ههههه
"بوووووووووووووووووووووووووووو و"
احمد وطلال صابهم تبلد حسي بسبب حركات ناصر في تخويفهم بس رنا هي الوحيده الي شكلها ما تأقلمت معه للحين
راحت له بسرعه وهي معصبه :-نويصر اشوف فيك يوم قل امين ..تاليتي بموت بسببك
ناصر:-هههههههههههههههههههه لاحول دايم خفيفه خليك مثل الوجيه الطيبه هذولي شوفيهم تعودوا علي..
مسكته مع شعره الكثير ..وصرخ فيها وهو يضحك :-بسم الله حشى مو بنت قطوه اتركي كشتي خربتيها توني مزيتها بخروع
فكت رنا يدينها بقرف :-ووووووووووووووووع الله يحوم كبدك
احمد :-ههههههههههههههههههههه انت متأكد انك سعودي
طلال :-ههههههههههههههههه شكل فيه عرق هندي
رنا واحمد:-هههههههههههههههههههههههههههههه ههههه
سوى نفسه معصب :-تو عجبتكم السالفه..
وفجأه دخلت امهم وفي يدها صيخ شوي مولع احمر ونوف وراها تبتسم بخباثه وتشفي...انعدم الواقع وانعدم الاحساس في لحظات رعب ماقد مرت في حياة العيال ورنا...
كانت امهم ناويه تادب رنا بكويها بالنار لكن احمد حط صدره بينها وبين الصيخ.. ومن قوة حرارته حرق ثوبه وحرق صدره حرق مرعب ...
صرخ ناصر وصرخت رنا ...وضاع طلال بالطوشه لانه يسمع صراخ ويشم ريحة شي محترق
وتغير لون وجه امهم الي صرخت فيه ..:-تستاهل ماجاك لانك ماخليتني اربي هالبنت الي ماتربت
صرخ احمد وهو ماسك صدره وجرحه كله دم وصديد :-حرام عليك رنا شيخة البنات فيه ام تربي بنتها بالحرق.........(صرخ) .....بالحرق
قالت بلامبالاة :-امي من اول كانت تحرق كل الي مايطيعونها وياليتني تعاملت بطريقتها من زمان
صرخ فيها :-يمـــــــــــه هذا وشهو الي ينبض بقلبك وشهو
لكنها طلعت من الغرفه وماعبرته وبدون شعور ركض ناصر لنوف ومسكها من شعرها وضربها ضرب من قوته كانت على وشك تموت بين يدينه ...وضربته امه بالصيخ وحرقت له يده بس ما توقف دقيقه لين مسكه طلال .
.الي قال بصوت عالي والعرق على جبهته :-اتركها ماتستاهل تلوث يدك بها خلها تولي...
واخذتها امها وطلعن ...
قال احمد ..وهو يتألم :- رنا
التفتت رنا له وجسمها معرق ودموعها من قو الالم مو راضيه تنزل وتخفف عنها :-نعم
قال احمد وناصر واقف جنبه وسانده لان شكل السالفه موسالفة حرق وبس :-خذي عبايتك وامشي
ناظر في ناصر :-رح معها لغرفتها ولاتغيب عن عينك
نفذ ناصر كلامه وطلع معها ...
احمد :-طلال قم مشينا
استغرب طلال :-على وين ..؟
احمد :-بنروح لبيتي ، الامل الي تعلقنا فيه طول هالسنين وهم وسراب امي عمرها ماراح تحبنا ولا راح تحن علينا حنا يالعيال ممكن نتدبر امرنا بس رنا من بيحميها منها تو دخلت علينا بصيخ الشوي تبي تكوي رنا عشان تتأدب..ولولا وقوفي في وجهها كان راح وجه رنا فيها ..
خاف طلال :-انت بخير
احمد :-شكل مكسور لي ضلع طعنتها كانت قويه
طلال الي عمره مابكى...نزلت دمعته ..
ناظره ناصر الي توه داخل مع رنا واشر لاحمد ..الي التفت لطلال الي كان يحاول يخفي دموعه ..
احمد :-كبرنا ياطلال وماعاد فيه امل نرجي حنان امنا ..لا تحزن الحزن ماله قيمه ولافايده
قال ناصر بخوف وهو يشوف دم احمد الي مغرق هدومه :-خل السواق يودي طلال ورنا بيتك وبروح انا وياك المستشفى لا تتلوث جروحنا
لكن احمد عنّد :-لا خلني نوديهم ثم نروح
قالت رنا ودموعها تسيل :-بس دمك انت تنزف يا احمد
احمد :-بنوديكم اول شي..
ناصر وهو يحاول يجادله :-بس البيت بعيد
طلال :-احمد بنروح مع السايق وانتم روحوا ...(وجلس يكلم ناصر) ناصر انت فيك شي انجرحت
طبعا العيال مايبون يستغفلون طلال لانه ذكي وسريع بديهه حتى لو كان مايشوف..
ناصر:-ايه فيني جرح بيدي ..وعميق الصراحه
طلال :-اجل خلاص روحوا انتم وحنا بنروح مع السواق
احمد كان في عالم كلها نار تشتعل والم يفوق الوصف وعلى انه مو راضي من هالتخطيط الا ان مابيده شي ..لان ماله قدره على الاعتراض والعناد ..
قال احمد ونزعة الاستبداد وقوة الشخصيه ماتفارقه :-لاوصلتوا دقوا علي فاهمين ولا لا بظل قلقان عليكم لين تطمنوني..
تلمس طلال طريقه وحط يده على ذراع اخوه :-لاتشيل هم انت رح للمستشفى الحين
وبكذا طلع احمد وناصر للمستشفى اما طلال ورنا راحوا مع السواق لبيت احمد ..على الاقل هناك هم بأمان ..
*******
( الفصل التاسع )

(الجزء الاول)

><المستشفى><

قال احمد لناصر وهو يمزح :-حفظونا الي بالمستشفى من كثر ما نترزز هنا
ناصر :-هههههههههههههههههههههههه رايق تنكت وانت محترق ومكسور لك ظلع
اكتئب احمد ولاحظ ناصر هالشي...لكنه فضل يكلمه لما يرجعون البيت....
ناصر :-يالله اوراقك كامله
احمد :-ايه
ناصر :-طيب يالله مشينا
وطلعوا من المستشفى......
بعدها بربع ساعه وصلوا للبيت...قابلتهم رنا بسرعه وهي تشوفهم راجعين واشكالهم تعبانه
قالت بخوف:-بشروني عنكم..
احمد :-سليمه مافيه شي...
والتفتت :-وين طلال
قالت رنا وهي تفرك جبهتها من الالم :-بغرفته
خاف ناصر :-ليه وش فيه
رنا :-يقول راسه يعوره مره
ناظر احمد في ناصر وقال :-نوديه المستشفى
رنا :-والله مدري ياخوي عنه له كم يوم يشكي راسه وحالته حاله بس مايبي يروح للمستشفى
دخل احمد وناصر غرفة طلال ولقوه مطفي النور ونايم على السرير ..
احمد :-طلال عسى ما شر تعبان
ناصر :-قم خلنا نوديك المستشفى
قال طلال وهو يجلس :-ماله داعي انتم تعرفوني بعد كل هوشه مع امي اصدع بشروني بس عنكم
قال احمد :- انا بخير عندي ظلع مكسور وحرق بليغ نص صدري شاش وناصر حرق بسيط بس عميق بيده ولافين بعد عليها شاش
قالت رنا :-الحمد لله عدت على خير ..(وجلست تبكي) انا اسفه انا السبب
سكتها ناصر :-اقول لا يكثر بس انسي السالفه (وكمل يبي يغير السالفه ) انا شفت لي صينية حلى معتبره في المطبخ
رنا :-ههههههههههههه من التوتر والخوف حطيت حرتي بالمطبخ
احمد :-طيب بنروح نبدل ملابسنا جيبي القهوه في الصاله نبي نجتمع من زمان ما جلسنا مع بعض
احد لايمهم ..من يتحمل يجلس بجو النكد هذا .
رنا :-تامر ياخوي يالله لا تتأخرون
وطلعت هي وطلال من الغرفه وراح احمد وناصر يغيرون ملابسهم ..
بعد شوي طق باب غرفة احمد ..
احمد :-ادخل
دخل ناصر وهو توه ماخذ شاور قال لاحمد :-احمد انت معجبتك سوايا امي
ناظره احمد بقوه وقال وهو يلبس ملابسه بشويش عشان ما يتعور :-هذا سؤال تسأله
جلس ناصر على طرف السرير وقال :-ياخوي حنا العيال محلول امرنا وماتقدر علينا بس رنا ، رنا من يحميها اليوم ووصلت معها انها كانت بتشوه وجهها بصيخ مولع من النار بكره في غيابنا وش بتسوي
سبحان الله القلوب عند بعضها لان احمد كان يفكر في نفس الموضوع ومتضايق حيل ..
احمد :-بجيبها تسكن معي هنا
انصدم ناصر :-انهبلت انت كيف تسكن معك وبعدين ابوي انت ناسي ماراح يسمح بهالشي
احمد :-اظن حان الوقت المناسب حتى يعرف سوايا امي فينا
تردد ناصر لان ابوه عنيف ويمكن توصل للطلاق ومهما صار هذي امهم ، لاحظ احمد تردده وعرف وش يفكر فيه
قال بصوته الرجولي الي يرهب :-لا تخاف بترجاه لو لزم الموضوع ما يطلقها ولاشي وانه يسمح لرنا تسكن معي ومع زوجتي
هز ناصر راسه :-والله ماظنيته يا احمد مانقدر نقول الا الله يعجل بنصيبها
هز احمد راسه هذا هو الحل وياليت الامور بالساهل ..
وطلعوا لان رنا وطلال ينتظرونهم بالقهوه
،
*
،
*
،
><في بيت راكان><
قالت ام راكان :-شفيك يمه متضايقه
ناظرت دانه خالتها وابتسمت غصب عشان ماتضايقها ..وقالت :-لا ابد يمه يتهيء لك
قالت الخاله مريم :-هذا سؤال الله يهديك ..حبيب القلب له اسبوعين وزود غايب
دانه:-هههههههههههههههههه انتم الخير والبركه يمه
قالت الخاله مريم تمزح :-الله لنا هههههههههههههههههههه من يوم ماسافر وانتي متضايقه
دانه :-آه يمه .. لاغاب عني يظلم الدار والحي..وان غاب غيره ماعسرني غيابه
انا بدونه زهرة مالها ضــي ...بين الهشيم وتستغيث بسحابه
ام راكان والخاله مريم :- هههههههههههههههههههههههههههههه ه وطلعتي شاعره بعد
دانه :-هههههههههههههههههههههه الله لا يحرمني منكن يارب
ام راكان وهي تضمها :-ولامنك يمه انتي ماتدرين وجودك كيف منور حياتنا ومسعدنا
دانه بحب :-الله ينور ايامك دوم مو يوم يمه
ووقفت دانه :-يالله تصبحون على خير
الخاله مريم :-بدري يمه
دانه :-بدري من عمرك يالغلا صرت اميل للنوم بدري هالايام
الخاله مريم :-اجل تصبحين على خير
وطلعت غرفتها ...
اخذت دانه شاور ولبست قميص سكري طويل وناعم ...نشفت شعرها ونظفت وجهها من بقايا المكياج ..وجلست على الصوفا الطويله تقرأ لها كتاب...
بعد شوي رمت الكتاب وهي طفشانه ..صايره مثل المجنونه من يوم ماسافر راكان لايهنا لها نوم ولا اكل ولا مجلس ..شعور غريب ياما قرت عنه لكن لأول مره تحس به..
فتحت الرسايل المسجله الي على تلفون غرفتها ..كان راكان متعود كل يوم يترك لها رسالة حب صوتيه عليه ..هذا باستثناء المكالمات طوال اليوم ..
جلست تتسمع لرسالته الي تركها له اليوم ......
.........حبيبتي..)
الجو عندنا اليوم بلندن روعه مطر خفيف وجو معتدل فيه نسمة هواء عليله ..كل شي يرفع المعنويات وحلو ...
بس انا ما بعيني غير السواد والكابه ...تدرين ليه لان بيني وبينك بحور وقارات ..تصدقين من ضيقتي جالس بغرفتي ما فكرت اطلع ما توقعت الصراحه ان الاجتماعات بتاخذ كل هالوقت ..بس والله صبري وصل حده ولا قعده و اما تفاهمت معهم ما اكون راكان
(..انتبهي على نفسك
ضمت المخده على صدرها وسرحت ......
وما انتبهت لباب جناحها الي انفتح وبالرجال الي دخل عليها ..
فجأه انتبهت لريحة عطر وفزت من مكانها بسرعه :-راكان
قالتها برقه ..رمى جاكيته وقال :-عيون راكان وقلبه
ما صدقت عمرها ..وركضت له وضمته ..قال لها :-لو داري ان البعد يسوي كذا كان من مبطي سافرت
دانه :-لا والله
راكان :-كيف حالك يالغلا
دانه :-بخير عساك بخير
راكان :-ما اشتقتي لي
حمرت خدودها..وابتسمت
ووصله الجواب...
قال يبي يحرجها :-تدرين شوقي وصل حده يالغلا الليل ماهو ليل والنهار ماهو نهار
دمعت عيونها من كلامه...
راكان:-بدينا وش هوله الدموع
دانه :-كلامك فيه نشوة روح..يحرك فيني الوجدان
انهبل راكان :-ول وش هالرد الكشخه
دانه:-ههههههههههههههههه انافسك في الكلام الحلو
شافت نظرته وقالت بسرعه :-بروح احط لك عشا
مسكها مع يدها :-ماني جوعان
دانه:-طيب بعلم امي بوصولك
راكان:-توني جاي من عندها
ابتسمت دانه منه ..يا الله كيف تغيرت نفسيتها في كم دقيقه ..وصارت الحياه احلى والليل اجمل ..والدنيا بخير!
******
( الجزء الثاني )
>في البر كان فهد وخالد طالعين ومعهم قهوتهم لان الجو ممطور وحلو <

قال فهد لخالد :-اقول خواتك بيتزوجن كلهن وانت لسى ماتزوجت
خالد :-ههههههههههههههههههه وانت وش حاشرك
فهد :-شايلن همك لا تعنس
خالد:-هههههههههههههههههههههه تكفي يا الصغيرون شل هم نفسك بالأول
هز فهد كتوفه :-والله انا ماودي بس انت تعرف الشياب يحبون يتدخلون في الي مالهم فيه
خالد :-تعلمني فيهم بعد الي صار لسعود ومرته وانا وادعي ربي يفكني من لقافتهم
فهد :-ههههههههههههههههههههههه آه لوتدري عني
تحمس خالد :-منهي تعيسة الحظ الي بتتزوجها
فهد :-ابوي يبيني اتزوج وحده من بنات عمي نايف
انصدم خالد وقال يتهدد :-اقول لا تقرب ديرتن فيها رنا لاحوسك
فهد:-هههههههههههههههههههههههههههههه ه عاد ابوي يبيني اتزوجها ويبي نوف لسعود
عصب خالد واستغرب من نفسه لانه كان حيران بين رنا وبين هنادي و فجأه اتخذ قراره :-يالله منهم مايرحمون ولايخلون رحمة ربي تنزل
رحمه فهد لان ماكانت تفرق عنده يعني مو متعلق في رنا حتى يتازم لان خالد يبيها ..سكت فهد
وقال خالد بخوف:-اكيد عمي علم ابوي بهالسالفه واقطع يدي ان ماكان قايل انك انت الي تبيها
فهد:- ههههههههههههههههه كنك جالس بينهم فعلا هذا الي قاله لابوي ..
خالد:-ياويل قلبي
فهد :-الحمد لله تخبلت انت ياخي لاتشيل همي
هز خالد راسه ينفي هالشي لانه يثق في محبة فهد له :-اقول عن الخرابيط بس الشياب بيطينون عيشتك لين تتزوجها
ابتسم فهد :-هه بعد عرس احمد بحط رجلي وبهج للشرقيه بسري بعد العرس على طول
خالد:-هههههههههههههههه حاسب حساب كل شي
فهد:-افا عليك كم خالد عندي انا
خالد:-الله يسلمك لو عندي اخت رابعه زوجتها لك
فهد:-ههههههههههههههه عن الخراط بس لوعندك اخت ماعبرتني
خالد:-ههههههههههههههههههههههههه ه
بعد فتره قال خالد :-تعال طيب متى بتتزوج
فهد:-شف الله يسلمك انا بتزوج بقناعه ابي اتزوج باختياري مو باختيار اهلي وشورهم انا ما احب الاستبداد
خالد:-لاتحط نفسك بمشاكل انت في غنى عنها
فهد:-لاتشيل همي الي براسي بسويه وانت شفت سعود وش سوى يوم قاله ابوي يتزوج نوف
عقد خالد حواجبه لان ماعنده خبر :-وش سوى
فهد:-طرده ابوي من البيت
انصدم خالد وانكب فنجال القهوه على يده
كمل فهد :-واستقال سعود من الشركه لانه عارف ان ابوي يطرده وجابها من قاصرها
خالد:-ول كل هذا يصير لسعود وحنا ماندري
فهد :-جاني الشرقيه قبل فتره وكان ناوي يأسس مكتب هناك و مادري عنه الحين شكله غير رايه ما دامه رجع الماس
خالد:-لا تبني امال يا فهد كلها يومين وترجع حليمه لعادتها القديمه ويبدون بفتح موضوع نوف يعني يمكن ما الغى موضوع الشرقيه يمكن اجله شوي لين تخف الماس
انقهر فهد :-من جد مدري قلوبهم من ويش مخلوقه الرجال يبي مرته هم وش دخلهم ياخي والله مرت على هالمساكين شهور ما يعلم بها الا الله
هز خالد راسه وكان الكل مو معجبته تصرفات الشياب بس الشكوى لله ..
×
×
×
-في بيت راكان-

قال راكان وهو يزين غترته
:-حبيبي تامرين بشي من برى
عطرته دانه بعطره الي يحبه وقالت وهي تبتسم :-سلامتك بس لاتنسى انك عازمني اليوم على العشا برى
ضحك :-هو انا اقدر انسى
ضحكت :-لا ماتقدر
راكان :-اتعب يالثقه
قالت بغرور :-اجل اكيد انا واثقه في نفسي الا اذا كنت ناوي تنام بمكتبك اليوم
ابتسم بخباثه :-اهون عليك
حمرت خدودها وقالت :-لا ماتهون يالله رح لاتفشلنا في محمد اكيد ينتظرك الحين
راكان :-هههههههههههههههه طيب يالله بايو
ابتسمت دانه من قلبها وضمت شماغه لصدرها .. يالله لو احد قايل لها انها راح تتزوج شاب مثل راكان كان ماصدقته واصلا كان قالت له امثال هالشخص معدومين
يالله اليوم بتطلع تسهر معه اما حفلة رجوعهم من شهر العسل الي المفروض يسويها راكان تأجلت بسبب زواج سعاد الي كان قريب مره وهذا الشي مريح دانه لانها ما استعدت نفسيا لمقابلة شينة الحلايا سوير ..تذكرت مكالمتها له يوم صباحية زواجهم ووقاحتها لدرجه خلت دانه تطلع من حدود ادبها ولباقتها
من قلب دانه حاقده عليها كل شي ولا راكان ولا سوير ولاعشرة مثلها يقدرن ياخذنه منها ضعفها وطيبتها الزايده كانن السبب في ضياعها في زواجها الاول كانت تسامح باسراف وتتناسى وهي المتضرره الوحيده وغيرها ولاهمه عايش حياته مرتاح لا احزان ولاهموم ولاقلب منجرح وينزف.
نفضت عنها هالافكار ..وراحت تستعد عشان السهره
بعدها بربع ساعه ..دق باب غرفة دانه ..
دانه:-نعم
الخاله مريم :-هذا انا يمه
مشت دانه بسرعه وربطت الروب حق الحمام زين وفتحت الباب :-هلا يمه
الخاله مريم :-بغيتك بكلمه يمه
دانه :-امري يمه
ودخلت الخاله الغرفه لكن ظلت واقفه وكانت ملامحها جديه لاول مره ، خافت دانه :-يمه فيه شي راكان صاير له شي
قالت الخاله مريم بسرعه :-بسم الله عليه لا لا يمه لاتخافين بس انتي تدرين من عندنا تحت
هز دانه كتوفها :-لا ما عندي خبر مين
قالت الخاله مريم بقرف :-سوير وامها
انصدمت دانه وطاحت منشفة شعرها الي بيدها على الارض:- سوير هنا
الخاله مريم :-ايه
عاد هنا انفجر طبع دانه :-وش تبغى ذي ولها وجه تجي بعد ، بعد فعايلها
الخاله مريم تحسب دانه معصبه بسبب الحركه الي سوتها سوير يوم الزواج وهي سبب من بين كذا سبب..
الخاله مريم :-بالطقاق اذا ماتبغين تقابلينها لاتنزلين
قالت دانه بتصميم :-هذا بيتي وبيت زوجي ولاهي ولا عشره من اشكالها بيخلوني اتهرب من مواجهة اي شي يهدد حياتي
الخاله مريم من اشد الناس كره لساره وهي صريحه مره وماتحترم لاساره ولا امها بعكس ام راكان الي كانت لبقه معهم..وعجبها تصميم دانه وشخصيتها الحديديه الي كانت مختفيه تحت النعومه والذوق والرقه
ضحكت وقالت :-هلا بك في شلة مريم وراكان لمحاربة سوير
وكعادة الخاله مريم تلطف اي جو مهما كان بروحها المرحه وكلامها الحلو
دانه :-ههههههههههههههههه ومن الزعيم حق شلتنا
الخاله مريم :-انا طبعا
دانه :-طيب يازعيمتنا عطيني ربع ساعه وبجي واوريها قدرها صح
الخاله مريم :- كفو والله ههههههههههههه يالله انا بنزل لهم الحين وبقلق راحتهن لين تجين وتستلمين المهمه
دانه :-ههههههههههه طيب
طلعت الخاله مريم ووقفت دانه وهي تحاول تضبط اعصابها حتى ماتركض وتدق على رجال الامن يجون يسحبونهن مع كششهن ويطردونهن
ابتسمت دانه والله فكره مو شينه ..
حياة الروح ..قلبي ما داق النوم ولايوم لا وحرتاح
راح تنساني او تهواني او تلقاني كل جراح
يامسهرني ليالي وانت على بالي ---------->>الخبله تتصل
ضحكت دانه لان الخبله تدق صدق في وقت الحاجه..
دانه :- هلا هنوده
هنادي :- زين متذكرتني للحين
قالت دانه تتطنز :- احلفي بس مو امس مكلمتك
هنادي :-امس شي ماضي
دانه :-هههههههههههههههه والله انك مضيعه
هنادي :-ههههههههه من زمان
وكملت :-وش رايك نتقابل بهايبر بنده سعاد تبي تسوي جوله فيه وانا مالي خلق افرفر طول الوقت
قالت دانه :-اجليها بكره راكان عازمني على العشاء الليله
هنادي:-هههههههههههههههه عشا المغرب
دانه :-ايه صح نسيت اعلمك سوير عندنا تحت
هنادي:-سوير من ........آه لا هي هي الي يوم الزواج
دانه :-ايه هي
عصبت هنادي :-يا مال الماحي ان شاء الله وش تبي
دانه :-هه تبي تترزز لراكان طبعا
هنادي :-لا والله ما انتي دانه الي اعرفها ان ماوقفتيها عند حدها
قالت دانه بتصميم وتوعد :-لاتوصين دبرتها عندي
هنادي تحمست :-تبين فزعه
دانه :-ههههههههههههههههه لا روحي مع سعاد انا شايلتك لعازه
هنادي:-هههههههههههه طيب تصريفه حلوه عاد الله الله بالزين والكشخه اقهري ام خدود وشفايف خليها تموت ناقصة عمر
دانه :-ههههههههههههههههه ناويتلها بنيه
هنادي :-ههههههههههههه اوكي اكلمك ان شاء الله بكره واخذ الاخبار
دانه :-بحفظ الله ..
وسكرت الجوال ..وهي تقول في نفسها "طيب ياسوير جبتيه لعمرك "
نشفت شعرها ومشطته وركبت فيه اللفافات الكهربائيه بسرعه حتى تموج اطرافه ..وطلعت لبسها الي بتلبسه لاطلعت مع راكان فستان زهر للركبه مموج بازهار ملونه وطالع مره بريء وناعم والاحلى انه لابق لبياض بشرتها ونعومتها ..
بعدها بدقايق وقفت قدام المرايه وعدلت الفستان الي كانت قصته من فوق على اطراف صدرها وكان اغراء حقيقي ^-^ فكت اللفافات ونزلت شعرها على كتوفها وظهرها شلالات حرير مموجه ..
وبسرعه خلصت مكياجها..الي كانت فنانه فيه ..كان مكياج عيونها سموكي ..مبين لونها الحلو ورموشها الطوال .. وحطت روج زهر وقلوس لامع وطالعه روعه ..خلصت اللمسات الاخيره على وجهها ..
ولبست سلسال من الذهب الابيض كان مهديه لها راكان يوم رجع من لندن وكان معلق بالسلسال حروف الماسيه تكون جمله والي هي
you are my love
يعني (انتي حبيبتي(
كانت ناعمه وصغيره ..وكلها ذوق ومن اجمل الهدايا الي قدمت لدانه في حياتها او الي شافتها
حطت عطرها (رالف لوران -رومانس)..وعدلت وقفتها ..وراحت للباب عشان تنزل وتواجه اخيرا عدوتها..

$$$$$$$$$
( الجزء الثالث )

>في بيت ابو خالد <

قال خالد لامه :-هاه يمه شرايك بالي قلته
ابتسمت امه :-مايبيلها راي ونعم الاختيار يمه
تردد خالد ولاحظت امه هالشي وسالته :-يمه علامك
قرر خالد يعلمها لانه يعرف ان امه بير عميق والسر ما يطلع من عندها
خالد :-ابوي وعمي ناوين يخطبونها لفهد
انصدمت امه وعصبت :- ماتوقعتها منك يا خالد تخطب بنت ولد عمك يبيها والمشكله مو اي واحد صديقك واقرب عيال عمك فهد
كان خالد مبتسم وانقهرت امه :-الشرهه على الي يجلس معك ويسمعك
مسكها خالد مع يدها وجلسها وهو يضحك لانها انفعلت وماعطته فرصه يتكلم :-اجلسي يالغاليه
نفضت يدها منه وجلست :-نعم
خالد :-يمه وش شايفتني.. فهد ما يبيها بس انتي تعرفين ابوي وعمي يحبون يحشرون انفسهم في الي مالهم فيه
ارتاحت امه وبان هالشي على وجهها :-انا اعرفك يمه زين ولما سمعت هالكلام عرفت انك مو على طبيعتك بعدين انت الله يهديك ماتعرف تختار كلماتك
خالد :-ههههههههههه طيب العذر والسموحه
وكمل...."وش الدبره يمه الشياب مصرين يزوجونه رنا "
هزت امه راسها وقالت له :-خلها على امك
تردد خالد وقالت امه تبي تريحه :-ترى ابوك حنون بطبعه مو مثل عمك ابو سعود جلف وقاسي ويقرر قبل مايفكر
قاطعها خالد :-انا عارف وهذا البلى عمي سعود!
امه :-الله يهداك خلني اكمل كلامي
ابتسم خالد :-تفضلي يمه
امه :-ايه البلى عمك سعود وهو يسمع لابوك طبعا ويقتنع بوجهة نظره
حرك خالد حواجبه :-والله وطلعي مو سهله يا ام خويلد
امه :-ههههههههههههه لاتشيل هم
قال خالد :-طيب متى بتقولين له
امه :-عن العجله الزايده
خالد :- طيب طيب اهم شي عندنا راحتك يالغاليه
امه :- يازين المصالح
خالد :-ههههههههههههههههههه
الا وبدخله ابوه..
وقف خالد وباس راس ابوه ..وجلس معه شوي ووقف بيطلع
قال ابوه :-على وين
خالد :-مواعد اخوياي وبطلع انا وياهم
هز ابوه راسه وطلع خالد من البيت..
التفت ابو خالد لزوجته وسألها :-وش اخبار البنات
تغير لون وجه ام خالد من الحزن وقالت :-والله يابو خالد الماس حالتها تتدهور وصايره جلد على عظم وكلما قلت باخذها معي البيت واهتم فيها قب علي سعود وقال وانا وش فايدتي اذا ما اعتنيت فيها (وعشان ماتطق في راس ابو خالد ويجيبها غصب عنها وعن زوجها قالت) وهي حتى ماتبي الجيه عندنا
ابو خالد :-الله يهدي سرهم ..بس ليش مايسفرها برى
ام خالد :-ارسل تقاريرها برى قبل كم اسبوع والنتيجه يمكن يرسلونها اليوم او بكره
ابو خالد :-علميني اذا ناقصه فلوس انا اتكفل بكل شي
ناظرته زوجته ولولا العشره ومعرفتها بطيبة زوجها كان قالت له تقتلون القتيل وتمشون في جنازته الحين توكم تفكرون في سعود وفي احواله وانتم السبب في استقالته من الشركه وفي تعاسته الشهور الي فاتت
لكنها قالت :-سعود احواله ممتازه مايحتاج معونتكم
طبعا الشياب كالعاده معتبرين هم الصح وغيرهم لا وقال بعناد :-انا بتفاهم معه من يدري كم بيكلف علاجها هذي لوكيميا مو شي هين
عصبت ام خالد :-والي يرحم والدينك يا فهد اتركوهم بحالهم
ناظرها بتعجب لانها اول مره تطلع من طورها :-نعم
ام خالد كانت شايطه ومنقهره وماراح يوقفها شي .:_قلت اتركوهم بحالهم من يوم ماتزوجوا وانتم تحشرون انفسكم في الي مالكم فيه حرام عليكم فرقتوهم شهور وفي النهايه الماس صابها المرض وانطرد سعود من الشركه الي استمرت من ورى جهده وتعبه انكرتوا عليه حقه لانه ماتزوج بنت اخوك المصون
عصب ابو خالد :-لاتغلطين
ام خالد كانت بايعتها:-انت تعرفني زين ما اغلط على احد بس الحق حق وش جاب لجاب اصلا الماس مافيه مثلها ثنتين
تأثر ابو خالد بكلامها وقال :-انا واخواني عارفين هالشي وما حنا بمنكرينه بس العمر يركض وسعود ماعاد هو بصغير
انقهرت ام خالد وقالت :-عمره32 سنه الحياه قدامه حرام عليكم
بس ابو خالد كان له تفكيره :-الي عمارهم 22 -23 متزوجين وعندهم عيال من لحمهم ودمهم
ام خالد :-انت قلت انه مو بصغير اجل اكيد انه يعرف مصلحته وما يحتاج لتدخلاتكم
حشرته ام خالد بزاويه ومالقى له مخرج من كلامها المفروض انه ياخذ احتياطه لان ام خالد في النقاش محدن يغلبها
هز كتوفه وقال :- بسبب مرض الماس اظن ان الموضوع بيتأجل
ارتفع الضغط عند ام خالد ياربي ذولي جبلات ماعندهم دم..البنت فيها مرض خطير وهم بيأجلون الموضوع وش هالحنيه الزايده
لكنها فضلت ماترد لانهم في هالسالفه من كم شهر ومالقوا لهم مخرج ولا حل وسط..
قال ابو خالد :-وش اخبار دانه
ابتسمت ام خالد على الرغم من فيها الصيحه :-احسن شي في هالعايله دانه وراكان
ابتسم زوجها :-الله لا يغير عليهم راكان رجال من رياجيل مأصلين طيبهم ومرجلتهم على كل لسان
تذكرت ام خالد الهديه الي جابها لها من لندن وذكرت الكرم زود على صفات كثيره ما تنوجد بالعاده كلها في شخص..
ام خالد :-وانا اشهد الله يحفظه لدانه من كل مكروه
ابو خالد :- اللهم امين..
جت ام خالد تفتح سالفة خالد لكن ابو خالد سبقها وقال :-وش رايك نخطب لخالد
تهلل وجه ام خالد :-ههههههههههههههههه
عقد ابو خالد حواجبه :-وراك تضحكين انهبلتي
ام خالد :-هههههههه لا ما انهبلت بس خالد قبل شوي كلمني ويبيني اخطب له
هنا جلس ابو خالد يضحك
وقال:-في باله احد معين..؟
ام خالد :-ايه
ابو خالد :- من......؟
ام خالد :-رنا بنت نايف
قال ابو خالد وهو يحرك يده في الهوى كانه يقول ينسى ..:خليه يشوف غيرها ولا اخطبيله انتي بمعرفتك
قالت ام خالد بهدوء :هو مايبي غير رنا
عند ابو خالد :-وانا قلت لا
ام خالد :-ليه لا
ابو خالد تعود يصارح زوجته بعض الاحيان بخططه هو ويا اخوانه
فقال لها :-ناصر يبي يخطبها لفهد ولده يعني مايصير يخطب بنت ولد عمه يبيها
قالت ام خالد :-واذا قلت لك ان فهد مايبيها
ناظرها ابو خالد بقوه :-كيف مايبيها ناصر قايل لي انه طلب منه يخطبها له
هزت ام خالد راسها :-خالد قايل له فهد انه مايبي يتزوج بنت الا باختياره
عصب ابو خالد :- مو على كيفه
طلعت عيون ام خالد :- بتفرضون سيطرتكم غصب
وقف ابو خالد لان المسجد بيقيم لصلاة العشاء :-ايه غصب
وقفت زوجته وقالت والدموع بعيونها :-هذي فرحة ولدك كيف تسرقها منه
لاحظت ان الكلام اثر عليه وقال بصوت متغير :-لا تحسبين قلبي قاسي بس تخيلي موقف ناصر يحير بنات نايف وفي النهايه ما يتزوجون عياله البنات
وطلع من قبل ماترد عليه..
طلعت ام خالد غرفتها وصلت..وجلست تفكر وهي على سجادتها ..وش العمل ناصر هو السبب في الموقف الصعب قدام اخوانه ليش يحير نوف ورنا وهو مو مالي يده من عياله
قالت وهي تناجي ربها.."الله يعينك يا وليدي "
*
*
*
قابلت دانه الشغاله وهي نازله تقابل ضيوفها الغير مرغوبين وجلست الشغاله تبحلق في دانه باعجاب ..صريح ابتسمت لها دانه لانها مدحتها ومدحت جمالها
وهي تقول في نفسها "هذي الشغاله الي عايشه معها في بيت واحد وانبهرت من شكلي اجل بعض الناس وش بيسوون "
ونزلت بثقه مالها حدود ..ظهرها مستقيم وعلى شفايفها ابتسامه حلوه

>في وقت<

كاانت ساره جايه تشوف كيف حياة راكان مع زوجته ..
كلما تذكرت هالكلمه تحس انها بتموت من الحسد وكان على قلبها شي ثقيل يبي يتفجر..صار لهم الحين ساعه من يوم ما جو والاخت ما بينت حتى هو مابين ..
قالت ساره بود مصطنع :-اقول ام راكان (ماتعترف بالالقاب مثل خاله وعمه) وين زوجة ولدك مو من عادات الكرام يهملو ضيوفهم
في هاللحظه دخلت دانه ..وقالت بنفس لهجتها :-ومو من عادة الناس يجون فجأه بدون موعد ولا حتى تلفون وهم بالطريق
انقهرت ساره لان دانه سكتتها..
تجاهلتها دانه وراحت تسلم على امها
دانه :-كيفك ياخاله
انحرجت ام ساره من رقة دانه وقربها من القلب آه ياليت بنتها تشوف الفرق الي بينهن وتغسل يدها من راكان
ام ساره وباين عليها انها منحرجه موت :-بخير يا بنيتي كيفك انتي؟
ابتسمت دانه ابتسامه اخذت قلب ام ساره ورمت ساره بسهم ما يخيب :-بخير عساك بخير
التفتت دانه وقالت وهي تسوي نفسها ما تتذكر :-وش اخبارك يا............ (قالت بدلع) سوري نسيت اسمك؟
عصبت ساره واوشكت تفقد اعصابها :-ساره (وقالت تبي تقهر دانه ) اسمي ما ينسى ابد
هزت دانه كتوفها وقالت وهي تجلس مقابلة لهم وتحط رجل على رجل بحركه خطيره :-بعض الناس ذكراهم تكون مثل الغبار الي اذا نفخه الواحد يطير ويتلاشى لان مايجي من وراه خير وبعض الناس ذكراهم من دهن العود يبقى سنين وسنين حتى لو غاب شخصه ريحته تبقى
ابتسمت ام راكان غصب عنها والله ولقت ساره ند لها وطلعت دانه مو هينه اما الخاله مريم لولا الحياء والحشيمه كان قمت ورقصت من فرحتها لانها لقت انسانه تعرف توقف هالاشكال عند حدها
ارتفع ضغط ساره وكانت بترد بحده وتخرب الدنيا لولا ان الشغاله جت ونادت دانه
وقفت دانه وقال باستهزاء وهي تناظر ساره الي وجهها شوي ويزرق من التعصيب:-بالاذن مطلوبه على التلفون
ومشت دانه قدام عشان تروح لطاولة التلفون غريبه من بيطلبني الحين وجوالي بالعاده الي يبيني يتصل عليه ...وقفت عند التلفون الي لقته مسكر ..
من ذا الي يستخف دمه عليها
الا وصرخه
"بوووووووووووووووووووووووووووو ووووووووووو"
صرخت دانه ويدها على قلبها..
ضحك راكان :-توني ادري انك خوااااااااااااااااافه
عصبت دانه عليه :-لا والله بغيت اموت
كشر راكان :-بسم الله عليك
مشت دانه يقال انها معصبه :-يالله بس لا تكلمني
وقف في وجهها وهز راسه ..:-مافيه روحه وش بتسوين
فيها الضحكه بس مسكت نفسها :-اقول وخر لا يجيك بوكس محترم
راكان:-هههههههههههههه انتي بوكساتك بالنسبة لي مسجات
عضت دانه شفايفها لاتفطس من الضحك ومرت من جنبه لكنه رفعها بين يدينها وشالها ..
صرخت دانه وهي تضحك :-انهبلت انت نزلني
*
*
قالت ساره بلقافه وانتقاد لام راكان :-وش فيها زوجة ولدك تصارخ
ام راكان :-انا جالسه معك وش يدريني
قالت الخاله مريم وهي تبتسم بشماته :-اكيد عندها احد ومسويلها مفاجأت كالعاده
انقهرت ساره ووقفت ..
قالت امها والفشله مقطعتها :-وين؟
لكن ساره راحت تمشي وسفهت بالكل ..
خطت خمس خطوات الا وتشوف راكان شايل دانه وهي تضحك وتقول له كلام حب عشان ينزلها..
خنقتها العبره وانقهرت زووووووود ..ياليتني اموت ..ياليتني مت يوم فكرت اتركه ...
حس راكان بشي موش ولابد بالجو ..ورفع نظره وطاح بعيون ساره المدمعه ..
غض طرفه لانها لابسه لبس قصير وعاري بالحيل من فوق..انتبهت دانه لتغير مزاجه وعرفت ان الاخت اكيد شرفت..ابتسمت بينها وبين نفسها لانها لو تنوي تنتقم منها وتخطط لها الشي ماراح يكون بقوة هالموقف العفوي..
قالت ساره بقهر :-اظن ان عندك ضيوف ببيتك ياولد العم (شددت على كلمة بيتك حتى تستثني دانه)
قال راكان بحمية عيال العم وعيال الحمايل :-استري عمرك يا مره وبعدين تكلمي
طاح وجه ساره طيحه من ورى تهزيئته .. ورجعت بسرعه للصاله واخذت عبايتها
قالت وهي تبي تبكي :-مشينا يالله
طلعت حتى بدون ما تنتظر امها..
قال راكان وهو معصب :- من متى وذي هنا
دانه :- من ساعه ونص تقريبا
ناظرها وفعيونه اعتذار :-عسى ما ضايقتك
ابتسمت دانه :-تخسي هي واشكالها
ضحك راكان من كلمتها..
وقالت برقه وهي تهمس في وجهه :-وبعدين مدام معاي القمر..مالي ومال النجوم
صاح راكان :-ياويل حالي ارحمينيييييييييييييييييييييييي ييييييييي
وضمها..
الا وصوت احد وراهم يتنحنح..
قالت الخاله مريم وهي تمسك راكان وتبعده عن دانه بالغصب :-لاحول ماغير لازق بالبنت اربع وعشرين ساعه خلنا نحسسها بحبنا شوي
راكان ودانه :-هههههههههههههههههههههههههههههه ههه
وضمت دانه وهي تهمس في اذنها :-عز الله انك شقرديه ووقفتي الي ما تتسمى عند حدها
دانه :-ههههههههههههههههه اعجبك
قال راكان بلقافه :-وش عندكم تتهامسون
قالت الخاله مريم :-مالك دخل
هز راكان كتوفه وقال :-خساره لو قايلة لي كان عطيتك كاسيت فنانك الاسمر الي تحبينه لانه معي في جيب ثوبي
وضرب على جيبه بيده وطلع صوت الكاسيت
انهبلت الخاله مريم وقالت :-جبت الكاسيت ومن اليوم ساكت اهم شي يكون الاخير
قال راكان مسوي فيها غبي :-ايه اخر شي وش قالولك غبي ..البوم بعترف لك اني بحبك
ضحكت دانه..من ملامح الخاله مريم ..
الي كشت على راكان بيدينها وقالت :-مالت عليك يالمغبر..جايبيلي البوم من عهد جدي لا وفرحان بعد
راكان :-هههههههههههههههه طيب طيب لاتزعلين جبتلك بحبك انا كتير اخر شي هو صح
استانست الخاله مريم وقالت :-غربل الله ابليسك ايه هو جبه يالله بشوف الغلاف
عطاها راكان الكاسيت ومشا هو ودانه وهم يضحكون من كلام الخاله مريم..
ياقلبي...ياربي..يازينه..ياملحه ....
قالت دانه وهي تاخذ عبايتها :-هههههههههههه ياحليل امي من جدها تحب وائل كفوري
راكان :-ههههههههههه اي والله تحبه
مو قادره دانه توقف من الضحك..الخاله ذي مليانه مفاجات ومتناقضات..روحها شباب روعه الجلسه معها ماتحسس الواحد بفرق السن الكبير
دانه :-هههههههههههههه مو قادره اوقف من الضحك..ياحبنيلها
قال راكان:- وانا طيب ماتحبيني
ابتسمت دانه :-مالك شغل
قال يمزح :- مافيه عزيمه اجل
عاندته دانه وردت له الصاع صاعين :-اجل مافيه نوم الليله هنا
سوى راكان نفسه مصدوم وقال :-لا يامعوده توبه .. كل شي ولا المنفى
دانه :-هههههههههههههههههه بدينا حركات الدوافير ياخي انت معك ماجستير وانا وبالعله انجح لا وباقيلي ترم واتخرج
راكان :-هههههههههههه يمه من عينك يالله مشينا ترى لو تكنسلين الروحه احسن
حمرت خدودها وقالت وهي تمسكه مع يده وتسحبه للباب :- اقول يالله مشينا لنا شهر وزود متزوجين وماطلعنا الا مرات قليله..
راكان :-طيب ياقاتلتي مشينا
دانه :-هههههههههههههههههههه كاظم الغفله يالله مشينا
قال راكان يستهبل وكانه يكلم نفسه :-لابسه ذا اللبس وحاطه ذا الروج الي يلمع وتبيني اطلع بعد
ولعت خدود دانه لسببين من كلامه ولان امهاته كانن جالسات بصالة الرسبشن الي فوق ةسمعن كلامه وجلسن يضحكن
قالت الخاله مريم تزودها على دانه :-خف على البنت احترقت غربل الله ابليسه انا لو رجلي يقول لي هالكلام توطيت ببطنه
راكان :-هههههههههههههههه زواج مافيه زواج لا تلمحين وبعدين هذي مرتي وانا حر
شبت دانه ضو من كلامهم
قالت ام راكان :-هيه استحوا عاد طبعا غريبه عليكم تقابلون شخص يستحي مو وجهه مغسول بمرق
راكان دانه الخاله مريم :-ههههههههههههههههههههههههه هههه
سحب راكان دانه وقال :-يالله يا عجيزاتي سلام
قالن يهاوشنه :-عجيزات بعينك يالي ماتستحي
راكان ودانه :-هههههههههههههههه
قالت دانه وهم بالسياره :-الله لايغير علينا ويحفظلنا هالعجوزتين نورات هالبيت
بدون مايعبر راكان عن الي بقلبه حس بها تكبر وتكبر وتكبر حتى ملكت كل شي فيه..
العذوبه
الرقه
المراعاة
الحنيه
التفهم
الاخلاق
صارت كل حياته ..نصفه الثاني..
النفس وهو النفس ما ياخذ له..نسمة هواء الا وتكون الثانيه لها
النبض .. يهذي باسمها
العين وما يملاها الا شوفها
قال وهو يبتسم لحبيبة عمره :-اللهم امين .. ويحفظك لي لانك انتي نوارة حياتي
ابتسمت له دانه ..بكل محبه وبكل ود موجود
كيف قدر يهدم حصونها ويملك مشاعرها واحاسيسها...هذا شي ماتعرف جوابه لكن الي هي اكيده منه
انه هو كل كل حياتها..!!

%%%%%%%
(الجزء الرابع)

وقفت سعاد..تناظر في شكلها بالمرايه..
فستان الزواج مثل ما حلمت..نافش وفيه احجار كريمه
..المكياج سموكي روعه الشعر شنيون كشخه
..والباقه من اجمل مايكون
حتى المعرس هو من تمنته عينها دايم..
طيب ليه ماتفرح..
مسكت نفسها لاتبكي..
لانها ان بكت جابت القديم والجديد..
راح تبكي على من حبته وخان...على قلبها الي ما يطيع ينسى ..وعلى حظها الي اجبرها ترتبط فيه وهو مايبي الا مذلتها..
قالت الماس .. الي كانت متالقه رغم مرضها في فستان ليموني رووووووعه :-سعاد لاتقطعين قلبي
هزت سعاد راسها وقالت بتاثر :-آه يا الماس...ثقل الجبال على قلبي..
بكت الماس غصبن عنها..اما سعاد فتماسكت لانها حلفت ما تبكي عليه بدمعه يكفي الدموع الي ذرفتها اول مره رفضته يوم كانت تدرس بالجامعه..
دخلت دانه وهنادي وكانن كل وحده احلى من الثانيه ..هنادي لابسه زهر وموف..ودانه لابسه كموني وزهر رووعه..ورافعه شعرها شنيون جاي على وجهها الدائري فتنه
قالت دانه :-الماس خير ان شاء الله
مسحت الماس دموعها وقالت :-صايره حساسه زياده عن اللزوم..شكل الواحد لاقرب من الموت ينهبل
ناظرنها البنات بقسوه لانهن يكرهن انها تتكلم عن مرضها باستخفاف..
قالت هنادي وهي منقهره من كلام الماس :-الزفه بعد شوي سعاد ..يالله جهزي عمرك
حست سعاد برجفه عنيفه ..
وقالت بصوت مرتجف صدم البنات :-جاهزه
#######
><في وقت><
ناظر احمد في ساعته..الساعه 12 بالليل والله ماصارت..
ناظر في سعود وقال :-ياخوي ماصارت بنمرح هنا بالقاعه بدخل خلاص
ضحك سعود :-اقول اركد لاتفشلنا تو بدري
انهبل احمد :-وش تو بدخل الحين يا تعلم الشيبان يا رحت بلحالي
سعود :- هههههههههههههههههههه طيب
****
على انغام اغنية ..صابر بتحدى العالم ..
انزفت سعاد لانها مو تقليديه وتحب التميز
والغريب انه على الرغم من انها مغصوبه على الزواج الا انها ما بخلت على تجهيزاتها ولا على نفسها بشي..
مشت خطوه..بخطوه..
كان جو القاعه رومنسي...انوار مافيه..كل طاوله عليها شمعه منوره بظلام المكان..
واخيرآ..
وصلت وجلست على الكرسي المخصص لها...
ما امداها تجلس عشر دقايق الا ورنا تكلمها برقه حتى ماتخوفها وتقول :-ترى احمد بيدخل
خافت سعاد وقالت :-الحين
ابتسمت رنا :-ايه ياقلبي الحين .. ابتسمي شكلك مخترعه تراه حبوب وما يخوف ولايغرك طوله وعرضه
ابتسمت سعاد غصب وقلبها بصدرها مسوي حفلة استنفار
ودقايق..الا وبدخلته ..
كانت سعاد تجبر نفسها تكون قويه لانها لو ضعفت ماراح يرحمها ..جاء وسلم عليها وجلس جنبها..
****
حس احمد بالكون يهتز تحته..بالناس يتلاشون ..ومايبقى قدامه الاهي
حبيبته
حبيبته الي ذلته..وقست عليه
حبيبته الي تزوجها مخصوص..عشان يذلها مثل ماذلته ويعلمها كيف تحبه ثم يصد عنها حتى تعرف بقسوة الشعور بحب ماله قبول..
15 سنه
ضاعت من عمره..في رجاوي حبها
جلس..وهو يحمد ربه لانه لقى شي يسند نفسه عليه..لاحظ ملامح امه ونوف كن ميت لهم احد..لان بعد الي صار والحرق الي جاه.مارجع رنا للبيت بعذر انه يبيها تساعده ..وابوه وافق ولو انه شك بالموضوع بس احمد فضل يأجل السالفه لبعد العرس لانه مو ناقص مشاكل
جته اخته تهاني وقالت له وشفايفها ترجف :-حمودي صدق انك بتترك البيت
ضمها احمد لصدره :-لا ياقلب حمودي..
بكت وقالت :-بس انت اخذت كل اغراضك
مسح دموعها وقال :-لاتبكين ترى بزعل..وبعدين تزعل عمتك سعاد
ناظرت تهاني سعاد وقالت ببراءة الاطفال :-انتي عمتي الحين
ابتسمت سعاد غصب (غص احمد بريقه من بسمتها الي كما نور القمر في وجه تبارك الي خلقه ) :-ايه حبيبتي
حبيبتي .......آآآآآآآآه محلاها من كلمه !!
جلس احمد يتحسر على عمره وهو يشوف سعاد تبوس تهاني
قالت تهاني :-عمتي لازعل احمد تزعلين
حمرت خدود سعاد وقالت :-هاه
وناظرت احمد المبتسم ..وقالت :-ا..ايه حبيبتي
وراحت تهاني ..عشان المصوره بتصور..
نست سعاد تحذر المصوره من انها تطلب اي تقارب بينها وبين احمد وتستاهل الي يجيها ..
كان هو مستناس وموسع صدره..اما سعاد فكانت متورطه ماتقدر تنفعل وتفضح عمرها قدام خلق الله ..ولاهي قادره تتحمل قربه منها,
عدت السالفه على خير وبقي الاصعب!!
لا بقوا مع بعض لحالهم وش بيصير...!!
********
( الفصل العاشر )
)الجزء الأول(
>في صاله الرجال<
قال خالد لفهد المكتئب :-ههههههههه هاه لسى على نيتك بالنحشه
ناظره فهد بضيق مو عارف وش يقول "آسف ياولد عمي ابوي بواسطاته وعلاقاته حلف انه..بيفصلني من شركة ارامكو اذا ماطعته وتزوجت رنا وانت تبيها"
حس خالد بشي ..متغير على فهد الايام الي فاتت مهموم وحزين وحالته زفت..
قال فهد :-لا تسألني وش فيني ياخالد..الي فيني ماراح يسرك
قال خالد بهدوء :-بيزوجونك غصب صح
انصدم فهد ورفع عيونه فعيون خالد :-انت عارف
هز كتوفه وقال :-لا خمنت تذكر اني قلت لك ان الشياب بيطينون عيشتك لين تتزوجها
قال فهد بقهر :-ياليتها تطيين عيشه كان هانت
(وتذكر قبل 3 ايام يوم قال له ابوه بعد مارجعو من صلاة العصر :-بعد عرس احمد جهز نفسك لانك بتملك على رنا بنت عمك
قال فهد بصدمه :-نعم
ابوه :-انعم الله عليك جاك العلم
قال فهد بهدوء تحته بركان ثاير من التعصيب :-اسمح لي يبه هذي مو صفقه من صفقاتكم هذي مسألة عمر وحياه
صارخ ابوه :-وش فيها رنا ست البنات
قال فهد بسرعه :-والنعم فيها يبه ،بس انا ما اخترتها بنفسي ابي اختار بقناعتي
ناظره ابوه وقال : الحمد لله والشكر .. ترانا بالسعوديه ياولد
فهد :عارف اننا بالسعوديه
ابوه :-اجل خل عنك هالخرابيط .. كيف بتختار بقناعتك؟.. وحنا بفضل الله ماعندنا اختلاط
انقهر فهد لانه ماله اعتراض على رنا ..لا الاعتراض على الاستبداد وعلى تحكمهم بحياة كل واحد في العايله وكأنهم مو كفو حتى يختارون من يشاركونهم في الحياه
المسأله كانت مسأله عناد ..وهو مايبيهم يفرضون عليه رغباتهم
قال فهد وهو قابض يده لدرجة غرست اظافيره في لحمه :- انا ما ابيك تختارون لي .. انا قادر اختار بنفسي
ولاحياة لمن تنادي...!!
قال ابوه وهو يطلع الدرج لغرفته :-الملكه بعد زواج احمد
قال فهد بعناد :-ماني متزوج أنا رجال مو بنت انغصب
عصب ابوه وقال بقسوه :-براحتك بس دور لك شغل غير شركة ارامكو
الصدمه افقدت فهد الكلام..ناظر في ابوه وكأنه يشوفه لاول مره
قال والصدمه واضحه بصوته :- اكيد تمزح
ابوه :-انا ما امزح وياليت لو تعتبر من اخوك وعقابي له يوم ماطاعني بس مصيره مسوي الي ابيه
مسك فهد راسه بيدينه وقال :-مستحيل مو قادر اصدق يبه..حنا عيالك
قاطعه ابوه :-وانا ابي مصلحتكم الي غافلين عنها..بنات الحمايل قليل وانا ابي امهات احفادي شقرديات
قال فهد وهو يكمد غيضه من ابوه عشان مايعصي ربه وعشانه متذكر فضل ابوه عليه :-يبه الماس بنت حمايل وهذاك بتزوج رجلها
حس فهد بلمحة ألم مرت على وجه ابوه الي قال :-ياليت الكل مثل الماس..عطاها ربي من كل شي وجملها بس حرمها من الضنا..وهذا الي مخليني ابي ازوج سعود ..نوف
حس فهد انه ديناميت بينفجر في أي لحظه ..
وقال :-ماراح اتزوج رنا
قال ابوه بلامبالاة :-أجل ودع شغلك واتحداك تلقى وظيفه تعطيك هالثروه كل شهر
جا ابوه على الجرح...قال فهد :_يبه حرام عليك سنين من الغربه في الكد والشقا وتبي تحرمني من ثمرة مجهوداتي وتعبي
قال ابوه وهو يكمل طريقه لغرفته :-وافق تسلم ..
ناظره فهد..بتبلد
وقال يكمل :-انتظر قرارك بكره العصر ..ان مارديت من المغرب بكون فاصلك من شغلك وانت تعرفني زين واسأل سعود عني.
جلس فهد بغرفته ومانام الليل يفكر وقلبه مليان من الكره على هالوضع وهالمذله..
اشين صفاته عزة نفسه الزايده والي منكده عليه..كيف ينجبر على شي مايبيه
دارت به الافكار يمين وشمال وكل الطرق تقفلت في وجهه ...
لكن عزة نفسه رفضت خضوعه لابوه و اذا يبي يفصله يفصله...
وفعلا هذا الي قاله لابوه..الي رد عليه وقال :- انت معك اجازه لين اليوم الثاني من زواج اختك بعطيك فرصه لين تنتهي اجازتك ان وافقت كان بها ورجعت ولقيت وظيفتك موجوده وان رفضت لا تتعب عمرك وترجع للوظيفه
وطلع وترك فهد يكويه القهر كوي!!(
رجعه للواقع ..يد خالد الي مسكت ذراعه
خالد :-توكل على الله ياخوي وكافي عناد
فهد :-وانت
ضحك خالد :-وانا وش فيني
عصب فهد :-انت تبيها كيف اتزوجها
قال خالد :-الي يسمعك يقول عاشقها..ياخي بنت كلن يتمناها اخلاق وادب وذوق
فهد :-مقدر
انقهر خالد وقال شي صدم وفاجأ فهد في نفس الوقت :-شف قسم بالله لتحرم علي هالبنت ليوم الدين
صرخ فهد :-لا
قال خالد بعناد :-حلفت ياخالد وماني ناوي اكفر عن حلفي لأني جاد ..يا تتزوجها وتحفظ مستقبلك ..يا ترفض وتضيع عمرك وفي التالي تضحيتك مالها معنى لأني ما راح اتزوجها
ضربه خالد بشويش وقال وهو يمزح حتى يخفف الجو :-لو ما تزوجتها وش بيسوون بك الشياب بيطردونك من شغلك
كان خالد يمزح ولما شاف نظرة فهد الي تأكد هالشي..ماتت الابتسامه على شفايفه
قال بهمس وعيونه بعمانه وابوه الي كاشخين بالبشوت وفالينها سوالف :-بيطردونك من وظيفتك
هز فهد راسه..
قال خالد وهو يقرب من الهستيريا :-مستحيل كيف ..
ضحك فهد بدون نفس :-وشهو الي كيف الي بروسهم بيسوونه ولو كان بالمريخ
كئب خالد وقال :-عز الله كبروا وخرفوا
ابتسم فهد :- وانا اشهد
ناظره خالد وشوي الا وهم فاطسين ضحك..
قال فهد وهو فيه الضحك :-حسبي الله على ابليس هبلوا فينا
خالد :-هههههههههههههههههه ودك تغصب واحدن منهم على شي مايبيه ياترى بيضحك وبينسط مثله الحين
وناظروا في الشياب الي يضحكون ويسولفون
قال فهد يمزح :- ايه احترني تغصبهم عشم ابليس مو في الجنه الا عشمه في لمحة لها
خالد :- هههههههههههههههههه على رايك
كمل خالد بعد كم دقيقه :-وش نويت عليه؟
قال فهد بعناد :-ماراح يمشون علي رايهم وزواج ماني متزوج لو اموت من الجوع
عصب خالد وتمنى لو يمسك فهد ويخنقه لين يرجع لعقله ..بس مافيه أمل عيال عمه روسهم يابسه ونفوسهم عزيزه بالحيل ، صحيح ان خالد نوى يتزوج وتمنى لو تكون من بنات عمه يا رنا يا هنادي..بس رنا وماراح تكون له وهنادي مايدري يبيها ولا لا ؟
×
:
؛
:
×

>الساعه1 صباحا<
<في جناحهم بالفندق>

قال احمد لسعاد وهو يناظرها :-والله وكسبت الرهان يابنت العم
نست الخوف..والحزن .. ورجعت لعنادها وقوتها
قالت بغرور:- كسبت ..تسمي زواجي منك ربح..اعرف انك خسران ياولد العم لاني مابيك
انقهر احمد وتمنى لو يمسكها مع رقبتها ويخنقها.. ما تمل من العناد من القوه ..ومن مذلته
قال يبي يجرحها مثل ما جرحته :- ولا انا ابيك
يمكن تكون ملامحها من برى مثل بركة ماء راكده مليانه بالأسرار وغامضه لكن من جوى كانت مثل مدينه مدمره دمار شامل كلامه جرحها من الصميم للصميم ..
وعم المكان هدوء فضيع...كلن يناظر في غريمه بقوة عين وكبر وعناد
قال وهو يناظرها بعيون سود لحظها يذبح :- تركتيني بليلة الملكه تدرين شلون بتركك انا بليلة زواجنا
رفعت سعاد عيونها بعيونه وقالت بصدمه :-بتطلقني..
ضحك وقال :-لا ..
قالت بخوف :-اجل
قال بلا مبالاة :-انتي في حالك وانا فحالي
فهمت سعاد تعليقه وقصده..حمرت خدودها..وانقهرت لأنها كانت بتسوي هالشي قبله..
ناظر احمد فيها وبعروقه تصطلي النيران..عارف ان بعدها عنه فوق طاقته لكن لا...مرجلته فوق كل شي
قال وهو ينزل شماغه ويفك ازارير ثوبه وسعاد عيونها طالعه من مكانها..:-الليله غصب بيجمعنا مكان واحد وسرير واحد
وبكره لارجعنا بيتنا ..انتي لك غرفه وانا غرفه
كانت تتمنى لو تبكي..لكن حتى الدمع قفا وتخلى عنها..فضلت السكوت لأن كلمه..بس كلمه..بتفجر البركان الثاير بصدرها..
جلس يناظر بالتلفزيون..
ودخلت سعاد وبدلت ملابسها ..بملابس محتشمه وكانت هلكانه من التعب والتوتر النفسي والتفكير..وقفت قدام المرايه وفكت بنس شعرها حتى طاح على خصرها بتموجاته السوداء
أجبر احمد نفسه يناظر أي شي .. ولايناظرها هي مو داريه ولاعارفه وش تسوي به..
بعد حاله وتعب نامت سعاد...بينما طلع الصبح واحمد ماغمض له جفن
×
×
فتحت سعاد عيونها على همس ينادي باسمها ولقت احمد يصحيها ..رفعت نفسها وغطت جسمها بسرعه ابتسم لها
قال :-ماودك تتغدين
ناظرت في الساعه ولقتها 2 الظهر قامت بسرعة البرق وقالت وهي شكلها بتبكي :-يوه فاتتني الصلاه
ابتسم احمد من تعابيرها وقال :-حاولت اصحيك بس ما طعتي
انتبهت سعاد لوضعهم الجديد وقالت بهدوء :-صار خير الحين بصليهم
وراحت تاخذ شاور سريع ..
صلت ولبست وخلصت..
قال احمد وهو يشوفها ماذاقت الاكل :-تغدي
سعاد :-لا... بس..
احمد :- تبغين شي محدد
هزت راسها وهي تشرب العصير :-الأكل الثقيل بعد النوم مباشرة يأذى المعده
احمد :- كلام فاضي
هزت كتوفها :-براحتك انا مو متعوده آكل لاصحيت من النوم شي اشربه يقوم بالواجب
ومارد عليه وكمل اكله وطنشها..
حس احمد بانعدام في الشهيه ماله مثيل بس كان يآكل عناد حتى ماتقول انه ما أكل لعيونها يوم عافت الأكل لكن في الأخير ماقدر يتحمل ويجبر نفسه على الأكل اكثر..
ناظرته سعاد وتمنت لو تمسك كاس المويه الي بيدها وتصبه على راسه ..بس مسكت اعصابها وسكتت..
قال :-اذا كنتي جاهزه بنرجع بيتنا الحين وبالنسبه لشهر العسل.............
قاطعته وقالت :-مالها داعي الادعاءات
ناظرها وقال :-عادي عندك ماتسافرين
سعاد :-وضعنا مايساعد
قال يستهزء :-افهم من كذا ان الوضع مو معجبك
قالت بتحدي وقوه :- لاتفسر الكلام على هواك..
ووقفت وراحت تجمع اغراضها القليله..
انقهر احمد من ردة فعلها صحيح ان شهر العسل بيأزم الامور وبيصعبها عليه ..ويمكن يكون معها حق وضعهم مايساعد بس هو مايبي كلام الناس يجرحها ,,
ناظر في جواله الي بيده بعصبيه "تخبلت انا كيف افكر في شعورها وهي ما فكرت فيني يوم "
جمعت سعاد اغراضها القليله بيدين ترتجف..ماكانت متخيله ان أسعد ايام حياتها بتنقلب نكد كذا..والجاي اعظم بس الله يصبرها
**********
( الجزء الثاني )
****في بيت ابو احمد ****
دق احمد على ناصر لانها فرصته عشان يتطمن على رنا لان قلبه ماكله عليها
ناصر :-هلا والله بالعريس
احمد :-هههههههههههه هلا بك
قال ناصر بخبث :-غريبه متذكرنا للحين
ابتسم احمد من تعليقه وقال :-عن الحركات الي مالها داعي وبشرني على رنا
ناصر :-بخير انا مثل ما وصيتني ما افارقها ابدآ
هز احمد راسه وقال :-وش انطباعات امي طيب
كئب ناصر :-الله يجيرنا شايطه على اخر شي ومتحلفه في رنا وانا خايف ياخوي اجازتي تنتهي بكره
قال احمد :-خير ان شاء الله انا برجع بيتي اليوم
انصدم ناصر :-من جدك
احمد :-ايه
ناصر :ليش طيب
توهق احمد ولازم على الاقل يلقى عذر يبعده عن الشوشره والا تدخلوا الشياب وهم ان تدخلوا في شي قلبوه فوق تحت
قال بنبره لها معنى :-بيتنا اريح لنا والسفر ملحوق عليه انت عارف مامعي اجازه الا اسبوعين بتروح كلها في الروحه والجيه
ناصر :- هههههههههههههههه ماعندك وقت
احمد :-انتبه عليها لا اوصيك بوالله قلبي مو متطمن
ناصر :-ياخي لاتوسوس انت توك متزوج عش حياتك وانسانا شوي
احمد :-طيب..كيف طلول
ناصر :-يشكي راسه بس بخير
احمد :-اذا زاد عليه الوجع خذه للطبيب وماعليك منه
ناصر :-صار ..يالله رح لزوجتك وعن الهذره
احمد :-يالله سلام
وسكر الجوال وسرح في هالمشكله ..تذكر الي صار ولمس جرحه الي ماطاب للحين لا وصابه شمم من بعد حفلة العرس البارح ومتورم وزايد وجعه لازم يروح للطبيب ويغير ضمادته .والايغيرها هو وتذكر ان الضمادات بالبيت,,ايه لارجع يضمده
جلس يفكر وراسه بين يدينه "كيف بيلقى عذر لابوه حتى تجي رنا وتسكن معه كيف.."
وقفت سعاد تفكر في الي سمعته..وش فيها رنا !!
وليه احمد مو متطمن..!!
كان احمد يكلمها
سعاد :-نعم
كان طفشان وقال :-انعم الله عليك اقول خلصتي
ارتبكت وقالت :-ايه
واخذ شماغه وطلعوا..

في نفس هالوقت ------>>
قالت رنا لناصر :-ياقلبي ياحمود شايلن همنا حتى وهو بعيد
ناصر :- اي والله الله يوفقه يارب في حياته
الا وطلال يدخل :-انتم هنا ياحلوين
رنا :-ههههههههه ايه هنا
سوى طلال نفسه خايف :-الحمد لله خفت حسبتني بلحالي مع الساحرات
ناصر :-ههههههههههههههههههههههههه ههه سنايدي
عصبت رنا :-عن قلة الادب
قال طلال يبي يقهرها :-بدينا في المحاضرات
قال ناصر :-طفش صح
رنا وطلال :-اي والله
ناصر :- وش رايكم نطلع من البيت نسربت
قالت رنا بخوف حقيقي :-انهبلت انت عشان تحرقنا امي بالحيا
هز ناصر راسه :-علقه تفوت ومحدن يموت
تحمس طلال وقال: تذكر يا ناصر المقهى الجديد الي مفتتحينه بشارع الملك عبدالله
تذكر ناصر المقهى الروعه الي توه له شهرين مفتتح :-ايه
طلال :-اجل خلنا نودي رنا بيت عمي سعود ونروح للمقهى ونواعد الشله
استانس ناصر :-والله وجبتها شرايك اخت رنا
سوت فيها معصبه وقالت :-تذكرتوا اني موجوده يالله اني احمدك واشكرك
ناصر وطلال :-ههههههههههههههههههههههههه
تذكرت رنا امها وقالت :-خايفه يا ناصر امي تتحلف فيني
ناصر :-دقي على ابوي وخذي منه الاذن وعقبها ماراح يكون لها كلمه
ترددت رنا وتحت الحاح اخوانها دقت على ابوها ووافق انها تروح لبنات عمها ولا وتتعشى بعد عندهم
قالت رنا :-بروح اجيب عبايتي
وطلعت بسرعه وقف ناصر بيلحقها وطاح جواله وانكسرت شاشته على الرخام ونزل يجمع قطعه
في هالوقت لقت ام احمد الفرصه حتى تشفي غليلها من رنا ..وماراح يبرد قلبها الا لما تحرقها بالنار وبما ان مافيه وقت قبل جيت ناصر مسكت سكين الخضار وحطتها على النار لانها كانت على الطاوله محطوطه وفي طلعة رنا من غرفتها ما درت الا وبامها توقف في وجهها وكانت ناويه تحط السكين الحاميه على خدها لولا ان رنا حطت يدها بين السكين وبين وجهها وجاء الحرق بيدها لا ومن قوته لزقت السكينه بجلدها
وعلى صرخة رنا ..جوا العيال يركضون
وقف ناصر مصدوم ووجهه كأنه واحد ميت ..وصدمه طلال من ورى وجمد هو الثاني
سالت دموع ناصر غصب عليه وفوق طاقته قال وهو يصارخ :-حرام عليك يالظالمه
صرخت في وجهه :-استح انا امك
قال وهو شبه مهستر :- لا يكرمن الامهات عندك
الا ويجيه منها كف معتبر...وقف الزمن
مافيه شي حي..
الاعيون تتلاقى ..مو مصدقه مصدومه وعيون قاسيه متحجره
قالت نوف الي شهدت اخر شي من السالفه :-آه ياليتها جت على وجهك يالشينه
الا وناصر يفقد اعصابه ويرميها على الجدار وتفقد وعيها وامها تصارخ ..
قالت بهستيريا :-عند ابوك انا ماخليته يحرقك بالحيا ويطردك انت واخوانك المتخلفين ويزوج اختك ذي شايب من ربعه ماكون بنت ابوي
كانت رنا تتألم بالمره ..ويدها تحرقها
طلال ..مصدوم
ناصر منفعل لحد الاجرام
قال ناصر يتوعد :-قولي له اني انا السبب وشوفي انا وش بقوله
صرخت :- وش بتقول
قال ناصر يستهزء :-بجيب القديم والجديد واعطيك مثال حي ..حادث طلال انتي السبب في عماه حرق يدي وحرق صدر احمد وكسر ضلعه واخرتها حرق رنا انتي انسانه مريضه
انصدمت امه من كلامه ومن تهديده الا تبصم بالعشره انه قاصده وخافت مره لان لو شم نايف خبر بفعايلها هو بيطلقها لكن قبل الطلاق بياخذ حق عياله منها والعين يالعين
شاف ناصر رجفتها وقال وهو يناظر في نوف الي مغمى عليها :-عساها تموت والا انتي يمه مقدر ادعي عليك بس حسبي الله ونعم الوكيل
واخذ اخوانه وطلع..
بعدها بربع ساعه ..قال ناصر لرنا وهم بالسياره :-كيفك الحين
قالت رنا وهي ترجف :-نص نص بس الحمد لله المراهم مسكنه الوجع
قال طلال باكتئاب :-والحين ياناصر
سوى ناصر الوضع ايزي ..عشان اخوانه ولا بقلبه النار قايده :-عادي خطتنا ماشيه ومدام رنا بخير بنوديها بيت عمي ناصر تغير جو
قالت رنا :-احسن شي تسويه
طلال :-براحتكم على الاقل مانشيل همك وانتي في بيت هالاجاويد
وفعلا نزلت رنا في بيت عمها وراحوا العيال مشوارهم..
قالت هنادي وهي تصارخ :-ياهلاااااااااااااااااا وش هالزياره الحلوه
ابتسمت رنا من قلب :-ماعليش ما امداني اكلمك واعلمك عسى مايكون عندك روحه ولاشي
هنادي :-جتني المسج الي ارسلتيه ولو عندي طلعه لعيونك ااجلها
ابتسمت رنا من قلب وقالت :- وين خالتي
هنادي :-مو هنا طالعه
وفجأه انتبهت هنادي ليد رنا المضمده وقالت بخوف :-رنو شفيك سلامات
تورطت رنا وقالت :-يسلم عمرك يالغلا هذا انا من زود الذرابه حرقت نفسي وانا اطبخ
هنادي :-اح يوجع ..رحتي مستشفى
رنا :- توني جايه
الا وبجية منال :- هلا والله برنو احلى زياره والله
رنا :-هههههههههه كبر راسي من كثر الترحيب
هنادي ورنا :-هههههههههههههههههههه
وبعدين راحن البنات وجلسن بالغرفه ..وراح الوقت بين السوالف والوناسه ..حست رنا ببهجه فقدتها طول عمرها وفي قلبها تمنت لو نوف مثل منال الحين مع هنادي طيوبه وحبوبه وضحك ووناسه لا تنافس ولاكره ..
دق جوال رنا..وطلعته من الشنطه لينه احمد ..
قالت وهي توقف :-بالاذن بنات بطلع اكلم فيه احد من العيال
منال :-لا كلهم طالعين وفهد نايم بغرفته من بعد صلاة العصر
تطمنت رنا وطلعت...
أذن لصلاة المغرب وصحى فهد على صوت المؤذن وقام وتوضأ ولبس عشان يجلس بالمسجد حتى يقيم..الا ويلقى بوجهه بنت شعرها احمر غامق طويل معطيته ظهرها وجالسه على الصوفا الي بالرسبشن ومو وحده من خواته متاكد..
قرب منها ..ووقف عند الزاويه عشان لا التفتت ماتشوفه ويقدر يتخبى ..الا ويسمعها تبكي
"هلا احمد...ايه ...
صارخ احمد :-اكيد انتي بخير وش صار
قالت رنا وهي تحس بألم يدها ينبض وانهارت قوتها لما سمعت صوت اخوها الحنون الي شايل همها حتى باحلى ايام عمره
قالت رنا لأن احمد لو ما قالت له... جاها.. وهي ماتبي تزعل سعاد :-كنت رايحه باخذ عبايتي عشان اطلع مع ناصر وطلال ومدري كيف الا وهي حارقتني بسكين
انصدم احمد :-سكين
بكت رنا زود :-ايه سكين كانت تبي تحرق وجهي بس الله ستر
ضاقت باحمد الوسيعه وطبق عليه صدره من الضيق:-آآآآآآآآآآآآآآآآآه ياربي
رنا وهي تمسح دموعها :-سليمه يا خوي هذي امي وهذي طبايعها والدليل الي سوته فيك وفي ناصر مو انا الوحيده الا احرقتني
عصب احمد :-مالك معقد معها
رنا :-اعقل يا احمد .. ابوي ماراح يرضى يخليني اسكن معك يفرجها الله بمعرفته ياخوي انا الحين بروح تأخرت على البنات
احمد :-زين اكلمك شوي
رنا :-اوكي
سكرت رنا الجوال ومسحت دموعها..ووقفت أما فهد خاف تشوفه وهج لغرفته بسرعه..
سكر الباب وجلس مو مستوعب الصدمه الي سمعها..صدمة حياته فيه ام تحرق عيالها بالنار..
هو لاحظ يد رنا المضمد كفها كله ..وماتوقع تكون امها السبب ..من جد زوجة عمه مريضه وماهي صاحيه..
حس الدنيا تضيق عليه ..وش العمل؟
خالد وحرم يتزوجها حتى لو هو ماتزوجها..هو
لا الوظيفه كانت هامته..ولا شي همه..
لكن الحين..حياة رنا التعيسه بيدينه ان وافق يتزوجها بيطلعها من النار الي عايشه فيها لان مستحيل ابوها يوافق يخليها تسكن مع اخوها وهو موجود وان عرف السبب يمكن توصل للطلاق والفضايح وان مادرى بتذوق رنا الويل..
وبتصميم ..طلع بسرعه للمسجد وبراسه بعد الصلاه موال!!
:
،
:
قال ابو سعود لولده :-وش قرارك مازلت معند
تذكر فهد قراره الجديد ورنا..:-موافق يبه
انصدم ابوه توقع فهد راسه ناشف وبيتعبه
وكمل فهد كلامه وزادت حيرة ابوه :-وابي العرس بأسرع وقت ممكن
استانس ابوه وقال :-يامغير القلوب
ناظره فهد وسكت..ماله داعي يعرف احد بالسبب الحقيقي ورى زواجه من رنا .
&&&&&&&
( الفصل الحادي عشر )
(الجزء الأول )
><بيت ابو سعود><
صحت هنادي متروعه من نومها على صوت شي طاح بالارض برى غرفتها
وقفت بسرعه وعدلت بيجامتها الصفراء وطلعت وهي مصدعه تبي النوم ..شافت امها واقفه ويدها على قلبها وقطع الكاس بالارض
قالت هنادي وهي تمشي بسرعه لامها وتبعد عن القزاز المتكسر :-خليه يمه انا انظفه
ناظرت بامها وشافت وجهها ما ينتفسر مسكتها مع يدها وقالت بخوف :-يمه فيه شي
قالت امها وهي تحس بنغزات في قلبها :-هاه...لا بس قلبي يعورني
خافت هنادي وقالت :-خير ان شاء الله
لكن امها كانت النفسيه تعبانه لسبب ما ؟؟
قالت هنادي :-يمه استريحي لاتكبرين الموضوع
قالت امها والألم بصدرها يزيد :-يمه قلبي مو متطمن ياويل حالي عيالي كل واحد بديره ولا ادري عنه
ضاق خلق هنادي وبدا الخوف يشتغل معها قالت بهدوء ماتحس به :-يمه لاتفاولين عليهم سلطان بسكن طلاب وانتي عارفته مو راعي خرابيط وهمه دراسته حتى انه مستعجل يبي يخلصها عشان يرجع ويتزوج وفهد مع مرته بالشرقيه ولو صاير له شي لاسمح الله بتدق علينا ماتعرف احد هناك وسعاد مع رجلها وسعود هنا
جلست امها بصعوبه :-لا لا قلبي يعورني ماراح اتطمن لين تدقين عليهم
جلست هنادي جنبها :-يمه نخوفهم على الفاضي انتي تعرفين العيال والله لو تقولين انك بتتطمنين ليجون ماعليهم منك
قالت امها وملامحها تعبانه :-اجل دقي على اختك
طلعت عيونها قدام :-مستحيل اكلمها الحين رجلها عندها
امها :-طيب وش السواة قلبي مو متطمن
هنادي وهي تجلس امها :-اذكري الله يمه هذي وساوس شيطان
امها :-لا اله الا الله محمد رسول الله ذاكرته يمه في كل وقت وفي كل حين
هنادي وهي تحب على راسها :-اجل لا تكبرين السالفه وتتعبين نفسك بسبب اوهام ..
>
<
>
<
>>>>>>>>>بالمستشفى
قال الطبيب دقوا على أهل هالمرضى لازم يتلقون نبأ وفاتهم
هزت الممرضه راسها :-اوكي
وراح يكمل باقي تعليماته للممرضه ...
بعد ربع ساعه دخل طلال المستشفى بسرعه ...
طلال :-اخوي بغيت اسأل عن مريض ومريضه دخلوا قبل ساعه المستشفى
الموظف :-اسماءهم
طلال :-احمد بن نايف وسعاد بنت ناصر
الموظف :-تفضل هذا رقم غرفة احمد بن نايف
طلال تغير لون وجهه :-وسعاد
الموظف بارتباك :-يفضل تراجعون الطبيب المسئول
وقف طلال شوي يجمع افكاره ويتماسك باين الرد من تصريفة الموظف ...
وراح لغرفة اخوه وهو مايدري وش يقول له وهو بالطريق طلع جواله ...
ودق على جوال سعود
>
<
تقلب سعود بفراشه وصوت الجوال مزعجه ..
مد يده واخذ جواله ... لينه رقم طلال
قال وهو يرجع شعره بيده ..بهمس قبل لايرد :-خير اللهم اجعله خير
"الو"
طلال :-هلا سعود كيف حالك
سعود :-بخير.. خير ان شاء الله
طلال :-خير خير
سعود :-طلال وش فيه مكالمتك هالحزه فيها شي
قال طلال :-احمد وسعاد صار لهم حادث وهم بمستشفى -----------
قام سعود بسرعه :-افااااااااا صار لهم شي
تردد طلال :- مـ مدري توني واصل المستشفى اخويا احمد هم الي داقين علي وعلموني الحقه بالمستشفى
بسرعه البرق لبس سعود ثوبه واخذ شماغه بيده قامت الماس وهي تناظر وجهه
وقفت :-سعود فيه شي
ناظرها وقال :-لا ارجعي نامي
خافت الماس موت :-سعود تكفى قلي شفيه
اخذ مفاتيحه وجواله وقال وهو معطيها ظهره :-واحد من ربعي صار له حادث وبروح له
صدقته :-لاحول ولاقوة الابالله.. الله يرفع عنه كل ضرر وسوء
طلع بسرعه من الجناح ...
في طريقه شاف امه جالسه مهمومه وهنادي معها وجهها ماينتفسر ,,
استغرب من معلمهم ..
مر من عندهن بسرعه ماله خلق مناحه وهو توه مايدري وش السالفه ولا وش كثر اصاباتهم ..
وقفت امه :-يمه من ...
ارتبك سعود :-من الي من يمه
امه :-من من اخوانك الي تعبان
سعود :-محد يمه محد
امه ودمعتها تفر من عينها :-قلبي يقول لي اني بفقد احد منكم
دمعت عيونه ومافات هالشي هنادي الي بكت غصب وقالت وهي ماسكته :-منهو ياسعود من
نفض سعود يدها ونزل بسرعه دقايق الا وطاحت امه على هنادي ...
صرخت هنادي: يمه ...
الا بجية ابوها ومنال :-خير شفيك...............
ركضت منال وطاحت عند امها الي بحضن هنادي :-يمه بسم الله عليك هنادي شفيه
ابوها وهو يساعد البنات يصحن امهن :-علام امك شفيه صاير شي لاخوانك
قالت هنادي وهي تصيح :-مدري امي قلبها يعورها وموسوسه على اخواني وفجأه طلع سعود يركض وشماغه بيده
انصدم ابوها وقلبه عوره :-طلع يركض
قالت وهي تبكي وكلامها يالله ينفهم :-ايه طلع ركض ولما سألناه اذا اخواني صابهم شي دمعت عيونه وماتكلم
صحت ام سعود وقالت ودموعها تسيل :-يمه دقي على اخوك خليه يعلمني من
وقفت هنادي تمسح دموعها بقفا يدها وركضت لغرفتها تجيب جوالها ...
كان سعود قافل جواله ...
انهارت على السرير ودرت ان فيه شي ...
نزلت راسها ومسكته بيدينها وهي تبكي وترجف خوف وترقب من من !
سلطان الي ببلاد الغربـــــــــــــــــــه والي يترقب اليوم الي يرجع فيه عشان يتزوج قمر!!!
فهد الي توه متزوج وما تهنى بزواجه !!!
سعاد الي أخيرا قدرت تحل مشاكلها وتو تبدأ حياة جديده مع زوجها الي تعشقه !!!
دخلت منال عليها الغرفه ونفسيتها دمار ..قالت وهي تمسح دموعها بعناد :-هنادي لاتفاولين.. خير ان شاء الله
قالت تهمس وهي على حالتها :-قلبي يعورني انا بعد
جلست منال جنبها وقالت وهي تمسح دموعها في كل مره :-هنادي امي الي فيها يكفيها السكر عندها 500 ميه وابوي جالس يحاول يكلم سعود
هنادي :-قافل جواله وهذا دليل ان فيه مصيبه
بلاشعور طلعت بكية منال قويه :-ياويلي
ضمتها هنادي وجلسن على هالحاله !

( الجزء الثاني )
>>>>>>>>دخل سعود المستشفى ويده على قلبه
وقف عند مكتب الاستقبال
سعود :-لو سمحت اخوي بغيت اسأل عن رجال وزوجته دخلوا بسبب حادث قبل ساعه عندكم
الموظف :-الاسم
سعود :-سعاد بنت ناصر واحمد بن نايف
الموظف وهو يطقطق في الكومبيوتر :-الاخ احمد بن نايف في الغرفه رقم 530
قال بخوف :-وسعاد
تردد الموظف وقال :-يفضل مراجعة الطبيب المسؤول
انخرش قلبه :-من الطبيب؟ وش اسمه؟
الموظف :-الطبيب \ مشاري
ومشى سعود بسرعه لغرفة احمد ...
كان طلال واقف في هاللحظه وشكله متضايق .. انقبض قلب سعود
سعود :-طلال خير
التفت يمه طلال :-هلا سعود
سعود :-طلال علمني احمد وزوجته فيهم شي وش الي صار انت قلت لي حادث بدون شرح
طلال :-بيتهم احترق والظاهر السبب التماس .. شكل المويه متسربه لطبلون الكهربا
ارتجفت انفاس سعود :-طيب
طلال :-احمـــــــــــــــد مغمى عليه للآن شكله جايه انهيار عصبي و...............
سعود :-واختي !
طلال بتردد :-والله مدري شقولك
سعود عصب من المماطل عصب من الخوف ومن الهواجس :-قول شفيها
رحم حاله طلال وقال :-سعاد راحت في غيبوبه
انهار سعود على كراسي الانتظار :-غيبوبه
طلال بحزن :-والعلم عند الله يمكن تصحى ويمكن لا
صرخ من قلبه لكن صرخته اختنقت وصارت همس :-لااااااااااا
جلس طلال جنبه وحط يده على كتفه :-الحمد لله انها ما ماتت
قال سعود بخدر :-كيف ما ماتت طلال أغلب الي يروحون بغيبوبه مايصحون منها ابد
سكت طلال لأن كلام سعود مضبوط واصلا هذا الي قاله له الطبيب ...
تردد طلال وقال :-سعود فيه شي ثاني
رفع سعود نظراته الغايمه لولد عمه وقال بصوت متحشرج :-آآآآخ قول ياولد عمي ماعاد ورى الي سمعته
طلال :-سعاد كانت حامل
رفع نظره وقال :-كانت
طلال :-ايه علمني الطبيب انها اجهضت هو صح شرح لي الأسباب بس كلها طبيه ومافهمت منه شي
سعود :---------
وقف سعود ووقف طلال معه :-وين
قال سعود والكون حوله اسود انعدمت ألوانه وماتت بهجته :-بشوف اختي
طلال حاول يمنعه بس سعود ماعبره ...
مشى سعود لغرفة الطبيب المسؤول عن سعاد
وبعد دقايق لقى مكتب الطبيب ومن حسن حظه ان الطبيب كان موجوده فيه
سعود وهو يدق الباب ..
الطبيب :-تفضل
دخل سعود :-السلام عليكم
الطبيب :-وعليكم السلام استريح اخوي
جلس سعود وقال :-حبيت اسأل عن مريضه دخلت عندكم قبل تقريبا ساعتين الا شوي
الطبيب :-وش اسمها
سعود بغصه :-سعاد بنت ناصر
فتح الطبيب ملفات قدامه وقال وهو يسكر ملف قرا فيه شوي :-المريضه سعاد للأسف راحت في غيبوبه
قال سعود والدموع بعيونه :-دكتور لا تكون موته دماغيه
تغير وجه الطبيب وقال بهدوء :-لا ما ماتت دماغيا بس الأمل واهي
لأول مره يتمنى سعود انه يبكي ..
بس تنزل دمعه وحده .. لكن حتى الدموع صارت عصيه وتمردت عليه ومانزلـــــــــــت مو قادر يستوعب الي يسمعه او بالأحرى مو قادر يصدق ويستوعب حس زي شي ينهش فيه يألمه ومايقدر يمنعه .. شاف بعيونه شباب اخته يضيع قدامه .. شاف انهيار ولد عمه ورفيق عمره وهو يشوف زوجته تموت قدامه تدريجيا بلا حول وقوه ..
قال الطبيب يواسيه :-(ولاتقنطوا من رحمة الله)
هز سعود راسه ومارد عليه ...
كمل الطبيب :-بالنسبه لاحمد اظنه زوج المريضه ولا
هز سعود راسه ومارد .. ضاع الكلام وماتت الحروف مابقي الا الألم .. السواد .. وفجيعه هزته في الروح هزه تفوق الوصف!
الطبيب :-اقدر اقول الحمد لله لأن ما صابه ضرر من الحريق غير شوية حروق بسيطه متفرقه
بلع سعود غصته الي جرحته تجريح :-والانهيار
الطبيب :-الانهيار بسبب خوفه على زوجته اتوقع او بسبب صدمته من كل الأحداث الي مرت.. انا الي قالوه لي المسعفين ان قلب المريضه توقف وفي هاللحظه اغمى عليه وانهار اتوقع انه حسبها توفت ... طبعا المسعفين ماقصروا وصدموها بالشحنات الكهربائيه وقدروا بقدرة الله يمنعون وفاتها لكن للأسف ان الجنين الي كانت حامل فيه مات بسبب تسمم دم امه بالغازات القاتله الي نتجت بسبب تنفسها الحريق للأسف ياخوي الأضرار الي لحقت بالجهاز التنفسي وبالتالي بدم الام خطيره جدا وانا من الحين اقولك لا تتأمل كثير
قال سعود بحزن ماله مثيل :-الله كريم
وقف الطبيب وقال :-ان الله اذا احب قوما ابتلاهم
سعود بحزن وهو يهز راسه :-ونعم بالله
ووقــــــــــــــــف وطلع من غرفة الطبيب وحالته حاله
ياشينها من فجيعه كيف بيعلم ابوه وامه واخواته و الأهم احمد كيف بيبلغونه بالي صار لزوجته وانها يمكن تكون النهايه
طلع سعود يجر رجوله جر..قابله طلال الخوف باين عليه قال بلهفه :-هاه بشر
قال سعود وصوته متغير :-وش ابشرك به أختي راحت من يدينا
تغير صوت طلال وقال من قلب :-لاحول ولاقوة الا بالله الك ماقبلناه يا شيخ
سأله سعود وقلبه يتقطع :-شخبار احمـــــــــــــــــــد
طلال :-لسى ماصحـــــــــى ومتوقعين مايصحى الا بكره
كمل طلال وهو يناظر في ساعته :-يالله ياسعود الساعه على وشك تجي ثلاث الفجر خلنا نروح نريح وبكره من بدري نرجع
سعود ماكان له حيل يرفض او يتعرض :-خير ان شاء الله
وطلعوا من المستشفى !
كلن شايل همه بقلبه وكلن طلع مكسور الخاطر فاقد الأمل
عند بوابة المستشفى >>
قال طلال وهو يعدل شماغه :-يالله اشوفك ان شاء الله على خير
قال سعود بضيق :-ان شاء الله
طلال:-سلام
سعود :-مع السلامه
ركب سعود سيارته ودموعه على وشك تنزل الي صار كوم والموقف الي بينحط فيه لا رجع البيت وقابل نظرات اهله الخايفه كوم ثاني ... شغل سيارته وراح لقدره المكتوب وهو يحس بقلبه ثـــــــقيل حيل !
*******
( الجزء الثالث )
>>في بيت ابو سعود
كانت الحاله حاله وابو سعود بدى يوسوس دق على سعود ومافيه أمل لانه مايرد عليهم..أما ام سعود كانت بغرفتها والبنات عندها جالسات ..
طلعت هنادي من الغرفه وهي مو متحمله اسئلة امها الي تقطع قلبها
نزلت تحت لين ابوها جالس وباين عليه انه مهموم جلست هنادي جنبه
قال بتعب :-مادق اخوك
هنادي :-لا مادق
كملت وهي تشوف ملامحه كئيبه :-روق اعصابك يبه خير ان شاء الله
هز راسه وماتكلم الا وباب المدخل يفتح ويدخل سعود وقفوا كلهم وراحوا له ...
كانت هنادي تحس ببروده تمشي في دمها عجبيه كأنها انسان محكوم عليه بالاعدام وجايين ياخذونه عشان بينفذون فيه الحكم
لأول مره يتمنى سعود يكون في مكان غير مكانه الحين لأنه مايحب ينقل أخبار شينه لأحد وخصوصا اذا كانت الأخبار عن أعز شخصين على قلبه
أحمـــــــــــــــــد & سعـــــــــــاد
ولد عمه ورفيق دربه
واخته حبيبة قلبه...
اخته العنيده الي راسها يابسه ، اخته الي لانوت على شي محد يقدر عليها ، اخته الي كانت له عون الي وقفت جنبه في محنته وماقصرت عنه بشي ، اخته الي كانت نوارة بيتهم .. اخته الي من احب خلق الله على قلبه!
واخته الي ضاع شبابها اليوم !!
ورمش بعيونه عشان ماتطيح دمعته .. مجرد انه بيعلمهم بالخبر يألم كفايه!
قالت هنادي وهي تركض له :-بشر سعود وش فيه اكيد اكيد مافيه شي
غص بعبرته وطاحت عيونه بعيون ابوه الي كان جالس ويناظره بحزن وكأنه عرف انه فيه شي ماهو سار و ان احساس امهم بمحله
ناظرته هنادي وهو يناظر ابوه ورجعت ناظرت له ودموعها تملى عيونها لسى عندها أمل مايكون فيه شي لسى في خاطرها تدعي الله يكونون اخوانها بخير ، لكن ملامح اخوها الكبير كانت تعبر عن ألف كلمه ...
ماقدرت تكتم اكثر وطلعت صيحتها متقطعه وهي حاطه يدينها الثنتين على فمها عشان ماتصارخ وتفقد السيطره على نفسها
راح سعود يمشي للمكان الي ابوه جالس فيه
بدون مقدمات قال ابوه :-من!
نزل سعود راسه :-سعاد اختي صار لها حادث وهي بغيبوبه الحين
صرخت هنادي :-لااااااااااااااااااااااااااااا ا
راح لها سعود بسرعه ومسكها مع يدها وقال بهمس :-امي مو ناقصه لاتزيدن عليها
لكن هنادي جلست تبكي ...
قال سعود لابوه الي متغير لون وجهه :-يبه قل انت لامي انا مو قادر اعلمها اخاف عليها
هز ابوه راسه ...
طلع ابوه فوق وجلس سعود تحت وهو مو قادر يتحرك من مكانه جلست هنادي جنبه وهي تبكي :-سـ..سعود سعاد بتموت
قال بقوه :-بسم الله عليها لا ان شاء الله
همست :-طيب
قال بحنيه :-هي في غيبوبه بين يدين الله ادعيلها
وجلست تبكي ..ضمها سعود وجلست تبكي على صدره ..
وقفت نوف وهي تشوف هنادي تبكي على صدر سعود ..ناظرها سعود
جت لهم بسرعه وقالت بخوف :-شفيه شصاير
قال سعود :-سعاد واحمد صار لهم حادث
انصــــــــــــدمت
قالت هنادي بكره :-لاتسوين فيها متأثره كلنا نعرف انك ماتحبين اخوانك
قال سعود بهمس :-هنادي
كملت وهي تحس بتعصيب وحزن ماله مثيل :-انت ماتعرفها هذي انسانه منافقه معدومة احساس
سالت دموع نوف ومسحتها عنهم بسرعه لكنها مافاتت سعود ..
صرخ بقوه :-هنادي
قالت هنادي وهي تحقرها :-بروح لامي اصرف
ومرت من عند نوف وبدون اهتمام صدمتها بكتفها وكملت طريقها ...طلعت نوف بسرعه غرفتها ناداها سعود لكنها ما ردت عليه ...
دخلت نوف جناحها ودموعها تسيل .. شكلها شوهت سمعتها بما فيه الكفايه ، هي ما بكت من كلام هنادي هي بكت لأن هذا كان واقعها قبل لاتعقل وتهجد ..
جلست على سريرها وهي تسترجع ذكرياتها مع اخوانها ...تذكرت كل المصايب الي سوتها فيهم والمصايب الي كانت السبب فيها ...
لأنها تعرف امها ماتحب الي يتحداها .. وكانت تنفعل عليهم وتأذيهم بشكل ماينوصف
حرق احمد وناصر
ورنـــــــــــــــــا
آخ رنا !!
اختها الحبيبه .. اختها الي على عكسها الكل يحبها ويذكرها بالخير
اختها الي حتى ملكتها ما حضرتها هي وامها
تجهيزات زواجها ما تكرمن وساعدنها فيها...
خسرت اعظم اخت بغرورها وانانيتها وصارت وحيده الحين بهالدنيا ...لا اخوان يحبونها ولا ابو ولا ام حتى ، حتى زوجها مايبيها ومبقيها تحت ذمته عشان بس مايلحقها كلام الناس بسوء

*******


( الفصل الثاني عشر )
( الجزء الأول (
>>>>>>>في جناح ابو سعود
قالت امـ سعود بهمس :-بنيتي صاير لها حادث
قال ابو سعود :-ايه وهي واحمد بالمستشفى وبخير مافيهم الا العافيه بس بيجلسون اليوم تحت المراقبه لأنهم يخافون عليهم لايكونون تنفسوا كربون واجد
طبعا ام سعود ماتفهم في الطب بشي عشان كذا نوعآ ما مشت عليها الكذبه
ناظرت في زوجها وقالت بخوف :-ناصر اذا في سعاد شي علمني
ناظرها بنظراته الي كالعاده وقال :-شفيك يامره قلت لك بخير وبكره نروح نشوفها
ام سعود :-طيب
وجلست تمسح دمعاتها بجلالها ..
قال ابو سعود وهو يحس بضيق :-خلاص يا ام سعود قومي صلي لك ركعتين والله يستر
وقفت وراحت تصلي ركعتين تدعي فيهم الله يحفظ بنتها من كل مكروه
:
:
:
دخل سعود جناح نوف لقاها جالسه وتبكي ...
وقفت يوم شافته :-هلا سعود
سعود :-لاتزعلين من هنادي
قالت وهي تمسح دموعها :-انا مو زعلانه منها انا زعلانه من نفسي
استغرب سعود
كملت :-كل الي قالته صح من متى كنت احب اخواني كنت طفله خربها الدلع وخربتها تربية امها كنت عكس رنا في كل شي رنا كانوا العيال يحبونها كانوا لاصارت لها مشكله مع امي يتحملون المسؤوليه كلها عنها كانوا يعزونها يغلونها اما انا كنت اكرههم ما طيقهم بتقول مو معقول في بنت ماتحب اخوانها واقول لك ايه فيه.. انا
سكت سعود وقدر لها صراحتها لو كان لاحقه شك في توبة نوف خلاص الحين تلاشى!
جلس جنبها وقال بحنيه :-(ان الله يقبل توبة العبد مالم يغرغر) يعني مدام الواحد ماجته سكرات الموت خلاص الله سبحانه وتعالي بيقبل توبته شرط تكون توبة نصوح والاخوان مهما جرى بينهم من مشاكل يبقى حبهم لبعض موجود حتى لو ماحسوا فيه انتي ابدي صفحه جديده وحياه جديده وعوضي عن كل الي فات
رفعت نظرها وطاحت عيونها بعيونه ....
وصلـــــــــــــــته الرساله وحبها له كان واضح بعيونها تضايق سعود ماكان وده تصلح حياتها من جهه وتتدمر من جهه لكنه ما يبي يظلمها معه لأنه ما يحبها ولا راح يحبها لأن الماس هي كل حياته !
وقف بسرعه وقال بهمس :-تصبحين على خير
وقفت معه وقالت بهمس :-سعود
جمد في مكانه ..
وقفت قدامه وقالت بضعف :-مافيه أمل.. تحبني لو سراب أمل
ناظر في وجهها ورحم حالها قال بهمس :-انا ما اكرهك يا نوف
قالت بهمس :-انت فاهم قصدي
تضايق وقال :-لا للأسف.. الماس كل حياتي
وطلع من غرفتها بسرعه ....
راح لجناحه هو والماس لقاها تصلي الفجر ..وطلع مره ثانيه على عشان يروح يصلي في المسجد مع أبوه
*
*
*
بعد الصلاه رجع سعود ...
قالت الماس وهي تناظره :-بشر شخبار صديقك
جلس سعود جنبها وقال بهدوء :-مو صديقي الي رحت له
(لسى مااستوعبت الماس) :-أجل من!
سعود بهدوء اكثر لأنه خايف عليها :-سعاد صار لها حادث بسيط ههههههه الخبله طاحت مع الدرج وكسرت رجلها
خافت الماس :-ياقلبي تعورت مره
سعود وهو يدعي ربه ماتكشفه :-لا كسر وارتجاج بسيط بيخلونها عندهم لبكره تحت المراقبه وبعده بتتنوم كم يوم بسبب الكسر الي برجلها
وبسرعه جهز نفسه بينام ..
قالت له :-حبيبي حاسه انك مو على بعضك
شقول لك ..صدمــــــــــة حياتي في اختي هزتني من الاعماق ...
ضيقتي من وضعي انا ونوف ..
والا احمــــــــــــــد الي الله يستر من ردة فعله لا درى عن سعاد !
قال وهو يسكر النور :-تعرفين يوم رحت المستشفى كانت يدي على قلبي من الخوف ويوم رجعت كنت خايف على امي لا يرتفع سكرها والضغط ولا يجيها شي
قالت له :-الحمد لله انها جت على كذا
آه لو تعرفين الحقيقه .. وكله كوم والبيبي الي مات كوم
سعود :-الحمد لله يالله تصبحين على خير
استغربت الماس برود سعود معها مو عوايده ... اكيد فيه شي صاير وكبير لايكون سعاد فيها شي
لا لا بسم الله عليها فعدوينها !
ورجعت غمضت عيونها ومع الافكار الي توديها يمين وشمال نامت


) الجزء الثاني (
>>>>>>>>>>>> اليوم الثاني
الساعه 8 صباحآ
بالمستشفى....
فتح احمد عيونه واجهره نور الشمس الي طالع له مع الشباك
للآن مو مستوعب شي ..ووينه فيه وليه هو هنا...
وبغمضة عين تذكر كل شي...
نـــــــــــــــــــــــــــــ ــــــــــار & رعب & ألم & خوف
ودقات قلب سعاد تـــــــــــــــوقف....
سعاد ماتت لا لا مستحيل !
طلعت تنهيده منه تقطع القلب ..سعاد ماتت وتركته وحيد
ماتت وخلته هو يتعذب وبدل مايكون الموت موتة وحده ..صار موت في كل لحظه وثانيه ودقيقه !
سالت دموعه غصب عنه ، دموعه العزيزه الي ما نزلت الا مره دموعه الغاليه الي ما تتثمن ..
سيل جارف .. وما يمنعه امنع سد انخلق !
لازم يشوفها لازم والا بيموت بحســـــــــــــــــــرته
ضغط على جرس جنب السرير . وجاه الممرض
قال احمد بملامح روعت الممرض :-امس كانت زوجتي معي يوم جيت هنا تقدر تستفسر عن الموضوع
الممرض :-ان شاء الله دقايق وبرجع
وطلع من الغرفه ...قام احمد وغسل وجهه وتوضا...
وصلى صلاة الفجر الي فاتته وصلاة الضحى....
بعد ماخلص صلاه وقف ورجع جلس وراسه منحني ودموعه يمنعها وتنزل ...
دق الباب الا وبدخلة الممرض الغرفه ناظره احمد بعيون ماتشوف ..
قال الممرض :-زوجتك بالعنايه المركزه
عنايه !
سعاد بالعنايه !
رفع نظره وقال ووجهه كله ذهول :-شقلت!
الممرض :-اقول زوجتك بالعنايه المركزه وهذا رقم الغرفه واذا تبيني ارسل للطبيب المسؤول عنها تامر ثواني ويكون عندك
للآن مو مستوعب لأن اقل أمل له ... لو طلع سراب بيدمره وبيقضي عليه
قال احمد :-زوجتي عايشه
الممرض :-ايه عايشه بس ...................
ناظره احمد :- بس ايش
مشى الممرض للباب وقال بتوتر :-تدري شلون بروح انادي الطبيب المسؤول عنها واخليه يكلمك ..
كان احمد بيمنعه لكن الممرض طلع بسرعه ..
قلبه مو متمطن ..
لكنه شبه ارتاح على الاقل كل شي اهون من الموت .. من انها تروح وتتركه يعيش وحداني
وقف مو قادر يجلس دقيقه على بعضها ..
لازم يشوفها لازم
تذكر رقم الغرفه الي اعطاه له الممرض ..
وقف وطلع من الغرفه بسرعه ...
بعد عشر دقايق وصل غرفتها ... ودخل عليها كانت شاحبه كلها اجهزه ...التفت لأن فيه واحد حط يده على كتفه ...
الطبيب :-انت زوج سعاد
احمد :-ايه
الطبيب :-ياليت لو تتفضل معي المكتب ثواني
مشى احمد معه وكأنه يروح لمصير مجهول مايعرف عنه شي ...
بعد خمس دقايق ..
قال الطبيب :-شف يا اخ احمد الظاهر انت ماعندك خبر عن مدى اصابة زوجتك .. وانا اشوفها حكمه من الممرض انه ما قال لك ..
احمد :- ....................
الطبيب :-زوجتك في غيبوبه
احمد ..:_...................
كمل :-للاسف ما نقدر نتامل كثير في نجاتها خل أملك بالله كبيره والله يعوضك خير في ولدك الي راح ..
همس :-كانت حامل
الطبيب :-ايه لكن بسبب تنفسها لغازات سامه تسمم حملها ومات الجنين ببطنها
قال احمد وهو يتألم الآلآم ماتنوصف ولا يوصلها شرح :-ابي الحقيقه دكتور مابي اتعشم ويخيب ظني ابي الحقيقه الحقيقه واقع انها بين الحيا والموت مؤلم بما فيه الكفايه
الطبيب :-لا تتأمل كثير .. حنا متوقعين تموت بسكته دماغيه في أي لحظه الاكسجين نقص عن جسمها بشكل خطير .. ادع ربك وتصدق لها رمضان مابقي عليه الا ايام معدودات وربك ماينسى احد من عباده ...
هز احمد راسه ...
وطلع من الغرفه ...

دنياي ..دنياك
هو حد يسواك
القلب وياي
والبال وياك

مشى يجر رجوله جر لغرفتها ..
قبل لحظات وقف قدامها وهو متأمل خير يالله كلها كم ساعه وتصحى
والحين يوقف قدامها
وهي يعرف انها تحتضــــــــــــــــر وانها تموت !
ياليت الألم كان مره وانتهى ...
لكن الألم الحين .. عذاب × عذاب × عذاب
دخل غرفتها كانت بتعترض الممرضه لكن الطبيب كان ورى احمد وأشر لها تطلع من الغرفـــــــــــــــــه ..
سحب كرسي وجلس جنبها ...
مسك يدها يكلمها ..
(لا تتركيني يالغاليه .. انا بدونك مقدر أعيش .. انا بدونك جسم بدون روح ..عسى إلي فيك فيني وفي من يكرهوننا ..أحبك وماحبيت غيرك بحياتي ..
قاومي وكافحي اعرفك انتي القويه العنيده الي محدن يقدر عليها ..!
انتي الي جننتيني وهبلتي فيني سنين ..
انتي الي الغاليه انتي قطعه من القلب ... سعاد طلبتك لا تتركيني طلبتك ...
والله لا اموت والله ...(
سالت دموعه .. لا اراديا
كان يعرف انه يموت فيها بس تو يعرف شكثر يحبها
يحبها لدرجه لو كان بيده ما تردد دقيقه وجا في مكانها .. وتحمل الألم والعنا
كان متمسك بيدها بشكل ما ينوصف وكأنها بتروح منه لاتركها !
"ربك كريم يا احمد"
احمد :-سعود
سعود :-الحمد لله على سلامتك
احمد :-الله يسلمك
سعود وهو يناظر في اخته الي حبها على جبهتها :-خير ان شاء الله.. الله يرجعك لنا سالمه يالغاليه
سكت احمد مارد كانت عيونه تسرح على وجهها وعلى شعرها ..
خســـــــــــــــارته عظيمه ومحدن بمقدرها !
قال سعود :-احمد كتبوا لك خروج.. قم نطلع
عاند :-اترك سعاد
خنقته الغصه :-ربك معها وجلستك لاتقدم ولاتأخر
احمد :-لا ابي اجلس معها
وماقدر سعود يقنعه ....
واضطر انه يجلس معه لين يقرر متى يرجع
******( الجزء الثالث )
>>>>>>>>مكتب راكان
قال محمد لراكان :-يبو فيصل للآن ماردوا الجماعه علينا
ناظره راكان :-ههههههههههههههه والله الازعاج
محمد بقهر من برود راكان المتعمد :-ضامن عمرك انت شعليك حسرتي على الي معلقين بين الارض والسما
راكان :-اصبر الصبر زين
محمد:-للصبــــــــــر آخر ........
كمل راكان يغني :-خلاص عافك الخاطــــــــــر
محمد (مروقين ) :-روح بطــــــــــــريق
راكان :-وانا بطريق
محمد :-خلني على جرحي العتيق
الا وجوال راكان يدق ..
استغرب راكان دانه صاحيه هالحزه ..:-هلا
كانت تبكي :-راكان بروح بيت عمي
اخترع راكان :-دانه شفيك تبكين
دانه المنهاره :-سعاد واحمد صار لهم حادث وهنادي كلمتني تو نفسيتها دمار بروح لهم تكفى
وقف راكان :-تجهزي انا جايك بالطريق بنزلك عندهم وبروح المستشفى
دانه :-والاجتماع الي عندك الساعه تسع
راكان :-خلي الاجتماع يولي انا جايك
دانه :-طيب
سكر راكان الجوال
محمد :-خير الأهل فيهم شي
راكان وهو ياخذ مفتاحه :-احمد ولد عم المدام صار له حادث هو وزوجته
محمد :-لاحول
راكان :-شكلها مصيبه كايده
محمد :-الله يستر رح انت وخل الشغل علي
راكان :-ماتقصر
وطلع بسرعه ...
>
<
>
<
>>>>>>>>> بعد ربع ساعه
دخل راكان البيت وكانت دانه حالتها حاله وتنتظره تحت ...
قال لها :-هدي نفسك يالغلا وان شاء الله خير
اخذت عبايتها :-ان شاء الله
وطلعوا من البيت سألها راكان وهم بالسياره :-ماتدرين بأي مستشفى هم
دانه :-الا بالمستشفى التابع للدفاع المدني
ناظرها وهي شكلها من جد متأثره باين من صوتها :-قلبي ماراح يصير الا الي ربك كاتبه
دانه بصوت كله دموع :-ونعم بالله بس سعاد راحت في غيبوبه
انكمش قلبه... غيبوبه !
ذكر واحد من معارفه راح في غيبوبه وعقب كم شهر مات بعد العنا والآمال الكاذبه وتعشيم الأطباء لأهله ...
راكان :-الله كريم
دانه :-ونعم بالله
راكان وهو يمسك يدها :-لازم تكونين عون لبنات عمك وتكونين الأقوى بينهم لأنهم محتاجين احد قوي ...
دانه :-الله يقدرني
ووصلوا عند بيت عمها ..نزلت دانه وراكان راح للمستشفى ..
دخلت دانه ولقت البيت هاجد ...
طلعت غرفة هنادي ..
الي كانت جالسه تبكي ...
اول ماشافتها هنادي ضمتها من قلب وقالت وهي تبكي :-راحت سعاد يادانه راحت
قالت دانه وهي تبكي :-لاتفاولين عليها لاتفاولين ..
كان باب الغرفه مفتوح دخلت الماس عليهم ...طاح قلبها :-بنات شفيكم سعاد فيها شي
سلمت دانه عليها وغمزت لهنادي تسكت :-شخبارك الماس
الماس بخوف :-دانه شجايبك من صباح ربي
هنادي وهي تمسح دموعها:-فكيت مناحه على دانه و جت بسرعه
عاتبتها الماس :-مالك حق فشلتينا في رجلها
دانه :-لا راكان عنده دوام
الماس :-الا ماعندك جامعه اليوم
دانه :- لا عندي off
الماس وهي تبتسم لهن :-لاتكبرن السالفه الحمد لله ان السالفه كسر رجل مو شي اكبر
ناظرن البنات في بعض ، يعني الماس ماتدري عن الي صار لسعاد صدق !
رقعتها دانه :-معك حق الا شخبار حملك
الماس :-والله تعب الحمل ماتوقعته كذا بس الحمد لله على كل حال .. انا استأذن بروح اريح شوي بتتغدين عندنا
دانه نست كل شي عن الغداء :-مدري عن راكان اذا كان عنده شغل تغديت
الماس :-خير ان شاء الله
والتفتت يم هنادي تكلمها :-هنادي عمتو تحت شكلها طفشانه انزلن لها انا تعبت من الجلوس والا كان جلست معها
هنادي :-ان شاء الله
طلعت الماس من الغرفه ، قالت دانه وهي تنزل عبايتها :-شكل سعود ماعلم الماس بالحقيقه
هنادي :-احسن قبل كم يوم تعبت علينا ويوم وداها سعود المستشفى قالت الطبيبه ان تعصيبها وشيلها لأي هم موتر اعصابها وصايبها بتشنج يعني خطر ولازم الواحد ينتبه لها اقل شي يزعلها ممكن يخليها تولد في أي لحظه .. على الاقل ودنا تتعدى الشهر السادس على خير
دانه :-الله كريم (قالت تبي تغير مود هنادي) :-يالله ننزل لعمتي
هنادي زهقانه وعيونها محمره مانامت من امس :-مالي خلق وبعدين فيني نوم
دانه :-لا يالخايسه اجيك وتقولين فيني نوم
هنادي وهي تبتسم :-ما نمت من البارح قالبتها مناحه
مسكت دانه يدها وقالت وهي تجرها للباب :-شوفي الي كاتبه ربي بيصير رضينا ولا لا و الصياح ماينفع الي ينفع الدعاء لله
هنادي بغصه :-هذي اختي يا دانه اختي
دانه كانت فيه بعد غصه بس مسكتها :-واختي بعد ولاتنسين ربك ماينسى عباده (تستهبل) يالله ننزل ونفطر ياشيخه جبتيني من بيتي على الريق
كن هنادي روقت :-فارس احلامك الي جابك هاه
دانه :-هههههههههههههه ايه فارس احلامي عندك مانع
هنادي :-لامانع ولا دواس
وطلعن سوى
قالت هنادي وهن بالدرج ينزلن :-الا رجلك على خبري للحين مزيون
دانه :-ههههههههههههه وزايد زينه بعد
هنادي تحاول تخفف عن عمرها :-ياحظك فيه شبيه فزاع
دانه :-ههههههههههههههههه لا وهو احلى من فزاع بعد
هنادي :-اخ يا البي
دانه اشتغلت غيرتها :- هناديوه
هنادي وهي تبتسم :-طيب نسيت اني طبيت بالعميق
دانه تتوعدها:-ايه لا تنسين بعدين
وصلن تحت صرخت منال :-دندون
دانه :-ههههههههه هلا
منال وهي تسلم عليها :-غريبه جايتنا الصبح
دانه :-ههههههههه طواري كيف حالك
منال :-بخير
دانه :-الا وين عمتو ؟
منال :-راحت للمطبخ وبتجي ..
وجلسن البنات سوى قالت منال لهنادي :-سعود دق وطمنا على احمد يقول طالعين البيت الحين حاول فـي احمد يتغدى معنا وعيا عشان كذا بيتغدى معه .
هنادي بغصه :- وسعاد
منال بحزن :-على حالها فيه تحسن بس طفيف ماينذكر
قالت هنادي وهي تناظر دانه ودموعها بعيونها :-شفتي يادانه
دانه تخفف عنها :-هناديوه أنتي غاويه نكد اليوم روقينا
منال :-وهي صادقه خلينا نستانس قبل لاتنزل شينه الحلايا من فوق
دانه بكره :-ايوه عشان تكمل ونكتئب صح
هنادي بحقد :-امس سوت نفسها قدام سعود مصدومه من الي صار لأخوها مااقول الا يا لعنبو خبايري فيها
قالت منال بتغير سيرة نوف الي يكرهنها وتجيب لهن الاحباط:-دريتي ان الاخت انخطبت
دانه :-كح كح غبار
منال تستهبل :-ايه نسيت ان خطيب الاخت هنادي خوي شبيه فزاع
هنادي :-ههههههههههه
دانه انهبلت:-وانتي بعد تقولين شبيه فزاع ماجلس خليجي مزيون الا وشبهتنه فيه
منال بتحرها :-والله شنسوي اذا زين رجلك ماله شبيه ووصيف ومن كل مزيون ياخذ حلايا !
عصبت دانه :-منالوه خمسه وخميسه ان صار لرجلي شي ذبحتك انتي سامعه
منال :-ازعجتينا برجلك وكان مافيه بالكون مزيون غيره
دانه :-ههههههههههه ماينعرف لك
ام سعود قاطعتهن :-هلا والله انا اشوف بيتنا منور
وقفت دانه :-ذا نورك ياخاله
وسلمت عليها
ام سعود :-شخبارك يمه
دانه :-بخير الله يسلمك ياعمه شخبارك انتي
ام سعود وهي تجلس :-بخير بفضل ربي
دانه :-دوم
ام سعود :-شخبار رجلك وام راكان ومريم
دانه :-بخير عساك بخير
ام سعود :-الله يجعله
وكن الجو خف شوي منه التوتر بجية دانه ...
&
&
&
>>>>>>>بيت احمد
دق راكان باب البيت وفتح له سعود
راكان :-سلام
سعود :-هلا والله ببو فيصل يالله انك تحييه
راكان وهو يسلم عليه :-الله يبقيك كيف الحال
سعود :-بخير الله يسلمك اقلط
دخل راكان البيت وسأل سعود وهم يمشون :-شخبار النفسيه
كئب سعود :-والله يبو فيصل لاتسر عدو ولا صديق
راكان من قلب :-الله يكون بالعون
سعود :-الله امين لازم نجتمع حوله شكل السالفه كبيره
حط راكان يده على كتفه :-الله يقومها بالسلامه وكفاره ان شاء الله
سعود :-يارب
دخلوا داخل كان احمد جالس سرحان
راكان :-السلام عليكم
وقف احمد :-وعليكم السلام
راكان وهو يسلم عليه :-الحمد لله على السلامه
احمد :-الله يسلمك يبو فيصل اقلط حياك
راكان وهو يجلس :-الله يبقيك
راكان :-الله يقوم ان شاء الله الأهل بخير وعافيه
حزنه كان واضح ومتجلي على وجهه :-اللهم امين
كان البيت مفرغ من كل شي وريحة النار تطوف بالمكان .. صح ان شركة التنظيف يشتغلون بتنظيف البيت ومخلصين تقريبا من الدور الاول الا انه واضح ان البيت صايرة له كارثه عظيمه
قال راكان وهو مقدر وحاس باحساسه ، حاس بألمه ، وبكبر خسارته ، صعب صعب بالحيل يتحمل الواحد فقدان انسان يعتبر توأم روح له ..يعتبر حبيب يعتبر دنيا ومدار الافلاك له ولحياته ..
دايم كان لا صلى يدعي يارب اجعل يومي قبل يوم امهاتي ودانه يارب ...
يقدر يتحمل فراقه لهن لكن مايقدر يتحمل فراقهن له ..
يكفي ان فراق ابوه موسم بصدره وآثاره لسى باقيه ..يكفي احساسه بثغره فقلبه من فراق اعز انسان عرفه بحياته ..
عقب موتة ابوه عرف انه وصل لأعظم مراحل الحزن .. انه خسر اكبر خساره بحياته .. لأن كل شي يتعوض بهالكون الا الوالدين لا راحوا ما يتعوضون ابدآ !
مر الوقت اخف من الي كان متوقعه راكان صحيح ان احمد حزين ومفجوع بس تفاعل نوعآ ما معهم ومع سوالفهم ..
رغم حالات السرحان والتفكير لبعيـــــــــــد
بعدها بساعه ...كلم محمد راكان وسأل عن احمد وقال انه جاي بالطريق ..
استأذن راكان بيطلع برى ثواني يكلم
دق على مطعم وطلب لهم غداء بعد صلاة الظهر مباشرة ..
ورجع لهم مرة ثانيه ...
********
( الفصل الثالث عشر )
) الجزء الأول (
>>>>>>>>> في ديره بعيــــــــــــــــده
يغار سمعي ويشره كل وجداني
لاغاب صوتك نهار مابلغ سمعي
يالي لقيت بنواعس عينك اوطاني
هي ديرتي هي ملاذ القلب هي ربعي
املي النظر من جمالك يوم تلقاني
واحبس خيالك بعيني حبسي لدمعي
لي شفتك اعيش فعيونك ازماني
واخذ من نجومك واشعل بها شمعي
من نورها سالت الفرحه بودياني
ومن سهرها قام يورق بالذهب زرعي
×
قال زميل سلطان :-علامك سرحان
ناظره سلطان وقال بكآبه :-ولاشي
ابتسم زميله :-حنيت للوطن
قال سلطان بحنين :-مالي غنا عن نجد واهلها الله يعدي هالسنين على خير
زميله :-اللهم امين انا بطلع المكتبه تبي شي
سلطان :-لاسلامتك
لقاها سلطان فرصـــــــــــــــــــه دق على قمر
>
>
>>>>>>>> بيت ابو خالد
ارتجف الجوال بيد قمر وهي تشوف رقم سلطان ..
قمر وهي ترتجف :-الو هلا
اللهفه في صوتها ألجمت لسانه
قمر دمعت عيونها :-الو سلطان تسمعني رد علي يا الغالي
تخدر سلطان
قمر من جد جتها الصيحه :-سلطان انت معي
سلطان حس من جد بالغربه الحين ..
غربه في بعده عن ديرته عن خلانه عن أهله وعن حبيبة قلبه وزوجته الي طاح في حبها من اول ماشافها ..
وش الغربه !
الغربه لما تشتاق لاحبابك وبينك وبينهم تفصل المسافات
الغربه لما تحتاج لحضن امك وماتلقاها حولك تضمك وتمسح على راسك بحنان
الغربه لما تفقد صوت ابوك ونصايحه الدايمه لك لأنك مهما كبرت بالسن تظل بعينه صغير !
الغربه لما تنحرم من شوفة الي تحب وتنحرم من النوم عينك
قال بحب :-هلا يالغاليه هلا بالحبيبه واغلى حبيبه بعد
قمر :-كذا يا الظالم اسبوع ما اسمع حسك
سلطان :-كنت مشغول بالمحاضرات والدراسه اقوم من صباح ربي وارجع العصر هلكان من التعب وما اشوف قدامي
قمر :-كيف حالك
سلطان :-انا بخير بس مشتاق لك موووووووووووووووت
حمر وجهها :-وانا اكثر
سلطان يستهبل وغافل عن كل الي يصير :-ياويـــــــــــــل قلبي لاتخليني احجز على اقرب رحله للديره واجي
قمر :-ههههههههه هانت
سلطان :-أي هانت والله ان الوقت يالله يمشي عندي ...
ناظر سلطان في بطارية جواله ولقاها بتطفي :-غلاي بسكر الحين ولي مكالمه قريبه جوالي بيطفي وماله شاحن هنا وودي اكلم الأهل ..
قمر :-طيب يالغالي لاتقطع
سلطان :-ان شاء الله ، سلام
قمر :-مع السلامه
وسكرت الخط..
×
دق سلطان على بيت اهله ...
ردت امه :-الو
سلطان :-هلا يمه هلا يالغاليه
ماقدرت ام سعود تمسك نفسها عن الصيحه ونزلت دموعها
خاف سلطان :-يمه شفيك
امه وهي تحاول تتكلم كلمتين .. ومو قادره
قال سلطان وهو يحس بحشره من بعده عنهم :-يمه تكفين طلبتك علميني شفيك لا وقسم بالله آخذ اول طياره جايه الرياض
عاد كل شي ولا دراسة احد من عيالها ومستقبله ...
قالت له :-مشتاقه لكـ يمه مشتاقه لكـ بالحيل
دمع سلطان الغربه خاينه وتهز الرجال :-وانا اكثر يمهـ هانت يالغاليه هانت انتي شخبارك وشخبار صحتك وشخبار ابوي عساه بخير
امه :-نحمده ونشكره انا بخير وابوك بخير انت كيف حالك تآكل زين تشرب زين تنام زين
ابتسم سلطان :-الحمد لله يمه تراني ساكن بمكان كله عرب وسعوديين الأخوان بالسفاره مو مقصرين عنا بشي كنا بديرتنا
امه :-تخسي ديرة الكفار تجي مثل ديرة الحرمين الشريفين
سلطان :-ههههههههه فديت الوطنيه يالغاليه
ودعت هنادي دانه لأن راكان جا ياخذها بما انها من الصباح عندهم والوقت الحين عصر .. ودخلت البيت لقت امها تكلم سلطان وتمسح دموعها
ركضت هنادي :-يمه بكلمه
اخذت السماعه من امها :-هلا يا سليطين كيف حالك
سلطان :-ههههههههههه هلا بالخبله هنادي
دمعت هنادي :-هلا بخو الخبله
سلطان :-هههههههههه صايره قويه انتي ووجهك عدتك الاخت سعاد الا كيف حالها
غصت هنادي ونزلت دموعها ..
سلطان :-الووووووو
هنادي ماقدرت تتكلم لأن دموعها تنزل
سلطان بقوه :-الووووووووو
ناظر في جواله لقاه للآن يشتغل وما قفل
سلطان :-الو هنادي جننتيني ردي
ردت بصوت مبين انها تبكي :-هلا سلطان معك مدري شفيه ارسالك خايس
سلطان مامشت عليه التصريفه :-هنادي شفيكم
تورطت :-مافينا الا العافيه بس مشتاقين لك
سلطان :-تلعبين علي علميني وش صاير ابوي فيه شي
هنادي :-بسم الله عليه ..
سلطان ضاقت اخلاقه :-لاحول بتعلميني ولا شلون
اخذت امها سماعه التلفون وهي تتوعده ..
امه :-هلا يمه
سلطان :- اهلين يالغاليه علامكم فيكم شي يمه تكفين علميني لا تخليني اوسوس
امه :-حنا بخير ونحمد ربك انت انتبه على صحتك وعلى دراستك وارجع لنا بالدكتوراه عشان نرفع بك راسنا قدام خلق الله
سلطان :-تامرين يمه سلميني ع البنات منول وسعاد وسلميني على ابوي وسعود جوالي بطاريته ضعيفه ...............
وانقطع الخط ....................
سكرت امه الخط وهي تدعي من ربها يخليه لها ...
دخل سعود البيت .. في هاللحظه وحمد ربه وكأن وجه امه منشرح
"سلام "
امه :-وعليكم السلام
جا وحب على راسها ..
امه :-يمه ودي ازور اختك بتزعل علينا محد زارها
غص سعود لازم يعلمها بس صعب صعب صعب
مسك يدها وحب عليها :-يمه سعاد تعبانه شوي
امه بخوف :-تعبانه زود عن امس
سعود بضيق وخوف على امه :-يمه سعاد في غيبوبه من امس
انصدمت :-غيبوبه
سعود :-ايه يقولون الاطباء انهم مايدرون متى تصحى ...
بكت امه :-ياويل على شبابك يابنتي ..
كانت الماس توها نازله من فوق وخافت :-شفيكم سعاد صاير لها شي
مسكها سعود بيده الثانيه :-تعالي اجلسي وعن الخوف والانفعال سعاد تعبانه شوي
جلست وهي تناظر وجهه الي فاقد كل ألوانه ....
قالت وهي ترجف :-سعود انت من امس مو طبيعي قل لي الحقيقه صحيح اني حامل بس اقدر اتحمل ...
مايدري كيف يبسط لها السالفه لأنها كبيره ومالها وصف ولا تبسيط
قال وهو يناظرها :-سعاد في غيبوبه
الماس مو مصدقه :-غيبوبه
سعود :-ايه وماندري متى تصحى !
تهدج صوتها :-ياويل قلبي
عصب سعود :-لاتقلبنها مناحه ولا تفاولن عليها ادعن لها هي سليمه مافيها شي بس السبب انها تنفست كربون بشكل كبير ولولا ستر الله كان ماتت ...
امه بايمانها :-الحمد لله على كل حال
الماس :-نقدر نزورها
سعود :- ممنوعه عنها الزيارات لأنها ماتدري عنها على العموم بنصبر كم يوم ونشوف ..
قالت امه له :-يمه تغديت
سعود :-ايه تغديت وانتي تغديتي
امه :-ايه تغديت دانه بنت عمك كانت هنا واشوى اجتمعنا كلنا وتغدينا بوجودها الله يستر عليها خففت عنا شوي
سعود :-وراكان ماشاء الله هو الي غدانا والله راح الوقت ونسينا الغداء مادرينا الا هم يدخلونه علينا ...
امه :-رجال من رياجيل مشهود لهم بالمرجله
سعود :-وانا اشهد ...
وقف وقال لالماس :-صحيني لا أذن المغرب بنام
وقفت الماس وقال لها :-لاتطلعين تعب عليك
وتحت اصراره جلست وطلع هو ...
ويوم وصل لجناحه هو والماس طلعت نوف من جناحها ...
قالت له :-مسا الخير
التفت لها :-مسا النور
نوف :-كيفك
سعود :-بخير
نوف قالت بتردد :-كيف حال احمد
قال لها سعود ويده على مسكة الباب :-ماعليه جسديا بخير ونفسيا تعبان
قالت بهمس وخوف :-سعود ودي اروح اجلس معه كم يوم
انصدم سعود وماصدق الي يسمعه ...
فهمت غلط :-اذا ماتبي براحتك
سعود :-لا بالعكس بس انصدمت
نوف بحزن :-عمري ما قمت بواجباتي صح ولا كانت علاقتي باخواني زينه ودي اعوض شوي عن هالتقصير احس بحنين لهم وشوق ووالله لو ابيع نص عمري عشان ارجع كم سنه ورى واصحح علاقتي معهم ماترددت لحظه .
ابتسم وقال :-خلاص عقب المغرب تجهزي عشان اوديك انا الحين بنام ..
نوف بفرحه :-ان شاء الله
دخل سعود غرفته ... وماصدق حط راسه الا وهو نايم ...

******
( الجزء الثاني (
>>>>>>>>>> بالشرقيه
دقت رنا على احمد مايرد ....
غريبه !
رجعت دقت على طلال ، بعد الدقه الثالثه :-ياحي زولا كلمني ياحيه ..الزين نجدي والدلع شرقاوي
رنا :-ههههههههههههههههههههه ياعيني على التحريف
طلال :-اعجبك هههههههههههههه
رنا :-كيف حالك وش مسوي
طلال :-ابدآ الستر والحال يسرك انتي كيفك وش مسويه
رنا :-بخير الحمدلله
طلال :- كيف الجو عندك بالشرقيه
رنا :-والله حلو بس رطوبه شوي
طلال :-والله حلو ولا مو حلو مافيه مثل الرياض
رنا :-لا والله
طلال (يستهبل ) :-والله لو تروحين لمجاهل افريقيا ويكون معك فهد لتقولين محلا منها شي
رنا :-هههههههههههههه فديته فهودي ماله مثيل
طلال :-يالله اخلصي بس مافيه شي بالطريق
رنا وهي بتتقطع :-ههههههههه الا فيه
بغى يطيح طلال من كرسي مكتبه بالعمل :-احلفي يعني بصير خال
رنا :-هههههههههههههه بعد 7 شهور ان شاء الله
طلال يتشقق من الفرحه:-احلى خـــــــــــــبر الصراحه والله ودي ارقص من الفرحه
رنا :-ههههههههههههههههه الله يرجك
طلال :-هههههههههههههههههه بالله رجلك وش سوى يوم درى
رنا :- هههههههههههههههههههههه لاتذكرني شوي ويحب راس الدكتوره يوم علمته
طلال :-هههههههههههههههههههههههههه الخبل اذا الدكتوره حلوه ورى ما استغل الفرصه وسواها
عصبت رنا :-لا والله فهودي ثقيل مو خفيف مثلك
طلال :-صدق ماتستحين تراني اكبر منك
رنا :-هههههههههههههه بسنه وحده لاتجلس تتكشخ علي
طلال :-يالله مقبوله منك بس عشان البيبي
رنا :-ههههههههههههههه زين صار لي شفيع عندك ..
الا بدخلة فهد ونست رنا طلال وسنينه ^_* .....
طلال يصارخ بالجوال:-هههههههههههههههه ياخي استحوا على وجيهكم كأن احد منزل السماعه على قناة روتانا سينما
فهد الي سمع اخر كلامه :-ههههههههههههههههههههههه انا مدري الهيئه وينها عنك
طلال :-هههههههههههههههه فال الله ولا فالك ...
فهد :-كيف حالك وكيف حال الجماعه
طلال بجديه :-زين انك انت الي رديت علي
فهد عرف ان السالفه فيها ان! وهو يقول لرنا :-حبيبتي ممكن تجيبين لي كاس مويه بارده
رنا وهي تقوم :-من عيوني
فهد :-صرفت رنا قلي شفيه
طلال علمه بكل شي.....
انصدم فهد وضاقت به الدنيا ...
رجعت رنا وعطته المويـــــــــــــــــــه ..اخذها منها بدون مايتكلم
رنا وهي تشوف ملامحه متغيره :-فهد فيه شي
فهد بهدوء :-سعاد اختي صار لها حادث وفي غيبوبه
حطت رنا يدها على قلبها :-هااااااااااااااه
فهد :-واحمد نفسيته يقولون تعبانه بالحيل
رنا بصدمه :-وش السالفه وش صار
فهد :-احترق البيت وكان احمد بالدوام ...وسعاد نايمه وما انقذها الا لما تنفست الكربون واثر على دمها عشان كذا تعطلت بعض خلايا المخ وراحت بغيبوبه عند الله خبرها
دمعت عيونها وسالت الدموع ...
تذكرت سعاد الحنونه الي ماقصرت عنها بشي ، سعاد الي استقبلتها بكل رحابة صدر وهي توها عروس
سعاد الي كانت لها صديقه واخت وام
سعاد الي ساعدتها في تجهيزات زواجها ومابخلت عليها بالنصح والتوجيه !
قال فهد وهو يحاول يكتم حزنه ودمعاته :-بحاول اخذ اجازه كم يوم ونرجع للرياض
رنا :-ياليت لازم نكون معهم بهالوقت
فهد :-الله يقدم الي فيه الخير
*******
) الفصل الرابع عشر )
) الجزء الأول (

<<بيت احمد
يا حب مالي فيك غير الشقا
يا حب اخذ من حياتي مابقا
عشته بإحساسي ولا به شك
يبدل شعوري
حبك جرى بدمي وذاب !!
وقف احمد قدام باب غرفته هو وسعاد...نفسه ماطاعته يدخلها من عقب ما طلع من المستشفى..
يحس بأن مجرد ما يتعدى هالباب بيفقد تحكمه في أعصابه ويمكن ينهار ويمكن يموت ولاشي ...
مسك مسكة الباب وحط جبهته عليه وهو مو قادر يستوعب كل إلي قاعد يصير
سعاد ضاعت منه !
لا لا لا مستحـــــــــــــــــيل
"احمد"
صوت قريب .. بس زمان ماسمعه ..
التفت احمد الا ونوف واقفه وراه ..
انصدم وكانت الصدمه واضحه على ملامحه ..قال :-نوف
سالت دموعها وركضت الا وهي بحضنه :-سامحني ياخوي سامحني
احمد تجره الهموم يمين ويسار والحين جية نوف حيرته وشوشت تفكيره ...
قال بهدوء :-مع من جيتي
نوف :-مع سعود
قال وهو يمسح على راسها :-الله يسامح الجميع ..
قالت وهي تمسح دموعها :-انا غلطت بحقك وحق اخواني ولقيتني وحيده بهالدنيا وعرفت قيمتكم تكفى سامحني ياخوي والله اني احبكم بس كنت جاهله وكنت غبيه لأبعد حد
ابتسم غصب :-ماصار شي جيتك لبيتي عندي بالدنيا
ابتسمت :-الله لايحرمني منك ياخوي
ابتسم :-وين سعود
نوف :-تحت بيسلم عليك وبيروح عنده شغل
نزلوا سوى وكان سعود واقف ينتظر ...
سعود :-سلام
احمد :-وعليكم السلام ،القهوه
سعود :-لا والله وراي شغل انت ناسي اني فاتح مكتب استشارات وحايس فيه
احمد :-الله يقويك
سعود :-تسلم لا اوصيك على نوف
طارت نوووووووووف للسما فوق من كلمته .. وهذا دليل على ان بقلبه لها ود !
احمد :-مايحتاج توصـــــــــي
سعود :-يالله سلام
الكل :-مع السلامه
طلع سعود ودخلوا الصاله ..قالت نوف :مريت على سعاد اليوم
تشنج وجه احمد وقلبه قبله :-ايه اليوم كنت بالمستشفى لأنهم ماكتبولي خروج الا اليوم
نوف حست بألم اخوها :-وكل امرك لله
احمد :- ونعم بالله
تثاوب احمد كان باين عليه انه تعبان
قالت نوف بحنيه :-رح نم وريح
احمد وهو نعسان :-واخليك لحالك
نوف وهي تبتسم :-بحاول اتفيلح واطبخ لنا شي نآكله
احمد :-ههههههههههه نسيت انك فشل بالمطبخ
نوف وهي مستانسه انه يضحك رغم كل الي يمر فيه والي اسعدها اكثر انه استقبلها استقبال ما كانت تتوقعه ولو طردها من بيته ما لامته ولا تجرأت بعد..
غمزت له :-الله يخلي المطاعم انت نم الحين ..
وقف وقال :-انا بنام في المجلس لا تخليني اتأخر في النوم عندي دوام بكره
كانت بتعترض وتقول له انه تعبان وليه مايجلس بالبيت لكنها فكرت وشافت انه يطلع ويختلط بالناس اصرف من جلسته في البيت تشيله الوساوس وتحطه
نوف :-ان شاء الله
راح احمد ينام ودخلت نوف المطبخ الي كان فاضي من كل شي
دارت في البيت تناظره .. بعد الحريق صحيح انه تنظف من اثاره لكن مافيه اثاث بالمره في قسم الحريم ..
يعني الحريق متركز بشكل كبير هنا .. وعلى الدور الثاني بما انه الاقرب
رفعت سماعه التلفون وطلبت لهم عشاء وسكرت الخط ..
على الساعه عشر صحت احمد يقوم يتعشى ...
ناظرته نوف :-احمد ذا عشا
كيف يجيلي نفس للأكل ونظر عيني ماتآكل
احمد:- الحمد لله شبعت

*******
( الجزء الثاني (
بيت ابو سعود >>>
هنادي :-لو مكانك توطيت ببطنها
الماس كانت تتحرق من الغيره بس تحاول تهون الموضوع وماتكبره :-اتوطى ببطنها ان راحت معه سوق.. مطعم.. منتزه.. لكنها رايحه بيت اخوها
هنادي وهي تحط عصيرها على الطاوله بقوه :-مصدقه انتي هذي نوف.. نوف
بدت الوساوس تلعب بعقل الماس :-هناديوه خلقه مرتفع ضغطي
هنادي :-انا ادري عنك ليش خليتها تروح معه
الماس :-مو بكيفي اخوك يحبني مووووووت ايه لكنه مايسمح لي اتحكم فيه لاتنسين انه رجال وشيخ الرياجيل وبعدين لما نزلها كلمني على طول من مكتبه يعني رماها ببيت اخوها وراح شغله
هنادي :-قطيعه ليته يطلقها ونفتك منها
الماس :-كافيه خيرها شرها شتبين فيها
هنادي بحقد :-مانسيت سواياها وفعايلها
الماس بحنيه :-مسكينه ياهنادي انتي ماتدرين عن الخوافي
هنادي :-انا اصدق الي عيني شافته
جلست منال معهن :-يوه للآن تتكلمون في الشينه
الماس :-اختك حاقده من قلب عليها
هنادي :-انتي تعرفيني ما احب احقد على احد الا هالنوف كسرت هالقاعده
منال :-الماس هنادي معها حق سواياها ما تنسى .. المهم لاجا اخوي اغسلي شراعه
ناظرتها الماس :-لا والله احلفي بس ...
منال (تستهبل) :-والله
اخذت الماس جوالها بترميه عليها ...
صرخت منال :-استهبل لاحول
الماس بدلع :-كله ولا سعودي ..
"يالبــــــــــــــــــى قلب سعودي!"
التفتن البنات وكان سعود واقف عند الباب ..
الماس :-انا اشوف البيت زايد نوره ..
ابتسم :-منور بأهله
وقفت هنادي وقالت :-ههههههه معروفين هالأهل يالله good night
ناظر سعود في منال وقال :-مافيه قودنايت انتي بعد
منال :-ههههههههههههه طرده علنيه الماس شوفي رجلك
الماس بدلع:-حلالــــــــــه
خزتها منال :-مالت عليك يادوبهـ
طلعت عيون الماس قدام قالت بدلع :-سعوووووووودي شفها تقول دوبهـ
سعود وهو يناظر منال :-انا ولد ابوي شقلتي
منال :-ههههههههه ماقلت شي حشا منقلبه زوجتك بزر مايتكلم الواحد معها كلمتين
سعود وهو يتوعدها :-تقلبين خشتك ولاشلون
منال :-هههه طيب لو محترمه نفسي مثل هنادي ماتهزئت يالله تصبحون على خير
وطلعت من الصـالهـ..
شاف سعود الماس متضايقه وجلس يغني :-انا لك يابريق الماس ..انا الالماس وانتي لمعة الماسه وحساسه ..
خزته بدلع :-دايم تغني هالمقطع
قال بوله وهو يجلس جنبها :-احبه لأن اسمكـ فيهـ
مسكت نفسها لاتخق معه :-والله طيب شكرآ
سعود :-هههههههههههههههه الغاليه مضايقها شي
ناظرته :-ليه انت مسوي شي يضايقني
سعود يستهبل :-لا على خبري ..
وقفت الماس بسرعه ومسكها سعود لأنها مالت في وقفتها وبغت تطيح..
قال سعود :-وش هالكشخه وش هالزين ..
ناظرت الماس الجلابيه الي لابستها وبطنها الي قدامها متر امحق كشخه ...
ابتسمت غصب ...
شوي الا تحس بألم خفيف في بطنها ..
تغير وجهها قال سعود بخوف :-الماس فيك شي
الا وبدخلة ام سعود :-شفيكم
وجت لهم بسرعه ...
جلست الماس ويدها بيد سعود ويد على بطنها ...
سعود بخوف (بيستخف من خوفه عليها) :-يمه مدري شفيها
امه تهديهم :-لاتكبرون السالفه (تكلم الماس) يمه شفيك
الماس بخوف اكثر منه ألم :-مدري احس بشي يتحرك ببطني
ام سعود ماقدرت تمسك نفسها :-هههههههههههههههههههههههههههههه هههه
استغربوا منها ..
قالت بخوف : عمتي شفيني !
سعود :-بنروح مستشفى
ام سعود :-هههههههههههه الله يوسع صدوركم صراحه انتم شي عجيب
سعود :-يمه علامك تضحكين
امه :-يمه هذا ولدك يتحرك ببطن امه
سعود ببلاهه :-هاااااااه
ام سعود :-ههههههههههههههههه لازم يتحرك عشان تعرفون انه طيب وبخير.يمه ماشرحت لك الطبيبه هالكلام
الماس تتذكر :-الظاهر انها قالت لي وانا شعرفني كلما حسيت فيه اخترع
سعود :-هههههههههههههه الماس حرام عليك بتذبحيني
قالت بقوه :-بسم الله عليك
ام سعود :-هههههههههههه الوقت تأخر قوموا نامو ..الا نوف وين
سعود وهو يناظر ملامح الماس الي تغيرت :-بتنام عند اخوها .
ام سعود انصدمت :-سبحان الي يغير ومايتغير
وقفت وقالت :-تصبحون على خير
الماس وسعود :-وانتي من اهله
قال سعود بحنيه :-اذا تعبانه علميني نروح مستشفى
الماس وهي تتنهد :-لا مايحتاج انا خوافه تدري
سعود :-هههههههههههههه ادري
كملت :-وغيوره
سعود :-ههههههههههه ادري
كملت :-واحبك
سعود :-هههههههههههههه ياويل قلبيـ وانا بعد
الماس :-ههههههههههههه
******
( الفصل الخامس عشر )
اليوم الثاني...
الظهر ...
قال فهد لرنا :-يابنت الحلال عن الميانه الزايده وادخلي قبلي
رنا :-يوووووووه فهد من بالله الي بيجي لبيت احمد
فهد :-مدري يمكن اختك نوف
ناظرته رنا :-هه الحمد لله آخر شي ممكن يصير تكون نوف هنا
فهد متذكر كل شي لكنه سكت ...
قال :-لا ماراح ادخل بكون بالمجلس انتي ادخلي
رنا :-طيب زين ان معي نسخه لمفتاح البيت الله يذكر سعاد بالخير (وغصت بعبرتها)
ضاقت اخلاق فهد .وقال بحزن :-الله يقومها بالسلامه ..
رنا :-آميـــــــــــــــــن
دخل فهد المجلس ودخلت رنا البيت ..
كان مبخر ومرتب رغم ان مافيه اثاث...
نزلت عبايتها وشنطتها .. وعدلت تنورتها الجنز وبلوزتها البيضاء نفضت شعرها ..ومشت تشوف الأوضاع بالبيت شكل احمد رايح الدوام لأنه سيارته مو موجوده .
طلعت نوف من المطبخ بعد مارتبت الأغراض الي اشتراها احمد . .
انصدمت ...
رنــــــــــا بذهول :-نوف
نوف بصدمـه :-رنـا!
ارتبكت نوف وقالت :-متى جيتوا
رنا مو مستوعبــــــه أي شي :-هـاااه تونا واصلين
دمعت نوف ..
قالت رنا بحنيه :-ماودك تسلمين علي
جت نوف تركض وضمت اختها وهي تبكي ، بكت رنا معها ..
آخر شي قالت رنا وهي تمسح دموع اختها :-عاد يالله عن النكد
نوف وهي تضحك وتبكي بوقت واحد :-غصب عني من فرحتي والله
قالت رنا وهي تمسح دموعها :-لا وبتزيد فرحتك لا دريتي انك بتصيرين خاله
صرخت نوف :-لاااااااااااااااااااا احلفي ياااااااااااااااااااااي وناااااااااااااسه
رنا :-هههههههههههههههههه لاتتشققين
دق جوال رنا :-هلا قلبي
فهد :-هاه فيه احد
رنا وهي تناظر اختها :-نوف هنا
فهد :-أجل انا بروح بيت ابوي ناديها بسلم عليها
رنا :-طيب
سكرت الجوال وقالت لنوف :-فهودي بيسلم عليك قبل لايروح بيت عمي
نوف :-طيب بروح اتغطى ..
وبعد ماسلمت نوف على فهد ...
جلسن البنات يحضرن الغداء ..وراح الوقت في السوالف وشوية دموع .
قالت رنا وهي تجلس بالصاله :-تعالي اجلسي علميني بكل اخبارك
تكدر خاطر نوف وقالت وهي تجلس جنب اختها :-اول شي علميني انتي باخبارك شكلها تسر خلي النكد اخر شي
نزلت رنا بيالة الشاهي :-الله لايجيب نكد ليه مو مستانسه مع سعود
نوف كانت بضيق من فتره طويله ومن بعد ماتعدلت أحوالها قطعت علاقتها مع امها وصارت بس تكلم من اسبوع لاسبوع فيها عشان ماتغضب الله ، ولا هي وحيده وضايعه لا كتف تبكي عليه ولاحضن ترتمي فيه وتنفس عن احزانها
وزود عن كذا كره بنات عمها لها ..
جلست نوف تعلم رنا بكل شي صار ...
انهبلت رنا من كل الي تسمعه ..
قالت بدون ماتقدر تمنع نفسها :-نوف كيف تجرأتي ..
نوف خلقه طايح وجهها وكارهه نفسها :-لاتذكريني الله يخليك غسل سعود شراعي لين قلت بس و...............
تنكدت رنا وحزنت على حال اختها :-لايكون حقدتي عليه عقب الي سواه
نوف :-لا مقدر احقد عليه معه حق بس كرهت نفسي وكرهت كل الي سويته فيه وفي بنت عمي الي وقفت معي في محنتي
رنا :-الماس
نوف :-ايه الماس ، الماس الي ظلمتها الماس الي اخذت رجلها منها الماس الي كنت اعايرها لأنها ماتجيب عيال تدرين رنو (مسحت دمعه) ماينلام سعود في حبها اصلا من حب وحده مثل الماس مستحيل يحب وحده مثلي
انقهرت رنا من تقليل اختها لقدرها:-انتي شيخة البنات بس كنتي غافله وصحيتي والحمد لله طيب شنويتي عليه .
نوف بحزن :-سعود مايبيني
رنا رحمتها :-انتي تبينه
نوف :-سعود رجال والنعم فيه لو لي أمل معه لو بس أمل عشت طول عمري احتريه يحن لكن سعود لالماس وما للغير عنده مكان على العموم شكلنا بنتطلق
انصدمت رنا رغم ان هذا هو الحل الوحيد لهالمشكله وحتى الكل يرتاح :-متى!
نوف :-بعد فتره بالله فكيني من سيرة النكد وعلميني عنك
رنا بحب :-اخ يانوف طلعت من جهنم الحمراء وطحت لي بجنه فهد يحبني ويموت فيني وانا بعد امووووووووووت فيه وعايشين احسن عيشه والحمد لله كملت حياتنا وبيصير عندنا بنت او ولد
نوف :-الله يتمم لك بخير من بعد الي صار بيني وبين سعود صحيت على نفسي وعرفت ان الله حق وانه كما تدين تدان وندمت على كل شي سويته معك ومع اخواني صدقيني اني اموت واعيش بالدقيقه ألف مره وهذا قليل بحق
رنا بحنيه :-حنا خوات لاتقولين كذا اول كانت امي هي الي تتحكم فيك وتأثر على تفكيرك والحين كبرتي وصرتي مسئوله عن نفسك والحمد لله انك عقلتي وندمتي ومحدن كامل ولاتفكرين في الامس فكري في بكره
نوف :-الله يخليك لي يالغاليه والله جيتك في وقتها
رنا :-اول مادرينا عن حادث سعاد قدم فهد اجازه وجينا على طول كيف احمد وكيف نفسيته
قالت نوف بكآبه :-حاله مايسر لاعدو ولاصديق يالبى قلبه حتى العشا عايفه وامس مانام اخ لوتشوفينه كأنه كبران كم سنه وكاسره ظهره الهموم .
رنا دمعت عيونها :-الله يكون بعونه وبعوننا من يلومه هذي سعاد الي حبها سنين لين تزوجها وفجأه وبعد كم شهر من زواجهم تروح بغيبوبه
سالت دموع نوف :-بالله رنو هو ماناقص فكينا
قالت رنا بهمس :-شكله وصل اسمع صوت سيارته داخل البيت ..
وقفن البنات رنا راحت تعدل شكلها ونوف راحت تشوف الغداء ..
دخل احمد يجر رجوله جر وكرهه للبيت عقب سعاد يزيد
بدون شعور نزل شماغه ونادى :-سعاد
جمع على اصابع يده بقهر ، وين انت ووين سعاد
سعاد بين الحيا والموت ..
سعاد راحت
ومابقي منها الا عطرها ..مكان جلوسها .. وصدى ضحكاتها يتردد في كل مكان
قالت نوف وهي تحاول تكون عادي :-ياهلا وغلا بحمودي
احمد وهو يبتسم :-اهلين نويف
نوف :-احط الغداء
احمد وهو يرمي جواله على الطاوله :-مالي نفس
قالت رنا بدلع :-حتى ورنو هنا
استانس احمد يوم سمع صوتها :-رنوووووووو
ركضت رنا لحضنه :-ياقلب رنو كيفك ياالغلا
احمد مو مصدق عيونه :-متى جيتي من الشرقيه
رنا بابتسامه :-من زمان
نوف وهي تتنحنح :-نحن هنا
احمــــد بابتسامه:-كلكن عينتين براس
قالت رنا :-لازم تتغدى معنا ولا ماتغديت
قالت نوف وهي تغمز له :-ان ماتغدت ذبحنا فهد لأنا جوعنا ولده
ثواني مااستوعب احمد والتفت لرنا بذهول :-انتي حامل
رنا حمر وجهها :-ههههههه ايه تخيل
ناظرها احمد من فوق لتحت :-انتي يالصغنونه بتصيرين ام هههه صدق من يتخيل
نوف :-ههههههههههه سبحانه
رنا وهي تحط يدها على خصرها:-تتمهزون فينا من زينكم
احمد :-لا والي يرحم والدينك فكينا لايدري رجلك
البنات :-ههههههههه
تغيرت ملامح احمد نوعآ وباين ان ضحكه زيف وخداع ...
قالت نوف وهي تغمز لرنا تلحقها :-بنحط الغداء الحين اوكي
احمد :-زين انا بآخذ شاور سريع أجل
نوف :-اوكي
وراحن للمطبخ قالت رنا وهي تمسح دموعها الي نزلت بسرعه يوم غاب عن عينها :-ياويل قلبي يانوف ماني متخيله الي شفته هذا اخوي احمد ... صاير عظم على جلد ووجهه فقد نوره
ماقدرت تتحمل نوف دموع اختها وجلست تبكي معها ...
آخر شي قالت رنا :-خلاص نوف لايجي ويشوفنا قالباتها مناحه هو مو ناقص..
نوف وهي تمسح دموعها :-معك حق احمد مو ناقص !
*
*
*
>>>بيت محمد
قالت ام محمد لولدها :-يمه زواج اختك بعد رمضان على طول لكن ظروف الجماعه ماتساعد ان قال لك خالد انه بيأجل العرس لاتتردد
محمد :-افا عليك يمه ولدك رجال ولد رجال ومايهون علي افرح وغيري مكسور الخاطر
ابتسمت امه وبانت تجاعيد وجهها الي انهكه المرض والتعب :-عارفه يمه انك تعرف دروب الرجال لايلحقك شك
محمد :-الله لايحرمني منك يالغاليه
امه بحزن :-محدن دايم لاحد يمه الله يخليك لاختك يارب
تضايق محمد :-يمه عن هالكلام الي يضيق الخلق
امه :-هذا حق يمه علينا
من جده تضايق :-يمه غيري السيره ضاق صدري
ابتسمت امه :-طيب شصار بموضوعك
محمد وهو مو فاهم :-أي موضوع
امه :-موضوع خطبتك من المزيونه ذيك هي شسمها
محمد :-هههههههه هنادي يمه
ابتسمت :-طيب شصار بالموضوع
محمد بضيق من حظه النحس :-انتي ناسيه ان الي صار لها الحادث هي اختها الكبيره
ام محمد وهي تتذكر :-الا ذكرت الله يكون بعون المسلمين
محمد من قلب :-آمين
امه :-يعني بتنتظر
محمد وهو يتنهد :-ابيها يمه ومابي غيرها بنتظر وبشوف آخرها
امها :-الله ينولك الي ببالك يمه
محمد :-آمين (تذكر) الا وين الاخت ايمان
امه :-هههههههه تكلم خالد
محمد :-هههههههه ماصارت مكالمات بروح اخرب عليها
امه :-ههههههههه حرام عليك خلها تتهنى بحياتها
محمد (يستهبل) :-ما قلت شي بس بروح احرق دمها شوي
امه :--هههههههه هذا بلا ابوك ياعقاب
محمد :-هههههههههههههههه
وقف محمد وراح يشوف اخته الي مختفيه ..
×
قالت ايمان لخالد :-كيف الأوضاع عندكم بالعايله
قال خالد بضيق :-لايسر لاعدو ولاصديق
ايمان بحنان :-الله يكون بالعون ماحضروا ملكتنا صح
خالد بحزن :-يوم ملكتنا كانوا بدبي يقضون شهر العسل
حزنت ايمان :-ياقلبي تووووها عروس
خالد :-الله يعين بس
ايمان :-لازم توقف مع ولد عمك في محنته
خالد :-مافيه شك ولو ان دواماتي مو مخليتني ارتاح ولا اشوف احد
ايمان :-يهونها الله
خالد :-يااااااااااااارب الا كيف عمتي وكيف محمد
ايمان وهي تناظر الباب :-ههههههههههه بخير وبدت حركات الاخوان شف محمد واقف على راسي
محمد :-لا والله وتحش فيني وانا واقف
خالد :-هههههههههههههه ياحليله من زمان عنه ابو نسب هاتيه اكلمه
قالت ايمان :-خالد يبي يكلمك
محمد وهو ياخذ الجوال :-ياهلااااااا بالنسيب
خالد :-ههههههههههههههههه هلا وغلا ببو نسب شخبارك كيف الحال
محمد :-بخير عساك بخير انت شخبارك وش علوم الأهل
خالد :-الحمد لله كلهم بخير
محمد :-شخبار احمد وزوجته
خالد بضيق :-الله يكون بعونه زوجته راحت في غيبوبه مايندرى متى تصحى منها
محمد تضايق :-الله يعين المسلمين
خالد :-آمين يالله يبو نسب تامر بشي
محمد:-ابيك سالم وسلم على الوالد
خالد :-يبلغ يالله سلمني على امونتي ازين شي صار لي منك
محمد :-هههههههه لا ياقليل الخاتمه خذ كلم المدام لا اتهاوش معك
خالد :-يكون احسن هههههههههههه سلام
مد الجوال على اخته وطلع من الغرفـه ضايقه اخلاقه نوعآ ما

******( الفصل السادس عشر )
بليلة رمضـــــــــــــان....

[في نفس الوقت لكننا راح نكون بثلاث اماكن وبين ثلاث قلوب]
بيت راكـــــــــــان>>>>
قال راكان لدانه الي تمشط شعرها :-دندونتي
التفتت يمه :-ياقلب دندون
راكان وهو يجلس جنبها :-تفضلي
ناظرت بكيس هدايا بيده واخذته :-وش ذا ؟
راكان وهو يبتسم :-افتحيه وشوفي وشهو
اخذته دانه وفتحته لقت علبه صغيره مخمل فتحتها لينه سلسال من الذهب الابيض تعليقته حرفها وحرف راكان مشبوكين ببعض كله الماس ..
انبهرت دانه بالهديه
راكان وهو مبتسم :-عساه اعجبك
دانه مالقت كلام لأن دموعها تكلمت نيابه عنها ..
تضايق راكان من دموعها :-دندون حياتي وبعدين دموعك تعذبني وتآلمني ...
ابتسمت من بين دموعها :-وش اقول وش اخلي لو اسجد لربي مليون سجدة شكر ماقدرت اشكره على نعمته الي انعم بها علي راكان انت حياتي كلها لا الهدايا تزيد من محبتك لأنك كبير بعيني تحبني تراعي خاطري ومن يوم ماتزوجنا للآن ما قد زعلتني ولا ضايقتني وش ابي اكثر علمني ما اقدر اقول في ليلة ابرك شهر الا ياربي احفظه لي من كل مكروه
تأثر راكان من كلامها وقال يمزح عشان يشوف ابتسامتها وغمازتها الي تذبح :-اقول لاتخليني ابكي ترى آخر مره بكيت فيها كانت قبل 10 سنوات
دانه :-هههههههههههههه ما اتخيل شكلك تبكي راكان بن عبدالرحمن يبكي
راكان :-ههههههه تراي كائن حي واحس
غمزت له بدلع :-ياقلبي عليه من احساس يجنن !
خق راكان معها :-يابنت اهجدي
دانه :-هههههههه ماقلت شي للحين
طلعت عيونه :-كل هذا وماقلتي شي
دانه :-ههههههههههه يالبى قلبك
راكان تخبل :-دندون اذكري الله وارحمي العبد في الله
دانه :-هههههههههه طيب شرايك ننزل لماماتي نهنيهن بالشهر ..
راكان :-بعديـــــــن مو الحين
دانه ولع وجهها :-ركوني
راكان وهو خاق :-ياعيونه
دانه :-تسلم عيونك يالله ننزل لامهاتي لايزعلن .
راكان مكشر :-ملزمه
دانه وهي تسحبه من يده عشان يقوم :-ايه ملزمه يالله قم بلا دلع
راكان :-امحق دلع يالله ننزل
دانه :-ههههههههههههه يالله
وقبل لاتطلع مسك يدها :-لحظه!
دانه بابتسامه :-ركووووووني
راكان :-ههههههههههههههه فهمتيني غلط كنت بلبسك الهديه بس
دانه :-هههههههههه اموت على البريئين طيب لبسنيها
لبسها راكان السلسال الي تتغير ألوانه مع انعكاسات النور في رقبتها ..
قال برقه :-مدري من الي محلي الثاني اكثر انتي ولاهو !
ضمته دانه وقالت له :-تسلم والله لايحرمني منك
راكان وهو متخبل :-دندون
دانه وهي تسحبه برى الجناح :-هههههههه نسيت يالله ننزل
نزلوا تحت لقوا امهاتهم جالسات كالعاده يتقهون ...
دانه وهي تحب راس كل وحده :-كل عام وانتن بخير
ام راكان :-وانتي بخير يمه
امه (مريم) :-وانتي يمه عسى ربي يبلغني رمضان الجاي واشوف عيالكم بعد
ابتسمت دانه وقال راكان :-آمين ..
*
*
*
>>>>بيت ابو سعود
قال سعود لالماس :-كل عام وانتم بخير ياقلبي
الماس :-ههههههههههههههه لا والله
سعود يستهبل :-تبيني اسفه ولدي
كشرت الماس ، وقال سعود بسرعه :-من زينه والله امزح
الماس :-هههههههههههه لاحول علامك خايف ترى ماني بصياحه
ناظرها بذهول :-كل خمس دقايق تصيحين وتقولين انا ما اصيح
استحت :-عاد مو كل خمس دقايق لاتجلس تألف
سعود :-هههههههههه حتى لا انكسر محدد الشفايف تصيحين شفتي شلوون انتي صياحه
الماس (وهي تشوته بالمجله( :-هههههههه اصلا الحرمه الحامل تصير مرهفة الاحاسيس
سعود بوله :-يازينها من احاسيس
الماس :-هههههههههه تو تشتكي مني
سعود :-ههههههههه من حبكـ سبكـ
الماس :-الله يخليك لي يا قلبي وتحبني على كيف كيفك
سعود من قلب :-مقدر اتحمــــــــــــل الرومنسيه انا
الماس :-شفت عاد شلون انا اهبل
سعود برقه :-تهبلين ونص والدليل على كلامي ان بهالكون كله ما اشوف لك مثيل
تأثرت من كلامه والي خلاها تتأثر اكثر نبرته المجروحه وهو يقول هالكلام ...
دمعت عيونها !
قال بسرعه :-هاه بدينا
الماس مسحت دموعها :- الله يخليك لي ولا من في زمنا هذا بتحمل كل الي تحملته عشاني
سعود :-لأني احبكـ ببساطه
الماس برقه:-وانا امووووووت فيك
*
*
*
>>>>بالمستشفى
دخل احمد غرفة سعاد الي صار لها اسبوعين وزود في غيبوبه ..
وكل ليله وكل زياره وهو عندها ومايفوته فرصه لشوفتها والجلوس معها
سحب كرسي وجلس جنبها وجمع على يدها بين كفوفه ..
*
تعال ياوجه الـــــسعد واشطب علـــى وجه البغيض
ياحــــيك وطلتـــــــــــك في وجهي بعد ياحيـــــــها

تنعشني انعاش الشفاء..العاجل.. القلب.. المريض
ياايـــــها تدري يالبـــــــــــيك انت وش ياأيها ..؟

ماانتـــــــه بزي الــــناس واكتبها لك بخط عريض
تبغيــــــــــني احلف لا ورب الـــــــبيت منت بزيها

ياللــــــــي غرامك في خفوقي من كثر قدره يفيض
النفــــــــــس تندب حظهــا والعـــــــين تبكي حيها

من عوضك اليا فقدك وان وجد كيف استـــــعيض
وانتي النــــــــــهار وشمسي وشجرة غلاي وفيها

هاجرت واصبح زولك في عيني يهاجرني واميض
يااول جــــــــــــروحي دخـــــــــــــيل الله من تاليها

احيا على وصلك واموت في كل برد وكل قـــــيض
تضمــــــــى مشــــــاعر خافقي لك وانت سبة ريها

لبيك يلي من عشـــــــقتك قمت احس اني حضيض
يامــــــغوين نفسي .. ونفـــــــــسي ذايبه من غيها

انا ادري ان كل الليـــــالي ســـــــــود والايام بيض
دامــــــــــــــك معي ماهـــــــــــمني من كــــــــيها
*
مسح دموعه وقال يكلمها :- اخ يالغاليه بكره رمضان وانا وحداني وما يجبر القلب الا وجودك عشاني يالغاليه عشاني اصحي حاولي وقاومي لا تتركيني
مدري حس بيدها تشد على يده ولا يتوهم ..
فز من مكانه وضرب جرس الممرضه وجت قال بسرعه :-نادي الطبيب
الممرضه :-What happened?
صرخ احمد :-نادي الطبيب
راحت الممرضه تركض ودقايق الا والدكتور جاي ،
الطبيب :-خير ان شاء الله
احمد بلهفه وتوتر :-دكتور كنت ماسك يدها وشدت اصابعها على يدي
انذهل الطبيب :-شدت يدها
احمد بخوف وفرحه :-ايه
فحصها الطبيب وقال بصدمه :-فيه تحسن في مؤشراتها الطبيعيه
احمد وهو يرجف :-زين هالشي طيب
الطبيب وهو يكلم الممرضه وتطلع تركض والابتسامه شاقه الحلق :-اكيد طيب الا ممتاز صح انها ماصحت لكن هذا دليل على انها بخير وان غيبوبتها مؤقته ..ع العموم انا استدعيت فريق كبير وراح نسوي لها فحوص وكل شي راح يتقرر في آوانه
قال احمد وهو طاير من الفرحه :-الله لايخيب ظنك يا دكتور
ابتسم الطبيب :-آمين
واضطر احمد يطلع لأن غرفتها امتلت من الاطباء لكنه قدر يشوفها لأنه واقف ومابينه وبينهم الا جدار قزاز
>
ليت الوجع بعروق قلبي ولا فيك..
وليت التعب غلطان ساهي ولا جاك..
لو الشفا بضلع صدري لداويك.
. واطحن جميع ضلوع صدري فداياك..
الله من شر المقادير يحميك..
والله يحفظك يا عيوني ويرعاك
<
بعد ربع ساعه كان احمد واقفها على رجوله ولاقدر يجلس من خوفه ورهبته
اصعب اللحظات انك تشوف بعيونكـ مصير اغلى الناس وتكون معلق بين الارض والسما لا انت قادر ترتاح بخبر يفرح قلبكـ وتموت في الدقيقه والثانيه مليون مره من خوفكـ من خسارتهـ ،، في نفس الوقت تتمنى لو الخبر شين انك ماتدري عنهـ وتطوووووووووووووووووووول ، تطووووووووووووووووووول ، تطووووووووووووووووووول
ساعه الحقيقه والساعه الي يزفون فيها خبر وفاة قلبكـ الساعهـ الي تموت فيها وانت حي !
جرب احمد كل أنواع الاحزان أنواع الألم لكن مثل هالألم ما قد مر عليه !
طلعوها من غرفتها وقف احمد وقال للطبيب :-وين
ابتسم الطبيب :-بنوديها نسوي فحوصات لها تأمل خير كلنا متفائلين ان شاء الله
احمد :-خير ان شاء الله
قال الطبيب :-يالله نستأذن انا افضل تروح البيت وترتاح وراك صيام بكره لأن التحاليل تتأخر
احمد ماكان ودهـ يروح بس ماشاف لجلسته سنع وبدون نفس طلع من المستشفى ...
مرت بالسيب شلة بنات الستر في وادي وهن في وادي عبايات مخصره شفافه وملونه ،
كان احمد ماشي ما انتبه لهن عدل غترته البيضاء وكمل طريقه
صفرت وحده :-اموت على المرجله والله
قالت وحده وضحكتها ترن بالسيب :-طيب عطنا وجه بنشوف ضحكتك على الاقل علامك مكشر
ناظرهن احمد بنص عين وكمل طريقه وهو سافههن لولا الحياء لينزل عقاله ويميدنهن به
بعد خمس دقايق كان ماشي لبيته لكنه كان كارهه وغير طريقه !
*
*
>>>في بيت ابو سعود.
قال سعود لابوه وامه :-يبه يمه احمد بالمجلس ويبيكم
طاح فنجال القهوه من يد ام سعود وارتاعت ..
قال ابو سعود :-قلطت الرجال
سعود :-ايه (يكلم امه) يمه شكله فرحان وعنده اخبار زينه
انشرح قلب امه وابتسم ابوه لاول مره من بعد الحادث..
امه بدموع :-والله
ابتسم سعود :-ايه
ومسك يد امه يقومها ...
دخلت ام سعود وابو سعود المجلس ..
قام احمد وسلم عليهم
قال احمد:-كيف حالكم
ابو سعود وام سعود :-بخير الحمد لله
قال احمد بابتسامه تعبانه :-عاد اليوم ليلة رمضان و جيت ابارك لكم
ما قدرت ام سعود تمنع دموعها وجلست تبكي
قرب احمد منها وحب على راسها :-لا تبكين يا عمه انا كنت عند سعاد قبل شوي و ابشركم انها تحركت
انصدموووووووا :-من جد
احمد :-ايه حركت اصابعها وناديت الطبيب وتركتهم يسوون لها فحوصات وكلهم متأملين بالخير لأن غيبوبتها مؤقته مو دايمه
زاد بكا ام سعود ومسحت دموعها..
ابو سعود بتأثر :-الله يبشرك بالخير
ام سعود :-أي والله احسن خبر سمعته من زمان
احمد وتفكيره معها :-الله يكمل هالفرحه على خير !
دخلت نوف بالقهوه :-سلاااااااااااااام
قام احمد وسلم عليها
قالت نوف :-بشرني عن سعاد
احمد :-ابشرك بالخير بدت تتحسن
نوف بفرحه صادقه :-الله يبشرك بالخير
احمد :-تسلمين
ودخل سعود المجلس وضاع الوقت بالسوالف والوناسه وكأن الحمل الي على قلب احمد خف مررررررره
!
) الفصل السابع عشر )
>>>>>
مرت الايام على احمد بطيئه لكن على الاقل سعاد في تحسن وفتحت عيونها ...
قال احمد وهو ماسك يدها :-هاه يالغاليه ابي اسمع على الاقل كلمة حبيبي ..
ابتسمت سعاد بتعب ورمشت بعيونها ، دمعت عيون احمد وحب يدها ..
احمد :-هالابتسامه عندي بالكوووووووون كله تدرين
سالت دمعه من طرف عينها ومسحها لها احمد وهو يقول :-دموع مابي دموع يكفي الي مرينا فيه نبي نفرح شوي
دق باب غرفتها ودخلت ام سعود والبنات وسعود ...
دخلن البنات طياري وضمنها على خفيف وما اهتمن لاحمد لأنها اول مره يشوفن فيها سعاد وهي صاحيه ..
بكت ام سعود وضمت بنتها وجلسن عندها اما احمد طلع برى الغرفه عشان ياخذن راحتهن ...
لحقه سعود الي كان مبسوط حيل :-الحمد لله فيه تحسن
احمد:-اكيد وين كنا ووين صرنا
الا بجية دانه وراكان ..
راكان :-السلام عليكم
احمد وسعود :-وعليكم السلام
دانه :-السلام عليكم
احمد وسعود :-وعليكم السلام
راكان :-بشر شخبار المدام اليوم
احمد بوناسه :-في تحسن الحمد لله
راكان :-من هالحال واحسن ان شاء
احمد :-آميـــــن
دخلت دانه عند سعاد وجلسوا الشباب بصالة الانتظار ..
وقف احمد من الونــــــــــاسه والمفأجاه ..
"نـــــــــــــــــــــــــاصر "
ناصر بعتب :-تمرض زوجتك ويصير لكم حادث واخر من يدري انا
احمد :-ههههههه وعليكم السلام
ناصر وهو يضم اخوه :-هههههههههه السلام عليكم
وسلم على العيال الموجوودين...
سعود :-متى الوصول ؟
ناصر وهو يجلس :-توني واصل الحين
راكان :-مقر عملك بالشمال صح
ناصر :-ايه والله تعب وحاله انا مأمل بابوي يدورلي واسطه تنقلني للريااض وابوي مافضى لي للحين مليت من الوحده هناك .
راكان :-مالك الا واسطه قويه لأن موضوعك موب سهل وانا حاضر اقدر ادبركـ بمعرفتي
ناصر :-والله على ايدكـ يبو فيصل الحقني بالفزعه
راكان :-افااااااا عليك اعتبر نفسك منقول ..
ناصر :-تسلم ماتقصر .
احمد :-ماقابلت طلال
ناصر :-طلال بيجي بعد شوي لأنه يزور صديق له مريض هنا وبيلحقنا فوق .
راكان :-الا شخبار طلال عسى اموره تمام وطاب من الحادث
احمد :-ايه الحمد لله تمام رجع له نظره الحين بصراحه معجزه من الله .
ومادروا عن الوقت الي راح بســــــرعهـ
طلعت ام سعود وبناتها من غرفه سعاد وتعلق قلب طلال بحبيبة قلبه الي سحبت غطاها على عيونها .
سلمت ام سعود على العيال وطلعت مع سعود ..
خمس دقايق الا ودانه طالعه
رقـــــــــع قلب ناصر غصب يوم شاف دانه طالعه من غرفة سعاد بما ان الصوفآ الي جالس عليها مقابله للغرفه ويشوف الرايح والجاي ..
كانت واقفه وبيدها الجوال ..
دق جوال راكان وطلعه من جيبه :-هلا خلصتي انا هنا بالاستقبال
ووقف يكلم العيال :-يالله فمان الله
سكرت دانه وحطت الجوال بشنطتها وعدلت غطاها على عيونها الذباحه ..
ومشت لهم ...
وقفوا العيال ورموا عليها السلام وردت عليهم بكل أدب ...
ومشت مع زوجها الي واقف ينتظرها ..
جلس ناصر بقوه وطلعت تنهيده منه بدوووون شعور :-آآآآآآآآآآآآه
طلال (يستهزء) :- خيررررررررررررررررر
احمد :-هههههههههه وين حنا فيه ناسي عمرك !
ناصر بضيق :-هههههههههه اقول روقوني بس
احمد :-مهبول انت ما اقول الا الله يخلف عليكـ
طلال :-ههههههه وانت الصادق.. هيه تراها مرت راكان بن عبدالرحمن عايف عمرك انت
ناصر وهو يوقف :- اقول لايكثر هرجك قم تخاويني
طلال وهو يوقف :-مايبيلها كلام احد تحصل له توصيله مجانيه ويقول لا
احمد وقف بيرجع لسعاد :-اجل حياكم بيتي
ناصر :-لا مالها داعي
احمد يقاطعه :-اقول انا جالس ببيت شكبره بلحالي اسبقوني هناك وجهزوا لي السحور
ناصر وطلال :-هههههههههههههههه
طلال :-هههههههههه احلف بس شغالات عندك
احمد :-احمدوا ربكم لأني ضامكم ببيتي
ناصر :-بدت المنّه ...
سفههم احمد وراح لزوجته
قال ناصر وهو يضرب طلال بكوعه :-اممممم أجل بغيت تهف على وجهك يوم شفت حبيبة القلب
طلال بهيام :-اااااااااخ ومن الحب ماودى لخبر كان
ناصر :-هههههههههههههههه الله لايبلانا .. تزوج وخلصنا
طلال وهو مسوي حزين :-أمنية حياتي بس حكموا الشياب ما اتزوجها ولا أعلن عن خطبتي لها الا بعد ما تتزوج هنادي
ناصر :-ههههههههههههههه حرررررررررررام
طلال حقد عليه :-وش وراك انت اضحك اضحك مالت عليك
ناصر :-هههههههههههههههههههههههه
طلال (يتمصلح):-اقول اخوي الحلو !
ناظره ناصر بنص عين :-العن ام المصالح خير
طلال :-شرايك تخطب هنادي عشان اعرس على منال
خزه ناصر :-ههههههه العب غيرها ياشاطر
طلال :-امحق اخو انت متزوج متزوج سو فيني خير وتزوج هنادي برضاك احسن لأن الشياب ان تفضو لك العنوا خيرك
ناصر :-فالك ماقبلناه الله يبعدهم عن طريقي وبعدين عرس مابي اعرس
طلال :- ليه!
ناصر :-كذا
طلال بجديه :-الي تبيها محرمه عليك
تضايق ناصر :-لازم تذكرني يعني
طلال :-مدري عنك يبيلك عصا على راسك عشان تعقل
ناصر :-طيب غير السيره الله يسد نفسك
طلال :-طيب فكر بس وش نسحر اخوكـ العود
ناصر :-هههههههههههههههه الله يرجكـ متى بتعقل
طلال (يستهبل) :-لا اعرست اعقل
ناصر بيحرق دمه :-اجل عمرك ماراح تعقل
طلال برعب :- فالك ماقبلناه
ناصر :-هههههههههههههههههههههه
*
*
*
*
*
بعد اسبوع>>>>>>
العشر الاواخــــــــــــر"
>>>>بيت راكان
قال راكان لدانه :-جهزي نفسك...........
دانه :-على وين ؟
راكان :-ههههههه طيب خليني اكمل
قالت بدلع :-سوري كمل
راكان بوله وبصوت عالي :-آآآآآآآآآآه ياقلــــــــــــــــــــــــــ ــبي
جت امه (مريم ) بسرعه :-علامك يمه
راكان وهو يناظرها تنزل الدرج مسرعه :-ماعلامي شي
امه (مريم):-تستهبل انت تو تقول آآآآآآآآآآآآه قلبي
دانه وراكان :-ههههههههههههههههههههه
امه (مريم) :- انهبلت انت.. دانه رجلك علامه
دانه :-هههههههههههههههه يالبى قلبه وعيونه مابه الا العافيه
امه (مريم) :-هههههههه لا والله غني احسن
دانه وهي تناظره :-لو صوتي حلو ماقصــــــــــــرت
امه (مريم) تمسكه مع شعره الاسود الطويل شوي بشويش :-انت وش مسوي بالبنت
دانه بوله :-اااااااااه يمه ساااااااااااااحرني
امه (مريم) :-يالي ماتستحي تسحر بنت الناس تبي تنكبنا انت
راكان ودانه :-هههههههههههههههههههههه
راكان بوله :-احبها يمه وش السواة
امه (مريم) :-هههههههههههههههههه الله يرجكم حنا بشهر عباده وانتم تبربسون
دانه ولعت قال راكان بيحرجها :-شفتي يمه خليتيها تستحي الله يعين بس
امه (مريم) :-هههههههههه ماعندك وقت والله
طلعت ام راكان من غرفتها وقالت لمريم :-الحين انتي ما تتركينهم بحالهم ما تهنوا من يوم ما اعرسو كل يوم لازقه لهم
الخاله مريم :-هههههههههه احلفي يالمؤدبه الي يسمعك يقول صاكه على نفسها الغرفه ولا تطلع
قال راكان في أذن دانه :-هذي حالتي قبل لا نتزوج عايش مع ثنتين عندهن طفوله متأخره
دانه :-هههههههههههههههههههههههههههههه ه
قالت امه (مريم) :-لا وتحش فينا عيني عينك
راكان ببراءه :-مو انا هذي دانه
خزته دانه :-ههههههههههههه خيانه ذي
راكان :-سوري ألبو انا عندي مبادئ واهمها الصدق
دانه :-هههههههههههههههههههه سلمني عليها
راكان (يستهبل) :-مــــــــــــــــنـ ؟ دريتي ان عندي زوجه ثانيه
طلعت عيون دانه قدام من الغيره :-لو عندك زوجه ثانيه ذبحت نفسي مابقى الا هي
راكان وهو يغمز لها :-وانا لو حريم الدنيا ينعرضن قدامي ما اخترت غيرك زوجه لي
دانه وهي تبتسم :-ايه اشوى على بالي
ام راكان جلست تكلم مريم :-اقول يا مريم قومي امشي
مريم :-على وين
ام راكان :-ناسيه اننا بنسير على ام محمد اليوم والله مقصرين بحقها
مريم :-وانت صادقه ياوخيتي شفت هالكناري متقابلين ونسيت مسيارنا
راكان :-هههههههههههه
دانه :-بروح معكم
مسكها راكان لا توقف :-اجلسي وين تروحين
دانه بغباء :-بروح اسير
راكان :-وتتركيني بلحالي
امهاته :-ههههههههههههههههه افهميها
ولع وجه دانه وقالت له :-هههههههههههه استهبل عليك اصلا مو رايحه
راكان :-هههههههههههه على بالي
دانه :-هههههههههههههه انا ما اصدق تجلس بالبيت تبيني اطلع ..
[في نفسه\سبحانه خلق وفرق ساره ما كان يشوفها الا نادرآ حتى هو وجودها ماكان يهمه بالحيل!
بس وش جاب لجاب هذي دانه الي مالها لا شبيه ولا مثيل ابد]
قال برقه زايده [يقهر امهاته]:-انتي اشري وارتز لك دايم هنا
امه (مريم) :- هذي والله النشبه !
راكان :-هههههههههههههههههههه انا نشبه
امه (مريم) :-ونشبتين
ام راكان :-ههههههههههه مريم تمشين ولا اروح لحالي
وقفت :-هههههههههههه ياشين منة العجز
ام راكان :- هههههههههههه طيب قومي يالبنت سرى الليل
ناظر راكان بالساعه :-تونا الساعه 10 الا ربع
امه :-والله يمه ماودنا نثقل على ام محمد حرمه تعبانه وحالها يتردى كل يوم
راكان :-الله يكون بالعون والله محمد متنكد منها
امه :-الله يخليها له
"آمــــــــينـ "
راحت امه (مريم) تجيب عبايتها وقفت دانه وقال وهو يناظرها :-على وين
دانه وهي تبتسم :-مسويه حلى لامهاتي عشان ياخذنه
راكان :-وراك تتعبين عمرك فيه محلات حلى شكثرها
دانه :-الله لا يعنينا وش هوله نجيب من برى وانا اعرف اسوي حلى يكفي اني ما اطبخ الا نادرآ
وقف :-اجل بجي معك وش هوله اجلس هنا
دانه وهي تبتسم بحب :-يالله يكون احسن بدل ما اشتاق لك
راكان :-ههههههههههههههه من خمس دقايق تشتاقين
دانه بدلع :-شفت عاد شكثر احبك
راكان تخبل:-بتموتيني انتي ناقص عمر
دانه :-ههههههههه بسم الله عليكـ
ومشوا للمطبخ..
انهبل راكان من صواني الحلا الي مسويتها دانه ...
دانه:-هههههههههههه شفيك
راكان :-انتي مسويه كل ذا
دانه :-هههههههههههههه ايه أجل من
راكان :-انتي شي عجيـــــــــــب
دانه :-هههههههه عجيب ليه ترى كل بنات عيلتنا احسن مني بالطبخ
راكان :- انتي مالك شبيه يالغلا
الا وبدخلة امه (مريم) :-ههههههههههه الله لا يبلانا تراكم بتكملون سنه متزوجين مامليتوا من بعض ما احد يقدر منكم يجلس بمكان بلحاله دقايق ..
ضم راكان دانه :-الله لا يفرقنـــــــــا علامك يمه حاسدتنا
استحت دانه :- راكان فشلتنا اعقل
راكان :-ههههههههههه ايه صح لازم اعقل (يستهبل) وين الصحون بقطع الحلا
دانه والخاله مريم :-ههههههههههههههههههههههههههه
دانه ترقع له :-معليش يمه ملتمسه الاسلاك عنده
همس :-انتي السبب
قب وجهها !
امه (مريم) :-ههههههههههههههه يالله ماشاء الله عليك امداك تسوين كل ذا
دانه وهي ترتب الحلى :-مايبيله يمه شي سهل .............يالله خلصنا
وعطته الشغاله توديه السياره ..
قالت دانه لراكان وهم طالعين للصاله :-اقول قلبي كنت بتقول لي شي وشهو
راكان :-انتي الله يهديك مرجوجه كنت بقولك اننا بنروح مكه على الاقل الخمس الاولى من العشر الأواخر ونصلي بالحرم صلاة التراويح والقيام
دانه استانست :-ياليت والله احس الصلاه في المسجد الحرام غير ...
راكان :-أي والله قبل لا اتزوجك كنت أقضي العشر الاواخر او الخمس هناك وكانن امهاتي احيانا يجن معي
دانه :-طيب ورى مايروحن معنا
راكان :-مدري ماقلت لهن بس شكلهن مانون هالعام
دانه :-اوكي بجهز اغراضنا متى السفر
راكان :-حجزت لنا طياره الساعه اربع العصر ان شاء الله ..
دانــــــــــه :-ان شاء الله

(الفصــــــــل الثامن عشر)

قالت دانه لراكان :-انت متخيل ان العيد بعد خمس ايام
راكان بابتسامه :-وبيكون احلى عيد بحياتي
دانه بغباء :-وش معنى
راكان بهمس :- لأنه اول عيد نقضيه سوى ياقلبي
قب وجهها
ضحك وقال :-يازين الحيا .
دانه وهي تبتسم :-ماتضيع فرصه ابد
راكان من قلب :-يكفي عمري الي ضاع قبل ما اعرفك
مسكت يده بقوه وقالت :-قدامنا كل العمر بتمل مني
راكان (يستهبل) :-اخسي انا ووجهي
دانه :-متحمس بعد ههههههه
راكان بوله :-وين كنتي عني طول هالسنين وين
ابتسمت :-ركوني اعقل بيأذن الفجر بعد ساعه وطيارتنا الساعه ست لازم نرجع الرياض
غمز لها :-باقي ساعه يالله العافيه تصير فيها علوم
حمر وجهها :-راااااااااااااااااكااااااااااا ااان
طلعت عيونه قدام من الخوف (يستهبل) :-افآآآآآآ السالفه فيها راكان مو ركوني نستعجل السحور اصرف
دانه بتموت من خفة دمه :-ههههههههههههههههههههه والله اني اموت فيكـ
تنهد بكل صوته :-يااااااااااااااااااااا ليــــــــــــــــــــــل
دانه :-هههههههههههههههههههههههههه انت علامك تفسر كلامي غلط
راكان وهو يغمز لها :-اقول لازم سحور ماتعشينا الا متأخرين
ولع وجهها :-ركوني
قال بهيام :-ياعيوووووووووووووووونه وقلبه وحياته ودنيته
دانه :-ههههههههههههههههههه كل هذا
راكان :-وتبيني اكمل كملت ..
دانه :-لا وش هوله حفظت كلامك
كشر :-يعني لازم اغير الاسطوانه واجيب جديده
دانه :-ههههههههههههههههههه لا معجبتني وما ابدلها ابد
راكان خق معها :-وبعدين على هالحاله القشــــــرا
دانه :-هههههههههههههه يالله قم سحرني برى مابي اجلس هنا
يستهبل :-لهاالدرجـــــــه ماله من مقابل خشتي
قالت وهي تسبل بعيونها :-انا امل منك نو نو هذا من سابع المستحيلات
خق من جد :-ياووووووووووووووويل حالي
ببراءه :-علامك
قال راكان وهو يوقف وياخذ غترته :-لا تسبلين بعيونك يابنت
قالت برقه :-ماسبلـــــــــــت
راكان :-لا والله احلفي بس
دانه وهي تغمز وتقول بدلع :-مايحتاج احلف
قال يستهبل لأنه حس نفسه بيتهور :-معك لين عشره ان مالبستي عبايتك لا تلومين الا نفسك
فزت من مكانها وركضت تاخذ العبايه وهي تضحك
راكان :-ول ما تبيلي شله اليوم
دانه :-ههههههههههههههه بدينا في الجحدات
راكان :-اخلصي يالله باقي خمسه
لبست دانه عبايتها واخذت شنطتها :-هاه خلصت
راكان :-ههههههههه يالله مشينا
وطلعوا برى يتسحرون في مطعـــــــــــــــم
كان الجو بمكه تغشاه السكينه والرحمه ..وأجواء رمضان تعم المكان .. وديرة رسولنا ومنبع الوحي والرساله تتلألئ في هالسكون الي تخشع له القلوب
وكله كوم والصلاه بالمسجد الحرام كوم ..وش اعظم من بيت ربنا جل جلاله وش اعظم من الصلاه فيه والطواف حول الكعبه والسعي بين الصفا والمروه هالجبلين الي شهدوا محاولات هاجر عليها السلام وهي تهرول بينهم تدور ماء لظناها الي يشكي من العطش ويضرب الارض برجوله الطاهره الي تفجر حولها ماء زمزم ..
قالت دانه ببهجه :-تصدق ركوني مدن العالم بكوم ومكه بكوم عندي
راكان وهو يتأمل الجبال المحاوطه للبيت الحرام من كل جهه هالجبال الي شهدت غزوات الرسول واصحابه :-معك حق تحسين بالامان فيها .
دانه تنفست بعمق ووناسه :-تدري ركوني من نعمة ربي علينا اننا ننتمي لهالبلد الغالي الي يضم اطهر مدينتين بالكون
راكان :-معك حق الله يرحم ابو فيصل ويجعل مثواه الجنه شوفي الحرم كيف صار وكيف كان
دانه :-الله يرحمه ويجازيه بالخير والخلف في ابو متعب
راكان :-الله يرحمه والنعم ببو متعب
ناظر في ساعته :-يالله نروح المسجد نصلي بتقام الصلاه
دانه :-يالله
ومشوا على رجولهم لبيت الله الحرام
دانه بحزن :-خساره اليوم آخر يوم لنا هنا
راكان :-شسوي يالغلا مشاغلي وارتباطاتي ما تخليني اتهنى بشي ومحمد الشغل يضغط عليه بالحيل بدوني
دانه :-من جد صديقك محمد يسوى ألف رجال
راكان بحب واضح :-محمد اغلى الناس على قلبي لا عيال عم ولا عيال خال مثله ولا ربعه محمد اخوي الي ماجابته امي وابوه رحمة الله عليه كان صديق لابوي
معلومه جديده ذي على دانه :-من جد ابوه صديق الوالد
راكان وهو يناظر عيونها الي كانت طالعه من البرقع الي لابسته :-ايه ماتدرين
دانه :-لا والله مدري
راكان وهو يعقد حواجبه :-الله يرزقه بالي يتمنى
ابتسمت دانه :-لا تكون بنت عمي
راكان :-هههههههههههه كاشفتني
دانه :-مايبيلها كلام
راكان بضيق :-مدري ليه ابو سعود مارد عليه
ارتبكت دانه لأنها تعرف عقلية عمها الرجعيه وقالت ترقع له :-انت عارف الي صار لسعاد مو سهل ..
راكان مو مقتنع بالعذر بس يلتسم له الاعذار :-سعاد في تحسن كبير ويمكن تطلع قريب وبنشوف تاليتها محمد ما ينرد وان كان مايبيه يقول له ألف وحده تتمناه
لاول مره تحس دانه بالزعل في لهجة راكان والحميه مع خويه ورفيق عمره وفضلت السكوت لأنها ماتبي مزاجه يتعكر ...
قال راكان :-انتي صلي هناك بجهة الحريم وانا بروح جهة الرجال جوالك معك
دانه :-ايه معي
راكان :-يالله بروح معك عشان اعرف مكانك
دانه :-يالله
راكان باهتمام :-تعرفين مكان الفندق واسمه طبعا
ابتسمت :-حبيبي علامك اكيد اعرفه
راكان :-لأني اخاف عليك يالغاليه اخاف
تأثرت دانه من كلامه :-لاتخاف يالغالي انا ماراح اتحرك من مكاني وبينا جوال
ابتسم :-يالله بروح
وراح يصلي مع الرجال ...
سألتها وحده جنبها بالصف :- هذا زوجك
دانه :-ايه
الحرمه :-الله يخليه لك
ابتسمت دانه :-تسلمين اختي ..
وكبر الامـــــــــام في هاللحظه !!
بعد الصلاه .....
ماتحركت دانه من مكانها تنتظر راكان الا ويلفت انتباهها شلة شباب يسولفون بصوت عالي وماشين بيطلعون .
وبدون قصد رفعت نظرها الا وصدمــــــــــــــــــــة حياتها !!
:
:
:
حاله حال شباب هاليومين الدين والسنع مايجي الا في رمضان بس ..
تحت الحاح شلته مشوا لمكه اليوم عشان يصلون بالمسجد الحرام لأن من المتوقع تكون هالليله ليلة القدر ويبون يستغلونها ويحاولون يكفرون عن ذنوبهم ومصايبهم الي يسوونها لكن الي هز كيانه شي عمره ماتخيله ..
راكان بن عبدالرحمن هنا !!!
معقوله من بد كل الدنيا اجتمع فيه لا وشكله ماهو بلحاله ..
شافه يمشي للصف الثالث عشان يصلي والدنيا وجله من شوفته لأنه شخصيه مشهوره ورجل اعمال له وزنه بالبلد وقاموا من هيبته يوسعون له بالصف ..
ملك كل شي المال..النسب...السلطه..الجاه
والأهم
ملك دانــــــــــــــــــــــــــــه
دانه الي ماحب غيرها بحياته دانه الي تسوى عيونه ونظرها دانه الي جرحها جرح ماله مثيل ولا وصيف ..
سأله صديقه :عزوز علامك
التفت وهو يقز راكان وهو ماشي بكل هيبه وغرور (صارت الثقه بالنفس غرور عند بعض الناس)
عبد العزيز :-اراقب من سرق بهجة حياتي مني
صديقه :-هاااااااااااااه انهبلت انت لو حنا مو صايمين كان قلت انك شارب شي
عبدالعزيز :-النار تحرق قلبي حرق
صديقه :-عزوز فهمني لو سمحت ماني فاهم شي
عبدالعزيز وهو يأشر براسه :-شفت هذاك الرجال الي لابس ثوب اسود وغتره بيضاء
التفت صديقه :-ايه علامه
عبدالعزيز بحسد :-عرفته
ركز صديقه وشهق :-ابن عبدالرحمن التاجر بكبره
عبدالعزيز :-انت تدري من ماخذ
صديقه مقفل المزاج عنده مع الصوم والنعاس:-شدراني بس بنت شيوخ الي ماخذها ان ماخاب ظني
عبدالعزيز باستهزاء :-متزوج طليقتي
طار النوم من صديقه :-أي طليقه فيهم
عبدالعزيز بقهر :-الاولى بنت خالي فهد
انهبل صديقه :-انت من جدك تحكي
عبدالعزيز :-ايه
ضحك صديقه :-هههههههههههههه والله وطلعت مو بسيط ياعزوز مرت راكان الي الكل يتحاكى عنها كانت مرتك
عبدالعزيز :-شفت القهر
صديقه حس انه مو مرتاح لردة فعله :-عزوز خلنا نروح شقتنا ننام وسحبه معه غصب والا عيونه متعلقه براكان الي تمشي جنبه اغلى خلق الله على قلبه وتسولف عليه وهو مبتسم
مشى بسرعه وحاول صديقه يمنعه بس ماقدر
<
قال راكان بابتسامه وهم يدخلون الفندق :-علامك ساكته غريبه
مشت دانه معه وهي للآن مصدومه :-هااااااااه لا ولاشي
دخلوا الفندق ..الكبير مره والفخم ..وقابلهم واحد معرفه لراكان سلم على راكان واستحت دانه وانسحبت وجلست على صوفا محطوطه بالصاله الكبيره وماجالس عليها احد غيرها
"كيف الغاليه"
طاحت شنطتها من يدها وانصدمت وضاعت الحروف من فمها مجنون ذا ولا انجن الحين كيف يلحقها للفندق ومع زوجها لا وزوجها معطيهم جنب وجهه ويضحك مع الرجال لو يلتفت ويشوفه قطعه بالحيا
وقفت وحاولت تاخذ الشنطه مرتين وماقدرت نزل بيساعدها صرخت فيه :-بعد عني
عبدالعزيز بوقاحه (كأنه لسى يمون عليها الرجال) :-طيب اعصابك ما اذكرك كنتي عصبيه كنتي كتكوته صغيره .
قالت بهمس :-انت ماتستحي على وجهك انا متزوجه اقلب وجهك فاهم مافيك نخوه ولا حشيمه
ومرت من جنبه بتطلع وقف في وجهها وسفهته وراحت من الجهه الثانيه لكنه مسكها مع يدها ، صرخت :-خير ان شـاء اللـ...............
الا ويمسكه رجال من كتفه ورى ويضربه ذيك الضربه الي خلته يطيح بالارض ..
ماتت دانه من الخوف ,, ورفعت نظرها
"راكــــــــــــــــــــــــــ ـان"
زاد خوفها وهي تشوف ملامح وجهه مرعبه لا ويضرب رجال قدامها ..
قال بهمس :-اطلعي السويت وعطاها المفتاح
ترددت ودها تركض لامان السويت وماودها تروح عشان مايتضرر راكان
قال وهو يحاول يتمالك نفسه :-دانه روحي
في هاللحظه وقف عبدالعزيز وحقره راكان وانقهر منه وقال يبي ينتقم :-ما تنلام من يذوق العسل ما يشبع منه
دانه على وشك يجيها انهيار من استفزازه الواضح لأعصاب راكان كمل يبي يقهره ويطعنه :-بس تدري وش الي يخليني احسن منك انها كانت لي قبل ماتكون لك
حست دانه بدوخه من جد وركضت للسويت موقادره تتحمل الي بيصير أبدآ
طبعا راكان ماغابت دانه عن عينه دقيقه وانصدم لما شاف هالرجال يدخل الفندق بشكله المبهذل الشماغ على الكتف والعقال فوق الطاقيه لا وماشي متقصد دانه بمشيته قدر راكان يصرف الرجال الي له مكانه كبيره بالمجتمع وحتى يخلى له الجو ويقدر يتصرف براحته بدون شوشره وفضايح
في الاول كان يحسبه سربوت وجاي يتعدى على بنات الحمايل بثقالة طينته لكن الحين عرفه ..
مسكه راكان مع ثوبه من قدام وقال وهو يضرب بظهره الجدار :-ان جبت سيرة زوجتي على لسانك مايكفيني فيك الذبح وانا راكان لاتنسى انه مهما علا شاني انا بدوي مأصل
هنا خاااااااااف عبدالعزيز ماتوقع هيبته تخوف للدرجه ذي ولا قوته بعد كان يحسبه يوكل غيره بهالاشياء ولايوسخ ايدينه فيها لكنه طلع غلطان ..
جره راكان وحذفه ع الارض :-ان شفت رقعه وجهك عقب اليوم تشهد على عمرك فاهم ولا لا عز الله انك رخمه ومافيك خير
وانا ما انزل قدري الا للرياجيل عيال الرياجيل قم انقلع ..
قام عبدالعزيز والدنيا تميد تحته والعــــــــــــــــــــار على وجهه وفي مشيته ..
وش الي سويته ياعبدالعزيز، وش الي هببته , كيف تهين دانه بهالشكل وانتي الي حاولت تصلح معها اخطاءك بطلاقك لها انت دمرت كل شي دمرته وانت عارف ومتاكد ان بنت مثل دانه تستاهل منهو احسن منك واطيب مرجله ...وعز الله انها لقته !
عرف ان راكان بن عبدالرحمن لاقال كلمه هو قدها وانه اذا تعرض لدانه مره ثانيه ولا نطق اسمها بس بيسوي تهديده وبيذبحه اصلا المجنون والي عقله ضايع هو الي يتعرض له لأنه بيكون عارف انه خسران خسران خسران
وبسرعة االبرق طلع من الفندق ....واستقبله صديقه بالمواقف
شاف ثوبه مغبر وحالته حاله قال برعب :-شصار
عبدالعزيز بتعصيب :-تهاوشت انا وياه
طلعت عيونه من الرعب :-مجنون انت تهاوشت مع الرجال
ركب عبد العزيز السياره :-كنت بس بسلم عليها واسمع صوتها
قاطعه صديقه :-يالمجنووووووووووووون
عبدالعزيز بطفش :-اوووووووووف مو ناقص يكفي انه مسح بي الارض
صديقه وهو يسوق السياره :-احمد ربك انه ماذبحك انت مجنون هذا زوجته
عبدالعزيز بغيره :-لاتنسى انها كانت لي قبله
صديقه نفسه يذبحه :-مجنون انت وربي انك مجنون الحين تروح لمرت الرجال وتقول كانت لي قبلك احمد احمد ربك انه ماذبحك وانك طلعت من الفندق تمشي
عبدالعزيز باستهزاء :-مايبي فضايح ولا مو حبآ فيني تدري من شفت معه راشد الراشد
انهبل صديقه :-مسؤول أمن المنطقه الغربيه بكبره
عبد العزيز :-ايه ماغيره
مسك صديقه راسه بيده من الصدمه :-لا انت ناوي تنكبنا صاااااااااحي انت شجاك انهبلت
عبدالعزيز وهو يحقره :-اقول اسكت عني ناقصك انا ابن اللذين طلع اقوى مني وحتى مالمسته لمسه
صديقه بشماته :-احسن تستاهل
عبدالعزيز بتعصيب :-هااااااه اشوف خوفك من راكان واضح
صديقه :-انت ماتعرف راكان زين ولا ماقربت منه أبدا هذا اذا حط احد براسه دمره فاهم كيف ؟؟؟
عبدالعزيز خزه وسكـــــــــــــت ...
هز صديقه كتوفه وسكـت الضرب فالميت حرام وعبد العزيز مستهتر وما يتحمل أي مسؤوليه ...
××
×
وقف راكان قدام باب جناحه معصب لدرجه انه مستعد يذبح أي احد عشان يخفف من النار الي بقلبه ..
توه يكتشف صفة جديده "الغيره"
انا اغـــــــــــــــــار !!!!
مو غيره وبس الي حس به ، الي حس به نار تسعر ، الي حسه شي يذبح يودي للاجرام ، بس لأنه تكلم معها قليل الخاتمه لا ويبي يقهره بكلامه الي زي السمـ ,, ماعليه شرهه ولا لو الكلام هذا جاي من فم رجال دمه مقابل هالكلمه مايكفي !
سحـب نفس طويل وفتح باب الجناح
كانت دانه ترتجف وبعالم ثاني الصدمه شلتها والي شلها اكثر الي شافته على وجه راكان ...
شي ارعبها واول مره خلال شهور زواجهم يمر عليها
دخل عليها السويت وهو باين انه متضايق ..سكتت دانه كان ودها تسأله هو بخير تعور جاه شي ؟؟
بس الخوف ألجمها وخلاها تسكت .. من جد شكله واصل حده !
رمى غترته على الطاوله بدون نفس ..
سكتت دانه وهي تنتظره يحكي ويقول شي ؟ أي شي ؟
لكن الصمت طال ..؟؟
وقفت وراحت له وهو جالس ساكت !!
جلست جنبه وناظرت في وجهه ..
قالت برقه :-راكان
نزل نظره للارض شوي ثم التفت لها :-سمـي
دانه :-سم الله عدوك
ابتسم ابتسامه صغنونه ..وقال :-ترانا صايمين عن التسبيل بالعيون
دانه :-هههههههههههههه انت مو معقول تستهبل وشكلك بصراحه ............ يخوف
راكان :-هههههههههههه اول مره تقولين لي شكلي يخوف
دانه بتكشيره :-لأن شكلك وانت معصب يضايقني
سحب نفس :-بعض المواقف تستدعي الزعل
مسكت يده المحمره مفاصل اصابيعها :-عسى ماتعورت
راكان :-لا ماتعورت الي صار مايسوى ولابرد قلبي
دانه وهي مدمعه :-عسى ما طول لسانه عليك ال**************************** ****
راكان بقهر :-يخسي ويعقب بس لا تقهرين عمرك ما يسوى
دانه وهي منزله راسها :-والله مو قصدي احطك بهالموقف
راكان بقوه :-انتي مالك دخل هالانسان .................. اللهم اني صائم
دانه بضيق :-طيب انت زعلان الحين
راكان من قلب :-هههههههههههههههههههههههههههه
ياحبني لها ..! شكلها وهي خايفه علي يجنن
طلعت عيونها :-علامك تضحك
راكان :-هههههههههههههههههههههه ولاشي
دانه ابتسمت :-طيب نقفل سيرته احسن شرايك
راكان في باله (قفل الله عمره) :-يكون احسن بعد
ابتسمت :-يالله بروح اكمل تجهيز اغراضي
ناظر راكان في ساعته ووقف :-عجلي لازم نكون بالمطار مابي تفوتنا الرحله مالي خلق السواقه ست ساعات
ابتسمت :-تآمر أمر اصلا مابقي الا اغراضي الخفيفه والا كل شي جاهز
راكان :-اوكي
&
&
>>>>>>بيت ابو سعود
نادت ام سعود :-يا هناااااااااادي
نزلت نوف من الدرج :-سمي عمه تبغين شي
ام سعود :-سلامتك يمه بس الشغاله عساها البلا حايسه المطبخ فوق تحت
نوف :-انا بروح اساعدها
ام سعود :-انتي حامل شلون تساعدينها تعب عليك
ارتبكت نوف وتذكرت انها قايله لام سعود انها حامل :-هااااه ايه ياعمه انا بساعدها ماراح اموت من الشغل
نزلت هنادي :-هلا يمه ناديتيني
امها :-ايه روحي ساعدي الشغاله بتجهيز الفطور
هنادي :-ابشري يمه
وعندت نوف وراحت للمطبخ معها
طبعا هنادي للآن ماتطيق نوف رغم انها لاحظت تحسن كبير باخلاقها لكن سبحان الله صعب الشعور الأولي يزول ..
قالت هنادي وهي تحاول تكون وديه معها عشان سعود ع الاقل :-نوف تعرفين تلفين السمبوسه
انصدمت نوف هنادي تحاكيها شخصيا لا وبلهجه وديه :-ايه اعرف
هنادي :-طيب لفيها وانا بصلح البيتزا
نوف بفرح :-ان شاء الله
الا وابو سعود ينادي هنادي :-ســـــم يبه جايه
مسحت يدينها وطلعت من المطبخ تركض ...
كانت الشغاله بالطرف الثاني من المطبخ ترتب مقاضي البيت بالمستودع حاولت تشيل كرتون كبير وماقدرت لأنها ضعيفه ...تركت نوف الي بيدها وراحت تساعدها ..
حاولت تعترض الشغاله لكن نوف ماعطتها وجه ساعدتها وشالت معها الكرتون الكبير لا وباقي الاغراض بعد ..
حست بظهرها يعورها لكنها طنشت ...دخلت هنادي المطبخ بعد ربع ساعه ولقت نوف بتخلص شغلها لكن وجهها ما ينتفسر
وقفت نوف وقالت والآلآم ظهرها تزيد :-هنادي قضيت من لف السمبوسه بطلع اريح شوي وبرجع
هنادي :-براحتك
نوف :-بحطها بالثلاجه اوكي
هنادي :-يكون احسن
وصلت نوف لباب المطبخ وخمها ألم ببطنها ماينوصف.. لاحظت هنادي ان نوف مو بخير :-نوف فيك شي !
كابرت نوف :-لا مافيني شي
وطلعت بسرعه .....
كملت هنادي شغلها وجت منال تساعدها ....
دخلت نوف غرفتها وبطنها شاب عليها نار والآلآم كل مالها تزيد ..
ماقدرت تتحمل اكثر ودقت على سعود ..بالعمل
ناظر سعود بالرقم غريبه نوف تدق عليه :-الو
نوف بألم وهي تبكي :-سعود الحقني بموت
سعود بخوف :-شفيك يابنت
صرخت :-الحقني بموووووووووووووووت
وقف سعود بسرعه وطلع من مكتبه وهو مرتبش ..
كانت هنادي سرحانه بالمطبخ والماس تكلمها وماهي معها
الماس :-هنوده الي ماخذ عقلك
هنادي :-هههههههههههه مره ماخذه
منال :-علامك سرحانه شفيك مو العاده
هنادي بتفكير :-بنات انا حاسه ان نوف فيها شي
منال :-شي ايش ؟
هنادي :-مدري كانت تساعدني بالمطبخ ورحت ورجعت لقيتها مخلصه شغلها ووجهها مشحب
الماس :-يمكن فيها نوم
هنادي :-مدري قلبي مو متطمن
منال بدون اهتمام :-على بالي عندك سالفه قلعتها
مرت خمس دقايق وماقدرت هنادي تتحمل الوسوسه :-انا بطلع اشوفها
منال تستهزء :-من متى المحبه ؟
سفهتها هنادي ..
طلعت هنادي فوق ...
دقت باب جناحها وماردت ، نادتها وماردت ..
وفتحت الباب ...
لقت نوف طايحه على السرير وماسكه بطنها تبكي من قلب
قالت هنادي بخرعه وهي تركض لها :-نوف علامك
نوف بصياح :-بموت ياهنادي بطنـــــــــــــــي بيموتني
اختبصت هنادي ماتدري شتسوي ..
وماتذكرت الا امها وركضت لها ..
امها وهي تشوفها مختبصه :-هنادي شفيك
هنادي برجفه :-يمه نوف تصيح بغرفتها وماسكه بطنها
ابو سعود الي تو داخل الغرفه :-نوف علامها
هنادي :-تعبانه يبه بالحيل
ابو سعود بعصبيه :-ورجلها وينه؟؟؟
ام سعود بقهر :-حنا بوادي وانت بوادي البنت تعبانه تودينا ولا نروح مع السواق
ابو سعود :-تعرفين سواقتي نبي نروح مع السواق
وركضت ام سعود مع هنادي لغرفه نوف
ام سعود وهي تجلسها بشويش :-بسم الله عليك يمه
نوف تبكي وعلى وشك تغيب عن الوعي ..
لبستها ام سعود عبايتها وساعدتهم هنادي
<
<
<<<<<<<<في بيت راكان
من يوم مارجعوا من السفر ناموا على طول وكل ما اذن صلوا ورجعوا نامو من التعب ..
قالت دانه بهمس في اذن راكان :-ركوووووووني
صحى بسرعه على انغام هالصوت الي يحرك شعوره ويتغلغل بالوجدان :-يالبيه
ابتسمت :-شرايك تقوم تقرا قرآن مابقى على اذان المغرب غير ساعه
راكان :-ان شاء الله
دانه وهي توقف :-جهزت لك الحمام اذا تبي تاخذ شاور عشان تصحصح وعلى فكره محمد دق يسأل عنك
راكان :-ههههههه سحبت عليه والا انا قايل له بجي الشغل العصر
دانه :-حرام عليك
راكان :-ههههههه والله انك رايقه
دانه بوعيد :-هين نتفاهم عقب الفطور
غمز لها :-قد كلامك
ووووووووووولع وجهها ضو ..
راكان :-هههههههههههههه ممكن تطلعين من الغرفه
دانه :-هههههه طرده صريحه
راكان :- دانوه لاتخربين صومـي
وووووووووووولع وجهها وهجت من الغرفه
راكان :-ههههههههههههه ياحبني لها
ووقف عشان ياخذ شاور ويجلس يقرا قرآن لين يأذن !
نزلت دانه ووجهها للآن احمر من كلامه ...
[مايدري انه يعلقها فيه اكثر واكثر واكثر ،مايدري انه النفس انه الهوا وانه الروح والحياه لها ، مايدري انه باسلوبه يزيد من حبها له من غيرتها من خوفها عليه ]
قاطع تفكيرها صوت الخاله مريم :-الوجه شاب ضو اخبرك قلتي بصحيه مو شي ثاني
دانه :-هههههههههههه يمه حرام عليك
امه :-[سيماهم في وجوههم]
دانه استحت :-ههههههههههههه يمه ترانا صايمين
امه :-ههههههههههههههههههه والله مدري عنكم ..
ام راكان :-مريم خلي البنت بحالها
الخاله مريم :-هههههههههه جت عجوز البيت
ام راكان :-لا تتشققين يالصغيره
امه (مريم) :-اصغر منك
دانه :-ههههههههههههههههه يااااااربي بدينا المناقر
امه (مريم) :-هههههههههه تكلمت الحين حرم راكان من جد
دانه بحب :-آآآآآآآآآآآآخ ركووووني
امهاته :-ههههههههههههههههههههه
ام راكان :-الولد ذا مسويلك سحر اكيد
دانه وهي تغمز لها :مرررررررررررره
امهاته :-ههههههههههههههههههههههه
دانه :-انا بروح المطبخ بسوي حنيني لراكان
انصدمن امهات راكان :-حنيني
دانه ببراءه :-ايه حنيني
ام راكان :-تعرفين تسوينه
دانه :-طبـعا
امه (مريم) :-ههههههههههه شجابه على بالك الحين
دانه بابتسامه :-امس رحنا تسحرنا بمطعم يقدم اكلات شعبيه سعوديه وراكان جلس ينتقد اكلهم وانه مو مثل طبخ البيت وخصوصا الحنيني عاد انا قلت بسويه له مفاجاه لأن شكله يحبه
مريم وهي تكلم ام راكان :-ههههههه تذكرين يوم جته فتره وازعجنا فيها تقولين منقلب شايب يوم يبي جريش يوم يبي مرقوق
ام راكان :-ههههههههه ايه اذكر كرفنا كرف
مريم :-ههههههههههه الله يسلم عمره ..
دانه وهي تنزل :-يالله العجين يمديه انفجر
امهاته :-ههههههههههههههههههه
وراحت دانه للمطبخ ...
قالت ام راكان بحب :-يا هالبنت تحب ولدنا حب ما ينوصف
مريم بتأثر :-الله يخليهم لبعض ويكفيهم شر من فيه شر وعلى راسهم سوير
ام راكان :-الا ماتلاحظين انهامختفيه من زمان
مريم بشماته :-ابركها من حزه كسر راكان شوكتها بعد سواتها بدانه
ام راكان من قلب :-الله لا يوفقها وين ماراحت
مريم :-امين ..


( الفصل التاسع عشر )
>>>>>>>>بالمستشفى
دخل سعود بسرعه المستشفى وهو منقهر لأنه تاخر لكن الطريق كان زحمه مره بسبب طلوع الناس من دواماتهم وبسبب اعمال تصليح بالشارع العام ، لكنه دق على هنادي يعلمها تروح لها ولقاهم رايحين للمستشفى وغير طريقه وراح لهم !
دخل قسم الطوارئ على طول
سعود :-لو سمحت اخوي بغيت اسأل عن مريضه دخلت تو
الموظف :-الاسم
سعود :-نوف بنت نايف
الموظف :-تقرب لها ؟
سعود :-زوجهـــــا
الموظف :-ثواني ...........
كان سعود على نار .
الموظف :-زوجتك بغرفه العمليات الحين
انصدم :-عمليات
الموظف :-نعم وللأسف ماتقدر تكون هناك بس فيه صالة انتظار لو حبيت تنتظرها ممكن تفضل هناك الصاله اول لفه على يدك اليمين
سعود كان مثل الاطرش بالزفه على الاقل أهله هناك وبيعرف وش السالفه ...
عدل شماغه وهو يمشي بسرعه .
ولقى امه وهنادي وابوه بالانتظار جالسين ...
سعود :-خير شفيها نوف
عصب ابوه :-وينك عن زوجتك انت
مسك سعود اعصابه :-يبه مو وقته الطريق كان زحمه ويالله وصلت
ابوه بعصبيه مالها داعي :-لو البنت على هواك جيت بسرعه لو مشي
تضايق سعود من كلام ابوه وقالت امه يوم شافت وجهه متغير من طريقة كلام ابوه له :-يمه زوجتك بالعمليات
سعود بينهبل :-طيب شفيها ؟
امه بحزن شوي :-كانت حامل واجهضت
انصدم :-هآآآآآآآآه ..
فسروا صدمته انه مصدوم بموت البيبي مايدرون انه تو يدري انها حامل ..
كمل ابوه بزعل ما ينوصف :-انت السبب في موتة ولدك لو تهتم لنوف ماصار الي صار
ام سعود :-خف على الولد يا ناصر ماصارت
خزها بنظره وسكتت ..
كمل ابوه :-انا ملاحظ انك ماتعدل الحب والموده كلها لالماس وهالمسكينه تداري دمعتها بعينها دايم وهي تناظركم أكلك من يد الماس اشغالك تقضيها لك الماس وتعاونك فيها ونوف صفر ع الشمال
وصل سعود حده وطلع من الغرفه ...
قال لام سعود :-شفتي ولدك قليل الخاتمه ؟
وصلت مع ام سعود :-خاف ربك انت صايم خل الولد في حاله انت السبب مو هو ؟
انصدم ابو سعود :-انااااااااااااااا
ام سعود :-ايه انت ، انت الي غصبته يتزوج نوف وانت السبب في كل شي .
هنادي وهي متضايقه حيل :-الله يخليكم خلاص خلونا نتطمن على نوف ..
وطلعت بسرعه ..
لقت سعود واقف قريب من غرفه العمليات الي نوف فيها
هنادي بحنيه :-لاتزعل يا سعود تعرف ابوي لاعصب يقول كلام مايقصده
سعود بضيق :-صار خير ..
وسكتوا ينتظرون طلوع الطبيب ...وسعود كل ساعه يناظر في ساعته ..
طلع الطبيب من الغرفه ..
قال سعود بخوف :-شخبار زوجتي
الطبيب وهو ينزل طاقيته الخضراء :-انت زوج نوف ؟
سعود :-ايه
الطبيب :-المدام شالت شي ثقيل وهي توها حامل بشهورها الاولى وجاها نزيف واجهضت للأسف
سعود وهو للآن مصدوم :-كيفها الحين
الطبيب :-سوينا لها تنظيف وهي للآن مخدره ماتحس باحد ان شاء الله على بكره اكتب لها خروج
وراح الطبيب ...
طبعا الزياره ممنوعه لأن الوقت مو وقت زيارات ولا يقدر يشوفها ..
وقع سعود على اوراقها وطلع مع امه واخته لأن ابوه رجع قبلهم مع السواق ...
كانن البنات منال والماس ينتظرنهم .. وما افطرن
اول مادخل ابو سعود قال حطولي الفطور وشكله معصب وخافن يسألنه عشان ما ياخذن تهزيئه..
والحين صار للأذان ساعه وهم مارجعوا ...
طلعت الماس غرفتها ترتاح شوي لأنها على اواخر الشهر السابع وصايره تتعب بسرعه ...
بعد دقايق دخل سعود جناحهم شكله هلكان ..
الماس بخوف :-شفيها نوف
سعود وهو يجلس بتعب :-ما راح تصدقين لو اقولك
الماس ارتاعت :-شفيها
سعود :-كانت حامل واجهضت
الماس انصدمـت :-هاآآآآآآآآآآآآآآآآه حامل مو معقوله شلون
ناظرها سعود وسكت ..
عرفت الماس ان سؤالها ماله داعي وقالت :-كيفها الحين
سعود :-ماعليها بس مخدره بكره بتطلع
الماس :-الله يقومها بالسلامه
سعود بتعب :-حطيلي فطور ....
الماس :-ابشر
ناداها قبل لاتطلع :-الماس افطرتي
حمرت خدودها :-هااااا ايه
سعود :-حطيلي فطور وافطري معي
الماس :-طيب
ونزلت للمطبخ ..!
سند سعود راسه للصوفآ ..
نوف حامل .. مو معقول ماقربها غير ذيك الليله الي فقد فيها اعصابه وقهرته بتصرفاتها ال**************************** ****
والحين حامل ومجهضه ..
البنت ذي دخلت حياته وقلبتها فوق تحت شعوره تجاهها متضاد ساعه يتمنى يدفنها بالحيا وساعه يرحمها ويتقطع قلبه على حالها يحس براسه بينفجر من الضغوطات الي براسه ..يكفي الماس وحملها المتعب ونفسيتها المتقلبه وسعاد المريضه واحمد الي صاير جلد على عظم !
عرف ان التحسف والتفكير ماراح ينفعه وقف وصلى المغرب بما ان الصلاه بالمسجد فاتته ..
*
نزلت الماس للمطبخ وهي مولعه صحيح انها راحمه نوف بس ماتوقعتها تحمل أبدا صدمه كبيره لها وهي عارفه ان ماطلعت نوف من حياة سعود بسرعه بتموت ولا يجيها شي ..
يكفي انها مانست كل فعايل نوف معها وانها حاقده عليها لكن لما تشوف نظرة الانكسار الي بوجهها ترحمها
حطت فطورها هي وسعود ورتبته بصينيه وخلت الشغاله تلحقها به للغرفه فوق ,,
*
*
*
بيت راكان>>>>>>
ضم راكان دانه وهي ترتب الصحون بالمطبخ ..
صرخت لأنها ماحست فيه وهو يدخل المطبخ ..
راكان يستهبل :-ههههههههههه بسم الله شفيك
التفتت يمه :-ههههههههه خوفتني
راكان :-وش هالفطور الروووووووووعه
انور وجهها واشرق من كلامه :-ياعساه صحه وعافيه قل امين
راكان برقه :-امين
دانه بابتسامه:- اصبلك عصير
راكان :-هههههههه ايه
دانه :-علامك تضحك
راكان :-ههههههههه ولاشي
خزته دانه وشافته يناظر جواله ويضحك ..
دانه :-جايك مسج
راكان وهو يناظر في المسج الي جايه من محمد ويتحلف فيه :-هههههههههههههههههههههه ايه
دانه بتموت من الفضول :-من من ؟؟؟
انتبه راكان لها وانها بتموت من الفضول :-مو لازم تعرفين
انصدمــــت دانه من رده وانكمش قلبها معقوله ان راكان الي عاشت وياه هالشهور الي فاتت شخصيه مزيفه وانه بدا يطلع على حقيقته
مسكت نفسها وقررت تقاوم :-ليه مو لازم يالله قلي من مين .؟
راكان (مبسوط بحرقة دمها):-حبيبة القلب هذي خصوصيات .
ارتفع ضغطها وقالت بعصبيه :-يعني ماراح تقول لي
راكان وهو مبسوط :-ايه
رمت المنشفه الي بيدها وقالت بزعل :-بكيفك انت حر ؟
ومشت بسرعه من قدامه جا بيمسكها بس بعدت عنه ..
ومن زود الرباشه صدمت بزاوية طاولة المطبخ وتعورت :-آآآآآآآآآي
ركض لها راكان وقال بخوف :-تعورتي
نفضت يده عنها لأنها لسى زعلانه منه بس من جد ساقها توجعها :-انا بخير خلك في مسجاتك بس
راكان ابتسم غصب :-يابنت الحلال خليني اساعدك
دانه فاير دمها :-مايحتاج انا بخير ..
ناظر راكان في رجلها المحمره :-شوفي رجلك مولعه
ناظرته بنص عين وجت بتمشي بس ماقدرت من الألم ومسكها قبل لاتطيح .
قال لها وهو ماسك نفسه لايضحك :-خليني اساعدك
سكتت من القهر لأنها تحتاج مساعدته ..ومادرت الا وهو شايلها ..
صرخت :-هيه اقدر بس اسندني ماله داعي تشيلني
راكان :-ههههههههه خايفه علي والله مو من ثقلك
عصبت :-مو خوف عليك بس فشله قدام امهاتي
راكان :-ههههههههههههههه اكبر كذابه
دانه :-لا والله تو مالي دخل بخصوصياتك والحين كذابه وش بصير بعد شوي
راكان بهمس ووجهه قريب منها :-بتصيرين حبيبتي وقطعه من قلبي ومني
ولع وجهها :-وفر كلامك للمسجااااااااات
راكان :-هههههههههههههههه تغارين
خزته وسكـــــــــــــــــتت
كمل كلامه :-هههههههههههههه والله ان قلت هالكلام لراعي المسجات على قولتك جاني ثم محطني بعقاله
انتبهت :-عقاله!
راكان :-هههههههههههههههههه هذا محمد يتوعدني لأني ماجيت الشغل
ارتفع ضغطها يعني مهبل فيها ومجننها من اليوم وآخر شي يطلع صديقه ..
عصبت ومادرت انها تتكلم بدلع :-ان تشوه ساقي انت المسؤول
غمز لها :-ماعليه تعجبيني مهما صار
رجع للغزل وولع وجهها ..قالت بتعصيب :-مو عشانك عشاني
كشر :-افااااااااااااااااا
وقبل مايطلع الدرج جت ام راكان بسرعه :-ياويل قلبي علامك يمه
همس راكان :-عز الله سرى الليل
ضحكت بهمس وناظرها وسكتت مسويه زعلانه عليه
راكان :-ابد يمه صدمت بدرج المطبخ وماتقدر تمشي
امه :-ودها مستشفى اخاف كسر
راكان :-لا مو كسر رضه بسيطه نحط عليها شوية ثلج وتطيب
امه بخوف واضح :-طيب مشت متأكد انه مو كسر
راكان :-ايه مو كسر كانت واقفه عليها بس تعورها
الا وبجية امه (مريم) :-بســــــــــــــــم الله عليك يمه
همس راكان :-كملت لا من جد سرى الليل
دانه تعض على شفايفها لاتفطس ضحك ...
قالت دانة :-انا بخير لاتخافون بس رجلي تعورني
ناظرن في ساقها الي مزرق شوي
امه (مريم) :-امش خلنا نوديها مستشفى اخاف كسر
راكان :-ههههههههههه لاحول والله مو كسر ترى يديني عورتني من ثقلها
دانه :-لا واللهـ
امه بتعصيب :-مثقله عليك جبها نشيلها
راكان :-ههههههههههههههههههههههه اقول يمه ليتها باحمالها تقوم
ضربته امه مريم على ظهره :-ترانا انشط منك لا تسوي قوي علينا
راكان :-ههههههههههههههههه ماقلت شي
ام راكان :-عن البربره الزايده وودها الغرفه وان ماطابت وزاد الوجع عليك علمينا نروح مستشفى
دانه :-ان شاء الله يمه ..
طبعا خلال كلامهم دق التلفون الخاص بالبوابه وردت الشغاله ..وعلمت ام راكان (مريم) بالضيوف الي برى وقالت لها من رباشتها يوم شافت راكان يشيل دانه يدخلون للبيــــت
فتحت الشغاله الباب الكبير الي بوسط البيت ودخلت ام خالد وقمر ...
استحت قمر وحمدت ربها انها مانزلت غطى وجهها ، اما ام خالد اخترعت على بنتها وهي بحضن رجلها ...
طاح وجه دانــــــــــــــــــــــه من امها واختها
ام خالد :-بسم الله عليك يمه سلامتك
راكان يهمس في اذنها :-انا منتحر منتحر الليله
ابتسمت دانه
راكان :-ياهلااااااااا وغلاااااااااا بعمتي انا اشوف الحاره منوره
حمر وجه ام خالد وقالت له :-هلا بك يمه بنتي شفيها
راكان بابتسامه :-تخيلي ياعمه تقول لي شلني وطلعني فوق ولا مافيه سحور
طلعت عيون دانه قدام وخافت من امها :-اناااااااااااااااا
راكان ببراءه :-ايه
امها بتعصيب :-دندون صدق هالكلام
دانه مسكينه تورطت :-لا يمه والله ماقلته
امهاته :-ههههههههههههههههههههههه
امه (مريم) :-ماعليك منه يا ام خالد دانه متعوره شوي
ام خالد بخوف :-وين
دانه :-هههههههههه تو تهزئيني
امها :-هههههههههههه كلش ولا راكان عاد
راكان :-احمـ احمـ سمعتي الكلام الحلو
دانه :-هههههه ايه نتفاهم بعدين يمه ترى ماسلمتي علي
راكان :-ههههههههههه كلن على همه سرى
وكمل يكلم دانه :-اطلعك فوق ولا انزلك في الصاله
دانه متفشله من لبسها وماحطت ميك اب ولاشي :-لا ابي اطلع
راكان :-نستأذن أجل
وطلعـــــــوا ..فوق
سلمت قمر على امهات راكان ...
وراحن كلهن للصالــــــــــــه
جلست قمر تفكر في زوج اختها وحبهم الواضح للكل، لو شافت راكان بمكان عام مستحيل تفكر لو ثانيه انه يكون رومنسي وجرئ ما يستحي ولايخاف من توضيح حبه للكل ولا يتردد دقيقه .. صدق اني كنت غبيه وانا متأزمه في حياتي والواحد ماينعرف الا مع العشره مو من الشكل الخارجي لأن الرجال غيررررر مع زوجته ، والحقيقه انها تحب سلطان كثير واعجبها من ذاك اليوم بالمطبخ بس كانت تكابر بسبب الي صار لالماس ودانه وكانت بتموت من الخوف بسبب الوساوس الي ذبحتها ذبح..
لكن الاحوال بدت تتعدل الماس حامل وبتولد قريب وزوجها يعشقها عشق صحيح انهم قدروا يزوجونه غيرها بس حبهم صمد وما انهار ودانه عقب الشقا والخيانه مع انسان مايسوى ظفرها لقت نفسها وحياتها بدنيا راكان وتموت فيه بشكل يفوق الوصف !
>
<
>>>>بجناح دانه وراكان
ناظر راكان في دانه المعصبه ..
قال وهو شوي ويضحك :-مساعده
قالت بغرور :-مستغنين
راكان :-افااااااااااا الغاليه زعلانه
دانه بحقد :-لا مو زعلانه اصلا انا ملطشه تتمهزأ فيني
جلس راكان جنبها :-طيب لاتعصبين
دانه :---------------
راكان (يستهبل عشان تروق) :-تدرين انك تهبلين لا عصبتي
حمر وجهها ومسكت نفسها لاتضحك
دانه بدلع :-ممكن تجيب لي تنورتي السودا
راكان وهو يرفع حاجب :-تتآمر العمه
دانه مسويه قويه :-راكااااااااااااااااان
راكان راح للدرج وفي نفسه بيرد لها الحركه طيب يادندون ان ماخليتك تحرمين تتأمرين علي
فتح درج ملابسها وقلبه فوق تحت ...
انهبلت دانه :-هههههههههههههههه خلاص مابي شي
التفت لها وغمز :-اخيرا رضت العمه علينا
قرب منها وعطاها لبسها
قال وهو ياخذ شماغه :-انا بطلع محمد زعلان مني لأني جحدته وانتي انزلي لامك واختك صح .
دانه :-ايه قمر قليلة الخاتمه حتى ماسلمت علي
راكان :-هههههههههه مستحيه اكيد مني فخليني اطلع بكرامتي لاتكرشيني
دانه :-هههههههههههههه طيب
راكان وهو يمشي للباب :-يالله see you
دانه :- see you
راكان يستهبل :-ههههههه تبي الفكه مني
دانه :-ههههههه وانا اقدر ..
رجع وقال وهو يغمز لها :-ههههههههههه هونت أجل
دانه :-ههههههه كلها مصالح عشان تساعدني لانزلت
راكان معجبه الوضع :-هههههههههه تبيني اشيلك
دانه :-ههههههه لا مابقي الا هي فشله لا تطيح من عين اختي تراها تحسبك ماتبتسم الا بالأعياد
راكان :-هههههههههههه اوف للدرجه ذي شكلي معقد
دانه :-هههههههه طيب راح الوقت ابي ألبس ملابسي
راكان وزانت له الجلسه الحين زود :-احد ماسكك
دانه :-هههههههه ما اظمنك الصراحه
راكان :-ههههههه ثقتك فيني معدومه
دانه :-ههههههه مره
وكــــــــــــــــــانت على حق ^_*
*
*
>>>>>>> المستشفى .
طلع احمد من غرفه الطبيب المسؤول عن حاله سعاد ومن كبر حظهم ومن رضا ربي عليهم انها في تحسن ولو انه بطئ نوعآ ما ..لكن رغم احباطه مبسوط نوعا ما ومرتاح ..
صحيح ان الساعه 9 بالليل بس ماصدق خبر تفتح الابواب للزياره عشان يكحل عينه بشوفة محياها..
مشى بأسياب المستشفى وطلع للطابق الي غرفتها فيه..
تذكر امس يوم زارها كانت تبتسم له وتتكلم شوي ثم تتعب وتسكت ..وقلبه بغى ينفجر بين ضلوعه من فرحته بس مسك نفسه عشان مايضغط عليها ويتعب نفسيتها
وصل لغرفتها الخاصه وفتح الباب....وطاح جواله من يده..
الغرفــــــــهـ فاضيه!!!!!!!!!!!!
انصدم والصدمه خلته جماد ..لا يتحرك ولايرمش بعينه
يخاف حتى لو اخذ نفس واحد يتأكد واقع ان سعاد مو موجوده بغرفتها وان سريرها مرتب وهذا ماله الا تفسير واحـــد!!
سعاد ماتت ...
دخل يجر الموت الي صاب روحه بخطواته ..
وقف جامد قدام سريرها ولا التفت لا يمين ولايسار
تمنى لو يقدر يبكي ولا ينفس عن الي بقلبه شوي ويرتاح ، لكن الدمع خانه في احوج اللحظات له
"احمــــــــــــــــــــــ ـد"
التفت بسرعه لمكان الصوت ..كانت سعاد جالسه على الصوفا وضامه رجولها تحتها ومسنده نفسها لمخده كبيره
ناظر فيها وناظر في السرير وهو مصدوم ومو لاقي تفسير للي يشوفه
قالت برقه :-قرب ليش بعيد
ليش بعيد..؟
اخاف اقرب وتكونين سراب وانا مت موته وحده والثانيه ثابته !
همست والتعب على ملامحها واضح وتحاول تخفيه بابتسامتها الحلوه :-لو فيني حيل جيت لك بس للآن ادوخ لا تحركت
همس :-انتي حقيقيه
دمعة عيونها :-ايه حقيقيه ونص
قرب منها بسرعه وبدون مقدمات ضمها .. مو مصدق الي يشوفه ابدآآآآآآآآآآآآآآ
سعاد للآن حيه وما ماتت وبخير وسلامه !
ابتسمت :-احمد شفيك ؟؟
ناظرها وهو يلمس وجهها يتأكد انها بخير :-مصدوم باختصار
سعاد :-هههه الحمد لله
احمد مذهول :-امس كنت عندك وكنتي يالله تحكين شلون شلون ..حتى الطبيب كان يقول لي اصبر وهو مبتسم
سندت راسها على صدره وقالت :-قبل اسبوع بديت اقدر اتكلم واصير قويه شوي شوي وقلت للطبيب لا يعشمك بأي أمل لاني اعرفك بتتحطم صحيح بالظاهر بتكون قوي لكني اعرف احمد الحقيقي زين واعرف انه يحبني مره والي يصيبني يصيبه
احمد :-كنتي بخير وماعلمتيني حرام عليك
سعاد وهي تستجمع قوتها لأنه مهما كان لسى ضعيفه :-كنت خايفه عليك لا تتحطم والي عانيته كفايه وانا بعد ماني ناقصه اشوف خيبة أملك ..
دخلت عليهم الممرضه وابتسمت وهي تقول لسعاد لا تتكلم كثير لأنها تعبانه وان الطبيب بيمر عليها بعد خمس دقايق ..
احمد :-وين طرحتك ...!
سعاد :-جنب سريري ..
وقف وراح يجيب لها طرحتها عشان تغطي وجهها..
دخل عليهم الطبيب عقب خمس دقايق وجلس معهم قرابة النص ساعه ويشرح لهم الاعراض الي بتصيبها الفتره الجايه وانها طبيعيه عشان مايخافون ويوسوسون !
وكلمهم بعد في كل الي صاب سعاد من يوم مادخلت وكيف تحسنت حالتها من الاسوء للأحسن
طلع الطبيب الي بيكتب لها خروج بكره ...
حاولت سعاد تكتم صوتها وشهقاتها يوم درت انها كانت حامل ...
نزلت طرحتها ومسحت دموعها بمنديل ..
خاف احمد :-سعاد شفيك تعبانه انادي الطبيب
سعاد وهي تشاهق :-لا مايحتاج
احمد بضيق :- قوليلي شفيك ولاناديت الطبيب
سعاد وهي تمسح دموعها :-انا كنت حامل ..؟؟
من كثر مامر عليه من مصايب ابتسم غصب
عصبت عليه :-الحين انا حزينه وانت تبتسم
احمد :-صار خير والولد بداله ولد لكن سعاد مابدالها احد
من بين ضيقتها قالت :-بس هذا ولدنا
احمد وهو يهز راسه ويمسك يدها :-كل شي له حكمه يمكن لو ما مات يتشوه ولاشي ونتعذب طول عمرنا معه
كنها اقتنعت ..مسح دموعها وقومها :-قومي ارتاحي سمعتي كلام الطبيب مانبي انتكاسه
سعاد كانت تحس بنعاس فظيع لأنها تتعب على اقل شي ،سمعت كلامه ونامت اول ماحطت راسها على المخده .
حبها على جبهتها وطلع لأن وقت الزياره انتهى ..!
طلع من المستشفى على الاقل فرحان وهذي اول مره من يوم ماطاحت عليه سعاد.
بعد ربع ساعه ..وصل بيته وكانوا اخوانه للحين ساكنين معه وموسعين صدره ومالين عليه البيت ...
ونوف تمر عليهم من فتره وثانيه ..تذكرها ..
وطلع جواله ، لكنه تذكر انه ماعاد يشتغل يوم طاح من يده بالمستشفى !
يالله يكلم بجوال طلال ولا ناصر
دخل سيارته بمواقف البيت ونزل منها وهو يصفر وشكله متغير من الوناسه
دخل البيت وسمع صجة اخوانه بالمطبخ
طلال يصارخ :-نويصر الله يقطع ابليسك كسررررررررررت كل البيض الي تونا شارينه
ناصر يصارخ :-انت أحوووول البيض ينحط بالثلاجه مو على الارض
طلال :-نظفـــــــــــــــه ياشاطر
ناصر يستهبل :-حاضر عمتي
طلال :-ههههههههههههه انت مو طبيعي شارب شي اليوم
ناصر :-لااااااااااااااااا محبط فقط
طلال يستهزء :-لاتكون الي في بالي
ناصر بضيق :-انطم طيب البنت على ذمة رجال
طلال :-اسمعوا من يتكلم
دخل احمد عليهم...
وقال يستهزء :-الاخوات ليش يتناقرن
اخوانه :-ههههههههههههههههههه
طلال يستهبل كالعاده :-هاه الوجه مشرق خير
ناصر :-كان عند الحبيبه ليه مايشرق اصلا وجهه ما يظلم الا من مقابل وجيهنا الودره
احمد :-ههههههههههههههههه والله انكم مهبل وبعدين المطبخ علامه كله اكياس
ناصر وهو يناظر في اكياس المقاضي الي ماليه المطبخ :-الشرهه على الي مستحي على وجهه ومقضي لبيتك
احمد :-ههههههههههههه مشكورين
طلال وناصر يناظرون في بعض مستغربين احمد يجي من برى مروق ولا يمزح بعد فيه شي اكيد.
احمد شاف ملامح الحيره الي على وجيههم واستانس راح للثلاجه ياخذ عصير
طلال ما قدر يتحمل وسأله :-بشر وجهك يقول فيه اخبار حلوه
احمد بوناسه ما تنوصف :-سعاد بتطلع بكره
حط ناصر الاغراض من يده وقال بصدمه :-تمزح ولا من جدك
احمد :-لا والله جد
طلال جلس يصارخ من الوناسه :-مبروووووووووووووووك والله سعاد تستاهل كل خير
احمد :-تسلم
ناصر بفرح :-اخيرا بتفرد هالخشه الي تجيب الاكتئاب
العيال :-ههههههههههههههههههه
طلال :-متى بتطلع ..؟؟؟
احمد :-بكره ان شاء الله
طلال بصدمه :-بكره!
احمد بابتسامه مافارقت وجهه :-كانت في تحسن وماعلمتني واليوم لقيتها تقدر تمشي وتتحرك والطبيب قال بتطلع بكره بس عطاني دسته نصائح
طلال :-الحمد لله عدت على خير انتبه لكهربا بيتك ولي يسلمك
احمد بضيق يوم تذكر الحادث :-والعمال يا ذكي الي ابلشونا طول رمضان وش كانوا يسوون
طلال بغباء :-ايه صح نسيت
ناصر :-هههههههههه الله يخلف عليك
طلال يقلد صوته :-قم قم خلنا نضف عفشنا لا ننكرش بس
احمد بيقهرهم :-ايه صح ضفوا خششكم بترجع نوارة بيتي بكره
ناصر :-ههههههههه ياخي قدر شعورنا على الاقل
طلال :-ههههههههههههه كرشه مالها مثيل
احمد وهو يطلع من المطبخ :-الحمد لله البيت وسيع ويشيلنا كلنا
ناصر :-انا عني بحضر عرس خالد وبرجع تبوك (قالها بكآبه) وماعندي اجازه الا بالعطله الكبيره شفتوا القهر يعني بجلس بشقة الربع لين ارجع
طلال :-وانا برجع بيت الوالد يقولون الوالده تعبانه هاليومين
احمد :-تعبانه
ناصر :-جد
طلال :-ايه تعبانه امس كنت عند ابوي وقال لي انها ماهي بخير الايام ذي
احمد :-شفيها ؟؟
طلال :-مدري
احمد :-لازم نزورها انا انشغلت بزياراتي لسعاد وكلما رحت للبيت ماتجلس معي تسلم خوفا من زعل ابوي وتطلع
ناصر :-نفس حالتي يوم شافتني سلمت علي ببرود مو كني غايب لي اكثر من شهرين
طلال :-هذي امي وهذا طبعها شي جديد يعني ..
احمد غلبته حنيته :-لازم نزورها تراها امنا ...
ناصر :-متى نزورها انا ثالث ايام العيد مسافر
طلال :-انا اصلا بداوم بكره وليلة العيد عشان اقدر احضر زواج خالد بما انه اول عيد
احمد ناظر في ساعته :-شرايكم نتسحر عندهم الليله ترانا مقصرين وما افطرنا ولاتسحرنا عندهم الا كم مره
العيال :-زين
وطلعوا كلهم رايحين لبيت ابوهم...
كل واحد منهم راح بسيارته ، وبعد ربع ساعه كانوا قدام بيت ابوهم ..
نزلوا سوى ...
قال احمد لطلال وهو توه يتذكر :-نوف مالها حس اليوم ما كلمتك
طبعا علاقه نوف تحسنت مع كل اخوانها وصارت ممتازه صحيح انهم مانسوا فعايلها لكنها بالاول والاخير اختهم
طلال وهو يعقد حواجبه :-لا والله مدري عنها ليه مادقيت عليها
احمد :-جوالي خربان
طلال طلع جواله ودخلوا البيت سوى [الرقم المطلوب لايمكن الاتصال به الآن فضلا اعد المكالمه في وقت لاحق]
استغرب طلال هالشي
احمد :-هاه كلمتها .؟"
طلال بحيره :-مقفل جهازها
ناصر :-لايكون فيها شي
احمد :-لاتفاول يمكن مفضيه البطاريه ارجع دق عليها بعد شوي
طلال :-طيب
ودخلوا بيتهم قديمــــــــآ
<
<
كانت ام احمد تهزء بالشغاله تهزئ وتبرد فيها حرتها ...
الوحده شينه لاتخلوا عنها الناس وما رافقها وصادقها الا المصلحجيات ..
حتى قلبها ماحن على عيالها مدري الحجر اقسى ولاقلبها اقسى..
رفعت نظرها الا وعيالها الثلاثه داخلين عليها الصاله
الكل :-ســـــــــــــــلام
امهم :-وعليكم السلام زين تدلون بيتنا للحين
احمد تكلم عن اخوانه لأن طلال حساس وناصر دمه حامي :-انتم بالبال دايم بس مشاغل
امه بقهر :-مشغلتك بنت ناصر عنا
مسك احمد نفسه :-يكفي يمه انك ماتكرمتي وزرتيها مره لو مو عشانها عشاني انا
حقرته :-اللي مايطيع امه يستاهل الي يجيه
احمد برحابة صدر :-كيف حالك يمه سمعت انك تعبانه
احساسها بالمرض ماعجبها وجلست تكابر :-انا بخير
احمد :-اكيد يمه اذا تعبانه قولي لي
غصت بعبرتها ...
ابو احمد :-هلا الشباب هنا
التفتوا العيال لجهته وسلموا عليه
ناصر :-اليوم قلنا لازم نجتمع ونتسحر سوى
احمد قلبه مع نوف :-مابقي الا نويف دق عليها طلول اذا رجلها مو عندها انا اروح اجيبها
طلع طلال جواله ودق مره واثنين وعشره وماردت !
بدت الوساوس تشتغل ...
قام طلال ودق على سعود
طلال :-السلام عليكم
سعود :-وعليكم السلام هلا طلول
طلال :-كيف الحال عساك طيب
سعود :-بخير عساك بخير
طلال :-وعمي شخباره والاهل
سعود :-بخير عساك بخير انت كيف حالك
طلال :-بخير الحمد لله
سعود :-الله يجعله
طلال :-اقول يبو نسب نوف شفيها ماترد على جوالها
قال سعود بهدوء :-نوف تعبت علينا شوي وهي بالمستشفى متنومه
تروع طلال :-مستشفى ؟؟
سعود :-لاتخاف سليمه بكره تطلع ان شاء الله
طلال :-ليه شفيها
سعود :-اجهاض !
طلال :-ايوووووووه
سعود :-اسمع ياليت تعلم الوالده عشان تزورها لأنها بتكون محتاجه لها انا كلما حاولت ادق على البيت ألقاه مشغول او مايرد احد
[طبع ام احمد ماتخليه وهو القرقر بالتلفون والحش بخلق الله]
طلاال يناظر في اهله الي كل واحد يسأله عشرين سؤال بوقت واحد
طلال :-خير ان شاء الله مافيه زياره الحين صح
سعود :-لا الوقت متأخر مافيه زياره
طلال :-بأي مستشفى هي ..؟؟
سعود :-بالمستشفى (-----) غرفه رقم 12
طلال :-خير ان شاء الله يالله تآمر بشي
سعود :-سلامتكـ
ابو احمد بخوف :-اختك علامها
طلال :-مافيها شي تعبانه ومتنومه بالمستشفى
ابوه :-متنومه ليه!
طلال :-شغلات حريم يبه وبكره بتطلع
ارتاح ابوه :-الحمد لله بس متأكد انها بخير
طلال :-توني مكلم رجلها وهي بخير
ابو احمد يكلم زوجته :-بكره تروحين لها وتجيبينها هنا
ام احمد قلبها يعورها على بنتها ولو انها منقهره منها شوي لأنها متغيره وصايره رسميه بزود :-ان شاء لله
احمد احساسه كان في محله :-ان شاء الله تقوم سالمه
طلال :-يارب
دق جوال ناصــــــر وطلعه من جيبه ..
ابوه :-من الي متصل عليك..؟؟
ناصر مستغرب راكان داق عليه اول مره غريبه ..
ناصر :-راكان يبه بن عبدالرحمن
وطلع من عندهم يكلم ..
ابوه :-ونعم الرجل والله
احمد :-وانا اشهد رجال عن ميه
ابوه :-تربية عبدالرحمن الله يرحمه
احمد وطلال :-الله يرحمه
×
<
<
طبعا راكان كان يكلم من مكتبه لأنه ترك البيت عشان ضيوف دانه ياخذون راحتهم ..
وبعد ما تحمد له محمد بالسلامه ..فك حلقه عليه وهزئه (هههههه)
راكان وهو مسند ظهره لكرسي مكتبه الاسود وبيده قلم يدوره ع المكتب :-السلام عليكم
ناصر :-وعليكم السلام هلا ببو فيصل يالله انك تحييه
راكان :-الله يبقيك كيف الحال
ناصر :-بخير عساك بخير
راكان :-والوالد شخباره عساه بخير
ناصر :-بخير عساه بخير انت شخبارك
راكان :-الحمد لله الاخبار طيبه ...
دخل عليه محمد معه اوراق مهمه راكان :-ثواني ناصر
ناصر :-خذ وقتك
محمد :-انا اشوف الموعد تمام شرايك
راكان :-اممممممم بدايه شهر 11 تمام خلاص ارسل لهم فاكس بتأكيد الموعد اهم شي هو مناسب لك
محمد :-ايه زين بتكون البنت في بيت رجلها وماشيل همها هي وامي ...
راكان :-اجل توكل على الله
محمد :-ونعم بالله
وطلع
رجع راكان لناصر :-هلا
ناصر :-اهلين
راكان :-اسمع كلمت لك رجال واصل وبيشوف الموضوع يمكن يطول بس اعتبر نفسك منقول
من زين الخبر بغى يغمى على ناصر :- قول وفعل يبو فيصل واردها لك ان شاء الله
راكان :-لو بيدي سرعت نقلك لكن انت عارف انها معجزه انهم يوافقون تنقل هنا بس الصبر وكلها كم شهر وتكونـ هنا
ناصر كان عارف كلام راكان زين وانه مضبوط ميه بالميه يحمد ربه ان فيه أمل ينقل ومستعد ينتظر لومية سنه بس اهم شي انه بالنهايه بيجي هنا بين ربعه واهله .
ناصر :-ماقصرت عسى عمرك طويل
راكان :-تسلم يالله تآمرني بشي
ناصر :-كفيت ووفيت يبو فيصل
راكان :-هذا واجبي حنا اهل يالله سلام
ناصر :-فمان الله
سكر الجوال وهو مو مصدق ان عقدة حياته انحلت .. والفضل بعد الله لراكان عزالله انه رجال وقدره كل يوم يكبر بعينه .
دخل ناصر يبشر اهله بهالخبر الزين عشان يفرحهم بعد ربشتهم على نوف .
*
*

>>>>>>>>بيت راكان
طبعا بعد غياب دام ساعه ^_* نزلت الاخت دانه لهم بمساعده راكان طبعا هالمره ماشالها بس سندها لين نزلت ...
تنحنح راكان عشان تتغطى قمر وبمساعده امها جلست ...
قالت قمر لدانه بعد ماخلى لهن الجو لأن العجز فضلن الجلوس بالمجلس العربي بدل الكراسي :-لا والله روميو وجولييت انتي ورجلك
دانه :-هههههههههه انا اشوفك طول الوقت بتموتين ودك تعلقين بس وجود امهاتي ماساعد
قمر :-هههههههههه قسم بالله بغيت ادخل تحت الطاوله حقت المدخل
دانه :-ههههههههههههههههه ايه الحيا مقطع بعضه
قمر :-والله اني بنت استحي
دانه :-هههههههههههههههههه مره
قمر :-من جد ماتخيلت راكان رومنسي ابد
دانه بتعجب :-ليه ؟
قمر :-مدري احسه يخوف
دانه :-هههههههههه راكان يخوف
قمر :-ايه يخوف
دانه :-حرام عليك والله مافيه احن منه علي
قمر وهي تتنهد :-يازين الرياجيل الي كذا القويين وفي نفس الوقت فيهم حنان
غارت دانه :-هييييييييييييييييييه يابنت الشيوخ
قمر :-هههههههههههه انا عندي سلطان ومايملي عيني غيره
دانه :-الا شخباره تكلمون بعض
قمر بكآبه :-يكلمني هو بس على فترات
دانه وهي تغمز لها :-تحبينه
حمر وجه قمر :-رجلي لازم احبه
دانه :-سبحاااااااااااان مغير الحال
قمر غيرت السالفه لأنها استحت :-اخخخخخخ لو تشوفين كرشة الماسوه تضحــــــــــــكـ
دانه بحب لاختها الكبيره :-هههههههه يالبى قلبها مشتاقه لها موت شخبارها
قمر :-بخير .. بس تتدلع من الحمل (وطبت وشوي وتطيح بحضن دانه ) بشري مافيه شي ماشيات
كشرت دانه :-مافيه
قمر :-غريبه خلاص بتكملون سنه متزوجين وماحملتي
دانه متضايقه من هالموضوع ومنكد عليها عيشتها :-أي والله غريبه
قمر :-غريب رجلك ذا ماهمه الموضوع
دانه :-قلت له وقال لي لاكملنا سنه وماحملت نروح نسوي فحوصات هو هامه الموضوع بس مايبي يضغط علي شكله مافيه شي وان البلا مني
قمر :-وانتي شدراك
دانه بقهر :-انتي ناسيه انه كان متزوج قبلي اتوقع انه يعرف انه بخير شكل موانع الحمل الي كنت اخذها وانا متزوجه ----- مآثره علي مره
قمر :-هههههههههه للآن ماتحبين تنطقين اسمه
ورجع لذاكرة دانه كل شي صار امس ...
دانه بحقد واضح :-ماعلمتك
قمر تحمست :-ايش ..؟؟؟
دانه :-شفناه بمكــــــــــهـ
طلعت عيون قمر من الصدمه :-عزيز
هزت دانه راسها وعلمت قمر بكل شي من الاول لآخر شي صار
......
قمر :-مجنووووووووووووووون
دانه :-ياقهرني قهر
قمر بشماته :-بس وراه راكان قدره
دانه بحب :-ايه الله يحفظه لي لعن خيره
قمر :-قليل الحيا يستاهل (غيرت السيره) هاه طلع فستانك ..
دانه بابتسامه :-ايه يجنننننننننننن لو تشوفينه
قمر تحمست :-قومي وريني ياه
دانه وهي تناظر في رجلها الي تعورها ..
مدت قمر بوزها :-مالقيتي تطيحين الا بجيتنا
دانه :-هههههههههه راكان الله يخليه لي جنني بالمطبخ
قمر تعلق عليها :-الحب يعمي القلوب
ناظرتها دانه بنظره تضحك
قمر :-هههههههههههههه
وكملن سوالفهن !!

) الفصل العشرون )
(اول أيـــــــــــام عيد الفطر)
كانن البنات مختبصاآآآآآآآآآآآآآآآآآآآآآآآت بين التحضيرات لزواج خالد وبين تجهيزاتهن وبين المعايد..
قالت الماس :-هنادي بالله عليك الحلق طاح بالارض جيبيه
هنادي تستهبل :-متى تنزلين هالحموله وترحميننا
دانه :-هههههههههههههههه حرام عليك
الماس :-هين ياهنوده تجيني بعدين تقولين ببوس ولدك
هنادي نقطة ضعفها الاطفال :-اووووف بدا التمنن
وعطتها الحلق ...
ناظرت دانه في ساعتها وقالت بسرعه :-انا بطلع لايمان ونروح مشغل اشوفكم الليله اوكي (وناظرت في هنادي) تعالي معنا
ارتبكت هنادي وضاق صدرها :-لا انا بروح مع البنات ..
دانه فهمت سبب رفض هنادي ومن بيلومها !
دانه :-براحتك سي يووووووووووووو
وطلعت ...
دقت على راكان
راكان :-هلا يا امسي وباكر هلا يايومي والحاضر
دانه :-هههههههه هلا بحبيب الروح والقلب والعين
راكان :-اوف اوف اوف كل هذا لي !
دانه بدلع :-كمـ راكان عندي !
راكان :-ههههههه واحد
دانه برقه :-والله يحفظه لي حبيبي انا بطلع لايمان ونروح مشغل سوى حرامـ وحيده
راكان بحب وتقدير :-مايحتاج يالغلا تشوريني في الواجب مع من بتروحين ؟
دانه :-طبعا الاخ المعرس مختفي من صباح ربي يعني بروح مع السواق وحمد اخوي
راكان ببراءه :-اوكي
دانه :-انت وينك ..؟؟
راكان :-بالعمل
عقدت حواجبها :-كأني اسمع صوت سيارات عندك
راكان بابتسامه :-ايه انا برى بموقع عمل
ابتسمت :-طيب انتبه على عمرك
راكان :-مايخالف وانتي بعد
دانه :-ان شاء الله سلام
راكان :-سلام
دقت دانه على حمد تشوف وين راح ...
ماتدري ان راكان سبقها ودق عليه وقال له ما يخلي دانه تشوف خشته ...
انقهرت دانه لها عشر دقايق تدق ومسفهها ..
دق راكان على حمد يقول لها تطلع له برى طبعا دانه أكلته بلسانها ...
طلعت برى معصبه لقت راكان ينتظرها ..وتفاجأت..
قالت وهي تضحك :-هههههه عشان كذا حمدوه مسفهني
راكان :-هههههههههههه لازم نسوي تمويهات
دانه :- احلى تمويهات والله بس كيف ناخذ ايمان
راكان غمز لها وقال :-محمد هناك ونمشي انا وياه سوى وننزلكم زين
ابتسمت :-ايه زين
وركبوا سوى رايحين لبيت محمد ..
*
كانت ايمان المسكينه مرتبشه وحالتها حاله صحيح ان دانه ساعدتها كثير في تجهيزات الزواج بحكم ان سنهم واحد وان دانه زوجة راكان صديق اخوها الروح بالروح
خمس دقايق من تفكيرها في دانه الا هي وداخله عليها بعد ما استأذنت ..
ايمان وشوي وتصيح :-دانه جابك ربي شسوي
هدتها دانه وقالت :-رتبتي اغراضك
ايمان وهي ترجف :-ايه
دانه بهدوء:- الفستان واكسسوارته جهزيته
هزت ايمان راسها ..
بعد ربع ساعه شيكت دانه على الاوضاع ولقت ايمان ماشيه بنصيحتها ومرتبه اغراضها صح ..
قالت دانه :-راكان برى ينتظرني ............
قاطعتها ايمان وهي شوي وتنهار :-لاااااااا لا تتركيني
دانه ماقدرت تمسك نفسها :-هههههههههه خليني اكمل محمد برى عنده انتي روحي معه وانا مع رجلي ونتقابل بالمشغل
ايمان وهي حاطه يدها على قلبها :-اشوا حسبتك بتجحديني
دانه :-ههههههههه لا لاتخافين انتي مرت الغالي واخت صديق الغالي
ايمان كنها هدت شوي :-ههههه طيب
وطلعت دانه وايمان معها اما ام محمد بتروح لجمعة عجايز العيله ببيت ابو خالد..
*
*
*
طبعا نروح لنوف الي اجهضت قبل خمس ايام...
كانت نوف نايمه على سريرها ودبدوبها بحضنها وتمسح دموعها ، دموع سوء احوالها وسوء نصيبها وحياتها الشينه .
والقهر انها ماراح تحضر زواج خالد الليله لأنها تعبانه وماطابت من الي صار لها ..
دق باب الغرفــــــهـ
نوف وهي تمسح دموعها :-ادخل
دخلت رنا الغرفه ومعها صحن شوربه :-هاه الحلوين صحوا من النوم
ابتسمت نوف :-مارحتي للحين للمشغل
رنا وهي تحط الصحن على الطاوله :-تونا بدري الساعه خمس العصر
نوف وهي تجلس :-لابدري ولاشي على بال ماتروحين وتتجهزين يبيلك ساعتين على الاقل
رنا :-هههههههه تكفين من بيناظر في وحده مثلي
نوف :-هههههه توك بطنك ماكبر
ناظرت رنا في الكرشه الصغنونه :-هههههههه بزود .
نوف :-وين امي !
رنا وهي تحط الصحن قريب من اختها :-مدري عنها
نوف :-مو حاضره الزواج
رنا :-لا ماراح تحضر ابوي عياا عشانك
نوف بدون اهتمام :-عادي لو تبي تروح الشغالات موجودات
رنا متروعه :-مجنونه انتي كيف تجلسين في بيت بلحالك
نوف :-عادي وش بيصير لي يعني اعتقد كل شي شين صابني
حزنت رنا على حال اختها والي لولاها ما جت وجلست عند اهلها وتحملت تلميحات امها وكرهها لفهد عشان امه وسالفتها القديمه
قربت رنا من اختها وضمتها
سالت دموع نوف غصب ... دموع الاحباط ودموع الآلآم الي تحس فيها بجسمها ..
دق جوالها ناظرت الرقم وحذفت الجوال على جنب للميه الألف ..
قالت رنا بهدوء :-نوف الهروب مو طريقه لحل أي خلاف
نوف وهي بحضن اختها :-مابي اسمع صوته ابي انساه
مسكت رنا نوف مع كتوفها وقالت بحنيه :-قلبي انا معك في ان وضعك مو زين وزواجك من الاساس غلط انتي دخلتي بحياة سعود وسعود مافي قلبه غير الماس صحيح انه يحز بقلبي تتطلقين لكن هذا هو الحل السليم انتي توك صغيره وحلوه والمستقبل قدامك
نوف بياس :-أي مستقبل منو الي بيناظر في مطلقه
عصبت رنا من هالمنطق :-كل واحد ينكتب في لوحه قبل لاينولد وش نصيبه بهالدنيا وكلي امرك لله وفكري في الحاضر والمستقبل خليه يجي بـ الي هيبه
رجع سعود يدق عليها وناظرت الجوال وفي عينها نظرة تردد...
ابتسمت لها رنا تشجعها واشرت لها ماتطول بالمكالمه عشان ماتبرد الشوربه !
بصوت يرجف :-الو
ضاقت اخلاق سعود والي قهره انها ماترد على اتصالاته ومن كثر ماهو شايل همها يحس بشي يطبق على انفاسه :-نوووووف مو معقوله كذا ماتردين على مكالماتي من يوم ماطلعتي وانتي رافضه تكلميني
نوف وهي حاطه يدها على فمها تكتم عبراتها وشهقاتها
تكلم بهدوء :-نوف انتي معي
نوف بهمس :-ايه
سعود :-انتي بخير
نوف بهمس :-ايه
سعود وهو يتنهد :-ورى ماتردين علي طيب
استجمعت شجاعتها وقالت :-سعود طلقني
كان سعود حاس انها تبي الطلاق من طريقه كلامها ووتقفيلها لجوالها طول الوقت وان كان مفتوح ماترد على رقمه هو ، عارف ان الموضوع مؤلم له ولها وان الشياب لو يشمون خبر ذبحوه وحاولوا يمنعونه بأي طريقه
سعود :-متأكده من قرارك
نوف :-انا وانت مانصلح لبعض أبدا ثم انت من البدايه ماتبيني وانا ابي انسى كل الي صار ياليت تطلقني في اسرع وقت ولا يدرون الشياب
قال يودعها الوداع الاخير :-انتبهي على نفسك وسامحيني
نوف وصوتها متقطع :-وانت سامحني
سعود :-الله يسامح الجميع ، مع السلامه
نوف انزلق الجوال من يدها ..
ثواني الا رنا راجعه لها عارفه ان نفسيتها زفت وانها ضعيفه معنويا وجسديا وما تنترك بلحالها
جلست رنا جنبها تخفف عنها وترفع معنوياتها قالت نوف وهي تمسح دموعها :-انا سويت الصح وماني ندمانه
ابتسمت رنا وهي تمسح دموعها :-الله يكملك بعقلك
قالت نوف وهي تحاول تلطف الجو :-يالله روحي دقي على رجلك يجي يوديك المشغل الساعه خمس ونص
رنا (تمزح) :-يارررربي تصرفني
نوف :-ههههههههه لاتخلينها تطق براسي واروح
طلعت عيون رنا :-خلاص بروح اجهز نفسي ..
حبتها على خدها وطلعت..
رجعت نوف تنام ...
صحيح ان الطلاق مو سهل ومؤلم بس هذا هو الشي الصح الي المفروض مسويته من زمان وبتنسى مع الايام هالواقع المؤلم !
*
*
*
*
*
*
V
V
V
>>قاعة الزواج<<
الســــــــــاعه 10 ونص بالليل
------>>>قسم الرجال
كانت قاعتهم مليانه بالضيوف والمباركين الي جايين يباركون لخالد هالزواج..
وكانوا الشياب مبسوطين رغم تحفظاتهم لأن العروس من برى العيله ...
لكن سمعة محمد وابوه قبله شفعت له عنهم ..
ابو خالد :-ما رديت على الرجال
ابو سعود كان فاهم قصد اخوه :-لا
انصدم ابو خالد :-ماهي زينه بحقنا وحقه اذا ماتبي الرجال علمه خله يشوف نصيبه
ابو سعود وهو يعدل نظارته المربعه :-الرجال والنعم فيه
ابو خالد :-طيب وش المشكله
ابوسعود :-انا ابي بناتي ياخذن من عيال عمهن
ابو خالد :-يا ناصر لاتقطع في نصيب البنت اذا الرجال طيب وصدقني لو تاخذ من عيال عمها ويطلع مافيه خير قرابته ماراح تشفع له وتنجح علاقتهم
ابو سعود :-يعني شقولك
ابو خالد :-توكل على الله محمد رجال والنعم فيه ولو خاطب وحده من بناتي ماترددت لحظه وبعدين هم صاروا من العايله الحين
ابو سعود وهو يفكر :-يصير خير انا عني ماظن عندي اعتراض عقب اليوم باقي رآي هنادي
ابو خالد :-الله يقدم الي فيه الخير
ووقفوا يسلمون على دفعه جديده ...
>
<
>
>>>> قاعه الحريم
كان صوت الـ Dg مالي القاعه الي تالقت الوانها بين الموف والرمادي وكانت من روعتها وكانها شي خيالي وحلو ...
وكله كوم وكوشة العروس كوم ... طبعا الكوشه كانت هدية منال وقمر للعروس وكانت روعه وكانها هلال مايل بسما سودء كلها نجوم ملونه شي رومنسي حيييييييييييييل ...
قالت الماس لدانه الي نازله من غرفه العروس وذيل فستانها ماسكته عشان ماتطيح :-هاه خلصتوا
دانه وهي تهوي وجهها :-ايه خلصنا بس تونا بدري الزفه بتكون متاخره
الماس عدلت جلابية الحمل الفخمه الي كانت لابستها وقالت :-الاخ خالد منبه علينا مانتعدى الساعه 11
طلعت عيون دانه :-مجنون 11 بدري اجحديه ماعليك منه
قالت الماس وهي تناظر في مكياج اختها الفخم وشعرها الي رافعته ومدخله فيه ورد كموني مثل لون فستانها الحريري الروووووووعه :-قريتي على عمرك
دانه بغرور :-طبعا تبين الناس ينضلوني
الماس :-هههههههههه لا ومغروره بعد
دانه :-ههههههههههههههههه
قاطعتهم هنادي الي كانت كاشخه هي بعد :-ابشركم سعاد وصلت
انهبلت الماس :-هين اوريها تقول لي امس يوم كلمتها مو جايه
هنادي :-ههههههههه وانا بعد
وبعد خمس دقايق جتهم ..
[سعاد عقب ماطلعت من المستشفى ماخلاها احمد تتعب ابدا ولا تلمس شي بالبيت ومدلعها على الاخر وهالشي ساعدها كثير وارتفعت روحها المعنويه وصحتها تحسنت رجع وجهها يشرق واللمعه الي بعيونها والي تسحر احمد دوم رجعت تطل ، ورغم انها ماتشافت مره الا انها احسن بكثيرررررررر من قبل واليوم ماقدرت تفوت حفل اهلها وفرحهم فقررت تحضر ويالله اقنعت احمد]
سعاد :-هاااااااااااي
البنات :-اهلين هلااااااااااا
الماس :-لا والله هذي الي مو جايه
سعاد :-ههههههههههه شسوي يالله اقنعت احمد
>>وحمر وجهها هههه مفضوحه
انتبهت دانه لها وقالت تستهبل :-هههههههههههههه أجل اقنعتيه
قب وجه سعاد :-دانوووووووووووووه
رفعت ايدينها دانه وقالت :-هههههههه اعوذ بالله هه سكتنا انا بروح لمرت اخوي تعالي هنوده
وراحت هي وهنادي
قالت سعاد وهي تجلس :-بسرعه انطقي بقولك خبر بمليون ريال
جلست الماس :-شفيه
سعاد :-نوف ما تبي سعود
الماس مايخبي عنها سعود شي عشان كذا ماتفاجأت
قالت سعاد تستهبل :-ههههه نسيت انك مرت اخوي واخوي مايخبي عنك شي
الماس :-هههههههههه انا مو حشريه الا في هالموضوع صحيح اني راحمتها بس الرحمه شي وانها تكون على ذمة رجلي شي
سعاد وهي تاخذ لها كوب عصير :-معك حق انا لو مكانك كان انجنيت
الماس :-لأجل عين تكرم مدينه
سعاد :-معك حق ..
الماس :-هاه وش اخبارك ؟
سعاد :-اخباري زينه مره الحمد لله انا واحمد مانقدر نستغني عن بعض وهو اثبت لي محبته الله يخليه لي
الماس :-قلت لك قبل بس العناد مشكله
سعاد :-ههههههههه يالله العناد بهارات الحياه
الماس :-هههههههههه مو أي بهارات ، بهارات هنديه هههههههه
>
<
>
<
الساعه 12 ..
انزفت ايمان الي كانت متالقه في فستان سكري نافش وله ذيل طويل مطرز بالذهبي ، الفستان كان مميز بالحيل وملفت للانتباه ..هذا طبعا غير الميك اب الخليجي الروعه والي مطلعها غير عن ايمان النعومه ..
ابتسمت للمصوره الي قاعده تصور الزفه بالفيديو وحولها الفرقه الي ترقص بزفتها ..
كان قلبها يرجف مره ويدينها ماسكه الباقه بقوه من التوتر ، ماطمن قلبها الا خوات خالد وامه وبنات عمه الي كانن طيبات حبوبات معها..
جلست على الكرسي الخاص فيها وبعد التصوير والرقص والوناسه ..
انزف عليها خالد ومعه ابوه واخوها محمد ...
مانزلت عيون خالد عن ايمان الي منزله راسها من الحيا ...
لما وصل عندها حبها على راسها ..
وقفت ايمان وسلمت على عمها ابو خالد وعلى اخوها محمد
طبعا محمد مو معجبه الجو ولا مرتاح ..والي زاد توتره ان هنادي قريبه هو متأكد بس مايدري وينها بين قاعه مليانه بحريم متغطيات كليآ
بارك لاخته ولزوجها بسرعه :-خالد لا اوصيك على ايمان
خالد وهو يقزها قز :-افا يبو حميد ايمان بالعيون
حمر وجهها وهي تسمع كلامه ..
وطلع محمد ...
كشفن خواته وسلمن عليه ...
وبعد التصوير والمباركه طلعوا من القاعـــــــه
*
*
*
>>>>> اليوم الثاني
>>>>بالسياره
دق جوال محمد :-هلا
ابو سعود :-السلام عليكم
استغرب محمد الصوت :-وعليكم السلام
ابو سعود :-انا ابو سعود
كأن مويه بارده منكبه على راس محمد وتوتر مره .:-هلا يبو سعود وعليكم السلام
ابو سعود :-كيف الاحوال وشخبار الوالده
محمد :-بخير عساك بخير
ابو سعود :-انا مكلمك عشان اقولك ان البنت وافقت عليك وشف اليوم الي يناسبك عشان الفحوصات
من ذهول محمد بهالخبر ماقدر يتكلم ..
كمل ابو سعود :-السموحه منك يا ولدي انت عارف الظروف الي مرينا فيها والي اخرت ردنا
محمد شوي ويتشقق بس مسك نفسه لايروح هيبته :-معذور يبو سعود ومالي راي عقب رايك
ابو سعود (تندم على كل ثانيه تردد فيها على تزويجه) :-ماتقصر يا ولدي .. وخير البر عاجله
ماصدق محمد خبر :-ان شاء الله انا عني بروح بكره واسوي الفحوصات
ابو سعود :-خير ان شاء الله أجل البنت بتروح بكره بعد يالله تآمر بشي
محمد :-سلامتك
ابو سعود :-الله يسلمك مع السلامه .
سكر ابو سعود من هنا ودق محمد على راكان من هنا ...
قال راكان بسرعه :-اليوم مافيه دوام لا تجلس تنق على راسي كأني متزوجك
محمد :-هههههههه لو انت متزوجني انتحرت
راكان :-ههههههههه غريبه الاخ المحترم يمزح هالمزح صراحه سرقت مني متعتي شلون بحرق دمك بعدين
محمد :-الله يقطع ابليس اسكت شوي بعلمك بشي
راكان :-تهزيئه محترمه هههههههه شعندك
محمد :-بعرس
راكان :-هااااااااااااااااااه
محمد :-اقول لك بعرس
راكان :-على من ؟
محمد –راكان علامك فاقد الذاكره على بنت عم حرمك المصون
انهبل راكان :-من جدكـ..؟؟
محمد :-والله تو ابوها مكلمني
راكان :-على البركــــــــــــــــــــه صبرت ونلت
محمد :-الله يبارك فعمرك عقبال ما نبارك لك بجية فيصل
راكان :-ان شاء الله
محمد :-يالله باي انا قدام بيتنا بنزل ابشر الوالده
راكان :-ههههههههه طيب
نزلت دانه من فوق تتهبد ...
عرف راكان شعندها وجلس يضحك ..
انقهرت دانه :-دررررررررريت
راكان :-ههههههههههههههههههه ايه
تربعت دانه جنبه :-وش انطباعات صديقك
راكان :-هههههههههه مستخف وراح يركض يبشر امه
دانه :-ههههههههههههههه ياحليله الله يوفقهم
راكان :-امين
×
*
*
×
>>>>>>>بيت ابو سعود
كانت منال وهنادي يرقصن بالغرفه مبسوطات ..
منال (تبي تحرق دم هنادي) :-اخيراااااااااااااا بتطسين عني
حذفتها هنادي بالدبدوب :-قليله الخاتمه
منال :-هههههههههههه امزح وربي بالله هنوده عيدلي المشهد يوم ناداك ابوي
هنادي :-ههههههههههههه شوفي كنت طالعه من المطبخ آكل آيس كريم وناداني ابوي لغرفته انا طاح قلبي قلت شمعنى الغرفه اكيد شي كايد لا وقال لي نادي امك وتعالي معها
المهم ناديت امي ورحنا وجلست قال لي ان محمد خطبني ويبي رآيي عاد انا بغيت انهار من الصدمه لأني سمعته مو موافق مدري شغير رآيه وبس
منال :-هههههههههههه اكيد قال خلني افتك منهالعلتين انا وانتي مره وحده
هنادي :-هههههههههههه يمكن
دق باب غرفه هنادي وفتحته لينه ابوها ..
قال ابوها :-بكره الصبح تجهزي عشان تروحين المستوصف تسوين فحوصات الزواج
استحت هنادي .. وماردت بس هزت راسها وطلع ابوها
منال :-هههههههههههههه وجهك انقلب 180 درجه وين الي ترقص تو
هنادي :-هههههه انطمي والله قلبي يرقع
منال :-ههههههههههه
هنادي :-شعليك محلله وخالصه
منال :-تستاهلين تذكرين يوم استقعدتي لي ذيك الايام وهبلتي فيني
هنادي :ههههههههههههههههه شررانيه انتي مايضييع لك حق
منال :-هههههههههههههه اعجبك؟
×
×
دخل سعود بيت ابوه ونسخه ورقه الطلاق بيده والنسخه الثانيه نزلها عند نوف ..
طبعا عمه باين انه حزين لكنه كان متعايش معهم الوضع وعارف ان نوف رافضه نهائيا مناقشة الموضوع وعارف ان سعود بعد مايبيها وانهم ظلموه بهالزواج وظلموا نوف معه
فاجأه ابوه :-وين زوجتك؟
حلت اللحظه الحاسمه
قال سعود :-يبه انا طلقت نوف
انصدم ابوه :-هاااااااااااااا طلقت نوف
سعود :-ايه طلقتها
انهبل ابوه :-ليه طلقتها هذي بنت عمك يالرخمه
سعود بضيق :-وعشانها بنت عمي طلقتها يبه فكر فيني وفيها.. البنت تعبانه نفسيتها من وضعنا من حياتنا وانا تعبان بعد وابي ارتاح
ابوه :--------------
سعود وهو يرفع الورقه :-الطلاق وتم وارسلت نسخه لنوف ياليت تكون متفهم مثل عمي نايف عارف ان الطلاق صعب علينا كلنا لكن انتم الي حطيتونا في هالموقف وهذي النتيجه ولوسمحت يبه لو بقلبك لي معزه لو قليله تسكر هالموضوع نهائيا لأن رجعه ماني مرجعها تحملني بس هاليومين لين يجهز بيتنا ونرجع له
سكت ابوه مايدري شيقول صحيح انه منقهر من تصرف ولده بس نظرة سعود مصممه وماراح يثنيه شي ..
سعود :-بالاذن
وطلع غرفته !
فتح الباب ووجهه منشرح نوعآ ما بس فيه لمحة حزن ..
ناظرته الماس بتمعن :-سعود صاير شي
مد عليها الورقه
اخذتها وهي مو فاهمه شي وقرتها ، قالت بفرحه :-طلقت نوف
سعود :-ايه
قالت وهي تطوي الورقه وتحطها على الطاوله :-لاتحسبني قاسيه ومابقلبي رحمه ................
قاطعها :-انتي قاسيه لاحشــــــــــــــا والحشا عن ألف يمين انتي لو يجمعون طيبة العالم ماجت قطره من طيبتك
ابتسمت بدموع :-الله لايحرمني منك
كمل وهو يمسك يدها :- نوف الله يرزقها بالزوج الصالح اطوي هالصفحه وخلينا نعيش حياتنا تراني تعبت من المشاكل ومابقى فيني حيل
ابتسمت له الماس :-الله كريم
>
<
>
<
>
<
>>بعد اسبوعين <<
كانت الانوار تشع من بيت ابو سعود في ملكة بناته الثنتين منال وهنادي ..
لقاها حلوه انه يملك لطلال بعد معهم عشان كذا دق على محمد واخذ اذنه ومحمد وافق وماعنده أي مانع لأنها ملكه مو زواج
قالت دانه لهنادي :-هنوده الاخ مرتز تحت ينتظر احترق جوالي من كثر مايدق راكان علي .
كانت هنادي كاشخه بس ترجف من الخوف لأنها اول مره بتشوف محمد فيها بدون قيود لأنه زوجها الحين
هنادي :-هاه زين شكلي
ناظرت دانه فستانها التايقر الروعه وشعرها الناعم :-تهبلين بس يالله مالك داعي تتأخرين
هنادي :-دانه انا ميته خوف
دانه وهي تبتسم :-عادي الخوف لازم بس كوني قويه ولا جلستي جنبه بيروح الخوف
هنادي :-الله يكون بالعون .
دانه :-ههههههههه اخلصي الاخت منال مرتزه مع حبيب القلب طلال تحت وفالتها
هنادي بحقد :-منال مراح تتزوج الا عقب الجامعه مو مثلي مدري متى يبي العرس
دانه :-الحين هذي الي صاجتني طول عمرها تبي العرس
هنادي :-يووووه لاتصدقين ترى كله كان مزح
دانه :-ههههههههه طيب
ودق جوالها !
ناظــــرت في هنادي الي ضحكت :-هههههه طيب يالله ننزل ..
ونزلــــــــــن البنات ...
وكان الكل مجتمعين يهنونهم والوناسه تعم المكان والافراح ماليه البيت
㡛هذي آخر افراحكم"يابيت ابن سبعڹ والله يعينكم على المقبلات]
لقت هنادي ايمان توها*وڧصله مๆ شهر طلعسل الي قطعوه عشان ملكة اخوها ..
ايمان :-هلاااااااااا وغلاااااااااااا بمرت اخوي
هنادي حمر وجهها لأن الكل مجتمعين :--هلا فيك
ايمان :-ألف ألف مبروك
هنادي بابتسامه خجوله :-الله يبارك فيك
دق جوال ايمان لينه رقم محمد ، قالت لهنادي :-اخوي مسوي ازعاج ،دانه وين نروح
دانه :-مجهزين الصاله الثانيه بنسبقه هناك
ايمان وهي تعلم محمد بالتفاصيل ..
دخلن البنات الصاله وجلست هنادي ورزت عمرها ^_* لبست دانه عبايتها ودخل محمد كانت يد هنادي ثلج وهي متمسكه في دانه ...
حب محمد على راسها وقال :-مبروك
كانت هنادي منزله راسها ومايشوف محمد غير هدب عينها الطويل همست :-ويبارك فيك
جلس جنبها وهو متمسك في يدها وما عنده نيه يتركها .
دخلن امه وام سعود وسلمن عليه ..ودخلت ايمان وسعاد وباركن ثم طلعن .. وطلعت دانه معهم وبقوا بلحالهم .
طلع محمد هديه بجنبه وفتحها :-هذي هديه بسيطه ياليت تعجبك
ابتسمت:-تسلم .
ابتسم :-ورى ماترفعين وجهك وتناظريني
استحت مره ، حط يده على ذقنها ورفع وجهها وطاحت عينه بعيونها كانت اجمل من ذيك المره الي شافها فيها .. ملامح مملوحه بشكل ما ينوصف ..
جلس محمد يسولف معها ويسحبها في السوالف لين نوعا ما بدت تتفاعل معه وتبتسم وترد عليه ومادرى ان لهم ساعتين يسولفون سوى .
قال محمد :-تدرين اني بسافر عقب اسبوعين لندن
هنادي :-ايه دانه قالت لي
محمد :-انا ابي زواجنا بعيد الاضحى يمديك تجهزين نفسك
ولع وجهها ...
ابتسم وقال :-ماسمعت ردك ؟
هنادي بحيا :-اظن يمدي
محمد استانس :-خلاص أجل الزواج بيكون بالاضحى يمديني ان شاء الله ارجع من السفر الموضوع ماراح ياخذ غير شهر بالكثير
هنادي :-تروح وترجع سالم
محمد وهو يوقف :-الله يسلمك تآمرين بشي
وقفت :-لا ابي سلامتك
محمد بابتسامه وهو يمد عليها بطاقته :-هذي كل ارقامي الخاصه والعامه خذيها
اخذت البطاقه
قال وهو يمسك يدها :-اتمنى ماتحرميني من صووتك وانا ان شاء الله بزورك قبل لا اسافر
استحت :-ان شاء الله
حب يدها وطلع ...وجلست على اقرب كرسي دخلت عقبه دانه طياري :-هااااااااااااااه شصار
هنادي ارتاعت :-بتموتيني ناقصه عمر
دانه :-هههههههههه لا ما ينخاف عليك هاه شالانطباعات
هنادي وهي ترفرف برموشها :-يهبللللللللللللللللل يادانه ذوق ذوق ذوق
تحمست دانه :-بالله
هنادي :-والله
دانه :-اتفقتوا على موعد العرس
حمر وجه هنادي :-ههههههه بعيد الاضحى
طلعت عيون دانه قدام :-عقب شهرين يعني
هنادي :-ايه
دانه :-مايمديك .
خزتها هنادي :-حلفي بس على الاقل اصرف من الي تزوجوا في شهر ونص
دانه :-هههههههههه طيب شهرين حلوه استانستي
هنادي :-ايه كذا تمام
ودخلن عليهم البنات في هاللحظه ..وتعالو شوفوا الوناسه والازعاج
*
*

>>>>>> عقب اسبوعين
>>في شركة راكان <<
قال راكان لمحمد :-هاه جهزت ياولد ترى الطياره عقب ثلاث ساعات
محمد وهو يرتب الاوراق المهمه بالشنطه :-ايه جهزت وجمعت الاوراق الي راجعها المحاسب والمسؤول
راكان :-طيب يالله مشينا عشان تسلم على الوالده مامعنا وقت
محمد بحزن :-والله باين عليها انها ماتبيني اسافر
راكان تضايق :-قلت لك انا مستعد اروح مكانك
محمد بتصميم:-انت سافرت قبل ماليزيا برحلة عمل وآخر مره سافرت وانت توك عريس يعني الدور دوري
راكان :-خلاص براحتك
وطلعوا من الشركه
>
<
>
<<<<<بعد ربع ساعه
دخلوا بيت محمد الجديد الي شراه جنب بيت خالد عشان ايمان ماتبعد عن امهم .
جلس راكان بالمجلس ودخل محمد البيت ...
كانت ايمان طالعه من المطبخ معها قهوة العصر
ايمان بابتسامه :-اهلين بحمودي
ابتسم محمد :-هلا وغلا وين الوالده
ايمان :-بغرفتها تصلي العصر
محمد :-بروح لها حطي القهوه بالصاله بشرب معها فنجال قبل لا اسافر
اكتئبت ايمان :-خلاص نويت
محمد :-ان شاء الله
ايمان :-تروح وتجي بالسلامه
محمد :-الله يسلمك
وراحت ايمان للصاله ومحمد راح لغرفه امه ..
نادى :-ايمان ترى راكان بمجلس الرجال انتبهي
ايمان :-ان شاء الله
دخل محمد غرفه امه ولقاها جالسه كالعاده على الارض تصلي ومحنيه راسها ومكتفه يدينها
ابتسم وجلس وراها ...
دقيقه...دقيقتين...ثلاث وماغيرت وضعيتها
راسها منحني مسند لصدرها ويدينها مضمومه ...
لحظة رعب مرت على محمد ؟؟؟جمد بمكانه مايدري شيسوي
طاح على ركبه جنبها ولمسها وطاحت من مكانها على جنبها لكنه مسكها كانت بارده لكن النور نور الايمان ساطع من وجهها ..
هزها محمد بعدم تصديق :-يمه يمه
عرف انها سلمت روحها لخالقها ..سكر عيونها وضمها لصدره ولاول مره تنزل دموعه ، ضمها بقوه وهو مو مصدق انها تركتهم وماتت ..
تباطتهم ايمان واخذت قهوتها وجت لغرفه امها تعرف امها ومحمد لاتقابلوا يسولفون ويسحبون عليها ...
دفت الباب برجلها ودخلت ..
كانت محمد جالس على ركبه على الارض وامه بحضنه ويبكي ..
وقف شعر راسها والبروده انتشرت بجسمها ما استوعبت شي للحين ...
ولما دماغها حلل هالوضع طاحت صينية القهوه من يدينها وصرخت بصوت عالي :-يـــــــــــــــــــــــــــــ ـــــمه
وطاحت جنب اخوها تصيح :-يمه يمه قومي يمه قومي
جلست تبكي بقوه ضمها محمد وجلس يبكي معها ..
ايمان وهي تحط راسها على صدر امها وتتمسك فيها :-يمه تكفين لاتتركيني يمه مالي غيرك
رمى محمد عقاله وتلطم بشماغه مسح دموعه وقال لايمان :-ادعيلها بالرحمه
صرخت :-هذي امي امي يامحمد
محمد :-وامي يا ايمان
كملت صياحها وهي متمسكه فيها بقوه ..
×
>>
سمع راكان صياح وصراخ ارتبش وده يدخل بس ايمان في البيت ..
دخل خالد وجابه الله
خالد بابتسامه :-هلا ببو نسب
راكان كان مرتاع :-خالد انا اسمع صراخ بالبيت شف وش السالفه وطمني
رمى خالد كاب العسكريه وركض داخل ...ونادى :-ايمان
ومحد رد شاف باب غرفه عمته مفتوح ويسمع صوت بكا داخل اوجعه قلبه ومشى للغرفه وشاف محمد يشيل امه ويحطها على سريرها ويغطيها وايمان متمسكه فيها وتصيح ..
انصدم صدمه كبيره .. ومسك نفسه عشان ايمان في حاجته .
دخل صرخت ايمان :-خالد امي ماااااااااااااااااااااااااتت
وركضت لحضنه وضمته وضمها بقوه وقال يهديها :-هذا المقدر ادعيلها بالرحمه
ايمان تصارخ :-لا لا لا هذي امي
خالد تضايق مره :-خلاص يا ايمان اذكري ربك
ايمان كملت صياحها في حضنه ...
طلع محمد وكان راكان واقف يروح ويجي بالمجلس ..طاح قلبه وهو يشوف محمد متلثم بشماغه وعيونه حمرا
راكان وهو يسرع له :-عسى ماشر
محمد بصوت متغير :-الوالده توفت
انصدم راكان :-انا لله وانا له لراجعون شد حيلك ياخوي مقدر ومكتوب
محمد :-ونعم بالله
راكان كانت ام محمد بحسبة امه وكان لها معزه بقلبه وخبر وفاتها هزه مره
طلع محمد جواله ودق على الاسعاف ...
بعد نص ساعه كانوا بالمستشفى ..يخلصون الاوراق وينتظرون تقرير الطبيب الشرعي عشان يوقع لهم على شهادة الوفاة ويقدرون يدفنونها ..
كان راكان مع محمد خطوه بخطوه ومافارقه دقيقه يشد من ازره ويرفع معنوياته وخالد انهارت عليه ايمان وجلس معها في البيت ..
قال الطبيب لمحمد :-الشهاده راح تصدر بكره لأن الطبيب معه اجازه اليوم
عصب محمد :-اكرام الميت دفنه ترى كلها شخطة قلم
حط راكان يده على كتف محمد وقال :-لا تتنرفز الحين يجي يوقعها ورجله فوق رقبته
طلع راكان جواله وكلم له واحد .......
مامر ربع ساعه الا الطبيب الشرعي جايهم ...
وبعد ساعتين انتهت المعاملات وصاروا يقدرون يدفنونها ..
قال راكان بحزن :-نصلي عليها العشا ولانخلي صلاتنا الظهر
محمد وهو ضام وجهه بين يدينه :-مدري مدري
هز راكان راسه واستلم زمام الامور وأجل الصلاه للظهر عشان يكون عند الجميع خبر ويقدرون يتواجدون في الصلاه عليها .
طبعا الكل استقبلوا الخبر بالدموع والصدمات ...
صحيح ان الموت رحمه لها وحد من العذاب الي كان يقتلها بالدقيقه والثانيه لكن فراق الغالين مو بسيط ومؤلم حيل !
<
>
(اليوم الثاني)
اجتمعوا الكل ببيت محمد عشان يقومون بواجب العزاء ..
بينما الرجال في مسجد الراجحي يصلون على ام محمد
بعد ساعه رجعوا ..
كان البيت هادئ بشكل مؤلم والمعزين مالينه ..
وقف راكان وخالد وعيال عمه مع محمد في عزاه ومافارقوه ..
قال محمد وهو يداري دموعه عن الكل :-راكان الصفقه
انهبل راكان منه :-انسى
محمد :-مجنون انت وفاة الوالده ماراح تكون عائق انا بسافر عقب العزا
خزه راكان بنظره :-اسكت احسن لك انت الظاهر انهبلت شغلي مو اهم منك ومن حزنك
محمد عند :-لو امي عايشه مارضت على الي نسويه هذا شقا سنين لاتجادلني ياراكان يكفي الي فيني
نزل راكان راسه يفكر وقال :-خلاص انا بحجز بعد العزاء وبسافر
محمد كان بيعترض بس نظره من راكان سكتته ..
ومرت الايام الثلاثه الخاصه بالعزاء على نفس الروتين ..
معزين من برى الرياض ومن داخله رايحين وجايين ..
كانت هنادي واقفه وقفه مع محمد ماراح ينساها لها طول عمره .. كانت بكلامها الطيب وتعاملها تواسيه وتطيب خاطره وقلبه المجروح وكانت قايمه بواجب العزا في بيته على اكمل وجه
×
×
×
×
>>>>>>>>> بيت راكان
قالت دانه لراكان :-متى بترجع
راكان كان جالس على السرير يرتب اوراقه :-ان شاء الله بعد شهر
طاح قلبها :-شهر
راكان :-ايه شهر هذي صفقة العمر سنين وسنين وحنا نشتغل عليها الحين فاتنا الاجتماع الاول والله يعين
اكتئبت :-طيارتك الفجر صح
ابتسم :-ايه شفيك دندون ماهي اول مره اسافر فيها
دانه :-صح مو اول مره بس هالمره بتتغيب عني شهر
قال والحزن الي بمحمد مأثر عليه :-الي يغيب فتره محدوده ارحم من الي يغيب العمر كله
عصبت دانه وبدون شعور جلست تبكي ...
راكان :-افااااااااااااااااااا
قالت وهي تضم يدينها :-لاتقول هالكلام مره ثانيه فاهم ابدآ مابيك تعيده
هداها راكان :-طيب يالغاليه لاتبكين والله بدون قصد قلتها
ضمها وجلس يهدي فيها ....
مسحت دموعها وقالت له :-أذن لصلاه العشا رح صل
وقف :-ان شاء الله
وطلع للمسجد يصلي ...
مسك باب سيارته وجلس يفكر...ويفكر ويفكر
ليه يحس انه الليله بيفارق دانه للأبد..ليه يحس بقلبه يتقطع .. وانفاسه تضيق ..
ركب سيارته وهو متضايق .. ومالقى نفسه الا قدام مكتب المحامي حمدان ..
طلع ورقه وكتب فيها كلام ثم طواها ودخل المكتب ..
راكان :-السلام عليكم
ارتبش المحامي :-وعليكم السلام ياهلا وغلا الشيخ راكان بنفسه عندنا
ابتسم راكان وجلس :-كيف الاحوال
حمدان :-بخير
قال راكان بدون مقدمات :-حمدان بعطيك ورقتين وابيك تشيلهم عندك لاصار لي شي توصلها للمعنيين واساميهم على الظروف من ورى ..
وطلعها من جيبه ومدها على المحامي
المحامي ذا عمره مافهم راكان ولافهم طبيعة تفكيره
قال :-ابشر غيره
راكان وهو يوقف :-لا أبدا ولاشي بس انتبه للامانه
حمدان :-لاتوصي يبو فيصل
راكان :-هذا هو العشم يالله نستاذن
حمدان :-وين بدري ماضيفناك
راكان :-مره ثانيه ان شاء الله وراي سفر اليوم
حمدان :-توصل بالسلامه
راكان :-الله يسلمك
وطلع من عنده ....دق عليه محمد :-وينك ..؟
راكان :-راجع البيت فيه شي
محمد :-لا بس انا انتظرك هناك نسيت موعدنا
في غمرة شكوكه وطوشة احساسه نسى محمد
راكان :-يالله انا قريب من البيت
وسكر الخط..
وصل راكان لبيته لقى محمد بالمجلس والقهوه عنده
راكان :-سلام
محمد :-وعليكم وينك
راكان :-كان عندي مشوار مهم وخلصته
محمد ماتكلم بس تصرفات راكان ماعجبته ...
محمد :-اذ تبيني اسافر سافرت لسى فيه وقت
راكان :-الحجز تأكد انس الموضوع
محمد عرف راكان لاعند عند ...
محمد :-طيب الملف الي طلبته جبته
راكان :-تمام كذا تكون اوراقنا مكتمله !
محمد :-اذا نقص عليك شي كلمني وانا اجيك على اول طياره
راكان :-ان شاء الله
وجلسوا يتناقشون للمره مليون في تفاصيل الصفقه ومادروا عن الوقت الا ودانه تدق على راكان تسأله اذا يبون العشا الحين
راكان :-ههههههههه شفت كيف الوقت سرقنا الله يقطع ابليسك ما ينجلس معك
ابتسم محمد لاول مره خلال الايام الي فاتت ..
بعد العشا ... طلع محمد من بيت راكان وبينهم وعد يمره الساعه 3 الفجر عشان يروحون للمطار ..
×
دخل راكان البيت وطلع لغرفته ..وقابل امه مريم بالطريق
امه :-هاه يمه نويت السفر
راكان وهو يحب راسها :-ايه نويت
امه بغصه :-الله يحفظك
راكان :-الله يخليك لي يمه يالله بالاذن بنام
امه :-اذنك معك يمه.
وطلع جناحه ...
دخل الجنــــــــــــاح لقى دانه ترتب له اغراضه بالشنطه
ابتسم :-ياعيني على السنع
ابتسمت :-شفت عاد
راكان :-ههههه طيب اتركي عنك الترتيب وتعالي
غمزت له :-ههههه شعندك
راكان :-هههههههههههههه ياربي تفكيرها دايم غلط
دانه بدلع :-انا الي تفكيري غلط
راكان خق معها :-خلاص انا الي تفكيري غلط تعالي ..
تركت دانه اغراضها وراحت له ..
^_*
>>الساعه 2 ونص الفجر
كان راكان صاحي ويناظر في ملامح دانه وهي نايمه..ابتسم بحب كل الحنان الدنيا شويه لو يقدمه لها ..وحبه لها مثل طفل صغير يوم عن يوم يكبر وتزيد قوته .
حست دانه فيه كالعاده يناظرها وهي نايمه ..فتحت عيونها وابتسمت له ..

صباح الخير أو تدري صباح (عيونك الحلوهـ)
صباح عيونك اللي تستفز شوقي إذا سلهمت

صباح الذوق والرقه صباح خدود محلوهـ
فديت الخد ووجونك فديت عيونك اليا قمت

فديت الشفه اللي ذابت بتدليعها القهوهـ
فديت اللي بحبه عفت فنجال الشقا وكرمت

فديت اللي بنظراته ينسيني مها ومروهـ
هذاك اللي بيديني عطيته قلبي واستسلمت

صباح الحب ياحبي صباح الشوق والنشوهـ
عسى مازعجتك بنغمة مراسيلي ترى مانمت؟

اسامر ليلتي واحضن ملامح صورتك جوهـ
واقول الله لايحرمني منك ماحييت ودمت

احبك كثر ماقال العواذل حبنا كبوه
الا ياجعلني بكبواتي وياجعلني ماقمت

أبد ماني بمتندم ولا المح ولا انوهـ
(انا احبك) .. واحبك مووت ؟! إذا طل الصباح وقمت
*
قال بهمس وهو يلمس خدها :-عسى ما ازعجتك
ابتسمت :-كم الساعه
ناظر راكان فيها :-2 ونص الساعه
جلست وقالت :-ماجهزت محمد بيجيك ثلاث بقوم احضر لك الحمام
راكان :-هههههههههه
دانه :-شفيك تضحك
راكان :-انا جاهز بس انتظر محمد يدق عشان ألبس
ناظرت دانه في شعره الي كان رطب من الماء :-هههههههههههههه تعرفني لاقمت من النوم خبله
قال برقه :-ههههه واحلى خبله بعد
حمرت خدودها ،
دق جوال راكان قام من مكانه ورد عليه :-نعم
محمد :-صحيت
راكان وهو يرجع شعره بيده :-ايه صحيت
محمد :-اوكي انا بلبس واجيك زين
راكان يعرف محمد لاجا يلبس ياخذ عشر ساعات :-اوكي
قامت دانه من فراشها وقالت :-انا بنزل اجيب لنا شي ناكله
راكان مسكها قبل لاتنزل :-ماني جوعان اجلسي معي
خق قلبها من مسكته لها ، ليش يتصرف كذا يبي يجننها ويخليها توسوس زود ,,
ابتسمت تخفف عنها وعنه هاللحظات الصعبه :-ثواني ماراح اتأخر .
ونزلت تحت على طول ..
*
*
دق محمد على راكان وقال له ينزل ..
وقف راكان يناظر في دانه ووقفت هي تناظره ..
قال راكان :-انا بمشي
نزلت دانه راسها وهي تحاول انها ماتبكي وتنكد عليه :-ترجع لي سالم يارب
ابتسم :_ان شاء الله
دق جوال راكان وطلعت دانه تنادي الشغاله تنزل الشنط ..
تذكر راكان اغراض ما اخذها فتح درجه العلوي وهو يطلع اغراضه طاح شي على الارض..
رجع كل شي مكانه وانتبه للقماش الي طايح..
نزل واخذه ...قلب البندانه في يده والي مطروز اسم دانه عليها وابتسم توه ينتبه ان اسمها عليها ، كيف نساها لها سنه الحين وما تذكرها ..
يالله ليش يتذكرها ودانه بحياته ..ضمها في يده وحطها مع اغراضه لأن حتى صوره لها مايقدر ياخذ فبياخذ البندانه بدالها
ونزل على طول ....وكانت دانه بوجهه وامهاته معها طاحت عيونه بعيونها

عينه تناديني وعيني تناديه
بالصمت كلن استمر بنداته

والله ياذاك اليوم ماني بناسيه
يوم التقيته واهتنيت بلقاته

ماقول من شفته غدا القلب يغليه
اقول من شفته غدا القلب ذاته

هذا الذي من بد خلق الله اغليه
هذا الذي اطلب من الله رضاته

هذا الذي ياناس اموت انا فيه
واضيع لامن قال اني حياته

ماهمني من قال وش له تحبيه
وماهمني منهو يعذرب صفاته

الله عطاني اياه والله يخليه
لعيوني الي ماتناظر سواته

حتى بلذيذ النوم سوالفي فيه
ياقلبي المجروح بالله هاته

يشوف حالي ويترحم لمغليه
وان مارحمني مستعد لشقاته

والله ماعندي غير سيرته وطاريه
حتى اصغر اخواني درى عن غلاته
×
صار له ربع ساعه يودع امهاته وبين دموعهن ودعواتهن كانت دانه صامده
طلعت معه لين مدخل البيت وظمته من قلب :-انتبه على نفسك
اول مره راكان يتردد في حياته خطوه تبي تمشي وخطوه تبي تجلس هنا عند دانه وامهاته ..
راكان بضيق غير مبرر :-وانتي بعد
وقبل لايطلع ابتسم وقال :-اشوفك على خير وطلع بسرعه قبل لا يغير رآيه ويكنسل الدنيا ..
>>>
طول الطريق ومحمد ساكت ...لو الود وده كان سافر بداله لكنه يعرف راكان راسه يابس ..
دخلوا المطار وجلسوا بالانتظار حتى نادى على الرحله
وقف راكان بعد ماختم جوازه وشنطه طلعت للطياره وقال لمحمد :-اشوفك على خير
وضم خوي عمره...
محمد :-ان شاء الله
مشى راكان خطوه ورجع وقال بلاشعور :-امهاتي وزوجتي امانه برقبتك يامحمد
عصب محمد من اسلوبه :-لاتوصي بس انت لاتطول علينا
راكان :-ان شاء الله
ومشى في طريقه وقف محمد يناظره لين غاب عن نظره .. ورجع لسيارته وكلمة راكان تتردد براسه [امهاتي وزوجتي امانه برقبتك]
شفيه راكان انهبل !!!


) الفصل الحادي والعشرون )
>>>>>>لنـــــــدن ..
بعد طيران دام اكثر من عشر ساعات ...وصل راكان لندن سالم ولقى كل شي مجهز والسايق الخاص ينتظره ومعه لوحه مكتوب عليها اسمه أشر له راكان وعرف عن نفسه ثم عطاه الشنط يدخلها السياره ..
ركب راكان السياره وهو مدوخ
من التعب والمجهود..
بعد ساعه وصل للفندق الي حاجز فيه طول فترة والي معروف فيه لأنه لانزل لندن يحجز فيه...
ماصدق خبر وصل الجناح حقه ...
جمع صلاة المغرب والعشاء وحط راسه ونام ..
بعد كم ساعه صحى وجهز نفسه بداية الشقا الحين والله يعينه على الاجتماعات الي تهد الحيل ، طبعا راكان ماكان بلحاله كان معه مجموعه من موظفينه يساعدونه وحاجزين معه بنفس الفندق تسهيلا للوقت ومن حسن حظه ان اغلب الاجتماعات بقاعه المؤتمرات بالفندق ..
غير ملابسه وطلب له أكل خفيف ..
دق على دانه الي ردت بسرعه :-هلا راكان
راكان :-ههههه هلا يالغاليه كيفك
دانه بغصه :-بخير بشرني عنك
راكان :-انا بخير نمت اول ماوصلت وعندي اجتماع الحين لاتنسين ترى توقيت لندن غير
دانه :-ايه عارفه تشرق الشمس عندنا وتغيب عندكم
راكان :-هههههههههه فيه تطور بالجغرافيا
دانه :-ههههههه مره
راكان :-شخبار امهاتي
دانه :-بخير
دق باب راكان ...وقال :-غلاي انا مشغول الآن اكلمك لا رجعت وان نمتي بترك لك مسج صوتي لا تسهرين حنا الصباح الآن
دانه :-ان شاء الله
وسكر الجوال ...
أكل وهو يقرا الاوراق ويراجعها واستدعى موظفينه لجناحه وجلسوا يتناقشون حتى موعد الاجتماع ..
بعد ساعه نزلوا تحت وبدا الاجتماع مع المسئولين عن الشركه الثانيه ..
مناقشات ، مداولات ، اختلاف بوجهات النظر ،
شي يهد الحيل لكن راكان كان متعود عليه ويعرف طبيعه الاجانب وحبهم للعمل وتطوير انفسهم
ما انتبه للوقت الا باستراحة الغداء ..
وبعد الغداء استانفوا الاجتماع مره ثانيه ان حالفه الحظ بينهون كل شي ويوقعون العقود خلال اسبوع او اسبوعين بالكثير
رجع راكان غرفته الساعه 10 با الليل ..
وناااااااااااااام على طول من التعب ,,,
صحى بدري عشان الاجتماع الثاني مايفوته ودق على دانه الي ردت على رابع رنه :-راكان انت بخير
راكان وهو يلبس ملابسه :-ايه بخير شفيك مخترعه فيكم شي صاير شي
قاطعته :-لا مافينا شي بس ما دقيت ولاتركت مسج فخفت
راكان :-امس رجعت بالليل متأخر من الاجتماع وحيلي مهدود ونمت على طول من التعب
دانه بخوف :-لاتجهد نفسك
راكان :-ان لم تكن ذئبآ أكلتك الذئاب
دانه واهم ماعليها هو :-حتى لو.. لاتجهد نفسك ..
سمع راكان صوت امه :-عطيني امي
امه :-هلا يمه (وتغير صوتها وجلست تبكي)
تضايق راكان :-يمه اذكري الله
امه :-لا اله الا الله
راكان :-هانت يالغاليه كلها اسبوعين واكون هنا ..
امه :-الله يحفظك من كل مكروه وسوء
راكان :-امين يالله يمه ابي اكلم امي مريم قبل لا اسكر
امه :-مريم نايمه للآن لا صحت تكلمك
راكان :-خير ان شاء الله لاتخترعون لا شفتوا جهازي مقفل بالاجتماعات ممنوعه الجوالات
امه :-طيب
وسكر الجوال ...
**
مر اسبوعين كله على هالروتين
اجتماعات × اجتماعات × اجتماعات
وماباقي لراكان من الوقت غير كم ساعة نوم ..
دق عليه محمد وهو هلكان وتوه متغطي بينام :-الو
محمد :-اهلين ببو فيصل
راكان والمزاج مقفل :-اختصر يامحمد بنام
محمد :-ههههه طرده علنيه
عصب راكان :-محمد
محمد :-طيب طيب لاتعصب حبيت اتطمن عليك واشوف سير الاجتماعات
راكان :-كل شي تمام بس يهلكون الواحد ماعاد بقي الا اجتماع واحد ونوقع العقود
قال محمد بعصبيه :-راكان مجنون انت عايف عمرك المفروض الاجتماعات مقسمه على اربع اسابيع
راكان :-انا طلبت منهم يدمجون اجتماعات يومين بيوم
محمد بذهول :-يعني اجتماعات طول اليوم
راكان :-ايه
محمد :-انت وش معجلك .؟
راكان من قلب :-الي معجلني شوقي لديرتي لأهلي مليت من الجلسه هنا بين الاوربيين
محمد :-ماتنلام بس الصبر
راكان :-غصب عني لازم اصبر رغم اني ابي ارجع السعوديه بأسرع وقت
محمد :-لا تكئبني ترى اجيك لندن
راكان :-ههههه انت فاضي ياخي ارحمني حنا الفجر بنام
محمد :-هههههه طيب لاتدف
راكان :-هههههه والله انك رايق يالله اقلب وجهك
محمد :-ههههههه سلام
>
<
>
<
>>>>>>بعد يومين
قال راكان لموظفينه :-اخيرا بنرجع ديرتنا اليوم
تكلم نواف وهو المهندس السؤول عن المشروع الجديد :-ايه الحمد لله مابغينا
راكان :-هههههههههههه الحمد لله اهم شي خلصنا
نواف :-على قولتك تعبنا ماراح هدر .
قال راكان :-انتم اسبقوني للمطار انا بروح مشوار قريب وبلحقكم
نواف :-تآمر أمر يبو فيصل بس لاتفوتك الرحله
راكان وهو يضغط على الاصنصير :-لا ماراح اتأخر لاتشيل هم
طبعا الموظفين سبقوه للمطار
قال للسايق الخاص يمر على محل مجوهرات عالمي بيشتري لدانه هديه ..
ابتسم وهو يتذكر بندانتها ويسترجع ذيك الايام وكيف كابر عشان مايعترف بحبه لها ،وبعدين كيف حبها زود لما عرفها زين وعاش معها ..
قمه الطيبه قمه الوفاء قمة الاخلاص ..
واغلى الناس على قلبه بهالوجود
دخلت قلبه بدون قيود بدون شروط وبدون مقدمات ..
و تربعت على عرشه .
كان السواق مسرع ... هاوشه راكان عشان يبطي السرعه ..
لكن الأوان قد فـــــــــــــــــات..
تقلبت السياره حوالي خمس مـــرات...لأن السواق كان مسرع وطلع بوجهه سياره ولف عنها بقوه لدرجه ان كفر السياره تفجر وتقلبت كذا مره ..
مر شريط حياته عليه ... سفره..رجعته ودفنه لأبوه..زواجه من ساره..عيشته خمس سنين عزوبي ...زواجه من دانه والي كان احسن شي صار له بحياته كلها ...
وتذكر عمانه ....!!!!!
عمانه بؤرة الشر .. عمانه الي الله يكون بعون دانه عليهم من بعده ..
دانه الي أمن لها مستقلبها بدون ماتدري ...
دانه الي ترك لها رسالته الوداعيه وهو يدعي من كل قلبه ماتبكي عليه ان مات..
انعدم الواقع .. وماعاد حس بنفسه..
كان صوت صراخ الناس وريحة الحريق يجيه ضبابي..
وبنفس المكان والوقت كان ملك الروح موجود ينزع الروح..
الشهقه الاولى .. الثانيه .. الثالثه ----<<<<وسلم الروح
انقلبت السياره ودخانها مالي المكان..وشبت فيها حريقه ..
صراخ الناس وذهولهم ملى المكان ..
بعد عشر دقايق وصل فريق المطافي والاسعاف والشرطه والشارع امتلا والمويه تتطاير في كل مكان وصراخ رجال الأمن مسوي ازعاج فظيع...
كان الحادث بشع بكل معنى الكلمه والحديد مسكر على راكان وسواقه ..وبعد ساعه من المحاولات قدروا يفكون الحديد ويطلعون الاثنين ..
ناظروا في الشخصين الي بالحادث والي رجع من رجال الأمن والي اغمى عليه والي شوي ويصيح
منتهى البشاعه والفضاعه ...
طبعا موظفي راكان ركبوا الطياره على اساس انه راح يوافيهم
واقلعت متجهه للسعوديه ...لكن راكان ماكان فيها ...
×
×
كان محمد ينتظر وصول الرحله بالمطار..
وتفاجأ لما وصلوا الكل ماعدا راكان قب محمد وشب نار عليهم .. انه شلون يسافرون ورئيسهم مايدرون عنه .
حاولوا مره واثنين وثلاثه يتصلون فيه وكان جهازه مقفل .. جن جنون محمد وحمد ربه ان أهل راكان مايدرون عن موعد رحلته لأنه كان بيخليه مفاجأه ..
سوا اتصالاته بالفندق وقالو له ان راكان دفع حسابه وطلع من الفندق مع موظفينه ..
صار يروح ويجي بالمكتب ولاهو داري ايش يسوي اول مره راكان يسويها ومايطمنه عليه ..
قلبه مو مرتـــــــــــــاح أبدا ...
جلس على المكتب وراسه بين ايدينه يفكر ويفكر ويفكر ..
هزء نفسه على وسوسته الزايده .. لكن كلمه راكان (لا اوصيك على امهاتي وزوجتي )ترن براسه للآن
ماطلع محمد من الشركه ومن كثر التعب نام بالمكتب وكان الوقت خميس يعني مافيه دوام الا مسائي..
وقف وغسل وجهه وصلى ..
وهو يحاول يدق على راكان لكن الجوال مازال مقفل..
>>> مر على هالحال يوم وزياده ومحمد ماطب الأكل بطنه بس يشرب مويه يبل بها ريقه ..
فجأه دق تلفون المكتب ...
رفع محمد السماعه ..
"السلام عليكم شركة الشيخ راكان بن عبد الرحمن"
همس محمد :-ايه
"من معي اخوي"
محمد بخوف :-معك نائب الشيخ راكان وصديقه محمد
"معك السفاره السعوديه بلندن "
محمد تلمس كرسيه وجلس حس ان الخبر الي بيسمعه مو سار ابد :-ايه
"اخوي للأسف كلمنا نبلغكم بوفاة الشيخ راكان بحادث سياره"
الرجفه بضلوعه وسكين الموت يطعن بقلبه وروحه وش الي يسمعه راكان صديقه خوي عمره مات
"اخوي انت معي"
محمد ومن صدمة الخبر مافاق :-هاه
"انا آسف ولكن الخبر صحيح ومؤكد "
محمد :-راكان مات
"نعم عظم الله اجرك"
محمد بحرقه والم :-مو معقول لااااااااا
"اخوي تدبرنا جميع الاجراءات المهمه ونظرا لمكانه الشيخ راكان راح توصل الجثه السعوديه الليله ان شاء الله "
محمد بفجيعه :-لا لا مستحيل
رحمه السفير وقال :-والله السفاره في حالة حزن ماينوصف بس هذي القسمه وهذا النصيب
محمد يحس انه يسبح بحلم ولا نايم وماصحى وقف يمشي في المكتب يمكن يقوم من نومته الي بتموته من شدة ألمها
السفير بتردد :-اخ محمد احب الفت انتباهك ان الصحافه البريطانيه نشرت الخبر
هذا الي ناقصه :-لااااااا
السفير :-حاولنا نمنع هالشي لكن الخبر تسرب وماكان بيدينا شي والشي الي قدرنا عليه هو تسريع الاجراءات في زمن قياسي واعفاءكم من المجهود بالمجئ هنا والركض ورى المعاملات
كنه بدا يصدق :-مـ...مـ..متى بتوصل جثته..؟
السفير :-الساعه 11 بالليل بتوقيت السعوديه وراح تكون على متن طائره خاصه
وراح السكرتير الخاص بالسفير يملي الاجراءات على محمد الي استدعى من ينوب عنه لأنه ماعاد يتحمل .
كان الموظف يمسح دموعه وهو يكتب ...
ومحمد قسى قلبه بقوه .. قدامه مسؤوليات وهموم اكبر والحزن بيبقى معه طول العمر على ايش مستعجل ..
دق على ابو خالد ...
محمد :-السلام عليكم يبو خالد
ابو خالد مستغرب اتصاله :-هلا محمد
محمد وهو يحس بالغصه مثل سكين بحلقه :-مدري اذا فاضي واقدر امرك..
ابو خالد خاف :-خير ان شاء الله
خيــــــــــــــر .. أي خير
راح راكان !
محمد :-لا ابيك باستشاره في الشغل بما ان راكان (وغص) مـ مسافر
ابو خالد ارتاح :-انا بالبيت الحين حياك
محمد :- مسافه الطريق
كان الوقت تسع صباحا والزياره بهالوقت مشبوهه ..
دق محمد على خالد وواعده في بيت ابوه ..
بعد ربع ساعه >>>>
ماذاق محمد فنجال قهوته وحس ابو خالد بشي مو طبيعي ..في محمد
خالد وهو يركز في محمد :-محمد متأكد انك بخير
محمد كان مسلهم وغير السلام ماتكلم...:- مدري من وين ابدأ
الا وبدخله ابو سعود وابو احمد ...
بعد السلام مانسى ابو خالد محمد وكلامه :-كمل يا محمد..
محمد بحزن وهو يداري دموعه :-راكان يطلبكم الحل
طاح الفنجال من يد خالد ...وعم الهدوء المجلس
ابو خالد بصدمه :-ايش
محمد بحزن :-السفاره دقوا علي وقالوا لي ان راكان مات بحادث سياره وجثته بتوصل الرياض الساعه 11 بالليل
ابو سعود :-لا اله الا الله.. انا لله وانا اليه راجعون
ابو خالد بصوت يرجف :-لا اله الا الله
خالد :-مو معقووووول ودااااااااااااااااااانه
الكل نسى دانه في غمرة الصدمه والحزن
ابو سعود :-فهد لازم تاخذ ام خالد وتروحون تعلمونها
ابو خالد وهو اسود الوجه من الصدمه والذهول :-يا ويلي عنك يابنيتي
ابو احمد بغصه :-اذكر ربك يارجال وقم علم بنتك تراها بالعده الحين
ماقدر محمد يتحمل ووقف ...
لكن خالد ماتركه وطلع معه ..
>
<
><
>
<
ابو خالد :-ام خااااااااالد
جت ام خالد تمشي وقمر معها تآكل تفاحه :-سم
ابو خالد ووجهه ماينتفسر :-البسي عباتك ويالله
انهبلت ام خالد :-على وين.؟
ابو خالد :-لبيت دانه
خاااااااااافت امها وارتبشت :-ليه بنيتي فيها شي
ابو خالد بحزن :-راكان توفى
صرخت قمر وطاحت التفاحه من يدها ...
انخفض الضغط مع ام خالد وطاحت لولا ان رجلها مسكها ..
بعد ربع ساعه كن ام خالد احسن وطلعت مع ابو خالد لبيت بنتهم يزفون لها خبر موت الحلم بالمهد .. وضيااااااااع راكان للابد!
×
×
كانت دانه نايمه مادرت الا امها تصحيها ..
ما استوعبت دانه شي ..غمضت وفتحت الا تشوف امها قدامها ..
دانه وهي تجلس بسرعه :-يمه خير
بكت امها غصب جلست دانه على ركبها ومسكت امها مع كتوفها :-يمه فيك شي شصاير يمه خوفتيني انا مو حمل خوف ..
ماقدرت تتكلم لكنها نادت بصوت يرتجف :-ابو خالد ..
لبست دانه غطا روبها وعيونها متعلقه بباب جناحها ابوها يدخل غرفتها اكيد فيه مصيبه ..
وقفت بسرعه وركضت لمه وعيونها دموع :-يبه يبه راكان فيه شي
نزلت دموع ابوها غصب عنه مسحها على طول وقال بحنيه :-راكان يطلبك الحل
بدون مقدمــــــــــات طاحت منهارة!!
صرخت ام خالد وابوها مسكها وحطها على سريرها دقوا على الدكتوره على طول تجي ، وبقي المهمه الصعبه ..
يعلمون امهاته بخبر موتـــــــــــهـ
نزل ابو خالد وجلس بمجلس الرجال ينتظر رجعتهن من برى ..اما ام خالد جالسه مع دانه فوق تنتظر الطبيبه..
سمع صوت سيارة امهاته .. وبعد خمس دقايق دق على ام خالد وقال لها تنزل لهن يتغطن عنه عشان يكلمهن ..
استغربن امهاته الي صاير .
ام خالد وزوجها ببيتهم هالساعه لا وابو خالد طالب يجنه المجلس..
ع العموم راحن المجلس وهن مانزلن عباياتهن ..
بعد تمهيد قال ابو خالد :-راكان يطلبكم الحل ..
فقدت امه توازنها ومسكتها ام خالد ...
ام راكان :-وحيدي مااااااااااات ياويلي
وجلست تبكي
والخاله مريم ضامتها وتبكي معها تقطع قلب ابو خالد عليهن وجلس يحدث عليهن ويذكرهن بأجر المؤمن اذا احتسب اجره لله ...
جت الطبيبه وطلعت دانه منهاره عصبيآ ضربتها ابره مهديه راح تخليها نايمه يوم كامل ..
كل عيله آل سبع مجتمعه في بيت راكان واقفين مثل الجبال الصامده في وجه هالمصيبه الكبيره ..
ودانه مازالت تحت تاثير الابره وماصحت ...
الكل كان يبكي والبيت الي كان في يوم كله افراح انقلب وتوشح السواد اركانه ..
غاب نور البيت غاب عموده وسنده وترك وراه قلوب محطمه ومتنثره اشلاء واشلاء..

*
*
وصلت الجثه بموعدها تمام .. وتم الاتفاق على الدفن والصلاه عليها بعد صلاة الجمعه ..
انهار محمد لما كشف عن وجهه وشاف بشاعه الي صار له ، الي شافه شي ماراح ينساه لين يموت ..
كانوا العيال واقفين معه يد بيد وقلب على قلب ..
وطلعوا محمد من بعد ماصحى واجتمعوا كلهم ببيته ..
اما البنات قررن ينامن ببيت راكان ويكونن حول دانه لاصحت وواجهت واقعها بعد رحيل راكان عنها ..
×
×
بمسجد الراجحي ..
من بعد ماكانت يد راكان تجي على كتف محمد بكل وقت شده صار هالكتف هو الي يشيل نعش راكان ..
محمد – سعود – احمد – ناصر –خالد –طلال –
كلهم كانوا متلغثمين وشايلينه لمثواه الأخير للمقبره والجموع المعزيه حولهم من كل صوب والشياب وعمان راكان الي ماينعرف حقيقه شعورهم ..
نزلوه ..على الارض ..
ودخل محمد بقبره .. هو وخالد ونزلوه وصفو الطوب حوله ...
في النهايه ..
دفنوه .. وصار بينه وبينهم حاجز اقوى من كل شي ومن كل مقدره على التحمل جلس محمد على ركبته وهو يسوي التراب على قبر احب الناس على قلبه ودموعه تسيل انهار وانهار ..
بكى ومامنع بكيته لا مرجله ولا خوف وحيا..
دموع الرجال ان نزلت هزت جبال ..


انا منهو حمل همّه على راسـه تقـول عقـال!
مجاديف الزمن دارت عليه ونَسّـف الغتـره!!

وانا منهو فقد صوته وبعض الصوت بـه مـازال
دعيـت الله يفرّجهـا علـيّ وبحَّـت النبـره

مسكه مع كتفه ابو خالد وقال بصوت مبحوح :-ياولدي اذكر الله
محمد وماينشاف من وجهه شي لأنه متلطم بشماغه ولابس نظاره شمسيه مارد ولاتكلم.. بعض الكلام يتعب اكثر مايريح ..
ناظر في يدينه الي شالت راكان وحطت التراب فوق ..مسح دموعه بطرف شماغه ومشوا تاركين راكان وراهم ..
*
>>>>>>بيت راكان
صحت دانه من النوم .. على صوت امها وهي تبكي والماس وام سعود يبكن معها ويحاولن يفتحن درج ملابس راكان عشان يفرغنه منها ..
امها :-كلمني ابو خالد دفنوه وهم راجعين الحين
الماس قرب موعد ولادتها وكانت تبكي وام سعود تهديها ...
استوعبت دانه كل شي ..
راكان
مااااااااااااااااااااااااااااا ااااااات
مااااااااااااااااااااااااااات
ماااااااااااااااااات
صرخت وجلست تصيح بصوت عالي :-لاااااااااااااااااااااا لاااااااااااا راكان مايتركني لاااااااااااااااااااا
ركضن لها وضمتها امها وهي في حاله هستيريه ..
دانه وهي تصيح بشكل موطبيعي :-لا يمه لا لا تقولين حطوا على وجهه تراب لا لا لا
كلامها قطع قلوبهن ... من جد ..كانت نفسيتها دماااااااااااااااااااااااار
امها بصياح :-يمه اهدي اهدي
دانه :-ياوووووووووووويل قلبي من عقبك يا نظر عيني
وبدل مايهدنها جلسن يبكن معها ..
دانه وصلت لمرحله الجنون ..واضطروا يجيبون الطبيبه ...
عطتها مهدئ لين بدت تهدى .. نومتها امها على سريرها وكانت عيونها تسيل دموع بدون صوت .. مايدرون ان الانفجار الداخلي باعماقها اقوى واعظم من الظاهر ..

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون
عجزت لأوصف .. من لمحته شجوني

ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي


أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

(سميت قلبي عقب فرقاه ملعون)
هو و الليالي .. عن هناه امنعونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت > ومن عزاه .. احرموني

حتى بوفاته !! يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني


و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!

وعلى دموعها اطبق الجفن ...

(الفصل الثاني والعشرون)
( الجزء الأول )

>>>بيت راكان
طلع محمد برى مجلس الرجال المليان ملي اخذ جواله ودق على هنادي ...
هنادي :-هلا
محمد بصوت مبحوح :-هلا هنادي وش الاحوال داخل
تنهدت هنادي ومسحت دموعها :-دانه سمعتهم يقولون ان راكان اندفن وجاها انهيار والحمد لله ان الطبيبه كانت موجوده عطتها مهدئ ونامت
محمد وقلبه يتقطع من كل صوب :-ااااااااخ
هنادي وحزن محمد اكبر من احتمالها :-محمد شد حيلك ترى اهل راكان مالهم الا انت من بعد الله
محمد دمعت عيونه :-الله يعين هنادي انتبهي على دانه وامهاته تكفين
هنادي :-افاااا يامحمد دانه بنت عمي واختي وامهات راكان امهاتي
محمد :-ماتقصرين يالغاليه يالله لابغيتي شي كلميني
هنادي :-ان شاء الله
وطلعت من المطبخ عشان تشوف دانه شسوت الحين..
دخلت هنادي الغرفه ..
لقت امها وام خالد يحاولن يفتحن الدرج ومو قادرات ..
هنادي بصدمه :-شتسون
امها :-يعني شنسوي برايك
هنادي مو مستوعبه شي :-يمه درج دانه هناك
امها :-مانبي اغراض دانه نبي اغراض راكان
هنادي :-هااااااااا
امها بعصبيه :-تعالي حاولي تفتحيه عجزنا فيه من اليوم
هنادي عصبت :-مالكم حق بالي تسوونه
امها بعصبيه وصوت واطي عشان ماتصحى دانه :-هناديوه ماطلبنا رايك تعالي ساعدينا
هنادي والدموع بتنزل :-يكفي انها انحرمت منه تبون تحرمونها من ذكرياتها
ام خالد :-هذا لصالحها عشان ماتتعذب
هنادي :-حتى لو هذي اشياء هي تقررها بنفسها
ام خالد :- انا اعرف بنتي كل مره بتشوف فيها ملابسه واشياءه بتنهار
هنادي وهي تبكي :-لا تلمسن اغراضه
امها عصبت :-هناديوه اهجدي لا تصحين دانه
هنادي وهي لسى تصيح :-اصلا مفعول المهدئ بينتهي وبتصحى وحاولن ترقعن الي بتسوونه لأنها بتزعل عليكم زعل..
الاصوات بدت تتغلغل في راس دانه الثقيل .. للمره الثانيه..
فتحت عيونها .. كانت الغرفه مظلمه بس أبجوره تنور جنب السرير وأبجوره محطوطه على طاوله جنب درج الملابس الكبير ..
وكان هناك ثلاث حريم.. عرفت هنادي لأنها منزله طرحتها على كتوفها ..والباقيات معطياتها ظهورهن
قالت ام خالد بانفعال :-راكان مات وش تبي بصوره وملابسه واغراضه الحين بنجمعها وبنحرقها او بنتبرع بها..
راكان مات........اغراضه..........حرق ها
تجمعت الأفكار براس دانه ..
وفزت من مكانها ..راكااااااااااااااااااااااااا اااااااااااان مااااااااااااااااااااااااااااا ات
مااااااااااااااااااااااااااااا اااااااااااااااااااا ت ليش ما اصدق ليش عندي أمل كل ماصحيت من النوم ألقاه جنبي واني كنت احلم ...
آآآآآآآآآآآآآآآآآآآآآآآآآآآه ياقو الألم... وآآآآآآآآآآآآآآآآآآآآآآآآآه ياكبر مصيبتي..
نزلت راسها وجلست تبكي بقوه وترتجف ضمت مخدته لصدرها تشم ريحه عطره
"ياوووووويلي من فرااااااااااااااااقك ياراكان اااااااااااخ بمووووووت والله لمووووووووت"
ركضت امها لها وضمتها :-يمه اهدي تكفين اهدي.. الطبيبه تقول مو زين كل ما انهرتي نعطيك مهدئات ..
تمت تصيح بحضن امها وقالت وهي تبكي بصوت عالي :-يمه راكان راح مني راكان راح وتركنا ترك امهاته تركني وترك............
انتبهت امها للفراغ الي بكلامها واوجعها قلبها :-ترك ايش يا دانه تكلمي
رجعت تبكي بقوه وتتمسك بـ امها ...هزتها امها والرعب مسيطر عليها :-ترك ايش يادانه قولي ........
ناظرت دانه في امها .. وقرت بعيونها الجواب ..انصدمت امها :-قولي انه مو صحيح
رجعت تبكي :-يمه انا حامل لي شهر ومادريت الا قبل امس .
انصدموا الكل صدمــــــــــهـ كبيره .. مايكفي انها ارمله الحين ..
بعد بتصير ام
امها من قلب :-ياويلي عنك يا بنيتي ..
وجلست تصيح مع بنتها !
بدت دانه تنهار :-آآآآآآآآآآآآآآآآآآآآه يايمه راح راكان راح
امها بتخفف عنها :-العوض يمه بولدك
دانه بعصبيه :-لااااااااا لاااااااااا مايعوضني في راكان كل خلق الله .. يمه انتم دفنتوا فرحي سعادتي حياتي يوم دفنتوا راكان يمه حياتي انتهت انتهت
هنادي من جد تأثرت ضمت بنت عمها :-خلاص دندون طلبتك يكفي..
دانه :-ااااااااااااااااااه ياهنادي راح مهجتي راح حبيبي ونور حياتي رااااااااااااااااااااااااااح
دخلت الماس وكانت حالتها حاله ..وباين ان الحمل متعبها من كرشتها الي وش كبرها ..
جلست جنب اختها وقالت بحنيه :-دانه قلبي البكا ماينفع الي صار صار قومي صلي واقري له قرآن كذا احسن .
ومسكت اختها من يدها ووقفتها :-قومي حبيبتي خذي شاور عشان تهدين ..
ودخلتها الحمام وجهزت لها كل شي ..
تحممت دانه وكنها ارتاحت شوي وصحصحت...
ناظرت في المرايه في وجهها الي ذبل وعيونها الهيمانه .. خلاص ضاع الماضي الحاضر والمستقبل مات كل شي بموتة حبيبي ..
انهارت غصب على الارض وتمسكت في الجاكوزي وحطت راسها عليه وجلست تبكي ..
حست الماس ان دانه تأخرت.. دقت الباب وما ردت..
فتحت الباب لقت دانه تبكي وحالتها حاله ..
السهـم الي صاب قلبها كان مسموم !
ورحيل راكان مايشفيه لاكلام ولامواساة..
مسكتها وقالت برقه :-حبيبتي قومي وتعوذي من ابليس
ورفعتها ونومتها بالسرير .. عدلت روب الحمام حق دانه وجلست جنبها تقرا قرآن..
همست دانه :-الماس
الماس بحنيه :-ياعيونها
دانه وهي تناظر في السقف :-الماس راكان ماراح يرجع خلاص
انقبض قلب الماس وسالت الدمعه :-دانه اذكري اللهـ
دانه غمضت عيونها وسالت دموعها على مخدتها :-الماس انا اعشقهـ ما احبه وبس الماس انا .... انا........
وماقدرت تكمل وجلست تشاهق ..
ضمتها الماس وجلست تهديها ..
دخلت امهن ومعها العشاء لأن دانه من يوم مادرت عن موت راكان ماذاقت ولاشي ..
امها بحنيه :-يمه قومي تعشي ..
شمت دانه ريحة الأكل من هنا وركضت ترجع من هنا
فزت الماس بخوف :-يمه دانه شفيها .؟
قالت بحزن :- اخ يمه اختك حامل ..
بغت تنهار الماس وتمسكت في عامود السرير .. :-حـ...حامل
امها بحزن :-شفتي كيف الدنيا مالها أمان يوم كانو سوا ماحملت ويوم راح راكان طلعت حامل
بكت الماس غصب :-ياويلي عنك يا وخيتي
امها :-اصصص اختك مو ناقصه يكفي ضغط الحريم تحت يبون يعزونها
عصبت الماس :-ماعندهن دم قلنا لهن البنت منهاره ماتقدر تقابل احد مايفهمن
امها بضيق :-لاتنسين يمه هذا واجب
الماس للآن معصبه :-يمه دانه مو ناقصه واذا امهات راكان قدرن يتحملن كلامهن كيف مات ووين ومتى فدانه ماراح تتحمل يمه هي الحين حامل وان صار شي للي في بطنها وربي لتموت
ارتاعت ام خالد :-بسم الله على بنيتي مو كافي انها ترملت وهي ماكملت 24 سنه ..
الماس :-اااااااخ يمه النصيب .. والدنيا تضيق بالطيبين وتاخذهم
رجعت دانه من الحمام ووجها اصفر ومشحب ..
حمدت ربها ان امها طلعت العشا من الغرفه...راحت لدرجها وطلعت بيجاما موف ولبستها ..ورجعت لسريرها
كانت هلكانه ومستنزفه جسديا وعاطفيا
كانت الماس عندها ومافارقتها دقيقه وحده ..اما باقي البنات كانن يمرنها من فتره لفتره ...ويتطمنن عليها
*
*
*
*
<آخر ايام العزاء>
صرخ محمد :-انتم ماعندكم دم أبد ولد اخوكم ما صار له متوفي اربع ايام وتتكلمون في الورث
ابو سعد بتبلد :-الحزن بالقلب.............
قاطعه محمد وهو يصرخ:-قوموا اطلعوا برى الحين
ابو سعد بنص عين :-لاتنسى هذا بيت ولد اخوي
محمد شوي ويرتكب جريمه :-وبيبقى بيته اطلعوا قبل لا انادي الأمن
دخل سعود وناصر وخالد في هاللحظه الي كان محمد منفعل فيها
ابو سعد يهدد :-انت الي اطلع انت غريب
انقهر محمد :-هذا بيت اخوي رضيت ولا انرضيت
ابو سعد :-طيب طيب لازم اجيب الشرطه واخليهم يسحبونك ويرمونك بالشارع
محمد بثقه :-اعلى مافي خيلك اركبه جب الشرطه وانا بنتظرك هنا بعد
خالد هو مو فاهم شي :-خير يامحمد
ناظره ابو سعد وقال بانتقاد :-تكلم محمد وفيه من اكبر منه
خالد مايطيق ابو سعد في عيشة الله خزه بعينه وناظر محمد
قال محمد بسخريه :-الرجال يبي حلال راكان
صرخ ابو سعد :-راكان مات ولا تبون تستولون على حلااله كأن ماله أهل
تدخل ناصر :-انت ما تستحي على وجهك تتكلم في الورث ودم الرجال مابرد بقبره
قال محمد بلهجه حاسمه :-برى لا افضحك بالمعزين الي بالمجلس
خاف ابو سعد خصوصا ان اغلب المعزين معارف راكان الواصلين ..
وقال يهدد :-ساعه وارجع ونشوف من الربحان
وطلع ..طبعا معه اخوه ابو علي الي زي قلته
محمد :-اااااااااااااااااااااااااااااف
سعود :-ماعليك منه هذا رجال ما فيه وجهه حشيمه ولا يخاف الله
ناصر تذكر دانه والي بيصير مو من صالحها :-وش العمل يامحمد ابو سعد اقرب واحد لراكان يعني الورث اغلبه بيروح له وامهات راكان (غص) وزوجته
دمعت عيون محمد :-الله يرحمك ياراكان
الجميع :-اللهم امين
كمل محمد وهو واثق في انسباء راكان وفي مرجلتهم :-لا تشيلون هم ابو سعد ماله قرش واحد من حلال راكان
انصدموا ..
خالد بذهول :-شلون ماله شي.؟
محمد بحزن :-راكان مقسم حلاله كله قبل لايموت
سعود :-مقسمه
محمد :-ايه مقسمه على امهاته وزوجته ... بيع وشراء عشان مايطعن ابو سعد في هالشي
تثر خالد والعيال معه ولا قدروا يعلقون بكلمه ..
قال محمد بضيق :-تركنا المعزين لحالهم
وراحوا كلهم لهم ..
وفي المجلس دق محمد على حمدان المحامي ..
محمد :-الو السلام عليكم
حمدان :-وعليكم السلام اخ محمد
محمد :-حمدان الله يعافيك ممكن تجي لبيت راكان الحين
حمدان :-ابشر خير ان شاء الله
محمد :-خير خير بس ابيك تجيب الاوراق الي تثبت ان مافيه ورث يتوزع
حمدان طبعا عنده خبر بوفاة راكان وجا وعزى بأول أيام العزاء ومن خبرته كمحامي ممتاز جهز كل الاوراق اللازمه واصلا لو ماكلمه محمد كان جا عشان يوصل الامانه الي تركها راكان عنده ليله سفره ..
حمدان :-مسافه الطريق واكون عندك
محمد :-جزاك الله خير ماتقصر
حمدان :-واجبي يا محمد
وسكر الخط....
كانت عيون محمد متعلقه بالباب ينتظر وصول عم راكان عشان يبرد حرته ويغسل شراعه ..
بدر وفكه راكان من شره .. وابو علي لايهش ولا ينش ، مابقي الا هالعله ابو سعد.
××
>>قريب من بيت راكان
كان ابو سعد جاي ومعه شرطيين عشان يطلعون محمد من بيت ابو سعد (على باله انه بموت راكان صار البيت له)
حاول الضابط ينصحه بتأجيل الموضوع شوي احتراما لذكرى ولد اخوه لكن ابو سعد واسع الحيله والشيب الي بوجهه مساعده .. ومخلي الناس يصدقونه لأن اغلب الشياب فيهم تقوى .
وقال للضابط ان الغريب يصول ويجول في بيت ولد اخوي وانا جالس اتفرج
الضابط هنا عذره وارسل معه شرطيين ..
دقت ساره بفرح :-بشر يبه البيت صار لنا
ابوها :-ههههههههه بيصير هذاني ماخذ شرطيين وبيطردونهم طردة الكلاب
ساره :- احلى خبر ولله
ابوها :-يالله وصلت لبيت
ساره :-بااااااااااااااااااااااي
سكرت الجوال والفرح مشققها ....
جمدت لحظه ...
تذكرت
راكــــــــــــــــان مات !!
جلست تصيح بصوت عالي بدون شعور وتكسر الدنيا
كسرت كل شي بغرفتها وانهارت جالسه على الارض ترتجف ...
مات راكان مات !
كل شي حلمت فيه مات .. الشخص الي حبيته مات .. كله بسبب بنت فهد بس واللهـ لتندم ..
اخذت عباتها وهي في غمرة انفعالها وجنونها ..
وقت الانتقــــــــــــــــام دنى يابنت فهد ..
انتي الي ذبحتي راكان . انتي السبب
وماراح يكفيني ويبرد قلبي طرد ابوي لكم .. لا الي بيبرد قلبي شوفتك وانتي ذليله كسيره وعينك بالارض ..
اكرهــــــــــــــــــــــــــ ك اكرهك اكرهك لدرجه اتمنى فيها موتك ، ياليتك كنتي انتي الي متي مو راكان .؟
*
*
*
>>>بيت راكان
دقوا الامن على جوال محمد :-فيه شرطه برى مع ابو سعد
محمد ونار الحقد تلمع بعيونه :-دخلهم
التفت محمد لحمدان الي جالس جنبه :-حمدان جاهزه اوراقك
حمدان حس ان فيه انّا بالموضوع من ملامح محمد المتشنجه :-كل شي جاهز
وقف محمد :-أجل بنروح المجلس البراني مانبي فضايح
وقف حمدان معه وطلعوا ..
قابلهم خالد برى ..وعلمه محمد بالي بيصير وراح خالد معه ..
سلم محمد على الشرطيين .. وقلطهم ببيت الشعر الي برى ..
قال الشرطي :-معنا يا اخ محمد شكوى عليك من الاخ حمد
محمد باحتقار :-طيب
الشرطي :-حنا آسفين وعارفين ان الظروف ماتهيئ بس بما ان المتوفي ماله اقرباء الا عمانه بيكون البيت له وهو الآمر والناهي ووكيل أهله ..
محمد بابتسامه فيها سخريه :-ماله شي هنا
الشرطي :-يا اخ محمد لاتصعب الامور
قاطعه حمدان :-تفضل يا حضرة الشرطي اقرا هالاوراق
انصدم ابو سعد :-اوراق ايش
قراها الشرطي بتمعن .. وناظر في ابو سعد بلوم
خطف ابو سعد الاوراق وناظرها ..
انفجع من المكتوب ... الاملاك باسم دانه ..
الشركه بالنصيفه بينها وبين محمد
الاملاك الباقيه لام راكان ومريم ....
انهار.. وجلس على المركى وهو مو مصدق شي
الشرطي بضيق ونبرة اعتذار لمحمد :-يبو سعد ياليت قبل لا تقدم شكوى تكون متأكد.. المتوفي بايع حلاله على هالناس الي وردت اسماؤهم انا ماعندي شك في صحة هالعقود لأنها مصدقه من المحكمه العليا
صرخ ابو سعد :-لاااااا مو صحيح
الشرطي الثاني بضيق بعد ماقرا الاوراق :-يا اخ حمد الناس بعزاء ياليت لو تتكرم اما انك تبقى وتقوم بعزا ولد اخوك او انك تطلع الحين
عصب ابو سعد:-محدن متحرك قبل لا ادق على المحامي حقي يجي يتأكد منها
تضايق الشرطيين وقال حمدان بثقه :-مافيه مانع دق الآن ..
ابو سعد بعصبيه :-بدق بدق ماني بمشاوركم
سفهوه وماردوا ..
دق على محاميه .... وعقب نص ساعه وصل .
جلس المحامي يتأمل العقود .. بتركيز
نزل نظارته وقال باعتذار لابو سعد :-للأسف يبو سعد العقود صحيحه ميه بالميه
صرخ ابو سعد :-شلون يعني خلاص فقدت كل شي .. كل شي
هز المحامي راسه
صرخ بهستيريا :-لا مستحيل لا انا بطعن في كل شي مايجوز يوزع حلاله ويتجاهل تقسيم الشرع
تدخل محمد :-هذا مو تقسيم هذي عقود بيع وشراء يعني باع حلاله واستلم ثمنه
خالد بعصبيه :-والحين اقضب الباب
وصل ابو سعد حده وضاقت به انفاسه قال وهو عند باب :-لاتحسبون الموضوع انتهى هنا حنا ما بدينا لسى
راح له خالد بيضربه لكن محمد منعه ...
وطلع من عندهم
الشرطي :-آسفين يا اخوان على الازعاج ماكنا نعرف حقيقه الموضوع
محمد :-ماعليه صار خير ..
وطلعوا من عندهم ...
دق جوال خالد لينه ايمان اعتذر وطلع...
كان محمد بيطلع بعد بس مسكه حمدان مع يده وقال بحزن :-محمد معي امانه لك
عقد حواجبه :-امانه ..... من من ؟؟
تغيرت ملامح حمدان وفهم محمد الرساله ..
حزن وانجرح قلبه :-منه..؟
حمدان :-ايه..
طلع حمدان من جيبه رسالتين .. كل وحده بظرف ابيض..
حمدان :-هذي لك وهذي لزوجة المرحوم ..
طلعت تنهيده نار من صدره :-اااااااااااااااخ
قال حمدان بحزن :-ربك كريم ...
محمد بصوت متهدج :-متى ... عطاك اياها
حمدان :-ليله سفره عقب صلاه العشا
وتذكر محمد انه جلس ينتظره عقب الصلاه ولما سأله ليه تأخر؟ قال.. عنده مشوار مهم ...ااااااااااااااه اثاري منيتك دنت يا خوي وحنا مو حاسين ..
قدر حمدان ان محمد يبي يجلس بلحاله ..وطلع
جلس محمد على الارض وفتح الرساله بيد ترتجف كان مكتوب على ظهر الظرف :-لمحمد
حط الظرف جنبه بعد ماطلع الرساله .. ارتجفت يده رجفه ماقد مرت عليه .. بلع ريقه وفتحها ..
كانت مكتوبه بخط راكان المميز ..
[ اخوي وصديق عمري محمد :-
مدري وش الي حدني اكتب هالرساله لك .. يمكن يكون الي اهوجس به شي ماله وجود لكن انت تعرفني ما احب اخلي أي شي للظروف كتبت لك هالرساله ان عشت ورجعت بحرقها وان مت وسلمت الامانه لخالقها توصلك....................
وقف محمد القرايه ومسح دموعه "موكافي انك رحلت يا راكان تعذبني بمراسيلك ليه"
كمل [................... ماعندي كلام اقوله ياخوي غير تنتبه لأهلي.. لزوجتي وخصوصا من عماني ..وتنتبه على نفسك وقبل كل شي تسامحني على قصوري معك ان قصرت وان جاك ولد سمه راكان هههههه امزح معك عارف ان اسمي مايعجبك .
اخوك
راكان ]
سالت دموع محمد ... و تمزززززح ياراكان قلبك يتقطع وقلبي يتقطع وتخفف عنا بالمزح
طوى الورقه وحطها بجيبه...
باقي الامانه الثانيه والله اعلم انها بتكون اقسى من رساله محمد واعظم !
*
*
>>بقسم الحريم
دخلت ساره البيت متلثمه عشان ماحد يعرفها شافت الحزن بعيون الجميع ..
شافت ام راكان محنية راسها والخاله مريم تمسح دموعها الكل كان متواجد حتى عمة راكان رحمه موجوده وجالسه جنب ام راكان ..
وعماته الثانيات بعد ..
الله يلعن الدنيا مافيها خير يوم كان عايش ماطبن بيته ويوم مات جايات يقومن بواجبه ..
قدرت ساره بقدرة قادر تتسلل للدور الي فوق عشان تقابل دانه وتبرد النار الي شابه بقلبها
كانت تعرف مكان غرفه راكان الجديده لأنه من كثر كرهه لها حول غرفتهم يوم كانوا متزوجين مكتب ..
فتحت الباب بدون لباقه وشافت دانه جالسه على الصوفا الي بصاله جلوسها الي بجناحها وضامه ركبها بيدينها ومحنيه راسها على المخده ودموعها تنزل بشكل يكسر الخاطر باستثناء خاطر ساره الي كانت دموع دانه على قلبها زي العسل
صفقت الباب واخترعت دانه ..
قالت ساره بهستيريا وهي تشيل لثامها :-ذبحتيه يابنت فهد
ما استوعبت دانه شي شغلت النور وشافت ساره واقفه قدامها جنون الدنيا قام وقعد في قلب دانه
صرخت دانه :-خير ان شاء الله
قالت ساره باحتقار ودموعها تسيل :-ذبحتيه ذبحتيه
قالت دانه باحتقار :-وفري دموع التماسيح ذي واطلعي برى بيتي
ساره :-هه بيتك البيت بيت ابوي الحين
ارتفع الضغط عند دانه :-اقولك برى احسن لك ..
الصراخ واصل لبرى ..
طلعت ام خالد وام راكان بسرعه ..
فتحوا الباب وانصدموا ...
وش تسوي ساره هنا / وكيف طلعت بدون مايشوفونها !
قالت ساره بدموع التماسيح :-اطرديها يا ام راكان هي سبب موته هي
طططططططططططططططخ
مسكت ساره خدها المولع .. قالت ام راكان :-انقلعي برى بيت ولدي يالي ماتربيتي
قالت ساره بتجريح :-ولدك مااااااااااااااااات ماااااااااااااااااااااااااات
اخخخخخخ وش كثر حزت هالكلمه بقلب ام راكان
هذا وحيدها وحيدها ...
طلعت ام خالد ودقت على خالد يجي بسرعه ان ماربتها ماتكون ام خالد
طلع خالد بسرعه :-خير يمه شصاير
امه بحقد :-ابيك تتصرف مع بنت عم راكان
انصدم خالد :-شلون اتصرف معها يمه ذي اجنبيه عني
امه باستهزاء :-هذي مافيها حشيمه ونخوه واصلا ماتتغطى الي ماتستحي داخله على اختك تسمها بكلام ماينقال
وعلمت خالد بكلامها ، انقهر خالد
ودخل الغرفه كانت ساره لابسه بس طرحه ووجهها مكشوف ، ما اهتم خالد لها وقال :-انتي يالله برى
قالت بوقاحه :-ومن انت ؟
عصب خالد :-تغطي يا مره
ساره بدلع ماصخ :-انت الي دخلت مو انا
وصل خالد حده ومسكها مع يدها من فوق وصرخ :-يالله برى لا تطبين هالبيت مره ثانيه
قالت وهي تحاول تقاومه وهو يسحبها :-البيت بيت ابوي
خالد بعصبيه :-هذا بيت راكااااااااان وبيبقى بيته يالله انقلعي
حمد خالد ربه ان المعزيات من الحريم بالصاله الداخليه مو الي يتوسطها الدرج ...
على صراخ ساره طلعت ايمان والبنات ..
انهبلن كلهن ...
كان خالد مستعد يقتلها بس مسك نفسه وصار يسحبها بشكل ذليل لين وصل الباب الداخلي للفيلا ورماها على الارض
خالد وهو موصل حده :-قسم بالله العلي العظيم ان شفت وجهك لا اكون ذابحك فاهمه ولا لا
ما قد انذلت ساره في حياتها الا عقب ماعرفت راكان واخرتها هالمره ...
انقهرت قهر ماله مثيل ..
جو الأمن ووقفت اخيرا وطلعت بنفسها ..امرهم خالد مايدخلونها او يدخلون احد من عمان راكان هنا ابدا !
دخل خالد وشافته ايمان فاير دمه كانت بتسأله قمر وش الي صاير لكن ايمان مسكتها :-قمر مو وقته خليه يهدا
قمر بحيره :-مو الي يجرها تو ساره بنت عم راكان
ايمان :-ايه هي
قمر منهبله ..اول مره تشوف احد عنيف كذا
وخصوصآ خالد
طلعت قمر فوق وهي تتذكر اختها .. لقت ام راكان جالسه عندها والسكوت يعم المكان ..
كانت بتسأل قمر لكن امها اشرت عليها تسكت ..
ام راكان بحنيه :-يمه ماعليك منها انتبهي على صحتك وعلى الي في بطنك
دانه بصوت مبحوح :-لاتوصين يمه
دق خالد الباب وقال لامه :-يمه دانه تقدر تتحمل شي الحين
امه باستغراب :-شي ايش.؟
فضل خالد يعلم امه :- يمه راكان تارك لها رساله وودي اعطيها لها
ضاق صدر امه :-ياويلي عنك يمه انتي ناقصه
خالد :-الصبر يمه الصبر
امه :-اخ يمه مالنا الا الصبر
خالد :-هااااااااااااه شرايك
امه :- اجلها يمه شوي
خالد :-قولتك
امه :-اييييه
خالد :-الي تآمرين به ..
قبل لايروح سألته امه :-يمه وش مصير دانه
استغرب خالد سؤال امه ..
خالد :-يمه شقصدك...؟؟؟
قالت امها بغصه :- عم راكان بياخذ البيت
فهم خالد قصد امه :-ايييييييه لا لا ماراح ياخذ قرش واحد
امه :-هااااااااا
خالد :-يمه راكان الله يرحمه كاتب كل شي باسم دانه ومرتب أموره مال لعمانه شي أبد
نزلت دموع امه غصب ..ياخسارة شبابك ياراكان
خالد بضيق :-الله كريم يمه وكل شي له حكمه
امه :-ونعم باللهـ
ونزل خالد تحت ........
$$$$
>>>>>الساعهـ 3 الفجر
جافاها النوم .. ومابقي بحياتها الا ليل السهد وليل المواجع عقب راكان ...
وقفت وطلعت تتسحب من غرفتها عشان ماتصحي هنادي الي نايمه جنبها ...
مشت وفرت بالبيت ... تتذكر ايامهم وذكرياتهم ودموعها ماوقفت ابدا ..
دخلت مكتبه .. مكانه المفضل
تأملت كل شي فيه.. لاب توبه ، اوراقه , كاس الكوفي حقه والي كان هديه منها له اسمها محفور عليه ابتسمت وهي تتذكره يوم جاب لها كاس زيه بس اسمه عليه ..
جلست على الكرسي حقه وحنت راسها تبكي..
ماتركت بحياتي شي غير الدموع يا راكان .. سرقت بموتك فرحتي وآمالي
جلست تشاهق مو مصدقــــــــــه ابدا..
ان راكان رحل مايعود !
جلست تكلم صورته الي على مكتبه :-لمن تركتني يانظر عيني لمن.. من لي عقبك .. من بيربي ولدنا من بيوقف معي في حملي ويشد على يدي من بيضمني ..ويواسيني ويهدي خوفي ..راكان انا خايفه ومحتاجتك جنبي ..
صرخت راكان ليه تتركني لييييييييييييييييييييييييه ..
وجلست تبكي ...
وقفت وطلعت من المكتب حست نفسها مو قادره تتحمل اكثر .. الحزن بيقطع قلبها وبيوقف النبض..
نزلت بسرعه.. تبي تشم هوا تحس انها بتختنق بتموت
طلعت وراحت للمسبح .. جلست على حافته ونزلت رجولها فيه ...
سمعت صوت واحد يمشي وراها وما خافت لأن الفيلا عليها حراس..
جا خالد وجلس جنبها عيا يجيه النوم وراح بيشرب مويه وشاف ظلها عند المسبح
قال بحنيه :-كيفك الحين
قالت بحزن :-عايشين
حس خالد انه تأخر بما فيه الكفايه وراكان صار له قرابة الخمس ايام متوفي ..
خالد :-دانه
حست دانه بشي من لهجته اخوها وتعرفه :-نعم
خالد :-معي امانه لك
دانه مو مستوعبه :-من مين..؟
سكت خالد شوي التفتت عليه بسرعه :-من راكان
خالد بحزن :-ايه ..
دانه بلهفه وحزن وخوف :-وينها .؟
وقف خالد:- ثواني وارجع بروح اجيبها ..
راح خالد وخلا دانه على ناااااااار تنتظر وتنتظر .. وهالخمس دقايق الي فاتوا كنها خمس سنين .
خالد :-خذي هذي هي ..
ورجع للمطبخ عشان يتركها براحتها ...
وقفت دانه وجلست على الكراسي ..فتحت الظرف بيد ترتجف
[ حبيبة قلبي وروحي ..داانه
أبــــــــســـــــــألــــــــ ـك؟
هـــــــو أنـــــــا أســتــاهــلــك؟
أستـاهـل الـدمـع الـلــي جـــرّح وجنـتـيـك؟
أســــــتــــــاهــــــلــــــ ـك؟
أســتــاهــل انـــــــي أعـــشــــق؟
ابـسـألـك عـــن حـالـنـا انـتــي وانــــا
يــالــلــي احـــس..انــــك انـــــــا
حـالــنــا مـــــا هـــــو غــريـــب
انـا نكـون متأكديـن ان الفـراق مـا هــو بعـيـد
بـالـرغــم مــــن جــــرح الـسـنـيــن
عـشــقــنــا دايـــــــم يـــزيــــن
ماهـو غريـب .. انـي لــو مــرة فــي هـمـي
نــســيــت وبـكـلــمــة جــرحــتـــك
قبـل مـا تتألمـي .. الـلـي يـنـزف هــو دمــي
ابـسـألـك مـاهــو غـريــب .. اسـتـاهـلـك؟
ابسألـك لـو قلـت لـك ان الحنـان اللـي فـي قلبـك
ينـبـت مــن الصـخـر الـزهـر .. بأستـاهـلـك؟
وان النهار اللي في خدودك يخلي النسمة عطر..بأستاهلك؟
وان العذاب اللي في عيونك يعلم الناس الشعر..بأستاهلك؟
ولـو قلتلـك انـي احبـك اكثـر مـن همـوم البشـر
وكثـر الجفـاء وكثـر السهـر ... لـو قـلـت لــك
وانـك اقـرب مـن عيـونـي للنـظـر.. أستاهـلـك؟
لــــــــــــو قـــلـــتـــلــــك؟
كـــــل الـــــذي اقـــــدر اقــولـــه
والــلـــي مـــــا اقـــــدر اقــولـــه
أســــــتــــــاهــــــلـــــــك؟؟
حـــــبـــــيـــــبـــــتـــــ ـي
بــــــــأجـــــــــاوبـــــــ ــك
لـلأســف مـــا بـــه احـــد يسـتـاهـلـك

حبيبتي.....
حاول وحاول ...يصير أفراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك .. ماينفع عنادي
لاصار ربي حرمنا .. من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا


سامحيييييييييييييييييييييييني بعادي غصب عني

محبك
راكــــــــــــان ]
ضمتها لقلبها ومن قلب جلست تبكي ..........
آآآآآآآآآآآآآآآآآآآآآآآآآآآآآآ آآآآخ يالغالي آآآآآآآآآآآآآآآآآآآآآآآآآآآآآآ آآآخ
*
الساعه 4 ونص الفجر>>>>>>
صحت هنادي من النوم ومالقت دانه جنبها .. قامت بسرعه دورتها بكل البيت ولاتدري وين راحت
نزلت تحت ومالقتها .. طلعت برى وشافتها جالسه عند المسبح...
دموعها تسيل والهوا يطير شعرها على وجهها ..
تضايقت هنادي حيل من حالتها الصعبه ومن بيلومها الي راح قطعه منها والنظر والروح ...
هنادي بحنيه :-دندون خرعتيني
دانه بحزن :-هنا وين بروح ..
قالت هنادي بحنيه :-وكلي امرك لله
دانه :-ونعم باللهـ
ناظرت هنادي بالورقه الي بيد دانه ولفت انتباهها اسمها المكتوب على الظرف
انتبهت دانه لهنادي وعطتها الرساله
هنادي :-وش ذي ؟
ماتكلمت دانه .. قرتها هنادي وبدون ماتقدر تمنع دموعها نزلـــــــــــــــــت قالت من قلب :-الله يصبر قلبك بالايمان يا الغاليه
دانه :-اللهم امين ..
وفي هالوقت أذن لصلاه الفجر .. ودخلن البيت عشان يصلن ..
جلست دانه تتسنن وتصلي الفرض وتدعي لراكان بالرحمه وان ربها يلهمها الصبر والسلوان ...
جلست تقرا قرآن ... وحست براحه كبيره ما تنوصف صحيح الألم باقي لكنه هدا نوعا ما ...
*
*
*
بيت ابو سعود>>>>>
ماقدرت الماس تنام من الآالآم الي ببطنها وظهرها ... تقلبت يمين ويسار..
الطبيبه حددت موعد ولادتها بعد اسبوعين مو الحين..
حس سعود فيها وصحى ..قال بخوف :-الماس فيك شي
كابرت من خوفها من المستشفيات :-لا مابي شي ارجع نم
ناظر في وجهها :-الماس فيك ولاده
اخترعت وقالت بقوه :-لاااااااااا
ابتسم :-طيب لاتعصبين
الماس الآلم كلماله يزيد :-هاها ها خفيف دم
سعود :-افااااااااا الاخلاق مقفله
جتها انقباضه ومسكت يده بقوه .. تروع سعود ,,,
شكلها تتألم مره ..
ماقدرت تكابر اكثر :-سعود ودني المستشفى
فز من مكانه مختبص مايدري وش يسوي ..طلع لامه ولقاها بتروح تتسنن كالعاده ..
سعود بقوه :-يمـــــــــــــــــــه
خافت امه :-خير ان شاء الله
سعود برباشه :-خير خير الماس الظاهر بتولد
ابتسمت امه :-والساعه المباركه
قال بخوف :-يمه مو وقت حركات الجدات الحقيها يمه شكلها تعبانه
امه بركاده :-انزل وشغل السياره وحنا نازلين
نزل بسرعه..
راحت امه لالماس الي كانت هاجده ...
ام سعود :-يمه يالله قومي نروح المستشفى
قالت بخوف :-لا خلاص انا طيبه
ابتسمت عمتها :-يمه قومي هذي انقباضات الولاده
الماس بعناد :-لااااا
وجتها انقباضه ثانيه اقوى من الي قبل ..
دخل سعود المرتبش ...
كانت مره تتألم .. مسكها بشويش ومشا هو وياها ومعهم ام سعود...
اول مادخلوا قسم الطوارئ قالو لهم ولاده على طول ..
جلسوا ينتظرون بالطوارئ ..
وسعود ماهدا له بال وخاطر ...
يروح ويجي ...
قالت امه :-يمه اجلس خيلتني ..
سعود كان متوتر مره :-مقدر مقدر
ناظر في ساعته صار لها ساعتين الآن ومافيه خبر
جلس وضم وجهه بين ايدينه ..
شوي الا والممرضه طالعه لهم ...
قالت بابتسامه شاقه الحلق :-مبروك ماما جيب ولد
انهبل سعود ..:-والماس كيفها
الممرضه بابتسامه :-بخير
ودمعت امه واخيراااااااااااااااااااااا جالك ظنا ياسعود ..
امه :-مبروك يمه مبروك
"الله يبارك فيك"
حس سعود بقلبه يرقص بصدره وماذكر الا ابوه ودق عليه
كان الوقت طلعه الشمس ..يعني بحدود 6 الصبح
ابوه الي صووته نوم :-نعم
سعود بفرحه ماتنوصف :-يبه ابشرك جاني ولد
ابوه طار النوم منه :-هاااااااااااااااااه
سعود بحماس :-ههههههههه صرت ابو
ابوه :-مبرووووووووووووك احلى خبر سمعته بحياتي انتم وينكم انا جاي
سعود :-لا يبه لاتجي ممنوعه الزياره انا وامي راجعين بعد شوي
ابوه :-طيب أجل بشر عمانك لاتنسى
سعود :-افاااااااا عليك يبو سعود لا تشيل هم بدون ماتقول
..طلعوا الماس غرفه التنويم وماقدر سعود يشوفها لأن الوقت مو وقت زياره ..
راح وخلص توقيع الاوراق وسما ولده ناصر على اسم ابوه
رجع سعود امه للبيت ونام ساعتين وقام وطياري على المستشفى ..
الحمد لله كانت ولادتها طبيعيه ومو متعبه ..
دخل الغرفه وبيده اكبر باقه ورد
قال بحب :-الحمد لله على السلامه
ابتسمت بتعب :-الله يسلمك
كملت :-شفت نصوري
سعود مكشر :-لا لسى
بوزت :-ليه
ابتسم :-انتي اهم يالغاليه وهو بخير مابه الا العافيه
ثواني الا كل العيله داخله عليهم ...
وضاعوا في طوشة المباركات والتهنيه..
دقت دانه عليها اول ماسمعت بالخبر :-ألف مبروووووك يم ناصر
الماس :-هههههههههههههه احلى اسم الله يبارك فيك عقبالك لاقمتي سالمه
دانه بكآبه :-ان شاء الله ، يالله غلاي انا بسكر
الماس بابتسامه:-طيب حبيبتي برجع لاراحوا الزوار وادق عليك
دانه :-طيب
وسكرت الجوال من اختها ....
*
*
>>>>>بيت ابو خالد
صار لالماس اسبوعين من يوم ماولدت .. والناس طالعين داخلين ..
قالت منال وهي تشيل ناصر الصغنون بين يدينها :-يالبى قلبووو
سعاد :-اوووف ذبحتيه تبويس
منال :-غيرانه
سعاد :-منك وع والله لو احمد عشان اغير
منال :-ههههههههههههه ياعيني ع الحب
الماس:-ههههههههههههههههه وجهك ولع سعوده
عصبت سعاد :-يعني حرام الوحده تحب رجلها
الماس :-لا مو حرام
قالت ام سعود :-بنات خلاص تعبتن الماس
سعاد وهي تغمز :-بدت حركات الجدات
البنات :-ههههههههههههههه
ام سعود :-سعوده
سعاد :-طيب طيب
الا جوالها يدق ... حبيبي-------<<<يتصل
سعاد بحب :-هلا
احمد :-هلا قلبو شتسوين
سعاد :-ههههههه اناظر في ولد اخوي
احمد :-هههههه طيب جيبيه لنا مافيه اغراب ماغير انا وسعود
سعاد :-يالله جايه
امها :-وين؟
سعاد :-باخذ نصوري وبروح للمجلس
امها :-انتبهي على راسه سنديه زين
سعاد :-ههههههههه طيب يمه قالولك اول مره اشيل بيبي بحياتي
امها من قلب :-الله يرزقك يمه واشوفك شايلتن ولدك
سعاد بابتسامه :-يمه اعلمك من الحين انا موقفه الحمل حتى يعدي على الاقل 6 شهور
عصبت امها :-ليه يمه انتي ماعادك بصغيره
سعاد :-غصب يمه مو بكيفي
ودق جوالها.. لينه سعود شكله معصب عشانها تاخرت عليه
خذت نصوري الصغير ونزلت ..
قالت ام سعود تكلم ام خالد :-بنات هالزمن شفتي يا وخيتي تقول بتأجل الحمل وش هالخرابيط
ام خالد :-تعرفين تفكير هالجيل
قاطعتهم الماس :-يمه ان حمل عقب تسقيطها مباشره خلاص ماراح يثبت لها حمل ابد
ام خالد :-فالك ماقبلناه
الماس :-يمه هذا مو كلامي هذا شي معروف
ام سعود :-كلها خرابيط حنا منول نسقط ونحمل عادي ومايصير شي
الماس :-يمه منول غير والحين غير ..
جت قمر بسرعه ..
ام خالد :-شفيك يامال الرجه
قمر :-ام...ام هاني جت ..
وقفت ام خالد عشان تستقبل جارتها الي جت تقهوي الماس وتبارك لها
طلعت منال وقمر عقب ماسلموا لأنهم مايحبون جمعات الحريم ..
طلعت قمر غرفتها وسمعت جوالها يدق ركضت قبل لايفصل..
حبيب القلب------->>>يتصل
انهبلت منال :-مجنونه انتي شفيك
قالت وهي تتنفس بسرعه وقلبها يرجف :-الووووو هلا سلطان وينك اسبوع ما اسمع صوتك
سلطان :-هههههههههه شوي شوي
قمر دمعت عيونها :-فيك شي تحس بشي
سلطان :-لا انا بخير قمر فيه شي صاير شي
طبعا سلطان مادري عن كل المصايب الي صارت بالعايله من حادث احمد وسعاد لوفاة راكان وهذي اوامر الشياب للكل عشان يكمل دراسته لأنه لو درى ترك الدراسه ورجع ..
قمر بابتسامه :-لا بخير بس خفت عليك
سلطان (يستهبل) :-تحبيني
قمر حمر وجهها فهمتها منال وطلعت واصلا سلطان مكلم ابوها وامها الظهر والحين هم عصر ...
مادرت قمر عن طلعت منال .. بس من تسمع صوته تنسى عمرها ونفسها ..
قمر بهمس :-امووووت فيك
انهبل سلطان :-اااه ياقلبي لو بيدي جيت وتزوجنا
قمر :-هههههه لاتنسى ترانا متزوجين
سلطان :-ههههههه اقصد نسوي زواج ونسكت الشيبان
حمر وجهها ..
سلطان :-تعالي شخبار نصور الصغير
قمر بحب :-يهههههههههههبل
سلطان :-ههههههههههههه متحمسه
قمر :-من يلومني اول مره اصير خاله
سلطان :-عاد الي يسمعك يقول من كثر عيال اخواني ترى ذي اول مره اصير فيها عم
قمر بدلع :-طيب لاتعصب
سلطان بجد :-والله مليت من الغربه واشتقت لكم
دمعت قمر:-هانت يالغلا هانت
سلطان :-الله كريم ..
ناظر في ساعته لقاها الفجر ...
سلطان :-طيب قمر ليلي انا فيني نوم عندي محاضرات بدري
قمر :-انتبه على نفسك
ابتسم :-وانتي بعد يالله باي
قمر :-سلام
*
*
>>>>>>بالمجلس
اخذ سعود نصور من سعاد وقال لاحمد :-بالله مو يهبل
كانت عيون احمد معلقه بسعاد :-ايه يهبل ونص
استانس سعود .. وسعاد ولع وجهها لأنه يقصدها هي مايقصد ولده
سعود في عالم ثاني .. وهو يحب ولده ويضمه لصدره ياسلام قد ايش احساس الابوه ماينوصف..
قال لاحمد :-ماودك تعطيه بوسه
احمد متقصد سعاد :-الا ودي ونص بس انت هنا
سعود ماكان مستوعب وضايع مع ولده الصغنون :-عادي موب قايل شي
سعاد شبت ضوء من نظرات احمد
حس سعود بشي غلط ولأنه يعرف حركات ولد عمه التفت وشاف عيونه بعيون سعاد ..
حذفه سعود بمفتاحه..
ضحك احمد :-ههههههههههه شفيك انت
سعود مسوي معصب
الحين متحمس واحسبك تتكلم عن ولدي اثرك مو يمي
احمد :-هههههههههههههههه
التفت يم سعاد :-وانتي مايكفي انه ما يجي جمعات الشباب ولازق لك بالبيت
ولع وجه سعاد وقالت بدلع :-كيفي حره
عصب سعود (يستهبل) :-قوموا حوم الله كبودكم الشرهه على اللي جالس معكم
احمد بيحرق دمه :-عادي تبي تقوم مسوي والله خير
سعود :-ههههههههههههه الله لايبلانا بس
سعاد :-اسمعوا من يتكلم
احمد :-ههههههههههههه صدقتي
سعود ببراءه :-انا شفيني والله اني اعقلكم
سعاد وهي تغمز له :-بالله
احمد :-هههههههههههه انت اصلا قيس بن ناصر
سعود :-ههههههههههههههه واللهـ انكم فاضيين
*
*
&
( الجزء الثاني )
ضمت صورته لقلبها ..
وهي تفكر مو معقول انه مر على وفاته خمس شهور ...
ناظرت في بطنها المنتفخ بزياده ...كانت حامل في شهرها السادس..لا وحامل بتوأم بعد ..كان هالخبر الفرحه الوحيده الي تجلت في اركان هالبيت ..
سالت دموعها غصب .. ومن يوم ما مات للآن ودموعها ماوقفت وكلما لها تزيد..
الشوق لشوفه يذبحها .. حملها منه وعيالها الي في بطنها يضعفونها ويحزنونها ,,,
حست بحركه في بطنها ..وقالت وهي تمسح دموعها ..:-تيتموا يمه قبل لا تنولدون ..
مسكتها هنادي من ورى والي مافارقتها من بعد الحادث :-دانه شقلنا
دانه وهي تجلس بصعوبه :-انتهت حياتي بموت راكان ياهنادي انتهت
مسكت هنادي نفسها لاتصيح دانه موناقصه :-دانه حبيبتي الله يرحمه وانتي ماقصرتي بنيتي له مسجد وقف خيري بينفعه ليوم الدين
دانه بحزن :-آآآآآآآآآه لو بيدي اسوي اكثر ماقصرت ..
سمعوا صوت الماس تحت ضحكت هنادي :-هذي الماس وناصر الصغنون اكيد وصلوا ..
تموت دانه في ولد الماس الي عمره الآن قرابه خمس شهور :-يالبى قلبه والله سعود مصغر
هنادي وماصدقت وجه دانه يلين وتبتسم :-هههههههه ايه نسخه سبحان الله
قالت الماس تقاطعهم :-اكيد تحشون في ولدي
هنادي :-هههههههههه انتي وهالولد غثيتينا ترى
واخذته من الماس :-ياقلببببببببب عمتوه والله
الماس :-ههههههههه لاتشققين ... كيف دندون ...؟
ابتسمت دانه :-بخير
الماس :-كيف الشله الي ببطنك
رق وجه دانه واكتساه الحنان :-هههههه مسوين ازعاج فديتهم
الماس :-يازينهم ماعرفتي جنسهم
دانه :-لا ما احب.. مفاجأه احسن
هنادي :-تكفين انتي عارفه عارفه عاجلا احسن من آجلا
دانه :-طيب يوم انك متحمسه ورى ما ترحمين هالضعيف وتسوون عرسكم
عصبت هنادي :-مابقي الا هي ما راح اعرس الا لاطلعتي من العده
اظلم وجه دانه وحزنت ...
من بعد ماكانوا الناس يقولون حبيبة راكان ؟
صرت الحين ارملة راكان !
من كم شهر ودانه تحاول تقنع هنادي وهنادي معنده وماتبي تتزوج الا بعد عدة دانه ..
جلسوا البنات سوى يتقهوون .. كانت دانه متضايقه وباين هالشي على وجهها
قالت الماس :-دانه شفيك
ناظرت دانه في هنادي ودمعت عيونها ، انتبهت الماس لنظرات البنات وخافت :-بنات شفيه
قالت دانه بحزن :-بدت المشاكل يا الماس امس زارني ابوي ولمح لي انه عقب العده لازم ارجع بيته
انصدمـت الماس كيف نست هالنقطه المهمه مره ..
دمعت دانه :-مايكفي انحرمت منه بيحرموني من امهاتي من بيتي الي عشت فيه احلى ايام عمري
نزلت دموع هنادي الي صارت حساسه مره نظرا لأنها ماتفارق دانه أبد من عقب وفاة راكان وكانت معها خطوه بخطوه في كل دمعه في كل تنهيد وفي كل شهقة ألم ..
دمعت الماس وقالت بعقلانيه :-دانه المفروض تعرفين هالشي مستحيل ابوي يسمح لك تعيشين بعيد عنه .
انهبلت دانه وانفعلت :- مو غصب.. مستحيل اترك بيتي
انهبلت هنادي :- دانه طلبتك هدي عمرك الانفعال مو زين انتي حامل
جلست دانه تبكي حالتها النفسيه ماتساعد زياده على حملها المتعب ...
ضمتها الماس :-خلاص دندون انتي الحين فكري بعيالك وخلي هالموضوع بعدين
دانه كانت للآن منهاره صرخت :-مايكفي انهم حاولوا ياخذون ملابسه واغراضه بدون اذني بغيت اموت بسببهم
قالت هنادي تهديها :-بس ما اخذوها واغراضه زي ماهي خلاص ياربي لا تجيبين لنفسك المرض
هدت دانه عقب محاضره هنادي ..
تذكرت الماس :- ماعلمتكم
هنادي :-ايش ؟
الماس بحماس :- رنوووووووو ولدت
البنات :-لاااااااااااااااااااااا
الماس :-هههههههههههههه والله تو فهد مكلم سعود يبشره
هنادي :-ياشينك ورى ماقلتي لنا
الماس :-نسيت ..
دانه :-شجابت ؟
الماس :-بنت
هنادي تموت على البنات :-ياقلبببببببببببببببي
دانه بحنان :-ياقلبي سموها طيب
الماس :-مدري للآن محتارين
دانه :-طيب شخبار رنو ؟
الماس :-يقول فهد ان ولادتها طبيعيه وانها بخير وعافيه
هنادي :-ياززززززينها رنوي من يصدق ..
دانه بابتسامه :-أي والله ياحليلها
هنادي :-يااااااااااااااي وناسه متى بس تجي عشان ألزق لها
الماس :-لا ماراح تجي
انهبلن البنات ..
دانه باستغراب :-شلون ماراح تجي ؟
الماس :- مدري فهد يقول انها ماتبي تجي تبي تجلس بالشرقيه
هنادي بقرف :-من يلومها وعندها ام زي وضيح
الماس :-استغفري ربك الحرمه يقولون نفسيتها دمار
هنادي :-من هالحال واردى
دانه بتكشيره :-قهر ليتها تجي بس يالله رجلها اريح لها (وبلعت غصتها(
انتبهوا البنات لملامحها .. وغيروا السالفه ...
*
*
*
*
>>>>> بالشرقيهـ
بالمستشفى اليوم الثاني ×××
قال فهد لرنا :-هاه ياقلبي وش نسميها
رنا بابتسامه :-مدري..
فهد يفكر:-شرايك نسميها فرح
رنا :-حلو الاسم .
فهد بابتسامه :-عشان تكون حياتنا كلها فرح بفرح
رنا :-ههههههه ان شاء الله
قام فهد :-خلاص قلبي جهزي نفسك وانا بروح اكتب شهادة ميلادها
رنا :-انا جاهزه
فهد :-اوكي دقايق وارجع
رنا وهي تضم بنتها لصدرها ..:-زين قلبو
وطلع فهد زين الاوراق وشهادة ميلاد فرح ورجع وطلع رنا من المستشفى
×
اليوم الثاني//
دق جرس بيتهم ... نزل بنته فروحه وراح يفتح الباب ... انصدم لأنه اهله جاين يشوفون رنا وبنتها ويتطمنون عليها .
فهد يصارخ :-وش هالمفاجأه الحلوه
ابوه :-تتغلون علينا قلنا نجي
فهد :-حياكم ياهلا وغلا انورت الشرقيه ..
امه :-هلا يمه وين فرح
فهد :-ههههههههههه افاااااااا يمه نسيتينا وماصار يهمك الا فرح
امه :-ههههههه هذي حفيدتي
فهد بتكشيره :-حسبت ولد سعود ماخذ عنا الغلا
منال تقاطعهم :-ياهووووووووووه نحن هنا
فهد :-ههههههههههههههه يوه نسيت اهلين منول
سلمت عليه :-ههههههههههه صرت ابو خلاص
فهد :-ههههههههههه شفتي عاد
ودخلوا داخل ...
استانست رنو بزيارتهم ..
قالت ام سعود :-يمه وش هالأكل الي تآكلينه مايصلح لمره تو والده كلي أكل مغذي (وناظرت في فهد) وراك ماتهتم لأكل زوجتك وصحتها
فهد :-والله هذا هي قدامك يمه ماتشتهي الأكل وان تكرمت وجت بتآكل يا كودو يا بيتزا
توعدته رنا وجلس يضحك :-ههههههههه يمه شوفيها تتوعدني
ام سعود :-ثنيناتكم يبيلكم سنع اصلا انا ناويه اجلس عندكم اسبوعين
استانست رنا :-من جد عمه
ام سعود :-أجل اتركك تموتين من الجوع وانتي نفسا
يمكن تكون رنا انحرمت من حنان الام .. لكن فهد واهله ملوا عليها حياتي ..صحيح محدن يعوض عن حنان امها الحقيقي لكن من الي يحصل له ويلقى بديل لها الحنان .. الي قدم لها بدافع الحب من ناس يغلونها غلا خالص..
طلع ابو سعود خمس الآف وحطها بملابس البنوته
قالت رنا :-ماله داعي عمي جيتك عندنا بالدنيا
ابتسم عمها وقال :-هذي مو لك هذي لفرح
قال فهد يستهبل :- رنو عطيني فروح مدري ليش زاد حبها هاللحظه
رنا فهمت قصده خذت الفلوس وحطتها بمهد فرح وعطتها ابوها ..
فهد يعنني معصب :-ماعاد ابيها خليها عندك
الكل :-ههههههههههههههههه
منال :-تعيش وتآكل غيرها
فهد :-هاها تضحكين ..
انتبه :-الا وين هنادي ورى ماجت معكم ؟
ابوه بكآبه :-تعرف هنادي ماتفارق دانه أبد وجالسه عندها ..
فهد بحزن على حال بنت عمه :-الا شخبارها .
امه :-الله يكون بعونها الي مر عليها مو سهل
فهد :-والله من يلومها خسارتها مو بسيطه
ابوه :-الله يعوضها خير ..
قالت ام سعود بقوه وهي حاسه بشي في روس الشياب :-بعيالها ..
ابو سعود ما سمع زين :-ايش
ام سعود :-اقول العوض بعيالها
سكت ابو سعود مارد وهذا شي أكد ظنون ام سعود ..
ناظر فهد في رنا وحسوا بأناّ في الموضوع لكنهم سكتوا ..
وبدال ماتقضي ام سعود عندهم اسبوعين قضت شهر كامل..
لأنها تعلقت في بنت ولدها .. وعشان بعد تهتم في رنا ..
*
*
*
*
>>>>>بيت راكان
الساعه 9 الصبح..
صحت دانه من نومها متألمه ..تحس بتقلصات فظيعه في بطنها ..
من القهر ان هنادي رجعت البارح بيت ابوها عشان تجيب لها اغراض..
تلوت من الألم ... وحالتها حاله..
طبعا ماعندها احد من اهلها بالبيت لأن امها الساعه سبع رجعت لأن ابوها مريض شوي وبتشوفه وعلى اساس الظهر او العصر بالكثير ترجع ..
صرخت صرخه مخنوقه وهي تحس بالاوجاع تزيد..
اخذت جوالها ودقت على جوال ام راكان الي ولحسن الحظ ماغيرت نظام نومها..
ام راكان :-هلا يمه
دانه بصراخ :-لحقيني يمه موت
رمت ام راكان الجوال وشافتها مريم :-خيررررررررررر
ام راكان وهي ترقا الدرج :-دانه تعبانه مره
وطلعن بسرعه ..
دخلن الغرفه كانت دانه واقفه والآلآم تزيد عليها سندت وجهها للجدار من الألم..
ام راكان وهي تمسكها :-يمه شفيك
صرخه بألم :-شكلي بولد
انهبلت الخاله مريم وناظرت في ام راكان كيف تولد وهي بالشهر السابع ..
ماقدرت تتحمل اكثر وطلبن امهات راكان السواق يجهز السياره ..
بقدرة قادر قدرن ينزلنها تحت ويطيرن للمستشفى ..
*
*
>>>>>>>>> بالمستشفى
دخلت دانه على طول غرفه العمليات ..
طلع لهن الطبيب وقال :-اظن لازم عمليه قيصريه وين زوجها
دمعت امه لكن الايمان كان سلواها الشهور الي فاتت :-زوجها متوفي
الطبيب :-طيب لازم احد يوقع على الاوراق لأننا ان ماقدرنا نولدها طبيعي بنسوي عمليه
ام راكان :-ياولدي اهم شي صحه بنتنا اذا تبيني اوقع ماعندي مانع
الطبيب :-لازم ولي امرها لكن بما ان زوجها متوفي ممكن ناخذ توقيعها هي
ام راكان بخوف :-سو الي تبي يمه بس لا اوصيك عليها
الطبيب :-لا توصين ذا واجبي
وراح...
قالت ام راكان :-الله يسهل عليها
الخاله مريم وهي تمسح دموعها :-ناقصه شقا وعمليات توها صغيره
ام راكان قلبها كان يتقطع :- الله معها ادعي لها
الخاله مريم وهي تمسح دموعها الي ماوقفت :-يارب سهل عليها يارب
ام راكان :-اللهم امين
طلعت ام راكان جوالها ودقت على ام خالد
ام خالد :-هلا ام راكان
ام راكان :-ام خالد حنا بمستشفى (-----) دانه تولد
انهبلت ام خالد :-توها بالسابع
ام راكان :-لا تخافين الطبيب طمنا
ام خالد قلبها ولع على بنتها :-انا جااااايه
ام راكان :-زين
كانت دانه بين الحيا والموت والآلآم تزيد بقوه .. مسكت اطراف غطا السرير من قو الي تحس فيه ...
بــــــــــــــــآخر مكان من الكره الارضيه---------->
كل رجفه رجفتها دانه تقابلها رجفه..كل ضيقه ضاقت بها دانه تقابلها ضيقه.. وكل ألم تحس به دانه يقابله ألم ..!!
من بين دموعها همست اسمه ..راكـــــــــان...
كانت قويه وقوتها اثارت اعجاب كل الفريق الطبي الي حولها ..
وتعوض تعبها وصبرها ودموعها ... على صرخة اول طفل لها
قالت الممرضه :-مبرووك ولد
ضحكت وهي تبكي... وعلى انقباضه ثانيه ... ومعاناه ثانيه .. انولد ثاني طفل لها
الممرضه :-مبرووك ولد
ضمت عيالها لصدرها وهي تبكي .. ماتدري هي تبكي من فرحتها .. ولا من حزنها في اسعد لحظات حياتها ..
بعد نص ساعه طلعت غرفتها ..
دخلن امهاتها عليها :-مبروووووووووووك
ابتسمت وهي تمسح دموعها عن عيون الكل :-الله يبارك فيكم
امها وهي تبكي :-بسم الله عليك يمه
دانه بتعب :-الحمد لله من شفت عيالي راح كل التعب
مريم :-سلامتك يمه والله عشنا رعب مو طبيعي
ابتسمت دانه :-الله يسلمك يمه
ام خالد :-هاه يمه وش بتسمينهم
دانه بدموع تحاول تكبتها :-فيصل ومحمد
سكتت امها شوي وقالت :-طيب سمي واحد راكان
عندت وهي تحاول تتجاهل ألم قلبها :-راكان بالنسبه لي حي مامات وعيالي بسميهم مثل ماكان بيسميهم لو كان موجود
ماقدرت ام راكان تتحمل وبكت
ضمتها دانه :-لاااااااا يمه كلش ولا دموعك والله ما مصبرني الا قوتك اذا تبين اسميهم غير آمري
ام راكان وهي تتمالك نفسها :-لا يمه انتي ماقصرتي ربي اخذ راكان وعطاني بنت بداله والحين ولدين من ريحته
ضمتها دانه وانهارت بالبكا,,,
عقب ماهدت
تثاوبت من التعب ..
وتركنها امهاتها تنام ...
راحن للحضانه يشوفن العيــــــــــال ..
طمنهن الطبيب عليهم بس لازم يبقون بالحضانه شهر لأنهم مولودين قبل موعدهم بفتره ..
اخترعت ام راكان لكن ام خالد هدتها وقالت لها انه عادي هالشي
*
*
بعد يومين طلعت دانه من المستشفى .. وقلبها يتقطع لأن عيالها بعيد عنها لكنها تزورهم كل يوم ..
قالت هنادي بحماس :-ياقلبببببببببببي بيطلعون حبايبي اليوم
دانه :-ههههههههههه ايه بيطلعون بروح اجيبهم عقب العصر
هنادي :-طيب خلاص غرفتهم جهزت
دانه وهي ترفع عيونها فوق :-هههههههه ايه جاهزه والله انك ازعاج
عقب ولادتها عيالها فيصل ومحمد دخل النور لحياتها ونوعا ما.. رجعت دانه الاوليه .. صحيح ان موت راكان اخذ منها الي اخذ لكنها صارت قويه عشان عيالها وعشان امهات راكان الي بحاجه لها ..
اخذت دانه شاور عشان تتغدى وتروح تجيب عيالها من المستشفى
طلعت من الحمام ولبست وكشخت ..
كنها سمعت صوت بغرفه عيالها الي جنب غرفتها..
رمت فرشاه شعرها وركضت مثل المجنونه للغرفه .. شافتهم فيها وبغى يجيها انهيار من الفرحه
كانت مفاجأه من امها ومن خواتها وبنات عمها وام سعود ..
انهبلت وضمتهم لصدرها وهي تبكي ..
ام راكان :-خلاص يمه حنا نبي نفرح مانحزن
افـــــــــــرح .. ويني ووين الفرح وانا دنياي منهاره !
مسحت دموعها لازم تتماسك ان ماكان عشانها عشان الي حولها ..
والاهم عشان ام راكان الي فقدت وحيدها والي مافيه زي مصابها بهالكون مصاب..
قاطعهم جوال هنادي وهو يدق ... طلعت برى تكلم وبقوا بغرفة عيال راكان ..
بعد خمس دقايق رجعت هنادي ..
هنادي :-دانه
التفتت دانه لجهتها :-نعم
هنادي :-بغيتك برى شوي
طلعت دانه ...ودخلت غرفتها مع هنادي
دانه :-خير
هنادي :-محمد يبي يكلمك
دانه وهي تعقد حواجبها :-فيه شي
هنادي :-اظنه عشان الشغل
بدا راس دانه يعورها مايكفي شهور الهم الي عاشتها وهي حامل والي زود على حزنها ومصيبتها ماتركوهم عمان راكان يتهنون من كثر الشكاوي والقضايا بالمحاكم يجي عاد الشغل وهمه ..
دق الجوال وخذته دانه :-نعم
محمد :-االسلام عليكم يم فيصل
دانه :-وعليكم السلام
دخل محمد في الموضوع طوالي ... وجلس يشرح لها بما انها شريكته لازم ياخذ رايها في كل شي ويكون أي قرار مشترك ..
قاطعته دانه :-اسمع اخوي
محمد :-سمي
دانه :-انت قبل لا تكون شريك بالشركه انت اخو راكان وانا واثقه فيك كل الثقه أي اوراق تحتاج لتوقيعي ارسلها على فاكس العمل الي حاطه راكان (وغصة بعبرتها) في البيت
محمد :-مايصير انتي مالكه زيك زيي
دانه بهدوء :-خلاص انا اتخذت قراري وماراح اغير رايي
ماقدر محمد الا يستسلم لقرارها ولو انه مو معجبه بس الشكوى لله عنيده مثل........... ومسك نفسه لا يرجع يحزن
قالت هنادي لدانه :-دانه هذا حلالك وحلال عيالك ..
مشت دانه لصورة راكان الي جنب سريرها .. وقالت وهي تحاول تخلي صوتها عادي عشان ماتكتشف هنادي انها تبكي ..:-هذا مو كلامي كلام راكان دايم
لما تجي سيرة راكان تسكت هنادي .. وماتكمل الكلام مع دانه لأنها مو ناقصه انهيارات يكفي انها انهارت عليهم مرتين ..
دخلت الماس وفيصل معها ودخلت سعاد ومحمد معها
سعاد :-تعالي شوفي عيالك شفيهم بس يبكون
دانه :-هههههههههه هاتيهم
جلست على سريرها وجابت رضعاتهم ترضعهم ..
قالت سعاد بغباء :-يووووه جوعانين
الماس تستهبل :-من جد انتي ذكيه
سعاد وهي ماده بوزها :-قالوا لك عيالي عشره
البنات :-ههههههههههههههههههه
اخذت هنادي فيصل ترضعه ..
وخلته بحضنها لين نام ..
ناظرت دانه في وجيه عيالها بحنيه وقالت بحسره وشوق :-سبحان الله ما خذوا مني غير لون العيون والباقي زي ابوهم
تأثرن البنات..الي طلعت تسمح دموعها برى والي مسكت نفسها
كانت دانه سرحانه في احلامها عالمها الحلو الي كله ذكريات راكان ..
دق جوال سعاد وكانت النغمه ...
------>>>يادانه بعين بحارك ..ترى الاحساس ربانك ..وانا ربان هالمركب
طوتني رحلتي عندك وحطيت الأمل عندك ..بس الموج مايساعد
ولا الاقدار بتساعد ..واذا الخطوه قربت او هدت احس انها ..قريبه قريبه ويمك تباعد
فلتت شهقتها منها غصب ونزت دموعها بقوه سكرت سعاد جوالها ..
قالت بخوف :-دانه بسم الله عليك شفيه
لكن دانه وكالعاده بحضن هنادي ..
دق الجوال مره ثانيه وزاد بكاها ..
وفي وقت ثاني وشعور ثاني ومع شخص ثاني [ يادانه بعين راكانك .. ترى الاحساس ربانك]
انتبهت هنادي متأخره لنغمة جوال سعاد ...
اشرت لها هنادي تسكر الجوال وسكرته انتبهت سعاد وسكرته بقهر لأن مو قصدها تزيد على دانه معاناتها ...
مسحت دانه دموعها بسرعه وتماسكت خلاص ماهي بمراهقه ولاهي مالكة نفسها عشان تحزن على راكان براحتها لا .. هي ام وعندها ولدين يبون عنايتها ويبوونها تأمن مستقبلهم ...كانت ذي وظيفة ابوهم لكن ابوهم وراح .. ومابقي الا هي تشوف مصالحهم
سكتوا البنات ومشوا السالفه لأنها مؤلمه بما فيه الكفايه والكلام فيها مايخفف يزيد..
زينت الغطا على عيالها وعدلت المخاد على اطراف السرير احتياط عشان مايطيحون صحيح انهم صغار لكنها تخاف عليهم مره.
×
×
×
>>>بيت ابو خالد
>>>>بالمجلس
قال ابو خالد :-البنت ذي مدري وش بسوي معها
ابو سعود :-خير شفيه
ابو خالد :-سكنها بلحالها ماهو معجبني
ابو سعود :-معك حق يبو خالد
ابو خالد بهم :-مدري وش السواة البنت الي مر عليها ماهو بشوي ولا ودي اضغط عليها
رحمها عمها :-والله مشكله بس مانقدر نترك بنتنا بعيد عنا
ابو خالد :-اليوم بروح اجيبها مقدر اتحمل بعدها عني شايل همها والليل مقدر انامه
ابو سعود :-الله يكون بالعون
السالفه ذي مضايقه ابو خالد من يوم ماتوفى راكان عشان كذا حب يغير السالفه لموضوع هنادي ومحمد لأن موضوع دانه ماله حل الا انها ترجع بيته مره ثانيه ...
آه يابنتي مالك نصيب أبدا ,,
ابو خالد :- يبو سعود الرجال عزوبي الحين وماعنده ببيته حرمه صحيح كلنا محازين على موت راكان لكن الشكوى لله الحياه ماتوقف راحوا قبله اهلنا وجداننا ..
ابو سعود :-البنت راسها يابس وتقول مابي عرس الا عقب ما تطلع دانه من العده
ابو خالد :-مالها عذر الحين دانه ولها ثلاث شهور طالعه من العده بيض وجهنا مع الرجال يبو سعود
ابو سعود :-لاتوصي يبو خالد
ابو خالد :-هذا هو العشم يبو سعود
×
×
بعد ماراح ابو سعود...
قال ابو خالد لزوجته :-جسيتي نبض دانه
ام خالد بزعل :-ايه
ابو خالد :-طيب
ام خالد والدمعه بتفر من عينها :-أي طيب
ابو خالد بعصبيه :-شفيك ياحرمه
ام خالد بقهر :-تبي تاخذ البنت من بيت ابو عيالها
ابو خالد :-ابو عيالها مات
ام خالد :-يارجال حرام عليك البنت قلبها نار للحين
ابو خالد بعصبيه :-ماللحريم هنا هرجه
قاطعته :-بس فكر في ام راكان راح ولدها منها والحين بتاخذ عياله حرام
انقبض قلبه لكنه قساه :-أجل نخلي بنتنا عرضنا بعيد عنا لا يم خالد ماتوقعتها منك
سكتت ام خالد وماقالت شي ..
ابو خالد :-ماقلتيلي ماجسيتي نبضها
ام خالد بدموع :-الا جسيته والبنت اخاف عليها من الانهيار مو ناقصه
ابو خالد تورط .. مايدري كيف بيعالج هالموضوع مع دانه لكن المهم ان الحال مو معجبه أبد
×
*
×
*

(الجزء الثالث)
>>>>>بيت راكان
دخلت الخاله مريم على دانه وهي بغرفتها سرحانه ..
مريم :-يمه
التفتت دانه :-هلا يمه
مريم :-يمه الساعه 5 وانتي ما تجهزتي للزواج
ابتسمت من ورى قلبها :-ما انتبهت للوقت
جلست الخاله مريم جنبها وقالت بحنيه :-يمه راكان مات ومتنا معه لكن الحياه تستمر واليوم زواج اختك وبنت عمك هنادي ماهي حلوه ما تروحين لها بدري يكفي انك مارحتي معها على الاقل الحقيها بالمشغل البنت ماقصرت
دانه بحزن :-عارفه يمه وااااااااه لو تعرفين وش كثر مالي خلق لا لفرح ولا طق واغاني
مريم وهي تمسح دموعها :-عارفه يمه عارفه بس لأجل عين تكرم مدينه
دانه بصوت مبحوح :-معك حق
مريم :-اجل قومي وخذي فستانك الي دافعه فيه شي وشويات والحقيها المشغل
ابتسمت دانه وهي تحب راس ام راكان ..:-تآمرين
جمعت اغراضها ...
ولبست عيالها وراحت للمشغل ....
>
<
>
>>>في المشغل
كانت هنادي ناقصة فرح لأن دانه مو فرحانه ..
قالت سعاد وهي تشوف هنادي سرحانه :-هاااااااااه عروستنا وين سرحانه
التفتت هنادي لها :-هااااااا معك
الماس تستهبل :-امحق شكلها سرحانه في حبيب لقلب
سعاد :-ههههههه وش مستعجله عليه الليله بتشوفه وتمل منه
ولع وجه هنادي ...
الماس وسعاد :-هههههههههههههههههههه
هنادي كانت متضايقه وفرحانه وخايفه يعني مجموعه احاسيس متضاربه ..
هنادي :-هاها ها تضحكون
شوي الا دانه داخله عليهم ومعها عيالها ..
صرخت هنااادي :-دااااااااااااااااااااااااااااا ااااااانه
حاولت تتناسى حزنها الي يتجلا في كل لحظة فــــــــــرح ..
دانه بابتسامه حلوه :-هااااااااااااااااااااااااااي
هنادي دمعت :-ماتوقعتك تجين
دانه :-اذا ماجيت لك اجي لمن
هنادي وهي تضمها :-الله لا يحرمني منك..
والتفتت لعيال دانه النايمين :-يادلببببببببببببببببي
البنات :-ههههههههههههههههههه
دانه :-هنوده اتركيهم توني منيمتهم ..
وسحبتها عشان تتجهز لأن الوقت تأخر ..
/
/
/
بقااااااااااااااااااااعة الزواج <<<
بغرفه العروس كانت هنادي لابسه وخالصه . .فستانها ابيض ونافش ذيله طويل مره والطرحه خليجيه كانت رافعه شعرها شنيون روعه ومسويه مكياج يخبل يستاهل الكم ألف الي دفعتها عليه ومعها مسكه زي الفراشه كلها كريستال
دانه :هنوده اهجدي خليني اعرف اعطرك
هنادي بارتباك :-دندون قلبي يرجف رجف مو صاحي
دانه بعفويه:-ههههههههههه عادي يا بنت الحلال انا يوم شفت راكان ......................
وماتت الضحكه ..
تداركت نفسها وكملت عشان ماتضيق خلق هنادي :-اول ماشفت ابو فيصل رجف قلبي خوف لكن عقبها صار دنيتي ونور حياتي
دمعت هنادي , قالت دانه بسرعه :-هييييييييييييييييه نبي نفرح مانبي صياح
هنادي من قلب :-ااااااااااخ يا دانه الله يكون بعونك
دانه تجزرها الغصه جزر :-ربك كريم
ودخلن البنات وضاعت الدموع قبل لا تنزل ..
/
جلست دانه مع البنات بعد ما انزفت هنادي ..ينتظرن دخله محمد ...
الزغاريد..الاغاني... الضحك .. والاماني
ضاعت بضياع راكان ...
كم مره ومره تمسح دموعها بالخفا عشان محد ينتبه .. كانت متألقه وجمالها ماينوصف شعرها طال .. ملامحها احلوت زياده ..كانت لابسه فستان ليموني ملفت للانتباه ..صحيح انها مارقصت ولا كثرت من حركتها بالصاله الا انها تلفت الانتباه غصب..
آآآآآآآآآه ياكوووونـــــي..
رحــــــلت عنـــــــــــي ..
وســــــــرقت لي كونــــــــــي
حبيــــبي..وعيـــــــــوني
قلبــــــي
يمـــــــــــوت ويمـــــــــــوت ..
وبقبــــرك مدفونـــــــي
..
انتبهت دانه من سرحانها لأن الماس تحاكيها ..
دانه :-هاااااه
الماس بعصبيه :-دانه محمد بيدخل تغطي
تغطت دانه .. وتغطوا البنات ...
دخل محمد القاعه كاشخ..القلب فرحان لكن بزاويه بعيده منه فيه كسور والآااام ..
وين انت يارفيقي ..
وينك.. تكمل فرحتي ..
وين انت .. ياراحل ..
وين انت .. ياخوي ..
وينك ..
فرحي نقص..
وهمي كبر..
والصبر مامن صبر ..
اشوفها حبيبتي..
بعيون مليانه أمل..
بس وين الأمل..
مت ومات معك الأمل
قلبي انقبض..وصدري انطبق
اذكرك ؟.
واذكرك ..
بدمعا .. ملى عيني ونزل ..
×
جلس محمد جنب هنادي عقب ماسلم عليها وعقب التهاني والسلام واخذ الصور طلعوا من القاعهـ....
×
×
×
×
×
>>>>> جمعه الشياب ..
<<بيت ابو احمد
قال ابو احمد لابو خالد :-صحيح الخبر الي سمعناه
فهم ابو خالد ان الخبر انتشر في الجماعه كلهم :-ايه صح
ابو سعود :-أي خبر
ابو احمد :-تذكر ابو عبدالرحمن الي خطب سعاد
ابو سعود :-خطب سعاد
ابو احمد :-ذاك اليوم يوم خطبها احمد قدام الكل
ابو سعود :-اييييييييييه علامه
ابو احمد :-خطب امس دانه من فهد
ابو سعود :-هاااااااااه
طبعا دلة القهوه بغت تطيح من يد طلال على هالخبر الفجيعه..
ابو خالد :-ايه خطبها
ابو سعود مو مستوعب :-لمن ولده عبدالرحمن تزوج وولده فواز بعد تزوج
ابو احمد :-باقي سلمان ماتزوج للحين وتوه متخرج يعني فرصه ان ولد عزوبي يطلبها للزواج وهي ارمله ومعها ولدين
ابو خالد بضيق :-انا ما خلصت من سالفه سكنها عندنا تجيني هالسالفه
ابو سعود :-اذا الرجال دينه وخلقه زين زوجه حنا مو دايمين لعيالنا ..
ابو خالد :-ادري بس.. تموت ان فاتحتها بالموضوع ..
ابو سعود :-محدن يموت قبل يومه
ابو احمد :-صادق ابو سعود حنا مو دايمين لعيالنا
ابو خالد بتفكير :-لي تفاهم معها هالبنت راسها يابس تحسب رجلها حي للآن .. مايكفي الهمز واللمز بالمجالس يومنها ساكنه بعيد عني وعن عيني
ابو سعود :-قطع لسان من يتكلم عنها دانه شيخة البنات
ابو احمد :-وانا اشهـــــــــد
ابو خالد بقوه :-لو متكلمين جزرت رقابهم لكني الاحظ نظراتهم لي بالمجالس وانهم يتساءلون ليه للآن ما رجعت لي
طبعا طلال كان جالس متفرج .. ولا يقدر يتكلم ويتدخل لأن هالسوالف بين الشياب ..
استأذن بحجة انه بيجيب قهوه جديده ودق على اخوه ..
ناصر :-هلاااااااااا وغلااااااااااااا
طلال :-هلا نويصر شخبارك
ناصر :-بخير عساك الخير
طلال(يبي يشوف بيرجع ولا لا عشان لو بيرجع يعلمه وان مارجع ما راح يقوله ويموت من القهر هناك بسبة قلة الحيله او يهدم مستقبله ويترك وظيفته ويجي ) :-هاااااااا وش الاخبار ؟
ناصر بفرحـــــه :-الاخبار تهبل تخيل جاهم أمر نقلي للرياض وكلها يومين واكون هنا
طلال براحـه :-ألف ألف مبرووووووووووووووووك
ناصر بغصه :-الله يرحم راكان ويسكنه فسيح جناته لولا الله ثم واسطته مانقلت ولاحلمت بالنقل
طلال :-اللهم امين ......... ناصـر
حس ناصر بشي في لهجة اخوه :-نعم طلال فيك شي ..؟؟
طلال :-اسمع دانه ..........
فز قلب ناصر من مكانه :-شفيها دانه
طلال :-اووووووف خلني اكمل
ناصر :-طيب كمل
طلال :-دانه انخطبت
ناصر بصدمه :-ايش؟
طلال :-الي سمعته ؟
ناصر مذهول لاااااااااااااااااااا مو للمره الثانيه .. لااااااااااااااااااا مايبيها تضيع منه
ناصر بعصبيه :- من هذا الي امه داعيتن عليه..؟
هنا خاف طلال من المشاكل ...
صرخ ناصر :-من
طلال :-اهدا يارجال انت شفيك
ناصر :-ذي بنت عمي ومحدن ماخذها غيري
طلال :- أجل تلحلح وتعال امنع هالخطبه
ناصر بقهر :-انا برجع عقب يومين
طلال :-مايخالف لأن عمي متوهق معها بسالفه السكن والسالفه ذي بيأجلها فتره
ناصر بأامل :- من جدك
طلال :-ايه
ناصر بتصميم :-زين الوعد عقب يومين والله لا اقلبها فوق راس من يقرب لها
طلال :-هههههههههههه ياولد شكلك من جد تحبها
ناصر من قلب:-لدرجه تفوق الوصف
طلال يستهبل :-طيب يا روميو بن سبع سلام
ناصر :-ههههههههه سلام..
وراح طلال للمطبخ عشان يسوون قهوه ..
انهبل وهو يسمع صراخ دخل المطبخ لقى امه ماسكه الشغاله الاندونيسيه وتضربها ضرب مو طبيعي
صرخ طلال :-يمه شتسوين
كانت امه منفعله وحاطه حيلها بهالمسكينه :-أأدبها
انهبل طلال :-يمه ذي آدمي مو قطعة اثاث
امه بانفعال :-انت مالك خص اصلا الخدم ما يجون الا بالعين الحمرا
ماعطاها طلال وجه .. واخذ العصا منها ..تخبت الشغاله وراه وهي تصيح وتقول انها ماعاد تبي تجلس هنا وتبي تسافر ديرتها ..
طلال بقهر :-يمه حرام عليك الرسول صـلى الله عليه وسلم ـلى يقول (ارحموا من في الارض يرحمكم من في السماء)
سفهته امه وطلعت وهي تتوعد هالمسكينه ..
طبعا الشغاله سوت اضراب وراحت لغرفتها .. ماعاد تبي تجلس عندهم
عطا طلال الدله للطباخه عشان تسوي قهوه ..
وبعد ماجهزت وداها للشياب ..
اول مادخل لقى عمه ابو خالد واقف
طلال :-وين عمي القهوه
ابو خالد :-والله يا ولدي من اليوم وحنا نتقهوى انا بروح الحين وراي مشوار مهم
ابو سعود :-تبيني اروح معك
ابو خالد :-انا بروح لها بلحالي مانبي نضغط عليها
ابو احمد :-شورك وهداية اللهـ
وطلع ابو خالد...
:
،
:
،
>>>بيت راكان
كانت دانه جالسه تتقهوى مع امهات راكان وفيصل بحضن جدته مريم ومحمد بحضن جدته ام راكان ..
ام راكان ماكانت غبيه ولا نايمه على اذانها وعارفه ان دانه ابوها يضغط عليها تسكن معهم ..
ومن ذاك اليوم للحين وام راكان مايغمض لها جفن بين دموعها على وحيدها الي مات وتركها وبين عياله وامهم الي خوالهم يبونهم ..دورت حلول ودورت وللأسف مالقت.. كلا معه حق .. ابوها معه حق في الي يسويه رغم انها ولية نفسها لكن ذا مايمنع ان سلطته عليها رجعت بعد موت راكان .. وبين نارها الي شابه ضو وهي تتخيل اليوم الي بتفقد فيه احفادها الي تتجسد فيهم صورة راكان بعينها ..
ناظرت ام راكان (مريم) في دانه قد ايش تغيرت عن دانه الاوليه شي فيها مات بموت راكان ..
ماتدري هل هي النظره الشغوفه ..!
هل هي البسمه الي تنور الكون لا ابتسمت !
دمعت وهي تشوف بعيونها كيف ان دانه تضحك غصب عنها تبتسم غصب عنها ..
خلاص دانه جسد غادرته الروح !
فكرت دانه في نفسها وتذكرت عقب وفاة راكان بشهر يوم علمها اخوها خالد ان راكان ترك لها كل ثروته ونص الشركه .. مانست يوم اغمى عليها من الصدمه ومن قوة الحزن وش تبي دليل اكبر من ذا على انه كان يحبها .. ويثق فيها
دمعت عيونها وطعم البسبوسه الي تآكلها صار زي الرماد ..
رتب كل شي قبل لا يموت ..
قسم الــــــــــــورث !
أمن حياتها وحياة امهاته !
وآآآآآآآآآآآآآآآآآآآآآآآآآه ياليته درى ان بيجيه عيال وبيكون ابو لاثنين
سالت دمعه خاينه منها .. ومسحتها طوالي
دق حارس البوابه يبلغهم ان ابو خالد دخل البيت ..
انقبض قلب دانه .. صايره جيات ابوها تضغط عليها مره وهي مو ناقصه مايكفي انها ماتقدر تنام الليل بين الدموع والوحده والوحشه في غياب نور البيت وسنده ...
وقفت وراحت للمجلس تستقبل ابوها ..
بعد ماسلمت عليه وجلست حســـــــت في وجهه شي ما يطمنها ..
طلبت منهم يرسلون قهوه ..
قال ابوها بدون مقدمات :- دانه
بصوت مخنوق :-سم يبه
ابوها :-شخبارك واخبار عيالك
دانه بحنان :-بخير الحمد لله بيكشخون وبيجون يسلمون عليك
ابو خالد :-هههههههههه بيجون يا حليلهم
دانه :-ههههههه ايه يبه صاروا رجال كبار ويلاحظون كل شي
ابو خالد بحنان الدنيا :-الله يخليهم لك
دانه :-اللهم امين .
وصلت القهوه ودخلتها الشغاله ...بعد كم دقيقه فتح ابوها الموضوع ..
ابو خالد :-دانه جهزي نفسك آخر الاسبوع بجي اخذك
انقبض قلبها :-تاخذني
ابوها وهو يتمالك نفسه تقديرا لشعورها :-ايه ماعاد لك جلسه هنا
مسكت اعصابها لا تنفعل او تنهار :-يبه هذا بيتي
ابوها بقسوه :-بيتك هو بيت اهلك
دانه بتدميع :-وهذا بيت رجلي
ابوها بصراحه قويه :-ورجلك مـــــــــات
ماقدرت تتمالك نفسها ونزلت دموعها بسرعه ..
تندم ابوها لقسوته معها لكنه ينقهر من عنادها :-دانه خلينا نتكلم بعقل
قاطعته وهي يالله ينفهم كلامها من البكا :-يبه أي عقل وانت تبيني اترك بيتي بيت راكان بيت عيالي كيف اترك امهاتي الله اخذ ولدهن وانت الحين تبي تاخذني منهن وتاخذ العيال يبه حرام والله ماراح يتحملن
ابوها بعناد :-انتي عرضــــــــــي وفي وجهي
شوي وتصارخ بكل صوتها لكنها تماسكت :-يبه انا ما سويت شي يستاهل هالكلام
ابوها :-عارف يبه لكني مقدر اتركك هنا بلحالك انا مو عاجز لا اصرف عليك وعلى عيالك
دانه :- طيب يبه رايي ماله قيمه
ابوها :-هنا واقولك لا ..
دانه وهي تمسح دموعها :-مقدر اترك بيتي
عصب ابوها :-انا آمرك ما اشاورك
تنفست دانه بينها وبين نفسها عشان ما تنفعل ...
وفي هاللحظه دخلت المربيه عيال دانه عشان يسلمون على جدهم ..
سلم جدهم عليهم .. وجلس معهم وقت ثم وقف بيطلع ..
قال لدانه :-لا تنسين آخر الا سبوع الجاي تكونين جاهزه
عرفت دانه ان النقاش مع ابوها الحين زي قلته ومن هنا لين اخر الاسبوع فيه 7 ايام ..ومايندري وش الله كاتب فيها !
طلع ابوها من هنا وطارت لغرفتها متنفس احزانها والآآآمها من هنا ..
فتحت دفتر مذكراتها الي انولد على وجه هالدنيا بعد موت راكان ..
وكتبت فيه كل شي صار ... واخر شي كتبت /لمن تركتني يا نظر عيني انحرمت منك والحين يبون يحرموني من ذكراك /
،
،
،
،
>>>>>بيت ابو احمد
قال ناصر لابوه :-يبه انا ابيها غصب عن الي يرضى والي مايرضى
ابوه :-طيب انا قلت شي
ناصر :-ايه مو انت تقول لي انتظر لين يردون على ابو عبدالرحمن..
ابوه بعقلانيه :-ايه
ناصر مسك نفسه :-يخسي هالخايس ياخذ دانه وانا موجود
ابتسم ابوه ابتسامه صغيره من فرحته بولده وان خطتهم الي تناقشوا فيها ما يحتاج ينفذونها ويجيبون لنفسهم سعود جديد ..
طلع ناصر معصب ودق ابو احمد على ابو خالد :-هيه خطتنا ألغها
انصدم ابو خالد :-ليه؟
كان ابو سعود وراه :-شفيه
ابو خالد :-ابو احمد يقول ألغوا الخطه في تزويج ناصر دانه
ابو سعود انصدم بدوره :-ليه ..؟؟ ماعندنا عيال يخالفون راينا
ابو احمد في التلفون :-اسمعوني للاخير انتم شفيكم
ابو خالد :-وش وش فينا ترى طحنا بمشكله جديده ان زوجت البنت أمنت مستقبلها وأمنت لها بيت والحين ولدك مدري شفيه
ابو احمد :-هههههههههه يارجال اسمع الي بقوله
ابو خالد :-هات الي عندك
وعلمهم بكلامه مع ولده .. من الى !
انصدموا الشياب .. معقوله تجيهم بارده مبرده ..
ابو خالد بعد ماسكر من اخوه :-الله يريحك يا ناصر
ابو سعود :-الولد وحطيناه بجيبنا باقي بنتنا
ابو خالد :-الي خلانا نقدر على سعود وهو رجال فاهم وعاقل يخلينا نقدر على دانه تراها بنت ما يحتاج
ابو سعود بتردد :-ياخوي يكفي الي صار لنوف والله اني متحسف حسوفه ظلمتها بزواجها من سعود واخاف على دانه
ابو خالد :-الي صار صار . ونوف مخطوبه الحين
ابو سعود :-والله عمر رجال والنعم فيه بس متزوج
ابو خالد :-تسمي زواجه ذا زواج .. على حسب ماسمعت باقي على مرته عشان عياله الي توهم صغار ويحتاجونه
ابو سعود :-داري وعارف رجال والنعم بس نوف توها ماكملت 23 سنه ومخطوبه لمتزوج ..
ابو خالد :-لو متزوج ثلاث مو وحده وطلع رجال طيب ويستاهل ما يخالف .. ولا تنسى ترى لجده ابو ابوه فضل على ابونا
ابو سعود :-لا مانسيت ماهي من شيم الرياجيل نسيان الوقفات الي وقت الشده .. وجده ماقصر مع ابونا الله يرحمه..
ابو خالد :-اكيد وهذ رايي ابو احمد بعد
ابو سعود :-الله يقدم الي فيه الخير ..
ابو خالد :-اللهم امين ..
*
*
*
*
>>>عقب اسبوع
طبعا ابو خالد عجز في دانه تترك بيتها وكلما كلمها جلست تصيح او يغمى عليها ,, وماهانت عليه
لكن هالمره بيتفاهم معها من جد ، صح بتزعل منه الحين لكنها بتشكره لا كبرت شوي وبتشكره اكثر لأنه أمّن مستقبل عيالها وجاب
لهم ابو يربيهم ويوجههم لطريق الصواب .
بعد ما دخلت دانه عيالها ورجعت له ..
قال بدون مقدمات :-ناصر ولد عمك خطبك مني قبل فتره
طاحت بيالة الشاهي بالارض وتكسرت :-هاااااااااااه
ابوها بعصبيه :-اقول لك ناصر خطبك وانا موافق
فزت من مكانها وقالت بقوه :-وانا مو موافقه
ابوها بعصبيه وهو يرفع صوته نوعا ما :- اجلسي
استحت دانه وجلست ..
قال :- انا عطيت الرجال كلمه وانتهى الموضوع
انصدمت دانه من طريقه ابوها وعناده قالت بدون تفكير :-ناصر مو رجال
صارخ عليها :-دااااااااااااااااااااااااااااا اااااااااااااااااااانه
انتبهت لزلتها وقالت :-يبه قصدي ان ناصر مو غريب ناصر ولد عمي قل له اني مو موافقه وانتهى الموضوع
خزها وقال :-الملكه الخميس عقب يومين فاهمه ولا لا
دانه للآن مو مستوعبه شي ولا داخل مزاجها اي كلمه من كلام ابوها عشان كذا مافيه اي انفعال او اي ردة فعل ,, يمكن لأنها
مستنزفه عقب آخر نقاش حاد كان بينها وبين ابوها والي هو قبل امس..
وقف ابوها وكأنها موافقه.. مسكته مع يده وهي نوعا ما استوعبت الصدمه ..
دانه بذهول واضح :-يبه مابي اتزوج
ابوها :-مو بكيفك
سامحيني يبه لكن هالشي لمصلحتك ..
دانه وهي تمسح دموعها بقفا يدها :-أجل بكيف من
عصب ابوها :-انا ابوك ولي حكم عليك
بكت :-يبه لو تطلب عيوني ما تأخرت دقيقه لكن عقب راكان مابي اتزوج
ابوها :-انتي توك صغيره
تنزل دموعها وتمسحها :-يبه انا احب راكان اموت فيه
ابوها بقسوه :- وراكان ماااااااات
شهقت وحطت يدها على فمها عشان مايعلى صوت بكاها :-يبه لا لا تقول مات راكان ما مات
ناظرها ابوها بصدمه على باله بنته فيها شي :-دانه راكان مات الله يرحمه والحياه تستمر
دانه بانهيار :-وماتستمر الا لما اتزوج
ابوها :- انتي محتاجه رجال في حياتك يدير شغل عيالك يربيهم ويرشدهم
قالت بياس :-يبه انا ما شكيت لاحد ولا محتاجه لاحد في حياتي انت موجود اخوي وعيال عمي مايقصرون
ابوها :-انا مو دايم لك
دانه :-ولا الي بتزوجه دايم لي
ابوها انحشر بزاويه عارف ان دانه في الكلام محدن يغلبها :-لاتجادليني فاهمه يا تتزوجين ناصر (قسى قلبه) والا لا انتي بنتي ولا اعرفك
صرخت :-لاااااااااااااااا يبه لا ترميني بين نارين
خزها :-جاك العلم .. معك للخميس ولا اجتمعوا عمانك اي اسمع ردك
وما اهتم لها ولدموعها وطلع ...
ركب سيارته وضايقه فيه الوسيعهـ ماوده يسوي كذا لكنه مجبور مجبور
انهارت دانه وجلست تبكي ... وتبكي ... وتبكي
تتزوج عقب راااااااااااااااااااااااكان لا حشاااااااااااااا ماتسويها وهي دانه.
لازم تتصرف ..
هي بين نارين كل نار تحرق وماتخلف الا الرماد
نار ابوها ورضاه ونار حبها الي يفوق الوصف لراكان ..
حتى لو مات .. حتى لو رحل .. حتى لو قالوا انه اندفن
تحبه .. تحبه ,, تحبه
وبتظل زوجته ليوم الممات ..
طلعت غرفتها تجر رجولها جر ..تحمد ربها ان امهاتها طالعات مو فيه وان عيالها نايمين
دخلت الغرفه تمشي الهون .. وقفت قدام صورته كان لابس نظاره شمسيه وحاط يده على عيونه يظللها عن الشمس
كانت من احب الصور على قلبها واقربها لنفسها .. شافت فيها خفايا راكان ..
راكان الحقيقي ..
الشيخ .. المالك .. الابن .. الحبيب والزوج
كل حنان الدنيا يتجلى بنظراته وبتصرفاته وفي حبه الكبير لها
ضمت الصوره لقلبها وشدت عليها اكثر واكثر

ياقلبي ارجووووك افهمني واترك باقي الأوهام
أنا ماتحمل الصدمه اخاف الجرح ينهيني

هذاك الحب عذبني وخلاني اعيش أحلام
وكل احلامي العذبه تمووووت بلحظه وتحيني

ياقلبي انتبه ارجوك كفايه ماحصللي العام
كفايه ان عذابي صار له سنتين يكويني

ولكني مع هـــذا بكابر وانتظر وانضاااام
سواليف البشررر في يوم ابد ماظن تعنيني

أحبه وأعشقه ياناس وأنا ماظن الهوى اجرام
لأن الحب من الفطره...وحب هالشخص يكفيني

نبرة صوته المبحوح تنسيني شقى الأيام
تذكرني بأشوااااااااقي وتذكرني بدواااااويني

كأن الصوت له نغمه غريبه غير هالأنغام
موسيقى هاديه بالحيل تداوي جرحي وسنيني

ونظرة عينه تدّوخ ولا ترحم ماغيررر هياااااام
أطالع صورته وأشهق وقلبي يحترق فيني

خذت قلبي وذوبته بس القلب ماينلام
حشى نظراته بلحظه تونسني وتبكيني

وكالعاده مالها الا التناهيد والدموع الي ما تنتهي...
سمعت صوت واحد من عيالها يتحرك ابتسمت وغسلت وجهها وراحت له
قالت بحنيه :-قمت فصوووووولي
وضمته لصدرها .. كل مالهم يكبرون قدام عينها وشبههم بأبوهم يبين ولا كنها امهم الي حملت فيهم ..
وبعد شوي صحى محمد وابتسمت له :-ياسلام موصيكم احد علي
وشالته تضمه وتشم ريحته ..
تذكرت الي صار مع ابوها .. لازم تتصرف لازم
شوفه عيالها جددت فيها الأمل والقوه الي تضعضعت برحيل راكان ..
اخذت الجوال ودقت على رنا ..
رنا :-هلاااااااااااااااا وغلاااااااااااااااااا بنسيبتي
دانه :-ههههههههههههههههه لا احلفي بس
رنا :- والله مو بكيفكم غصب عليكم بس يالله لاكبروا بخلي فروحه تتخير في عيالك
دانه :-ههههههههههههه تمون الاخت
رنا :-أجل
دانه :-هههههههههه كيف حالك وكيف فروحه وفهد
رنا بابتسامه :-بخير جعلك بخير شخبارك انتي والتوأم حبايبي
دانه بحنان الام :-ياقلبببببببي يهبلون شوفيهم عندي عيونهم تناظر في ساعتي الفضيه
رنا :-ههههههههههههههه يازينهم تعرفين انتي الي بعمارهم يشدهم اي شي ملفت
دانه :-ايه فديت قلوبهم
رنا :-ايوه و الاخبار
دانه بتصميم رغم حياها :-رنا بغيت فزعتك
رنا بسرعه :-تآمرين يالغلا
دانه :-تسلمين بس رنا اوعديني ماتتضايقين
رنا بزعل :-دانه ترى جد بزعل وش هالكلام الماصخ
ابتسمت دانه بشبه ارتياح :-رنو دريتي ان ناصر خطبني
بردت عظام رنا لأنها ضد خطبة ناصر لدانه صح انه من اغلى الاماني ان دانه تتزوج اخوها لكنها تعرف دانه لراكان وماراح تكون لغيره
وماترضاها لاخوه
قالت بجديه :-ايه عندي خبر
دانه بصوت فيه صيحه :-رنا ابوي بيتبرأ مني اذا ما تزوجته
انصدمت رنا صدمه عظيمه :-هااااااااااااااااه لا لا مايسويها عمي
مسحت دانه دمعتها :-والله العظيم
رنا جلست على اقرب كرسي لأن رجلينها ماعاد تشيلها ؟؟
دانه بقهر وقلة حيله :-رنا انتي اختي ابي معونتك تكفين
رنا بقووه:-ابشري بالي تبين
دانه بحزن :-رنا انتي فاهمتني انا مالي اعتراض على ناصر وألف وحده تتمناه بس.....بس (خنقتها الغصه) انا احب راكان وماراح اكون لغيره أبداااااااااااااا
رنا بحب :-قلبي وربي اني فاهمتك ويوم علمني ناصر انه خطبك هزئته لأني اعرفك زين واعرف وش راكان بالنسبه لك
هزت راسها لأنها ماتقدر تتكلم من دموعها ..
قالت دانه :-ابي اعطيك رساله ووصليها له ممكن
رنا كانت مستعده تسوي اي شي لبنت عمها وسمعت كل الي تبيه ..
رنا :-الحين اكلمه واعلمه
سكرت دانه وقلبها يررررررررررررررررررررررررررجف .. الي سوته مو سهل الله يستر
ومعدن ولد عمها الحقيقي راح يبين
قال ناصر :-ايش
رنا :-الي سمعته
ناصر مصدوم من كلام رنا ...
رنا :-الووووووووو ناصر وينك
ناصر بتفكير :-رنا انا مشغول اكلمك بعد شوي
رنا :-اوكيه
وسكرت منه .
*********

.,.النهـــــايهـ.,.
(الفصل الثالث والعشرون )
>>بيت فهد بالشرقيهـ<<
قالت رنا لفهد :-فهد لاتنسى تجيب حليب لفرح
ابتسم :-طيب يابنت الحلال والله فهمت
رنا :-ههههههههههههههه من قلب طالعه
فهد :-شسوي عشرين مره تكررينها على راسي
رنا :-ههههههههههه طيب عجل فروحه مابقي لها الا رضعه
فهد (يبي يقهرها) :-لعيون فروحه اروح للصين
انقهرت رنا :-احلف بس
فهد (بصوته العذب ههههههه) :-احلف ورب البيت ..غيرك ماحبيت .. وعمري ياغلاي ..فدوه لعيونك
مهما كان صوته نشاز ويجيب احباط الا انها تحبه وتموت فيه..
ناظرته بغرور :-ايه رقعها
فهد :-هههههههههههههههاي مشكلة الحلوين لازعلوا وش يرضيهم
ماقدرت الا تبتسم ويالله بالغصيبه راح يجيب اغراض لفرح ..
دخلت المطبخ ترتب وتحوس فيه وضاع الوقت فجأه الا وباب بيتها يدق .
ابتسمت لأنها عوايد فهد يتعيجز ينزل الاغراض ويفتح الباب زي خلق الله ..
مسحت يدينها وطلعت لباب الشقه واحتياطآ سألت :-من .؟
"انـــــــــــــــــــا"
انفجعت رنا وماتذكرت الا اهلها ..
فتحت الباب بخوف قالت بلا سلام :-ناصر ابوي فيه شي اخواني امي
رغم انه جاي مبوز ولا تكلم من صدمته برساله دانه الي طلبت منها توصلها الا انه جلس يضحك
انقهرت رنا :-نويصرررررررررررر
ناصر (باستهبال) :-وجعووووووووووووه طيب سلمي قبل قلطيني مو كاني جايك من الرياض مسافر
تذكرت رنا وحمر وجهها من الفشله :-يويو نسيت ياخي شفتك قلت فيه مصيبه
مد بوزه :-لها الدرجه وجهي وجه مصايب
رنا :-ههههههههههههههههه لا محشوم تفضل
ناصر (قلبه يتقطع والبروده بكل جسمه بس يكابر) :-هههههههه ايه خليك حرمه سنعه
رنا وهي تغمز له :-حرمه سنعه من زمان
ناصر :-ههههههههههه طيب يالخبله (جلس يصارخ) ياااااااااااااااااقلب خالو
وراح يشيل فرح الي توها صاحيه من النوم حتى ما امداها تفتح عيونها زين
جلست رنا تضحك من شكله ودخلت المطبخ تسوي قهوه ..لحقها ناصر وفرح بين يدينه :-فهد طالع
رنا وهي ترتب البيالات والفناجيل :-ايه طالع يجيب مقاضي للبيت
قال بجديه :-تمام أجل اتركي عنك هالبرابس وقوليلي وش السالفه
ناظرته وقالت بعتب :-مالك حق تجي من الرياض عشان هالسالفه
ناصر :-الا لي حق ونص انتي تعرفين معزتها بقلبي
تضايقت رنا مايهون عليها اخوها :-دانه لراكان
ناصر بقوه :-راكان متوفي له سنه ونص يعني دانه حره تتزوج بعده
رنا :-ناصر البنت ما تبي تتزوج
سحب نفس وقال :-الكلام بالمطبخ وحنا واقفين ما ينفع تعالي نتكلم بالصاله وقبل لا يجي فهد
رنا :-معك حق فهد على وصول وماراح نتكلم براحتنا لا جاء
طلعوا من المطبخ ..
اخذت منه فرح وقالت :-ناصر عمي حالف عليها ان ماتزوجتك انها لا هي بنته ولا يعرفها
انصدم ناصر :-ايش
رنا :-الي سمعته
ناصر بذهول :-مو معقول ما يسويها عمي
رنا :-نفس الكلام الي قلته لدانه لكنها كانت شبه منهاره وحالتها حاله.. ناصر
رفع راسه من تاملاته :-سمي
رنا : -سم الله عدوك ناصر البنت ناخيتك وانت ولد عمها يعني بحسبة اخوها لو ما خطبتها
قال بحميه عيال العم :-تبشر وانا ناصر ..
ابتسمت بفخر وحزن عليه في نفس الوقت
قال بهدوء :-كلميها وعلميها ماتشيل هم وماتنغصب على شي هي ماتبيه وانا موجود
رنا :-ان شاء الله (قالت بتردد) بس وانت وش بيصير لك
سوى نفسه مو فاهم :-شلون وش بيصير لي
رنا بعصبيه :-ناصر لا تستهبل انت فاهم قصدي زين
ناصر بابتسامه حزينه :-يابنت الحلال لا تشيلين همي
رنا والدموع بعيونها :-شلون ما اشيل همك انت تعرف ابوي نفس تفكير عمي يعني بيتبرا منك
ناصر :-مافيه ابو يتبرا من ولده
رنا :-ناصر انت تعرف تفكيرهم من العصر الحجري والله يسويها ولا تقول مو مسويها عندك اكبر مثال ولد عمي سعود طرده عمي من الشركه وزوجه نوف غصب وابوي كان عارف ان سعود مغصوب وماعارض انت لو تفكر شوي تلقى انهم ثلاث رجال لكن تفكير ومعتقد واحد.. ناصر انا خايفه عليك
ناصر تأثر من حزن اخته :-رنو بدل ما تفكرين فيني فكري في دانه ، دانه ارمله ام ايتام محتاجه اهلها حولها محتاجه من يوقف معها ان تخلى عمي عنها قلدوه الكل وتخلوا ..
رنا بين نارين نار اخوها ونار بنت عمها الي تحبها..
كمل ناصر وهو يمسك يد فرح ويبتسم بحنيه :-انا رجال واقدر ادبر اموري .. ويا بنت امي وابوي انا مديون لراكان والحين وقت سداد الدين
انصدمت رنا :-انت تتدين من متى ؟
ابتسم :-فهمتي غلط راكان مسويلي معروف ماسواه ابوي لي وانا مديون له ..مديون بوجودي مع اهلي بين ربعي اخوياي جماعتي مديون له بكل نسمه هوا اتنفسها هنا بالرياض ..راكان هو السبب في نقلي من تبوك للرياض تخيلي لولا مساعدته كان عشت في مدينه بلحالي لا ونيس ولا رفيق حتى اجازات زي خلق الله مافيها كلها يومين من كل عيد تخيلي هذا موت بطئ للواحد وخصوصا لي لأنك تعرفين شكثر احب الرياض ولا استغني عنها
مالقت رنا كلام تقوله ..لأن كلام ناصر صح ميه بالميه ..
رنا بغصه :- والسواة ؟
ناصر :-خليها على ربك
الا وباب الشقه يدق وقفت رنا لكن ناصر قال لها تجلس وراح يفتح الباب وطلع له فهد مثل ماقالت له رنا ..
فهد وهو منزل راسه يمسك الاغراض زين لاتطيح :-هاااااااي حبيبتي امسكي البيض لا يتكسر
ناصر باستهبال :-طيب حبيبي
تروع فهد وطاح طبق البيض من يده :-ههههههههههههههههه لابارك الله فيك من وين طلعت انت
ناصر :-ههههههههههههه ياخي انت وحرمتك قليلين اصل سلموا اول
سلم فهد عليه :-ههههههههههههه الحين جاينا في بيتنا في هالليول وتسب
ناصر :-ههههههههههههه ذليتونا ترى
ودخلوا داخل .. طبعا فهد كان مستغرب زياره ناصر بس ما علق على الموضوع
على العشا قال ناصر لفهد :-اليوم جيت ازور واحد من خوياي مبطي عنه وقلت لازم امركم لأني بمشي الرياض بعد شوي
انهبلت رنا :-تمشي الرياض الحين الساعه 11 باليل
فهد بجديه :-مهبول انت ولا تقول دوام وخرابيط بكره خميس
ناصر بعند :-عارف ان اليوم اربعاء وبكره خميس قالولكم ناسي التواريخ والايام
رنا كاشفه حركته :- هاهاي علينا .. لا تجلس تستهبل الليله تنام عندنا وبكره براحتك
ناصر :-لازم ارجع وبعدين كلها ساعتين ونص واكون هناك
انهبلت رنا وتبققت عيون فهد :- مجنون انت انا اخبر المسافه حوالي اربع ساعات ..الا اذا كنت ماشي الطبلون
جلس ناصر يضحك على اشكالهم ..
ناصر :-عادي مو شي جديد
رنا من قلب :-ياويلي اخوي موب صاحي
فهد :-وانا اشهد ..
وقف ناصر ..
رنا :-هذا عشا ؟
ناصر :-شبعت كثر الله خيركم
فهد ورنا :-صحه وعافيه
ناصر :-يعافيكم
غسل يدينه ثم رجع شرب بيالة شاهي على السريع ووقف يودعهم ..طبعا وكل الاعتراضات مانفعت فيه.
قال فهد وهو نازل معه للمواقف تحت :-ايوووووووووووووووه نسيت ان الاخ بيخطب بكره
انقبض قلبه وماقدر حتى يبتسم مجامله :-شفت عاد لازم ارجع بدري عشان انام واقوم مصحصح
ما انتبه فهد لملامحه المتغيره وجلس يعلق شوي عليه ..بعدها ودعوا بعض وطلع ناصر للرياض ..
كان مهموم وحزين ..ماتت فرحتي وهي مابعد شافت النور
ما يفضح اللي حب الا آخر اللحظات
لامد كفه بالوداع وصد بعيونه

معاه رايات الأسى وجيش من العبرات
وبين الحنايا صهيل خيول محزونه

كنه على موعد معك يا هادم اللذات
من شاف ما صابه يقول الله في عونه

سلام ياللي ناوي الفرقى عدد مافات
وتعداد ما مر السحاب وهلت مزونه

سلام من قلب سكنته انت والحسرات
غلاي تكفى يا مودع ناظري صونه

ارحل وأنا برحل معي هم وتعب وسكات
وأسرار ما بيني وين الروح مدفونه

ارحل مادام الله كتب لك يالحبيب شتات
مالي على حكم القدر راي ولا مونه

مالي بعدك الاالصبر ومجاذب الونات
وقصيدي اللي كل خلق الله يغنونه

وان طالت الغيبه ابنعي الحب لو مامات
عسى الهوى يشتعل بك وتردك ظنونه

وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه
*
كيف بنساك يادانه ..كيف !
جيتي على الجرح وطلبتي فزعتي ..
"ناصر وانا اختك..مالي من بعد الله الا انت تكفى فكني من هالزيجه الي مانبيها"
آآآآآآآآآآخ لو تدرين من انتي .. ومن الناس عندي
لو غيرك طلب هالطلب ماعبرته لكنك دانه ..دانه
كنت اعرف انك لغيري وحتى بوفاته .. حبه مقيدك
ما تنلامين يا بنت العم راكان رجال صعب ينوجد مثيل له حتى انا الي احبك عرض السما والطول ماجي شي عنده
قدمت لي معروف يبو فيصل وجاء الوقت الي ارده فيه .. وبرده
القلب .. مايعشق غيرها وان ماكانت لي مابي غيرها ..
وشلون ماحبها وكل هالوفا موجود بقلبها صانت بيتك ..حلالك..امهاتك
وكافحت ومازالت تكافح عشان تعيش بأمان الله بين ذكرياتك ..
كنت عارف انها ماتحبني لكن الغرور اخذ مني الي اخذ ومن اعلى سما طحت وطيحتي كانت قويه
منيت النفس ومنيتها ثم منيتها ..لكن
باختصار
مالي في الطيب نصيب
\
/
\
><بيت راكان ><
؛؛اليوم الثاني؛؛
تعال...............
تعال..........
طفي النار الي تسعر !!!!!!
كانت جالسه على الارض في غرفة عيالها تلعب معهم ..العين عليهم والقلب مع الي اخذه وراح..
كيف تنساه وهي تشوف نسختين عنه ..العيون ..الحواجب ..
متى بس متى هالألم يوقف !
متى يخف الشعور بالخساره !
متى النار تـــــــــبرد .. والقلب يرتاح ..والعين تغفى
ضاقت فيها الدنيا وهي تتذكر ابوها وعمانها واجتماعهم الي اليوم..
يحسبونهم متفقين على خير ..لكنهم متفقين على اعدام انسان
ليه مايفهمون ويستوعبون ويتيقنون ..ان في القلب واحد ..مامعه ثاني ..
وانه لوبعد بعيد ..بعد نجم سهيل .. بعد الفضا .. والافلاك ..محبته ماتنقص تزيد

زحام لكنك تحديت الزحام..ماشوف بحالي احدآ ســـــواك انت
تعال لا لا تغيب عني حــرام ...ماللبشر قيمه الا من تبينــــت
كل الوجيه تمرني مر الكـــرام ...وجهك سكن فيني انا وين ماكنت
لو المســافه شاسعه يبقى الهيام ...بقلــبي ولو بآخر الكون ابتعدت
همس القلوب يظل لو عز الكلام ...تسمع لي بصمتك واسمع لك بصمت
ياعايش (ن) بنبضي وبعيوني تنام ... كل البشر غدو صوره الاصل انت
دخلت ام راكان معها الخاله مريم غرفة عيال راكان ولقت امهم كالعاده تبتسم لهم وهي تمسح دموعها ..
ناظرن في بعض لمتى.. لمتى بتظل على هالحاله لاطلعات لا دخلات بس حزن في حزن ودموع تداريها عن الكل لكن على مين .
ام راكان بحنيه :-يمه
انتبهت دانه واخذت منديل من جنبها بسرعه تمسح به وجهها ابتسمت :-هلا يمه
ام راكان بحزن :-راحت عيونك من البكا يمه
ماقدرت تمسك نفسها ونزلت دموعها غصب عنها ..ضمتها الخاله مريم ومسحت على شعرها :-بس يمه قطعتي قلوبنا والله نسينا حزننا من خوفنا عليك وعلى صحتك ناظري شكلك ذبلانه ونحفانه وأكل مافيه أكل
قالت بتأثر من النفسيه التعبانه :-آكل ايش يمه.. وراحة ايش.. نور حياتي راح ..ماعاد بقالي شي اعيش له
قالت بقوه :-اعوذ بالله وحنا وين رحنا.. عيالك وين راحوا ..
دانه :-انتم حياتي يمه .. لكن نورها راح
تأثرن امهاته وجلسن يمسحن دموعهن ...
حست دانه انها تقلب المواجع ..وخصوصا لامه الي مصيبتها بعظم الكون وكبره عرض وطول
هذا وحيدها
وحيدها !
مسحت دموعها .. قالت تصرف الموضوع :-يمه انا مسويه حلى تحت ننزل نتقهوى ..
امهاته :-يالله ..
سبقتهم الخاله مريم وهي شايله فيصل ..اخذت دانه محمد وقبل لا تطلع قالت لها ام راكان :-يمه
التفتت يمها :-سمي يمه
ام راكان وهي تحاول تبلع غصتها :-يمه لا تغضبين ابوك ولا تدفنين شبابك (جت دانه بتعترض لكن ام راكان سكتتها)...راكان مات عارفه انك تحبينه لكنه راح فكري في نفسك انتي صغيره والعمر قدامك يمكن تتزوجين الي ينسيك راكان .. انتي بنتي قول وفعل وعشان كذا اقولك هالكلام لو غيري كان اعترضت عشان احفادها وعشان ذكرى ولدها لكني في النهايه فاهمه ومتعلمه والاهم اني احبك ولو عندي بنت ماحبيتها كثرك وانا كلي ثقه انك ماراح تحرميني من عيالي ريحة الغالي وعارفه انك بتربينهم احسن تربيه ..
بكت دانه غصب وقالت :-يمه لا تقولين كذا عساني الموت ان طلعت من باب هالبيت وعساني الموت ان تزوجت غير راكان يمه انا احببببببببببببببببه امووووووووووووت فيه بحياته وبموته وماعاش ولا كان الي يجي مكانه
وعياله بيتربون هنا وبيبقون تحت جناحك
ام راكان وهي تبكي معه :-يمه وابوك ؟
دانه بثقه :-ماعليك يمه ابوي خليه علي
ام راكان بخوف :-يمه وش ناويه عليه
دانه :-ولاشي خليها على الله ..
وضحكت وهي تشوف محمد يصيح يبي اخوه ..ثم نزلن تحت ..
*
*
*
<<<بيت ابو خالد
بالمجلس...
صرخ ابو احمد :-شتقول يا ولد
ابو خالد وهو ماسك اعصابه :-يا نايف خلنا نفهم بالاول لاتعصب يرتفع السكر عندك
ناظر احمد في اخوه بصدمه "انهبل ذا "
ناصر بهدوء :-انا رجال ماني بولد
ابوه بعصبيه :-لا والله منت برجال ولا ماقلت هالكلام
ناصر :-يبه مافيها شي انا ما ابي اتزوج دانه
ابو سعود :-وليه لا لعب عيال السالفه
ابو خالد :-طيب انت كنت موافق وش غير رايك
ناصر :-ولاشي ياعمي اصلا انا ماكنت مقتنع ويوم فكرت لقيتني مابي اتزوج
ابو خالد :-انت ماتبي الزواج ولا ماتبي تتزوج دانه
ناصر :-كلهم
قام ابوه بيضربه لكن احمد مسكه :-يبه هدي نفسك
ابوه بعصبيه :-انت سامع اخوك وش يقول مايبي يتزوج دانه
ناصر وهو يوقف :-ايه مابيها كل شي بالغصب الا الزواج
ابوه :-البنت مانبيها تروح لغريب ولا واحد طمعان في حلال هاليتمان
حزت بقلب ناصر .. وسكت مالقى كلام يقوله فعلا دانه مزوجينها مزوجينها وهو اولى بها من غريب ياخذها منه .
ارتفع ضغطه وطلع من المجلس ..بسرعه
ناظروا الشياب في بعض وكلن مرتفع ضغطه ..
ابو خالد قام بتعصيبه :-البنت هذي بروح اجيبها من بيتها لو اسحبها سحب راعينا مشاعرها ولا نفع
سكتوا الشياب لأن معه حق البنت صار لها شهور من يوم ماطلعت من العده والموضوع زاد عن حده والي يقهر هالخطاب الي يخطبونها !
تدخل احمد :-عمي هدي نفسك شوي ما تسوى تحرق اعصابك
ابو احمد بعصبيه :-سوايا اخوك تسود الوجه
سكت احمد ومارد لأنه عارف انهم بيقبون في وجهه ان اعترض ..واصلا اعتراضه ماله قيمه .
ابو سعود :-ابو خالد ماينفع تتصرف وانت عصبي اصبر شوي وخلنا نشوف لنا حل .
وبالعله رضى وجلس
قال بعصبيه :-راح اسكت بس لين يخلص عرس سلطان وقمر ومن بعدها لا احد يكلمني لأني بتصرف معها بطريقتي
احمد ما صدق خبر :-ماقصرت يا عمي العرس مابقي عليه الا اسبوع ومانبي مشاكل بالعايله نبي نفرح ..
ابو سعود :-صادق وانا عمك نبي نفرح
ناظرهم ابو خالد وسكت
*
*
*
>>> بالسياره
دقت رنا على ناصر واعصابها محترقه :-الوو
ناصر بهم :-هلا رنو
رنا بدون مقدمات :-شصار
ناصر :-سويت الي تبي ورفضتها بس شكلهم ناوين عليها (قال بعصبيه) شوفي رنو ان نووا يزوجونها غيري بتقوم مذبحه
انقبض قلب رنا :-الله لا يقوله دانه ماراح تتزوج بعد راكان
ناصر وهو يتنهد :-نشوف
وسكر الخط.
دقت رنا على دانه ..ارتجفت دانه يوم شافت رقم رنا قالت بخوف :-هلا
رنا نفس حالتها :-اهلين ابشرك ناصر ماقصر وهو الي رفضك
انهارت دانه على سريرها من الراحه :-اشواااااااااا
رنا بتردد :-دانه يقول لي ناصر ان نووا يزوجونك غيره بيقوم مذبحه
ارتجفت وقالت بثقه :-طمنيه وقولي مافيه غيره عاد مو حلى كل دقيقه يقول لي ابوي تزوجي فلان ولا تبريت منك
رنا :-هههههههه والله وطلعتي منتي بهينه
دانه بألم :-رنو لاتزعلين مني عشان ناصر
عصبت رنا :-دانه لا تقولين كذا حنا خوات وهذا الشي ان دل يدل على طيب اصلك وعلى حبك الكبير لزوجك الي اعتبره حي بوجودك ووجود التويمز فصولي وحمودي غير انك لو ماتحبين ولد عمك كان تزوجتيه وانتي ماتبينه
تأثرت دانه من كلام بنت عمها .. سبحان الله فرق عن امها ..
قالت دانه وهي تتذكر :-رنو وش اخبار امك
حزنت رنا :-والله يا دانه ماخلى ابوي واخواني مستشفى نفسي ولا شيخ الا ودوها له
دانه :-لاحول ولاقوة الا بالله
رنا :-الشغالات مايجي من وراهن خير الشيخ يقول انها مسحوره ولاتقولين مو اكيد من الشغالات الا منهن ونص امي كانت تضربهن وحتى ناصر قال لي كم مره يجي ويلقاها تضرب الشغاله ويضطر انه يتدخل آخر شي طلبت تسافر ويوم سفروها انتكس حال امي مره
دانه تفكر في نفسها "اللهم لا شماته,,صدق انه يمهل ولا يهمل ..تقولي يا ام احمد ان الضرب يربي الحين الضرب هو السبب في حالتك الي انتي فيها"
دانه :-والعمل!
رنا بكآبه :-سوات الله ازين هي جسديا بخير بس عقليآ ماهي بالي ..بس تصارخ وساعات تهجد ..احسن شي انها ما تطيع الا احمد ولاتآكل الا من يدينه .
دانه اكتئبت :-الله كريم ..
رنا :-ههههههههههه يالله فروحه تصيح بروح لها
دانه :-ههههههههههه بوسيها لي
رنا :-تآااااااااامرين يالله سلام
دانه :-سلاااااااااااااام.
سكرت الجوال وهي تحس براحه ..فكرت طيب لمتى اليوم يبون يزوجونها ناصر وبكره من عريسهم الجديد ..
وقفت ورجعت شعرها ورى ..كتفت يدينها ومشت للطاوله الي بين الصوفتين الي بغرفتها جلست على ركبها تناظر في صورته الي تعشقها ..والي مظلل بيده على عيونه عن الشمس ..
وكالعاده ..نزلت الدموع بدل ما توقف ..والله لو نهر يمديه نضب وانتهى
درب الحزن ماله نهايات ..وطريقه طويل ينتهي عمر الانسان وهو ما انتهى
أفز من نومي وعلى الخد عبرات ..
أقول لدموعي ترى ما نساني ..
من يومها صرت أقضي
العمر حسرات ..
تمرني الذكرى تدمر كياني..
أحتاج لك دون البشر
<< أنت بالذات >>>
أحتاج لك حاجة غريق للمواني..
وقفت ومسحت دموعها .. لازم تعيش وانا ماكان عشانها عشان عيالها ريحة الغالي ..
طلعت تشوفهم وهي تمسح العبرات
*
*
>>>>>>>>>بيت ابو سعود
كانت منال نازله من الدرج ..
صاااااارخت :-هلاااااااااااااااااااااااااااا اااااااااااااااااااا ااااااااااااااااا مو معقوله
انخرش قلب ام سعود ورجلها وطلعوا من الصاله ..
ركضت منال الاوهي بحضن اخوها
سلطان :-هههههههههههههههههه بسم الله علي خرعتيني منالوه
منال بتكشيره :-هذا جزاي متحمسه لرجعتك ومشتاقه لك
ما امداه يرد الا امه وابوه عنده وهاتك يا بكا واحضان...
بعده بربع ساعه جلسوا ..بالصاله يتقهوون ..
وهاتك يا سوالف ووناسه
قال سلطان فجأه :-الا وش اخبار العايله
سكتوا الكل واسودت وجيههم .. انسدت نفس سلطان عن الحلا الي يآكله وقال بترقب وخوف :-شصاير؟
الكل:-................
خاف سلطان :-يبه اخواني فيهم شي
.................
انقهر سلطان ورحمته منال وقالت وهي مطنشه غمزات امها وجمود ابوها :-راكان بن عبدالرحمن يطلبك الحل
طاح الصحن من يده وانكسر قال بذهول :-راكاااااااان ..
منال :-ايه
سلطان بصدمه :-متى ؟
منال بتردد :-له فتره
سلطان :-متى؟
منال سكتت شوي ثم قالت :-قبل سنه ونص تقريبآ
طلعت عيونه وقال كلمه كلمه بتعصيب :-يموت راكان ولا تعلموني ليه ماني ولدكم ماني من هالعايله
اخيرا تكلم ابوه :-واذا قلنا لك بترد عنه الموت
انقهر سلطان :-لا ماني براد الموت عنه لكن على الاقل اكون معكم في مصيبتكم ..
ابوه :-اذا زواج هنادي مالقيت فرصه تحضره بتحضر عزاء راكان الا اذا ناوي تخربها
سكت سلطان وفهم تلميح ابوه لأن ماعنده اجازات واذا كان بيحضر فذا معناه انه بيكنسل دراسته كلها .
ابوه :-المهم كل شي جاهز للعرس .. انا مدري ليه راسك يابس وماخليتني اعطيك المهر
ابتسم سلطان هي الوحيده الي طاريها يشرح له قلبه :-ماعليه يبه انت الخير والبركه وانت ماقصرت كل تكاليف الزواج هديه منك
عصب ابوه :-انت ولدي زيك زي اخوانك وانا مسؤول عنكم
ابتسم سلطان :-الله يخليك لنا يارب هههههه جا الوقت الي نعتمد فيه على انفسنا خلاص صرنا رجال وتعدينا الثلاثين
ابوه :-بتظلون بعيني صغار لين اموت
جلس جنب ابوه وحب يده :-الله يطول بعمرك يبه ..
وضاع الوقت في السوالف والصدمات الي تتوالى على راس سلطان من حادث سعاد لموتت ام محمد ..
وش الي صار للعايله ..مصايب في مصايب ..
والقهر ان ما احد قال له بس لما رجع فكر فيها لقى معهم حق وما معهم .. لأنه بيترك دراسته ويجي ..يكفي انه بقي له ست شهور وياخذ الدكتوراه وانهم بالعله عطوه اجازة شهر ...لكن في نفس الوقت منقهر لأنهم استثنوه ..
ابتسم ابتسامة فرح لقرب اليوم الي اخيرآ بيجمعه مع قمر في نفس الوقت.. حزين لموتة راكان من جد صـــــــدمه عظيمه لا والي حز بنفسه اكثر ان ربي رازقه بتوامين عيال ..
سبحانك ياربي ..لك في كل شي حكمه
*
*
*
<<<بيت سعود..
قال سعود يستهبل :-انا لك يابريق الماس
الماس :-ههههههههههههههه لا والله مو تو انا دوبه وشينانه عقب ولادتي لناصر
قال بوله :-انتي شينانه ياشيخه ارحميني وقومي ناظري شكلك وربي قلبي من قو دقاته لاشفتك اخاف يوقف
حمر وجهها ..
وفي هالحظه صاح ناصر يبي يرضع ..
كشر سعود :-الحين ولدك ذا ورى ما تحطينه بغرفته
الماس :-هههههههههههه تعرفني ما اتحمل يغيب عني شوي
قامت تسوي له رضعته ..
اخذه من فراشه وجلس سكت فيه .. لين تجي امه ..
ابتسم لولده الي جمع مابين ملامحه وملامح حبيبة قلبه
تذكر كل المصايب الي صارت لهم ..بسبب موضوع العيال ..
تذكر يوم الماس تتركه ، يوم انطرد من الشركه ، يوم يحسب الماس تحتضر
كان يعرف انه يحبها ومتيقن من هالشي ..
لكن الي ماتوقعه ان حبها يوصل لدرجة الجنون ..درجة ان كل حريم الكون ماقدرن يحلن بمحلها ..
تعكر مزاجه يوم تذكر نوف وتذكر حقده عليها وكرهه اللامعقول لدرجة انه تمنى يوم شافها يخنقها ليلة الزواج يخنقها يذبحها يدفنها بالحيا ..انواع الاشمئزاز انواع القرف والحقد ..
كيف بيحترم وحده متزوجته وهي داريه انه مايبيها ..
كل هالمشاعر السلبيه بقلبه عليها من مو شهور سنين تفجرت ذيك الليله يوم طلعت اشاعه انها حامل منه ..في غمرة جنونه تعديه لمرحلة اللاتفكير ..
سوا الشي الي عاهد الماس مايسويه !
صحيح ان الي سواه مو حرام ولاعيب ، لكنه خيانه لحبيبة قلبه ..
والي مستغرب منه انه للآن مو ندمان على هالشي ..هي الي جنت على نفسها
كيف بالله بيصدقها يوم قالت له انها ماخانته وانها ماكانت فيوم لغيره ..
الخوف من العار...ومصداقيتها الملغيه عنده كانوا من بين هالاسباب الي اجبرته يسوي سواته ..
الي يريح في هالمأساة كلها انها تزوجت وشافت حياتها مع انسان مشهود له بالطيب والاخلاق ..
ما انتبه الا الماس واقفه قدامه تبتسم له وبيدها رضاعة نصور الصغير ..
نسوا الولد ..ولاقدر ينزل عيونه ولاهي قدرت تنزلها عنه ..
سبحان الله الي قوى هالرابط الي جمعهم اقوى واقوى رغم المحن والمصايب الي مرت بحياتهم ..
رجع ناصر يبكي وقطع هالاتصال الحسي بينهم ..
الماس :-ههههههههههه نسينا الولد الله يخلف علينا من أهل
سعود :-ههههههههههههههههههه انا ادري عنك انا كم مره اقولك لا تحطين روج يلمع
حمر وجهها :-هههههههههههههههههه مدري متى بتترك حركاتك
غمز لها :-ليه مو معجبتك؟
غمزت له وضحكت
زينت الرضاعه بيد ناصر عشان يمسكها
جلست تتأمل ولدهم ضمها سعود وقال بحب :-ياما قلت لك ربك كريم بس انتي عقدتيني بهبالك
ابتسمت وهي تحس بالدموع سبحان الله يغير الحال من حال لحال ..
الماس برقه ودلع :-احبك شسوي
سعود خق :-ههههههههه تحبيني تقومين تتركيني
كشرت وهي تتذكر هبالها قبل :-شسوي انت كنت رافض تتزوج ومالقيت الا اتركك عشان يجليك ظنا
سعود بجد :-اظن بعد كل البلاوي الي مرت علينا عرفتي اني يوم قلت ان نفسي ماتتقبل غيرك كنت صادق
ابتسمت بحب وهي تمسك يده :-عارفه والله عارفه وانت عارف اني اموووووووت فيك وان مايملي عيني غير نظر عيني والي هو انت يكفي العذاب الي ذقته وانت بعيد عني ..
خق من جد سعود ... *_^
*
*
*
<<<بيت ابو سعد
كلمت ساره امها وهي تصيح وترتجف وتمسح الدم الي سايل من فمها :-يمممممممممه الحقيني تكفين
انهبلت امها :-خير شفيك
ساره بصراخ هستيري :-ابووووووووووووووي بيذبحني
امها اختبصت من الرعبه :-شصاير ليه بيذبحك
ساره صارخت :-يمه تكفين الحقيني جيبي احد من خوالي
وسكرت الخط وهي ترجف ..
جلست بزاوية الغرفه وهي تبكي وتلطم خدودها ..
كيف صدقتك يا ماجد كيف ..قلت لي ان الزواج العرفي زي أي زواج ويوم طلعت حامل تهج وتتركني ..
ليه ليه !!
صارخت بهستيريا "ذي تالية الدجه بالاسواق والسفور ، ذي تالية رمي الغطا والكشف عن وجه مزين بدقه وضمير حسبتني فوق المستوى ومحدن يضاهيني ذكاء وخبث لكني طحت بالي اخبث مني ..، لاحقني من مكان لمكان عرف عنوان بيتي ..عرف مواعيد طلعاتي وكثر الدق يفك اللحام انا الغلطانه الي وافقت اقابله بالكوفي شوب جلس يتكلم عن عشقه المزعوم لي واقنعني وقال لي بنتزوج زواج زي أي زواج بس سر وبعد تردد وافقت.. فتنتني وسامته سحره نبرة صوته وتزوجنا وبعد شهور من زواجنا ومقابلاتنا السريه دريت اني حامل ومن بعدها ماعاد شفته .."
صرخ ابوها :-افتحــــــــــي يا ................
حطت يدينها على اذانها عشان ماتسمع هالكلمه الجارحه ..
صرخت :-انا متزوجته مو ...........
ابوها والقهر يطحنه طحن :-وين ورقة الزواج يا بنت الحمايل وينها هالشريفه وينها
صرخت بجنون :-معه الورقه هو قالي بيحطها بالدرج دورتها ومالقيتها شسوي
صرخ ابوها وهو يمسك صدره الي بدا ينغزه :-انت حامل بولد حرام يا بنت الاصل والفصل
صرخت بجنون :-لااااااااااااااااااااااااااااا اااااااااااااااااااا ا
صرخ :-لووووووووووووووووووووووووووا
نزل بسرعه وناداى الخدم يجون يكسرون له الباب ..
وصلت امها بسرعه البرق ومعها اثنين من اخوانها ..
وسمعوا صراخ ساره فوق ..
ركبوا بسرعه يلحقونها قبل لا تنذبح ويروح ابوها في داهيه ..
لقوه ماسكها ويضربها برجله على بطنها وهي تصيح :-جبتيلي العــــــار جبتيه لي
وهي تصيح ..وتتوسله لأنها تتألــــــــــم ..
تدخلوا خوالها ويالعزره قدروا يبعدونه عنها ...
صرخ :-بنت الكلب جابت لي العـ.......(ومسك قلبه) آآآآآآه
وطاح عليهم ..
انهبلت امها تشوف حمد الي طايح ولا تشوف بنتها الي تنزف مره ومغمى عليها ..
المهم ...دقوا على الاسعاف واخذوا ابو سعد للمستشفى اما ساره فطلبوا لها اسعاف خاص عشان الفضايح لأن المستشفيات الاهليه تتكتم احيانآ على مثل هالامور ..
وبالمستشفى الحكومي ..
انتظر واحد من خوالها ..والثاني راح مع ساره وامها ..
جلس على اعصابه ..وبعد نص ساعه طلع الطبيب ووجهه ما ينتفسر
وقف خال ساره :-خير
الطبيب :-عظم الله اجركم
خالها :-لاحول ولاقوة الا بالله
الطبيب :-الرجال كبير بالسن مو حمل صدمات ع العموم الله يتغمده برحمته الرجال توفى بسكته قلبيه انت اخوه
خال ساره :-لا قريب له
الطبيب :-أجل ياليت تعطيني ارقام اهله ولا تكلمهم يجون هنا عشان يوقعون الاوراق ويستلمون جثته
خال ساره :-ان شاء الله
راح الطبيب وعلى طول دق على ابو علي (محمد) وبلغه بالخبر ..
×
وصل ابوعلي المستشفى مصدوم مذهول من الخبر ..
دخل على اخوه المسجى فوق سرير ابيض ومغطين وجهه ..
حب على راسه ومسح دموعه ,,
وطلع ..شايل عتابه بقلبه ..اخوي مات وماينفع العتاب الحين
وقع الاوراق ..
وعلى اساس ان بعد صلاة العشاء اليوم يدفنونه بما انهم ظهريه الحين
>>>>> بالمستشفى الثاني
جلست ام ساره تمسح دموعها..
مايكفي انها اجهضت بعد شالوا رحمها بسبب الضرب الي جاها من ابوها
ياربي ليش سويتي كذا يمه ليش انتي مو قد الثقه الي عطيناها لك هذا وانتي بالثلاثين أجل غيرك ماينشره عليه ...
الله يعينك على خسارتك يمه ..
وانا اشك ان موضوع العيال يهمك ..يمكن ما تحزنين الا على نقص انوثتك بس لأن من جد ذا الي يهمك انا مدري ليه تفكيرك مريض كذا..
هل هي احقاد ابوك الي زرعها في قلبك من الصغر ولا تربيته المتسيبه ودلعه الي ماله سنع ولا رفاق السوء
مسحت امها دموعها ..وجلست تقرا قرآن
&&&
&
*
&
&&&


****بيت احمد ****
كان احمد جالس مهموم ..
من نظره لوجهه الحبيب تقدر تعرف اذا هو متضايق او سعيد..
قربت لمه وسألته :-حبيبي فيه شي
ابتسم غصب والافكار تاخذه يمين ويسار :-هاااااه لا لا سلامتك
ابتسمت بحب :-علينا
احمد :-هههههههههههههه دايم تكشفيني
سعاد :-ههههههههههه شفت عاد يالله وش مضيق صدرك
احمد :---------
مسك يدها يحرك اسوارتها ..وبحركته كان فيه توتر ..
قالت بالحاح :-احمد شغلتني
سحب نفس طويل وقال :-سعاد
قالت بابتسامه حلوه :-ياقلب سعاد
احمد :-هههههههههههههه خليني طيب اهرج زي الناس
سعاد بدلع :-ماسكتك انا
احمد خق :-ههههههههههههههههههههه لا ما مسكتيني بس عن الدلع والتسبيل ..
سعاد :-هههههههههههه طيب
احمد بجد :-ودي اني انقل واسكن ببيت ابوي
ما استوعبت سعاد كلامه ..
فهم كلامها غلط :-انسي الفكره
سعاد بعجله :-لا لا كمل انا بس تفاجأت
احمد بحزن :-امي تعبانه حييييييييل وانتي تعرفين ما تآكل الا من يدي وربي وصانا ببر الوالدين حتى لو كانوا كفار ..
سعاد بحب :-هنا يالغالي ما تشور.. هنا انت تآمر ..والي مافيه خير باهله مافيه خير بالناس
ابتسم براحه وسعاده عز الله سنين عمره الي حبها فيها ماضاعت هدر وتستاهل كل لحظة عاشها يحلم فيها ويتمنى قربها وشوف محياها
احمد برقه :-ما اقدر اقول الا اني ما ندمت ولاراح اندم في يوم على محبتي لك
سعاد :-الله يخليك لي .. وانا شقول عاد ..عساني اقدر اعوضك عن كل المعاناه الي سببتها لك
احمد :-ههههههههههههههه احلى معاناه .. من جد جتني حالات تمنيت فيها لو اخنقك
سعاد :-هههههههههههههههه اف اف للدرجه ذي
احمد :-وازود بعد ههههههههههههههه من جد عنيده مدري طالعه على مين
سعاد خزته وجلست تضحك ..
فهم عليها :-هههههههههههههههههههه حرام عليك انا عنيد
قالت ببراءه :-أبدآ
احمد :-ههههههههههههههههه ايه على بالي
وفجأه جلست تضحك بهبال (متعود على هبالها مافيه مشاكل)
احمد بابتسامه (الله يريحك زي ماتريحيني دايم) :-خير وش ذكرتي بعد هههههههههه
سعاد وهي تضحك بهستيريه :-تذكر يوم طاحت الدجاجه على رجلك
احمد :-هههههههههههههههههههههههههههههه ههههههه
سعاد وهي متشققه من الضحك :-ااااااااخ ياقلبي ههههههههههههههههههههه
احمد :-كنت بتفيلح واطبخ وابتسمتي وتخملت ايديني
سعاد راح وجهها احمر من الضحك ..:-هههههههههههههههههههههههه
احمد :-ايه اضحكي اضحكي موب انتي الي بغت رجلك تنكسر
غمزت له :-عوضتها يوم زلقت ومسكتني حشا فلم هندي
احمد :-هههههههههههههههههههههه احلى شي الصراحه (وغمز)
حمر وجهها ..منه
وكمل :-عسى الله يتمم فرحتنا علينا ولا يغير قولي امين
سعاد وهي تضمه :-آمين
ضمها وقال :-ترى بننقل لبيتنا هاليومين
سعاد بمحبه صح ماتطيق امه بس لأجل عين تكرم مدينه وعشان عين احمد تكرم مدن مو مدينه :-تآمر أمر
احمد بخبال :-هههههههههههه ترفقي
سعاد بدلع :-وان قلت لا
احمد وهو يغمز :-عارفه تاليتها
حمر وجهها وماخاب ظنها *_^
*
*
*
*
<<<<<<<بيت محمد
جابت هنادي القهوه لمحمد ..وجلست
قال محمد بتفكير :-هنود دريتي
هنادي :-خير
محمد :-عم راكان.. سعد
قالت بحقد :-علامه عساه الماحي
محمد :-توفى اليوم
انصدمت هنادي :-هاااااااااااااااااه
محمد :-توفى بسكته قلبيه وبيصلون عليه العشا
هنادي :-لاحول ولاقوة الا بالله
محمد والنار قايده بقلبه بسبب فعايله مع رفيق عمره بس يالله مات وريح
هنادي :-بتصلي معهم
محمد :-مدري الي سواه براكان ماينسي (وغص بعبرته)
انتبهت هنادي لمزاجه المتعكر وابتسمت :-خلاص حمودي عن الكآبه ..
محمد :-ههههههههههههه اخ يازين اسمي
ولع وجهها وجلس يضحك عليها ..
قال وهو يغمز:- انا ماوريتك تذكار اثري عندي
هنادي :-ههههههههههههههه لا
دخل مكتبه وثواني ثم طلع رفع اسوارتها قدامها ..:-شرايك
صارخت هنادي :-هههههههههههههههههههه مو معقوله عندك للحين
محمد :-ههههههههههههههههههههه احلى شي بحياتي
هنادي :-ماتوقعتك ماخذه
محمد :-سبحان الله شي شدني له واخذته وماخاب شعوري صار له معنى حلو بحياتنا
هنادي :-هههههههههههههههههههه أي والله عشان اتذكر رباشتي واعقل
محمد :-ههههههههههههههههههههه احلى مربوشه بحياتي
هنادي :-ههههههههههههههههه
وفجأه دق جواله رقم غريب ..
عقد حواجبه
هنادي :-خير
محمد :-رقم غريب
رد عليه :-هلا
عقد حواجبه ..عقدها زود ...طلعت عيونه...شهق .....فز من مكانه
فزت معه هنادي من الترويعه ..
محمد :-انا جايكم الحين
سكر الجوال ..وقال بسرعه :-هنادي جهزي لك اغراض بنزلك عند اهلك كم يوم
تروعت :-ليه
محمد بعجله :-بعدين بعدين
ركضت وجهزت لها كم لبس طياري ..وطول الوقت كان محمد يكلم بالجوال وهنادي ترجف ماتدري وش الموضوع ..
نزلها وقال بسرعه :-بكلمك زين واشرح لك كل شي الوقت عدوي الحين
هنادي :-انتبه على نفسك
محمد :-طيب سلام ..
<
<
>>>>> بمطار الملك خالد ..
دخل محمد بسرعه ومعه المحامي والاوراق الي طلبها ..منه
حمد ربه انه لقى حجز لشخصين لرحلة رايحه للندن ...
حمدان :-محمد وش صاير ليش طالب هالاوراق كلها
محمد يرجف وشوي ويجيه انهيار :-بعدين بعدين
سكت حمدان وركبوا الطياره ...لأن رحلتهم بتقلع
*
*
*
*
<<<<<بذاك المكان
فتح عيونه وبهره النور...الآاام مبرحه براسه وكل شي حوله ضبابي ماله ملامح
"اه ياربي وش صاير لي راسي يوجعني وعظامي تعورني "
حاول يتحرك وماقدر ..
كانت تتكلم وتهذر على راسه ممرضه شعرها بني يلمع ..
تذكر شي وماقدر يتذكره بنفس الوقت..
ملاك...ايه ايه يذكر ملاك شعره نفس اللون ..
بس الملامح احلى ..
ماقدر يستوعب الا وهي تنادي اسمه وتكلمه ...بالانكليزي طبعا
حاول يتكلم لكن الكلام طلع منه متقطع ..كان وهو يتكلم يبذل مجهود كبير كبير ..
عطته كاس ماء ومسكته له تساعده شرب وابتسم لها ابتسامه خلت وجهها يقلب احمر ,,,
ساعدته وجلس رافع ظهره كأنه احسن اليوم بكثير عن هالاسبوع الي استعاد فيه الوعي..
غمض عيونه لأن النور مازال يبهره ويوجعه في راسه ..
وطلعت الممرضه ..من الغرفه احتراما لخلوته بعد ماعطته محاضره عشان يناديها لا بغى يتحرك..
ناظر بساعه الجدار..
"اوف متي يجي المدلك الفيزيائي ويساعدني عشان استعيد لياقتي واقدر امشي مره ثانيه "
وسرح في اعماق هالذاكره الي نامت ..مده طويله وتحتاج لوقت عشان يسترجعها كلها
انقهر وهو مايتردد براسه الا صوت ضحكتها ,,ريحة عطرها ..
غمض بقوه ومسك راسه بيده "منهي منهي "
×
×
×

عقب اسبوع{{
>>>>>> زواج سلطان ..
بالقاعه ..*
كانت قمر كاشخه ومتشيكه ..
فستان نافش وشعر شنيون روعه ومكياج خليجي ..
كان الكل كاشح حتى دانه متكشخه لعيون اختها ...
كان الكل بالكوشه ..ابتسمت دانه للمهنين والي يسالون عن عيالها ..
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
ياطول صبري وآآآه
ياكبر بلواي
أخفي عن العدوان همي وأشيله
أخاف أبوح بسر قلبي وشكواي
وتصير نفسي بين
ربعي ذليله
أضحك ودايم بسمتي تسكن شفاي
ومن شاف حالي قال محد مثيله
وأنا بجوفي هم والنار بحشاي
والجرح ينزف والليالي طويله
والعمر يمضي بي وحاير بممشاي
محروم من طعم الحياه الجميله
الياس حل وماتت اليوم رجواي
ولاعاد لي غير الصبر من وسيله
يالله ياعالم بسري ونجواي..
تشيل عن قلبي هموم ثقيله...!!
...
تبتسم غصب عن العواذل وعن الشامتين لعيون اختها ولعيون من حبته فيوم ..
الكل مجتمع والفرح عم ديارهم ..لكن القلب غزاه واحتله الحزن ..
"ويني ووين الفرح عقب فرقاك يا ظنيني"
دخل سلطان وتمت الزفه على خير ..
عيونه بعيون حبيبة قلبه..
النظره الي ياما حلم فيها تجلت واضحه بعيونها ,,شوق لهفه وحنين ..
جلس جنبها بعد ماسلم عليها ...
وبعد الرقص والتصوير طلعوا ,,
،،،،،
الساعه 3 الفجر رجعوا البيت ورجعت دانه معهم بناء على طلب من امها ..
وما امداهم يوصلون الا هم نايمين ..
×××
>>>>>>>اليوم الثاني
بكت وشوي وتطيح على رجلين ابوها :-يبه تكفى مابي اتزوج تكفى
ابوها بعصبيه :-بتتزوجين غصب عليك
دانه وهي شوي وتستخف :-يبه حرام عليك انا ام عندي عيال
ابوها :-ايه وعيالك يبيلهم رجال يربيهم ويسنعهم
دانه ودموعها تصب :-يبه تكفى لا تذبحني بالحيا
ابوها قسا قلبه ولا دموعها مو هاينه عليه :-يرضيك كل يوم والثاني ادنى خلق يجون يخطبونك طمع في حلال هاليتمان.. ولد عمك اولى بك
قالت بسرعه :-ناصر ما يبيني غصب
طلعت عيونها وهي تو تنتبه للمصيبه الي قالتها ..
مسكها مع ذراعها :-شدراك انه مايبيك
دانه ماتعرف تكذب ووجهها حمر ..
انصدم ابوها :-انتي قايله له مكلمته
لوى يدها وصرخت :-لاااااااا يبه انا تربيتك لاااااااااا
ابوها :-أجل علميني بالحقيقه
مالقت لها مهرب لأنه كشفها واضحه لسالفه لأن رياجيل العايله مايتكلمون مع حريمهم بكلمه وحده عن الي يدور في مناقشات العيله ..
علمته وانهبل منها ابوها ..
عصب وقال :-احتراما لعيالك ماني ماد يدي روحي لغرفتك وتجهزي عرسك على ناصر الخميس
صرخت وراحت لغرفتها القديمه تركض مثل المجنونه ودموعها تسيل...
لحقتها امها عقب ماتهاوشت مع رجلها
قالت تهديها :-يمه يمه هدي نفسك بحاول اكلمه
(عارفه انه مستحيل يوافق بس وش تسوي دانه وصلت لمرحلة الهستيريا )
دانه بجنون :-لااااااااااااااااااااااا وربي لاذبح نفسي وغير راكان ما اخذ
امها بدموع :-يمه تكفين لا تسوين مشكله بالعايله
دانه بجنون ازود :-قلت لكم وربي الي خلقني ورب الكعبه ما اتزوج غيره فاهمين فاهمين
دخل ابوها الغرفه لأنه سمع صراخها قال بعصبيه :-تبين تتزوجينه غصب عليك والعرس مو الخميس العرس عقب 3 ايام شرايك ..
دانه :-لاااااااااااااااااااااااا
وطلع من الغرفه راحت ضمت عيالها الي حسوا بألمها وجلسوا يبكون معها ...
وربي مابكت عيني على شئ فقدته وراح
وربي ماأنزل دمعتي ولاحتى علشاني
وربي ماشعرت بيوم صدري ضاق بي أوصاح
كثرماضاق هالمره علي وصاح حرماني
وربي ماعرفت أن الدموع أذابكيت رماح
الإبعد من هوبفرقاه حيل بكاني
قضت الليل كله بكا في بكا وماغفى لها جفن ولا ارتاحت لها عين ..
طبعا ..
انهبل ناصر يوم كلمه عمه وقال له العرس عقب 3 ايام ولا طقطقه ولاشي سكيتي وعقب يسوون الي يبون
جلس ناصر يضرب اسداس في اخماس جاء بيعترض وعطاه عمه كلمه قويه خلته يسكت شكل عنده خبر عن رساله دانه الي تستفزعه فيها
ماغفا له جفن هو الثاني والعمل ..البنت ماتبيه ومغصوبه عليه ؟؟
مسح وجهه بيدينه وهو يفكر ويفكر في هالمصيبه ..صح يحبها ويبيها بس مو غصب ..
/
/
/
/

>>>>>>> في لندن
دخل محمد المستشفى رجلينه ما تشيله ..
اسبوع على اعصابه وهم رافضين يخلونه يشوفه ...
والحين وافقوا..
كانت يرتجف ويرتجف ويرتجف
موت الأمل مو مثل موتته بعد ماهو من اليأس حيا
وبعد ربع ساعه وقف قدام باب الجناح.. ووراه الفريق الطبي والفريق السعودي الي لحقهم غير حمدان المحامي ..
قال حمدان بتفهم:-ياليت لو نخليه يدخل بلحاله لين يستدعينا
محمد كان في مرحله التفكير والحكمه ابعد مايكون شكر حمدان الي تولى هالشي بداله ..
انتظروه وانتظروه....وماتحرك الخوف شاله شلّ
قال حمدان بنبرة اخوه :-سم بالله وادخل
هز محمد راسه ودخل ...
مشى والباب سكر عقبه من نفسه..
كان جالس ومعطيه ظهره ..شعرها مقصوص لكن الوجه مو بين ..
غرقت عيونه بالدموع
التفاته وحده ..وحده
بس
لكن حياته وسعادته وقف عليها ..
"طلبتك ياربي يكون هو ...بكل اسماءك الحسنى وصفاتك طلبتك يارب لاتخيب ظنوني"
حس بحركه وراه ريحة عطر مألوفه ومو غريبه ...
ما التفت ..لأنه مصدوم بالبندانه الي بيده واسم صاحبتها ..
ليش مايتذكر ليش
يعرفها ويحس فيها بس مثل ماهي قريبه لنفسه بعيده..
كأنها واقفه قدامه لكن ملامحها ضبابيه ..
محمد بصوت فيه دموع :-ر..ر..راكان
ضربه هالصوت على راسه زي ضرب العصا ..
تسند على العكاز الي جنبه مؤقتا لي متى مايستعيد لياقته وتصير مرنه عضلاته عقب هالطيحه الطويله بالسرير .
التفت شوي شوي ..
صرخ محمد من كل قلبه ونزلت دموع الصدمه مدري الفرح مدري الخوف من ان الي يشوفه خيال ...
قال راكان بصدمه :-مـ محمد
قال محمد بهستيريا :-أي ايه ..
خمه ذاك الصداع وطاح مغمى عليه...
صرخ محمد واستدعوا الاطباء ...
جلس ساعتين ينتظر وينتظر..وطلع الطبيب
محمد :-هاه بشر ...
قال الطبيب السعودي المرافق معهم :-لا لاتخاف شي طبيعي احتمال تكون ذاكرته رجعت وماتحمل راسه الضغط واغمى عليه
محمد بذهول :-هو فاقد الذاكره ..
الطبيب البريطاني تكلم وشرح له الحاله من قبل للآن ...
وانه جاهم منقول باسعاف لأنه كان صادم شي قاسي ومسوي له ارتجاج قوي بالمخ ..ففقد الذاكره وراح في غيبوبه ..ولما صحى ما كان على لسانه الا محمد وبعد جهد جهيد وصبر اسابيع قدر بقدرة قادر يعطيهم رقمه (رقم محمد) واتصلوا فيه لأنه مجهول الهويه ومحمد الخيط الوحيد للكشف عن هالغموض
انهار محمد على اقرب كرسي وهو يسمع تهليل حمدان الهامس وتكبيره لها المعجزه الي صارت ...
طلعوا من المستشفى ...
وبالمساء رجع محمد وخلى حمدان يشوف المعاملات القضائيه لاثبات هوية راكان بمساعدة السفاره السعوديه بلندن ...
دخل غرفه راكان ولقاه جالس يقرا قرآن ..
وقف قرايه وابتسم بمحبه كبيره جاه محمد وضمه من قلب ..
قال محمد :-انت بخير وجلس يتفقد شكله عموما ..
ابتسم راكان :-نحمده على كل حال
محمد وهو شوي ويرجع يبكي المفاجأه اكبر من احتماله :-طيب شلون كيف ماني فاهم
كان راكان تعبان لكن بنيته القويه مساعدته :-السالفه كلها اني وانا رايح اشتري غرض اسرع السواق وقلبنا كذا قلبه شي ماتتصوره
وسكت لأنه تعب
محمد وهو مو داخله مزاجه السالفه :-طيب شلون كيف ..؟ لقوا بالسياره جثتين واوراقك واغراضك ..كيف
راكان :- حنا كنا ثلاثه بالسياره
انصدم :-هاااااااااااااااااااااه من شهادات موظفيننا انك انت والسواق ..
قال راكان بكآبه :-تعرف مات هيرلي
محمد :-مدري مو غريب علي شفيه
راكان :-هذا الي يملك محل المجوهرات الي دايم انا اشتري منه
محمد :-طيب
راكان :-انا دقيت عليه يجيب لي مجموعه خواتم بشتري هديه لزوجتي والي جابه ماعجبني ثم قلت له أجل امش رح معنا للمحل وورني غيرها
محمد :-طيب ما صار شي وللآن ماعرفت من الثالث
راكان :-اصبر هو قال لي انت خلص معاملات الفندق وانا بنزل اشتري غرض وتلقاني انتظرك عند الاشاره الثالثه الي بنفس الشارع ..
محمد بدا يفهم
كمل راكان :-وصار هالترتيب ودعت الموظفين ومريته وركب معنا واسرع السواق مره واثناء التقلب انا طرت من السياره بعيد واذكر اني مشيت مسافه لكن فجأه اغمى علي ولاعاد دريت عن شي الا هالشهرين الماضيين ...
مسكه محمد مع يده وقال :-نذر علي لا اكون مسوي لك حفله ماصارت ولذبح بمناسبه رجعتك خمسة بعارين وعشرة روس من الغنم
راكان :-هههههههههه كل هذا
محمد بكآبه :-انت ماتدري وش صار لنا بغيابك
انقبض قلبه :-د..دانه فيها شي
محمد بانقباض في صدره :-لا زوجتك بخير وماشاء الله عليها بنت رجال ماصله
(وسكت ماعلمه بعياله مفاجأه )
ابتسم بحب ...
لازم اقوله ولافات الفوت وماراح يسامحني كل العمر
محمد :-راكان
راكان وهو ينسدح من التعب :-هلا
محمد بتردد :-زوجتك بيزوجونها غصب بعد بكره ..
جلس من مكانه وطار التعب :-هااااااااااااااااااااااااااااا اااااه
محمد خاف من ثورته ذي تنعكس عليه سلبيآ :-هدي نفسك
وقف وقال :-اليوم نرجع الديره
محمد بذهول:-انت تعبان
صرخ راكان :-بترجعني ولا رحت انا حي مامت
وماقدر محمد يمنعه ...
طبعا بعد هوشات مع الدكاتره .. وتدخل من السفاره مشا راكان الي براسه وقرروا يحجزون للسعووديه من بكره الفجر يعني الصبح في السعوديه يوم زواج دانه...
كان طول الوقت على اعصابه ومن زود العناد رفض يرجع بطيارة الفريق الطبي الي جايه من الرياض ..لكن بعد تهديد انهم مايرخصونه اضطر يقبل ..
قال محمد :-اهدا ان شاء الله بنوصل ..
راكان بتوتر :-كيف اهدأ.. الحين عصر بالسعوديه
توتر محمد زيه بس الي يريح انه طلب من خالد يمنع الملكه لين يوصل ولا احد فاهم شي ..لا العيال ولا هنادي لأنه متكتم على الخبر لين تضبط اوراقه الرسميه ومعاملاته برى
÷
÷
<<<<بيت ابو خالد
قالت قمر لاختها الي تلبس عباتها :-دانه انتي مجنونه
قالت دانه :-ابوي وين
قمر :-توه رايح للمسجد عشان يصلي صلاة العصر
دانه :-وامي
قمر :-طالعه تشتري ملبس مدري وشو
مسحت دموعها ...
واخذت عيالها وشغالتها معها تساعدها
بكت وبكت قمر ..الي ماسافرت شهر العسل عشانها ..
طلعت دانه صاروخ لبيتها ..وعيالها معها ..
ركبت السياره وقلبها يرجف رجف ..
جا وقت الملكه ..المغرب ودانه مفقوده ..
دوروها امها وابوها ومالقوها ..
قب ابو خالد :-وين البنت؟
ام خالد مصدمه :-يافضيحتنا وين راحت
نزل ابو خالد معصب صارخ :-وين الزفت الثاني احمد
احمد :-سم
ابو خالد :-وين اخوك
احمد :-مدري
(ماسك نفسه لايضحك لقيتوا ندكم ياهالشياب)
ابوه بعصبيه :-اسمع دور اخوك لا والله لتتزوجها انت
طلعت عيون احمد قدام :-هااااااااااا
ابوه –جاك العلم قم فز معجبك شكل عمك وضغطه مرتفع ..
احمد ماصدق خبر وطلع برى المجلس ..
دق على رقم صديق ناصر :-نويصر
ناصر :-هلا احمد
احمد :-ياشيخ ورطتني
ناصر :-ليش
احمد :-ابوي حلف انك اذا ماجيت بيزوجني بدالك
ماقدر ناصر الا يضحك
احمد :-أحر ماعندي ابرد ماعندك
ناصر بضيق :-يفرجها ربك
احمد مع اخوه ان الزواج مو غصب بس مايصير يتهرب كذا ..
حمد ربه ان الزواج عائلي ..ولا كان جد زوجوه دانه بدال ناصر ..
كلم سعاد :-هلا حبيبتي لقيتو دانه
سعاد بضيق على حال بنت عمها :-ايه في بيتها بس عمي لايدري
احمد بتفهم :-مانهبلت للحين عشان اعلم على هالمسكينه مالهم حق الصراحه ..
سعاد بضيق :-يهونها ربي
احمد :-على قولتك ..يالله سلام
سعاد :-سلام
&&&
>>>بيت راكان ..
قالت ام راكان لدانه :-يمه غلط الي سويتيه
دانه بانفعال :-يمه والي يسوونه هو الصح يعني
مريم :-لا معك حق يستاهلون
ام راكان :-مريم حنا مانبي الخطا يركبها
مريم :-الخطا راكبهم من روسهم
ام راكان سكتت لأن مريم معها حق ..
مسكت دانه نفسها لاتبكي لازم تكون ذكيه وقويه وتقدر تتعامل مع هالوضع ..الي يشوف حالها الحين مايصدق انها دانه شريكة محمد والي مقترحه اقتراحات حسنت العمل وصارت سمعتها مشهود لها ..حتى ان المجلات حاولت تاخذ لها لقاءت وحوارات وهي رافضه نهائيآ هالشي
تنفست بقوه وهي تناظر في الثنين الي نايمين وحاضنين بعض ..
"انتم قوتي ادعموني يا قطعه مني ادعموني "
سمعت صراخ تحت وانفجر قلبها بصدرها ...نزلت ام راكان تشوف السالفه وبقت دانه ضامه امها _مريم_ تنتظر المجهول ...
نزلت ام راكان لقت ابو خالد واقف تحت :-هلا ابو خالد
قال وهو منزل راسه :-حياك الله ام راكان وين دانه
ام راكان :-موجوده
ابو خالد باحترام :-ماعليك أمر ناديها خليها تنزل وتلبس عباتها المملك برا ببيت الشعر ويبي يسمع ردها
ام راكان وقلبها يعورها :-البنت مو موافقه
ابو خالد بدا صبره ينتهي :-طيب ناديها ..
احترامآ لشيبته نادت دانه ..
ناظرت دانه في ام راكان –مريم- نظرات كلها خوف مخلوطه بتصميم
ونزلت ..
عينها بعين ابوها ..
قال بعصبيه :-وين عباتك
دانه بتصميم ولاهي ترجف وميته خوف :-زواج مو متزوجه
ابوها :-يابنت لاترفعين ضغطي
دانه وهي تهزء نفسها لاتبكين لاتبكين :-زواج مو متزوجه
صرخ :-داااااااااااااااااااااااااانه
نطت من مكانها من الخوف من جد اول مره تشوف ابوها كذا ..
ابوها :-انتي وولد عمك ناوين لي بنيه هذاك ساعتين لين لقيناه ولين جبناه هنا غصب وانتي تتنحشين مالك والي
"مالك والي"
ليش تجرحني يبه ..ليش يعني انا دايره على حل شعري بكل مكان ..
انت عارف اني ماطلعت من بعد وفاة راكان لمكان ..الا يوم الورث ومراجعات عيالي ..
كنه حس انه قسى عليها ..لكن مارق قلبه ..
:_ قدامي
دانه بعناد :-مابي اتزوج
ابوها بقهر :-امشي قدامي
وسحبها من يدها سحب وهي تصارخ .."مابي غير راكان مابي"
ابوها يسحبها :-امشي
دانه بدموع وهي تتفلت من يده :-تكفى يبه.. يحرمون علي الرياجيل عقب ابو عيالي
ولااذن تسمع.. ولاعين ترا وتشوف !
"اتركها يا ابو خالد"
.............................. .................... ...
.............................. ............
.........................هدووو ووووووء............. ..............
.............................. ........
.............................. ....
رفعت دانه راسها ، تصلبت يد ابوها
جمود ...موت بطئ..
جلست ترجف وترجف وترجف وترجف..كانها محمومه ولا عايشه بالقطب الجنوبي ..
يمكن ابوها معه حق يوم يبي يزوجها بما انها بدت تهلوس بسماع صوته ..
ومارجعها للواقع الا ابوها يوم يقول :-لا اله الا الله.. لا اله الا الله
رفعت راسها وطاحت عيونها بعيونه ...
.............................. .................... ...............
.............................. ................
"قد سمعتوا بكلمة ويعجز الشرح عن التفسير وتعجز الكلمات عن الوصف"
.............................. .................... ................
.............................. .................
لحظه فاقت الوصف والتبرير والتعبير ..يقف القلم امامها عاجزا حائرآ
.............................. .................... ..............
.............................. .................... .
لما يموت القلب ..خلاص مات وماعاد هناك رجوى من رجوعه ..
يظل ينبض وينبض وينبض
نبضاته عذاب وقهر ..
ليه
لأن الواحد يكون حي وهو اصلا مايبي لحياه
الموت مره ارحم ولا الموت كل مره ..
ناظرها ....بحنين وألم وشوق واحتياج
"تعالي لاحضاااااااااااااااااااااااااا اني تعالي مشتااااااااااااااااااااااااااا ق لك مشتااااااااااااااااااااااااااا اااااااااااااااااااا ااااااق "
ومافيه ردة فعل غير دموعها الي تسيل كانها انهار!!
أنا عيوني حرمـــــت غيـــرك تشـــــوف ..
والقلـــب حرم غيرك يحـــــب ثانـــــي .."
كف الدمــــوع وأبعد الشــــك والخـــــوف ..
القلـــب لك يا بعد عمـــــري موانـــــي .."
دخيل قلبـــــك سو بي عــــاد معـــــروف ..
لا تــذرف دموعـــك تبعثـــــر كيانـــــي .."
إضحـــك أنا لضحتــك مشتاق ملهـــــوف ..
يا من غرامــــك عن زمانـــي خذانـــــي .."
ويا من بحبــــه صرت مغـــرم ومشغـــــوف ..
للـــه درك ويـــــن حـــبـــــك رمانـــــي .."
ماقول لك بالـــــروف ماقول بالـــــروف ..
أقول زدنـــــي من الهـــــوى ماكفانـــــي .."
أنت الوحيد اللي على القلـــب مألـــــوف ..
وانت الذي أسقيـــه صافــــي حنانـــــي .."
في وسط قلبـــي يالغلا أدخل وطـــــوف ..
أنـــــا بحبـــــك يـا حبيبــــي أنانـــــي .."
لني عطيتك في الهوى عهــد وحلـــــوف ..
واعطيك قلبـي فوق عهـــــدي ضمانـــــي .."
ويا خل غيرك حرمت عينـــي تشوف ..
والقلـب غيرك حرم إيحــــب ثااااااااااااااااااااااااااااا ااني .."
*
قال بمحبه :-تعالي ..
لمني بشوق واحضني ..بعادك عني بعثرني
صلبني في صقيع الموت ورد ثاني لهجير الشوق ذوبني
تعال
تعال
طفي النار الي تسعر !
لمني بشوق واحضني ..غرقني فبحر عينك
نسيني الألم كله تقرب والعتب خله
اغسل كل شقى سنيني..وامسح دمعتي بعيني
تراها جرحت جفني!
لمني بشوق واحضني ..سكن رجفة ضلوعي
كل خوفي من رجوعي
ولاتطري سنين الظيم ..ذكر فرقاك يرعبني
ولي لمني دفا حضنك وغفت عيني على صدرك
احلفك لا توقظني احلفك لاتوقظني
×
تو تستوعب راكان حي.. حي.. مامات
صرخت وركضت له باقصى ماعندها وضمته بكل قوتها ..تبي تحس انه حقيقه وانه حي حي حي
قال راكان وهو يالله ماسك نفسه :-ترفقي يالغاليه ماودي اشوف دموعك عقب هالبعد كله
ناظرت في وجهه الغالي الي مافارقها لا ليل ولانهار ..ماتغير عليها فيه شي غير انه نحفان والا العيون الذباحه ..والوجه السمح هو هو !
قالت وهي ترجف بقوه :-انت حي ولا اتوهم
راحت لابوها تمسكه مع كم ثوبه :-يبه قلي تكفى الي اشوفه صدق ولا خيال
ابوها مسح دمعته بطرف شماغه :-لا يبه حي حي
التفتت له وقالت وهي ترجع لحضنه :-مو مصدقه بغيت اموت يوم قالوا انك مت بغيت اموت ..
راكان بهمس :-انا حي والحمد لله على كل حال..
نزلن امهاته من فوق ..لأن ام راكان طلعت تنادي مريم تفزع لها لأن اسلوبها في الكلام زين وممكن تقنع ابو خالد لا يزوج دانه غصب..
نزلن وهن مشغولات وماسكات بعض عشان الدرج عالي عليهن ومتعب..
واخر درجه سمعن ذيك النبره المميزه ...
صرخت امه مريم :-ياووووووووووووووووووووووويلي هذا راكان
ام راكان :ماقدرت تشيلها ركبها وجلست على الدرج
ركض لهن ضم امه ودفن نفسه في صدرها :-يمـــــــــه
انهارت جنبهم الخاله مريم ورفعت راسه تلمس وجهه تتأكد منه من حقيقته ..
موقف لا يسعني تجسيده بالكلمات ..دموع انذرفت سكايب وشهقات وصلت لسابع سما ..
قال راكان يخفف هالألم عنهن :-خلاص كافي صار لنا ساعه نبكي يكفي خلاص
امه :-اااااااااااااه يايمه ااااااااااااااااااه احس اني بحلم مو علم
راكان :-وانا اكثر يمه والله العظيم انا مامت في الحادث كان غيري لكني كنت في غيبوبه ماصحيت منها الا قبل كم شهر
امه :-ومادرينا عنك
راكان :-يمه كنت تعبان وماقدر امشي غير ان الذاكره مارجعت لي الا يوم شفت محمد كنت اذكر اسمه ورقم جواله وبس ويوم اخذته السفاره السعوديه كلموه وجا..طبعا عرفوا اني سعودي من مفتاح الدوله الي بالرقم ومن هيئتي ..
والحمد لله على كل حال
امه :-ايه الحمد لله
تذكرت دانه عيالها الا والشغاله جايبتهم من فوق لأنه موعد أكلهم ومايحب يأكلهم الا دانه ..
وقف مصدوم مشدوه يناظر في زوجته وامهاته مو فاهم شي..
وقفن امهاته ..
قالت امه :-سلم على فيصل ومحمد
راكان بعدم فهم :-هااااااااااااه
امه :-ههههههه عيالك
راكان بصدمه:-هااااااااا
اقبلت دانه لهم وقالت بحب وهي تاخذ فيصل :-هذولا عيالي وعيالك توام يوم سافرت كنت حامل
مو مستوعب شي للآن ..حتى يده وهو يمسك محمد بيشيله ترجف ..
راكان :-عيالي
دانه :-ايه
راكان :-يعني انا ابوهم
دانه بين دموعها وضحكاتها :-هههههههه ايه ابوهم ..
ضمهم راكان ثنيناتهم مو مصدق انه ابو للحين ..
يالله كل شي تغير وتبدل ...
قال ابو خالد :-حمدلله على سلامتك ياولدي من كان يصدق قصتك
راكان :-سبحانه ربي مايعجزه شي
ابو سعود :-اهم شي رجعتك سالم
ووقفوا عمان دانه وناصر واحمد وسعود وطلعوا ..
مسك راكان ناصر قبل لا يطلع :-مشكور على كل شي
ناصر بابتسامه :-الي سويته ولاشي قدام الي سويته معي
راكان بتقدير :-عز الله انك رجال من ظهر رجال
ابتسم ناصر :-ماعليك زود يبو فيصل اهم شي ماتزعل من شيابنا تعرف انت استبداديتهم
راكان صح مقهور بس مو من طبعه التهور بالاحكام :-ماعليه انتهى كل شي الحين الله يوفقك ان شاء الله
ناصر :-آمين
كان الوقت قرابة عشر باليل ..
وكالعاده نامن امهاته ..طلع غرفته وقلبه يرجف ياترى تغيرت يادانه ولا لا
فتح باب الجناح ..
صدمة عمره..
ولا كنه غاب يوم ولا كنه غاب سنه ونص !
الصور بمكانها ..ملابسه عطوراته اشمغته معلقه كل شي كل شي ...
قالت له بهمس :-من يقول البعد يبعد القلوب كذاب
التفت يمها حبيبة قلبه ام عياله رفيقة دربه
قال وهو يجلس عندها ويضم ايدينها ويحبها اصبع اصبع :-سامحيني على كل العناء الي سببته لك
قالت بهمس ودموعها تلمع كانها حبات الماس :-ماسببت الي الا كل خير يكفي وجود فيصل ومحمد بحياتي ..
ابتسم بمحبه صادقه :-عمرك سمعتي عن صدمه حلوه
دانه :-ههههههههههههههههههه
رجعت تبكي وتمسح دموعها ..وخر يدينها ومسحها لها :-ليه الدموع
قالت وهي تتأمله تبي تشبع عينها من طلته الي انحرمت منها ، من خبث عيونه.. ابتسامته ..تعبيراته.. كل شي كل شي :-ابكي من فرحتي لأني اول مره طول بعادك اضحك من كل قلبي
راكان بهمس :-عسى الافراح ماتفارقك دوم
دانه :-بوجودك جنبي سند لي وحامي انا بخير
ضمها واستكانت لصدره ..
قال بيغير مود هالجو الكئيب :-اقول يادانه بعين راكانك..
دانه بابتسامه من القلب :-آمـر
راكان :-وش هالحلا الزايد
حمر وجهها
قال يستهبل :-ترفقي
كشرت:- شسويت
راكان :-لاتسبلين بعيونك
دانه :-هههههههههههههههههههه
راكان :-احذرك مو من صالحك
همست بدلع :-احلف
راكان بملامح عناد :-تتحدين
دانه وهي تغمز :-ايه
*_^
*
انتشر خبر رجعه راكان في العايله وكانت صدمه عظيمه ..
قد سمعتوا بميت يعود!!!!
اذا لا فالجواب (ان الله على كل شي قدير)
عمت الافراح بيوتهم ...
واخيرا استقرت النفوس واستكانت ..الحياه دولاب يتقلب على بني آدم ..
لكن والى هنا نوقف ..
صفت القلوب وعادت لاوطانها ...
ونال الخبيثين جزاءهم .. وربي يرحمهم برحمته من عذاب الاخره لأنه اقسى وادهى ..
عشنا قصص حب كثيره ..من واقعنا ومن حياتنا ..
لكننا تعمقنا في اسرار هذي العلاقه الساميه ..اسمى العلاقات بين البشر
&علاقة حبيبين تحت اطار الزواج&
وتشاركنا في كل دمعة حزن وبسمة فرح ..مرت في احداث القصه
بنشتاق لابطالنا ...فردآ فردآ ..
راح نشتاق ..
للاضداد دانه وراكان ..لو نرجع ورى نتذكر مأساة دانه الي تزوجت من شخص مايستحقها وعينه مايملاها الا التراب دمرها وزعزع ثقتها لكن هنا تلعب الاخوه والمحبه والصداقه الحسنه لعبتها عقلتها هنادي وخلتها اخيرا تتحرر من مجاهل هالتجربه القاسيه ، ونتذكر اعتراضات راكان عليها ورفضه للزواج ..لكنه سلم بالواقع وتزوجتها ..
شوي شوي..جذبته كشكلا ..وخلته يحبها بكل جوارحه كانسانه ارق من نسمة الهوا واقسى من الالماس ..
نتعلم ان مو من تجربه وحده تنتهي الحياه..
جمعهم عامل مشترك..تجارب سابقه نتيجتها الخيانه ..
ومنهم نتعلم اصول الحب والتضحيه والثقه بين أهل الثقه..
صانت بيتها واهله في غيابه ونظرته وثقته لما سلمها حلاله ماراحت هدر ...
ومن قال ان الحب يموت لا ..الحب الحقيقي خالد!
×
راح نشتاق للارادات الصلبه سعاد واحمد..
البدايه كانت سوء ظن..تطور الأمر ووصل لمرحلة الألم والتحدي ..
لكن في النهايه الحب يغلب والكبر يجي له يوم وينكسر للتواضع
×
راح نشتاق للمغلوب على امرهم سعود والماسته
الحياه ماتكتمل ..جمعهم زواج تقليدي فجر بينهم مشاعر الحب اللامحدود..
يقولون صعب الرجال يكون وفي لزوجته لو كانت عاقر.. واقول لهم ليش؟.. لا ليش نخلي الخونه مقياسنا لكل شي ..
وعندنا سعود والماس الي مر عليهم مامر على احد ومع كذا صمدوا وكافحوا ..
وتكللت حياتهم بالشي الوحيد الي كان ناقصها (ناصر)
×
راح نشتاق لهنادي المرجوجه ومحمد الوفي ..
نعم الصديق والاخ واذا تبون تعرفون معنى الصداقه.. احسن مثال محمد
×
راح نشتاق ..
لرنا وصاحب الصوت العذب فهد ههههههه
تزوجها شفقه ونخوه ..والحين
يحمد ربه مليون مره انه رحوم ههههههههههههه لأنه لولا رحمته ماتزوج نظر عيونه رنا ..
رنا ماكانت تحلم تعيش بسعاده عقب الي شافته لكن الله كريم وماضاقت الافرجت
×
راح نشتاق لامهات راكان
مصدر ابتساماتنا
راح نشتاق
لقمر وسلطان
العاشق الهيمان وحبيبته الي حبته زود و زود وهي تشوف غلاها شكثر عنده
خالد وايمان
حب يمين ويسار لكن النصيب مايعلم به الا الله
راح نشتاق..
لطلال ومنال والي زواجهم عقب كم سنه بينما يكون نفسه وتتخرج من الكليه ..
راح نشتاق لناصر ...
الله اكبر ياعيونن ناظرني..ساحرات ناعسات فاتناتي
طاح في الحب من نظره واقسم مايخونه فيوم يمكن يكون انظلم لكنه راضي وقانع وان تزوج يوم وانا اقول لو بيتزوج عشان يجيه عيال يشيلون اسمه ولا القلب اوصد ابوابه عقب دانه ..
×
وراح نشتاق لشيابنا راعين الاكشنات بالقصه هههههههه
×
وطبعا ماراح نشتاق لام احمد الي تحت رعاية احمد وزوجته وسبحان الله الجبروت له حد وينتهي وطيحتها كانت قويه اسئتي معاملة الناس واهنتي الامانات الي بين يديك وفرطتي فيها والحين ذوقي جزاء افعالك
×
ماراح نشتاق لساره الي صارت ذليله وهي تحت نظر خوالها فقدتي كل شي بطيشك
فقدتي الستر وفقدتي امكانيه الامومه ..
هذي نهايتك وخلي السفور ينفعك الحين
×
ابو سعد & ابو علي & بدر
الموت ..تردي الحال نوعا ما .. السجن
هذا جزاء من حاول يآكل اموال الناس بالحرام ويقطع بارحامه ويمهل ولايهمل
×
نوف خسرتي احترام اهلك لك ..
لكن الرسول صلى الله عليه وسلم قال (ان الله يقبل توبة العبد مالم يغرغر)
انتي اخذتي جزاء افعالك بالي صار لك والضربه الي ماتقتل تقوي..
تبتي وجازاك ربي خير تزوجتي انسان متدين خلوق وعادل اغناك عن الكل وعلمك معنى الحب والعشره الطيبه
×

وهنا
وصلت
لمني بشوق واحضني..بعادك عني بعثرني
لنهايتها ...
وتنتهي الكلمات لكن قلوب ابطالنا نابضه والحب يبقى !

الكاتبه/ أميرة الورد25
1/9/1427 هـ








rwi lk Hv,u hgrww ( glkd fa,r ,pqkd )




 توقيع : 3soola

أختر الحل الصعب يا تفارق يا تحب

رد مع اقتباس
قديم 06-08-2009, 08:38 PM   #2
q8_afte7'er
عضوة صعب اننا نوصفها


الصورة الرمزية q8_afte7'er
q8_afte7'er غير متواجد حالياً

بيانات اضافيه [ + ]
 رقم العضوية : 533
 تاريخ التسجيل :  Jun 2009
 أخر زيارة : 01-09-2012 (01:01 AM)
 المشاركات : 2,011 [ + ]
 التقييم :  99
 الدولهـ
Kuwait
 الجنس ~
Female
 MMS ~
MMS ~
لوني المفضل : Blueviolet


يسلموووووووووووووووووووووووووووووووووووووووووووووو وووووووووو


 

رد مع اقتباس
قديم 06-09-2009, 03:20 AM   #3
« Jαραηєz gιяℓ ●
عضوة صعب اننا نوصفها


الصورة الرمزية « Jαραηєz gιяℓ ●
« Jαραηєz gιяℓ ● غير متواجد حالياً

بيانات اضافيه [ + ]
 رقم العضوية : 253
 تاريخ التسجيل :  May 2009
 أخر زيارة : 07-15-2014 (06:36 AM)
 المشاركات : 4,809 [ + ]
 التقييم :  59
لوني المفضل : Cadetblue


نقرتين لعرض الصورة في صفحة مستقلة

تشكرآآت خيتو يعطيج آلف عآفيه

نقرتين لعرض الصورة في صفحة مستقلة


 
 توقيع : « Jαραηєz gιяℓ ●

نقرتين لعرض الصورة في صفحة مستقلة


رد مع اقتباس
قديم 06-13-2009, 12:54 AM   #4
هـآدي القحـطـآنـي
عضو نشيط


الصورة الرمزية هـآدي القحـطـآنـي
هـآدي القحـطـآنـي غير متواجد حالياً

بيانات اضافيه [ + ]
 رقم العضوية : 611
 تاريخ التسجيل :  Jun 2009
 أخر زيارة : 06-20-2009 (11:18 PM)
 المشاركات : 43 [ + ]
 التقييم :  10
لوني المفضل : Cadetblue


والله قريت نصها وابي ابكي شسالفه كل هذي قصه والله احس اتعذب وانا اقراها

مشكوووووره علىا القصه الصغييييره حييل

وتحيييااااتي


 
 توقيع : هـآدي القحـطـآنـي

نقرتين لعرض الصورة في صفحة مستقلة


رد مع اقتباس
إضافة رد

مواقع النشر (المفضلة)

روابط دعائية
سبحان الله وبحمدة ,, سبحان الله العظيم

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:52 PM.

تصميم : بدر ديزاين

لعروض الاعلان بترايدنت


 

 

Powered by vBulletin® Version 3.8.7
أقسام المنتدي هنا أقسام المنتدي هنا أقسام المنتدي هنا أقسام المنتدي هنا
تسريحات 2012   - مكياج 2012 كلية الدراسات التجارية بيت القصيد بنات الكويت مول
ازياء 2012   - اكسسوارات 2012 كلية التربية الاساسية خواطر واشعار معارض ومشاغل نسائية
منتدى حوامل النسائية منتدى مدرستي الكويتية قصص وروايات منتدى تفسير الاحلام - تفسير الاحلام
الحياة الزوجية    - تجهيزات العروس منتدى المعلمين منتدى الروايات الكاملة اسلاميات - مواضيع عامة
مصممات كويتيات  - ازياء كويتية 2012 العناية بالبشرة والجسم منتدى جامعة الكويت مناقشات جادة
رواية بنات الثانوية كاملة بنات الثانوية    بنات الثانوية الحوادث والجرائم
منتديات نسائية منتدى كويتيات  كويتيات دولة الكويت 
شات   - واتساب   - بلاك بيري  شات الكويت   - توبيكات 2012 للبيع سيارات بالكويت دردشه صوتيه
المواضيع والتعليقات المنشورة لا تعبر عن رأي منتديات بنات الكويت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)